HARBIY PROKURATURA

Оммавий сайёр қабуллар

2020-09-15T13:13:07.456Z

Ҳарбий прокуратура органлари томонидан ҳарбий хизматчилар ва уларнинг оила аъзолари ҳамда ҳарбий пенсионерлар муаммоларини ўрганиш ва ижобий ҳал қилиш мақсадида тизимли равишда оммавий сайёр қабуллар амалга ошириб келинмоқда.

Жумладан, Фарғона ҳарбий прокуратураси, Миллий гвардия Фарғона вилояти бошқармаси ва мутасадди ташкилотлар ҳамкорлигида сайёр қабул ташкил этилди.

Унда ҳарбий хизматчилар ва уларнинг оила аъзоларининг мурожаатлари тингланиб, асосий эътибор мурожаатларни жойида ижобий ҳал этишга қаратилди.

Шу каби сайёр қабул Андижон ҳарбий прокуратураси, Миллий гвардия Андижон вилояти бошқармаси ва бошқа қатор ташкилотлар ҳамкорлигида ҳам ўтказилди.

Қабулда 70 нафардан ортиқ ҳарбий хизматчиларнинг оила аъзолари қатнашиб, аксарият мурожаатлар жойнинг ўзида ҳал қилинди ва қўшимча ўрганиш талаб этиладиган мурожаатлар назоратга олинган ҳолда мутасаддиларга йўналтирилди.

Гулистон ҳарбий прокуратураси ташаббуси билан ҳам Миллий гвардия Сирдарё вилояти бошқармаси билан ҳамкорликда бошқарма тизимидаги ҳарбий хизматчилар ва уларнинг оила аъзолари иштирокида сайёр қабул ўтказилди.
Унда 80 нафардан ортиқ ҳарбий хизматчиларнинг оила аъзолари иштирок этишди.

Амалий тадбирлар давом этмоқда.

"Ҳуқуқбузарликлар профилактикаси куни" доирасида ўтказилган тадбирлар

2020-08-20T15:54:33.516Z

Ҳафтанинг пайшанба - "Ҳуқуқбузарликлар профилактикаси куни" доирасида Ўзбекистон Республикаси Ҳарбий прокуратураси маҳкамаси ҳамда ҳудудий ҳарбий прокуратуралар ходимлари томонидан ҳарбий қисм ва муассасаларда тарғибот тадбирлари амалга оширилди.

Уларда давлатимиз мустақиллигининг 29 йиллиги байрами муносабати билан истиқлол даврида ва сўнгги йилларда амалга оширилган кенг кўламли ислоҳотлар, эришилган ютуқлар ва янгиланишлар хусусида, шунингдек ҳуқуқбузарликларнинг олдини олиш, жиноятчиликка қарши кураш, ҳарбий интизомни барқарор сақлаш, мурожаатлар билан ишлаш масалаларида, бундан ташқари, янги қонун ҳужжатлари, шу жумладан Ўзбекистон Республикаси Президентининг 2020 йил 29 июндаги "Ўзбекистон Республикасида коррупцияга қарши курашиш тизимини такомиллаштириш бўйича қўшимча чора-тадбирлар тўғрисида"ги ҳамда 2020 йил 10 августдаги "Суд-тергов фаолиятида шахснинг ҳуқуқ ва эркинликларини ҳимоя қилиш кафолатларини янада кучайтириш чора-тадбирлари тўғрисида"ги фармонлари мазмун-моҳияти юзасидан маърузалар қилинди.

Тадбирлардан фотолавҳалар ҳавола қилинади.

Қуролли Кучлар Академияси курсантлари ва муддатли ҳарбий хизматчилари билан ўтказилган тадбирда Республика Ҳарбий прокуратураси маҳкамаси ходимлари маъруза жараёнида

Курсантлар тингланган маърузалари юзасидан ўз фикрларини билдиришди

Тадбир савол жавобларга бой тарзда ўтди

Мудофаа вазирлиги Маънавият ва маърифат марказида Республика Ҳарбий прокуратураси маҳкамаси ходимлари томонидан ўтказилган тадбир жараёни

Иштирокчилар ҳуқуқий соҳада ўзларини қизиқтирган маълумотларга эга бўлишди

Гулистон ҳарбий прокуратураси ходимлари томонидан Сирдарё вилояти мудофаа ишлари бошқармаси шахсий таркиби иштирокида ўтказилган тадбир жараёни

Сирдарё вилояти мудофаа ишлари бошқармасидаги тадбир жараёнидан

Қарши ҳарбий прокуратураси томонидан Ғузор тумани Пачкамар қўрғонида жойлашган ҳарбий қисм ҳарбий хизматчилари иштирокида ўтказилган тадбир жараёни

