A.Orınbaev

AKCIYA

2020-03-11T13:43:24.234Z

Programma jaratıń hám 29 balldı qolǵa kiritiń!

Tómendegi kórsetilgen programmalardan qálegen birewin jaratıń hám laboratoriya ushın beriletuǵın 30 balldan 29 balldı qolǵa kiritiń hám semester aqırına shekem laboratoriya tapsırmaysız.

Programmalar dizimi:

1.Test programma

Minimum talaplar:

sorawlar (MS word) fayllardan oqıtılıwı kerek;
sorawlar ushın waqıt (1 soraw ushın yamasa ulıwma sorawlarǵa);
sazlaw (nastroyka) bólimi bolıwı;
tarmaq arqalı isley alıwı;
sorawlardı almastıra alıwı;
maǵlıwmatlar bazası menen isley alıwı;
qolay interfeyske iye bolıwı;

2. Mektepte ótiletuǵın pánler ushın oyın programmasın islep shıǵıw

Minimum talaplar:

fayllar sırttan oqıtılıwı kerek;
sazlaw (nastroyka) bólimi bolıwı;
qolay hám sulıw interfeyske iye bolıwı;
oqıtıwshılar jumısın avtomatlastırıwı;
oqıwshılar ushın programmadan paydalanıw qızıqlı bolıwı;

3. Qandayda bir jumıstı avtomatlastırıwshı, búgingi kún ushın zárúr proekt

Minimum talaplar:

belgili bir tarawdaǵı qániygeler jumısın avtomatlastırıwı;
programma tolıq bolmasada, máseleni sheshiw algoritminiń bolıwı;
proektti islew ushın sol tarawdaǵı maǵlıwmatlarǵa iye bolıw;
qolay hám sulıw interfeyske iye bolıw;

Akciya haqqında keyinrek tolıq video taslayman…

Baylanıs ushın: Aymurat Orınbaev

Programmalastırıw

Qatardaǵı sanlar

2019-12-18T15:54:45.229Z

Máseleniń qoyılıwı:

Qandayda bir tekst berilgen. Usı tekst ishinde pútin sanlarda bar. Usı sanlar arasınan eń úlkenin hám eń kishisin anıqlawshı programma dúziń. Eger tekst ishinde heshqanday san bolmasa, nátiyjege 0 shıqsın. Mısalı, Kiriwshi: “2019-jıl 20-dekabrden 2020-jıl 6-yanvarǵa shekem dem alıs”. Shıǵıwshı: 2020 6

Sheshiliwi:

Qatardıń hár bir simvolın tekserip shıǵamız. Eger qatar simvolları arasında cifr bolsa, onı taza qatarǵa menshiklep alamız hám sanǵa aylandırıp massivke menshikleymiz. Massiv elementleri qatardaǵı sanlardan ibarat boladı. Olar ishinen maksimum hám minimumın tabamız.

Realizaciya:

Tiykarǵı klass

Klass

Baylanıs ushın: Aymurat Orınbaev

Programmalastırıw

Өз-бетинше жумыслары

2019-11-05T12:39:34.038Z

1. Талаплар:

Ҳәр бир өзбетинше жумыс 25 беттен кем болмаўы, ишинде "Кирисиў", "Жуўмақлаў", "Пайдаланылған әдебиятлар дизими" ҳәм темаға тийисли "программа кодлары" келтирилиўи керек. Сондай-ақ, өз-бетинше жумыс пенен бирге, сол өз-бетинше жусмыстың мазмунын ашып бериў ушын, 10 слайдтан кем болмаған презентацияныда қосып тапсырасыз. Өз-бетинше жумыслары қағаз ҳәм электрон вариантта болыўы керек. Қағаз варианттағы өз-бетинше жумыслары переплёт исленген ҳалда тапсырылады.

