Tutorials.uz

Opacity/Transparency

2019-08-03T18:25:44.728Z

Opacity - o'zbek tiliga to'g'ridan-to'g'ri shaffof deb tarjima qilinadi.

CSS opacity xossasi elementning shaffofligini o'rnatish uchun ishlatiladi.

Shaffof rasm

opacity xossasi 0.0 - 1.0. gacha bo'lgan qiymatlarni qabul qiladi. Eng past qiymat, eng shaffof:

Yodda tuting: IE8 va avvalgi versiyalari uchun filter:alpha(opacity=x) ishlatiladi. x ni o'rniga 0 - 100 bo'lgan qiymat kiritiladi. Eng quyi qiymat eng shaffofi:

Shaffof Hover effekt

opacity ko'pincha :hover bilan birga ishlatiladi. :hover selektori sichqoncha elementni ustiga olib borilganda bo'ladigan effektni belgilaydi:

Tushuncha

1-CSS blok kod 1-namunamizda ko'rsatilganga o'xshaydi. Qo'shimcha qilib biz foydalanuvchi elementni ustiga sichqonchani olib borganda effekt sodir qilish uchun kod yozdik. Endigisi holatda sichqoncha rasmni ustiga olib borilsa rasm qayta shaffof ranga kirib qoladi:

Shaffof quti

Opacity xossasini elementning orqa foniga shaffoflik kiritish uchun ishlatganimizda, o'sha elementning barcha child klasslari xuddi o'sha shaffoflikni meros qilib oladi. Element ichidagi matnlar ham o'qib bo'lmas darajada shaffof bo'lib qoladi.

RGBA Shaffoflik

Agar barcha child sinflar o'ziga parent klassni qiymatini qabul qilib olishini xohlamasangiz, RGBA ranglardan foydalaning:

Abstrakt klass va metodlar - I

2019-07-31T18:36:15.488Z

Abstrakt klassni yaratishda biz abstract kalit so'zidan foydalanamiz. Abstrakt sifatida belgilangan klass instantsiyalanmaydi. Ya'ni obyekt ololmaymiz.

Quyidagi abstrakt klass va metodlar haqida muhim ko'rsatmalarni o'qing:

Abstrakt klassda boshqa odatiy klass kabi o'z xossa va metodlari bo'lishi mumkin.
Abstrakt klass instantsiyalanmaydi, shuning uchun biz child klass (parent klassdan) yaratib, keyin child klassning obyektini yaratishimiz mumkin.
Agar klassda bitta abstrakt metod bo'lsa, unda klass ham mavjum bo'lishi kerak.
Abstrakt metod shunchaki kod qismi bo'sh bo'lganda ham unga argument va metod nomini kiritoladigan bayonot.

Agar buni tushunishga qiynalayotgan bo'lsangiz, havotir olmang. Keyingi darslarimizda qadamma-qadam barcha ko'rsatma va tushunchalarni berib boramiz.

abstrakt sinfni yaratish

Sinfni abstrakt deb e'lon qilish uchun, sinf nomidan oldin abstract kalit so'zini ishlatishimiz kerak.

Yuqoridagi namunamizda, Vehicle sinfimiz - abstrakt metodi mavjud bo'lgan abstrakt sinf.

Abstrakt klassni yaratish ko'rsatmalariga amal qilish dasturchini o'ziga bog'liq. Misol uchun, agar Vehicle sinfimizni extend qiladigan yangi sinf yaratmoqchi bo'lsangiz abstrakt metod milegae() ta'rifini ta'minlashingiz kerak aks holda, child sinf ham abstrakt bo'lishi kerak bo'ladi. Shuning uchun, barcha child sinflar mileage() metod abstrakt ta'rifini ta'minlashingiz(yozishingiz) kerak.

Abstrakt sinf ichida abstrakt bo'lmagan metod

Har qanday hatto bitta abstrakt metodli sinf abstrakt deb e'lon qilinishi kerak. Ammo, abstrakt sinflarda abstrakt bo'lmagan metodlar ham bo'lishi mumkin, shuningdek, ularni qayta belgilamasdan turib, child sinflar orqali ulardan foydalanish va kirish mumkin.