Тошкент ҳарбий прокуратураси томонидан ИИВ Қоровул қўшинлари тизимидаги ҳарбий қисмда ўтказилган тадбир жараёни

Чирчиқ ҳарбий прокуратураси томонидан ҳарбий қисмлардан бирида ўтказилган тадбир жараёни

Урганч ҳарбий прокуратураси томонидан Миллий гвардия Хоразм вилояти бошқармасида ўтказилган тадбир жараёни

Жиззах ҳарбий прокуратураси томонидан Миллий гвардия тизимидаги ҳарбий қисмда ўтказилган тадбир жараёни

Андижон ҳарбий прокуратураси томонидан ИИВ Қоровул қўшинлари тизимидаги ҳарбий қисмда ўтказилган тадбир жараёни

Андижон ҳарбий прокуратураси томонидан ҳарбий қисмлардан бирида ўтказилган тадбир жараёни

Термиз ҳарбий прокуратураси томонидан ҳарбий қисмлардан бирида ўтказилган тадбир жараёни

Самарқанд ҳарбий прокуратураси томонидан назорат ҳудудидаги ҳарбий қисмлардан бирида ўтказилган тадбир жараёни

Бухоро ҳарбий прокуратураси томонидан Мудофаа вазирлигига қарашли ҳарбий қисмда ўтказилган тадбир жараёни

Бухоро ҳарбий прокуратураси томонидан назорат ҳудудидаги ҳарбий қисмлардан бирида ўтказилган тадбир жараёнидан фотолавҳа

Қонунчиликда ёшларга берилган айрим имтиёзлар

2020-07-01T04:17:49.926Z

1. Меҳнат кодексига мувофиқ, ўрта махсус, касб-ҳунар таълими муассасаларини, шунингдек олий таълим муассасаларини давлат грантлари асосида тамомлаган ёшларга ишга жойлашишда қўшимча кафолатлар берилади.

Хусусан, белгиланган минимал иш жойлари ҳисобидан иш жойларига ишга жойлаштириш тартибида маҳаллий меҳнат органи ва бошқа органлар томонидан юборилган, 18 ёшга тўлмаган шахсларни, ўрта махсус таълим муассасаларини тамомлаган ёшлар, шунингдек касб-ҳунар таълими ва олий таълим муассасаларини давлат грантлари асосида тамомлаган ёшларни иш берувчи ишга қабул қилиши шарт.

Шунингдек, 18 ёшга тўлмаган шахсларга меҳнат қонунчилигида қуйидаги имтиёзлар белгиланган:

дастлабки тиббий кўрикдан ўтгандан кейингина ишга қабул қилинадилар ва 18 ёшга тўлгунларига қадар ҳар йили мажбурий тарзда тиббий кўрикдан ўтказиб турилади;
камида 30 кундан иборат йиллик таътил берилади ва улар бу таътилдан ёз вақтида ёки йилнинг ўзлари учун қулай бўлган бошқа вақтида фойдаланишлари мумкин;
тунги ишларга, иш вақтидан ташқари ишларга ва дам олиш кунларидаги ишларга жалб этиш тақиқланади;
улар билан тузилган меҳнат шартномасини иш берувчининг ташаббуси билан бекор қилишга, меҳнат шартномасини бекор қилишнинг умумий тартибига риоя қилишдан ташқари, маҳаллий меҳнат органининг розилиги билан йўл қўйилади.

Иш вақтининг муддати 16 дан 18 ёшгача бўлган ходимларга ҳафтасига 36 соатдан, 15 дан 16 ёшгача бўлган шахслар учун эса ҳафтасига 24 соатдан ошмайдиган қилиб белгиланади.

Бунда уларнинг меҳнатига ҳақ кундалик иш вақти тўлиқ бўлган чоғда тегишли тоифадаги ходимларга бериладиган миқдорда тўланади.

Ўрта махсус, касб-ҳунар таълими муассасаларини ҳамда олий ўқув юртларини тамомлаган кундан эътиборан 3 йил ичида биринчи бор ишга кираётган битирувчилар ишга қабул қилинганда, дастлабки синов муддати белгиланмайди.

2. Муддатли ҳарбий хизматни ўтаб, тавсиянома асосида олий таълим муассасаларига қабул қилинган талабалар ҳамда ўртача ўзлаштириш кўрсаткичи 86 фоиз ва ундан юқори бўлган талабалар йиллик тўлов-контракт миқдорининг 35 фоизи Ўзбекистон ёшлар иттифоқи томонидан тўлаб берилади.