2. Өз-бетинше жумысларының бөлистирилиўи:

2-КИ (сыртқы):

2-Тел (сыртқы):

3. Баҳалаў критериялары

Өз-бетинше жумысты баҳалаў төмендегише:

Тема мазмуны толық ашып берилген, 25 беттен кем болмаған, орфографиялық ҳәм грамматикалық қателери жоқ, программа кодлары келтирилген, презентация исленген хәм сол презентация арқалы өз-бетинше жумысы темасы толық түсиндирилип берилсе – 46-50 балл.
Тема мазмуны толық ашып берилген, 25 беттен кем болмаған, айырым орфографиялық ҳәм грамматикалық қателери бар, программа кодлары аз келтирилген, презентация исленген хәм сол презентация арқалы өз-бетинше жумысы темасы толық түсиндирилип берилсе – 41-45 балл.
Тема мазмуны ашып берилген, 25 беттен кем болмаған, орфографиялық ҳәм грамматикалық қателери бар, программа кодлары аз келтирилген, презентация исленген хәм сол презентация арқалы өз-бетинше жумысы темасы шала түсиндирилип берилсе – 36-40 балл.
Тема мазмуны ашып берилген, 25 беттен кем болмаған, орфографиялық ҳәм грамматикалық қателери бар, программа кодлары жүда аз келтирилген, презентация шала исленген хәм сол презентация арқалы өз-бетинше жумысы темасы шала түсиндирилип берилсе – 30-35 балл.
Тема мазмуны ашып берилмеген, басқа темағы өтип кетилген, 25 беттен кем, орфографиялық ҳәм грамматикалық қателери жүдә көп, программа кодлары келтирилмеген, презентация исленбеген – 0-29 балл.

Байланыс ушын: Аймурат Орынбаев

Программаластырыў

Өз-бетинше жумыслары

2019-11-05T12:09:26.929Z

1. Талаплар:

2. Өз-бетинше жумысларының бөлистирилиўи:

2-КИ (сыртқы):

2-КИ (сыртқы)

2-Тел (сыртқы):

2-Тел (сыртқы)

3. Баҳалаў критериялары

Өз-бетинше жумысты баҳалаў төмендегише:

Тема мазмуны толық ашып берилген, 25 беттен кем болмаған, орфографиялық ҳәм грамматикалық қателери жоқ, программа кодлары келтирилген, презентация исленген хәм сол презентация арқалы өз-бетинше жумысы темасы толық түсиндирилип берилсе – 46-50 балл.
Тема мазмуны толық ашып берилген, 25 беттен кем болмаған, айырым орфографиялық ҳәм грамматикалық қателери бар, программа кодлары аз келтирилген, презентация исленген хәм сол презентация арқалы өз-бетинше жумысы темасы толық түсиндирилип берилсе – 41-45 балл.
Тема мазмуны ашып берилген, 25 беттен кем болмаған, орфографиялық ҳәм грамматикалық қателери бар, программа кодлары аз келтирилген, презентация исленген хәм сол презентация арқалы өз-бетинше жумысы темасы шала түсиндирилип берилсе – 36-40 балл.
Тема мазмуны ашып берилген, 25 беттен кем болмаған, орфографиялық ҳәм грамматикалық қателери бар, программа кодлары жүда аз келтирилген, презентация шала исленген хәм сол презентация арқалы өз-бетинше жумысы темасы шала түсиндирилип берилсе – 30-35 балл.
Тема мазмуны ашып берилмеген, басқа темағы өтип кетилген, 25 беттен кем, орфографиялық ҳәм грамматикалық қателери жүдә көп, программа кодлары келтирилмеген, презентация исленбеген – 0-29 балл.

Байланыс ушын: Аймурат Орынбаев

Программаластырыў

8-laboratoriya jumısınıń bólistiriliwi

2019-10-21T18:52:53.487Z

8 – laboratoriya jumısı teması: “while hám do-while operatorları”

Tapsırıw sánesi:

Laboratoriya jumısınıń berilgen sánesi: 21.10.2019 j
Laboratoriya jumısınıń tapsırıw sánesi: 02.11.2019 j

Eskertiw!