Yuqoridagi kodimizda, Vehicle abstrakt sinfimizga uchta start(), stop() va setName() nomli abstrakt bo'lmagan metodlarni qo'shdik.

Abstrakt sinflardan meros olish

Boshqa sinflarga o'xshab, abstrakt sinfdan yangi sinf yaratishimiz mumkin bo'ladi.

Bu yerda yagona farq bu parent sinfda belgilangan abstrakt metod ta'rifini child sinflarda ham belgilashingiz kerak.

Agar child sinfda abstrakt metod ta'rifi yozilmagan bo'lsa, unda u abstrakt sinf sifatida belgilanishi kerak.

Keling, Vehicle sinfini meros qilib oluvchi 2 child sinf yaratamiz va unga abstrakt metod ta'rifi mileage() ni belgilaymiz:

Biz xohlaganimizcha child sinfni yaratishimiz mumkin, masalan:

Yuqorida ta'kidlab o'tkanimizdek, abstrakt sinfda hech qanday obyekt bo'lmaydi, bir marta mos child sinfni belgilaymiz va ularni obyektlarini yarataveramiz.

Agar urunib ko'rmoqchi bo'lsangiz, mavzuni boshiga o'ting va Vehicle sinfini obyektini yaratishga harakat qiling, aytilganidek yaratolmaysiz va xato FATAL ERROR ga duch kelasiz.

SANJAR SOBIRJONOV | TUTORIALS.UZ

Ta'sir etuvchi elementlar(psevdo-elementlar)

2019-07-27T17:40:35.984Z

CSS psevdo-elementi elementning belgilangan qismlarini stillash uchun ishlatiladi.

Masalan, u quyidagilar uchun ishlatilishi mumkin:

Elementning birinchi harfini yoki satrini stillash
Kontentni element kontentidan oldin yoki keyin kontentni qo'yish

Sintaksis:

selektor::psevdo-element {
 xossa: qiymat;}

::first-line psevdo-elementi

::first-line bu matnning birinchi qatoriga alohida stil berish uchun ishlatiladi.

::first-line psevdo-elementi faqat blok-elementlar uchun ishlatilishi mumkin.

Quyidagi xossalar ::first-line psevdo-elementi uchun qo'llanadi:

font xossalari
color xossalari
background xossalari
word-spacing
letter-spacing
text-decoration
vertical-align
text-transform
line-height
clear

::first-letter psevdo-elementi

::first-line bu matnning birinchi harfiga alohida stil berish uchun ishlatiladi.

Quyidagi xossalar ::first-letter psevdo-elementi uchun qo'llanadi:

font xossalari
color xossalari
background xossalari
word-spacing
letter-spacing
text-decoration
vertical-align(faqat float:none bo'lsa)
text-transform
line-height
clear

Psevdo-elementlar va css klasslar

Psevdo-elementlar va css klasslar birgalikda ishlatilishi ham mumkin.

Yuqoridagi kod intro nomli klass paragrafning birinch harfi qizil rangda va katta o'lchamda ko'rinadi.

Ko'p psevdo-elementlar

Bir qancha psevdo-elementlar birgalikda ishlatilishi mumkin. Ushbu quyidagi namunani ko'rishingiz mumkin:

::before psevdo-elementi

Bu psevdo-element, element kontentining oldidan qanaqadir kontent qo'yish uchun ishlatiladi.

::after psevdo-elementi

Bu psevdo-element, element kontentining orqqanaqadir kontent qo'yish uchun ishlatiladi.

::selection psevdo-elementi

Bu psevdo-elementi foydalanuvchi tanlagan elementning bir qismini qanday stilda ko'rinishini ifodalaydi. ::selection color, background, cursor va outline xossalarini qabul qiladi. Quyida xohlagan tanlangan element kontenti matn rangi qizil, orqa foni sariq.

