@uzeltexsanoat

SIRDAYRO - TARG'IBOT TADBIRLARINING NAVBATDAGI MARKAZI BO'LDI

2024-02-20T16:32:09.492Z

Joriy yilning 14-15 fevral kunlari, Sirdaryo viloyati Guliston shahri hokimligi binosida isitish qozonlari, quyosh suv isitkichlari, gaz taqsimlash punkti (GTP) targ'ibotlariga oid seminar o‘tkazildi.

Uchrashuvda "O'zeltexsanoat" uyushmasi mutasaddilari, uyushmaga a'zo "Texnopark” korxonasi mutaxassislari, ijtimoiy soha vakillari, issiqxona xo‘jaliklari, qurilish materiallari ishlab chiqaruvchilar va boshqa tadbirkorlik sub’yektlari, mahalliy hokimiyat organlari vakillari ishtirok etdilar.

Ushbu taqdimot ko'rinishidagi uchrashuvda, boshqa viloyatlarda bo'lgani kabi isitish qozonlari, quyosh suv isitkichlari, gaz taqsimlash punktlariga oid barcha ma'lumotlar yig'ilganlarga atroflicha tushuntirildi.

Imtiyozli kreditlar, davlat tomonidan ushbu texnologiyalarni xarid qilishda beriladigan subsidiyalar, uzoq muddatli kafolat va tezkor servis xizmatlariga oid faktlar uchrashuv qatnashchilarida katta taassurot qoldirdi.

Uchrashuv so'nggida ishtirokchilarning ko'pchiligi mamlakatimizda bunday texnologik jihozlar ishlab chiqarilishi haqida hech qanday ma'lumotga ega emasligini, ammo bu kabi targ'ibot tadbirlari orqali texnologiyalarni imtiyozli asosda xarid qilish mumkinligiga oid ma'lumotlar olganligidan juda mamnun bo'lganliklarini ta'kidladilar.

Mahalliy hokimiyat vakillari tomonidan esa prezidentimizning qarorlari asosida bunday texnologiyalarni xarid qilishda fuqarolarga yengillik yaratishga oid imkoniyatlar haqida ma’lumot berishganda, ko'pchilik bunday imkoniyatdan albatta foydalanishlarini ta'kidladilar.

ОБЪЯВЛЕНИЕ

2024-02-12T12:30:06.620Z

Набираем квалифицированных иностранных специалистов в «Проектный офис» при ассоциации «Узэлтеханоат» в рамках проекта «Организация инновационного научно-производственного кластера полупроводниковой электроники и интегральных схем».

Образование:

высшее образование;

имеет степень.

Основные задачи:

- Формирование базы данных о потенциальных инвесторах – компаниях для последующей проработки вопроса налаживания сотрудничества.

- Подготовка не менее 5 проектных предложений (тизеров), со стоимостью не более 500 млн. долларов каждое, которые могут быть реализованы в Узбекистане для последующей презентации их потенциальным инвесторам.

- Установление партнерства с потенциальными инвесторами – компаниями по реализации инвестиционных проектов по производству сырьевых материалов для электроники, электронных компонентов или других видов готовой электроники в Узбекистане.

- Организация PR-мероприятий для привлечения потенциальных инвесторов – компаний (в том числе производителей и патентообладателей).

-Участие в практической реализации (строительство завода, подбор технологий и технологического оборудования, запуск производства) инвестиционных проектов по производству сырьевых материалов для электроники, электронных компонентов или других видов готовой электроники в Узбекистане, совместно с инвесторами – компаниями.

- Разработка предложений по созданию законодательных основ - правовых условий и возможностей в Узбекистане для иностранных инвесторов в данной сфере, в соответствии зарубежного опыта и на основе практически - проверенного зарубежного законодательства.

- Организация практических работ по привлечению иностранных грантов и субсидии, направленные на обучение персонала в сфере разработки и выпуска полупроводниковой продукции, также для реализации проектов, связанные с производством полупроводников и электронных компонентов на территории Узбекистан.

Требуемый опыт и квалификация:

- Как минимум, степень магистра в области электроники/электротехники или других смежных областях.

- Не менее 5 лет опыта работы и/или консультирования в электронной промышленности.

- Знание и опыт управления и реализации проектов, а также аналитики.

- Соответствующий региональный и международный опыт будет дополнительным преимуществом.

- Проект направлен на выявление экспертов, которые соответствуют вышеуказанным критериям и продемонстрировали способность предоставлять соответствующие экспертные знания и предлагать более широкую перспективу при разработке Стратегии (Концепции) и политических рекомендаций по развитию электронной промышленности и цепочки создания добавленной стоимости.

Условия:

на основании договора.

Необходимые документы:

CV (объективка);

Диплом о высшем образовании (отечественном, зарубежном);

Диплом ученой степени;

Сертификат о знании языка;

Конкурс продлится до 19 февраля 2024 года 18:00.

Просим отправить свои документы на указанный адрес электронной почты до указанного срока.

Для справки:

Телефон: (71) 207-44-66 (377), (90) 964-01-97

Электронная почта: info@uzeltexsanoat.uz, s.ulashov@uzeltexsanoat.uz

Просим отправить свои документы на указанный адрес электронной почты до указанного срока.