8-laboratoriya jumısında berilgen másele 2 usılda isleniwi kerek. Birinshisinde while operatorınan, ekinshisinde do-while operatorınan paydalanıp programması dúziliwi kerek. Hár bir oqıwshı tek ǵana ózine tiyisli bolǵan máseleni islewi shárt. Eger basqa laboratoriya jumısın tapsırmaqshı bolsańız "avtomat" 0 ball qoyıladı!
Tayarlaǵan laboratoriya jumıslarıńızdıń elektron variantların alıp qoyıń. Laboratoriya jumıslarında orfografiyalıq qáte bolmasın (a’, o’, i, u’, n’, g’ háripleri ornına á, ó, ı, ú, ń, ǵ háriplerinen paydalanıń).

8-laboratoriya jumısınıń bólistiriliwi:

Kimge laboratoriya jumısı bólistirilmey qalǵan bolsa yamasa másele shártleri túsiniksiz bolsa xabar bersin!

Baylanıs ushın: Aymurat Orınbaev

Programmalastırıw

Cikl operatorına baylanıslı esaplar

2019-10-19T14:15:25.746Z

N pútin sanı berilgen (0<=N<=10^18). Usı sannıń neshe xanalı ekenligin hám cifrlarınıń qosındısın tabıwshı programma dúziń.
a hám b pútin sanları berilgen (a,b>0, a<b). Usı [a,b] aralıǵındaǵı barlıq ápiwayı sanlardı anıqlawshı programma dúziń.
N pútin sanı berilgen (0<=N<=10^1000). Usı sannıń cifrların keri tártipte jazıwshı programma dúziń (Kiriwshi: 12, Shıǵıwshı: 21).

Sheshiliwi:

1. Sannıń neshe xanalı ekenligin tabıw ushın yamasa cifrlarınıń qosındısın tabıw ushın onıń cifrların aqırınan baslap bólip alıw kerek boladı. Bólip alıw ushın qaldıqlı bóliw (n%10) hám pútinli bóliwden (n/10) paydalanamız. Neshe xanalı ekenligi belgisiz bolǵanlıqtan, sandı 0 bolǵanǵa shekem bóliwde hám qaldıqlı bóliwde dawam etemiz.

Realizaciya:

2. Ápiwayı sanlar tek ǵana 1 ge hám ózine qaldıqsız bólinetuǵın sanlar (2,3,5,7,11,…). Sandı ápiwayılıqqa tekseriw ushın onı 2 den baslap, sqrt(n) ge shekem bóliw jetkilikli. Eger usı aralıqta heshbir sanǵa qaldıqsız bólinbese, demek ápiwayı san esaplanadı. Esaptı shıǵarıw ushın 2 cikl operatorınan paydalanamız. Birinshisi [a,b] aralıqtaǵı sanlardıń bárin tekseriw ushıń, ekinshisi 2 den sqrt(n) ge shekemgi sanlarǵa bóliw ushın.

Realizaciya:

3. Bul máseleni cikl operatorınan paydalanıp, cifrların bólip alıp islewge boladı. Biraqta másele shártinde 10^1000 dárejesine shekemgi sanlardı islew kerek. Bul bolsa, heshbir sanlı maǵlıwmat tipine sıymaydı. Sonlıqtan, qatarlardan paydalanıp kiritemiz. Kerisine aylandırıw ushın reverse() metodınan paydalanamız.

Realizaciya:

Baylanıs ushın: Aymurat Orınbaev

Programmalastırıw

while hám do-while operatorlarına mısallar

2019-10-17T17:30:33.445Z

1-Mısal:

a hám b pútin sanları berilgen. Usı sanlardıń eń úlken ulıwma bóliwshisin anıqlawshı programma dúziń.