Ta'sir etuvchi sinflar(Pseudo-classes)

2019-07-22T17:56:27.768Z

Ta'sir etuvchi sinflar(psevdo sinf) - dizayner tomonidan tanlangan selektorlarga effektlar qo'shish uchun ishlatiladi.

Masalan, ular orqali:

Biror elementga sichqonchani ustiga bosganimizdagi stilni qo'shish;
Tashrif buyurilgan yoki tashrif buyurilmasdan oldingi stillarini farqlash;
Element fokuslanganda stil berish kabi holatlarda ishlatamiz.

Psevdo klasslar joylashuvi

Havolalar har xil yo'llarda ko'rinishi mumkin:

Psevdo klasslar va CSS klasslar

Psevdo klass va CSS klasslar birgalikda ishlatilishi ham mumkin.

Havolaga sichqonchani ovorsangiz u o'z rangini o'zgartiradi. Namuna, sichqoncha ovorilgandagi holati:

<div> da sichqoncha ovorilgandagi holat

:hover psevdo-klassini <div> elementida ishlatish uchun namuna:

Sodda Tooltip Hover

div elementi ustida sichqonchani olib borib p elementini podskazka sifatida ko'rsatish mumkin.

:first-child klasi

:first-child psevdo sinfi belgilangan element boshqa elementning birinchi child(bola) ekanligini solishtiradi.

Birinchi element <p> ga mos keladi:

p elementidagi barcha birinchi child i elementlarini solishtirish

:lang psevdo klassi

:lang psevdo klassi turli xil tillar uchun maxsus qoidalarni belgilashga imkon beradi.

Sanjar Sobirjonov | TUTORIALS.UZ

Meros olish(Inheritance)

2019-07-22T17:00:51.570Z

Obyektga yo'naltirilgan dasturlashda, Inheritance mavjud sinfning xususiyatlari va metodlarini ishlatishga imkon beradi.

Ko'pincha dasturlashda mavjud klassning barcha funksional imkoniyatlari va yangi metodlar mavjudligi bilan bir qatorda, mavjud holatlarda kengaytma(extension) singari yangi sinf yaratish kerak bo'lgan holatlarga duch kelamiz. Bunday hollarda biz barcha metod va xossalarini ko'chirib olishimiz va yangi sinfda mavjud sinfni yangi sinfga o'tkazish yoki yangi sinfga eski sinfni meros qilib olamiz.

Chalkahib qoldizmi? Buni tushunish uchun oddiy misolni ko'rib chiqaylik. Taassavur qiling, bizda asosiy metodlar bilan yaratilgan Human sinfi mavjud: walk(),eat(), hear() ,see().

Endi biz erkak va ayol uchun Male va Female nomli ikkita klassni yaratishimiz kerak deylik. Human sinfiga oid barcha xossa va metodlarini yaratayotgan sinflarimizda ham bo'lishi kerak. Buni biz Human sinfidan yangi sinflarga meros olish bilan qilishimiz mumkin.

Meros olingan sinf - Ota(parent) sinf(klass) deyiladi( super yoki tub(base) sinf ham deyilishi mumkin). Mos ravishda, meros olayotgan sinf esa Bola(child) sinf deyiladi(sub yoki boshlang'ich(derived) sinf deyilishi ham mumkin).

Yuqorida ko'rsatilgan namunamizda Human ota klass, Male va Female klasslar esa bola sinflar hisoblanadi.

Inheritance(Meros olish) bir qancha o'xshash sinflar yaratishimizda juda qo'l keladi. Biz umumiy metod va xossalarni ota sinfga qo'yib uni boshqa bola sinflarga meros qilib olishimiz mumkin bo'ladi, shuningdek obyektni o'chirish uchun destructor metodi ishlatiladi.

Sinfdan meros olish sintaksisi

PHP da bola(child) sinfini belgilashda ota sinfni belgilash uchun extends kalit so'z ishlatiladi. Misol uchun:

Meros olishni ishlatishda kerakli joylarni yodda tuting:

Bola sinf ota sinfdagi xususiy (private) bo'lmagan xossa va metodlardan foydalana oladi va kiroladi.
Bola sinfda, ota sinfda yo'q metodlar ham bo'lishi mumkin.
Bola sinf ota sinfda belgilangan metodni qayta belgilshi va u uchun o'z implementatsiyasini amalga oshirishi mumkin.

