TVKAD

Кадастр агентлигида “Маҳаллабай” ишлаш тизими амалда

2021-02-16T16:50:28.562Z

Ўзбекистон Республикаси Президенти Шавкат Мирзиёевнинг Олий Мажлисга Мурожаатномаси шунингдек, ўтказилаётган селектор йиғилишларида янгича ишлаш тизими - "маҳаллабай" тизимда ишлаш вазифаси берилган эди.

Хусусан кадастр соҳасида ҳам аҳоли ва тадбиркорларни қийнаётган, ечимини кутаётган кўпгина масалалар мавжуд. Кўчмас мулк объектига кадастр паспортини шакллантириш, мулк ҳуқуқини давлат рўйхатидан ўтказиш ва шу каби масалалар маҳалла кесимида таҳлил этилмоқда.

Аҳолининг кадастр соҳасидаги мурожаатларини кўриб чиқиш мақсадида Тошкент вилояти туман ва шаҳарларида "маҳаллабай" сайёр қабуллар ташкиллаштирилди. "Маҳаллабай" сайёр қабулнинг биринчи куни Ўрта Чирчиқ тумани "Қорасув" маҳалла фуқаролар йиғинида бўлиб ўтди.

Сайёр қабулда Агентликнинг Тошкент вилояти бошқармаси бошлиғи Рустам Пайзиев ва Давлат кадастрлари палатаси вилоят бошқармаси бошлиғи Жасур Ахроровлар қатнашиб, мурожаатчиларни қизиқтирган масалалари бўйича ўрганишлар ўтказилди.

Сайёр қабул жараёнида туманнинг "Қорасув" маҳалла фуқаролар йиғинида 30 дан ортиқ мурожаатлар келиб тушди. Асосан уй-жойларни расмийлаштириш, тадбиркорлик учун ер ажратиш, кадастр билан боғлиқ масалаларда мурожаатлар ўрганилди.

Сайёр қабуллар давом этмоқда.

Кадастр агентлиги Тошкент вилояти мутбуот хизмати

Кадастр агентлигида “Маҳаллабай” ишлаш тизими амалда

2021-02-16T16:18:42.568Z

Сайёр қабуллар давом этмоқда.

Кадастр агентлиги Тошкент вилояти мутбуот хизмати

Расмий муносабат

2020-08-21T06:38:03.089Z

“Адолат кўзгуси” газетасида №22-сонли (1297) “Ҳокимиятдан ҳам, прокуратурадан ҳам ҳақиқат топа олмадим”деган сарлавҳа остида 2020 йил 06 августда чоп этилган мақола юзасидан расмий муносабат.

Ўзбекистон Республикаси Президенти Администрациясида 2019 йилнинг 26 ноябр куни ерлардан окилона фойдаланишга оид масалалар юзасидан ўтказилган йиғилишда берилган топшириқлар ҳамда Тошкент вилояти ҳокимининг 2019 йил 27 ноябрдаги “Ер муносабатларини тартибга солиш ҳамда ерлардан оқилона фойдаланишга оид қўшимча чора-тадбирлар тўғрисида”ги 822-сонли қарори ижроси юзасидан Бўстонлиқ тумани “Бурчимулло” МФЙ ҳудудида бир қатор ўзбошимчалик билан эгаллаб олинган ер майдонлари аниқланган. Жумладан, “Бурчимулло” массиви қишлоқ хўжалиги харитасининг 140-контурада фуқаро Рахимжон Раҳметов томонидан ўзбошимчалик билан 0,4 гектар ер майдонини эгаллаб олиб боғ барпо этилганлиги аниқланди.

Мазкур аниқланган холат юзасидан Ўзбекистон Республикаси Вазирлар Маҳкамасининг 2017 йил 5 июлдаги 467-сонли ва Тошкент вилояти ҳокимининг 2017 йил 27 ноябрдаги 705-сонли қарорларига асосан Бўстонлиқ тумани Ер ресурслари ва давлат кадастр бўлими томонидан 2020 йил 07 февралдаги 06-08-02/278-сон билан рўйхатга олинган “туман захира ерлари таркибидаги 0,4 гектар ер майдонини ўзбошимчалик билан эгаллаб олиб боғ барпо этилганлиги” юзасидан Р.Рахматовга тегишли тартибда чора кўрилиши юзасидан огоҳлантириш хати берилган.

