O‘zbekiston Kasaba uyushmalari Federatsiyasi Toshkent viloyati Kengashi

YOSHLAR OYLIGI DOIRASIDA “QUVNOQLAR VA ZUKKOLAR” TANLOVI TASHKIL ETILDI

2026-06-11T11:12:05.490Z

O‘zbekiston Kasaba uyushmalari Federatsiyasi Toshkent viloyati Kengashi hamda O‘zbekiston Yoshlar ittifoqi Toshkent viloyati Kengashi tashabbusi bilan “Yoshlar oyligi” va 30-iyun – Yoshlar kuni munosabati bilan viloyatdagi oliy ta’lim muassasalari talabalari o‘rtasida “Quvnoqlar va zukkolar” ko‘rik-tanlovi tashkil etildi. Tanlovda jamoalar Toshkent viloyati kubogini qo‘lga kiritish uchun o‘zaro bellashdilar.

Mazkur tanlovning asosiy maqsadi yoshlarning ijtimoiy-ma’naviy bilimlarini boyitish, iste’dodli va tashabbuskor talabalarni qo‘llab-quvvatlash, ularning bo‘sh vaqtini mazmunli tashkil etish hamda jamiyat hayotidagi faolligini oshirishdan iborat bo‘ldi.

Tadbirni O‘zbekiston Kasaba uyushmalari Federatsiyasi Toshkent viloyati Kengashi raisi S.Fayziyeva kirish so‘zi bilan ochib, ishtirokchi jamoalarga muvaffaqiyat tiladi. Kasaba uyushmalari tomonidan yoshlarni har tomonlama qo‘llab-quvvatlashga qaratilgan loyihalar haqida to‘xtalib, ushbu ko‘rik-tanlov ham ana shunday muhim tashabbuslardan biri ekanini ta’kidladi.

Tanlov davomida jamoalar “Toshkent viloyatida nima gaplar?”, “Hakamlar bilan savol-javob” hamda “Musiqiy chiqish” shartlari bo‘yicha o‘z mahoratini namoyish etdilar.

Jamoalarning chiqishlari madaniyat va san’at sohasi vakillari, kasaba uyushmalari mutaxassislari hamda jamoatchilik faollaridan iborat hakamlar hay’ati tomonidan baholandi.

Yakuniy natijalarga ko‘ra, Chirchiq davlat pedagogika universitetining “Parvoz” jamoasi faxrli 1-o‘rinni egallab, Toshkent viloyati kubogi sohibiga aylandi. 2-o‘rinni Toshkent davlat agrar universitetining “Yangi yulduzlar” jamoasi, 3-o‘rinni esa Toshkent iqtisodiyot va pedagogika universitetining “Amakivachchalar” jamoasi qo‘lga kiritdi.

Tadbir yakunida g‘oliblar va maxsus nominatsiyalar bo‘yicha sovrindorlar diplomlar, pul mukofotlari hamda esdalik sovg‘alari bilan taqdirlandi.

YOSHLAR OYLIGI DOIRASIDA “QUVNOQLAR VA ZUKKOLAR” TANLOVI TASHKIL ETILDI

2026-06-11T05:36:47.211Z

Tanlov davomida jamoalar “Toshkent viloyatida nima gaplar?”, “Hakamlar bilan savol-javob” hamda “Musiqiy chiqish” shartlari bo‘yicha o‘z mahoratini namoyish etdilar.

Jamoalarning chiqishlari madaniyat va san’at sohasi vakillari, kasaba uyushmalari mutaxassislari hamda jamoatchilik faollaridan iborat hakamlar hay’ati tomonidan baholandi.

Tadbir yakunida g‘oliblar va maxsus nominatsiyalar bo‘yicha sovrindorlar diplomlar, pul mukofotlari hamda esdalik sovg‘alari bilan taqdirlandi.

