“Ўзбекнефтгаз” АЖ

“Ўзбекнефтгаз”: “Ғарбий Қуйи Сургил” конига қарашли қудуқнинг 4154 метр тубидан янги табиий газ олинди

2022-06-16T15:00:09.855Z

Ўзбекистон Республикаси Президенти Шавкат Мирзиёевнинг 2021 йил 25 декабрь куни “Uzbekistan GTL” заводига ташрифи давомида берган топшириқлари ижросини таъминлаш мақсадида, “Ўзбекнефтгаз” АЖ Бошқарув раиси Меҳриддин Абдуллаев бошчилигида “Ишчи гуруҳ” ташкил қилиниб, Давлат геология қўмитаси, “Ўзбекгеофизика” АЖ ва ИГИРНИГМ давлат муассасаси, “ЎзЛИТИнефтгаз” АЖ билан ҳамкорликда нефть ва газ геология-қидирув ишлари, захираларни кўпайтириш, янги ва истиқболли майдонларни аниқлаш бўйича алоҳида ишлар олиб борилмоқда.

Жумладан, қудуқларни бурғилаш ва қазиб чиқариш бўйича мутахассислар, муҳандислар, геолог ва геофизиклар ҳамкорлигида амалга оширилаётган геология-қидирув ишлари доирасида 2021 йилда очилган “Ғарбий Қуйи Сургил” конидаги 2-сонли излов қудуғи 4198 метр чуқурликга муваффақиятли бурғуланди.

Олиб борилган бир қатор таҳлиллар натижасида, ушбу қудуқ тубининг 4154-4059 метр оралиқларида аниқланган қуйи юра қатламларини маҳсулдорликка синаш натижасида табиий газнинг саноат аҳамиятига эга оқимларини олишга эришилди.

Дастлабки ҳисоб-китобларга кўра, янги қудуқдан олинаётган маҳсулотнинг ҳажми кунлик 700-800 минг куб метрни ташкил қилмоқда. Якуний рақамларга эса ҳозирда тегишли институтлар томонидан олиб борилаётган тадқиқотлар натижасида аниқлик киритилади.

“Ғарбий Қуйи Сургил” конининг ҳозирда мавжуд углеводород хом ашёси ресурслари 7,5 млрд куб метр табиий газ ҳамда 265 минг тонна газконденсати маҳсулотларини ташкил қилади.

“Ўзбекнефтгаз” АЖ томонидан ҳозирда ушбу кондаги ишларни амалга оширишда Давлат геология қўмитаси ва унинг таркибидаги ташкилотлар ҳамда “Устюрт қидирув бурғилаш бошқармаси”нинг малакали кадрлари иштирок этишмоқда.

Эслатиб ўтамиз, 2022 йилнинг ўтган даврида “Ўзбекнефтгаз”АЖ бўйича 758 кв.км 3D сейсмик-қидирув ишлари бажарилди, 4 та – Чўллиота, Мангуберди, Янги Алат ва Шарқий Арслон майдонлари бурғилашга киритилди ва 57,0 минг метр бурғилаш ишлари бажарилди.

Бунинг натижасида “Ниёз” – янги газконденсат кони очилиши билан биргаликда 2,0 млрд. метр кубдан ортиқ табиий газ ҳамда 103 минг тоннадан ортиқ суюқ углеводород захиралари кўпайтирилди.

Юқорида қайд этилганлардан ташқари “Ўзбекнефтгаз” АЖ томонидан Устюрт регионида нефть ва газ геология қидирув ишларини кенгайтириш ва жадаллаштириш, янги майдонларни аниқлаш ҳамда 4500 метрдан ортиқ чуқурликларда жойлашган истиқболларни ўзлаштиришга қаратилган чора-тадбирлар амалга оширилмоқда.

Таъкидлаш керакки, Республикада нефт ва газ геология-қидирув ишларини ривожлантиришнинг асосий йўналиши сифатида Қорақалпоғистон Републикаси ҳудуди белгилаб олинганлиги, Устюрт минтақасида нефт ва газ геология-қидирув ишлари бўйича янги табдирларни лойиҳалаштириш, уларни мақсадли амалга ошириш, табиий газнинг янги конларини очиш ҳамда қўшимча захираларини аниқлаш энг устувор вазифа қилиб белгилаб олинган.

