Toshkent viloyati yoshlari | Yoshlar ittifoqi

"Olam nurga toʻlsin sen bilan, Navroʻz" shiori ostida oʻtkazilgan muhtasham Yoshlar saylidan fotogalereya

2024-03-20T06:14:46.312Z

Xalqimizning o'ziga xos an'analariga, milliy urf-odatlarimizga sodiq qolish, ularni targ'ib etish jamiyatimiz har bir a'zosining vazifasidir. Kuni kecha Toshkent viloyati Yoshlar markazida "Olam nurga toʻlsin sen bilan, Navroʻz" shiori ostida tashkil etilgan yoshlar sayli butunlay o'zgacha ruhda o'tdi. Tadbir davomida milliy sport turlari bo'yicha musobaqalar, taqdirlash marosimlari bo'lib o'tdi, bahoriy kuy-qo'shiqlar yangrab, navro'z timsoli bo'lmish sumalak tayyorlandi. Shu bilan bir qatorda osh taomi tayyorlanib iftorlik dasturxoniga tortildi. Bolalar uchun tashkil etilgan o'yiungohlar ularning quvonchiga yanada quvonch qo'shdi. Qolaversa, harbiy chiqishlar va yosh, iste'dodli xonandalar tomonidan qo'shiqlar ijro etildi. Bayramning kechki qismida esa qatnashchilar uchun shou-konsert dasturi bo'lib o'tdi. Bir so'z bilan aytganda mazkur sayl bahoriy ayyomga xos va mos tarzda o'tkazilib, ishtirokchi yoshlar va mehmonlar qalbiga ibr olam quvonch ulashdi, desak mubolag'a bo'lmaydi. Quyida ushbu tadbirdan fotolavhalarni tomosha qilishingiz mumkin.

Kuch tuzilmalari o'rtasida “Aʼlo mamlakatning aʼlo farzandi bilib qoʻyginki, seni Vatan kutadi!” shiori ostida Oʻzbekiston yoshlar ittifoqi Toshkent viloyati Kengashi kubogi uchun “ZAKOVAT” intellektual oʻyini oʻtkazildi

2024-03-19T04:49:02.696Z

Oʻzbekiston yoshlar ittifoqi Toshkent viloyati Kengashi tashabbusi bilan huquqni muhofaza qiluvchi tuzilmalardagi harbiy qism harbiy xizmatchilari oʻrtasida “Aʼlo mamlakatning aʼlo farzandlari bilib qoʻyginki, seni Vatan kutadi!” shiori ostida Oʻzbekiston yoshlar ittifoqi kubogi uchun “ZAKOVAT” intellektual oʻyini oʻtkazildi. Mazkur musobaqa Toshkent harbiy okrugi qoʻmondonligi, “Vatanparvar” tashkiloti Toshkent viloyati Kengashi, Respublika Ma'naviyat va ma'rifat markazi Toshkent viloyati boshqarmasi bilan hamkorlikda tashkil etildi.

Unda 130 dan ortiq harbiy yoshlar mantiqiy savollar ustida aql maydonida o'zaro bellashishdi. Qizgʻin va murosasiz tarzda kechgan o'yinda berilgan savollar ishtirokchilarning aqliy salohiyatini yanada oshirishga, zehnini charxlashga beminnat xizmat qiladi.

🏆Yakuniy natijalarga ko‘ra:
🥇1-o'rin –Jamoat xavfsizligi universitetining “Bumerang” jamoasiga;
🥈2-o‘rin –Mudofaa vazirligiga qarashli “Qalqon” jamoasiga;
🥉3-o‘rin – Mudofaa vazirligi Axborot-komunikatsiya va aloqa harbiy inistitutining “Bumerang” jamoasiga nasib etdi.

Umumxalq xayriya hasharida yoshlar faollik ko'rsatishda davom etmoqda (2-kun, fotoreportaj)

2024-03-17T17:05:35.268Z

Elimizda "Hashar - elga yarashar" degan naql bor. Darhaqiqat, jamiyatning har bir a'zosi o'zi yashaydigan hudud toza-ozodaligi uchun o'zida mas'uliyat his etishi ayni muddaodir. Xalqimizning o'ziga xos an'analaridan biri bo'lgan hamda uzoq yillardan buyon davom etib keladigan hashar marosimi bu yil ham 16-18-mart kunlari o'tkazilishi rejalashtirilib, Muborak Ramazon oyini munosib o'tkazish va atrof muhit tozaligiga hissa qo'shish nazarda tutilgan. Joylarda tashkil etilayotgan umumxalq hasharlarining ikkinchi kunida ham boshlang'ich tashkilot yetakchilari va ular bilan birgalikda faol yoshlar jonbozlik ko'rsatishmoqda.