Бироқ ўзбошимчалик билан ер майдонини эгаллаб олиб, ер қонун бузилиш холатини содир этган фуқаро Рахимжон Раҳметов томонидан турли хил важлар билан “Бурчмулла” қишлоғи ҳудудидаги ташландиқ ерга боғ барпо этгани, 1200 м полиэтилен қувурда сув тортиб келгани, деҳқон хўжалигини ташкил қилиш бўйича 2016 йил 19 декабрда туман ҳокимидан рухсат олгани, ер кадастр бўлими ҳоким рухсатини эътиборсиз қолдиргани, айни пайтда қилаётган мурожаатлари бесамар кетаётгани, бирорта бино қурилмаган боққа яқинда ер кадастр бўлимидан ноқонуний қурилмаларни бузиш бўйича хат келгани, ҳатто боғни келиб кўрмагани каби масалалар юзасидан “Ҳокимиятдан ҳам, прокуратурадан ҳам ҳақиқат топа олмадим”деган сарлавҳа остида 2020 йил 06 августда “Адолат кўзгуси” газетасида №22-сонли (1297) мақола босиб чиқарилган.

Фуқаро Рахимжон Раҳметов ўзбошимчалик билан эгаллаб олинган ер майдонида деҳқон хўжалиги ташкил этиш истаги юзасидан, мазкур ер участкаси Ўзбекистон Республикаси Президентининг 2018 йил 21 декабрдаги “Эркин иқтисодий зоналар фаолиятини мувофиқлаштириш ва бошқариш тизмини янада такомиллаштириш чора-тадбирлари тўгрисида”ги ПФ-5600-сонли фармонининг 1-бандига ҳамда Ўзбекистон Республикаси Президентининг 2020 йил 19 июндаги “Туризм соҳасини санитария-эпидемиологик хавсизликнинг кучайтирилган режими талабларига қатъий риоя қилган ҳолда ривожлантиришга доир қўшимча чора-тадбирлар тўгрисида”ги ПҚ-4755-сонли қарори, Вазирлар Махкамасининг 2018 йил 15 майдаги “Чорвок” эркин туристик зона фаолиятини ташкил этиш чора-тадбирлари тўғрисида”ги 365-сон қарорига асосан тасдиқланган эркин туристик зона чегаралари ичида хозирги кунда Тошкент вилояти маъмурий кенгашининг баённомаларига асосан 24 та туристик йўналишдаги инвестицион лойиҳалар жойлаштириш маъқулланди ва ҳудуднинг бош режасига асосан зарурий микдорда ер майдонлари ажратиб берилганлигини;

"Чорвок" эркин туристик зонанинг ривожлантириш концепцияси доирасида ҳудудда бир қатор туристик йўнатишдаги объектлар жойлапггириш, туристик маршрутлар ишлаб чикиш, ягона транспорт тизимини жорий қилиш учун кўп каватли автотураргохлар ва автошохбекатлар жойлапгтириш, туристларга хизмат кўрсатишни ташкил этиш мақсадида йўлбўйи инфратузилмаларини барпо қилиш учун ер майдонларини танлаш ва маъмурий кенгаш мухокамасига киритиш зарурлиги белгиланганлигини инобатга олиб, эркин туристик зона чегаратари ичида қишлоқ хўжалиги соҳаси йўналишларидаги лойиҳалари жойлаштириш мақсадга мувофик эмас деб топилган.

Тошкент вилояти Ер ресурслари ва давлат кадастри бошқармаси ҳамда вилоят "Ермулккадастр" давлат корхонаси матбуот хизмати

Расмий муносабат

2020-08-06T09:35:45.439Z

Тошкент вилояти, Қибрай тумани, Охунбобоев кўчаси 42-уйда яшовчи фуқаро Г.Абдуллаеванинг ижтимоий тармоқ орқали юборган видеомурожати юзасидан.

Тошкент вилояти Ер ресурслари ва давлат кадастри бошқармаси, Қибрай тумани бўлими мутахассислари жойида фуқаро Г.Абдуллаева иштирокида атрофлича ўрганиб чиқилди.

