Мохичехра Ражабова

“Kelajak soati” darsidan lavhalar

2025-11-04T05:53:52.197Z

Iqtisodiyot va turizm fakulteti Marketing va menejment kafedrasi katta oq'ituvchisi M.Sh.Boltayeva

2025 yilning 30-oktabr kuni Buxoro davlat universiteti Iqtisodiyot va turizm fakulteti , “Marketing va menejment” kafedrasi katta o'qituvchisi Boltayeva Mohichehra Sharipovna tomonidan 3-1MEN-22, 3-1MAR-22, 3-1STA-22, 3-1INS-22 guruhlari talabalariga "O'zbekiston va jahon" mavzusida ma’rifat soati o’tildi. Mazkur mavzu doirasida talabalarda O‘zbekistonning jahon hamjamiyatidagi o‘rni, roli va ahamiyatini chuqur anglash, mamlakatimizning siyosiy, iqtisodiy va madaniy hamkorlik yo‘nalishlari bo‘yicha keng tushunchalar shakllantirildi. Talabalar milliy g‘urur va yurt sha’nini himoya qilish, shuningdek, global jarayonlar, xalqaro hamkorlik va raqobatbardoshlik muhitida faol fuqarolar sifatida tayyorlanish yo‘nalishida nazariy va amaliy bilimlarga ega bo‘ldilar. Mashg‘ulot davomida O‘zbekistonning tarixiy ildizlari, mustaqillik yillarida erishilgan yutuqlari, xalqaro tashkilotlardagi faol ishtiroki hamda jahon mamlakatlari bilan o‘zaro manfaatli aloqalari atroflicha o‘rganildi.

Mazkur mashg‘ulot davomida talabalarga Vatanimizning xalqaro maydondagi nufuzi ortib borayotganining ahamiyati batafsil tushuntirildi. Mashg‘ulot davomida mamlakatimiz Prezidenti tomonidan Vatanimizning xalqaro nufuzini yanada mustahkamlash yo‘lida olib borilayotgan siyosat, uning global miqyosdagi ahamiyati va amaliy natijalari haqida ma’lumotlar berildi.

Xulosa qilib aytganda, dars mavzusi bo‘yicha belgilangan barcha maqsad va vazifalar to‘liq bajarildi.

Marketing va menejment kafedrasi katta o'qituvchisi M.Sh.Boltayeva

“UzTest” DM Buxoro filiali faoliyatini o'rganish

2025-05-21T08:44:40.206Z

21.05.2025 yil, Marketing va menejment kafedrasi o'qituvchilari

Iqtisodiyot va turizm fakulteti, Marketing va menejment kafedrasi o'qituvchisi M.A.Rajabovalar 21 may 2025 yil kuni 3-1-MAR-22 guruhi bilan "Merchandayzing: tahlil va nazorat" fanlaridan, Buxoro shaxrida joylashgan “UzTest” DM Buxoro filialiga sayyor-amaliy dars tashkil etildi. "UzTest" DM Buxoro filiali O'zbekiston Respublikasi Prezidentining 2019-yil 15- avgustdagi 4419-sonli qaroriga muvofiq mahsulot va xizmatlarni standartlashtirish, sertifikatlashtirish tizimini yanada takomillashtirish, uning zamonaviy xalqaro normalar va talablarga muvofiqligini ta'minlash, shuningdek, xalqaro standartlardan keng foydalanish asosida mahalliy mahsulotlarning raqobatbardoshligini oshirish maqsadida tashkil etilgan.

"UzTest" DM Buxoro filiali yetakchi mutaxassisi Niyozov Obid Xudoynazarovich tomonidan agentlik faoliyati, bo'limlarining asosiy vazifalari, qanday turdagi mahsulot va xizmatlarga sertifikat berish tartibi haqida qisqacha ma'lumot berib o'tdilar. Agentlik asosan oziq-ovqat va qishloq xo'jaligi mahsulotlari, mashinasozlik mahsulotlari, qurilish mahsulotlari, kimyoviy mahsulotlar, elektrotexnika mahsulotlari va yengil sanoat mahsulotlariga sertifatlar beradi.

Sayyor-amaliy dars qiziqarli darsda tashkil qilindi.

Marketing va menejment kafedrasi o'qituvchisi.