3. Олий таълим муассасаларининг кундузги бўлимларига тўлов-контракт асосида қабул қилинган талабаларнинг контрактини тўлаш учун банклар томонидан таълим кредитлари берилади.

Бунда, чин етимларга, “Меҳрибонлик уйлари”да тарбияланганларга ҳамда болаликдан I ва II гуруҳ ногиронларига — ноль фоиз ставкаси (фоизсиз кредит);

талабаларнинг қолган тоифаларига —фоиз харажатларининг бир қисмини “Yoshlar — kelajagimiz” жамғармаси маблағлари ҳисобидан компенсация қилиш механизмидан фойдаланиш имконияти билан бозор ставкалари белгиланади.

4. Мамлакат ижтимоий ҳаётида фаол иштирок этиб, алоҳида намуна кўрсатаётган ёш оилаларга узоқ муддатли имтиёзли ипотека кредитлари қуйидаги шартларда берилади:

– шаҳарларда кўп квартирали арзон уй-жойлар қуриш ва реконструкция қилиш учун — 3 йиллик имтиёзли давр ва дастлабки 5 йил мобайнида йиллик 7 фоиз миқдорида, кейинги даврда Марказий банкнинг қайта молиялаштириш ставкаси миқдорида 20 йил муддатга берилади, бунда дастлабки бадал квартира қийматининг 25 фоизини ташкил этади.

– қишлоқ жойларда янгиланган намунавий лойиҳалар бўйича арзон уй-жойлар қуриш ва реконструкция қилиш учун — 3 йиллик имтиёзли давр ва дастлабки 5 йил мобайнида йиллик 7 фоиз миқдорида ва кейинги даврда Марказий банкнинг қайта молиялаштириш ставкаси миқдорида 15 йил муддатга берилади, бунда дастлабки бадал қуйидагича миқдорни ташкил этади:

2, 3 қаватли кўп квартирали (2 ва 3 хонали) уйлар ва 2, 3 хонали бир қаватли уйлар учун — 10 фоиз;
2 қаватли 4 хонали бирлаштирилган уйлар учун — 25 фоиз.

Қонунчиликда ёшларга берилган айрим имтиёзлар

2020-07-01T04:00:26.575Z

Шунингдек, 18 ёшга тўлмаган шахсларга меҳнат қонунчилигида қуйидаги имтиёзлар белгиланган:

дастлабки тиббий кўрикдан ўтгандан кейингина ишга қабул қилинадилар ва 18 ёшга тўлгунларига қадар ҳар йили мажбурий тарзда тиббий кўрикдан ўтказиб турилади;
камида 30 кундан иборат йиллик таътил берилади ва улар бу таътилдан ёз вақтида ёки йилнинг ўзлари учун қулай бўлган бошқа вақтида фойдаланишлари мумкин;
тунги ишларга, иш вақтидан ташқари ишларга ва дам олиш кунларидаги ишларга жалб этиш тақиқланади;
улар билан тузилган меҳнат шартномасини иш берувчининг ташаббуси билан бекор қилишга, меҳнат шартномасини бекор қилишнинг умумий тартибига риоя қилишдан ташқари, маҳаллий меҳнат органининг розилиги билан йўл қўйилади.

2, 3 қаватли кўп квартирали (2 ва 3 хонали) уйлар ва 2, 3 хонали бир қаватли уйлар учун — 10 фоиз;
2 қаватли 4 хонали бирлаштирилган уйлар учун — 25 фоиз.

Компьютердан ҳимоя кўзойнаклари: улардан фойда борми?

2020-06-19T12:55:39.369Z

Иш, таълим, ҳордиқ, мулоқот – бугун буларнинг барчаси компьютер билан боғлиқ бўлиб қолмоқда.

Компьютер кундалик ҳаётга қанчалик чуқур кириб бормасин, унинг умумий саломатликка, хусусан, кўриш органларига салбий таъсири ҳақида ҳам унутмаслик керак.

Компьютер кўриш синдроми

Компьютердан узоқ ва давомли фойдаланиш натижасида «компьютер кўриш синдроми» юзага келади. Фаолияти компьютер билан боғлиқ бўлган ҳар кимда кузатиладиган бу синдром кўзларда чарчоқ, қизариш, қум қадалгандек ҳиссиёт, қуруқлик ва санчиқ, кўриш қобилиятининг хиралашуви, қичиш, бош ва бўйинда оғриқ, иш куни якунидаги чарчоқ каби белгилар билан намоён бўлади.

Компьютердан фойдаланишда базавий қоидаларга риоя қилмаслик эса бу синдромнинг пайдо бўлиш эҳтимолини оширади.