Ўрганиш натижаларига кўра Қибрай тумани, Янгиобод қишлоғи, Алишеробод махалласи, Янги тонг кўчасида жойлашган 0,03 гектар ер майдонини фуқаро Г.Абдуллаева томонидан ўзбошимчалик билан эгаллаб олиниб, ноқонуний равишда, қурилишга рухсат берувчи хеч қандай хужжатларсиз турар жой бинолари қурилган. Ушбу ҳолат Қибрай тумани ер ресурслари ва давлат кадастри бўлими ходимлари томонидан аниқланиб, туман ҳокимлиги билан ҳамкорликда ноқонуний қурилмаларни бартараф этиш учун фуқаролик ишлари бўйича Чирчиқ туманлараро судига Қибрай тумани уй-жой қурилиши ва шахарсозлик қонунчилигига риоя қилинишини назорат қилиш комиссиясининг 2019 йил 10 ноябрь кунидаги 81-сонли йиғилиш баёнига асосан даъво аризаси билан мурожаат қилинган. Фуқаролик ишлари бўйича Чирчиқ туманлараро судининг 2020 йил 9 анвардаги хал қилув қарорига кўра, даъвогар Қибрай туман ҳокимлигининг жавобгар Г.Абдуллаевага нисбатан ўзбошимчалик билан қурилган қурилмани бузиш хақидаги даъво талаблари қаноатлантирилиб, ўзбошимчалик билан ноқонуний равишда қурилган турар жой бинолари жавобгар фуқаро Г.Абдуллаевага ўз ҳисобидан бузиб ташлаш мажбурияти юклатилган.

Чирчиқ туманлараро судининг 2020 йил 9 анвардаги хал қилув қарорига нисбатан фуқаро Г.Абдуллаева томонидан фуқаролик ишлари бўйича Тошкент вилояти судига апелляция шикояти билан мурожаат қилган. Фуқаролик ишлари бўйича Тошкент вилояти судида апелляция шикояти кўриб чиқилиб, суднинг 2020 йил 10 июндаги 3-324-20-сонли Ажрими билан Чирчиқ туманлараро судининг 2020 йил 9 анвардаги хал қилув қарори ўзгаришсиз, апелляция шикояти қаноатлантирилмасдан қолдирилган.

Фуқаро Г.Абдуллаева билан сухбат жараёнида, хақиқатдан хам ушбу ер майдонига нисбатан ҳеч қандай хуқуқий ҳужжатлари (қарор, қурилиш лойиҳаси) мавжуд эмаслиги, ҳамда қурилишларни ноқонуний тарзда олиб борилганлиги аниқланди. Бу тўғрисида фуқаро Г.Абдуллаева ўз ёзма тушинтириш хатида ҳам изох берган.

Бундан ташқари мурожатда номлари келтирилган мансабдор шахслар томонидан ўз эхтиёжлари учун ер участкалари олиб, қурилиш қилаётганлиги ва ноқонуний кадастр ҳужжатларини расмийлаштириб олган ҳолатлар юзасидан ўрганилганда қуйидаги холатлар аниқланди.

Ушбу худудда Ер тузиш ва кўчмас мулк кадастри давлат корхонаси Қибрай тумани филиали рахбари Ф.Азимовга хамда унинг яқинлари номида томорқа участкалари ва қурилишлар мавжуд эмаслиги аниқланди.

Қибрай тумани ер ресурслари ва давлат кадастри бўлими собиқ мутахассиси, ҳозирги кунда Бўстонлиқ тумани ер ресурслари ва давлат кадастри бўлими бошлиғи вазифасини бажарувчи Шерзод Иноятов номида Янгиобод қишлоғи, Алишеробод махалласи, Янги тонг кўчасида томорқа участкаси мавжуд эмас. Ўрганишда шу худудда унинг отаси Иноятов Салохиддинга тегишли Янгиобод қишлоғи, Алишеробод махалласи, Янги тонг кўчаси 36-уй жой манзилда 0,06 гектар томорқа участкаси мавжудлиги, Қибрай туман ҳокимининг 2019 йил
10 июндаги 1470-сонли қарорига асосан эгалик хуқуқи эътироф этилганлиги маълум бўлди.

Шунингдек Янгиобод қишлоғи, Алишеробод махалласи, Янги тонг кўчасида туман хокимлиги хуқуқшуноси Халмуродов Шералининг номида томорқа ва қурилишлар мавжуд эмас, лекин шу ҳудудда унинг онаси Халмуродова Санобарга 0,06 гектар томорқа участкаси тегишлилиги аниқланди. Ушбу уй-жой Халмуродова Санобарга 2017 йил 28 декабрдаги 026/12/17-сонли олди-сотди шартномаси ва топшириш қабул қилиш далолатномасига асосан нотурар бино-иншоатлар тегишли. Қибрай туман хокимининг 2018 йил 6 апрелдаги 1256-сонли қарорига асосан нотурардан турар жой тоифасига ўтказилган.

Тошкент вилояти Ер ресурслари ва давлат кадастри бошқармаси ҳамда вилоят “Ермулккадастр” давлат корхонаси ахборот хизмати.