O'zbekistonning migratsiya siyosatini tashkil etuvchi muassasalar faoliyatini o'rganish

2025-05-12T06:11:38.220Z

10.05.2025 yil, Marketing va menejment kafedrasi o'qituvchilari

Iqtisodiyot va turizm fakulteti, Marketing va menejment kafedrasi dotsenti, J.R.Toxirov va kafedra o'qituvchisi M.A.Rajabovalar 10 may 2025 yil kuni 3-1-INS-23 guruhi bilan "Mehnat bozori iqtisodiyoti" va "Mehnat migratsiyasi" fanlaridan, Buxoro shaxrida joylashgan Tashqi mehnat migratsiyasi agentligi Buxoro viloyati filiali hamda Bukhara City DUK ga sayyor-amaliy dars tashkil etildi.

Tashqi mehnat migratsiyasi agentligi (TMMA) Buxoro viloyati filiali O‘zbekiston Respublikasi Kambag‘allikni qisqartirish va bandlik vazirligi huzuridagi TMMA tarkibida faoliyat yuritadi. Uning asosiy vazifasi viloyat fuqarolarini xorijda qonuniy mehnat faoliyatini amalga oshirishga tayyorlash, ularni rasmiy tartibda ishga joylashtirish va huquqiy himoyasini ta’minlashdan iborat.Buxoro shahridagi “Ishga marhamat” monomarkazi binosida joylashgan filialda koreys tili va madaniyatini o‘rgatishga ixtisoslashgan kurslar tashkil etilgan. Bu kurslar Koreyada ishlash istagidagi fuqarolarni tayyorlashga qaratilgan. Shuningdek, filial tomonidan Rossiya, Germaniya va Belorussiyadagi ish beruvchilar bilan hamkorlikda qurilish, tibbiyot va tekstil sohalarida ishga joylashtirish bo‘yicha dasturlar amalga oshirilmoqda.

Sayyor amaliy dars jarayonida 3-1-INS-23 guruhi bilan "Bukhara City" DUK faoliyati ham o'rganildi. DUK ning bosh menejeri F.H.Abdullayev tomonidan "Bukhara City" DUK ning asosiy faoliyat doirasi, amalga oshirilayotgan loyihalar, investorlar haqidagi qiziqarli ma'lumotlar bayon etildi. “Bukhara City” — qadimiy va hamisha navqiron shaharning milliy hamda Yevropa me’morlik san’ati uyg‘unligida, yuksak shaharsozlik andozalari asosida barpo etilishi ko‘zda tutilgan o‘ziga xos markazi. Imoratsozlikning ilg‘or va tan olingan namunalari asosida saralangan “Bukhara City” konsepsiyasiga muvofiq, umumiy loyiha qiymati dastlabki hisob kitoblarga ko‘ra, $550 000 000 ni tashkil etayotgan hududda 83 gektarda 73 ta lotdan iborat obyektlar o‘rin olishi belgilangan.

Talabalar sayyor-amaliy darsdan ijobiy tushunchaga ega bo'ldilar.

Marketing va menejment kafedrasi o'qituvchilari.

Buxoro davlat universiteti va O‘zbekiston pochtasi UzPost Buxoro filiali o‘rtasidagi akademik hamkorlik

2025-04-29T06:08:19.087Z

Iqtisodiyot va turizm fakulteti, Marketing va menejment kafedrasi dotsenti N.M.Ziyavitdinova, kafedra katta oq'ituvchisi M.X.Ashurova, 28.04.2025 yil

Buxoro davlat universiteti “Marketing va menejment” kafedrasi bilan O‘zbekiston pochtasi UzPost Buxoro filiali o‘rtasidagi akademik hamkorlik yo‘lga qo‘yildi. UzPost rahbar xodimlari va mijozlar bilan ishlash bo‘limi xodimlarini malakasini oshirish va qayta tayyorlash o‘quv kurslarida xodimlarni boshqarish va marketing vositalaridan foydalanish yo‘llari mavzulari doirasida darslar tashkil etildi.

Hamkorlik asosida Marketing va menejment kafedrasi o‘qituvchisi Ashurova Muborak Xayrullayevna tomonidan “Pochta xizmatlari marketingi, mohiyati va mazmuni” mavzusida dars tashkil etildi.

Kafedra dotsenti Ziyavitdinova Nafisa Muxammadovna tomonidan «Nizolar, ularning kelib chiqish sabablari va ularni boshqarish” mavzusida dars tashkil etildi.

Darsda ixtilof, kelishmovchilik, ziddiyat va nizo haqida batafsil ma’lumot berildi. Xodimlar o‘rtasidagi nizolar, ularning turlari va nizolarning kelib chiqish sabablari hayotiy misollar orqali tushuntirib berildi.