Келгуси беш йилликда “Ўзбекнефтгаз” АЖ бўйича 10 200 кв.км.дан ортиқ 3D сейсмик ишларни бажариш, 100 дан ортиқ янги майдонларни ўзлаштириш, 925 минг метрдан ортиқ бурғилаш ишларини бажариш, 290 та қудуқларни қурилиш билан тугатиш ва натижада 177 млрд.м3 атрофида табиий газ ҳамда 6,5 млн.тоннадан ортиқ суюқ углеводород захираларини ўстириш мақсад қилинган.

“Ўзбекнефтгаз” АЖ Матбуот хизмати

“Ўзбекнефтгаз”: “Ғарбий Қуйи Сургил” конига қарашли қудуқнинг 4154 метр тубидан янги табиий газ оқими топилди

2022-06-16T14:32:46.787Z

“Ўзбекнефтгаз” АЖ Матбуот хизмати

“Ўзбекнефтгаз” АЖ акциядорлари диққатига!

2022-04-07T10:26:46.573Z

Бош саҳифа Русский

Ўзбекистон Республикасининг “Aкциядорлик жамиятлари ва акциядорларнинг ҳуқуқларини ҳимоя қилиш тўғрисида” ги Қонунининг 51-моддасига асосан 2017 йил ва ундан олдинги йил якунлари бўйича ҳисобланган, эгаси ёки унинг ҳуқуқий вориси ёки меросхўрлари томонидан талаб қилиб олинмаган дивидендлар “Ўзбекнефтгаз” AЖ ихтиёрида қолдириш тўғрисида “Ўзбекнефтгаз” AЖ ягона акциядорининг 2022 йил 10 мартдаги қарори қабул қилинди.

Шу муносабат билан “Ўзбекнефтгаз” AЖ ва унга қўшилган акциядорлик жамиятлари (“Ўзбурғунефтгаз” AЖ, “Ўзнефтгазқазибчиқариш” AЖ, “Ўзнефтмаҳсулот” AЖ, “Ўзнефтгазмаш” AЖ, “Aндижоннефт” AЖ, “Жарқўрғоннефт” AЖ) акциядорларидан жорий йилнинг 11 апрелига қадар “Ўзбекнефтгаз” AЖга 2017 йил якуни ва ундан олдинги йиллар учун ҳисобланган дивидендларни олиш учун “Ўзбекнефтгаз” AЖга мурожаат қилишингизни сўраймиз.

Шунингдек, юқоридаги акциядорнинг қарорига мувофиқ “Ўзбекнефтгаз” АЖ имтиёзли акция эгаларига 2020 йил якуни бўйича ҳар бир акция учун 125 cўм миқдорида дивидендлар тўлаш тўғрисида қарор қабул қилинган.

Дивидендларни ўз вақтида олиш мақсадида акциядорлардан (уларнинг ворислари ёхуд меросхўрлари) “Ўзбекнефтгаз” АЖнинг Акциядорлар билан ишлаш бўлимига мурожаат қилишларини ва банк реквизитларини (транзит ҳисоб рақами, банк СТИР рақами, банк коди, акциядорнинг пластик карта рақами), СТИР (солиқ тўловчининг идентификация рақами) рақамларини ва паспорт нусхаларини тақдим этилишини сўраймиз.

Батафсил маълумотларни 71 207-27-72 (ички номер: 2061, 2064, 2065, 2066) телефон рақами, kans@ung.uz электрон почта манзили ёки қуйидаги манзил орқали олишингиз мумкин:

Манзил: 100125, Тошкент шаҳри, Дўрмон йўли 2-берк кўча, 143-уй.