Расмий муносабат

2020-07-29T05:58:19.119Z

“Kun.uz” ижтимоий тармоғларида “Бекободда ёш тадбиркор синдирилмоқда. Етимликда ўсган йигитнинг онлайн аукционда сотиб олган мулки прокурорнинг “ташаббуси” билан бузилмоқда” сарлавҳаси чиқарилган мақола юзасидан расмий муносабат.

Бекобод туманида яшовчи фуқаро Ғ.Худойбердиев томонидан 2018 йил Тошкент вилояти Ер тузиш ва кўчмас мулк кадастр давлат корхонаси Бекобод тумани филиалига тадбиркорлик билан шуғулланиш мақсади учун ер ажратишни сўраб мурожаат қилинган. Қилинган мурожаатга асосан туман кадастр филиали томонидан, Қўрғон маҳалласида жойлашган 0,02 гектар ер майдони Ўзбекистон Республикаси Вазирлар Маҳкамасининг 2018 йил 30 июндаги “Тадбиркорлик ва шаҳарсозлик фаолиятини амалга ошириш учун ер участкаларини доимий фойдаланишга беришнинг замонавий ва шаффоф механизмларини жорий этиш чора-тадбирлари тўғрисида”ги 493-сонли қарорига талабларига кўра туман комиссиясига “YER ELEKTRON” ААТ орқали бўш ер участкаси таклифи киритилган.

Киритилган таклиф Бекобод тумани комиссияси томонидан ижобий хулосалар асосида жавоб берилган. Юқорида кўрсатиб ўтилган хулосаларига асосан туман ҳокимининг 2018 йил 30 октябрдаги 2479-сонли қарорига асосан аукцион савдоларига чиқарилган.

Шундан сўнг, фуқаро Ғ.Худойбердиев 2018 йил “Электрон онлайн аукционларни ташкил этиш маркази” ДУКнинг 2018 йил 12 декабрда ўтказилган онлайн аукционда қатнашган ҳамда ғолиб деб топилиб, YU 1003-000005-сонли баённома билан расмийлаштириб берилган. Баённомага асосан туман ҳокимининг 2018 йил 21 декабрдаги 2635-сонли қарорига асосан фуқарога “Савдо дўкони” қуриш учун ер танлаш ва ажратиш тўғрисида қарор қабул қилинган. Мазкур қарорга асосан фуқаро томонидан қурилиш ишлари бошлаб юборилган, мазкур қурилишнинг орқа томонидан ҳам бир неча фуқароларнинг тадбиркорлик билан шуғулланиб келаётганлиги, ушбу қурилишга қаршилик қилиб туман прокуратурасига (мазкур қурилишни тўхтатиш ва туман ҳокимининг қарорини бекор қилиш тўғрисида) мурожаат қилинганлиги ҳамда ушбу қурилиш биноси низоли вазиятга айланган, мазкур низоли бўлган қурилиш биноси туман ҳокимлиги томонидан низоли масала ҳал бўлгунга қадар қурилиш ишлари тўхтатиб туриш тўғрисида 2019 йил 27 ноябрдаги 3-16/1718 сонли хат юборилган.

Туман прокуратурасининг фуқаро И.Сувонқуловнинг мурожаатига асосан 2019 йил 19 декабрдаги 24/1222-19 сонли туман ҳокимининг қарори ва электрон-онлайн аукцион натижалари тўғрисидаги баённомани ҳақиқий эмас деб топиш хақида Бекобод туман Маъмурий судига ариза киритган. Ариза туман маъмурий судида ўрганиб чиқилиб 2020 йил 29 январ куни туман ҳокимининг 2018 йил 30 ноябрдаги 2479-сонли қарорини бекор қилиш хақидаги ҳал қилув қарори қабул қилинган. Фуқаро белгиланган тартибда вилоят судига апелиция киритган, киритилган шикоят аризаси вилоят судининг 2020 йил 17 мартдаги қарорига асосан ўзгаришсиз қолдирилган.

Юқоридагилардан келиб чиқиб куйидагиларни маълум қиламиз. Яъни фуқаро Ғ.Худойбердиев 0,02 гектар ер майдони белгиланган тартибда аукционда ютиб олган ҳамда тегишли хужжатлар асосида қурилиш ишларини бошлаган.

Амир Темур коррупцияга қарши қандай курашган?

2020-07-14T09:20:55.277Z

Мансабдор шахснинг бойиш мақсадида ўз мансаби билан боғлиқ ҳуқуқларини суистеъмол қилиши – коррупция энг қадимий жиноятлардан бири ҳисобланади.