YOSHLAR OYLIGI DOIRASIDA “QUVNOQLAR VA ZUKKOLAR” TANLOVI TASHKIL ETILDI

2026-06-10T11:00:22.041Z

O‘zbekiston Kasaba uyushmalari Federatsiyasi Toshkent viloyati Kengashi hamda O‘zbekiston Yoshlar ittifoqi Toshkent viloyati Kengashi tashabbusi bilan viloyatdagi oliy ta’lim muassasalari talabalaridan iborat jamoalar o‘rtasida “Yoshlar oyligi” hamda 30-iyun – Yoshlar kuni munosabati bilan “Quvnoqlar va zukkolar” ko‘rik-tanlovining Toshkent viloyati kubogi tashkil etildi.

Mazkur ko‘rik-tanlov yoshlarning ijtimoiy-ma’naviy bilimlarini mustahkamlash, iqtidorli yoshlarni aniqlash, ularning bo‘sh vaqtlarini mazmunli tashkil etish hamda jamiyat hayotiga daxldorlik tuyg‘usini shakllantirish maqsadida tashkil etildi.

Tanlovni O‘zbekiston Kasaba uyushmalari Federatsiyasining Toshkent viloyati Kengashi raisi S.Fayziyeva kirish so‘zi bilan ochib, ishtirokchi jamoalarga omad tiladi. Shuningdek, kasaba uyushmalari tomonidan yoshlarni qo‘llab-quvvatlash borasida amalga oshirilayotgan ishlar haqida ma’lumot berib, “Quvnoqlar va zukkolar” ko‘rik-tanlovi ham ana shunday loyihalardan biri ekanligini ta’kidlandi.

Ko‘rik-tanlov davomida jamoalar “Toshkent viloyatida nima gaplar?”, “Hakamlar bilan savol-javob” va “Musiqiy chiqish” shartlari bo‘yicha o‘zaro bellashdilar.

Jamoalarning sahna chiqishlari tomoshabinlarga ko‘tarinki kayfiyat ulashdi. Hazil-mutoyiba, ijodkorlik va zukkolik uyg‘unlashgan chiqishlar tadbirga o‘ziga xos ruh bag‘ishladi. Ishtirokchilarning chiqishlari viloyat madaniyat va san’at sohasi xodimlari, kasaba uyushmalari mutaxassislari hamda jamoatchilik faollaridan iborat hakamlar hay’ati tomonidan baholab borildi.

Yakuniy natijalarga ko‘ra, Chirchiq davlat pedagogika universitetining “Parvoz” jamoasi 1-o‘rinni egallab, Toshkent viloyati kubogini qo‘lga kiritdi. 2-o‘rin Toshkent davlat agrar universitetining “Yangi yulduzlar” jamoasiga, 3-o‘rin esa Toshkent iqtisodiyot va pedagogika universitetining “Amakivachchalar” jamoasiga nasib etdi.

Ko‘rik-tanlov yakunida g‘olib va ishtirokchilar diplom, pul mukofotlari hamda esdalik sovg‘alari bilan taqdirlandilar.

SPORT – SALOMATLIK GAROVI: YOSHLAR O‘RTASIDA MUSOBAQALAR O‘TKAZILDI

2026-04-08T17:42:08.266Z

O‘zbekiston kasaba uyushmalari Federatsiyasi Toshkent viloyati Kengashi tomonidan O‘zbekiston davlat jismoniy tarbiya va sport universiteti hamkorligida 7-aprel – “Butunjahon salomatlik kuni” munosabati bilan yoshlar o‘rtasida sportning suzish, badminton, shaxmat va stol tennisi turlari bo‘yicha musobaqalar tashkil etildi. Mazkur musobaqalar yoshlar o‘rtasida sog‘lom turmush tarzini targ‘ib qilish, ularni jismoniy faollikka jalb etish hamda sportga bo‘lgan qiziqishni yanada oshirish maqsadida o‘tkazildi.

