@vatandoshlarfondi

“YOSH VATANDOSHLAR”

2022-12-22T13:34:25.559Z

Turkiya Respublikasining Istanbul Marmara universiteti “Xalqaro munosabatlar” fakulteti talabasi, “Perform Group” xalqaro qurilish kompaniyasi “Tashqi Savdo” bo’limi boshqaruvchisi Ernazarov Shoxrux bilan tanishing

Vaqtdan unumli foydalanish – kelajagingiz yorqin bo’lishi uchun bir sababdir

- Yoshligim Toshkent shahrida o’tgan. Uchtepa tumanidagi 107 ixtisoslashtirilgan maktabda tahsil olganman. 2015-2018 yillarda P.F.Borovskiy nomli tibbiyot kollejida tahsil oldim. Shundan so’ng, 2018-yilda Turkiya Respublikasi Istanbul shahriga keldim. 2019 yil Istanbul Marmara universiteti “Xalqaro munosabatlar” fakulteti talabasi bo’ldim. Lekin yoshlikdan tibbiyot sohasida faoliyat yuritish orzuyim bo’lgan.

Turkiyada bir vaqtning o’zida 2 ta universitetda o’qish imkoniyati bor.

Bundan foydalanib, 2020 yil Anadolu universiteti “Sog’liqni saqlash” fakulteti talabasi bo’ldim. 2021 yilda esa “Perform Group” xalqaro qurilish kompaniyasi “Tashqi Savdo” bo’limi boshqaruvchisi yordamchisi lavozimida ishlashni boshladim. Albatta, ham talaba ham katta kompaniyada ishlash murakkab.Yoshligimdan meni ota-onam mehnatga o’rgatganlari, xorijiy tillarni o’rganishimga imkoniyat yaratib berilgani uchun bugungi kunda 3 ta xorijiy tilda ish yurita olishim mening imkoniyatlarimni kengaytirgan.

“Yoshlar-bizning kelajagimiz”

- Qardosh mamlakatlarning tarixi, madaniyatiga qiziqaman va bo’sh vaqt topilishi bilan Turkiyaning turli shaharlariga sayohatga chiqaman. Sayohatlarda o’zimning qiziqqan sport mashg’ulotlarim bilan ham shug’ullanaman.‘‘Scuba Diving’’ va ‘‘Paraglayding’’ sport turlari bilan sayohat davomida shug’ullanib turaman. 2022-yil iyul oyida “Scuba Diving” bo’yicha CMAS imtihonlariga qatnashtim. Imtihonlar Fethiye shahri O’rta yer dengizida bo’lib o’tdi. “CMAS 1 yildiz” darajasiga loyiq deb topildim va xursandchiligimni dengiz osti 18 metr chuqurlikda O’zbekiston bayrog’ini keng yozib nishonladim.Bu kabi g’alabalar menga kuch beradi. Motivatsiyalardan eng asosiylari bu otam va onamning duolari va Prezidentimizning biz yoshlarga bo’lgan ishonchlari. Bugun bizga ko’rsatilayotgan ishonchlarini biz ertaga oqlashimiz kerak. “Yoshlar-bizning kelajagimiz” degan gaplaridan motivatsiya olaman.Yaqin kelajakdagi rejalarimdan biri universitetni bitirib, O’zbekistonga qaytish. Ko’pchilik xorijda yashab ishlashni afzal ko’radi. Lekin dunyoning hech qaysi bir yerini ona yurtingiz, vataningiz deb ayta olmaysiz. Men kelajakda chet elda olgan bilimlarim va tajribalarim bilan o’z yurtimga, O’zbekiston kelajagi uchun xizmat qilishni xohlayman.

#yosh_vatandoshlar

#turkiya

“Кун оиласи”

2022-04-05T11:16:16.681Z

Бугун рукнимиз орқали Россия Федерациясининг Кемерово вилоятида истиқомат қилаётган Негматовлар оиласи билан танишинг

Қудратилло Негматов 1984 йилда Фарғона вилояти Тошлоқ туманида туғилган.

2001 йилда Тошлоқ туманидаги 1 мактабни тамомлаган. Ўрта таълимдан сўнг 2003-2005 йилларда Тошлоқ тиббиёт коллежида таҳсил олган.