Ер юзидаги турли давлатлар ўтмишда ва ҳозирда дунёнинг барча қитъаларида коррупцияга қарши муваффақиятли ёки муваффақиятсиз кураш олиб борганлар ва олиб борадилар ҳам. Лекин ҳозирча уни батамом йўқ қилишнинг йўли топилганича йўқ.

АЙРИМ АМАЛДОРЛАР МАОШИ ОДДИЙ ХИЗМАТЧИНИКИДАН МИНГ БАРОБАР ОРТИҚ БЎЛГАН

Ўрта асрларнинг йирик давлат арбоби, марказлашган давлат асосчиси Амир Темур ҳам ўз давлатида коррупцияга қарши кескин курашган. Тарихчи олима Шоҳиста Ўлжаеванинг қайд этишича, Соҳибқирон мансабпараст ва молпараст амалдорларнинг ўз мақсадларига етишиш учун ҳар қандай йўлга кириши, бунинг оқибатида коррупция урчиши мумкинлигини яхши тушунган.

Амир Темур ҳукмдорга хиёнат, порахўрлик, мансабини суиистеъмол қилиш, халқ манфаатидан ўз манфаатини устун қўйиш сингари ўта хавфли иллатларни қатъий чоралар билангина бартараф этиш мумкинлигини чуқур англаб, уларга нисбатан чора-тадбирлар қўллаган.

Шундай чора-тадбирлардан бири сифатида давлат органлари ходимларининг ойлик маошлари оддий хизматчиларникидан ўн, юз ҳатто минг баробаргача кўпайтирилган. Амир Темур салтанат саройидаги давлат учун манфаати тегадиган кучли арбоблар ва олимларнинг маошини кўтариш орқали порахўрлик ва бошқа иллатларнинг олдини олишга, уларни муносиб тақдирлашга ҳаракат қилган.

Шу тариқа, фармон ҳамда қонунларда мансабдор шахснинг мансабига қараб ҳақ тўлаш, унинг шахсий ва интизомий жавобгарлиги, совғалар олиши масаласи меъёрлаштирилган. Шунингдек, марказий ва маҳаллий давлат органлари тизимини ташкил этишда давлатга қарши жиноятлар ҳамда коррупциянинг олдини оладиган қонуний асослар яратилган.

АМИР ТEМУР КОРРУПЦИЯГА ҚЎЛ УРГАН АВЛОДЛАРИНИ ҲАМ АЯМАГАН

Амир Темур давлатида вақти-вақти билан сўров, текшириш, тафтиш, терговлар ўтказиб турилган. Ўз амалини суиистеъмол қилиш, порахўрлик кабилар оғир гуноҳ ҳисобланган ва қаттиқ жазоланган. Суиистеъмол қилиш раият орасидагина эмас, Темур авлодлари орасида юз берганида ҳам улар тегишли жазоларга тортилганлар.

Чунончи, Амир Темурнинг учинчи ўғли Мироншоҳ, невараси амирзода Пирмуҳаммад лавозимларини суиистеъмол қилганликлари, фуқаро ва давлат манфаатини ҳимоя қилишда совуққонликка йўл қўйганликлари учун ҳазрат соҳибқирон томонидан қаттиқ жазоланганликларини темуршунос тарихчиларнинг аксарияти, ҳатто Амир Темур шахсиятини унчалик хуш кўрмаган осиёлик ва европалик тарихчилар ҳам қайд этадилар.

Эркин Азимовнинг «Амир Темур салтанати» китобида Соҳибқироннинг коррупцияга қарши кураш жараёнида қўллаган чораларидан бири баён этилган. Унда қайд этилишича, Амир Темур ҳар гал сафардан қайтганда Самарқанд аҳолисининг аҳволидан хабар олар ва маълум кунларда арзчиларни қабул қилар эди. Бу қабул пайтида шаҳар ҳокими ва амалдорлар оддий халққа нисбатан қандай муомала қилаётганини билиб олар эди.

Оддий деҳқонлардан бир гуруҳи мироблар ишидан норози эдилар. Мироблар ариқларни тўсиб, ким пора берса, уларга сув очиб бераётган эдилар. Бу қинғирлик одам ўлдириш каби оғир жиноят билан тенг эди. Амир Темур бу оғир жиноятни кўриб чиқар, холис кишиларни – саййидларни чақирар ва улар иштирокида одил ҳукм чиқариб, айбдорни шу ерда жазолаб, Зарафшон дарёсига ташлаб юборишга фармон берар эди.