Компьютердан фойдаланишда диққат қаратиш керак бўлган қоидалар:

монитордан 50-60 см узоқликда бўлиш;
ҳар 45 дақиқада кўзга дам бериш ва кўз гимнастикасини бажариш;
мониторнинг ёруғлик, контраст созламаларини тўғри ва қулай тарзда белгилаш;
бир хил ҳолатда узоқ вақт ўтирмаслик;
мониторнинг кўз билан бир кесимда жойлашуви (кўздан баландда ёки пастда бўлмаслиги керак);
дисплей ва иш жойида чанг тўпланиб қолмаслигини назорат қилиш;
кўзни юмиб-очмай узоқ тикилишни камайтириш;
иш хонасининг ўта қоронғи бўлмаслигини таъминлаш даркор.

Компьютер кўзга қандай таъсир қилади?

Компьютердан фойдаланишда кўриш фокус масофаси жуда кам ўзгартирилади ва кўз кам очиб-юмилади. Натижада кўриш органлари мушаклари зўриқади ва кўз соққаси етарлича намланмайди, бу эса кўзда ёқимсиз қуруқлик ва чарчоққа сабаб бўлади.

Шунингдек, барча электрон ускуналар сингари компьютердан ҳам электромагнит тўлқинлар тарқалади. Компьютер қанчалик замонавий бўлмасин, кўк ва бинафшаранг спектр нурларининг кўплиги боис кўзда зўриқиш ҳосил қилади.

Компьютердан кўзга етадиган зарарни минималлаштириш мақсадида махсус компьютер кўзойнакларидан фойдаланиш тавсия этилмоқда.

Ҳимоя кўзойнаги чиндан фойдалими?

Компьютерлар учун мўлжалланган ҳимоя кўзойнаги чиндан фойдалими ёки кераксиз атрибут – жуда баҳсли масала.

Ишлаб чиқарувчилар ва баъзи фойдаланувчилар кўзойнакларнинг таъсирини ижобий баҳолашса, уни кераксиз даҳмаза деб ҳисобловчи, ҳатто бош оғриғи, кўздаги ноқулайликка сабаб бўлишини таъкидловчилар ҳам бор.

Моҳиятан, компьютер ҳимоя кўзойнаклари электромагнит тўлқинларини нейтраллаштиради, дисплей юзасидаги ёруғликнинг жимирлашини йўқотади, кўзга ортиқча юклама бўладиган бинафшаранг ва кўк нурларни кесади.

Буларнинг барчаси кўзойнак линзасидаги махсус ҳимоя қобиғи ҳисобига амалга ошади.

Фаолияти компьютер билан боғлиқ бўлган ҳар қандай шахс бу кўзойнаклардан фойдаланиши мумкин. Айниқса, офис шароитида ишловчилар ва талабалар орасида улардан фойдаланиш оммалашган.

Умуман олганда, ҳимоя кўзойнакларининг ҳар бир шахс учун фойдаси индивидуал. Натижа – шахс кўриш тизимининг ўзига хослиги, компьютердан фойдаланиш қоидаларига риоя қилиш, ташқи омиллар (хонанинг ёруғлиги, компьютернинг жойлашуви) кабиларга боғлиқ.

Бу оптик восита компьютернинг салбий таъсиридан юз фоиз ҳимоя қилиши кафолатланмаган бўлса-да, зарарни қисман нейтраллаштиради: кўздаги чарчоқ ва зўриқишни камайтиради, компьютерда узоқ ишлаш натижасидаги бош оғриғи ва ҳолсизликни минималлаштиради, ёруғликка таъсирчанлик, кўздаги ачишишни йўқотади.

Ҳолатга мажмуавий ёндашганда – ҳимоя кўзойнакларини тақиш баробарида компьютердан фойдаланишда юқорида қайд этилган қоидаларга риоя қилгандагина ижобий самарага эришиш мумкин.

Кўзойнакни қандай танлаш керак?

Кўзойнак диоптрияли ёки диоптриясиз бўлиши мумкин. Кўриш органида узоқни ёки яқинни кўра олмаслик сингари аномалиялар бўлганлар учун диоптрияли кўзойнак тавсия этилади. Шунинг учун ҳимоя кўзойнакларини танлаш ва харид қилишдан аввал кўз шифокори – офтальмолог билан маслаҳатлашиш, кўз ҳолати ҳақида маълумотга эга бўлиш лозим.

Кўзойнакни нотўғри танлаш нафақат ундан фойдаланишда ноқулайлик, балки кўриш қобилиятининг ёмонлашувига ҳам сабаб бўлиши мумкин.