Toshkent davlat agrar universitetida bo'lib o'tgan hashardan fotolavha

Belarus-O'zbekiston qo'sha tarmoqlararo amaliy texnik kvalifikatsiyalar institutida bo'lib o'tgan hashardan fotolavha

O'rta Chirchiq pedagogika kollejida bo'lib o'tgan hashardan fotolavha

Oqqo'rg'on tuman 2-sonli kasb-hunar maktabida bo'lib o'tgan hashardan fotolavha

ChDPU qoshidagi "Tovoqsoy" ko'p tarmoqli texnikumida bo'lib o'tgan hashardan fotolavha

Toshkent tuman 1-son kasb-hunar maktabida bo'lib o'tgan hashardan fotolavha

Quyi Chirchiq tuman politexnika texnikumida bo'lib o'tgan hashardan fotolavha

Umumxalq xayriya hasharida boshlang'ich tashkilot yetakchilari va yoshlar faol ishtirok etmoqda

2024-03-16T12:13:47.862Z

Elimizda "Hashar - elga yarashar" degan naql bor. Darhaqiqat, jamiyatning har bir a'zosi o'zi yashaydigan hudud toza-ozodaligi uchun o'zida mas'uliyat his etishi ayni muddaodir. Xalqimizning o'ziga xos an'analaridan biri bo'lgan hamda uzoq yillardan buyon davom etib keladigan hashar marosimi bu yil ham 16-18-mart kunlari o'tkazilishi belgilanib, Muborak Ramazon oyini munosib o'tkazish va atrof muhit tozaligiga hissa qo'shish nazarda tutilgan. Joylarda tashkil etilayotgan umumxalq hasharlarida boshlang'ich tashkilot yetakchilari va ular bilan birgalikda faol yoshlar jonbozlik ko'rsatishmoqda.

Toshkent davlat agrar universitetidagi hashardan fotolavha

O'zbekiston davlat jismoniy tarbiya va sport universitetida tashkil etilgan hashardan fotolavha

TATU Nurafshon filialidagi hashardan fotolavhalar

Astraxan davlat texnika universitetidagi hashardan fotolavha

Bekobod shahar kasb-hunar maktabidagi hashardan fotolavha

Olmaliq arxitektura-qurilish texnikumidagi hashardan fotolavha

Shu bilan bir qatorda, korxona va tashkilotlardagi boshlang'ich tashkilot yetakchilari ham qo'l qovushtirib o'tirgani yo'q. Ular ham o'zlarining hamkasb yoshlari bilan birgalikda umumxalq xayriya hasharlarida faol ishtirok etishmoqda.

Toshkent viloyati Iqtisodiyot va moliya bosh boshqarmasidagi hashardan fotolavha

"Biznesni rivojlantirish banki" ATBdagi hashardan fotolavha

"Agrobank" ATB Toshkent viloyati boshqarmasidagi hashardan fotolavha

"Imkoniyati cheksiz"

2024-03-16T11:15:48.584Z

"Imkoniyati cheklanganlarni jamiyatga kirishishi uchun har qancha harakat qilmaylik, agar jamiyat ularni qabul qilishni istamasa barchasi besamar bo'ladi"

Toshkent viloyati Yoshlar markazida O'zbekiston yoshlar ittifoqi Samarqand viloyati Kengashi "Imkon" yo'nalishi sardori Djamxurova Shahrizoda Zarruxovnaning "Imkoniyati cheksiz" deb nomlangan kitobi taqdimoti bo'lib o'tdi.

Mazkur tadbirda O'zbekiston yoshlar ittifoqi Toshkent viloyat Kengashi raisi M. Xamzayev, boshlang'ich tashkilot yetakchilari hamda tuman-shaharlardagi "Imkon" yo'nalishi sardorlari ishtirok etdi. Ishtirokchilarga muallif tomonidan kitobning yozilishi, undagi materiallar haqida ma'lumotlar berib o'tildi. O'quvchi yoshlar o'zlarini qiziqtirgan savollarga javob olishdi. Yakunda taqdimot qatnashchilariga kitoblar sovg'a qilindi.

Jamiyatimizning imkoniyati cheklangan yoshlar qatlami uchun ishlab chiqilgan mazkur metodik qo'llanma, Xalq deputatlari Samarqand Kengashining maxsus granti doirasida chop etilgan. Unda volontyorlik ko'nikmalarini shakllantirish, nuqsonli bolalar bilan ishlash texnikasi, ular bilan bog'liq ta'lim-tarbiya jarayonlari va shu kabi mavzular yoritilgan bo'lib, yoshlar ittifoqi tizimidagi volontyorlar, sardorlar, yetakchi va psixologlarga tavsiya etiladi.