СОҲИБҚИРОН КОРРУПЦИЯГА ҚАРШИ ЖАМОАТЧИЛИК НАЗОРАТИНИ КУЧАЙТИРИШГА ИНТИЛГАН

Амир Темур мансабини суиистеъмол қилиб, давлат ва халқ ҳақига хиёнат қилган шахсларни қандай мансаб эгаси бўлишидан қатъи назар, жазосиз қолдирмасди. Масалан, 1404 йили Самарқандда бўлган Испания қироли Генрих III нинг элчиси Луи Гонсалсес де Клавихо Амир Темурнинг 1404 йил 9 октябрь куни ўз мансабини суиистеъмол қилиб, давлатга хиёнат қилган амалдорларни халқ кўзи олдида жазолагани ҳақида гувоҳлик беради. «У, – деб ёзади Клавихо, – Самарқанд империясида энг катта одам эди. Темурбек бундан олти йилу ўн бир ой аввал уни алкалд (вазир) этиб тайинлаб кетган эди. У бўлса шу вақт ичида мансабини суиистеъмол қилди».

Низомиддин Шомийнинг «Зафарнома»сида баён этилишича, Амир Темур олим-уламолар билан суҳбатларидан бирида сўзлаган нутқида: «Мамлакатнинг аҳволи, девоннинг суиистеъмол қилинганлиги ва қилинаётганлиги, оддий одамларнинг жойлардаги ҳокимлар томонидан қисиб қўйилиши каби ҳоллар ҳам мендан кўра сизларга аёндир. Шулар ҳақида маълумот берсангизлар, бу каби адолатсиз ишларни бартараф этувчи ҳамда шариат ва қонунларга мувофиқ чора-тадбирларни айтсангизлар яхши бўлур эди», дейди. Демак, Амир Темур коррупцияга қарши курашда жамоатчилик назоратидан фойдаланиш лозим деб ҳисоблаган.

Тошкент вилоятида қишлоқ хўжалиги ер майдонларидан самарали фойдаланиш ҳолатлари ўрганилмоқда.

2020-06-24T05:40:43.774Z

#ер_назорати

Тошкент вилояти Ер ресурслари ва давлат кадастри бошқармасининг ерлардан самарали фойдаланиш ҳолатини ўрганиш мониторинг гуруҳи томонидан вилоятда мавжуд қишлоқ хўжалиги майдонларидан фойдаланиш ҳолатлари ўрганилмоқда.

расм мониторинг гуруҳи томонидан олинган

Жумладан, Қуйи Чирчиқ тумани "ТСТ агро кластер"га қарашли Отажонов ҳудудида қишлоқ хўжалиги харитасининг 845-контурда 2,0 гектар, Дўстлик ҳудудида
301-контурда 1,5 гектар пахта майдонлари шунингдек, Абай ҳудудида "Охунбобоев ўрмон хўжалиги"га қарашли 87-контурда 2,0 гектар пахта майдони ўт босган ва чигит сийрак униб чиққанлиги аниқланган.

расм мониторинг гуруҳи томонидан олинган

Ўрта Чирчиқ тумани Тош ДАУ ҳудудида "Шин Олга" фермер хўжалигига қарашли 6,83 гектар, Ҳақиқат йўли ҳудудида "Кўкча текстел"га қарашли 11,8 гектар, Қайтмас ҳудудида "Озодбек Камронбек" фермер хўжалигига қарашли 4,8 гектар майдонда ғўза кўчатлари сийрак униб чиққан ва ривожи орқада қолган.

расм мониторинг гуруҳи томонидан олинган

Бўка тумани Кўкорол ҳудудида "Мулк агро грант" фермер хўжалигига қарашли
5,0 гектар, "Бехрузбек" фермер хўжалигига қарашли 4,8 гектар, Гулистон ҳудудида "Мустақиллик" фермер хўжалигига қарашли 2,4 гектар майдон чигит кеч униб чиққан ва далада кўчатлар сийрак ривожланиши орқада.

расм мониторинг гуруҳи томонидан олинган

Пискент тумани Охунбобоев ҳудудида "Маматкулов Равшан" маъсулияти чекланган жамиятига қарашли 6,4 гектар, Ҳайдаров ҳудудида "Турон боғу барака" маъсулияти чекланган жамиятига қарашли 6,3 гектар майдонда кўчат сийрак ва ғўзанинг ривожи орқада эканлиги аниқланган.

Ҳозирги кунда бошқа ҳудудларда ҳам қишлоқ хўжалиги ерларидан самарали фойдаланиш холатлари ўрганиш ишлари давом этмоқда.

Бўстонлиқ тумани ер майдонларидан фойдаланиш ҳолатлари ўрганилмоқда

2020-05-21T06:16:04.832Z

#ер_назорати

Тошкент вилояти Бўстонлиқ тумани ҳудудининг асосий қисми ер фондининг табиатни муҳофаза қилиш, соғломлаштириш ва рекреация мақсадларига мўлжалланган ерлар тоифасига киради. Бундан ташқари тоғлик ҳудудлари кўплигини ҳисобга олсак ёғимгарчилик миқдори кўп бўлади. Шундан келиб чиқсак дарё, сув ва автомобил йўлларининг муҳофаза зоналари атрофидаги қурилишлар тегишли меъёрлар асосида олиб борилиши лозим.

Тошкент вилояти Ер ресурслар ва давлат кадастри бошқармасининг Ердан фойдаланиш ва уни муҳофоза қилишни назорат қилиш шўъбаси томонидан мутасадди ташкилотлар билан ҳамкорликда ишчи гуруҳ тузилган. Ишчи гуруҳнинг асосий вазифаси Бўстонлиқ тумани "Чимён" ҳудудида ерларни ноқонуний ва ўзбошимчалик билан эгаллаб олиш, мавжуд бино ва иншоотлардан фойдаланиш ҳолатини чуқур ва ҳар томонлама ўрганиш олиб боришдан иборат.

Бўстонлиқ туманининг “Чимган”, “Хўжакент” ва “Юсуфхона” ҳудудларидан ўтувчи автомобил йўлининг ҳимоя зонасида жойлашган кўчмас мулк объектлари хатловдан ўтказилди.

Бугунги кунгача “Новобод” МФЙда жами 49 та кўчмас мулк объектларида хатлов ишлари ўтказилди. Натижада 6 та нотурар ва 43 та турар жой объектларида 0,12 гектар ер майдони қисми ва 291 метрли девор ҳамда ушбу ҳудуддан ўтувчи юқори кучланишли электр тармоғи мухофаза минтақасида 6 та турар уй-жойнинг 743 кв.метрли бино ва иншоотлар жойлашганлиги аниқланди.

“Чимён” МФЙда жами 102 та кўчмас мулк объектида 12 та нотурар ва 90 та турар жой объектларида 0,3599 гектар ер майдони қисми ҳамда 2082 метрли девор йўлнинг 15 метрли муҳофаза зонасида жойлашганлиги аниқланди.

Ишчи гуруҳ томонидан ноқонуний қурилмаларни бартараф этиш бўйича жами
16 та ҳолатда муҳофаза минтақасида жойлашган деворлар бузилганлигини маълум қиламиз.

Расмий муносабат

2020-05-12T06:47:55.927Z

#расмий_муносабат

Ижтимоий тармоқларда ноқонуний равишда қурилган қурилмалар кўп жойларда бузилаётганлиги, лекин Бекобод тумани “Хос” худудида суғориладиган экин майдонида ноқонуний қурилмалар бузилмаётгани бўйича мурожаат юзасидан расмий муносабат.

Ўзбекистон Республикаси Президенти Администрациясида 2019 йил 26 ноябрь куни ерлардан оқилона фойдаланишга оид масалалар юзасидан ўтказилган йиғилишда берилган топшириқларнинг ҳамда Тошкент вилояти хокимининг 2019 йил 27 ноябрдаги “Ер муносабатларини тартибга солиш хамда ерлардан оқилона фойдаланишга оид қўшимча чора-тадбирлар тўғрисида”ги 822-сонли қарори ижросини таъминлаш мақсадида Тошкент вилояти Ер ресурслари ва давлат кадастри бошқармасининг Ерлардан фойдаланиш ва уни мухофаза қилишни назорат қилиш шўбаси мутахассислари томонидан Бекобод туманида ер ресурсларидан самарали фойдаланиш холати мониторинг тарзида ўрганилганда, туманнинг “Хос” худудида жойлашган собиқ “Абдумажид Жалолиддин Мангу” фермер хўжалиги, ҳозирги кунда “АПК Бекобод” УКга қарашли қишлоқ хўжалиги харитасининг 175-контурида 1,5 гектар суғориладиган экин ер майдони фуқаролар томонидан ноқонуний ўзбошимчалик билан эгалланганлиги аниқланган. Ҳолат юзасидан 2019 йил 6 декабрда мутахассислар жойга чиқиб тегишли хужжатлар расмийлаштирилиб, туман хокимлиги йиғилишида кўриб чиқилиб, ноқонуний қурилмаларни буздириш масаласида тўпланган хужжатларни суд органларига юбориш тўғрисида қарор қабул қилиниб, фуқароларга огохлантириш хатлари берилган. Бекобод туман хокимининг 2020 йил 21 январда 3-16/87-сон билан Фуқаролик ишлари бўйича Бекобод туманлараро судига қурилган ноқонуний қурилмаларни буздириш ва ер майдонини қайтариш ҳақида даъво аризаси киритилган. Ушбу холатлар юзасидан тегишли мутасадди ташкилотларга маълумотлар тақдим этилган.

Ўзбекистон Республикаси Вазирлар Махкамасининг 2019 йил 20 декабрдаги “Мавжуд ер ва сув ресурсларидан самарали фойдаланиш, 2020 йил хосили учун қишлоқ хўжалик экинларини оқилона жойлаштириш ва махсулот етиштиришни прогноз хажмлари тўғрисида” ги 1025-сонли қарори, Тошкент вилояти хокимининг 2020 йил
7 январдаги 1-сонли қарорлар асосида туманда 2020 йил хосили учун мавжуд қишлоқ хўжалигида фойдаланиладиган ер майдонларига қишлоқ хўжалиги экинлари жойлаштирилган (размишения) ва ҳозирги кунда экиш ишлари олиб борилмоқда.

Ўрта Чирчиқ туманида ердан унумли фойдаланиб, аҳолини бирламчи озиқ-овқат маҳсулотлари билан таъминлаши борасида олиб борилаётган ишлар

2020-04-28T11:12:43.680Z

Коронавирус пандемияси даврида ўзини ватанпарвар деб ҳисоблайдиган ҳар бир фуқаро айни пайтда ердан унумли фойдаланиш, аҳолини бирламчи озиқ-овқат маҳсулотлари билан таъминлаши борасида давлатимиз раҳбари томонидан бир неча маротаба топшириқлар берилди. Ушбу топшириқлар ижросини таъминлаш юзасидан Ўрта Чирчиқ тумани ҳокимлиги, туман Ер ресурслари ва давлат кадасри бўлими ва туман кадастр филиали, Ўзбекистон ёшлар иттифоқи туман Кенгаши ва Аҳоли бандлигига кўмаклашиш Маркази билан биргаликда фойдали ишга қўл уришди.

“Ҳар бир ёшга бир гектар” лойиҳаси доирасида туман ҳокимининг қарори билан "Фаровон" маҳалласи ҳудудидан жами 21 гектар ер майдони 21 нафар ёшларга ажратиб берилган бўлиб, ушбу ер майдонига дуккакли экинлар, полиз ва сабзавот экинлари экилмоқда.

Пандемия оқибатида туман меҳнат бозорига қўшимча 158 нафар ишсиз (четга ишга кетолмаган ва ўз иш ўрнини йўқотган) ёшлар кириб келиши кутилмоқда. Хусусан, туманда 1 та ишлаб чиқариш бирлашмаси (кооперация) тузилган бўлиб, уларга 15 гектар ер майдони ажратилди.

Кооперация "Янгиобод" маҳалла фуқаролар йиғини ҳудудида “Ўрта Чирчиқ Ёшлар боғи”ни ташкил этди. "Ўрта Чирчиқ Ёшлар боғи"га 20 та камбағал оиланинг ёш фарзандлари жами 50 фоиз улуш билан аъзо бўлди, қолган 50 фоизи тадбиркор Озода Эрматова улуши ҳисобланади.

Бугунги кунгача 15 гектар ер майдони 20 нафар ишсиз ёшларга 50 сотихдан бўлиб берилди. Ёшлар ушбу ер майдонларининг 2 гектарига қовун, 0,3 гектардан помидор, бақлажон, қалампир, 7,1 гектарига ерёнғоқ ва 5 гектарида интенсив боғ ташкил этиш бошлаб юборилди. Етиштириладиган ерёнғоқ келажакда Афғонистонга экспорт қилинади.

Кооперация ерларини июнь-август ойларида сув билан суғоришда муаммолар вужудга келиши аниқланди. Бугуннинг ўзида ернинг мелиоратив ҳолатини тиклаш, ирригация тизимини таъмирлаш, ерни тайёр ҳолга келтириш ишларини янада жадаллаштириш учун туман ҳокими мутасадди раҳбарларга тегишли кўрсатмалар бериши натижасида ишлар бошлаб юборилди.

Ёшлар ушбу боғда яхши меҳнат қилишса камида 14 млн. сўмдан соф даромад олишлари мумкин. Бу ҳақида Ўрта Чирчиқ тумани ҳокимлиги Ахборот хизмати расмий канали маълумот берилган.