Негматовлар оиласи архивидан

Бир неча йиллар давомида туман тез тиббий ёрдам муассасасида фаолият олиб борган Қудратилла Негматов 2009 йилда ўз оиласи билан Россия Федерациясининг Кемерова вилоятига кўчиб борган.

Ҳозирда у Кемерова вилоятидаги италиан ресторанида бош ошпаз сифатида ишлаб келмоқда.

Негматовлар оиласи архивидан

- Оилам билан Россияга кўчиб келганимизга ўн йилдан ошди. Турмуш ўртоғим ҳам менинг соҳамга яқин соҳада ишлайди.Рисқимиз хорижий мамлакатдаларда экан. Фарзандларим ҳам шу ерда улғайишмоқда. Бу биз учун кўпроқ масъулиятни оширади.Чунки бизнинг турмуш тарзимиз ҳам, қадриятларимиз ҳам маҳаллий аҳолидан фарқли. Шунинг учун турмуш ўртоғим билан фарзандларимиз тарбиясида буларга алоҳида аҳамият беришга ҳаракат қиламиз. Хонадонимизда ҳамиша миллий таомларимиз тайёрланади, мулоқот ҳам она тилимизда бўлади. Ўзбекистондаги янгиликлар билан ҳамиша қизиқамиз, ютуқларни кўриб қувонамиз – дейди, Қудратилла Негматов.

Негматовлар оиласи архивидан

Унинг турмуш ўртоғи Дилноза Яқубова 1988 йилда Фарғона вилояти Тошлоқ туманида таваллуд топган.

2002-2005 йилларда туман тиббиёт коллежида таҳсил олган.
Дилноза Яқубова Кемерова вилоятидаги италиан ресторанида технолог сифатида ишлайди.

Негматовлар оиласи архивидан

Негматовларнинг 3 нафар фарзанди бор.

"Кун оиласи"

2022-03-29T07:15:32.398Z

Рукнимизнинг бугунги қаҳрамонлари Бирлашган Араб Амирликларининг Дубай Амирлигида истиқомат қилаётган Бабаевлар оиласи

Жўрабек Бабаев 1988 йилда Бухоро вилояти Бухоро шаҳрида таваллуд топган.

2007-2010 йилларда Чехиянинг Прага шаҳридаги Карлов, 2011-2015 йиллар давомида Бухоро давлат университетларида тахсил олган.

2015-2017 йилларда эса Тошкент давлат иқтисодиёт университетининг Халқаро туризм факультети, Туроператорлик йўналишида магистратура босқичида ўқиган.

Бабаевлар оиласи архивидан

Жўрабек Бабаев иқтидорли талабалар учун таъсис этилган Алишер Навоий номидаги давлат стипендияси соҳибидир.

Талабалик даврлариданоқ юртимиз ва хориждаги нуфузли ташкилотларда фаолият олиб борган Жўрабек 2010 йилда Чехияда 500 нафар ватандошларимиз учун Наврўз умумхалқ байрамини ташкил этган.

Бабаевлар оиласи архивидан

Ҳозирда у БAAнинг Дубай Aмирлигида "JUBA STARS" корхонаси етакчиси сифатида фаолият олиб бормоқда.

Бундан ташқари, Жўрабек Бабаев БAA ҳамда Ўзбекистон ўртасида инвестицион турларни ташкил этиш борасидаги лойиҳаларни бошлаган.

Бабаевлар оиласи архивидан

Унинг турмуш ўртоғи Холиқова Зарнигор 1994 йилда Навоий вилояти Навоий шаҳрида таваллуд топган.
У 2017-йилда Тошкент шаҳридаги Халқаро Вестминстер университетини тамомлаган.

Бабаевлар оиласи архивидан

2018 йилда AҚШнинг Чикаго шаҳрида таълим олиб, иш фаолиятини олиб борган.
Бугунги кунда Холиқова Зарнигор Дубай шаҳридаги “Astrolabs” таълим муассасасида тахсил олмоқда.

#vatandoshlar_fond

#kun_oilasi

“Кун оиласи”

2022-03-25T12:37:20.356Z

Бугун рукнимиз орқали Туркияда истиқомат қилаётган Акбар Ясса оиласи ҳақида маълумот берамиз

Акбар Ясса оиласи архивидан

Ота-боболари, тарихий илдизи Ўзбекистон билан боғланган Акбар Ясса 1951 йилда Афғонистоннинг Қобул шаҳрида таваллуд топган.