Bo'stonliq tumanida joylashgan 99298-harbiy qismda "Rahbar va yoshlar" uchrashuvi bo'lib o'tdi

2024-03-14T04:55:53.852Z

Xabaringiz bor, Oʻzbekiston Respublikasi Mudofaa vazirligi huzurida “Vatan tayanchi” bolalar va oʻsmirlar harbiy-vatanparvarlik harakati Respublikamiz yoshlari orasida tobora ommalashib bormoqda. Ushbu harakat oʻz oldiga yosh avlodni Vatan taqdiriga daxldorlik, milliy va umuminsoniy qadriyatlar ruhida tarbiyalash, bir soʻz bilan aytganda, sadoqatli va bilimli oʻquvchi-yoshlarni “Vatan tayanchi” otryadi atrofiga birlashtirish kabi muhim maqsadlar yoʻlida faoliyat olib bormoqda.

Bo‘stonliq tumanida joylashgan harbiy qismda “Vatan tayanchi” otryadi aʼzolari uchun “Ochiq eshiklar kuni” o‘tkazildi. Yoshlar tashrif davomida harbiy xizmatchilarga davlat tomonidan yaratilgan shart-sharoitlar, harbiy xizmatchilarning kunlik faoliyatlari bilan yaqindan tanishishlari hamda “Komandir va yoshlar” uchrashuvi oʻquvchilarda katta taassurot qoldirdi.

O‘zbekiston yoshlar ittifoqi Toshkent viloyat Kengashi va viloyat “Vatan tayanchi” bolalar va o‘smirlar harbiy vatanparvarlik bo‘limi bilan hamkorlikda Jazoni ijro etish departamentining boshlang‘ich tashkilot yetakchilari uchun o‘quv-seminari o‘tkazildi

2024-03-13T07:16:09.746Z

O‘zbekiston yoshlar ittifoqi Toshkent viloyat Kengashi, Jazoni ijro etish departementi hamda viloyat “Vatan tayanchi” bolalar va o‘smirlar harbiy vatanparvarlik bo‘limi bilan hamkorlikda joriy yilning 12-mart kuni viloyatdagi jazoni ijro etish koloniyalaridagi boshlang‘ich tashkilot yetakchilari bilan “Boshlang‘ich tashkilotning asosiy maqsadi va vazifalari, yoshlarni vatanparvarlik ruhida tarbiyalashdagi ahamiyati” mavzusida seminar o‘tkazildi.

Ushbu seminar O‘zbekiston Respublikasi Prezidentining 2017-yil 17-noyabrdagi “O‘zbekiston Respublikasi Qurolli Kuchlarida yoshlarga oid davlat siyosati samaradorligini yanada oshirish bo‘yicha qo‘shimcha chora-tadbirlar to‘g‘risida”gi PQ-3394-sonli Qarori hamda O‘zbekiston Respublikasi Vazirlar Mahkamasining 2023-yil 29-iyundagi “Yoshlarni harbiy-vatanparvarlik ruhida tarbiyalash ishlari samaradorligini oshirish chora-tadbirlari to‘g‘risida”gi Qarori ijrosini ta’minlash, shuningdek yoshlarni vatanparvarlik ruhida tarbiyalashga qaratilgan istiqbolli rejalarni amalga oshirish tizimi to‘g‘risida bo‘lib o‘tdi.

Seminar davomida ishtirokchilarga O‘zbekiston yoshlar ittifoqi Toshkent viloyati Kengashi harbiy qismlar bilan ishlash bo‘limi boshlig‘i podpolkovnik Erkin Sharopov tomonidan boshlang‘ich tashkilot yetakchilarining faoliyati, imkoniyati va vazifalari to‘g‘risida, O‘zbekistonda yoshlarga oid davlat siyosatini amalga oshirishda yoshlar qonunchiligining ahamiyati, davlatimiz rahbarining 2022-yil 2-martdagi “Vatan tayanchi” bolalar va o‘smirlar harbiy-vatanparvarlik harakati faoliyatini tashkil etish to‘g‘risidagi 150-sonli Qarorining maqsad va vazifalari to‘g‘risida viloyat “Vatan tayanchi” bolalar va o‘smirlar harbiy-vatanparvarlik harakati bo‘limi mas’ul xodimi Shuxrat Shomurodov bilan birgalikda ma’lumotlar berildi.