Бундай кўзойнакни харид қилишда:

тутқич (оправа)нинг қулайлиги ва сифати;
линзанинг тури ва сифати;
диоптриянинг бор-йўқлиги (кўздаги аномалиялардан келиб чиққан ҳолда индивидуал асосда танланади);
ҳимоя қобиғининг борлиги;
тонировка (қорайтирилган линза) даражасига ҳам эътибор қаратиш керак.

Қуйидаги тавсияларни ҳам эътибордан қочирмаслик зарур:

Компьютердан фойдаланиш жараёнида қуёш нурлари таъсири юқори бўлганда ёруғлик жимирлашига қарши полароид кўзойнаклардан фойдаланиш керак.
Монитор ёруғлиги юқори бўлганда, ёруғлик даражаси тез-тез ўзгариб турадиган шароитда оч рангдаги линзаларга эга кўзойнак тавсия этилади.
Тонировкали (қорайтирилган) кўзойнаклар кўк спектрдаги қисқа тўлқинли нурларни тўсиб қолади.
Компьютерда асосан матн билан ишловчилар контрастни кучайтирувчи, ёруғликни юмшатувчи моделларни танлаши мақсадга мувофиқ.
Графика билан ишловчиларга эса ранглар узатмасини яхшиловчи кўзойнаклар тўғри келади.

Манба: https://kun.uz/13622125

ЁШЛАР БИЛАН ОНЛАЙН МУЛОҚОТ

2020-06-11T17:11:58.871Z

Коронавирус пандемияси бутун жаҳонда режалаштирилган ишлар ва тадбирларга кескин ўзгартиришлар киритишга сабаб бўлди. Саломатлик ва хавфсизликни таъминлаш мақсадида қатъий эҳтиёт чоралари ва карантин тартиби жорий қилинди.

Шундай шароитда “Ёшлар ойлиги”даги тадбирлар аввалгиларидан ўзига хос тарзда, санитария-гигиена талабларига қатъий амал қилиб, ахборот коммуникация технологияларидан фойдаланган ҳолда онлайн тарзда ўтказилмоқда.

Жумладан, “Ёшлар ойлиги” муносабати билан ҳамда 2020 йил 26 май кунги Ўзбекистон Республикаси Бош прокуратураси ва Ўзбекистон ёшлар иттифоқи ўртасида ҳамкорлик тўғрисида меморандум ижроси доирасида Ўзбекистон Республикаси Ҳарбий прокуратураси, Тошкент шаҳар прокуратураси ҳамда Ёшлар иттифоқи Тошкент шаҳар кенгаши ҳамкорлигида ташкил этилган “Прокурор ва ёшлар” учрашуви ҳам онлайн мулоқот тарзида ўтказилди.

Унда Тошкент шаҳар ва Ўзбекистон Республикаси Ҳарбий прокурорларининг катта ёрдамчилари Бобур Абдуллаев ҳамда Ботир Собировлар, Ўзбекистон ёшлар иттифоқи Тошкент шаҳар кенгаши раиси ўринбосари Асқар Хасанов, Тошкент ҳарбий прокурорининг катта ёрдамчиси Осим Умаров ва пойтахтимиз туманларидан 100 га яқин ёшлар онлайн иштирок этишди.

Таъкидланганидек, мамлакатимизда ёшларга бўлган эътиборни янада кучайтириш, уларни маданият, адабиёт, санъат, жисмоний тарбия ва спортга кенг жалб этиш, ахборот технологияларидан фойдаланиш кўникмаларини шакллантириш, китобхонликни тарғиб қилиш, хотин-қизлар бандлигини ошириш масалалари муҳим вазифалардан саналади.

Ҳозирги ўта мураккаб кечаётган ва ахборот хуружлари авж олган таҳликали замонда ёшларимизнинг мафкуравий иммунитетини кучайтириш ва уларнинг бўш вақтини мазмунли ўтказиш эса ҳар қачонгидан ҳам долзарб экани айни ҳақиқат.

Бу борада прокуратура органларининг ёшлар билан ўтказиб келаётган тадбирларида айнан юқоридаги жиҳатларга, шунингдек ёшларнинг ҳуқуқлари, эркинликлари ва қонуний манфаатларини таъминлаш, уларни ватанга садоқат, конституция ва қонунларга ҳурмат, ҳаётга қатъий ишонч руҳида тарбиялаш, ҳуқуқий маданиятини юксалтириш ҳамда улар ўртасида ҳуқуқбузарликларни олдини олиш ва коррупцияга қарши муросасиз муносабатни шакллантириш масалаларига алоҳида эътибор қаратилмоқда.