ГЕРМАНИЯ ЯРИМЎТКАЗГИЧЛАР САНОАТИ КОРХОНАЛАРИ БИЛАН ҲАМКОРЛИК НЕГА МУҲИМ?

2023-04-29T08:13:21.128Z

“Infineon Technologies” AG компанияси 1999 йилда ташкил этилган. Дунёдаги яримўтказгич саноатидаги энг йирик ўнта компаниялардан биридир. Компания контактсиз смарт-карталар ва электрон ҳукумат ҳужжатларида қўлланиладиган яримўтказгич компонентларини лойиҳалаш ва ишлаб чиқариш бўйича етакчи ҳисобланади.

Биламизки, Германия иқтисодиётида электроника, микроэлектроника ва яримўтказгичлар саноати муҳим ўрин тутади. Эътиборлиси, бу давлатда ҳозир дунёнинг энг йирик компаниялари, лабораториялари, илмий-тажрибаинститутлари, тадқиқот марказлари фаолият олиб бормоқда. Инсон капитали учун ажратилган сармоя туфайли бугун мамлакатда кадрлар тайёрлаш салоҳияти ҳам анча юқори. Хусусан, электротехника борасидаги жадал ўзгаришлар ва дунё тенденциясининг сўнгги ихтиролари ҳам айнан Германия иқтисодиётининг жадалривожланиши билан боғлиқ.

Айни пайтда "Ўзэлтехсаноат" уюшмаси раиси М.Юнусов ишчи хизмат сафари билан Германия Федератив Республикасида бўлиб турибди. Ташриф давомида ушбу мамлакат ишбилармон доира вакиллари билан ҳамкорлик алоқаларини кучайтириш мақсадида бир қатор музокаралар олиб борилмоқда.

🇺🇿 Жумладан, дунёдаги яримўтказгич саноатидаги энг йирик ўнта компаниялардан бири ҳисобланган “Infineon Technologies” AG компанияси бош директори Доктор Детлеф Гудо билан ҳамкорлик алоқаларини йўлга қўйиш мақсадида Ўзэлтехсаноат" уюшмаси бошқарув раиси Мирзиёд Юнусов ва “Vades Group” корхонаси раҳбари Ли Игор ўртасида учрашув бўлиб ўтди.

Компания Германияда яримўтказгич маҳсулотларининг энг йирик ишлаб чиқарувчиси бўлиб, дунёдаги яримўтказгич саноатидаги энг йирик ўнта компаниядан бири ҳисобланади. У катта технологик портфелга эга бўлиб, 29 000 та патенти бор ва таркибида 35 та илмий-тадқиқот марказлари мавжуд.

Компания контактсиз смарт-карталар ва электрон ҳукумат ҳужжатларида қўлланиладиган яримўтказгич компонентларини лойиҳалаш ва ишлаб чиқариш бўйича етакчи ҳисобланади. Бу ерда автомобиль, алоқа, саноат ва хотира қурилмалари учун йилига 800 миллиондан 1 миллиардгача чиплар ишлаб чиқарилади.

Infineon Technologies Европа ва Осиёда 25 дан ортиқ ишлаб чиқариш майдонларига эга.

Ходимларнинг умумий сони - 56 200 дан ортиқ (2022й.)

Жами активлари - 23,3 млрд. доллар (2022й.)

Йиллик даромад - 15 миллиард доллар (2022й.)дан ошади.

🌐“Infineon Technologies” AG компанияси бош директори Доктор Детлеф Гудо билан бўлиб ўтган учрашувда, мамлакатимизда яримўтказгичлар ишлаб чиқариш саноатини ташкил этиш ва ҳамкорликда ривожлантириш лойиҳаларини ишлаб чиқиш масалалари муҳокамалар марказида бўлди.

✔️Бугунги кунда Ўзбекистонда ҳам уюшмага аъзо “Vades Group” корхонасида турли идентификация учун мўлжалланган микропроцессорли модулларни ишлаб чиқариш соҳасида тажриба мавжуд бўлиб, яқин келажакда “Infineon Technologies AG” компанияси билан ҳамкорликни йўлга қўйиш орқали ID-карталар, паспортлар, фискал модуллар ва банк соҳасида қўлланиладиган микропроцессорли криптографик технологиялар бўйича ўзаро алоқаларни ривожлантириш доирасида технологик ҳамкорликни йўлга қўйишни режалаштирмоқда. Ушбу ҳамкорлик Vades Group корхонасининг Ohangaron Tech Industrial технопаркидаги ишлаб чиқариш майдонида амалга оширилиши кўзда тутилган.

Bolalarda uchraydigan saraton kasalligini davolash uchun dori vositalari bilan ta’minlash bo‘yicha global platforma

2023-04-13T11:11:07.333Z

2023-yilning 12–13-aprel kunlari AQSHning Memfis shahrida saraton kasalligiga chalingan bolalarni dori-darmon bilan ta’minlash bo‘yicha Global platformani ishga tushirishga tayyorgarlik ko‘rish masalasiga bag‘ishlangan forum bo‘lib o‘tdi va unda O‘zbekiston delegatsiyasi ishtirok etdi.

