Вольныя паштоўкі / Freedom Postcards

Адкрыты ліст беларусаў і беларусак да палітзняволеных

2023-05-25T09:09:27.289Z

Гэты ліст сумесна напісалі падпісанты ініцыятывы «Вольныя паштоўкі» у рамках марафона салідарнасці да Дня палітвязня. Вы можаце раздрукаваць гэты тэкст і даслаць яго палітзняволеным, якіх хочаце падтрымаць.

Прывітанне!

На вуліцы ўжо напоўніцу адчуваецца надыходзячае лета. Прыгожа і пахуча квітнее бэз, гучна шчабечуць птушкі. Паветра поўніцца парасончыкамі дзьмухаўцоў, раніцы пачынаюцца з абдымкаў сонечных прамянёў, а бабулі ў пераходах гандлююць букецікамі першых ландышаў.

Нягледзячы на такое надвор’е, часам жыццё здаецца шэрым і сумным, а будучыня – незразумелай і страшнай. Але добрых людзей больш, і яны рухаюць свет наперад! Мы не заўсёды гэта заўважаем, бо нашая псіхіка больш увагі звяртае на дрэнныя навіны.

Дарэчы, у ЗША Рэбэка Пэтэрсан стала настаўніцай года за традыцыю пачынаць урок з адной добрай навіны, якая адбылася ў свеце. І мы вырашылі падзяліцца з вамі добрымі здарэннямі. Пра іх не заўсёды расказваюць, але яны паступова змяняюць наш свет у лепшы бок.

Напрыклад, вучоныя ў Амерыцы знайшлі рэчыва, якое дапамагае лячыць рак мозга. Яму яшчэ трэба прайсці вопыты – але гэта ўжо вялікі прагрэс! І вучоныя па ўсім свеце працягваюць працаваць над лекамі для розных захворванняў.

Агулам навука не стаіць на месцы.

Напрыклад, адна камерцыйная кампанія запусціла ў космас самую моцную ракету ў гісторыі. Запуск пакуль не паспяховы, але гэта вялікі прарыў.
А ў Альпах знайшлі мікробаў, якія ядуць пластык, і гэта можа дапамагчы з праблемай смецця.
Яшчэ прыродзе дапаможа досвед Швецыі: там зрабілі дарогу, якая зараджае электрамабілі, пакуль яны едуць.
А гісторыі і тэхналогіям дапаможа вось што: нядаўна спецыялісты правялі поўнае лічбавае сканаванне Тытаніка, які ляжыць на глыбіні 3800 м у Атлантычным акіяне. Магчыма, хутка будуць вядомыя новыя падрабязнасці трагедыі.

Некаторыя добрыя навіны – гэта «адмененыя» дрэнныя. Напрыклад, у Аўстраліі качкадзюбы вярнуліся ў нацыянальны парк, адкуль зніклі некалькі дзесяцігоддзяў таму. Цудоўна ж, так?

А іншыя навіны… знаёмыя. Шведская спявачка Ларын перамагла на «Еўрабачанні» – які зараз год? 2012? Не, 2023! Ларын стала першай жанчынай, якая двойчы перамагла на гэтым конкурсе. А яшчэ гледачам вельмі спадабаўся выступ фінаў.

Кожны дзень прыносіць добрыя навіны для кагосьці.

У Грэцыі вось сотні пляжаў адаптавалі для вазочнікаў – зараз там зможа адпачываць больш людзей.
У Брытаніі 105-гадоваму брытанцу, у якога не засталося родных, даслалі 3000 паштовак на дзень нараджэння!
А адзін з найлепшых айчынных музычных калектываў «Петля пристрастия» выпусціў сінгл «Жыццё як жах» — першы для яго трэк, напісаны на беларускай мове.

Натхняе, праўда? Давайце памятаць, што добрыя навіны ёсць заўсёды, і «ўсё будзе добра» – гэта не проста фраза, а ўпэўненасць у тым, што мы разам зможам пераадолець любыя цяжкасці.

Your support for Belarus political prisoners

2023-01-10T08:27:43.237Z

Belarus has thousands of political prisoners. Held hostage in deplorable conditions, they need international solidarity. As a politician, representative of civil society, or a kind and caring person, you can demonstrate your solidarity in several ways.

Use your social media

International attention to Belarus is much needed. What you can do is tell your followers about the situation in Belarus. Share this guide and invite them to support Belarusians. Tag us on Instagram or Twitter.

Send letters to political prisoners

Rare meetings with lawyers and letters are the only ways for political prisoners to communicate with the outside world. In addition, letters are a message to the regime that every violation of human rights and liberties will be followed by the international community.

Sending letters is easy. In fact, Belarusian volunteers have made it even easier! There is an online platform that allows you to send letters without leaving your home & for free.

Dissidentby, in addition to maintaining a list of political prisoners and providing support to their families, allows you to send letters for free, too! Click Send a letter next to a prisoner’s name and write your message. You may check the boxes to share your letter with the prisoner’s family or share it publicly.
Regular mail is also an option! Remember, though, that only Belarusian and Russian are allowed, so use Google Translate and print your letter before sending it.

If you are unsure about what to write, check this guide from Viasna Human Rights Center. Remember to avoid discussing the political situation in Belarus or elsewhere, the circumstances of the investigation, or anything that may be regarded as “political.”

Donate to solidarity funds

BySol, A Country to Live in, and other foundations are well-trusted by Belarusians. They support the repressed by providing direct financial and material assistance. Dissidentby sends parcels with food, clothing, and hygiene products to political prisoners.

Become a prisoner's godparent

Are you a member of parliament in your country? Libereco invites you to take over the symbolic godparenthood of a prisoner. Hundreds have already become godparents to political prisoners in Belarus to be their voices and work for their release.

#StandwithBelarus

The new Belarus will be a country where human rights are respected, but now, people need your support. Thank you for your solidarity.

Sviatlana Tsikhanouskaya holding a postcard with her husband Siarhei's drawing

Навагодні ліст да палітзняволеных ❤️

2022-12-27T11:42:36.669Z

Гэты ліст падрыхтавалі падпісанты ініцыятывы Вольныя паштоўкі да палітзняволеных, каб павіншаваць іх з Новым годам. Вы можаце даслаць яго людзям, якіх хочаце падтрымаць у гэты святочны час.

Вольная паштоўка з малюнкам Ціхана Осіпава

Дарагія нашы, найлепшыя, найгераічнейшыя людзі Беларусі! Любім вас, захапляемся вамі. Час спыніўся, а жыццё стала на паўзу ў самым жудасным сваім моманце. Без вас тут пуста, халодна і самотна.

Ведаем, што лісты і паштоўкі не заўсёды добра даходзяць да вас, але будзьце ўпэўненыя, што пра вас памятаюць, турбуюцца за вас, вам піша шмат людзей. Думаем пра вас штодня, дарагія нашыя. Дзякуй за вашую смеласць і чысціню, за тое, што застаецеся сабой.

Ад усяго сэрца мы зычым вам моцнага здароўя, веры і надзеі ў лепшае. Мы зычым вам, каб галоўнае, пра што марыцца, як мага хутчэй здзейснілася. Каб побач былі родныя, дарагія сэрцу людзі, а не халодныя сцены. Каб не страцілі бадзёрасць духу і веру ў чалавецтва. Каб на вуснах заўсёды была ўсмешка, а на душы спакой.

Няхай Дзед Мароз прынясе кожнаму хаця б маленькі, але па-сапраўднаму чароўны цуд. Няхай 2023 будзе лепшым за 2022 і здзяйсняе вашыя мары: ад незаўважных дробязяў – да вялікіх жаданняў. Мужнасці, цярпення і разважлівасці вам у такія цяжкія часы.

Хоць многія з нас не маюць каляднага настрою, мы хочам, каб яго мелі вы. Няхай хоць на хвіліну, на імгненне вам стане цяплей і святлей.

Сталіца робіцца ўсё прыгажэй, а хутка, магчыма, мы пабачым падарункі, пра якія марылі. Паверце, што снегу па калена, а дзіцячых усмешак яшчэ больш. Знайдзіце ў сабе схаваны кавалачак чараўніцтва, іскрысты снег і лапкі ігліцы, звон куфляў і смак шакаладу.

Не хварэйце ў гэты сцюдзёны час. З Бразіліі вам шлюць промні паўднёвага сонца, каб грэла ў любыя маразы, і пяшчотны подых марскіх хваляў, каб змякчалі паветра! З Фінляндыі вам шлюць навагоднюю казку. З усёй Беларусі, з усяго свету вам шлюць словы падтрымкі і пяшчоты.

Радасных і прыгожых святаў Божага нараджэння і Новага года! Жадаем любові, дзякуючы якой усё стане простым. Надзеі, дзякуючы якой усё атрымаецца. Веры, дзякуючы якой усё будзе магчымым. Няхай жа святло заўсёды пераважае над цемрай.

З надыходзячымі святамі, шаноўныя! Мы разам. Тое, у што вы верыце і чаго чакаеце ўсёй душой і ўсім сэрцам, абавязкова збудзецца.

З Новым годам і Раством!