Keling, Human sinfimizga bir metod qo'shamiz va uni Male va Female bola sinflarida qanday qilib ishlatishni ko'rib chiqamiz.

Yuqoridagi kodni ko'rganingizdek, ikkala bola sinflar bosh edi, biz ularning ikkoviga ham Human sinfdan meros oldik.

Bola klass o'zining xossa va metodlari bilan

Bola sinf ota sinfni meros qilib olganda u ota sinfdagi barcha non-private(xususiy bo'lmagan) a'zolardan foydalana olish va kirishga ega bo'ladi. Bbiz buni bilamiz ammo bola sinfni o'zini xossa va metodlari bo'lishinichi? Ha, buni ham imkoni bor. Keling buni qanday qilishimizga namuna ko'ramiz:

Natija:

Mercedes benz - Engine start... 
I am Mercedes benz 
Lets go on a drive...

Agar sinf boshqa sinfni meros qilib olsa, ota sinfida belgilangan xossa va metodlarni ularni qayta belgilamasdan turib foydalanish imkoniyatiga ega bo'ladi va boshqa har qanday oddiy sinf singari, o'z xossa va metodlariga ega bo'lishi mumkin.

protected kirish modifikatori

Biz turli xil kirish modifikatorlari haqida o'rgandik va ularni har xil klassning xossa va metodlariga kirishni nazorat qilishni bilib oldik.

Agar bola sinfi ota sinfni meros qilib olsa, u faqat xususiy bo'lmagan xossalar va metodlardan qayta foydalanishi va ularga kirishi mumkin.

Ammo biz xossalar uchun public kirish modifikatorlaridan foydalanmasligimiz kerak, chunki bu xossalarga sinfdan tashqarida ham kirish mumkin.

Ota sinfining xossalari va metodlariga faqat bola sinfiga kirishga ruxsat berish uchun biz protected kirish modifikatoridan foydalanishimiz mumkin.

Agar biz sinfning har qanday xossa yoki metodini protected deb belgilab olsak, u xossalar va metodlarga faqat sinfni meros qilib oladigan bola sinfida kirish mumkin bo'ladi.

Misol uchun:

Yuqoridagi kodda name o'zgaruvchisini protected deb oldik va uni ishga tushirib ko'rdik, so'ngra ushbu xatolikni olamiz:

Fatal error: Uncaught Error: Cannot access protected property Car::$name in...

Ota sinf metodini qayta belgilash

Agar bola sinfda, ota sinfning metodini ishlatishni xohlasak ammo sal boshqacharoq bo'lsa nima bo'ladi? Bu ota sinfda belgilangan metodni qayta belgilash orqali amalga oshiriladi. Bu - Metodni qayta belgilash(Method Overriding) nomi bilan tanilgan.

Natija:

Car class drive method... 
Motorcycle class drive method...

Yuqoridagi kodda bizda "Vehicle" deb nomlangan ota klassi va ikkita "Car" va "Motorcycle" deb nomlangan bola sinflar mavjud.

Ota sinfida drive() metodi mavjud, uni bola sinflar qayta belgilagan va boshqacha ta'rif yozilgan.

Agar siz har qanday sinf ota sinfidagi metodni qayta belgilay olishini xohlamasangiz nima bo'ladi? Bunda ota sinfda final metodini belgilashimiz kerak bo'ladi. Bu metod ota klassdagi metodni qayta belgilashni bekor qiladi.

Natija:

Fatal error: Cannot override final method Vehicle::drive()

«Inson o`zi kim yoxud muvofaqiyatga erishishning siri»

2019-07-22T08:37:18.513Z

Siz muvofaqiyatga erishishni xohlaysizmi? Katta, chiroyli va lambarjini moshinangiz bo'lishinichi, xohlaysizmi? Yoki kimdir bo'lishni istarsiz?