Sheshiliwi:

eki sannıń eń úlken ulıwma bóliwshisin tabıwdıń Evklid algoritminen paydalanamız. Evklid algoritmi tómendegishe:

1. a hám b ni kiritiw;
2. a teń b bolsa, onda 6-adımǵa ótilsin;
3. eger a>b bolsa, onda a=a-b;
4. eger a<b bolsa, onda b=b-a;
5. 2 adımǵa ótilsin;
6. a nıń mánisi juwapqa shıǵarılsın.

Algoritmdi túsiniw ushın ózlerińiz esaplap kóriń

Realizaciya:

Java tilinde programması

2-Mısal:

n pútin sanı berilgen (n>1). n sanın Fibonachchi sanları arasında bar yamasa joqlıǵın anıqlawshı programma dúzilsin. Fibonachchi sanları tómendegishe nızamlılıq boyınsha tabıladı (Fibonachchi sanları: 1, 1, 2, 3, 5, 8, 13, 21, 34, 55, ...):

Sheshiliwi:

Joqarıda kórgenińizdey Fibonachchi sanı aldınǵı eki sannıń qosındısına teń boladı. Biz algoritmde n sanına shekemgi barlıq Fibonachchi sanların cikl operatorı járdeminde tawamız. Eger Fibonachchi sanı n sanınan artıp ketse yamasa teń bolsa, cikldan shıǵamız hám shárt tekseremiz. Eger n sanı Fibonachchi sanına teń bolsa, demek Fibonachchi sanları arasında bar, al keri jaǵdayda joq ekenligi haqqında xabar beremiz. Bunda dáslep ámel orınlap, keyin shárt teksergenlikten do-while cikl operatorınan paydalanamız.

Realizaciya:

Java tilinde programması

Baylanıs ushın: Aymurat Orınbaev

Programmalastırıw

switch operatorı

2019-10-15T15:00:15.578Z

switch tańlaw operatorı bolıp, qandayda bir ózgeriwshiniń bir neshe mániske iye bolatuǵın variantları bolsa, hám sol variantlardıń birewine teń bolǵanda, qandayda bir ámel orınlanıw kerekligin kórsetedi.

1-Mısal.

N pútin sanı berilgen. Eger n=1 bolsa, onda n niń mánisi 2 ge arttırılsın, n=2 bolsa onda 2 ge kóbeytirilsin, n=3 bolsa onda kvadrat dárejege kóterilsin. Basqa jaǵdaylarda "qátelik" degen xabar shıqsın.

Sheshiliwi:

Demek, N sanı 3 mánistiń birewine teń bolıwı múmkin hám sol teń bolǵan jaǵdayda qandayda bir tiyisli ámel orınlanadı. Bunda programmada 3 case, basqa jaǵdaylar ushın 1 default boladı.

Realizaciya:

java tilinde

2-Mısal.

4 variantlı java tili operatorlarına "spravochnik" jaratıń. Bunda qaysı operatordı paydalanıwshı saylasa, usı operator haqqında maǵlıwmat bolsın.

Sheshiliwi:

Demek, variantlardı A,B,C,D háriplerinen jaratamız hám bul háriplerdi kiritiw ushın char tipinen paydalanamız. Bunda char tipinde kiritilgen ózgeriwshiniń 4 variantı bar. Sonlıqtan, programmada 4 case ten hám basqa hárip kiritlse xabar beriw ushın default operatorınan paydalanamız.

Realizaciya:

Java tilinde

Biraq paydalanıwshı úlken yamasa kishi háripti kiritiwi belgisiz. Egerde paydalanıwshı kishi háripti kiritse, onda default operatorı orınlanıp “A,B,C,D variantlardan birewin saylań” xabarın shıǵaradı. Sonlıqtan, bunıda esapqa alǵan halda 1 háriptiń úlkeni hám kishkenesi ushın 2 case paydalanamız. Yaǵnıy, programmada 8 case hám basqa hárip kiritilse xabar beriw ushın default boladı.