Nizoning ijobiy va salbiy tomonlari, nizoli shaxslar va ularning xususiyatlari to‘g‘risida ma’lumot berildi. Shuningdek, Nizoli vaziyatni boshqarish yo‘llari va usullari bo‘yicha maslahatlar berildi.

Jamoalarda sog‘lom ruhiy iqlim yaratish uchun rahbar nimalarga e’tiborini qaratishi lozimligi aytildi. Mavzuga oid keyslar yechildi. Tinglovchilar o‘zlarini qiziqtirgan barcha savollarga javob oldilar.

Marketing va menejment kafedrasi o'qituvchilari

Buxoro shahrida joylashgan savdo markazlari faoliyatini tadqiq qilish

2025-04-28T15:12:15.307Z

Iqtisodiyot va turizm fakulteti, Marketing va menejment kafedrasi katta o'qituvchisi, M.X. Ashurova va kafedra o'qituvchisi M.A.Rajabova. 28.04.2025 yil.

Iqtisodiyot va turizm fakulteti, Marketing va menejment kafedrasi katta o'qituvchisi, M.X. Ashurova va kafedra o'qituvchisi M.A.Rajabovalar tomonidan 26.04.2025 yilda 3-1-MAR-22 guruhi bilan Marketing kommunikatsiyalari va Merchandayzing: tahlil va nazorat fanlaridan "Buxoro savdo majmuasi"ga sayyor-amaliy dars tashkil etildi.

Ko‘plab savdo markazlari ijtimoiy tarmoqlarda sahifalar yuritib, yangiliklar, aksiyalar va chegirmalar haqida ma’lumot beradilar. Bu orqali ular mijozlar bilan doimiy aloqada bo‘lishadi.Ba’zi savdo markazlari mijozlar uchun sodiqlik kartalari, chegirmalar va bonus tizimlarini joriy etgan. Bu mijozlarni qayta-qayta tashrif buyurishga undaydi.

Raqamli marketing savdo markazlari uchun muhim ahamiyatga ega. Veb-saytlar, mahsulotlar va xizmatlar haqida batafsil ma’lumot beruvchi rasmiy saytlar, mobil ilovalar, ba’zi savdo markazlari mijozlar uchun qulaylik yaratish maqsadida mobil ilovalar ishlab chiqqan. Onlayn savdo orqali esa mahsulotlarni onlayn tarzda buyurtma qilish imkoniyati mavjud bo'ladi.

Marketing va menejment kafedrasi o'qituvchilari

OCHIQ DARS TAFSILOTI

2025-04-18T08:58:26.496Z

2025-yil 17 aprel sanasida marketing va menejment kafedrasi dotsenti Z.T.Jo`rayeva tomonidan menejment ta`lim yo`nalishi 3-1MEN-23 guruhida “Sifat menejmenti” fanidan “Sifat boshqaruvida standartlashtirish” mavzusida ochiq amaliy dars mashg`uloti o`tkazildi.

Darsni o`qituvchi “Aqliy hujum” metodi asosida bir necha mantiqiy savollarni berish bilan boshladi va talabalarning javoblarini baholab, qo`shimcha izohlar berdi.

Standartlashtirish, metrologiya va sertifikatlash -ko‘p qirrali tijorat faoliyatining muhim jihati sanalgan mahsulot, ishlar va xizmatlar sifatini ta’minlash vositalari hisoblanadi. Standart – bu ular bilan boshqa shunga o‘xshash ob’ektlarni taqqoslash uchun asos sifatida qabul qilinadigan namuna, etalon, model.

Standartlar, uni qo`llashning sifat menejmentidagi ahamiyati, rivojlanish tarixi, menejment namoyondalari J.Jozef, E.Deming, G.Fordlarning sifatga qo`yiladigan talablar, standartlashtirish bosqichlari to`g`risidagi qiziqarli ma`lumotlar slaydlar va misollar bilan ochiqlandi.

Mahsulot standartlashtirish hamda sertifikatlash va ularning kontrafakt mahsulot bilan kurashishdagi, moliyaviy zararlarni kamaytirishdagi roliga izoh berildi.

Talabalar masalalar yechish orqali sifat menejmentida standartlashtirishning afzallik va muammoli jihatlarini tahlil qilishdi. Tarqatma materiallarning berilishi, muhokamalar qilinishi dars jarayonining sifatini oshirdi. Dars o`z maqsadiga erishdi va ilmiy - amaliy ahamiyatga ega bo`ldi.