2021-yil 13-dekabrda Jahon sog‘liqni saqlash tashkiloti (JSST) va AQSHdagi Muqaddas Iuda bolalar tadqiqot shifoxonasi (St Jude Children's Research Hospital) butun dunyo bo‘ylab bolalar saratoniga qarshi dori vositalaridan foydalanish imkoniyatini sezilarli darajada kengaytiradigan global tashabbus rejasini e’lon qildi. Bu «Dori vositalari bilan ta’minlash bo‘yicha global platforma (GPACCM). Bu ushbu mavzudagi birinchi platforma 2027-yilgacha 50 ta mamlakatlarda taxminan 120 000 bolani moliyaviy qiyinchiliklarsiz xavfsiz, samarali va sifatli saratonga qarshi dori-darmonlar bilan ta’minlashga yordam berishga qaratilgan.

Forum dori vositalarini muvaffaqiyatli yetkazib berish va platformani ishga tushirishga tayyorgarlik ko‘rishda yetakchilik va yondashuv tamoyillarini aniqlash bo‘yicha birgalikda ish olib borish uchun turli mamlakatlardan, bolalarda uchraydigan saraton kasalliklarini davolash uchun dori vositalaridan foydalanish imkoniyati masalasiga jalb qilingan tashkilotlar va keng ekspertlar doirasidan iborat hamkorlarni birlashtirdi. Forum bolalarda uchraydigan saraton kasalliklariga qarshi dori vositalaridan foydalanish bilan bog‘liq ehtiyojlarni qondirish uchun ilg‘or tajriba va strategiyalar almashinuviga yordam beradi. Bu ishtirokchilarga platforma jarayonlarini, uning tajriba bosqichida va undan keyingi davrda amalga oshirilishini optimallashtirish uchun birgalikda ishlab chiqish imkonini beradi.

Bugungi kunga kelib, platformada ushbu bosqichda taqdim etiladigan dori vositalarining to‘liq ro‘yxati belgilandi. Dunyoning olti davlati, jumladan, O‘zbekiston birinchi bosqichda bolalar saratoniga qarshi asosiy dori vositalarini oladi. Ushbu dori-darmonlar topshirilishi platformaning 2023-yil sentabr oyida (shartli ravishda) rasmiy ishga tushirilishiga to‘g‘ri keladi.

O‘zbekiston Bolalar saratoni bo‘yicha global tashabbus bo‘yicha birgalikda ish olib borish va Jahon sog‘liqni saqlash tashkiloti bilan yaqin hamkorlikda, shuningdek, mamlakat siyosiy rahbariyati tomonidan bolalar saratoniga qarshi kurashga e’tibor qaratilishida muvaffaqiyatlarini namoyish etgan dastlabki olti davlatdan biri sifatida tanlandi.

Mazkur forumga O‘zbekiston delegatsiyasi taklif qilingan bo‘lib, u barcha sessiyalar ishida faol ishtirok etdi.

Bu platforma har bir avlod uchun bir marta beriladigan imkoniyat bo‘lib, u sog‘liqni saqlash tizimi uchun ham, aholi uchun ham kengroq afzalliklar bilan bolalar saratonini davolashga yondashuvni o‘zgartirishga imkon beradi.

Дазмол танлашни биласизми?

2023-04-11T04:48:15.466Z

Бир қарашда дазмолда мураккаб ва ғаройиб хусусиятлар йўқдек. Тўғри-да, кийимни силлиқлашда ишлатиладиган иссиқ темирга оид қандай янгиликлар бўлиши мумкин? Аммо бугунги дазмоллар кечагидек эмас. Матони текисловчи бир парча ялтироқ темирга қанчадан-қанча қўшимча функциялар қўшилган. Бу гал оддий, аммо турмушимизда ўрни беқиёс ушбу буюм ҳақида ҳикоя қиламиз ва маслаҳатлар берамиз.

Тахланадиган дазмол

Дазмол турлари

Анъанавий замонавий дазмолга буғ генератори ўрнатилган бўлади. Дағалроқ матони буғ пуркаб дазмоллаш мумкин. Бунинг учун дазмоллашдан олдин идишчасига бир оз сув қуйиб олиш керак. Буғ пурковчи дазмоллар дўконларда сероб.

Буғ пуркагичи алоҳида дазмол. Бу тоифа дазмолларни оддийгина қилиб буғ генераторли деб аташади. Бундай дазмолнинг буғ етказувчи қисми ўзида эмас, алоҳида жойлашгандир. Улар ичак орқали бирлаштирилади. Одатда, буғни кучли ва бир текисда узатади. Асосан, катта матоларни, хусусан, чойшаб, ётоқхона қопламалари ва бошқа материалларни тез-тез дазмоллайдиган кишиларга керак.

Йўл учун дазмол. Анъанавий дазмолнинг кичикроғи. Ўлчами ва вазни оз, чамадонда кўп жой эгалламаслиги учун дастаси букланади. Сўнгги вақтда йўл учун дазмолларнинг ҳам буғлисини учратиш мумкин. Бир қултумгина сув қуясиз, тамом.