1952 йилда ёш Акбар Ясса оиласи билан Туркиянинг Адана шаҳрига кўчиб боришган.

Акбар Ясса оиласи архивидан

Қаҳрамонимизнинг ёшлиги Адана шаҳрида ўтган, у “Adana Erkek Anadolu Lisesi” ўрта мактабини битириб, Истанбул шаҳридаги IDMM университетининг электроник муҳандислик факультетида таҳсил олган.

Акбар Ясса оиласи архивидан

- “Туркия давлатига кўчиб келганимизда икки ёшга ҳам тўлмаган эдим. Турк миллатининг урф-одатлари, тилида ўхшашликлар жуда ҳам кўп. Шунинг учун ҳам қардошларимиз бизга ҳар жойда кўмаклашишарди. Ёшлигимиздан тилимиз ўзбек тилида чиққан. Ота-онамиз бизга мунтазам ўзбекча гапиришар эди. Шунинг учун биз ўзбек тилида сўзлаша оламиз, урф-одатларимизни яхши биламиз, ўзбекона турмуш кечирамиз. Биз ҳам ўзбек тили, маданияти ва урф-одатларини эсимиздан чиқармасдан ўз фарзандларимизга қўлимиздан келганича ўргатиб келяпмиз. Чунки бу аждодларимиздан бизга васият сифатида қолган муқаддас бурчимиздир” – дейди, Акбар Ясса.

Акбар Ясса оиласи архивидан

Ҳозирда Акбар Ясса 1928 йилда Истанбул шаҳрида очилган “Туркистонликлар маданияти ва кўмак кўрсатиш” жамоат бирлашмаси раисидир. Унинг фаоллигидаги мазкур бирлашма Туркиянинг Адана шаҳри ва АҚШнинг Нью-Жерси штатларида миллатимизга хос турли маданий-маърифий тадбирларни ташкил этиш, ўзбек тилини ўргатиш каби фаолиятларни олиб боради.

Акбар Ясса 2021 йилда “Халқлар дўстлиги” кўкрак нишони билан тақдирланган.

Акбар Ясса оиласи архивидан

Унинг турмуш ўртоғи Зеррин Таж 1955 йилда таваллуд топган. У Истанбул университетида педагог сифатида фаолият олиб боради.

Акбар Ясса оиласи архивидан

Акбар Ясса оиласининг 5 нафар фарзанди бор.

#vatandoshlar_fond

#kun_oilasi

#istanbul

#turkiya

#akbaryassa

Германия ва Швецияда ватандошлар иштирокида “Наврўз” умумхалқ байрамини нишонлаш доирасида тадбирлар ташкил этилмоқда

2022-03-20T12:19:21.368Z

Ўзбекистон Республикаси Ташқи ишлар вазирлиги, Ўзбекистоннинг Берлиндаги Элчихонаси ва “Ватандошлар” жамоат фонди ҳамкорлигида Германия ва Швецияда ватандошлар иштирокида “Наврўз” умумхалқ байрамини нишонлаш доирасида тадбирлар ташкил этилмоқда.

Хусусан, жорий йилнинг 19 март куни Германиянинг Кёльн шаҳрида истиқомат қилаётган ватандошлар иштирокида “Наврўз” умумхалқ байрами кенг нишонланди.

Унда миллий қадриятлар, анъаналар, урф-одатлар тарғиб этилиб, ватандошлар учун ўзбек миллий таомлари “Палов” ҳамда “Сумалак” тайёрланди.

Тадбирда Кёльн шаҳрида истиқомат қилувчи ватандошлар, уларнинг оила аъзолари ва фарзандлари, вақтинчалик меҳнат фаолиятини олиб бораётган Ўзбекистон Республикаси фуқаролари, олий таълим муассасаларида таҳсил олаётган ёш ватандошлар ҳамда турли компанияларда фаолият юритаётган 150 нафар ватандошлар иштирок этишди.