Marketing va menejment kafedrasi dotsenti Z.T.Jo`rayeva

Ochiq-ma'ruza darsidan lavhalar

2025-04-10T07:07:37.733Z

Iqtisodiyot va turizm fakulteti, Marketing va menejment kafedrasi oq'ituvchisi D.N.Soliyev, 9.04.2025 yil.

Joriy yilning 9 aprel kuni Marketing va menejment kafedrasi oq'ituvchisi tomonidan, "Madaniyat va san'at sohasida kreativ tadbirkorlik" fanidan "Kreativ iqtisodiyotda intellektual mulk" mavzusida ochiq-ma'ruza darsi tashkil etildi.

Ochiq dars davomida madaniyat va san'at sohasida intellektual mulk tushunchasi, uning mazmuni, mohiyati, bugungi kunda erishilgan yutuqlar haqida gapirib o'tildi.

Ixtirochilik va mualliflik obʼyekti huquqi majmuiga kiruvchi, fan, adabiyot, sanʼat va ishlab chiqarish sohasida ijodiy faoliyatning boshqa turlari, adabiy, badiiy, ilmiy asarlar, ijrochi aktyorlik sanʼati, jumladan ovoz yozish, radio, televideniye asarlari, kashfiyotlar, ixtirolar, ratsionalizatorlik takliflari, sanoat namunalari, kompyuterlar uchun dasturlar, maʼlumotlar bazasi, nou-xauning ekspert tizimlari, tovar belgilari, firma atamalari va boshqa aqliy mulk obʼyektlariga kiradi. Hozirgi davrda intellektual mulkni muhofaza qilish muhim vazifa hisoblanadi.

Bugungi kunga kelib, Oʻzbekiston ham intellektual mulk qonunchilik bazasida katta bosqichni bosib oʻtdi. Mustaqillik yillarida intellektual mulkni muhofaza qilish sohasida 10 ta davlatlararo, 12 ta hukumatlararo va 21 ta idoralararo shartnoma hamda bitimlar tuzilib, amal qilmoqda. Bulardan tashqari, toʻgʻridan-toʻgʻri ishlaydigan 5 ta qonun, Adliya vazirligida roʻyxatdan oʻtkazilgan umummajburiy xarakterdagi 25 ta hujjat, hammasi boʻlib idora faoliyatini tartibga soladigan 140 dan ziyod normativ hujjatlar roʻyxatga olinganligini qayd etib oʻtmoqchimiz.

Marketing va menejment kafedrasi o'qituvchisi.

Sohibqiron Amir Temur shon-shuhratimizning buyuk timsoli

2025-04-10T06:47:36.438Z

9.04.2025 yil

Joriy yilning 9-aprel sanasida Iqtisodiyot va turizm fakulteti, Marketing va menejment kafedrasi 70411201-Menejment (tarmoqlar va sohalar bôyicha) yónalishi 2-kurs magistranti Ismoilova Maxtoboy tomonidan ma’naviy-ma’rifiy tadbir ótkazildi.Tadbir davra suhbati tarzida ótkazildi, unda sohibqiron haqida turli qiziqarli ma'lumotlar keltirildi, talabalar bilan savol-javoblar qilindi hamda sohibqiron Amir Temur haqida video rolik talabalarga namoyish etildi.

Marketing va menejment kafedrasi 70411201-Menejment (tarmoqlar va sohalar bôyicha) yónalishi 2-kurs magistranti Ismoilova Maxtoboy

Marketing strategiyasini tanlash. O‘sish imkoniyatlarining asosiy strategiyasi

2025-04-05T07:44:24.550Z

Iqtisodiyot va turizm fakulteti Marketing va menejment kafedrasi katta o’qituvchisi M.X.Ashurova . 04.04.2025 yil.

Buxoro davlat universiteti Iqtisodiyot va turizm fakulteti Marketing va menejment kafedrasi katta o’qituvchisi M.X.Ashurova tomonidan kunduzgi 3-1 MAR-22 guruhi va kechki 3-1 MARKT-21 guruhi bilan “Komfort Tekstil “ korxonasiga Ochiq-amaliy dars tashkil etildi.

