Tursunpo'lat Iskandarov

Savolga javob.

2025-10-23T12:59:43.826Z

Savol: "Yer planetasi rivojlanishda davom etar ekan u o'zini so'nggi mukammal idealogiyasiga erishib boraveradi.
Sizni tasavvuringizda yaqin yillarda dunyo qanday idealogiya asosida shakllanadi?"

Qisqa javob: "Katta ehtimoli bilan Islom. Iso a.s kelgach yagona bir idealogiya qoladi."

Batafsil:
"Katta ehtimoli bilan Islom" Chunki hozirgi dunyo sahnasida eng yirik g‘oyaviy tizimlar, xususan liberalizm, kapitalizm va feminizm ichki ziddiyatlari va ikkiyuzlamachilikdan qulayapti..

Liberalizm inson erkinligini mutlaq qadriyat sifatida ilgari surdi, ammo u erkinlikni ma’naviy tayanchsiz qoldirdi. Kapitalizm esa insonni ishlab chiqarish mashinasining bir vintiga aylantirdi. Har kim o‘zini ta’minlashga majbur, hatto bu uning insoniy tabiati va ruhiy muvozanatiga zid bo‘lsa ham. Ayniqsa, yuqori darajada kapitalistik va feminist jamiyatlarda ayollar hayotining og‘irligi yaqqol sezilmoqda. Ular tarixda erkak zulmiga qarshi kurashgan, lekin endi iqtisodiy majburiyatlar zanjiriga bog‘lanib, erkaklar bilan bir xil mehnat yukini ko‘tarishga majbur bo‘lishdi. Bu esa ularni jismonan ham, ruhiy jihatdan ham charchatmoqda.

Shu sabab, ko‘plab zamonaviy ayollar Islomni tanlamoqda. Bemalol statistikaga qarab ko'rishingiz mumkin, g‘arb davlatlarida Islomni qabul qilayotganlarning katta qismi ayollar. Sababi oddiy: Islom ayolni nafaqat sha’n va erkinlik bilan ta’minlaydi, balki uni iqtisodiy majburiyatlardan ham ozod qiladi. Ayol Islomni qabul qilgach, u nafaqat o‘z hayotini, balki atrofidagi insonlarning dunyoqarashini ham o‘zgartiradi.

Tarix ham bu jarayonni tasdiqlaydi. 11-sentyabr voqealari musulmonlar zimmasiga yuklangan bo‘lsa-da, aynan shu hodisa orqali butun dunyo Islom haqida eshitdi, o‘yladi va izlandi. Falastin masalasi esa Islom g‘oyasining qanchalik qat’iy va barqaror ekanligini ko‘rsatdi. Resurssiz xalq bo'lsada axloqini saqlab qoldi va o'zidan 1000 barobar zulmkorga qarshi dadil tura oldi.

Falsafada "Inson axloqi resursga bog‘liq. Resurs yo‘qolganda, axloq o‘zini o‘zi yo‘q qiladi. U faqat resurs ortiqcha bo‘lgandagina mavjud." degan fikr mavjud. Har qanday axloqiy nazariya inqirozda sinaladi. Ammo Islom bu nazariyani rad etadi: G‘azo misolida ko‘ramizki, resurs yo‘q bo‘lsa ham, e’tiqodli inson axloqdan voz kechmaydi. Demak, Islom axloqni moddiy sharoitga emas, ruhiy mustahkamlikka tayanadi.

Shuning uchun ehtimol, insoniyat yangi bosqichga kirar ekan, Islom idealogiyasi eng asosiy g‘oyaviy markaz sifatida maydonga chiqadi. Chunki bu din nafaqat siyosiy yoki iqtisodiy tizim, balki inson mohiyatini qayta anglashga chorlaydigan ruhiy tizimdir.

"Iso a.s kelgach yagona bir idealogiya qoladi." Bu yerda men qiyomat alomatlarini nazarda tutgan edim. Ya'ni qiyomatga yaqin yajuj-majujlar chiqishi va Dajjol fitnasiga qarshi Iso alayhissalom kelishi va ularni yengach dunyoda faqat bitta islom e'tiqodi qolishi haqidagi ma'lumotga asoslangan edim.