Онлайн учрашувда маърузачилар томонидан ҳамкорликда амалга оширилаётган ишлар кўлами ҳақида сўз юритилиб, ёшларнинг ҳуқуқий, таълим, ҳарбий ва ижтимоий соҳалардаги саволларига атрофлича жавоблар берилди, уларнинг таклифлари эшитилди ва ўзаро фикр алмашилди. Ёшларни қизиқтирган ва улар фаолият юритаётган йўналишлардаги долзарб масалаларнинг ечимлари кўрсатиб берилди.

ҚАТЪИЙ НАЗОРАТ ВА ҲАМЖИҲАТЛИК

2020-06-06T11:26:51.726Z

Куннинг иккинчи ярмида ҳарбий прокуратура ва Ёшлар иттифоқи вакиллари Тошкент шаҳар мудофаа ишлари бошқармаси йиғув пунктида бўлишиб, карантин шароитида амалга оширилаётган чақирув мавсумида муддатли ҳарбий хизматга бориш истагидаги номзодларни чақирув ва тиббий комиссия кўригидан ўтказиш жараёни санитария-гигиена қоидаларига риоя этилган ҳолда олиб борилаётгани билан бевосита танишишди.

Дарҳақиқат, коронавирус пандемияси пайтида бир оиланинг камолга етган фарзандларини армияга жалб қилиш, уларнинг саломатлигини текшириб, муддатли ҳарбий хизматга кузатиш жуда катта ҳушёрликни ва карантин қоидаларига қатъий риоя қилиниши устидан доимий назоратни талаб қилади. Бу ўринда нафақат бир инсоннинг, қолаверса бутун бир шахсий таркибнинг тақдири кафолатланади. Шу боис қатъий назорат остида дезинфекция ишлари олиб борилиб, чақирилувчилар барча меъёрларга амал қилинган ҳолда тиббий текширувдан ўтказилмоқда ва Ватан ҳимоясига шай ҳолга келтирилмоқда.

Бу жараёнда мудофаа ишлари бошқармалари ва бўлимлари барча зарурий анжомлар, кундалик тиббий воситалар билан тўлиқ таъминланган ҳамда Мудофаа вазирлиги санитария-эпидемиология назорат маркази мутахассисларининг доимий фаолияти йўлга қўйилган.

Бу каби қатъий назорат ва ҳамжиҳатликда олиб борилаётган ишлар армияга чақирилувчиларнинг саломатлигини кафолатлайди.

ИЗЛАГАН ИМКОН ТОПАР

2020-06-06T07:40:36.937Z

Шу кунларда каттаю кичикнинг хаёлини карантин ташвиши, коронавирус муаммоси банд қилган. Ҳаёт давом этаверади, чорасизликдан имкон топиб, фаолиятни давом эттириш лозим. Шу кунларда армияга сараланган ўғлонлар муддатли ҳарбий хизматга отланиш арафасида. Аммо уларни қандайдир саволлар қийнаётган бўлиши мумкин, таклифлари бордир?! Ҳозирги пандемия шароитида юзма-юз мулоқот қилиш хатарли, албатта. Шу боис Республика Ҳарбий прокуратураси ва Тошкент ҳарбий прокуратураси ходимлари Ўзбекистон Ёшлар иттифоқининг Тошкент шаҳар кенгаши ва Тошкент шаҳар мудофаа ишлари бошқармаси билан ҳамкорликда Ватан ҳимоясига отланган йигитлар билан видеомулоқот ўтказдилар.

Бинобарин, жорий йилнинг июнь ойи барча ҳудудларда “Ёшлар ойлиги” деб эълон қилингани муносабати билан маънавий-маърифий тадбирлар ўтказиш жадаллашди. Бу борадаги режага кўра прокуратура органлари томонидан ёшларнинг ҳуқуқий саводхонлигини ошириш, уларнинг волонтёрлик фаолиятини қўллаб-қувватлаш мақсадида ҳудудларда “Прокурор ва ёшлар” онлайн учрашувларини ташкил этиш назарда тутилганди. Биз юқорида тилга олган видеомулоқот айни ташаббусларнинг ижроси бўлди.

Мулоқот давомида иштирокчилар ўзларини қизиқтирган барча саволларга батафсил жавоблар олдилар. Хусусан, орадан икки ой ўтиб, армияга кетилаётгани қайтиш қачон бўлиши ҳақидаги, армияда ва ундан кейин Ёшлар иттифоқи томонидан бериладиган имтиёзлар, иш билан таъминланиш ҳамда тадбиркорлик билан шуғулланиш учун кредитлар олиш борасидаги ва бошқа саволларга аниқ фактлар асосида жавоблар берилди. Жойларда бу каби видеомулоқотлар давом этмоқда.

ҲАРБИЙ ХИЗМАТЧИЛАРНИНГ ИЖТИМОИЙ ҲИМОЯСИНИ ТАЪМИНЛАШ – УСТУВОР ВАЗИФА

2020-06-04T14:42:28.727Z

Ўзбекистон Республикаси Қуролли Кучлари ҳарбий хизматчилари ҳамда улар оила аъзоларининг ижтимоий муҳофазасига доир қонун ҳужжатлари ижросини амалда аниқ ва бир хилда таъминлаш Ҳарбий прокуратура органларининг асосий вазифаларидан бири ҳисобланади.

Жорий йилнинг май ойида Ўзбекистон Республикаси Бош прокурорининг ўринбосари – Ўзбекистон Республикаси Ҳарбий прокурорининг ташаббуси билан мазкур йўналишдаги қонунчилик ижроси Тошкент шаҳри ва Тошкент вилоятида жойлашган Мудофаа, Фавқулодда вазиятлар вазирликлари, Қоровул қўшинлари, Миллий гвардия тизимидаги ҳарбий қисм ва муассасалар кесимида таҳлил қилинганда, жами 69 нафар ҳарбий хизматчиларнинг фарзандлари тиббий меҳнат экспертиза комиссиялари хулосаларига кўра 1 ва 2-гуруҳ ногирони деб топилган бўлсада, улардан амалдаги қонунчиликка зид равишда даромад солиғи умумий тартибда ундириб келинаётганлиги аниқланди.

Қонунчиликка кўра, Ўзбекистон Республикаси Президентининг 2018 йил 29 июндаги “Ўзбекистон Республикасининг Солиқ сиёсатини такомиллаштириш концепцияси тўғрисида”ги ПФ-5468-сонли Фармонига асосан 2019 йил 1 январдан бошлаб барча фуқаролар учун жисмоний шахслардан олинадиган даромад солиғининг ягона ставкасини 12 фоиз миқдорида жорий этиш белгиланиб, айрим тоифадаги фуқароларнинг меҳнатга ҳақ тўлаш энг кам миқдорининг 1,41 баравари миқдоридаги даромадларини солиқ солишдан озод қилишнинг амалдаги тартиби сақлаб қолинган.

Мазкур тартиб янги таҳрирдаги Ўзбекистон Республикаси Солиқ кодексининг 380-моддасида ўз аксини топиб, унга кўра болалигидан ногиронлиги бўлган шахс, доимий парваришни талаб этадиган фарзанди билан бирга яшаб, уни тарбиялаётган ота ёки онанинг даромадига камайтирилган ҳолда солиқ солиниши назарда тутилган.

Мазкур тоифадаги ҳарбий хизматчилардан эса даромад солиғи умумий тартибда ундириб келиниб, уларга солиқ имтиёзи тадбиқ этилмасдан, ҳарбий хизматчиларнинг ҳуқуқлари бузилишига йўл қўйилган.

Ўрганиш натижасига кўра, Тошкент ҳарбий прокуратураси томонидан назорат ҳудудида жойлашган барча тоифадаги қўмондонликларга ахборот хатлари киритилиб, ногирон фарзандлари мавжуд ҳарбий хизматчиларга қонунда белгиланган солиқ имтиёзларини 2020 йил июнь ойидан тадбиқ этилиши йўлга қўйилди ҳамда 69 нафар ногирон фарзандни тарбиялаётган ҳарбий хизматчиларнинг охирги ойлик иш ҳақларидан қонундаги имтиёз қўлланилмасдан ортиқча ундирилган жами 7 млн. сўмдан ортиқ даромад солиғи қайтарилиб, уларнинг бузилган ҳуқуқлари тикланди.

Шунингдек, солиқ қонунчилигининг мазкур нормаси қўлланилмаслиги оқибатида, 2019 йил 1 январь кунидан буён мазкур тоифадаги ҳарбий хизматчилардан ортиқча ушлаб қолинган даромад солиғини қайта ҳисоблаш ҳамда қайтариш чоралари кўрилмоқда.

Юқоридаги ҳолатлар республикамизнинг бошқа вилоятлари кесимида ҳам ҳудудий ҳарбий прокуратуралар томонидан ўрганилмоқда.

1 июндан қонунчиликда нималар ўзгаради?

2020-05-25T11:44:56.621Z

Бола парвариши бўйича нафақа ва моддий ёрдам олувчилар сони қўшимча 10 фоизга оширилади

Президентнинг «Коронавирус пандемияси даврида аҳоли ва тадбиркорлик субъектларини қўллаб-қувватлаш бўйича навбатдаги чора-тадбирлар тўғрисида»ги Фармонига кўра, 14 ёшгача болалари бўлган оилаларга нафақа, бола икки ёшга тўлгунга қадар бола парвариши бўйича нафақа ва моддий ёрдам олувчилар сони қўшимча 10 фоизга оширилади.

Тадбиркорлик субъектларига нисбатан солиқ имтиёзлари кучга киради

Президентнинг «Коронавирус пандемияси даврида аҳоли ва тадбиркорлик субъектларини қўллаб-қувватлаш бўйича навбатдаги чора-тадбирлар тўғрисида»ги фармони билан 2020 йилнинг 1 июнидан бошлаб кичик тадбиркорлик субъектлари, бозорлар ва савдо комплекслари, кинотеатрлар, умумий овқатланиш шохобчалари, жамоат транспорти корхоналари, спорт-соғломлаштириш муассасалари, шунингдек, йўловчи ташиш, маиший хизматлар кўрсатиш, биноларни, шу жумладан банкетлар ўтказиш учун ижарага бериш фаолияти билан шуғулланувчи юридик шахслар мол-мулк солиғи ва ер солиғини тўлашдан озод қилинади.

Имтиёз 1 сентябригача бўлган давр учун амал қилади.

Тиббиёт муассасаларида фитобарлар ташкил этилади

Президентнинг «Ёввойи ҳолда ўсувчи доривор ўсимликларни муҳофаза қилиш, маданий ҳолда етиштириш, қайта ишлаш ва мавжуд ресурслардан оқилона фойдаланиш чора-тадбирлари тўғрисида»ги Қарорга мувофиқ, Соғлиқни сақлаш вазирлиги томонидан тиббиёт муассасалари, шу жумладан оилавий поликлиникалар ва қишлоқ (овул) врачлик пунктларида фитобарлар ташкил этилади

Импорт қилинадиган чилим учун тамакига акциз солиғи тўланади

Президент қарори билан импорт қилинадиган қиздириладиган тамаки маҳсулотлари, чекиладиган, чайналадиган, ҳидланадиган, шимиладиган (снюс), никотинли тамакисиз снюс, таркибида никотин мавжуд суюқликларга ҳам акциз солиғи киритилади.

Юридик шахсларни биржа аъзолари сифатида аккредитациядан ўтказиш бошланади

Ҳукумат қарорига асосан қуйидаги тартиблар жорий этилади:

товар сегментлари бўйича биржа савдолари маҳсулотнинг ўзига хос хусусиятларини ҳисобга олиб ва биржа аъзоларига фойдаланиш ҳуқуқини берган ҳолда алоҳида секцияларда ўтказилади;
маҳсулотни секция тамойили бўйича сотишни таъминлаш ва брокерлик ўринларини биржанинг расмий веб-сайти орқали тақдим этиш бўйича шаффоф механизмни инобатга олган ҳолда, юридик шахслар биржа аъзолари сифатида аккредитациядан ўтказилади;
биржа савдоси қоидалари талабларига мувофиқлиги бўйича фаолият кўрсатувчи биржа аъзоларининг малака даражаси ҳар 3 йилда мунтазам аниқланади.

Маҳаллий экспорт қилувчиларнинг юкларни автомобиль ва ҳаво транспорти орқали экспорт қилиш харажатларининг бир қисми давлат томонидан қопланади

Фармонга биноан, маҳаллий экспорт қилувчиларга юкларни автомобиль ва ҳаво транспорти орқали экспорт қилиш харажатларининг бир қисмини давлат томонидан қоплаш, шунингдек, тадбиркорларнинг инфратузилма барпо этиш бўйича харажатларининг бир қисми учун компенсация тўлаш механизмлари жорий этилади.

Индукцион печлардан фойдаланган ҳолда тайёрланган қурилиш учун мўлжалланган металл прокатини ишлаб чиқариш ва қўллаш тақиқланади

Бунда қурилишдан бошқа мақсадлар учун металл маҳсулотларини ишлаб чиқариш ва қўллашда индукцион печлардан фойдаланишга йўл қўйилади.

Тадбиркорлик субъектларига лицензиялар ва рухсат этиш хусусиятига эга бошқа ҳужжатларни беришни рад этиш сабаблари қисқартирилади

2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини «Илм, маърифат ва рақамли иқтисодиётни ривожлантириш йили»да амалга оширишга оид давлат дастурига мувофиқ, 2020 йил 1 июндан бошлаб тадбиркорлик субъектларига лицензиялар ва рухсат этиш хусусиятига эга бошқа ҳужжатларни беришда кадрларнинг профессионал малакаси, тақдим этилган ҳужжатлар ва дастурларнинг қонун ҳужжатларида белгиланган талабларга, бино ва иншоотларнинг санитария-эпидемиологик талабларга ва ёнғин хавфсизлиги талабларига жавоб бермаслиги сабабли рад этишга йўл қўйилмайди.