Iqtisodiyotni modernizatsiyalash sharoitida tarmoqlar va sohalar raqobatdoshligini oshirishni ta’minlash, iqtisodiyotdagi tarkibiy o‘zgartirish jarayonlarini chuqurlashtirish siyosatini davom ettirish respublikamiz iqtisodiyotini kelajakda yanada rivojlanishiga zamin yaratadi. Boston konsalting guruhi (BKG) va “Raqobatbardoshlik - jalb etuvchanlik matritsasi” usuli, “Bozor hissasi o‘sishi” matritsasi - BKG matritsasi asosida yotuvchi gipoteza, tovar bozorining tipologiyasi, Tovar portfeli diagnozi, Bu matritsaning cheklanishlari, “Jalb etuvchanlik-raqobatbardoshlik” matritsasi kabilarni tahlilini bilish muhimdir.

Zero, bugungi keskin raqobat sharoitida mahsulotlarimizning jahon va mintaqaviy bozorlarda xaridorgir bo‘lishi va mustahkam o‘rin egallashi uchun bu boradagi ishlarni yana bir bor tanqidiy ko‘rib chiqish lozim. Bunda tashqi bozorda xaridorbop, yuqori likvidli mahsulotlar ishlab chiqarishni kengaytirish uchun eksportga mahsulot chiqaradigan korxonalarni rag‘batlantirishni yanada kuchaytirish, ularga yangi imtiyoz va preferensiyalar berish bo‘yicha qo‘shimcha chora-tadbirlar tayyorlash zarur.

Sayyor dars jarayonida talabalar korxonadada marketing vositalar foydalanishning o’ziga xos yo’llari, mijozlarni jalb qilish, mahsulotlarni targ’ib qilish va savdo hajmini oshirishdagi marketing strategiyalari haqida tasavvurga ega bo’ldilar. Mahsulot va xizmatlarning mijozlarga yetkazib berishb joyi ham marketing vositasidir. Savdo korxonalari uchun yaxshi joylashuv va mijozlarga qulay yetkazib berish tizimi juda muhimdir.

Strategiyani tanlash, faoliyat yo‘nalishlari portfel tahlilining afzalligi,portfel tahlilining amaliyotda qo‘llanishi, O‘sish imkoniyatlarining asosiy strategiyasi: xarajatlarni iqtisod qilish hisobiga ustunlik strategiyasi, differensiatsiya strategiyasi, konsentratsiya strategiyalari. O‘sish strategiyasi, intensiv o‘sish: bozorga chuqurroq kirish, bozor hududlarini kengaytirish strategiyasi,tovarni takomillashtirish strategiyasi, Integratsion o‘sish strategiyasi: «orqaga» integratsiya strategiyasi, gorizontal integratsiya strategiyasi,diversifikatsiono‘sish strategiyasi, marketing strategiyasini tanlash va uni amalga oshirish yo‘llari talabalarga tushuntirildi

Korxonalarda marketing vositalaridan samarali foydalanish orqali mijozlar sonini oshirish, raqobatbardosh bo’lish va daromadni ko’paytirish mumkin. Marketing strategiyalari to’g’ri tanlanganida mijozlar ehtiyojlariga javob bera oladi va o’z brendini bozorda muvaffaqiyatli rivojlantiradi.

Marketing va menejment kafedrasi o'qituvchisi

Ilgʻor tajribalarni amaliyotga keng joriy etish

2025-03-29T07:52:28.659Z

Iqtisodiyot va turizm fakulteti, Marketing va menejment kafedrasi dotsenti N.M.Zayavitdinova, 28.03.2025 yil.

Toshkent davlat iqtisodiyot universiteti huzuridagi pedagoglarni qayta tayyorlash va ularning malakasini oshirish tarmoq markazida tashkil etilgan malaka oshirish kurslarida qatnashib, attestatsiyadan muvaffaqiyatli oʻtgan pedagog kadrlar tomonidan egallangan yangi kompetensiyalarni ommalashtirish maqsadida marketing va menejment kafedrasi dotsenti N.M.Zayavitdinova tomonidan 2025-yil 28-mart juma kuni 1-bosqich 10-1MENJ-24 guruhi magistrlariga “Taqqoslama menejment” fanidan “Taqqoslama menejment tizimida kommunikatsiya” mavzusida ochiq dars mashg‘uloti o‘tkazildi.

Ochiq darsda Marketing va menejment kafedrasi mudiri J.R.Toxirov, kafedra professori S.U.Tadjiyeva, kafedra o‘qituvchisi M.Sh.Boltayeva, M.X.Ashurova, D.X.Xodjayeva, M.A.Rajabovalar ishirok etdilar.

Marketing va menejment kafedrasi dotsenti.