Dunyoda shunday insonlar bor, ular boy, dunyoda shunday insonlar bor ular nochor. Har kim o'zi xohlagan narsaga, sharoitga yoki kasbga erishishni xohlaydi. Lekin ularning o'zini o'zlari bundan mahrum qilib qo'yishganini bilishmaydi ham. Olamning shunday narsa borki, u barchani o'zi fikr qilgan narsasiga erishtiradi. Ko'pchilik buni bilmasdan turib ishlatib yuborishadi. Bu olamning eng buyuk SIRI hisoblanadi.

Bu sir avval bo'lgan , hozir bo'layotgan va bo'ladigan barcha narsaga javob bo'loladi. - Ralf Voldo Emerson

Dunyoning mashhur insonlari: Stiv Jobs, Bill Geyts, Jek Maa, Jeff Bezos kabi shaxslarning ham sirlari bir xil. Olamning buyuk siri bo'lmish - tortishish kuchi.

Shu bilan birga buni fizika ham tasdiqlaydi.

Tortishish kuchi shunday kuchki uni oddiy qilib magnitga qiyos qilishimiz mumkin. Magnit bu bizmiz. Magnit nimani xohlasa o'sha narsani o'ziga tortish kuchiga ega. Biror narsaga erishish uchun unga egalik hissiyotini oshirish kerak. Insonning ham o'zi ana shunday mo'jizaviy xususiyatga ega. Bu xususiyatni o'rganish yoki qandaydir qiyinchiliklari yo'q, uni o'zimiz har qadamimizda yaratamiz.

Inson biror narsani xohlar ekan, uni o'z ongida ya'ni miyasida fikrlaydi. Har daqiqada o'ylashi ham mumkin. Bu esa uning magnitlik xossasini oshishiga olib keladi. O'sha o'zi xohlagan narsasini qanchalik ko'p o'ylasa, ongidan o'tkazsa, o'ylagan narsasini o'zi tortib olishi mumkin. Ya'ni u bir zumda sodir bo'lishi ham mumkin yoki ozgina vaqt talab qilishi ham mumkin. Mana shu kuch bilan biz o'z hayotimizni o'zgartirishimiz mumkin. Misol, siz futbol matchida top surayapsiz. Sizda mana shu o'yinda to'pni darvozaga kiritolmasamchi, yaxshi o'ynolmasamchi desangiz, shu salbiy fikr atrofga signal beradi. Bu esa sizni o'ylagan narsangiz bo'lishiga olib kelishi mumkin. Bunga o'xshash holatlar ko'pchilikda bo'lganligi aniq.

Mana shunday ketma-ketlikda salbiy fikrlar salbiy fikrlarni yoki aksincha ijobiy fikrlar ijobiy fikrlarni olib keladi. Yana bir misol keltirsam, siz bir narsani juda xohlayapsiz. Masalan moshinangiz bo'lishini xohlaysiz. Hayol surasiz, o'ylaysiz. U moshinada xuddi o'zingiz yurganday hayol qilsangiz, unga nisbatan egalik hissini oshirsangiz u narsaga erishish uchun sizga salbiy ta'sir qiladigan kuchlar qochadi va o'rniga ijobiy holatlar va yengil vaziyatlar ushbu narsaga erishishda yordam beradi.

Har bir istagan narsangizga qattiq ishonch va uni hayolan miyangizdan o'tkazishingiz kerak. Faqat ijobiy fikrlarni.

The Secret filmi asosida qisqacha tayyorlandi. | TUTORIALS.UZ

Konstruktor va destruktor

2019-07-20T18:58:07.177Z

Klassning obyektini yaratganimizda, biz obyektning xossalarini uni ishlatmasdan oldin o'rnatib olishimiz kerak. Biz buni birinchi obyektni initsializatsiya va xossalari uchun qiymatlar kiritish orqali bajarolamiz,yoki agar o'zgaruvchi public bo'lsa -> operatorini ishlatgan holda yoki private o'zgaruvchilar uchun public setter metodlarini ishlatgan holda bajarishimiz mumkin.