Musobaqaning ochilish marosimida O‘zbekiston kasaba uyushmalari Federatsiyasi Toshkent viloyati Kengashi raisi o‘rinbosari L.Xolmuminova, O‘zbekiston davlat jismoniy tarbiya va sport universiteti prorektori, professor Sh.Mirzanov, Madaniyat, sport va turizm xodimlari kasaba uyushmasi Toshkent viloyati birlashgan qo‘mitasi raisi R.Tojiboyev ishtirok etdi. Tadbirda so‘zga chiqqanlar Butunjahon salomatlik kunining ahamiyati, uning inson salomatligini mustahkamlashdagi o‘rni, shuningdek, mamlakatimizda aholining sog‘lig‘ini asrash, sport bilan muntazam shug‘ullanish uchun yaratilayotgan keng imkoniyatlar haqida alohida to‘xtalib o‘tdilar. Shu bilan birga, yoshlar o‘rtasida sportni rivojlantirishda kasaba uyushmalarining faol ishtiroki muhim ekanligi ta’kidlandi.

Shundan so‘ng sport musobaqalariga start berildi. Yoshlar sportning 4 ta turi bo‘yicha o‘zaro bellashdilar. O‘g‘il bolalar va qizlar o‘rtasida alohida tashkil etilgan bahslar yuqori sport ruhida, qizg‘in va murosasiz kurashlar ostida o‘tdi. Ishtirokchilar o‘z mahorati, chaqqonligi hamda sportga bo‘lgan intilishini namoyon etdilar.

Musobaqalar yakunida taqdirlash marosimi bo‘lib o‘tdi. Unda 1-, 2- va 3-o‘rinlarni egallagan yoshlar O‘zbekiston kasaba uyushmalari Federatsiyasi Toshkent viloyati Kengashi tomonidan diplom va esdalik sovg‘alari bilan taqdirlandi. Shuningdek, musobaqalarda faol ishtirok etgan yoshlarga sertifikatlar va esdalik sovg‘alari topshirildi.

Mazkur sport tadbiri yoshlar o‘rtasida sog‘lom turmush tarzini keng targ‘ib qilish, sportga bo‘lgan qiziqishni oshirish hamda jamoalar o‘rtasida do‘stona muhitni mustahkamlashga xizmat qildi.

AYOLGA EHTIROM

2026-03-04T13:50:06.421Z

O‘zbekiston Kasaba uyushmalari Federatsiyasi Toshkent viloyati Kengashida 8-mart – Xalqaro xotin-qizlar kuni munosabati bilan “Ayolga ehtirom” mavzusida madaniy-bayram tadbiri bo‘lib o‘tdi.

Tadbirda O‘zbekiston Kasaba uyushmalari Federatsiyasi Toshkent viloyati Kengashi raisi S.Fayziyeva, Toshkent viloyati hokimi o‘rinbosari – Oila va xotin-qizlar boshqarmasi boshlig‘i N.Normirzayeva, O‘zbekiston xalq shoiri, O‘zbekiston Yozuvchilar uyushmasi Toshkent viloyati bo‘limi rahbari M.Toir, Toshkent viloyati “Nuroniy” jamg‘armasi raisi A.Nosirov, Toshkent viloyati Kasbiy ta’lim boshqarmasi boshlig‘i N.Kulbekova hamda tarmoq kasaba uyushma tashkilotlarida faoliyat yuritayotgan xotin-qizlar ishtirok etdi.

2026-yil 1-yanvar holatiga ko‘ra, Toshkent viloyati Kengashi tizimida 3 229 ta boshlang‘ich kasaba uyushma tashkiloti faoliyat yuritmoqda. Ulardagi 602 168 nafar a’zoning 264 105 nafari xotin-qizlardir.