Nega ayollarni ijtimoiy tarmoqlarda aldash osonroq? 👩‍💻💔

2025-05-16T13:15:49.707Z

So‘nggi bir necha oy ichida ijtimoiy tarmoqlarda firibgarlik qurboniga aylangan ayol-qizlar haqidagi holatlarga tez-tez duch kela boshladim. Bu esa menda "nega aynan ayollarni aldash osonroq?" degan savolni paydo qildi.

Mazkur savolga javob topish uchun internetda bir qancha ilmiy maqolalar, statistik ma’lumotlar va tadqiqotlarni ko‘zdan kechirdim. E’tiborim Buyuk Britaniyaning “Action Fraud” saytida e’lon qilingan “Our Research and Statistics on Romance Fraud” tadqiqotiga tushdi. Bu tadqiqot romantik firibgarlik – “Romance Scam” deb ataluvchi ijtimoiy tarmoqdagi yolg‘on munosabatlar orqali odamlarni aldash bo'yicha chop etilgan tadqiqot maqolasi edi.

Statistik ma’lumotlarga ko‘ra, romantik firibgarlik qurbonlarining 63 foizini ayollar tashkil etar ekan. Ya’ni, har 10 ta aldanilgan insonning kamida 6 nafari – ayol.

Bu ko‘rsatkichlarning ortida esa chuqur psixologik omillar yotadi. Quyida firibgarlar aynan ayollarni nishonga olishining asosiy sabablarini keltirib o'taman.

1. Aql bilan emas, hissiyot bilan qaror qabul qilish

Ko‘plab ayollar qarorlar qabul qilayotganda, aqliy tahlildan ko‘ra, hissiyotlar va intuitiv hislarga tayanishadi. Bu esa firibgarlar uchun “eshikni ochib berish” bilan barobar. Aynan shuning uchun romantik munosabatlar orqali aldash eng samarali usulga aylangan.

Yechim:
Sizga romantik munosabat taklif etayotgan har bir shaxs haqida aniq ma'lumotlarga ega bo'lmay turib, unga ishona ko'rmang!

2. Yordam berishga ishtiyoqi balandligi

Ayollar odatda yordam ko‘rsatish, boshqalarga mehribonlik qilishga moyil bo‘lishadi. Bundan esa ustalik bilan foydalanib, o‘zlarini muhtoj, yolg‘iz yoki qiynalayotgan inson sifatida ko‘rsatib, rahm-shafqat orqali ayollarni aldashga urinadilar.

Yechim:
Sizdan agar pul bo'yicha yordam so'rashsa miqdori va kim ekanligi muhum. Agar begona odam yordam sifatida katta pul so'rasa imkon qadar inkor qilgan yaxshi.

3. Mahsulot sotib olishga qiziqish yuqori bo'lishi va arzon mahsulotlar ularning e'tiborini tortishi

Online xaridlar borasida ayollar ko‘pincha chegirma, aksiya va arzon narxlardagi mahsulotlarga qiziqish bildiradilar. Shaxsan mening yaqin tanishlarim bu firibgarlikka aldanishiga oz qolgan edi.

Yechim:
Faqatgina ishonchli bo'lgan marketlardan savdo qiling. Faqatgina Play market yoki App store dasturlaridan yuklangan "uzum, yandex, zoodmall va h.k." ilovalar orqali mahsulot sotib oling. Aslo telegram yoki google browser orqali market dasturlarini yuklab yoki begona havola ustiga bosib mahsulot sotib olmang! Mobodo buyurtma bergan bo'lsangiz ham mahsulotni qo'lingizga olmaguncha to'lov qila ko'rmang hattoki 10% qismini ham!

.

2024-10-21T06:56:39.413Z

U unga hozir yashaydigan manzilni aniq holda yubordi.

Muallif esa buni qanday bilgani haqida so'radi.

U esa rasmdagi o't orqali aniqlaganini aytdi.

Ya'ni, o'tning barglari biroz egilgan, ammo hali ham jonli turganini ko'rsatib, o'simlikning bunday holda turishi uchun o'rtacha harorat 65-70°F (Fahrenheit) bo'lishi kerakligini ta'kidladi. Shuningdek, hozir sentyabr oyi ekanini, bu davrda qaysi hududlarda shunday ob-havo kuzatilganini xaritadan aniqlaganini qo'shimcha qildi. Shimoliy hududlarda erta qish kelib, havo soviy boshlagani uchun u o'rta g'arb hududlaridan birini taxmin qildi.

Keyin, u o'simlikning qalinligi 3-5 mm bo'lgani uchun, bu o'ta nam yoki o'ta quruq bo'lmagan joyda o'sishini ta'kidladi. Bu degani, joy sohil hududlaridan uzoqda bo'lishi kerak, ya'ni o'rta g'arb — aniqrog'i, Ohio shtati bunga mos keladi.

Qo'liga e'tibor berilsa, soya zo'rg'a tushayotganini ko'rish mumkin, bu quyoshning ancha baland ekanidan darak beradi. Shunga asoslanib, rasm 14:30-16:00 oralig'ida olinganligini taxmin qilish mumkin. Rasm 27-sentyabrda yuklanganiga qarasak, quyosh taxminan shu paytda shimoliy kenglik bo'yicha 40 gradusda, kunduzi esa ufqdan 40-45 gradus burchakda turgan bo'lishi kerak. Bu burchak qo'lning soya burchagiga mos keladi va ob-havo saytlari orqali tekshirsa, bu Ohio shtati ekanligi yanada aniq bo'ladi.

Yana rasmdagi o'tga qarasak, yuqori qismi yashil ekanligi bir necha kun avval yomg'ir yog'ganini, ostki qismisariq ekanligi esa kuzning boshida biroz quruq kelganini ko'rsatadi. Ohio shtatining oxirgi bir oylik ob-havo ma'lumotlariga qaraganda, 926 hududidan faqat 13 tasida oxirgi 3 kun ichida yomg'ir yog'gan va kuzning boshi quruqroq bo'lgan.

Rasmning past burchagida oyoq kiyimning bir qismi ko'rinib qolgan. Bu yaqinda trendga chiqqan Nike kompaniyasining Air Zoom Pegasus 39 modeli, rangi esa mashhur "Black Red Clay Phant" bo'lib, buni osongina Google orqali solishtirib ko'rish mumkin.

Ko'rinib turgan sviterning yeng qismiga qarab, bu mashhur "Uniqlo U Crew Neck Long Sleeve Sweater" bo'lishi, uning rangi esa "Heather Gray" deb taxmin qilish mumkin. Google orqali buni ham tasdiqlash oson. Moda tanlovi juda ajoyib — zamonaviy va printsipial.

Agar men 30 000 dan oshiq aholisi bo'lmagan shaharchada yashagan bo'lsam, bunday kiyimlarni kiymas edim. Oxirgi 3 kun ichida yomg'ir yog'gan va aholisi ko'p bo'lgan shaharcha bu — Springfild.

O'tning biroz bukilgani va juda ham oyoq osti qilinmaganiga e'tibor qaratsak, bu hudud odamlar ko'p bo'lmagan joy ekanligini anglatadi. Shahardagi tirbandlikni hisobga olsak, bu shahardagi biror bog' bo'lishi mumkin. O'tning bir tekisda bukilmagani bu joyda o't o'rish apparati ishlatilmaganligini ko'rsatadi. Odatda, shaharda o'tlarni apparat yordamida o'rishadi, ammo bog'larda o'tlar tabiiy holatda qoladi. Bu ham rasm bog'da olinganini isbotlaydi.

Men sahifangda 2010-yilda ishlab chiqarilgan Honda Odyssey avtomobilini sotmoqchi ekaningni ko'rdim. O'sha hududdagi eng yaqin Honda sotuvchisi bilan bog'landim va qo'l o'lchami 6,5 dyumli, oqargan teri rangi bo'lgan ayol mashina sotmoqchi ekanini so'radim. Shunday qilib, sening aniq manziling va to'liq ismingni bilib oldim.