Йўл учун дазмол

Симсиз дазмол. Анъанавий дазмолга ўхшайди, аммо розеткадан эмас, таглигидан (асос станцияси) исийди. Биргина афзаллиги иш вақтида халақит берувчи сими йўқлигидир. Аммо тез-тез тагликда иситиб олиш талаб этилади. Дазмоллайдиган кийимингиз кам бўлса, бу айнан сизга мос.

Симсиз дазмол

Вазни ва ўлчамлари

Дазмол танлаш вақтида қўлингизда бир муддат тутиб кўринг – қулайлигига, қўлингизни толиқтирмаслигига амин бўлсангиз, сотиб олинг.

Албатта, йўл учун дазмоллар энг ихчамидир. Кўп жой эгалламайди, вазни 1 кгга бормайди (одатда 0,5-0,7 кг).

Анъанавий буғли дазмолларнинг вазни 1,8 кггача бўлади, аммо у оғир, шунинг учун 1,5 кггача бўлганини тавсия этамиз. Сафарга олиб кетишга катталик қилади, уйда сақласангиз бошқа гап. Симсиз дазмолларнинг вазни ва ўлчами анъанавий дазмолларникига ўхшашдир.

Буғ пуркагичли дазмол вазни 0,8-1,4 кг атрофида. Иши дазмоллаш билан боғлиқ кишилар учун айни муддао, аммо сувқозони ва қутисини алоҳида ўрнатиш учун қўшимча жой керак. Қолаверса, қурилма тўла вазни 5 кгга яқин тош босади.

Қуввати

Дазмол электр печкаси эмас, ватти баландига учманг. 2000 Вт етарли, у тез қизийди ва яхши дазмоллайди. 1500 Втли дазмолни қизитишга эса бир оз кўпроқ вақт сарфлайсиз. Агар тез-тез дазмолламасангиз, ўртача қувватли дазмол танланг.

Йўл учун харид қиладиган дазмолингизнинг қуввати 1 кВт бўлса етарли.

Буғ пуркагичли дазмол (буғ генератори) қуввати одатда 2 кВтдан бошланиб, 3 кВтгача етиши мумкин. Бу сувқозон босимини бир маромда тутиш ва текис дазмоллаш учун зарурдир.

Асоси қандай материалдан бўлгани маъқул?

Муҳими газлама устида силлиқ сирпанувчан бўлсин. Бундан ташқари тугмалар, сидирма тугма (замок), пистон-қулфчалар сиртини тирнай олмасин. Умуман олганда, сифатли дазмоллаши ва ўзига ҳам, матога ҳам шикаст етказмаслиги лозим.

Алюминий асосли дазмоллар унча қиммат бўлмайди. Ҳарорат режимига ҳушёр ёндашиш лозим, бу тарафлама анча нозик. Тирналишга чидамсиз, чунки алюминий жуда юмшоқ металлдир. Афзалликлари – тозалаш осон, вазни енгил ва тез қизийди.

Зангламас (нержавейка) металл асосли дазмоллар жуда кенг тарқалган. Улар секин қизийди, аммо афзалликлари кўп: тозалаш осон, сирти ойнадай силлиқлиги учун матода яхши сирғалади, юзаси тирналмайди.

Керамика ва металлокерамиканинг афзаллиги ҳатто ўта юқори ҳароратда ҳам яхши сирғалишидир. Дазмолланаётган материалга сира ёпишиб қолмайди. Осонгина тозаланади. Жиддий камчилиги мўртлигидир, ташишда эҳтиёт бўлиш керак. Металлокерамикали дазмол бир қадар мустаҳкамроқ бўлади.

Керамика асосли дазмол

Ҳозирда дазмолларнинг асоси шиша керамика, тефлон, титандан ясаляпти. Улар бир-биридан ўнғай: аъло даражада сирғалади (айниқса, тефлон), матони куйдирмайди ва ёпишиб қолмайди (иссиқлигича мато устида қолдирмасангиз, албатта), ишлатиш енгил, тирналишга чидамли. Металл тугма ё бирор нарса қадалган матони тефлон асосли дазмол билан силлиқлашда эҳтиёт бўлиш лозим.

Маслаҳат. Ипак, синтетика ва бошқа нафис матоларни дазмоллаш учун остида насадкаси бор дазмол харид қилинг. Айниқса, асоси алюминий ёки зангламас металлдан бўлса тавсиямизга амал қилинг.

Қандай ҳароратда дазмоллаш керак?

Бу дазмолланадиган мато турига боғлиқ. Кўплаб дазмолларнинг корпусида ҳарорат ростлагич бўлади. Одатда, унда ҳарорат эмас, мато тури ҳамда энг юқори ва энг паст ҳарорат (Min ва Max) кўрсатилади. Мана энг кўп учрайдиган матоларнинг ҳарорат режимлари:

Зиғирпоя, пахта толаси ва зиғирпоя аралаш мато – 210-230°С

Пахта – 150°С

Шойи – 130°С атрофида

Вискоза — 120-130°С

Полиэстрли пахта – 110°С

Корпусида умуман ҳарорат ростлагичи йўқ дазмоллар ҳам учраб туради. Бу баъзи буғ пуркагичли дазмолларга хос. Унинг ҳарорат созламаси универсалдир: асос металл 130-140°Сгача қизийди ҳамда кучли буғ ёрдамида энг дағал матоларни ҳам дазмоллаш имкони яралади. Бу турдаги дазмолларга OptimalTemp ёки iCare билан Braun технологияли Philips моделларини мисол келтириш мумкин.