“Ватандошлар” жамоат фонди томонидан Кёльн шаҳрида истиқомат қилувчи ватандошлар билан биргаликда учрашувлар ташкил этилиб, мулоқотлар олиб борилди ва ушбу мулоқотларда ватандошлар билан ҳамкорликда ишлаш, улар билан турли лойиҳаларни амалга ошириш ҳамда маданий-маърифий тадбирларни ўтказиш масалалари борасида келишиб олинди.

Шунингдек, Германияга ташриф давомида Кёльн шаҳрида ватандошлар томонидан ташкил этилган жамоат бирлашмалари мавжуд бўлмаганлиги боис, Кёльнда истиқомат қилувчи фаол аёл ватандош Ш.Ҳалилова бошчилигида ташкил этилган “Шарқона” ўзбек жамоат бирлашмасининг тантанали очилиш маросими бўлиб ўтди.

Шундан сўнг, “Ватандошлар” жамоат фонди ва “Шарқона” ўзбек жамоат бирлашмаси ўртасида ҳамкорлик Меморандуми имзоланди ҳамда ушбу Меморандум доирасида амалга оширилиши режалаштирилган лойиҳалар юзасидан йўл-харитаси ишлаб чиқилди.

Жумладан, ватандошларни қийнаб келаётган муаммолари, саволлари, таклифлари ва фикр-мулоҳазаларини умумлаштириш, улар иштирокида турли маданий-маърифий тадбирларни ҳамкорликда ташкил этиш каби масалалар хусусида келишиб олинди.

Шу билан бирга, “Ватандошлар” жамоат фонди томонидан Кёльнда истиқомат қилувчи ёш ватандошлар учун зарур бўлган адабиётлар “Шарқона” ўзбек жамоат бирлашмасига тақдим этилди.

Германияда бу каби тадбирлар давом этмоқда, бизни кузатишда давом этинг.

#vatandoshlar_fond

#navruz

#germaniya

#kyoln

АҚШнинг Миссури университети магистратура босқичида таълим олаётган ватандошимиз Шариф Юсупов билан суҳбат

2022-03-14T11:02:42.876Z

Келажак учун аниқ йўналиш танлашимга ота-онам сабабчи бўлишган

- 1994 йилда Бухоро шаҳрида зиёлилар оиласида туғилганман.
Отам деярли эллик йил давомида соғлиқни сақлаш тизимида, онажоним давлат телерадиоканалида мухбир сифатида ишлаб келган. Болалигимда расм чизишни ёқтирар эдим. Ота-онамни айтишларига қараганда, болалик чоғимда қўлимга доим ручка ёки қалам олиб дуч келган жойга расм чизган эканман. Ёшлигимда қизиқишларим кўп бўлган. Баъзида рассом баъзида спортчи бўлиб, чемпион бўлишни орзу қилганман. Ота-онам ҳар бир қизиқишларимга эътироз билдирмасдан турли машғулотларга жалб қилишарди. Эсимда, 8 ёшимда дадам спортнинг қўл жанги тури бўйича спорт мактабига олиб борган. Шундан сўнг саккиз йилга яқин ушбу спорт тури билан шуғулланганман ва бир қанча мусобақаларда ғолиб ва совриндор бўлганман. Албатта спорт билан бир вақтда мактабда ҳам аъло баҳоларда ўқиганман. Мактаб чоғларида энг яхши кўрган фаним - математика бўлган. Мен математика фанидан бир неча бор олимпиадаларда қатнашганман. Ҳозир шуни аниқ айта оламан, ота-онанинг фарзанди қизиқишларига бефарқ бўлмасдан, уни қўллаб-қувватлаши фарзандига куч ва ўзи учун тўғри бўлган касб ёки ҳунарни эгаллашига туртки бўлар экан.

Шариф Юсупов шахсий архивидан

Кишилар саломатлиги ўз ҳаловатимдан устун

- Мактабни 2009 йилда аъло баҳоларда битириб, Бухоро вилоятидаги академик лицейига, 2012 йилда Бухоро давлат тиббиёт институтининг стоматология факультетига давлат гранти асосида ўқишга қабул қилиндим. Менинг талабалик даврим жуда машаққатли ва шу билан бирга мазмунли кечган. Ўша пайтларда ҳам ўқирдим ҳам ишлардим.Кимё ва биология фанларидаги мустаҳкам билимим орқали саккиз йил давомида 500 нафарга яқин олий таълим муассасаларига кириш ниятида бўлган ёшларни ўқишга тайёрладим. Ҳозирда шогирдларим юртимиздаги нуфузли олий таълим муассасаларида таълим олиб келишмоқда. Тиббиёт институтларида ўқиш мустаҳкам билим талаб қилади.Шундай бўлса ҳам дарслардаги доимий билимлар менга етарли эмас эди. Институтимиздаги олимлардан қўшимча кўникмалар олишга интилар эдим. Шу боис, таълим билан бир қаторда кўплаб халқаро анжуманларда мақола ва тезисларим билан мунтазам иштирок этар эдим.