“Ўзбекнефтгаз” АЖ Матбуот хизмати

#нефть #газ #энергия #скважин #инвестиция #добыча #углеводород #экономика #завод #нефтебаза #қудуқ #кон #иқтисод #аёқш

“Ўзбекнефтгаз”: Суюлтирилган газ ишлаб чиқариш қурилмасининг насос агрегатлари таъмирланди

2022-04-07T08:42:32.843Z

Бош саҳифа Русский

“Ўзбекнефтгаз” АЖ Бошқарув раиси Меҳриддин Абдуллаевнинг топшириғига асосан нефть ва газ қазиб чиқариш бошқармаларининг ишлаб чиқариш қувватларини тиклаш ҳамда табиий газни қайта ишлаш заводлардаги қурилмаларда амалга ошириладиган режали таъмирлаш ишларини сифатли ва ўз вақтида бажариш мақсадида бир қатор чора-тадбирлар белгилаб олинган.

Тадбирлар доирасида Шўртан нефть ва газ қазиб чиқариш бошқармасига қарашли пропан-бутан аралашмаси олиш қурилмасининг 5-навбатидаги мавжуд “ГДМ9-06-Е40/210-К-45” насос агрегатлари чет эл мутахассисларини жалб этмаган ҳолда “Ўзбекнефтгаз” АЖ ва бошқарма мутахассислари томонидан таъмирланди.

Пропан-бутан аралашмаси олиш қурилмаси 5-навбатидаги мавжуд насос агрегатларини таъмирлаш орқали қурилмада технологик жараёнларнинг узлуксизлигини таъминлаш, кунлик қўшимча суюлтирилган газ маҳсулотини ишлаб чиқаришга ва белгиланган режа кўрсатгичларини ўз вақтида бажарилишига эришилади.

“Ўзбекнефтгаз” АЖ тасарруфидаги корхоналар томонидан суюлтирилган газ маҳсулоти ишлаб чиқариш ҳажмларини ошириш орқали биринчи навбатда республика аҳолисига барқарор равишда суюлтирилган газ маҳсулотини етказиб беришга ва истеъмолчиларни ёқилғи-энергетика ресурсларига бўлган талабини қондиришга қаратилган ишлари давом этмоқда.

Маълумот учун: Шўртан нефть ва газни қазиб чиқариш бошқармаси, Қашқадарё вилояти, Ғузор тумани ҳудудида жойлашган бўлиб, 1980 йилда ишга туширилган. Пропан-бутан аралашмаси олиш қурилмасининг 5-навбати 2012 йил фойдаданишга топширилган. Қурилма йилига 3,0 млрд куб метр табиий газни қайта ишлаб, 50,0 минг тонна суюлтирилган газ ва 12,7 минг тонна газ конденсати ишлаб чиқариш қувватига эга.

“Ўзбекнефтгаз” АЖ Матбуот хизмати

“Ўзбекнефтгаз”: Шўртан газ кимё мажмуаси қисқа муддатли таъмирлашдан сўнг одатий режимда иш бошлади

2022-04-07T06:50:37.544Z

Бош саҳифа Русский

“Ўзбекнефтгаз” АЖ Бошқарув раиси Меҳриддин Абдуллаевнинг топшириғи билан нефть ва газни қайта ишлаш заводларининг қувватларини тиклаш ҳамда технологик қурилмаларда амалга ошириладиган режали таъмирлаш ишларини сифатли ва ўз вақтида ишга тушириш борасида бир қатор чора-тадбирлар белгилаб олинган.

Ушбу тадбирлар доирасида Шўртан газ кимё мажмуасида олиб борилган жорий таъмирлаш ишлари ўз ниҳоясига етиб, технологик қурилма ва ускуналарни босқичма-босқич ишга тушириш ишлари муваффақиятли амалга оширилди. Айни пайтда мажмуа одатий иш режимида ишлай бошлади.

Мажмуада олиб борилган жорий таъмирлаш ишлари давомида корхона бўйича 50 дан ортиқ иссиқлик алмашиниш қурилмалари очилиб, қувурлар боғлами ички қисмлари юқори босимли сув ёрдамида тозаланди ва техник текширув ишлари амалга оширилди.

Шунингдек, 40 дан ортиқ айланувчи механизмларда таъмирлаш ва 100 га яқин қурилма ва идишларда тозалаш, кўрикдан ўтказиш ва диагностика ишлари бажарилди.

Бундан ташқари, технологик жараён ва қурилмалардаги 90 га яқин сақловчи клапанлар тарировка қилиниб жойига ўрнатилди.