Буғ функцияси нима?

Ҳозирда буғсиз дазмол ишлатилмайди, ҳисоб. Юқорида айтганимиздек, буғ дазмол корпусида ёки алоҳида уланган сувқозончада вужудга келтирилади ва асосдаги тешикчалар орқали пуркалади. Тешикчалар сони қанча кўп бўлса, буғ мато сирти бўйлаб шунча текис пуркалади. Сифатли дазмолларда тешиклар сони юздан ортиқ бўлади. Буғ ёрдамида энг “итоатсиз” матоларни ҳам осонгина дазмоллаш мумкин.

Дазмолда буғни мунтазам узатиш режими бўлади. Узатилган буғ миқдори дақиқасига граммларда ўлчанади. Замонавий дазмолларда бу кўрсаткич 20 гр/дақиқадан бошланади. Агар ғижим материалларни тез-тез дазмоллайдиган бўлсангиз, дақиқасига 40-50 гр буғ пуркайдиган моделлардан олишни тавсия қиламиз. Буғ интенсивлигини ростлаш воситаси бўлса – нур устига аъло нур. Бундан ташқари, буғ миқдори автоматик тарзда ростланадиган дазмоллар ҳам бўлади.

Буғ генераторли дазмолларда мунтазам буғ пуркаш интенсивлиги бир дақиқада 100-200 грамм бўлиши мумкин.

Буғ зарбаси қисқа вақт мобайнида юқори босим билан матога буғ ҳайдашдир. Мато жуда ғижим ва қайишқоқ бўлса, буғ зарбаси юбориб силлиқланади. Корпусидаги тугмани босиш йўли билан зарба юборилади. Буғ зарбаси интенсивлиги маиший дазмолларда дақиқасига 70-200 граммгача боради. Буғ генераторли дазмолларда бу кўрсаткич 450 гр/дақиқагача етади.

Буғ зарбаси

Айрим дазмоллар вертикал буғлаш режимида ишлай олади. Бунинг учун дазмолни горизонтал ҳолда тутиш шарт эмас, тик ҳолатда ушлаганча пардани, осилган матоларни ёки эгнингиздаги кўйлак ғижимини тезгина текислашингиз мумкин. Бу режим буғни жуда катта босим билан узатиб ҳосил қилинади. Айрим дазмолларда вертикал режими ёзилган бўлади, аммо ишламайди. Шунинг учун текшириб олиш керак.

Дазмолнинг сувқозончаси

Замонавий дазмолда албатта сувқозонча бўлади. Сув сиғими турлича: русумига қараб 150 млдан 500 млгача боради. Буғ генераторларида 2 литргача етади. Сув қозонининг чети шаффоф бўлган дазмолни танлашни маслаҳат берамиз, чунки сув ҳажмини назорат қилиш қулай.

Бундан ташқари, сув қуйиш тешикчаси жуда тор бўлмаслиги керак ҳамда корпуснинг қулай тарафида жойлашуви лозим.

Қўшимча функциялари

Автоматик ўчиш. Энг замонавий дазмолларни токдан ўчиришни унутсангиз ҳам катта фалокат келтирмайди. Бир муддатдан сўнг дазмолнинг ўзи ўчади. Агар горизонтал ҳолда 30 сониядан ортиқ ёниқ қолса, ўзи ўчади. Вертикал ҳолда қолиб кетса, 8-10 дақиқада (русумига қараб) ўчади. Дазмолнинг қўлингизга тутсангизгина қизийдиган турлари ҳам бор. Автоматик ўчиш функцияси ғоят муҳим хусусиятдир, харид қилишда буни, албатта, ҳисобга олинг.

Сув пуркаш. Айрим матоларни дазмоллашдан олдин намлаб олсангиз, иш енгил кечади. Бунда дазмолнинг ўзи сизга кўмаклашади: тегишли тугмани босасиз, қарабсизки, олд қисмидан сув сепилади. Қулай ва фойдали, шундай эмасми?

Томчидан сақловчи тизим. Айрим матоларга дазмоллашда сув томиб хунук из қолдиради. Томчидан сақловчи тизим паст ҳароратда қуруқ дазмоллаш чоғида матога сув томишидан асрайди.

Томчидан сақловчи тизим

Асосини кирдан тозалаш. Дазмол кўп ишлатилса, металл асоси кирланиб қолади. Тозалашнинг энг самарали йўли махсус тозаловчи кассета, стержендан фойдаланишдир. Анъанавий дазмол ва буғ генераторларининг барчасида бу ҳолат кўзда тутилган. Водопровод суви ва кассета ёрдамида, тахминан ойига бир марта металл сирти тозаланади.