Институтни аъло баҳоларга тамомлаб, Бухоро давлат тиббиёт институтининг хирургик стоматология бўлимида клиник ординатор сифатида қабул қилиндим ва 2019-йилда таълимни ушбу босқичини ҳам муваффақиятли тамомладим.
2021-йил май ойида раҳматли отамнинг меҳнатлари, онамнинг дуолари меваси билан “Эл-юрт умиди жамғармаси” томонидан ўтказилган танловда ғолиб деб топилдим ва ҳозирда АҚШнинг Миссури университетида cоғлиқни сақлаш сиёсати ва аҳоли саломатлигини мустаҳкамлаш йўналишида магистратура босқичида таълим олиб келмоқдаман.
Менинг тиббиёт соҳасига бўлган қизиқишимга оиламдаги муҳит сабаб бўлган. Тиббиёт соҳасида ишлайдиган кишилар доимо инсонларнинг дардига малҳам бўлиши, уларга ҳар қандай вазиятда ёрдам бериши зарур. Ҳаётда яшашдан мақсадимиз ҳам бир-биримизга яхшилик қилиш эмасми? Мен шунинг учун ҳам ушбу шарафли касбни танладим. Ҳар қандай вазиятда кишилар саломатлиги мен учун ўз ҳаловатимдан устун!

Шариф Юсупов шахсий архивидан

Биз хорижий мамлакатларда миллатимизнинг шаънини елкамизда кўтариб юрганимизни унутмаслигимиз зарур

- Тўғрисини айтсам, хорижда яшашнинг ўз машаққати бор. Ўзгача муҳит, ўзгача қадриятлар ва анъаналарга кўникишингизга тўғри келади. Аввалига бироз қийин бўлди аммо бу вақтинча эди. Лекин оилам ва ватанимга бўлган соғинч ҳеч қачон тарк этмас экан. Ўзимизнинг миллий таомларни жуда соғинаман. Мусофирлик менга нафақат мослашишни балки мустақил таом тайёрлай олишни ҳам ўргатди. Ҳозир барча уй-юмушларини ўзим қиляпман. Хорижда истиқомат қилишни масъулияти ҳам бор. Доимо тартибли ва кишиларга хушфеъллик билан муомала қилишингиз керак. Чунки миллатингизга хорижликлар сизга қараб баҳо беришади. Тенгдошларимга ҳам шуни унутмаслигини илтимос қилар эдим. Дунёнинг қайси нуқтасида бўлмайлик, ким эканлигимизни, кимнинг авлодлари бўлганимизни унутмаслигимиз ва бошқа халқлар олдида миллатимизнинг
обрў-эътиборини ҳамиша сақлашимиз шарт.

Шариф Юсупов шахсий архивидан

Юртимга фойдам тегиши учун бор кучимни бағишлашга тайёрман

- Келажакдаги режаларим бисёр. Энг аввало юртимнинг соғлиқни сақлаш тизимига фойдаси тегадиган етук мутахассис бўлиб, ватанимга қайтиш. Америкада таълим тизими бироз бошқача. Университетда талабалар учун барча шароитлар яратиб берилган. Ўзбекистонлик ҳамма ёшлар ҳам мен каби ўқиш имкониятига эга эмас. Ўйлайманки, ана шундай ёшларга мен бу ерда оладиган билимларимни улашишим, келажакда юртим равнақи учун хизмат қиладиган ғоялар устида ишлашим ватаним олдидаги чинакам фарзандлик бурчимдир. Отам ким бўлишимдан қатъий назар юртга фойдам тегишини, керакли инсон бўлишимни орзу қилган. Мен уларнинг истакларини амалга оширишга бор кучимни бағишлашга тайёрман!