2026-yil 1-yanvar holatiga ko‘ra, viloyatda mahalliy hokimliklar va homiylar mablag‘lari hisobidan “Ayollar daftari”ga kiritilgan 89 504 nafar xotin-qizga moddiy yordam ko‘rsatildi. Shuningdek, 55 858 nafar xotin-qizning doimiy ish bilan bandligi ta’minlandi.

Jamoa shartnomalariga ayollar mehnatini tartibga solish hamda oilaviy vazifalarni bajaruvchi shaxslarga qo‘shimcha imtiyoz va kafolatlar berishga oid bo‘limlar kiritilgan. Mazkur bandlar ijrosi doirasida 3 yoshga to‘lmagan bolasi bor 419 nafar ayol uchun haftasiga 35 soatdan oshmaydigan qisqartirilgan ish vaqti belgilandi. Shuningdek, 2 yoshdan 3 yoshgacha bola parvarishi ta’tilida bo‘lgan 2 310 nafar yosh onaga moddiy yordam ko‘rsatildi.

2025 yil davomida ishlovchi xotin-qizlarning salomatligini tiklash maqsadida ijtimoiy sug‘urta mablag‘lari hisobidan 3 208 dona (shundan 275 tasi bepul), kasaba uyushmasi mablag‘lari hisobidan 1 225 dona sanatoriylarga yo‘llanmalar ajratildi.

Shuningdek, 10 ming nafarga yaqin xotin-qizlar uchun Xiva va Samarqand shaharlariga sayohatlar tashkil etildi.

Tadbirda so‘zga chiqqanlar ishtirokchilarni bayram bilan tabriklab, ayollarning jamiyat kelajagini belgilab beruvchi muhim kuch ekanini ta’kidladi. Yurtimizda xotin-qizlar uchun yaratilayotgan shart-sharoit va imkoniyatlar, ularni qo‘llab-quvvatlash hamda rag‘batlantirish borasida amalga oshirilayotgan ishlar haqida atroflicha fikr yuritildi. Shuningdek, kasaba uyushmalari tizimida faoliyat yuritayotgan xotin-qizlarning mehnatkashlarning ijtimoiy-iqtisodiy manfaatlarini himoya qilish orqali mamlakat taraqqiyotiga qo‘shayotgan munosib hissasi alohida e’tirof etildi.

Tadbir davomida tarmoq kasaba uyushma tashkilotlarida faoliyat yuritayotgan 55 nafar xotin-qizlarga tabriknomalar va esdalik sovg‘alari topshirildi.

Tadbir ishtirokchilari ham so‘zga chiqib, tashkil etilgan bayram tadbiri ularda katta taassurot qoldirganini, ko‘tarinki kayfiyat bag‘ishlaganini ta’kidladilar.

Tadbir davomida yangragan sho‘x kuy-qo‘shiqlar yig‘ilganlarga bayramona kayfiyat bag‘ishladi.

NAVOIY VA BOBUR – MILLIY TAFAKKUR VA MA’NAVIYATIMIZNING IKKI BUYUK USTUNI

2026-02-12T13:34:26.914Z

O‘zbekiston kasaba uyushmalari Federatsiyasi Toshkent viloyati Kengashi hamda Chirchiq davlat pedagogika universiteti hamkorligida Alisher Navoiy tavalludining 585 yilligi va Zahiriddin Muhammad Bobur tavalludining 543 yilligi munosabati bilan “Navoiy va Bobur – milliy tafakkur va ma’naviyatimizning ikki buyuk ustuni” mavzusida ma’naviy-ma’rifiy tadbir tashkil etildi.

Unda Chirchiq davlat pedagogika universiteti rektori, fan arbobi G‘.Muxamedov, O‘zbekiston kasaba uyushmalari Federatsiyasi Toshkent viloyati Kengashi raisi S.Fayziyeva hamda Gumanitar fanlar fakulteti talabalari ishtirok etdilar.

Mazkur tadbir milliy adabiyotimiz va boy ma’naviy merosimizni keng targ‘ib qilish, yoshlar qalbida Vatanga muhabbat, tarixga hurmat, ezgulik, adolat hamda yuksak insoniy fazilatlarni mustahkamlash maqsadida o‘tkazildi.

Tadbirni G‘.Muxamedov va S.Fayziyeva kirish so‘zi bilan ochib, Navoiy hamda Bobur merosini o‘rganish har birimiz uchun ma’naviy mas’uliyat ekanini, ularning asarlarida ilgari surilgan g‘oyalar bugungi kunda ham o‘z dolzarbligini saqlab kelayotganini, mazkur asarlarning yuksak tarbiyaviy ahamiyatga egaligini ta’kidladilar.

Shundan so‘ng Toshkent davlat o‘zbek tili va adabiyoti universiteti dotsenti A.Tilovov hamda Chirchiq davlat pedagogika universiteti O‘zbek adabiyotshunosligi kafedrasi mudiri N.Xoliqova tomonidan Alisher Navoiy va Zahiriddin Muhammad Boburning hayoti hamda ijodi yuzasidan yig‘ilganlarga batafsil ma’lumot berildi.

Dastur doirasida mumtoz adabiyot namunalari asosida badiiy chiqishlar namoyish etilib, Navoiy hamda Boburning g‘azal va ruboiylaridan namunalar o‘qildi, kuy-qo‘shiqlar ijro etildi.

Shuningdek, universitetning bir qator faol talabalari O‘zbekiston kasaba uyushmalari Federatsiyasi Toshkent viloyati Kengashi tomonidan bir yillik “Mutolaa Premium” obunasi hamda esdalik sovg‘alari bilan taqdirlandi.

Yakunda universitet rektori hamkorlik uchun Kengash raisi S.Fayziyevaga minnatdorlik bildirib, esdalik sovg‘alarini topshirdi.

MAHALLALAR TARAQQIYOTIGA HISSA QO‘SHGAN KEKSALARGA HURMAT

2025-12-11T08:08:34.709Z

Ma’lumki so‘nggi yillarda yurtimizda og‘ir toifadagi mahallalar infratuzilmasini yaxshilash, ijtimoiy soha ob’ektlari faoliyatini samarali tashkil etish, ishsizlik va kambag‘allikni qisqartirish, mahallalardagi ijtimoiy-ma’naviy muhitni yaxshilash ezgu an’anaga aylandi.

Toshkent viloyatida ham ushbu ezgu amal davom ettirilib, joriy yilda Bo‘ka tumanidagi “Qo‘ldoshtepa” va “Navobod” mahallalarida “Obod xonadon – obod ko‘cha – obod mahalla” mezonlarini joriy etish ishlari olib borilmoqda. Xususan, ushbu ikki mahalladagi 1088 ta xonadonning fasad qismi to‘liq ta’mirlandi. 9 ta xizmat ko‘rsatish ob’ektlari zamonaviy qiyofaga keltirildi. 3,3 km piyodalar yo‘lagi qurib bitkazildi. Aholiga ichimlik suvi yetkazib berish uchun 12 km suv quvurlari montaj qilinib, 10 dona quduq o‘rnatildi. 3 ta suv quduqlariga 30 KVt quyosh panellari bilan ta’minlandi. 2 ta qabriston obodonlashtirilib, markaziy ko‘chaga 600 tupdan oshiq manzarali ko‘chatlar ekildi. Xavfsizlikni ta’minlash maqsadida ko‘chalarga 14 ta zamonaviy kuzatuv kameralari, 72 ta ko‘cha yoritish chiroqlari o‘rnatildi. “Navobod” mahalla fuqarolar yig‘ini binosida kutubxona tashkil etilib, 1000 dona badiiy kitoblar taqdim etildi. 646 nafar fuqarolar chuqurlashtirilgan tibbiy ko‘rikdan o‘tkazildi. 20 nafar xotin-qizlar kasbga o‘qitildi. Bugungi kunda mahallalar qiyofasini yangilash, kommunal xizmatlar sifatini oshirish, aholiga yangi qulayliklar yaratish, ijtimoiy-ma’naviy muhit barqarorligini ta’minlash bo‘yicha ishlar jadal amalga oshirilmoqda.

Ushbu hayrli ishlarda “Qo‘ldoshtepa” va “Navobod” mahallalarida bir guruh keksa avlod vakillari ibrat namunasi o‘laroq aholi o‘rtasida targ‘ibot ishlarini olib borishda faollik ko‘rsatmoqda.

O‘zbekiston kasaba uyushmalari Federatsiyasi va Toshkent viloyati hokimligi tashabbusi bilan Bo‘ka tumanidagi “Qo‘ldoshtepa” va “Navobod” mahallalarida “Obod xonadon – obod ko‘cha – obod mahalla” mezonlarini joriy etishda faollik ko‘rsatayotgan 20 nafar keksa avlod vakillariga salomatligini tiklash uchun Parkent tumanidagi “Zarkent” sanatoriysiga bepul yo‘llanmalar taqdim etildi.

Joriy yilning 10 dekabr kuni dastlab nuroniylar Bo‘ka tumani hokimiyatida kutib olindi. Tadbirda O‘zbekiston kasaba uyushmalari Federatsiyasi Toshkent viloyati Kengashi raisi S.Fayziyeva, Jurnalistlar uyushmasi Toshkent viloyati bo‘limi rahbari R.Sheraliyev ishtirok etib, nuroniylarning jamiyatdagi o‘rni, ijtimoiy-ma’naviy muhitni yaxshilash, odamlarda bugungi farovon va tinch hayotdan shukronalik xissini uyg‘otishga qo‘shayotgan hissalari e’tirof etildi. Shundan so‘ng nuroniylar Parkent tumanidagi “Zarkent” sanatoriysiga kuzatildi.

Sanatoriyda nuroniylar O‘zbekiston kasaba uyushmalari Federatsiyasi Toshkent viloyati kengashi mas’ullari, sanatoriy ishchi-xodimlari hamda bir guruh faol yoshlar hamrohligida zamonaviy qulayliklarga ega xonalarga joylashtirildi.

Keksa avlod vakillari sanatoriyda 10 kun davomida malakali shifokorlar nazorati ostida, tibbiyotning ilg‘or yutuqlari asosida muolajalar olib, salomatligini tiklashadi.

KASBIY TALIM MUASSASALARI O‘QUVCHILARI ISHTIROKIDA “ZAKOVAT” INTELLEKTUAL O‘YINI O‘TKAZILDI

2025-12-04T14:00:35.361Z

Joriy yil 4-dekabr kuni O‘zbekiston kasaba uyushmalari Federatsiyasi Toshkent viloyati Kengashi, Toshkent viloyati Kasbiy ta’lim boshqarmasi hamda “Zakovat intellektual klubi” NNT hamkorligida O‘zbekiston Respublikasi Konstitutsiyasi qabul qilinganligining 33 yilligi munosabati bilan Oqqo‘rg‘on tumanidagi Kasbiy ko‘nikmalar markazida “Konstitutsiya – huquq va erkinligimiz kafolati” mavzusida “Zakovat” intellektual o‘yini tashkil etildi.

Tadbir avvalida O‘zbekiston Kasaba uyushmalari Federatsiyasi Toshkent viloyati Kengashi raisi S.Fayziyeva hamda Toshkent viloyati Kasbiy ta’lim boshqarmasi boshlig‘i N.Kulbekova barcha ishtirokchi jamoalarga omad tiladi.

Intellektual o‘yin yoshlarning bo‘sh vaqtlarini mazmunli tashkil etish, iqtidorli yoshlarga intellektual salohiyatlarini namoyon etishlariga sharoit yaratish, ularni qo‘llab-quvvatlash va rag‘batlantirish maqsadida Toshkent vilyaotidagi kasbiy ta’lim muassasalari o‘quvchi-yoshlari o‘rtasida o‘tkazildi.