Ёки бўлмаса, металл стержен ёрдамида қасмоқ сидириб олинади. Стерженни тозалаб яна ишлатаверасиз, аммо бир марта ишлатиладиган турлари ҳам учрайди. Агар дазмолни қасмоқдан тозаловчи қўшимча ашёси бўлмаса, махсус тозаловчи суюқликдан фойдаланинг. Бундай суюқлик савдода бор.

Эргономикаси ва қулайлиги

Дазмол қулай шаклда бўлиши керак, токи ишлаганда қўл тез толиқмасин. Сотиб олишдан аввал қўлингизда қандай ўрнашишини, дастаси сирғанмаслиги ва сими халақит бермаслигини текшириб кўринг.

Дазмол дастаси очиқ ва ёпиқ турда бўлиши мумкин. Қайси бири қулайлигини ўзингиз танлаганингиз маъқул. Баъзи дастаси очиқ дазмоллар вертикал турмагани учун айримлар хуш кўрмайди.

Дазмолнинг симига ҳам эътибор бериш керак. Иш силлиқ кечиши учун сим 2-2,5 метрча бўлгани яхши. Ундан узуни халақит беради. Симсиз дазмоллар учун бу хусусият аҳамиятсиз.

Симнинг дазмол корпусига уланиш шаклига эътибор беринг. Соққасимон тарзда уланган бўлса 360 градусга эркин бурилади ва сим ўралашиб қолиши эҳтимоли камаяди.

Targ'ibot tadbirlari Qashqadaryo viloyatida davom etdi

2023-04-01T07:56:28.293Z

Xabaringiz bor, "O'zeltexsanoat" uyushmasi bir qator hamkor tashkilot va korxonalar bilan hamkorlikda respublikamiz bo'ylab, mahalliy tadbirkorlarimiz tomonidan ishlab chiqarilayotgan bir qancha elektrotexnika mahsulotlari taqdimotini tashkillashtirib kelmoqda.

Bu safar voha viloyatlariga tashrif buyurgan uyushmasi "Mahalliylashtirish, kooperatsiyani kengaytrish va importni optimallashtirish" boshqarmasi ma'sul xodimlari kuni kecha Qashqadaryo viloyatida targ'ibot tadbirini tashkillashtirdilar.

Uyushma, viloyat hokimligi mutasaddilari, hamkor tashkilotlar va korxonalar ma'sul xodimlari ishtirok etgan tadbirda, viloyat fermer, dehqon xo'jaliklari, ijtimoiy soha obyektlari vakillari uchun quyidagi mavzularda taqdimotlar qilindi:

🔊 mahalliy korxonalar tomonidan ishlab chiqarilayotgan katta hajmli muzlatgichlar, ko'mirda ishlaydigan issiqlik energiyasi jihozlari;

🔊 elektrotexnika mahsulotlarini sotib olishda davlat tomonidan yaratilayotgan imkoniyatlar (imtiyozli kreditlar, subsidiyalar);

🔊 davlatimiz rahbarining oziq-ovqat xavfsizligini ta'minlash va yashil energiya manbalaridan foydalanib qishloq xo'jaligi mahsulotlari ishlab chiqarishni rivojlantirishga oid qarorlari.

"O'zeltexsanoat" uyushmasi a'zolari hisoblangan "Texnopark", "Smart", "Komfort" isitish qozonlari ishlab chiqaruvchi korxonalar mutaxassislari 250 dan ortiq tadbir ishtirokchilariga o'z mahsulotlariga oid atroflicha ma'lumotlarni berib o'tdilar.

Tadbirda Qashqadaryo viloyati qishloq xo'jaligi mahsulotlarini ishlab chiqarishda respublikada yetakchiligi, ammo oziq-ovqatni saqlash bo'yicha barcha salohiyatlar ham qo'llanilmayotganligi ta'kidlandi. Har bir viloyatda servis markazlariga ega muzlatgich omborlaridan foydalanish viloyat fermer, dehqonlariga va umuman xalqimizga yaxshi daromad ko'rish, aholini rozi qiluvchi narx-navo darajasini ta'minlash imkonini berishi haqida alohida fikr yuritildi.

3 yillik kafolat, davlat tomonidan subsidiyalar ajratilishi, 14 %lik imtiyozli kreditlar va boshqa shunga o'xshash ma'lumotlar ko'plab ishtirokchilarda mahsulotlarni xarid qilishga qiziqish uyg'otdi. Tadbir so'ngida, muzlatgich ombori va ko'mirda ishlaydigan issiqlik manbai jihozlarining ko'rgazmasi tashkil etildi va barcha o'zlarini qiziqtirgan savollarga javob oldi.

SURXONDARYODA KATTA HAJMLI MUZLATKICHLARNING TAQDIMOTI O'TKAZILDI

2023-03-31T03:49:11.012Z

Mamlakatimizda oziq-ovqat xafvsizligini ta'minlash, mahalliy tadbirkorlar o'rtasida kooperatsiya aloqalarini rivojlantirish va yurtimiz bo'ylab milliy elektrotexnika mahsulotlarining taqdimotlarini o'tkazish maqsadida "O'zeltexsanoat" uyushmasi, uyushmaga a'zo korxonalar, mahalliy hokimiyat vakillari, ijtimoiy soha obyektlari va qishloq xo'jaligi sohasi mutasaddilari bilan hamkorlikda muntazam targ'ibot-tashviqot ishlarini olib bormoqdalar.

Shu kabi tadbirlardan biri kuni kecha Surxondaryo viloyati Termiz shahriga yaqin hududda joylashgan issiqxonalar majmuasida tashkil etildi. Uchrashuvda "O'zeltexsanoat" uyushmasi "Mahalliylashtirish, kooperatsiyani kengaytrish va importni optimallashtirish boshqarmasi", "Texnopark" MChJ ma'sul xodimlari, viloyat qishloq xo'jaligi sohasi mutasaddilari, fermer va dehqon xo'jaliklari vakillari ishtirok etdilar.

Tashviqot tadbirida "Texnopark" MChJ tomonidan ishlab chiqarilayotgan, oziq-ovqat mahsulotlarini saqlashga mo'ljallangan turli hajmdagi ko'chma muzlatkichlarning taqdimoti o'tkazildi. Bunda ushbu mahsulotning xususiyatlari, xarid qilish jarayonlari, ustunliklari haqida batafsil ma'lumot berildi.

Masalan, ushbu turdagi muzlatkichlarga mahalliy servis markazlari tomonidan tezkor xizmat ko'rsatish, sotib olishda davlat tomonidan 50% gacha subsidiyalar ajratish, 3 yillik kafolat muddati va boshqa jihatlar yig'ilganlarga atroflicha tushuntirildi.

Ushbu mahsulotni sotib olgan fermer yoki dehqonlar ta'minot zanjirining birinchi qo'li sifatida, o'zlari yetishtirgan oziq-ovqat mahsulotlarini saqlab qo'yib, istalgan davrda sotish orqali yuqori darajadagi daromadga ega bo'lishi, shuningdek, bu orqali qish va bahor fasllarida bozorlarda qishloq xo'jaligi mahsulotlari narxining sun'iy ko'tarilib ketishining oldini olishi mumkinligi haqida keng tushunchalar berildi.

Shu bilan birga, sotib oluvchilarning xohishlariga qarab, ushbu muzlatkichlarga quyosh panellarini o'rnatib berish orqali chekka hududlardagi fermer va dehqonlar bemalol ushbu zamonaviy mahsulotni uzluksiz ishlatishiga oid fikrlar ishtirokchilarda katta qiziqish uyg'otdi. Tadbir so'ngida, ishtirokchilarning ko'pchiligi ushbu turdagi muzlatkichlarni xarid qilish istagini bildirdi.

Surxondaryo O'zbekistonning eng issiq, shuningdek, qishloq xo'jaligi mahsulotlarini yetishtirishda respublikada yetakchi hududi sanaladi. Shu sababli ham, mahalliy tadbirkorlar tomonidan ishlab chiqarilayotgan bu turdagi muzlatkichlar voha fermer va dehqonlari og'irini yengil qilishda original yechim hisoblanadi.

Берлинда ўтказилган Германия-Ўзбекистон бизнес-форумида электротехника саноатига оид ҳамкорлик меморандумлари имзоланди

2023-03-01T14:53:38.660Z

Маълумки, айни пайтда Ўзбекистон Ҳукумати делегацияси Германия Федератив Республикасида бўлиб турибди. Бугун Берлин шаҳрида Германия-Ўзбекистон ишбилармон доира вакилларининг бизнес-форуми бўлиб ўтди.

Тадбирда “Ўзэлтехсаноат” уюшмаси раиси Мирзиёд Юнусов раҳбарлигидаги бир қатор корхона вакиллари ҳам иштирок этиб, соҳалар бўйича алоҳида шўъба йиғилишлари ва В2В шаклидаги учрашувларда иштирок этдилар.

📝Германия ва Ўзбекистон бизнес вакиллари билан мис саноати кластери, “яшил энергетика” ва соҳага кадрлар тайёрлаш йўналишида музокаралар олиб борилди.

Бугунги кунда кўп йиллик конструктив ва самарали мулоқот натижасида икки ҳамкор мамлакат ўртасида ўзаро манфаатли шериклик йўлга қўйилган, германиялик ҳамкорлар кўмагида Ўзбекистонда қатор йирик сармоявий лойиҳалар амалга оширилмоқда. Ҳозирда юртимизда Германия капитали иштирокида 200 дан ортиқ корхона самарали фаолият юритяпти.Улар орасида электротехника саноатига оид қўшма корхоналар ҳам мавжуд. Жумладан, “Viessmann” компанияси билан икки контурли иситиш қозони ишлаб чиқариш йўлга қўйилган бўлса, 2022 йилда шиша тола ишлаб чиқарувчи "Falk Porsche Fiberglass" Ўзбекистон-Германия қўшма корхонаси ишга туширилди.

Форум якунида қатор икки томонлама ҳужжатлар имзоланишига эришилди. Жумладан, “Технопарк” МЧЖ билан “Diehl Metering” ўртасида электрон сув ҳисоблагичларни ишлаб чиқариш, Gierus компанияси билан иситиш қозонлари учун қуйиш қурилмаларини йўлга қўйиш, “Next Generation” корхонаси эса Viessman компанияси билан иссиқлик қозонлари ишлаб чиқаришни кенгайтириш юзасидан ҳамкорлик шартномаларини имзоладилар.

Шунингдек, делегация аъзолари Германия кичик ва ўрта корхоналар федерал ассоциацияси вакиллари билан ҳам учрашув ўтказдилар.

Учрашувлар давом этмоқда...

ISSIQLIK ELEKTR STANTSIYALARI BILAN KOOPERATSIYA ALOQALARI MUSTAHKAMLANADI

2023-02-20T07:37:52.577Z

Kuni kecha "O‘zeltexsanoat" uyushmasining mahalliylashtirish, kooperatsiyani kengaytirish va importni optimallashtirish boshqarmasi tomonidan respublikadagi issiqlik elektr stantsiyalari tarmog‘idagi korxonalar bilan kooperatsiya aloqalarini o‘rnatish bo‘yicha uchrashuv bo‘lib o‘tdi.

Bundan ko‘zlangan asosiy maqsad – shu kungacha import asosida olib kelinayotgan issiqlik elektr stantsiyalari uchun ishlatiladigan bug‘-gaz va gaz trubina qurilmalari uchun butlovchi qismlarni o‘zimizda mahalliylashtirish imkoniyatlarini ko‘rib chiqishdan iborat bo‘ldi.

Respublikada yagona bo‘lgan “Texnopark” MChJ korxonalari tomonidan issiqlik elektr stantsiyalari uchun zarur bo‘lgan butlovchi qismlarni bu yerda tayyorlash imkoniyatlari, texnologik jarayonlar ko‘zdan kechirildi. Mutaxassislar bilan birgalikda import asosida olib kelingan butlovchi qismlar va xomashyolarning texnik parametrlari va tarkibini o‘rganish uchun korxona laboratoriyasida kichik sinov amalga oshirildi.

“Texnopark” MChJ korxonalarida ishlab chiqarish va butlovchi qismlarni yetkazib berish salohiyati yuqoriligi bois issiqlik elektr stantsiyalari bilan kooperatsiya aloqalarini tezroq yo‘lga qo‘yish bo‘yicha ham o‘zaro kelishib olindi.

Janubiy Koreyaning "EIPP" hamkorlik dasturi doirasida amalga oshirilgan ishlar va kelajak rejalar muhokama qilindi

2023-02-01T11:35:12.768Z

"O'zeltexsanoat" uyushmasi AXBOROT XIZMATIFebruary 01, 2023

Kuni kecha Toshkent shahrida Janubiy Koreyaning iqtisodiy innovatsion hamkorlik "EIPP" (The Economic Innovation Partnership Program) dasturining O'zbekistondagi loyihalari bo'yicha olib borilayotgan ishlar va kelajak rejalarini ishlab chiqishga bag'ishlangan seminar bo'lib o'tdi.

Ushbu seminarda Iqtisodiyot va moliya vazirligi, "O'zeltexsanoat" uyushmasi, Janubiy Koreya Respublikasining mamlakatimizdagi elchixonasi, Eksimbanki hamda yetakchi konsalting kompaniyalarning vakillari ishtirok etdilar.

Xorijiy hamkorlar, rivojlanish dasturi doirasida olib borilgan ishlar taqdimoti bilan tanishtirildi. Bularga fotoelektr panellar ishlab chiqarish va “Yarimoʻtkazgichli elektronika va integral sxemalar innovatsion ilmiy-ishlab chiqarish Klasteri”ni yaratish kabi yo'nalishlar kiradi.

Eslatib o'tamiz, mamlakatimiz prezidentining 2021-yil 16-17-dekabr kunlari Janubiy Koreya Respublikasiga tashrifi doirasida “Yarimoʻtkazgichli elektronika va integral sxemalar innovatsion ilmiy-ishlab chiqarish Klasteri”ni yaratish bo‘yicha kelishuvga erishilgan edi.

Ushbu kelishuv asosida "O'zeltexsanoat" uyushmasi tomonidan Toshkent viloyatida “Yarimoʻtkazgichli elektronika va integral sxemalar innovatsion ilmiy-ishlab chiqarish Klasteri” tashkil etish loyihasi uchun konsepsiyasi ishlab chiqilgan edi.

Endilikda, Janubiy Koreyaning iqtisodiy innovatsion hamkorlik (EIPP) dasturi doirasida loyihaning dastlabki texnik-iqtisodiy asosi PWC xalqaro konsalting kompaniyasi tomonidan ishlab chiqiladi.

Tadbir so'ngida, ishtirokchilar 2023-yilga mo'ljallangan hamkrolikda amalga oshiriladigan ishlarning "Yo'l xaritasi"ni tasdiqlab, kelishib oldilar.

Yarimo'tkazgichlar va qayta tiklanuvchi energiya manbalari ishlab chiqarishda dunyoda yetakchi bo'lgan Janubiy Koreya Respublikasi hamkorligida amalga oshirilayotgan ushbu ulkan loyihalar yurtimiz elektrotexnika sanoatining yanada rivojlanishida muhim o'rin egallaydi.