Жорий йилнинг 4 февраль куни Марказий Осиё электр таъминоти тизимидаги узилиш сабабли мажмуадаги Этилен ишлаб чиқариш цехининг асосий қурилмаларидан бири саналадиган пиролиз печларининг юқори ҳароратга чидамли махсус радиант қувурлари мутлоқо яроқсиз ҳолга келган эди. Мажмуада амалга оширилган жорий таъмирлаш ишлари жараёнида мазкур қурилма ҳам корхонанинг малакали мутахассислари томонидан қайта таъмирланди ва тўла қувват билан ишлай бошлади.

Таъкидлаб ўтиш жоизки, режали жорий таъмирлаш ишлари ишлаб чиқариш жараёнларида келгусида вужудга келиши мумкин бўлган кутилмаган узилишларнинг олдини олиш ҳамда технологик қурилма ва ускуналарнинг узоқ муддат сифатли ва самарали ишлашини таъминлашга хизмат қилади.

"Шўртан газ кимё мажмуаси" МЧЖ Матбуот хизмати

“Ўзбекнефтгаз”: Инвестиция дастури доирасида табиий газ ҳажми 30,2 млрд куб метр, нефть ҳажми 182,1 минг тоннага кўпайтирилди

2022-04-07T05:36:49.377Z

Бош саҳифа Русский

“Ўзбекнефтгаз” АЖ Бошқаруви раиси Меҳриддин Абдуллаевнинг тошаббуси билан нефть ва газ-кимё маҳсулотлари ҳажмини кўпайтириш ва янги турдаги газкимё маҳсулотларни ишлаб чиқаришни ўзлаштириш ҳамда республиканинг экспорт салоҳиятини ошириш мақсадида қатор инвестиция лойиҳаларини амалга ошириш бўйича чора-тадбирлар белгилаб олинган.

Лойиҳаларни амалга оширишда Ўзбекистон Республикаси Президентининг 2021 йил 30 декабрдаги “Ўзбекистон Республикасининг 2022-2026 йилларга мўлжалланган инвестиция дастурини тасдиқлаш ҳамда инвестиция лойиҳаларини бошқаришнинг янги ёндашув ва механизмларини жорий этиш тўғрисида”ги ПҚ-72-сон қарори дастуруламал бўлмоқда.

Таъкидлаш жоизки, жорий йилда “Ўзбекнефтгаз” АЖ томонидан амалга оширилаётган умумий қиймати 5,9 млрд долларлик 10 та инвестиция лойиҳаси доирасида барча манбалар ҳисобидан
1 090,5 млн доллар ўзлаштириш режалаштирилган. Шундан 840,6 млн доллари хорижий инвестициялар ва кредитлар ҳисобига тўғри келади.

2022 йилнинг биринчи чорак якуни билан лойиҳалар доирасида 236,3 млн долларлик инвестициялар ўзлаштирилди. Бу кўрсаткични ўтган 2021 йилнинг жорий даврига қиёслайдиган бўлсак, ўсиш 142,5 фоизни ташкил этди.

Жорий йилда инвестиция ҳажмларининг 50,9 фоизи углеводородларни қазиб чиқариш ва тайёрлашга, 32,1 фоизи углеводородларни қайта ишлашга, 12,8 фоизи геология-қидирув ишлари ва қудуқларни бурғилашга ҳамда 4,2 фоизи янги қурилиш, модернизация ва реконструкция ишларини амалга ошириш бўйича лойиҳаларга йўналтирилади.

2021 йилнинг декабрь ойида Қашқадарё вилояти Ғузор туманида умумий қиймати 1,8 млрд долларга яқин “Шўртан газ кимё мажмуасининг ишлаб чиқариш қувватларини кенгайтириш” лойиҳасига ҳам старт берилди. Лойиҳа доирасида, синтетик нафтани қайта ишлаб, юқори қийматли янги турдаги қўшимча 380 минг тоннагача полиэтилен ва полипропилен ишлаб чиқариш кўзда тутилган. Бу билан мажмуанинг мавжуд ишлаб чиқариш қувватини 3 баробарга оширилиши таъминланади. Лойиҳа 2024 йилда ишга туширилади.