Realizaciya:

java tilinde

Programmanı elede jetilistireyik. Yaǵnıy, paydalanıwshı A, a, B, b, C, c, D, d háriplerin emes, al operatordıń ózinde bilmesten jazıwı múmkin (if, switch, for, while). Usı jaǵdaydı da esapqa alıw kerek. Bunday jaǵdayda kiritiliwshi ózgeriwshi (variant) bir belgi emes, birneshe belgilerden turadı, yaǵnıy qatardan. Onda ózgeriwshini String etip alǵan maqsetke muwapıq boladı.

Realizaciya:

Java tilinde

Derlik programmadaǵı múmkin bolǵan qáteliklerdiń aldın aldıq. Biraq if, switch, for, while sózlerin, paydalanıwshı bas háripte kiritse yamasa háriplerdiń hámmesin úlken háriplerde jazsa (Mısalı, switch emes Switch yamsa SWITCH) programmada default operatorı orınlanıp ketedi. Olardı da esapqa almaqshı bolsańız, toUpperCase() yamasa toLowerCase() metodı arqalı hámmesin úlken yamasa kishi háripke aylandırıp teksersek, onıń da aldın alǵan bolamız.

Realizaciya:

Java tilinde

Endi programmamız kóp talaplarǵa juwap beredi. Paydalanıwshınıń kiritiwi múmkin bolǵan variantlarınıń derlik hámmesin esapqa aldıq. Jaqsı programmist hárdayim paydalanıwshını oylawı, oǵan qolaylılıqlar jaratıwı, programmadaǵı qáteliklerdi joq etiwi kerek. Joqarıdaǵı programmaǵa jáne qanday qosımsha qolaylılıqlar kiritiw múmkin ekenligin kommentariyada pikir bildiseńiz yamasa ózińiz islep elede jetilistirseńiz qattı quwanıshlı bolar edim))

Menimshe switch operatorın túsinip alıw ushın joqarıdaǵı mısallar jeterli dep oylayman. Qalǵanı ózińizdiń logikańızǵa hám algoritm dúze alıw qabiliyetińizge baylanıslı

Baylanıs ushın: Aymurat Orınbaev

Programmalastırıw

6 hám 7-laboratoriya jumıslarınıń bólistiriliwi

2019-10-13T20:05:34.192Z

Laboratoriya jumısları temaları:

6 – laboratoriya jumısı teması: “switch operatorı”
7 – laboratoriya jumısı teması: “Simvollı maǵlıwmatlar tipi. String tipi. Qatarlar ústinde ámeller”

Tapsırıw sánesi:

Laboratoriya jumısınıń berilgen sánesi: 14.10.2019 j
Laboratoriya jumısınıń tapsırıw sánesi: 19.10.2019 j

Eskertiw!

6-laboratoriya jumısında 4 másele berilgen bolıp, bu hámmege tiyisli. Yaǵnıy hárbir oqıwshı usı 4 máseleni shıǵaradı (birew-birewinen kóshirmegen halda). 7-laboratoriya jumısında bir oqıwshı ushın tek 1 máseleden berilgen hám hárbir oqıwshı tek ǵana ózine tiyisli bolǵan máseleni islewi shárt. Eger basqa laboratoriya jumısın tapsırmaqshı bolsańız "avtomat" 0 ball qoyıladı!
Bunnan keyingi barlıq laboratoriya jumısları MS Word programmasında jazılıp tapsırıladı. Heshbir jeri qolda jazılmasın. Tayarlaǵan laboratoriya jumıslarıńızdıń elektron variantların alıp qoyıń. Laboratoriya jumıslarında orfografiyalıq qáte bolmasın (a’, o’, i, u’, n’, g’ háripleri ornına á, ó, ı, ú, ń, ǵ háriplerinen paydalanıń).

6-laboratoriya jumısınıń bólistiriliwi: Hámmege birdey 4 másele

7-laboratoriya jumısınıń bólistiriliwi:

7-lab

Kimge laboratoriya jumısı bólistirilmey qalǵan bolsa yamasa másele shártleri túsiniksiz bolsa xabar bersin!

Baylanıs ushın: Aymurat Orınbaev

Programmalastırıw

Másele №6

2019-10-13T17:42:49.870Z

Palindrom sózler-1

3 sózden ibarat bolǵan tekst berilgen. Usı teksttiń sózleri arasında palindrom sózler bar yamasa joqlıǵın anıqlań. Eger bar bolsa, palindrom sózlerdi juwapqa shıǵarıń, keri jaǵdayda joq ekenligi haqqında xabar berilsin. (Palindrom sózler shep táreptende, oń táreptende birdey oqılatuǵın sózler).
Programmada tákirarlaw operatorlarınan (for, while, do-while) paydalanılmasın!

Kiriwshi maǵlıwmatlar: ana bala dala

Shıǵıwshı maǵlıwmatlar: ana

Kiriwshi maǵlıwmatlar: kiyik nan qarabaraq

Shıǵıwshı maǵlıwmatlar: kiyik nan qarabaraq

Kiriwshi maǵlıwmatlar: java programmalastırıw tili

Shıǵıwshı maǵlıwmatlar: Palindrom sózler joq

Sheshiliwi:

- Dáslep bos qatardı járiyalaymız hám palindrom sózler bolsa, usı qatarǵa qosıp baramız. 3 sózdi tekserip bolǵannan soń usı qatardı tekseremiz. Eger bos bolmasa onda nátiyjege shıǵaramız. Sebebi, bos bomasa onda palindrom sózler boladı. Kerisinshe bos bolsa, onda palindrom sózler joq ekenligi haqqında xabar beremiz;

- Tekstte tek ǵana 3 sóz berilgen. Bul 3 sóz bir-birinen ajıratılıw ushın olar arasında 2 probel boladı. Demek usı 2 probel arqalı sózlerdi ajıratıp alamız. Onıń ushın probeller indeksin anıqlaw kerek boladı. 1-probeldi anıqlaw ushın String klassındaǵı indexOf(), 2-probeldi anıqlaw ushın lastIndexOf() metodlarınan paydalanamız;

- Sózlerdi qırqıp alıw ushın String klassındaǵı substring() metodınan paydalanamız. 1-sózdi qırqıp alıw ushın 0 simvoldan 1-probelge shekemgi simvollardı, 2-sózdı qırqıp alıw ushın 1-probelden keyingi simvoldan baslap 2-probelge deyingi simvollardı hám 3-sózdı qırqıp alıw ushın 2-probelden tekst aqırına shekemgi simvollardı substring() metodı arqalı qırqıp alamız;

- Qırqıp alınǵan sózdi palindromlıqqa tekseriw ushın, onı kerisinshe jazıp aldınǵısı menen salıstıramız. Eger teń bolsa palindrom boladı. Kerisinshe jazıw ushın reverse() metodı bar, biraq bul metod StringBuilder klassında bolǵanlıqtan, String degi qırqıp alınǵan sózdi StringBuilder ge ótkeremiz;

- Registrdi (úlken kishi háripti) esapqa almay salıstırıw ushın equalsIgnoreCase() metodınan paydalanamız. StringBuilderdi qaytadan String ge aylandırıw ushın toString() metodınan paydalanamız. Eger sóz palindrom bolsa, onda juwapqa usı sózdi shıǵaramız.

Ele metodlar ótilmegeni ushın dáslep metodlarsız islep kórsetemen.

Realizaciya:

rezultat №1

rezultat №2

rezultat №3

Joqarıda shárt tekseriw bóliminde bir algoritm 3 ret tákirarlanǵan. Ádette bunday jaǵdayda javada metodlardan paydalanıp islegen programma kodın azaytadı hám ıqsham kóriniske keltiredi. Tómende metod járedeminde isleniwi:

Baylanıs ushın: Aymurat Orınbaev

Programmalastırıw