Intellektual o‘yin davomida jamoalar mantiqiy, O‘zbekiston Respublikasi Konstitutsiyasi va kasaba uyushmalari faoliyatiga doir 24 ta savollarga javob topishdi.

Qiziqarli savol-javoblar, bilimlar va fikrlar to‘qnashuviga boy tarzda o‘tgan o‘yinda g‘oliblikni Oqqo‘rg‘on tumani 2-son texnikumining “Adolat yulduzlari” jamoasi qo‘lga kiritdi. Ikkinchi o‘rinni Oqqo‘rg‘on tumani 1-son texnikumining “Komilsulton” jamoasi, uchinchi o‘rinni esa Bo‘ka tumani 2-son texnikumining “Intellekt” jamoasi egalladi.

G‘olib va sovrindorlar O‘zbekiston Kasaba uyushmalari Federatsiyasi Toshkent viloyati Kengashi tomonidan diplom va esdalik sovg‘alari bilan taqdirlandi.

KONSTITUTSIYA – HUQUQ VA ERKINLIGIMIZ KAFOLATI

2025-12-04T13:30:29.043Z

O‘zbekiston kasaba uyushmalari Federatsiyasi Toshkent viloyati Kengashi hamda Toshkent viloyati Kasbiy ta’lim boshqarmasi tomonidan O‘zbekiston Respublikasi Konstitutsiyasi qabul qilinganligining 33 yilligi munosabati bilan Oqqo‘rg‘on tumanidagi Kasbiy ko‘nikmalar markazida “Konstitutsiya – huquq va erkinligimiz kafolati” mavzusida “Rashbar va yoshlar uchrashuvi” tashkil etildi.

Uchrashuvda O‘zbekiston kasaba uyushmalari Federatsiyasi Toshkent viloyati Kengashi raisi S.Fayziyeva, Toshkent viloyati Kasbiy ta’lim boshqarmasi boshlig‘i N.Kulbekova, Oqqo‘rg‘on tumani Adliya bo‘limi yuridik xizmat ko‘rsatish markazi boshlig‘i B.Mavlanov Toshkent viloyatidagi kasbiy ta’lim muassasalarining o‘quvchi yoshlari ishtirok etdi.

Uchrashuvni S.Fayziyeva kirish so‘zi bilan ochib, konstitutsiyaning qabul qilinishi, unda xalqimizning orzu-istaklarining aks ettirilgani, kasaba uyushmalarining faoliyati, yoshlarning intellektual, ijodiy, jismoniy va axloqiy jihatdan shakllanishi uchun sharoitlar yaratib berish konstitutsiya bilan mustahkamlab qo‘yilgani to‘g‘risida ma’lumot berdi.

Shuningdek, o‘quvchi yoshlarga kasaba uyushmalarining yoshlar bilan ishlash yo‘nalishidagi faoliyati, Yoshlar birlashmasi tomonidan yo‘lga qo‘yilgan loyihalar, tashkilotlardagi yosh ishchi-xodimlarni qo‘llab-quvvatlashda kasaba uyushmalari tomonidan amalga oshiriladigan vazifalar bo‘yicha tushuncha berildi.

Tadbirda O‘zbekiston Respublikasi Konstitutsiyasining mazmun-mohiyati, unda inson huquq va erkinliklarining ta’minlanganligi, yoshlarning konstitutsiya bilan ta’minlangangan ta’lim olish, mehnat qilish, ilm-fan bilan shug‘ullanishga oid huquqlari to‘g‘risida so‘z yuritildi.

Uchrashuv ochiq muloqot shaklida o‘tkazilib, unda yoshlar o‘zlarini qiziqtirgan savollar hamda takliflar yuzasidan rahbarlarga murojaat qildilar.