Углеводород хомашёсини қазиб чиқариш ҳажмларини кўпайтириш бўйича эса умумий қиймати 3,0 млрд долларга тенг 2017-2021 йилларга мўлжалланган дастур амалга оширилмоқда. Дастурнинг биринчи босқичи доирасида 296 та қудуқда бурғилаш ишлари якунланиб, 328 та қудуқда капитал таъмирлаш ишлари амалга оширилган.

Иккинчи босқичи доирасида 185 та қудуқдан 152таси бурғиланди. Шунингдек, "Ғарбий" конида блок-модулли қудуқ усти компрессор қурилмаси, "Сомонтепа", "Алан" ва "Зеварда" конларида сиқув компрессор станциялари, "Арслан" конида газни комлекс тайёрлаш қурилмаси, "Учқир" конида олтингугуртдан тозалаш қурилмасининг 6-тармоғи ва сиқув компрессор станцияси ишга туширилди.

Комплекс чора-тадбирларни амалга ошириш натижасида қазиб чиқарилган табиий газ ҳажми 30,2 млрд куб метр, нефт ҳажми 182,1 минг тонна ва газ конденсатининг ҳажми 902,2 минг тоннага кўпайтирилди.

Ушбу дастур доирасида жорий йилда умумий қиймати 161,9 млн долларга тенг бўлган “Денгизкўл” ва “Жанубий Тандирча” конларида 2 та сиқув компрессор станцияларини қуриш ишларини якунлаш кўзда тутилган бўлиб, объектларни ишга тушириш натижасида йилига қўшимча 470 млн куб метр табиий газ қазиб чиқаришга эришилади ва 27 та янги иш ўринлари яратилади.

“Ўзбекнефтгаз” АЖ Матбуот хизмати

“Ўзбекнефтгаз”: 2022 йилнинг биринчи чорагида жисмоний ва юридик шахслардан келиб тушган 346 та мурожаатнинг кўриб чиқилиши таъминланди

2022-04-06T12:53:31.904Z

Бош саҳифа Русский

Ўзбекистон Республикаси “Жисмоний ва юридик шахсларнинг мурожаатлари тўғрисида”ги Қонунининг 23-, 34- ва 35-моддаларига мувофиқ, “Ўзбекнефтгаз” АЖга 2021 йилнинг январь-март ойларида келиб тушган мурожаатлар Бошқарув аппарати билан ишлаш департаменти томонидан таҳлил қилиниб, бу бўйича акциядорлик жамияти Бошқаруви раиси Меҳриддин Абдуллаевга ҳисобот берилди.

“Ўзбекнефтгаз” АЖга жарий йилнинг ўтган биринчи чорагида жисмоний ва юридик шахслардан жами 346 та мурожаат келиб тушган бўлиб, барчаси ўрнатилган тартибда тааллуқлилиги бўйича масъул мансабдор шахслар томонидан кўриб чиқилиши таъминланди.

Мурожаатларнинг 322 таси (93%) жисмоний шахслардан ва 24 таси (7%) юридик шахслардан келиб тушган.

Шулардан,

• 170 таси (49%) электрон,

• 121 таси (35%) ёзма,

• 55 таси (16%) оғзаки мурожаатлардир.

Мурожаатларда кўтарилган масалалар таҳлилига кўра, 137 таси (40%) ишга кириш, 29 таси (8%) меҳнат муносабатлари, 48 таси (14%) иш ҳақи ва моддий ёрдам кўрсатиш, 22 таси (6%) раҳбарларнинг ноқонуний ҳатти-ҳаракатлари ва 110 таси (32%) бошқа масалаларни ташкил этди.

Мурожаатларни ҳудудлар кесимида таҳлил қилинганда, асосан Қашқадарё 182 та (53%), Бухоро 39 та (11%), Сурхондарё 19 та (5%), Фарғона 13 та (4%), Сирдарё 12 та (3%), Самарқанд 12 та (3%) вилоятларида ҳамда Тошкент шаҳрида 18 та (5%) яшовчи фуқаролардан келиб тушганлигини кўриш мумкин.

Мурожаатларнинг аксарият қисми жамиятнинг бошқарув аппаратида ҳал этилган. Назоратга олиб кўриб чиқилган жами 346 та мурожаатдан, 65 таси қаноатлантирилган, 245 таси бўйича тушунтиришлар берилган, 2 таси рад этилган, 34 таси иш жараёнида.

Жумладан, Ўзбекистон Республикаси Президентининг виртуал қабулхонаси, Халқ қабулхоналаридан жами 115 та мурожаат келиб тушган бўлиб, улардан 98 таси ижроси таъминланди, 17 таси кўриб чиқилмоқда.

Ўзбекистон Республикаси Бош вазири виртуал қабулхонаси сайти орқали жами 5 та мурожаат келиб тушган бўлиб, барчасини ижроси таъминланган.

Мурожаатларга тезкор жавоб бериш мақсадида расмий веб-сайтида “Онлайн-маслаҳатчи” модули фаолияти жорий этилиб, фуқароларга 205 та онлайн маслаҳатлар берилди.

Бу борадаги ишлар Бошқарув аппарати билан ишлаш департаменти томонидан алоҳида назоратга олинган бўлиб, ҳар ой якуни билан амалга оширилган ишлар юзасидан маълумот раҳбариятга тақдим этиб борилмоқда.

“Ўзбекнефтгаз” АЖ Матбуот хизмати

“Ўзбекнефтгаз”:Конлар ва қудуқлар фаолиятини мониторинг қилишни рақамлаштириш ҳолати муҳокама қилинди

2022-04-06T11:40:15.862Z

Бош саҳифа Русский

“Ўзбекнефтгаз” АЖ Бошқаруви раиси Меҳриддин Абдуллаевнинг топшириғи билан Рақамли трансформация дастури доирасида акциядорлик жамияти таркибига кирувчи газ конларида жойлашган қудуқлардан қазиб олинувчи газ кўрсатгичларининг шаффофлигини таъминлаш ва газ қазиб чиқариш бўйича кузатувчилар назоратини олиб бориш мақсадида “Қудуқ оператори назорати” тизими ва унинг мобил иловаси (андроид платформаси учун) ишлаб чиқилди.

Мазкур тизимни такомиллаштириш масалаларига бағишланган видеo анжуман ўтказилди. Унда “Ўзбекнефтгаз” АЖ департаментлари мутахассислари ҳамда Муборак, Шўртан, Газли нефть ва газ қазиб чиқариш бошқармалари, Устюрт газ қазиб чиқариш бошқармаси бош геологлари, бош муҳандислари, кон бошлиқлари, кон усталари ва қудуқ операторлари иштирок этишди.

Дастлаб анжуман иштирокчилари Ахборот коммуникация технологиялари департаменти мутахассислари томонидан “Қудуқ оператори назорати” тизими ва унинг мобил иловасининг имкониятлари билан таништирилди. Шундан сўнг ушбу тизим бўйича иштирокчилар ўртасида муҳокама ўтказилди.

Барча иштирокчилар ўз йўналишлари бўйича тизимни такомиллаштириш учун киритилиши мумкин бўлган қўшимча ва ўзгартиришлар бўйича таклифларини берди.
Бошқармалар бош геологлари, бош муҳандислари тизимга киритиладиган маълумотлар кўламини яна кенгайтириш ва таҳлилий ҳисоботлар олиш имконини яратиш кераклигини таъкидлашди.

Муҳокамалар якунида йиғилиш қатнашчилари тизимни такомиллаштириш ишларини ҳамкорликда амалга ошириш бўйича амалга оширилиши лозим бўлган вазифаларни келишиб олишди.

“Ўзбекнефтгаз” АЖ Матбуот хизмати

“Ўзбекнефтгаз”: “Ақчалак” газконденсат қуйиш эстакадасида маҳсулотни сақлаш, юклаш ва ҳисобини тўғри юритиш ҳолати ўрганилди

2022-04-06T08:59:27.517Z

Бош саҳифа Русский

“Ўзбекнефтгаз” АЖ Бошқаруви раиси Меҳриддин Абдуллаевнинг топшириғига асосан қазиб чиқарилган нефть ва газ маҳсулотларини қайта ишлаш заводларига етказиб беришда талон-тарожликларга йўл қўймаслик мақсадида ҳисоб-китоб ишларини тўғри юритиш бўйича бир қатор чора-тадбирлар белгилаб олинган.

Тадбирлар доирасида “Ўзбекнефтгаз” АЖ департаментлари мутахассисларидан иборат тузилган ишчи гуруҳи томонидан мунтазам равишда нефть ва газ объектларида ўрганиш ишлари олиб борилади.

Ишчи гуруҳининг навбатдаги назорат тадбирлари Устюрт газ қазиб чиқариш бошқармасига қарашли “Ақчалак” газконденсат қуйиш эстакадасида ўтказилди. Ушбу эстакадада бошқарма ҳамда қўшма корхона томонидан қазиб чиқарилган конденсат маҳсулотлари қабул қилиниб, сақланади ҳамда жойларга юклаб берилади. Ишчи гуруҳи томонидан объектдаги жараёнларда олиб борилаётган ҳисоб-китоб ишлари ўрганилиб, муаммоли масалаларни бартараф этишга қаратилган “Йўл харита”си ишлаб чиқилди.

Шунингдек, бошқарма мутахассислари учун углеводород маҳсулотларини ҳисоб-китобини юритишда хатоликларга йўл қўйилмаслигини таъминлаш мақсадида ўқув машғулотлари ўтказилди.
Унда иштирокчилар “Ақчалак” газ конденсати қуйиш эстакадасида маҳсулотларни қабул қилиш, сақлаш ва юклаб бериш жараёнларини тасдиқланган Низом асосида ҳисоб-китоб қилиш бўйича билим ва малакаларини мустаҳкамлашди.

Маълумот учун: Усюрт газ қазиб чиқариш бошқармаси “Ақчалак” конденсат эстакадаси Қорақалпоғистон Республикаси Қунғирот туманида жойлашган.

“Ўзбекнефтгаз” АЖ Матбуот хизмати

“Ўзбекнефтгаз”: Паст ҳароратда газни сепарациялаш қурилмаларининг технологик тармоқлари таъмирланди

2022-04-06T07:30:01.121Z

Бош саҳифа Русский

“Ўзбекнефтгаз” АЖ Бошқаруви раиси Меҳриддин Абдуллаевнинг топшириғига асосан нефть ва табиий газ қазиб чиқариш бошқармаларининг ишлаб чиқариш қувватини тиклаш ҳамда қайта ишлаш қурилмаларида амалга ошириладиган таъмирлаш ишларини сифатли ва ўз вақтида якунлаш мақсадида бир қатор чора-тадбирлар белгилаб олинган.

Жумладан, Шўртан нефть ва газ қазиб чиқариш бошқармасининг бош иншоотидаги Паст ҳароратда газни сепарациялаш 1-, 2-, 5-, 6-, 7-технологик тармоқлари ва Украина давлатининг “Турбогаз” компанияси томонидан ишлаб чиқарилган турбодетандер агрегатларида таъмирлаш ишлари амалга оширилди.

Ушбу қурилмалардан кўп йиллардан буён ишлатилиб келинаётганлиги сабаб, унинг жиҳозлари ва турбодетандер агрегатлари маънан эскириб қолган эди. Қайта таъмирлаш учун зарур бўлган махсус техникалар, барча моддий-техник ресурслар ва эҳтиёт қисмларни келтириб, ўрнатишда "Ўзбекнефтгаз"АЖнинг ички имкониятларидан фойдаланилди.

Ушбу қурилмаларда таъмирлашдан кўзланган мақсад қайта ишланаётган табиий газнинг сифат кўрсаткичларини талаб даражасига мослаштириш, Шўртан газ кимё мажмуаси режали таъмирлашга тўхтатилган вақтда қўшимча табиий газ қабул қилиш ҳажмини оширишдан иборат. Шунингдек қувватларни ошириш натижасида “Uzbekiston GTL” заводини этан бирикмасига бой бўлган табиий газ билан таъминлашга хизмат қилади.

Маълумот ўрнида таъкидлаш жоизки, Шўртан нефть ва газ қазиб чиқариш бошқармаси томонидан 2022 йилнинг январь-февраль ойларида 15,0 млрд куб метр табиий газ ва 291,07 минг тонна конденсат қазиб чиқарилди.

“Ўзбекнефтгаз” АЖ Матбуот хизмати