#vatandoshlar_fond

#vatandosh_yoshlar

#aqsh

#yusupov

Дунёнинг турли мамлакатларидаги нуфузли олий таълим муассасаларида Ўзбекистонлик ёшлар таҳсил олади. Бугун Россия Федерациясининг Санкт-Петербург шаҳрида таҳсил олаётган фаол ватандошимиз Сарвар Мамажонов ҳақида ҳикоя қиламиз

2022-03-04T11:13:46.752Z

Сарвар Мамажонов шахсий архивидан

Мақсадларимни ҳамиша аниқ белгилайман

- 1998 йилда Фарғона вилоятида таваллуд топганман.Болалигимдан мактабда ҳамиша яхши баҳоларга ўқишга ҳаракат қилардим. Китоб мутолаа қилиш, давлатларнинг пойтахти билан номларини ёд олиш энг севимли машғулотларим эди. Дунё кезиш орзуим бўлган. Ҳаёлан турли мамлакатларга саёҳат қилар эдим. Устозларим доимо: - Келажакда ўзингни керакли шахс сифатида кўришни хоҳласанг мақсадингни аниқ белгилашинг ва тинмасдан уни амалга ошириш учун меҳнат қилишинг керак – дея, таъкидлашарди. Ўрганганларим, эгаллаган мустаҳкам билимларим билан 2017 йилда Россия Федерациясидаги Қозон федерал университети Халқаро алоқалар йўналишининг бакалавр босқичига ўқишга кирдим. Ҳозирда Санкт-Петербург давлат университетининг Халқаро алоқалар факультети 1 босқич магистрантиман.

Сарвар Мамажонов шахсий архивидан

Ўзбекистонлик ёшлар хорижликлар эътирофида бўлган

- Бакалаврда ўқишни бошлаганимда ҳамма каби менда ҳам қийинчиликлар бўлган. Янги мамлакатга мослашиш, турли миллатли инсонлар орасида мулоқот қилишда бироз қийналганман. Бундан ташқари, университетимда чет эллик талабалар учун стипендия ажратилмас эди. Лекин хусусий компаниялар томонидан талабалар учун жорий қилинган грантларни ютиб олиш имконияти бўлган. Бу каби танловлар ғолиблари орасида Ўзбекистонлик иқтидорли талабалар кўпчиликни ташкил этарди. Мен ҳам 3 йил мобайнида ана шундай стипендия соҳиби бўлганман. Дунёнинг турли мамлакатларидан келган тенгдош дўстларим ўзбек ёшлари билимли ва меҳнаткашлигидан ҳайратланишарди.

Сарвар Мамажонов шахсий архивидан

Миллий байрамларимизни ҳамжиҳатликда ташкил этамиз

- Дам олиш кунларида Италия, Болгария, Колумбия, Хитой, Япония ва бошқа давлатлардан келган ёшлар билан кўришиб турамиз. Бундай учрашувларда барчамиз ўз мамлакатларимиз ҳақида гапириб берамиз. Дўстларим кўпроқ Ўзбекистон ҳақида қизиқишади, тарихий шаҳарларимиз Самарқанд, Бухоро, Хоразм ҳақида билишларини айтишади. Ўзбекистонлик талабалар билан “Мустақиллик”, “Наврўз” умумхалқ байрами ва бошқа байрамларимизни тез-тез ташкил этиб, миллий таомларимизни тайёрлаймиз, хорижлик дўстлармизни ҳам таклиф этамиз. Улар миллий таомларимизни жуда ҳам яхши кўришади. Хаттоки, миллий байрамларимизнинг саналарини ҳам билишади. Ватанимиздан вақтинча йироқда бўлсак ҳам, ватандошлар ўзаро юртимиздаги муҳим саналарни биргаликда ўтказиб, ўзимизни юртимиздагидек ҳис этамиз.

Бугунги кундаги асосий мақсадим, таълимни ушбу босқичини мувафаққиятли тамомлаб, ватанимга қайтиш ҳамда Ўзбекистоннинг хорижий мамлакатлар билан дипломатик, дўстона ҳамкорлик алоқаларини янада ривожлантиришга ўз ҳиссамни қўшиш.

Сарвар Мамажонов шахсий архивидан

#vatandoshlar_fond

#vatandosh_yoshlar_mamajonov

Бугун рукнимиз орқали Жанубий Кореяда истиқомат қилаётган Болтабоевлар оиласи ҳақида танишинг

2022-03-03T11:39:44.896Z

Суҳроб Болтабоев 1993 йилда Бухоро вилоятида таваллуд топган.

2009-2013 йилларда Тошкент давлат шарқшунослик университетида таҳсил олган.

Болтабоевлар оиласи архивидан

2013-2017 йиллар давомида Жанубий Кореяликлар билан бир қанча халқаро лойиҳаларда ишлаган Суҳроб Болтабоев 2017-2019 йилларда Сунгшил университетининг бизнес бошқаруви йўналишида магистратура босқичида ўқиган. Ҳозирда у мазкур университетнинг доктарантура босқичида таълимни давом эттирмоқда.

Болтабоевлар оиласи архивидан

Унинг турмуш ўртоғи Адолат Нуруллоева 1993 йилда Бухоро вилоятида туғилган.
У 2009-2013 йилларда Мирзо Улуғбек номидаги Ўзбекистон Миллий университетининг Журналистика факультетида таҳсил олган.

Болтабоевлар оиласи архивидан

2013-2017 йилларда “Соғлом авлод учун” журналида фаолият олиб борган.

2018 йилда Кореядаги энг нуфузли GKS (Global Korea Scholarship) дастури стипендиясини ютиб, “Ewha Womans University”да магистратурада ўқиш имкониятини қўлга киритган. Ҳозирда уй бекаси.

Болтабоевлар оиласи архивидан

- Юртимда бир неча йиллар мобайнида журналист сифатида ишлаганман. Фаолиятим давомида фарзандлар тарбияси ҳамда аёлларнинг жамиятдаги ўрни ва нуфузини оширишга қаратилган турли мақолалар тайёрлаганман. Чунки бугунги кунда ўзбек аёллари дунёнинг кўплаб мамлакатларининг нуфузли идора ва ташкилотларида турли лавозимларда ишламоқда. Ҳозир Кореяда бўлсам ҳам халқаро журналларда ўзбекистонлик аёлларнинг матонати, ҳушфеъллиги ва бошқа жиҳатлари ҳақидаги мақолаларим билан ҳамиша фаолман. Қизим Софияхонни ҳам миллий-қадриятларимизга таянган ҳолда Увайсий, Нодирабегим каби Шарқнинг буюк фозила аёллари сингари тарбиялашга ҳаракат қиляпман – дейди, Адолат Нуруллоева.

Болтабоевлар оиласи архивидан

Болтабоевларнинг София исмли фарзанди бор.

#vatandoshlar_fond

#kun_oilasi

#boltaboyevlar

Хориждаги ўзбекистонлик ватандошларга МУРОЖААТ

2022-03-01T16:32:09.363Z

Азиз ватандошлар!

Инсоният бугун катта хавф-хатар ва таҳдидлар кучайган шароитда яшаш ва ҳаёт кечиришга мажбур бўлмоқда.

Шарқий Европа минтақасида таранглашаётган сиёсий вазият барчамиздан огоҳлик ва чуқур тафаккур билан иш кўришни талаб этади.

Афсуски, бундай воқеалар аянчли оқибатларга олиб келиши билан бирга, қанчадан-қанча давлатлардаги ривожланиш жараёнларини бир неча йилларга орқага суриб юбориши мумкин.

Бугун дунёнинг турли нуқталарида кўп сонли ватандошларимиз истиқомат қилиб келмоқда.

Бироқ, олиб борилаётган мулоқотлар ва тушунтириш ишларига қарамай, айрим ватандошларимиз турли давлатларнинг манфаатларига хизмат қилувчи баъзи манбаларга таяниб, маълум миқдордаги пул маблағлари, катта ваъдалар, жумладан, турли шартномалар тузиш орқали фуқаролик бериш ва бошқа чақирувларга учиб, шошма-шошарлик билан қарор қабул қилишлари ортидан хатарли вазиятларга тушиб қолмоқда. Биргина мисол, айрим юртдошларимизнинг билиб-билмай ва чуқур англамаган ҳолда Сурияга бориб, турли жангари гуруҳларга қўшилиб қолганликлари, охир-оқибат Ўзбекистон Республикаси Президенти Ш.М.Мирзиёевнинг ташаббуси билан амалга оширилган “Меҳр” операцияси кўмагида она Ватанга қайтарилгани барчамизга аён. Шу муносабат билан, хориждаги ватандошларимизни қуйидаги тавсияларга амал қилишга чақирамиз:

- бошқа давлатлар ички ишларига аралашмаслик;

- ҳар хил чақириқлар ва оқимларнинг алдовларига ишонмаслик;

- ҳеч қандай зиддиятли ва қуролли вазиятларга аралашмаслик;

- ўқотар қуролларни қўлга олмаслик ва улардан фойдаланмаслик (ғайриихтиёрий равишда қотилга айланиб қолмаслик);

- вазиятни чигаллаштирувчи ҳеч қандай шиорларни тарғиб қилмаслик;

- низолашаётган тарафларнинг байроғи, мадҳиялари, рамзлари ва шиорларини ишлатмаслик (Ўзбекистон фуқароларига нисбатан салбий муносабат шаклланиб қолишининг олди олинади).

Юқоридаги ҳолатларга аралашиш белгиланган тартибда жиноий жавобгарликка тортиш учун асос бўлишини яна бир бор эслатган ҳолда, бугун дунёда кузатилаётган вазиятда нейтрал позицияни устувор қўйишни тавсия этамиз.

Дунёнинг қайси ўлкасида бўлмайлик, азиз Ватанимиз – Ўзбекистоннинг обрўси, эътибори, шаъни–шуури ва халқаро имиджини сақлаш муқаддас бурчимиз эканлигини унутмайлик!

Ҳурматли ватандошлар!

Тинчлик, бу – олий неъмат, уни асрашга барчамиз масъулмиз!

“Ватандошлар” жамоат фонди

#vatandoshlar_fond

#vatandoshlarga_murojaat

"Кун оиласи"

2022-02-25T06:30:10.727Z

Рукнимизнинг бугунги қаҳрамонлари Канадада истиқомат қилаётган Исраиловлар оиласи

Раҳматилла Исраилов 1994 йилда Самарқанд вилоятининг Паяриқ туманида таваллуд топган.

У 2013-2018 йилларда Жаҳон иқтисодиёти ва дипломатия университетида таҳсил олган.

2018-2021 йиллар давомида Ўзбекистонда журналист сифатида фаолият олиб борган.

2021 йилнинг сўнги ойларида ўз оиласи билан Канадага кўчиб келган Раҳматилла Исраилов ҳозирда тадбиркорлик билан шуғулланмоқда.

Унинг турмуш ўртоғи Севара Исраилова 1994 йилда Фарғона вилоятининг Боғдод туманида туғилган.

У 2015 йилда IELTS 8.5 балл билан Буюк Британиядаги Southampton Solent университетининг Business Foundations курсига ўқишга киради.

Исраиловлар оиласи архивидан

2016-2019 йилларда университетнинг Халқаро бизнес бошқаруви йўналишининг бакалаврида таҳсил олган.

Шунингдек Севара Исраилова 2019-2021 йилларда Change the World Model United Nations нинг Буюк Британиядаги вакили сифатида иштирок этган.

2021 йилдан Канаданинг British Columbia провинcиясидаги Canada West университетида магистратура босқичида таҳсил олмоқда.

Исраиловлар оиласи архивидан

- Ҳар доим хотин-қизларни илм олишларини қўллаб-қувватлаб келаман. Сабаби, келажак эгаларини, жамият аъзоларини биз тарбиялаймиз. Бунинг учун олдин тарбияни ўзимиздан бошлашимиз керак. Шу сабабли халқаро билимларни пухта эгаллаш учун хорижда ўқишни бошладим. Хорижда туриб ҳам қадриятларим, ўзбек миллий урф-одатларига бўлган хурматим чексиз. Кичик оиламизда ўзимизнинг қадриятларга асосланган ҳолда турмуш кечирмоқдамиз. Албатта келажакда билимларимизни жамлаб ватанимиз равнақи учун сафарбар қилишни мақсад қилганмиз – дейди, Севара Исраилова.

#vatandoshlar_fond

#kun_oilasi

#israilovlar_oilasi