Savollarga mas’ullar tomonidan atroflicha javob berildi. Bildirilgan takliflar ma’qullanib, ular yuzasidan alohida chora-tadbirlar amalga oshirilishi belgilandi.

Tadbir yakunida bir guruh faol va iqtidorli yoshlar tashkilotchilar tomonidan tashakkurnoma va esdalik sovg‘alari bilan taqdirlandi.

“MEHNAT XAVFSIZLIGI VA GIGIENASI” MAVZUSIDA AMALIY SEMINAR

2025-11-26T13:10:56.694Z

O‘zbekiston Respublikasi Prezident Shavkat Mirziyoyevning 2025-yil 17-oktabr kuni kasaba uyushmalari faollari va faxriylari bilan bo‘lib o‘tgan uchrashuvda ilgari surilgan tashabbuslar ijrosini ta’minlash maqsadida O‘zbekiston Kasaba uyushmalari Federatsiyasi Toshkent viloyati kengashi tomonidan 26-noyabr kuni “O‘zmetkombinat” AJga qarashli “Metallurg” madaniyat saroyida “Mehnat xavfsizligi va gigienasi” mavzusida amaliy seminar tashkil etildi.

Seminarda O‘zbekiston kasaba uyushmalari Federatsiyasi Toshkent viloyati Kengashi raisi o‘rinbosari O‘.Rashidov, O‘zbekiston Metallurgiya va mashinasozlik sanoati tarmoqlari xodimlari kasaba uyushmasi Respublika Kengashining Mehnat muhofazasi bo‘yicha bosh mutaxassisi M.Sagdullayev, Toshkent viloyati bandlik bosh boshqarmasi Mehnat inspeksiyasi davlat inspektori O‘.O‘sarov, “O‘zmetkombinat” AJ Sanoat xavfsizligi va mehnat muhofaza departamenti direktori A.Uzakov, “O‘zmetkombinat” AJ Kasaba uyushmasi qo‘mitasi raisi E.Veliullayeva, “O‘zmetkombinat” AJ tizimida faoliyat yurituvchi mehnat muhofazasi bo‘yicha mas’ul xodimlar, mehnat muhofazasi bo‘yicha vakillar va tsex kasaba uyushma qo‘mitasi raislari ishtirok etdi.

Seminarni O‘zbekiston kasaba uyushmalari Federatsiyasi Toshkent viloyati Kengashi raisi o‘rinbosari O‘.Rashidov kirish so‘zi bilan ochib, insonlarning mehnat jarayonidagi xavfsizligi, sihat-salomatligi va ish qobiliyati saqlanishini ta’minlashga qaratilgan ijtimoiy-iqtisodiy, tashkiliy, texnikaviy, sanitariya-gigiena va davolash-profilaktika tadbirlari tizimini yo‘lga qo‘yish, ishchi-xodimlarga zarur shart-sharoitlar yaratilishida ish beruvchilar hamda kasaba uyushmasi tashkilotlari tomonidan mehnatni muhofaza qilish samaradorligini oshirish bo‘yicha atroflicha fikr bildirdi.

Seminar davomida so‘zga chiqqanlar ish joyidagi mehnat xavfsizligi va gigienasi, xodimlar uchun xavfsiz, sog‘lom va qulay mehnat sharoiti yaratishga qaratilgan qoidalar, ish jarayonida xodimlarning sog‘lig‘iga zarar yetmaslik, jarohatlanishlar, kasbiy kasalliklar va favqulodda holatlarning oldini olish bo‘yicha amalga oshirish lozim bo‘lgan chora-tadbirlar to‘g‘risida so‘z yuritib, o‘zaro tajriba almashdilar.

Seminarning ikkinchi qismida ishtirokchilar “O‘zmetkombinat” AJ muzeyi hamda mehnat muhofazasiga oid ko‘rgazmali qurollar bilan tanishdilar.