"Moliyaviy sektordan qiziqarli ma’lumotlar: mijozlar va iste’molchilar huquqlarini himoya qilish bo‘yicha muhim ma’lumotlar" mavzusida seminar trening bo'lib o'tdi

2024-03-12T09:07:17.318Z

15-mart – Butunjahon iste’molchilar huquqlari kuni munosabati bilan O'zbekiston Yoshlar ittifoqi Toshkent viloyati kengashi, "Yoshlar - kelajagimiz" jamg'armasi Toshkent viloyati filiali, O‘zbekiston Respublikasi Raqobatni rivojlantirish va iste’molchilar huquqlarini himoya qilish qo‘mitasi, German Sparkassenstiftung tashkiloti hamda Ishbilarmon ayollar assotsiatsiyalari bilan hamkorlikda "Moliyaviy sektordan qiziqarli ma’lumotlar: mijozlar va iste’molchilar huquqlarini himoya qilish bo‘yicha muhim ma’lumotlar" mavzusida "Yoshlar markazi"da seminar-trening bo'lib o'tdi. 150 dan ortiq ishtirokchilarni qamrab olgan mazkur tadbirda loyiha hamkorlari, jumladan, O'zbekiston Yoshlar ittifoqi Markaziy Kengashi raisi o'rinbosari Abdushukur Yangiyev, Raqobatni rivojlantirish va iste'molchilar huquqlarini himoya qilish qo'mitasi vakili boshqarma boshlig'i Botir Sharipov va hududiy boshqarmalar boshliqlari, German Sparkassenstiftung for International Cooperation tashkilotining Oʻzbekistondagi vakolatxonasi rahbari Mathias Wangler, tadbirkor ayollar va boshqa faol yoshlar ishtirok etdi.

Tadbir davomida so'zga chiqqan mutaxassislar tomonidan iste'molchilar huquqlari va qonunlar, Germaniya va O'zbekiston banklari o'rtasidagi iqtisodiy hamkorlik hamda moliyaviy savodxonlik borasida so'z yuritilib, tinglovchilarga ushbu yo'nalish bo'yicha zarur va qiziqarli ma'lumot-maslahatlar berildi. Ishtirokchilar o'zlarini qiziqtirgan savollarga javob olib, shaxsiy moliyaviy bilim va ko'nikimalarini yanada yuqori pog'onaga ko'tarishga muvaffaq bo'lishdi.

16-17-18 mart kunlari o'tkaziladigan umumxalq xayriya hashariga viloyatimiz yoshlari shay holatda

2024-03-11T16:18:20.337Z

Hashar - millatimizning o'ziga xos, uzoq asrlardan buyon davom etib keluvchi an'alaridan biri. Dono xalqimiz bejizga "Hashar - elga yarashar" deb ta'kidlamagan. Ayniqsa, ana shunday hasharlar yosh avlod bilan yanada go'zal tarzda o'tadi.

Yurtimizda “Navro'z” bayramini nishonlash hamda muborak Ramazon oyini munosib tarzda o‘tkazish, atrof-muhitni obodonlashtirish, sog‘lom turmush tarzi, sanitariya-gigiyenik madaniyatni targ‘ib qilish, shuningdek, aholining ijtimoiy himoyaga muhtoj qatlamini qo‘llab-quvvatlash maqsadida, joriy yilning 16-17-18 mart kunlari “Obod va fayzli mahalla – yurt ko‘rki” shiori ostidagi umumxalq xayriya hashari o‘tkaziladi.

Shu bilan bir qatorda, umumxalq hasharida “Yashil makon” umummilliy loyihasi doirasidagi ko‘kalamzorlashtirish tadbirlarini davom ettirish, respublika boʻylab mahallalar, aholi turar joylari, xiyobonlar, ziyoratgohlar, qabristonlar hamda bolalar maydonchalarini obodonlashtirish koʻzda tutilgan.

Bir so'zni ishonch bilan ta'kidlash mumkinki, yaqinlashib kelayotgan mazkur umumxalq hashariga O'zbekiston Yoshlar ittifoqi Toshkent viloyati kengashi, viloyatimizdagi 59 ta professional, 9 ta oliy ta'lim muassasalari hamda 47 ta korxona-tashkilotlardagi boshlang'ich tashkilot yetakchilari, koordinatorlar va ular bilan yakdil bo'lgan faol yoshlar birdamlikka bel bog'lab, Vatan obodligiga hissa qo'shish va ezgu an'analarni davom ettirish istagida shay holatdadirlar!

Bekobod kasb-hunar maktabining faol yoshlari bilan birgalikda "O'zMetkombinat" AJ muzeyiga sayohat uyushtirildi

2024-03-11T12:37:16.475Z

Yoshlarning ta'lim olishida ma'naviy hordiq ham muhim ahamiyatga ega. O'zbekiston Yoshlar ittifoqi Bekobod shahar kasb-hunar maktabi Boshlang'ich tashkiloti a'zolari hamda bir guruh faol yoshlar mazkur ta'lim muassasasining yetakchisi tashabbusi bilan "O'zMetkombinat" AJ muzeyiga tashrif buyurishdi. Manzilda bo'lgan 25 nafar o'quvchilar va ularga birlashtirilgan koordinatorlar ekskursiya davomida ushbu kombinatning tarixiy faoliyati, muzeydagi eksponatlar bilan yaqindan tanishib, o'zlari uchun qiziqarli ma'lumotlarni olishdi.