Bitta qadamda klass obyektini initsializatsiya qilish va yaratish uchun, PHP da Constructor deb nomlanadigan metod mavjud. Obyektni yaratish mobaynida talab qilingan xossa qiymatlarini belgilash orqali obyektni qurishda Construct metodi ishlatiladi va mos ravishda obyektlarni buzish uchun Destructor metodi ishlatiladi.

Constructor va Destructor ni belgilashdagi sintaksisi

PHP dasturlash tilida, biz klassga konstruktor va destruktor ni belgilashda maxsus funksiyalar : __construct() va __destruct() ishlatishimiz mumkin.

Konstruktor o'ziga argument qabul qiladi ammo destruktor hech qanday argument qabul qilmaydi chunki destruktorning vazifasi obyekt ma'lumotlarini o'chirish.

Konstruktor

Keling, 2ta parametrli Person klassining namunasini misol sifatida ko'ramiz, bu qismda biz obyektni yaratish vaqtida klass xossalarini initsializtsiya qilish uchun konstruktorni belgilaymiz.

Bundan avvalroq biz o'zgaruvchilarga qiymat kiritishda -> operatoridan yoki public setter metodlarini ishlatayotgan edik, konstruktor metodda esa biz obyektni yaratish mobaynida o'zgaruvchilarga qiymatlarni belgilay olamiz.

Destruktor

O'z nomi bilan ham aytib turibdiki, bu metod obyekt o'chirilishida ishtirok etadi. Bu metod xotiradan chiqarib yuboradi. Umuman olganda, destruktor metodda fayllarni yopish, manbalarni tozalash kabi ishlarda ishlatolasiz.

Destruktor metod hech qanday argument qabul qilmaydi va o'chirladigan obyektdan oldin chaqiriladi.

Esda tuting: Agar siz klass nomi bilan bir xil funksiya klass nomini ko'rsangiz shuni bilingki u konstruktor vazifasini bajarmoqda. Klassning eski versiyalarida __construktor() metodi belgilanmagan shuning uchun klass nomi bilan bir xil nom ishlatilinadi xuddi Core Java ga o'xshab. Namuna:

Kombinatorlar

2019-07-18T18:11:20.738Z

Kombinator - selektorlar orasida ularning munosabatini, aloqasini ifodalaydian yoki ko'rsatadigan belgi.

CSS selektorlar bitta oddiy selektordan ko'proq selektorlarni o'z ichiga olishi mumkin. Oddiy selektorlar orasida biz kombinator qo'shishimiz mumkin:

avlod(descendant) selektor (bo'shliq)
bola(child) selektor (>)
eng yaqin tug'ishgan(adjacent sibling) selektor (+)
umumiy tug'ishgan (general sibling) selektor (~)

Avlod selektori

Avlod selektori barcha, belgilangan elementning barcha avlodlariga mutanosib bo'ladi.

Quyidagi namunada, <div> elementi ichidagi barcha <p> elementlarini tanlaydi:

Bola selektor

Bola selektor belgilangan elementning eng yaqin bola elementlarini tanlab oladi.

Quyidagi namunada <div> elementiga eng yaqin <p> elementini tanlab olgan:

Eng yaqin tug'ishgan selektor

Bu selektor belgilangan elementning barcha ikkilamchi tug'ishgan elementlarini tanlab oladi.

Tug'ishgan elementlarning bir xil ota elementi bo'lishi kerak. Adjacent - eng yaqin elementlardan keyingi element degan ma'noni bildiradi.

Quyidagi namunada, <div> elementidan keyin eng yaqin <p> elementi tanlab olinmoqda:

Umumiy tug'ishgan selektorlar

Umumiy selektorlar - belgilangan elementning barcha tug'ishgan elementlarini tanlaydi.

Quyidagi namunada <div> elementining tug'ishgan barcha <p> elementlarini tanlab olmoqda:

Sanjar Sobirjonov | t.me/tutorialsuz

$this kalit so'zi

2019-07-17T18:38:54.008Z

Agar siz oldingi darslarimizda yoki OOP da ishlatilgan $this kalit so'ziga ko'zingiz tushgandir.

$this kalit so'zi klass ichida joriy obyekt uchun klass o'zgaruvchilari yoki funksiyalarining statik bo'lmagan a'zolariga kirish(dostup) uchun member functions(a'zo funksiyalari) bilan birga ishlatiladi.

Keling, this kalit so'zini ishlatilishini tushunish uchun namunani ko'ramiz:

Natija:

Mening ismim: John Wick

Yuqoridagi kodda, biz klass ichida $name nomli private o'zgaruvchi yaratib oldik va bizda $name ga yangi qiymat belilash va mos ravishda ulardan qiymat ulash uchun 2 ta public metodlar getName() va setName() .

Har doim a'zo funksiyaning ichidan klass o'zgaruvchisini chaqirmoqchi bo'lganimizda, biz o'zgaruvchini o'zida saqlaydigan joriy obyektni ko'rsatish uchun ishlatamiz.

Biz yana boshqa a'zo funksiyaning ichidagi klassning bir a'zo funksiyasini chaqirishimiz uchun $this ni ishlatishimiz mumkin.

ESDA TUTING: Agar klass ichida static a'zo funksiyalari yoki o'zgaruvchilari bo'lsa, biz ularga $this ishlatib murojaat qilolmaymiz.

static klass a'zolariga self ni ishlatish

static klass a'zolari uchun $this kalit so'zining o'rniga, self ni muhit ruxsat operatori (::) bilan birga ishlatamiz. Misol uchun:

self va this o'rtasidagi farq

Keling self va this o'rtasidagi farqlarni jadvalda kuzatamiz:

Yuqoridagilarni yanada yaxshiroq tushunish uchun namuna kod:

Natija:

Ish nomi: Ma'lumot(Data) Mutaxasisi
Ish ta'rifi: Ma'lumot fanini bilishingiz kerak
Kompaniya nomi: TUTORIALS.UZ

Yuqoridagi kod parchasida biz ko'proq non-static o'zgaruvchilar va 1 ta static o'zgaruvchini ishlatdik.

Chunki static o'zgaruvchilar klassning o'zi bilan bog'langan, klassni obyekti bilan emas, shuning uchun biz ularni klass nomi bilan chaqirdik.

Shuningdek, static a'zo funksiyasi ichida static o'zgaruvchini ham va non-static metod ichida ham static o'zgaruvchini ishlatish mumkin, keyin ularni static metodga o'xshab, klassning nomi bilan chaqiramiz.

Atamalar:

A'zo o'zgaruvchi - klass ichida belgilangan barcha o'zgaruvchilar
A'zo funksiyasi - klass ichida belgilanib, obyekt ma'lumotlariga murojaat qilish yoki kirish uchun ishlatiladigan funksiyaga aytiladi.
Muhit ruxsat operatori (::) - klassdagi static, constant va dominant xossa va metodlariga kirishni belgilaydi.

inline-block

2019-07-14T12:43:07.193Z

display: inline-block bilan display: inline ni taqqoslaganimizda, inline-block katta farq qilishi ya'ni u elementning width va height xossalarini kiritishga imkon berishini bilib olamiz.
Bundan tashqari inline-block : top-bottom, margin-padding xususiyatlarni ham qo'llaydi, inline esa yo'q.
display: inline-block bilan display: block ni taqqoslaganimizda, inline-block katta farq qilishi ya'ni elementdan keyin line-break(qator) tashlamasdan, bitta chiziqda yonma-yon elementlar joylashuvini ta'minlaydi.

Quyidagi misolda uchala xossalarning birga qo'llanilib ularning harakatlari farqi keltirilgan:

inline-blockni nav menu yaratishda ishlatish

display:inline-block bilan ro'yhat bandlarini vertikal o'rniga gorizontal tartibda ekranga chiqarishimiz mumkin. Quyidagi namunada gorizontal navigatsion menyu yaratish ko'rsatilgan: