Surxon Yoshlari

Muvaffaqiyat sirlari: ruh va miyaning inson taqdiridagi o‘rni

2019-05-10T13:40:11.938Z

Muvaffaqiyatli insonlar fe’l-atvorini tahlil qilsak, ularda faqatgina aqlning yoki ruhning o‘zi ustun emasligiga guvoh bo‘lamiz. Ya’ni, ongi va qalbi har jihatdan yuksak, bir-biriga munosib bo‘lgan insonlarda farovon yashash imkoni doimo yuqori bo‘lgan. Ular har qanday vaziyatda ham ma’lumotni tarozining ikki pallasi bo‘lgan idrok va qalb chig‘irig‘idan o‘tkazadilar.

Biz «essiz, ko‘nglimga quloq tutsam bo‘lar ekan», «shu narsa bo‘lishini sezgan edim», «shunday bo‘lishini yuragim sezgan edi» degan jumlalarni ko‘p eshitamiz. Bu bejiz emas. Boisi yurak ham fikrlaydi, mushohada qiladi. Buyuk insonlar doimo yurak va aql oralig‘ida bo‘ladilar, ya’ni holatda bo‘ladilar. Shu tufayli daholarda biroz telbalik xususiyati ham ko‘zga tashlanadi.

Buyuk insonlarning aql bovar qilmas harakatlari, qarorlari zamirida aslida ularning kuchli yuragi turgan bo‘ladi.

Muvaffaqiyat idrok va ruh oralig‘idagi lahzalarda sodir bo‘ladi.

Insoniyat tarixidagi jamiki madaniyat va elatlarda ruh kuchli hislar, tuganmas zavq-shavq va donolik jam bo‘lgan manba hisoblangan. Shuningdek, inson muhabbat, shukronalik, qanoat kabi ezgulik ramzi bo‘lgan kuchli tuyg‘ularni o‘zining ruhida kashf qilib kelgan. So‘nggi tadqiqotlarda ma’lum bo‘lishicha, inson yuragi va miyasi o‘rtasida hamkorlik mavjud. Ular birgalikda ma’lumotni qayta ishlashadi, inson ana shu jarayonda qaror qabul qiladi.

Ijodkor ham, tadbirkor ham, rassom yoki rejissyor ham mashaqqatlarni yengishga yordam bergan hislarni, og‘ir damlarda dalda bo‘lgan tuyg‘ularni, taraqqiyotga sabab bo‘ladigan g‘oyalarni yaratishda qalbidan kuch oladi. Hadeb miya bilan fikrlash insonni aqldan ozdirib qo‘yishi mumkin.

Biz odatda yurakni aqlli, ko‘ngilni esa xohishlarga bo‘ysunadi deb o‘ylaymiz. Oxirgi ilmiy qarashlarga ko‘ra yurakda ham mustaqil asab tizimi bo‘lib, bu unga mantiqiy xulosalar qilish imkonini beradi. Yurak miyaga asosli va foydali ma’lumotlar jo‘natib turadi. Shu bois aksariyat insonlar qalblariga bo‘ysunadilar. Ya’ni, yurak qanchalar kuchli bo‘lsa, qarorlar shu qadar asosli bo‘lib chiqadi.

Neyrofiziologlar tomonidan ruh va miya o‘rtasidagi «neyronli aloqa yo‘li» aniqlangach, insonlarning aqlli qaror qabul qilishlarida yurakning o‘rni yuqori ekani yanada oydinlashdi.

Yurakdagi mantiqiy fikrlash tizimi shu vaqtga qadar o‘ta murakkab va sirli mexanizm bo‘lib qolmoqda. Unda ham miyadagi kabi neyronlar, gormonlar, oqsil va to‘qimalar mavjud. Yurakdagi neyronlar soni 40 mingtagacha yetadi.

Yurakdan yuborilgan xabar miyaga uning idrok, qaror qilish hamda boshqa hissiy holatga javobgar qismi orqali qabul qilinadi.

Eng qiziq jihati shuki, inson tanasi atrofida hosil bo‘ladigan elektromagnit maydonidagi quvvatning asosiy qismi ruhdan, ya’ni qalbdan hosil bo‘ladi. Yurakning magnit quvvati miyanikidan besh yuz barobar yuqori ekan.

Hech e’tibor berganmisiz, ba’zi odamlar bilan qayta-qayta suhbatlashgingiz kelaveradi. Buning ham ilmiy asosi bor.

Odam o‘zidan tarqatayotgan elektromagnit to‘lqinlari boshqa inson tanasi va miyasiga ma’lumot tarzida yetib boradi. Odamlar shu taxlit bir-birlarida taassurot qoldiradilar va odamning yaxshi-yomonini darrov taniydilar.

Biz «nazari o‘tkir odam» yoki «aurasi kuchli odam» deb o‘ylaydigan kishilar boshqalardan tarqalayotgan quvvatni tushunish bilan birga, unga ta’sir ham o‘tkaza oladilar. Kuchli inontirish, ta’sir o‘tkazish qobiliyati ham aslida qalb ta’sirida amalga oshiriladi.

Hissiy quvvati yuqori bo‘lgan, ya’ni kuchli ruhiyatli insonlar boshqalarning fikrini oson o‘qiy oladi hamda vaziyatga oson baho beradi, ular boshqalarni oson tushunadilar. Hissiy quvvat yordamida odamlar o‘zlari bo‘lmagan joylarda bo‘lishlari, o‘zlari bilmagan narsalar haqida so‘zlashlari mumkin.

Eng muhimi – miya va yurak o‘rtasidagi samarali aloqaning natijasi bo‘lgan muvaffaqiyatlilik insondagi ijodiy yondashuvni yuzaga chiqaradi. Ya’ni, bu holatda inson ilg‘or va noodatiy fikrlaydi, boshqalar ko‘ra olmagan imkoniyatlarni tasavvur qiladi, to‘siqlarni yengish uchun o‘zida kuch topadi va faqat olg‘a boradi.

Shu bilan birga, miya va ruh o‘rtasidagi sog‘lom aloqa inson uchun ijobiy kayfiyatning tuganmas manbasidir. Bunday insonlar barchani maftun qiladi, ularni barcha tinglaydi va ulardan tarqalayotgan quvvat boshqalarga kuch bag‘ishlaydi.

Yurak va miya o‘rtasidagi aloqalarning uzilishi faqatgina hissiy nosog‘lomlik bilan bog‘liq emas. Bunda salomatlikning ham ahamiyati bor. Chunki yurak ishlab chiqarayotgan ma’lumot miyaga ko‘chib yuradigan asab tolalari yordamida umurtqa pog‘onasi orqali boradi. Shu sababli ham inson asabiga darz ketsa, turli og‘ir kasalliklar ham yuzaga chiqaveradi.

Yana bir qiziq ilmiy dalillardan biri shuki, yurak ichki hissiy sezgini qayta ishlaydi hamda maxfiy belgilarni aniqlash orqali mavhumlikni oydinlashtiradi. Gap shundaki, yurakka xos ichki hissiyot makon va zamon chegaralaridan ham yuqori turadigan kuchli axborot maydoni bilan bog‘lana oladi. Miya kelajakni tasavvur qilsa, yurak kuchli hissiy tizim orqali buni sezadi. Yana ham hayratlanarli dalil shuki, inson ko‘ngli bu axborotni miyasiga qaraganda bir necha barobar tezroq anglab yetadi.

Aytmoqchimanki, muvaffaqiyat faqatgina aqlga suyangan qarorlar natijasi emas. Siz qalbingiz va ruhingiz bilan ham aloqa bog‘lashni unutmang. Odam fazoviy borliq bilan ham ruhan aloqa qiladi. Inson gunohga botgani sayin ruhiyatidan uzoqlashib boradi. Bu holatda g‘alaba qozonish qiyinlashadi.

Ruhiyat va qalb bolalikdan shakllanib boradi. Bunda quyidagi omillarning o‘rni yuqori:

→ yaxshi insonlardan tarbiya olish;

→ halol mehnatga o‘rganish;

→ kitob o‘qish va ilm olish;

→ yaqin insonlar bilan bamaslahat ish qilish;

→ samimiy, shikastanafs, tavozeli va xokisor bo‘lish;

→ yomonlardan yiroq yurish;

→ odamlarga yaxshilik qilish;

→ bu dunyoning o‘tkinchiligini his qilib yashash.

Miya va yurak o‘rtasida samarali aloqaning yo‘lga qo‘yilishi muvaffaqiyat uchun asosdir. Shunda aqliy qobiliyat ravshanlashib, insondagi to‘g‘ri qaror qilish salohiyati oshadi. Bunday holatda taqdirimizda muhim ahamiyat kasb etgan ijtimoiy munosabatlar, odamlar bilan muloqot mazmun kasb etadi va mustahkamlashib boradi.

G‘alaba sari qadam avvalo jismonan emas, ruhan harakatda namoyon bo‘lsa, maqsad o‘zini oqlaydi. Yuksalish avval qalbda sodir bo‘lishi kerak. Ana shunda taningiz holdan toyganida qalbingiz bilan harakatlanishni o‘rganasiz. Natijada mudom harakatda bo‘lasiz.

«Biz g‘alaba qozonamiz» kitobidan olindi

Tayyorladi: Press Klub

Bizda SurxonYoshlari | Rasmiy•

LOYIHA BU NIMA? Loyiha Tushunchasi (qo'llanma)

2019-05-08T16:21:06.248Z

Loyiha tushunchasi

"Sahar" maktabida o'qitiladigan kurslardan biri Loyiha Tuzish va Boshqarishdeb nomlanadi. Xo'sh, loyiha o'zi nima degani?

Loyiha tushunchasi

Loyiha bu aniq bir maqsadga erishish uchun kelishilgan muayyan faoliyatlar tizimidir. Buni osonroq tushunish uchun, keling loyihaning boshqa faoliyat turlaridan ajratib turadigan jihatlarini ko'rib chiqamiz:

Demak, loyiha bu biror o'ziga xos mahsulot, xizmat yoki natijaga erishish uchun amalga oshiriladigan vaqtinchalik harakatlar majmuasi. U ma’lum bir belgilangan jadval, narx va ijro parametrlari doirasida maxsus maqsadlarga erishish uchun amalga oshiriladi.

Loyihaning vaqtinchalik bo'lgani loyiha natijasida yaratiladigan mahsulot yoki natijaga ta’sir etmaydi. Aksincha, bunday mahsulot va natijalar uzoq yillar davomida xizmat qilish uchun yaratiladi. Masalan, bino qurish loyihasining natijasida qurilgan bino ko'p yillar davomida turadi.

Loyihaga misollar quyidagilar bo'lishi mumkin:

Yangi mahsulot yoki xizmat turini yaratish;
Tashkilotning ichida o'zgarishlarni kiritish; masalan tashkilotning ichki tuzilmasini o'zgartirish;
Qurilish loyihalari;
Yangi biznes jarayonini kiritish va hokazo.

Loyihalar har bir sohaga taaluqlidir. Ijtimoiy sohada biror muayyan muammoga yechim topish maqsadida turli loyihalar amalga oshiriladi. Ko'pincha bunday loyihalar "pilot" yoki "tajriba loyihalari" deb ataladi. Bunga sabab, muammoga yechim bo'ladigan yangi xizmat turi yoki natijaga erishish yo'li muayyan bir hududda tajribada sinab ko'riladi. Bunga misol tuman aholisini gigiena bo'yicha bilimlarini oshirish. Deylik bunday xizmat hozircha tumanda yo'q, lekin gigiena va tozalikka rioya qilmaslik ko'plab kasalliklarni qo'zg'atmoqda. Shu muammoni hal qilish uchun tumandagi nodavlat tashkiloti aholi orasida ma’lumot tarqatish va targ'ibot ishlarini olib borish loyihasini yaratib yangi xizmat turini sinab ko'radi. Loyiha natijasi qoniqarli bo'lsa, uni butun viloyat bo'ylab doimiy ravishda amalga oshirsa bo'ladi.

Shu borada, har bir loyihani tuzganda, loyiha barqarorligini oldindan o'ylash va uni tadbirlarga singitib borish juda muhim. Loyiha tugagach unga nima bo'ladi? Kim bu ishni davom ettiradi? Unga qayerdan moliya keladi? shu kabi savollar ustida bosh qotirish kerak va loyiha tugagach uning o'rnida bo'shliq paydo bo'lib qolmaslikka intilish kerak.

Agar loyiha yangi mahsulot yaratish bilan bog'liq bo'lsa, yangi mahsulot turi korxonaning doimiy mahsulot ishlab chiqarish jarayoniga kiritiladi.

Loyihani boshqarish

Loyiha o'z vaqtida, unga ajratilgan byudjet chegarasidan chiqmagan holda va shu bilan birga rejalashtirilgan natijaga erishish uchun mohirlik bilan boshqarilishi kerak. Loyihani samarali amalga oshirishda bilim, malaka va uslublarni mohirlik bilan qo'llash loyihani boshqarish deb ataladi.

Har bir loyihaning o'z umri bo'ladi. Turli adabiyotlarda bunday davrlar turlicha ataladi, lekin umuman olganda har bir loyihaning umri 4 bosqichga bo'linadi. Ular:

Boshlanish;
Rejalashtirish;
Ijro etish;
Yakunlash.

Yana bir muhim bosqich bu Monitoring va nazorat qilish boshqichi bo'lib, lekin u har bir yuqoridagi boshqichlarda ro'y beradi; shuning uchun uni doim ham alohida boshqichga ajratmaydilar.

Boshi ------------------------------------------------------------------------------------------------> Yakuni

Boshlanish davrida loyihaning maqsad va vazifalari, shuningdek ma’suliyatlar aniqlanadi. Loyiha nizomi, uning umumiy qiymati va mandaatdor tomonlar aniqlanadi.

Rejalashtirish davrida, loyihaning batafsil ish rejasi, moliyaviy rejasi, tadbirlar jadvali va boshqa tafsilotlari ishlab chiqiladi. Loyiha jamoasi tuziladi.

Ijro etish davri eng uzun davr bo'lib, barcha tadbirlar shu davrda amalga oshiriladi.

Tugatish davriga kelganda barcha tadbirlar tugab bo'ladi, shartnomalar berkitiladi va hujjatlashtirish ishlari ro'y beradi. Loyiha natijalari baholanadi. Loyiha natijasiga ko'ra keyingi boqichga tavsiyalar beriladi. Agar yangi mahsulot yaratilgan bo'lsa, uni doimiy ishlab chiqarishga o'tkaziladi va loyiha rasmiy ravishda berkitiladi.

Shu borada Monitoring va nazorat qilish jarayoniga ham to'xtalib o'tsak. Bu juda muhim jarayon bo'lib, unda loyiha qanday ketayotgaligi to'g'risida ma’lumot yig'ib boriladi va agar kerak bo'lsa loyihaga o'zgartirishlar kiritiladi.

Tayyorlandi: Press Klub

Bizda: SurxonYoshlari

XATOLARDAN SABOQ OLISH YOKI BAHONALARIMIZ HAQIDA

2019-04-29T12:20:39.273Z

April 29, 2019

Muvaffaqiyat - hammaga bir xil ta'sir qiladi. Quvontiradi, o'z-o'ziga nisbatan ishonchni oshiradi, keyingi yutuqlarga turtki bo'ladi. Lekin muvaffaqiyatsizlikni har birimiz turlicha qarshilaymiz. Kimdir saboq oladi, kimdir tushkunlikka tushadi... yana kimdir esa o'z muvaffaqiyatsizligida boshqalarni ayblaydi yoki bahona izlashga tushadi.

Quyida maqsadga erishish yo'lida yengilgan paytimizda biz o'ylab topadigan ayrim bahonalarni keltiramiz. O'qib, mulohaza qiling. Ehtimol bu bahonalar sizga ham tanishdir:

1. "Bilimim yetishmaydi..."

Bu eng ko'p tarqalgan noto'g'ri tushunchalardan biri, - deydi Aleksandr Yelfimov. - Egallagan bilimlaringiz hamisha kamlik qilaveradi. Atrofingizda ko'plab sizdan bilimliroq insonlar borligini tan olishingiz lozim. Eng avval, o'zingizni munosib deb bilgan narsalarni qog'ozga tushirishingiz va ular uchun kurashishga haqqingiz borligini tushunishingiz kerak.

2. "Hali vaqti emas..."

Bunday jumlani eshitganda, beixtiyor savol tug'iladi: qachon vaqti keladi? Sizni bebaho lahzalardan mahrum qiladigan havotirlar doim bo'ladi. Ajoyib naql bor: istagan odam har doim vaqt topadi. Ideal vaqt hech qachon kelmaydi. O'yladingmi, shu zahoti bajar.

3. "Ishlarim judayam ko'p..."

Har doim yodda tuting: vaqt - eng qimmatli resurs. Uni ortga qaytarib bo'lmaydi. Boy berilgan imkoniyatlarning nadomati achchiq bo'ladi. Ba'zida bu depressiyaga olib keladi. Shuning uchun, yaxshilab o'ylab ko'ring. Agar qilayotgan ishingizdan zavq olmayotgan ekansiz, o'zgarishlar vaqti kelgan. O'zgarishlardan qo'rqmang.

4. "Birinchi urinishdayoq omadsizlikka uchradim..."

Agar hamma sizdek xulosa qilganida, ular hech qachon muvaffaqiyatga erishmagan bo'lishardi. Iroda kuchi - taslim bo'lmaslikda, orzular sari olg'a intilishda, qiyinchiliklarni sabr bilan yengishda. Dangasalikdan, barcha salbiy fikrlardan - "qo'limdan kelmaydi", "qo'rqaman", "men kimmanu, ular kim" - qutulish lozim. O'tmishdagi barcha yutuq va kamchiliklaringizni tahlil qiling. Zarur narsalarni o'rganing. Juda bo'lmaganda, yo'l ko'rsatishi mumkin bo'lgan odamlarni toping va tavsiyalariga amal qiling.

5. "Kuchim yetmaydi..."

Ba'zan kuchingiz qolmagandek tuyuladi, charchaysiz. To'g'ridan-to'g'ri aytaman: hamma charchagan! Lekin buni miyangizda hadeb takrorlayverishingiz shart emas. Miya bu jumlani eslab qoladi. Keyin esa bu vaziyatdan mutlaqo chiqib ketolmaysiz.

6. "Tanqid qilishadi..." - qo'rquv

Tanqid - har doim, hamma yerda bo'lishini tan olish lozim. Hammaga ham yoqishingiz shart emas. Agar tanqid asosli bo'lsa, buni to'g'ri qabul qilish kerak. Qolganini o'zingizga olmang. Kimligingizni va nimalarga qodirligingizni faqat o'zingiz bilasiz.

7. "Aloqa yo'q..."

Maqsadga qat'iyatlilar erishadi. Ular xato qilishdan va ahmoq bo'lib ko'rinishdan qo'rqishmaydi. Uning ustiga, Internet, ijtimoiy tarmoqlar asrida har qanday kerakli odamni topish va u bilan aloqa o'rnatish mumkin. Qo'rqmang, qo'ng'iroq qiling, xabar yo'llang. Axir ular sizga juda bo'lmasa, baqirishi mumkin, o'ldirishmaydi-ku! Yoki, aksincha, qo'ng'irog'ingizdan xursand bo'lishadi va yordam berishadi.

8. "Nimadan boshlashni bilmayman..."

Ehtimol siz baxtingiz uchun nima yetishmayotganini bilarsiz, o'z maqsadingiz bordir. Unga erishish yo'llarini bosqichma-bosqich yozib chiqing. Shundagina sizga maqsadingizga erishishda aynan nimalar, qanday bilimlar, ko'nikmalar zarurligini aniqlab olasiz.

9. Yangilikdan qo'rqish

Komfort zonadan chiqib ketish doim odamni tushkunlikka tushiradi. Ammo maqsadingizga erishishingizda bu narsa to'siq bo'lmasligi lozim. Butun umr davomida to'laqonli hayot zavqini tatib ko'rmasdan, bir joyda o'tirish mumkin. Faqat butunlay chorasiz qolganda afsus qilishdan yomoni yo'q.

Yodda tuting, muvaffaqiyatsizlik - bu qobiliyatlaringizning o'lchovi emas. Bu - o'zingizda yangi qirralarni kashf etishingiz uchun imkoniyat. Hammasi sizning munosabatingizga bog'liq. Salbiy fikrlarni tark etib, barcha imkoniyatlaringizni ishga soling. Siz albatta muvaffaqiyat qozonasiz va maqsadingizga erishasiz!

SurxonYoshlari

Surxon daryo haqiqatlar!

2019-04-21T15:48:34.456Z

Surxondaryo — Surxondaryo viloyatidagi daryo, Amudaryoning oxirgi oʻng irmogʻi. Qorovultepa qishlogʻidan bir oz yuqoriroqda Toʻpolondaryo bilan Qoratogʻdaryoning qoʻshilishidan hosil boʻladi. Boysun va Bobotogʻ tizmalari oraligʻidan janubi-gʻarb tomon oqib borib, Termiz sh. yonida Amudaryoga quyiladi. Uz. 175 km (Toʻpolondaryoning boshlanish joyidan esa 297 km), havzasining maydoni 13500 km², togʻli qismi 8230 km². S. havzasi shimolida Hisor togʻ tizmasi, gʻarb va janubi-gʻarbda Boysun togʻlari va sharqda Bobotogʻ bilan chegaralangan, janubida esa Amudaryo vodiysi bilan qoʻshilib ketgan. Eng yirik va sersuv irmoqlari Hisor togʻ tizmasidan boshlanadi. Suv sarfi oʻrtacha 120 m³/ sek., yillik suv hajmi 3,8 mlrd. m³, shuning 2,7 mlrd. m³ (yoki 70%) Hisor tizmasi yon bagʻirlarida hosil boʻladi. S.ning yirik irmoqlari — Toʻpolondaryo bilan Qoratogʻdaryo ham Hisor tizmasidan oqib tushadi. S.ga yirik irmoklardan yana Sangardakdaryo bilan Xoʻjaipok daryolari qoʻshiladi. Bir qancha mayda irmoklaridan tashqari yozda deyarli qurib qoladigan soy va jilgʻalar ham bor. Ulardan eng yiriklari Vaxshivordaryo (24 km), Konikon (32 km), Oqqopchigʻay (61 km), Okjarsoy (51 km) va Boysun (82 km) soylaridir.

S. Boysun togʻlari bilan Bobotogʻ oraligʻida eni 30 km keladigan keng SurxonSherobod vodiysi boʻylab oqadi. S. oʻzani hamma qismida tez yemiriluvchan yumshoq jinslardan tuzilgan. Shu sababdan S.ning oʻzani teztez oʻzgarib turadi. Quyi qismida daryo keng qayir boʻylab "daydib" oqadi, natijada eski oʻzan va ular orasidagi orollar yoʻqolib, yangilari paydo boʻladi. Qirgʻoqlari yemirilishi va oʻpirilib tushishi sababli koʻp joylarda tik jarlik shaklini olgan.

S qormuzlik suvlaridan toʻyinadi. May—iyunda sersuv, sentabr—oktabrda eng kamsuv boʻladi, S.ning etak qismida (Manguzar qishlogʻi yonida) yillik suv oqimining 69% mart—iyun, 20% iyulsentabr va 11 % oktabr — fevral oylarida oqib oʻtadi.

S.ning oʻrtacha koʻp yillik suv sarfi uning boshlanish qismida (Qorovultepa qishlogʻi yonida) 76,7m³/sek., 2,42 mlrd. m³, quyi oqimida (Manguzar qishlogʻi yonida) esa 68,2 m³/sek, yoki yiliga 2 mlrd. m³. Qorovultepa bilan Manguzar qishloqlari oraligʻida (164 km) S. va irmoqlarining suvi koʻplab sugʻorishga olinadi. Shu ikki qishloq oraligʻida daryoga sizot suvlari (taxminan 20–25 m³/sek.) va partov suvlar kelib qoʻshiladi.

S.ning eng koʻp suv sarfi Qorovultepa yonida koʻpincha 250–350 m³/sek., Manguzar qishlogʻi yonida esa 350–450 m³/sek. oʻrtasida boʻladi. Lekin, ayrim yillari eng kup suv sarfi juda katta boʻlishi mumkin. Mac, 1931 yil 29 aprelda Qorovultepa qishlogʻi yonida 600 m³/sek., Manguzar qishlogʻi yonida esa 700 m³/sek. ga yetgan. Eng kam oʻrtacha oylik suv sarfi daryoning yuqori qismida 12–13 m³/sek., quyi qismida esa 0,1 m³/sek.,ga tushib qoladi. Yoz oylarida S. baʼzan etak qismida qurib qoladi.

S. juda loyqa daryolardan. Boshlanish qismida uning har 1 m³ suvida oʻrtacha hisobda 0,9 kg loyqa oqiziq boʻladi. Daryo oʻzani tez yemirilganidan suvning loykaligi daryoning etagi tomon keskin orta boradi va Manguzar qishlogʻi yonida 1 m³ suvdagi loyqa oqiziq 2,9 kg ga yetadi. Loyqa oqiziqlarning oʻrtacha yillik miqdori Qorovultepa qishlogʻi yonida yiliga qariyb 1980 ming t, Manguzar qishlogʻi yonida esa 6030 ming t ga teng . S. suvidan toʻlaroq foydalanish va yangi yerlarni oʻzlashtirish maqsadida S. vodiysida suv omborlari va kanallar qurilgan. S. havzasida ishlab turgan irrigatsiya tarmoklarining umumiy uz. 3164 km, kollektorzovurlar esa 1360 km. Shulardan eng yiriklari: Zang, Hazorbogʻ, Qumqoʻrgʻon, Kakaydi kanallari va boshqa; Uchqizil, Degrez va Janubiy Surxon suv omborlari qurilgan. S. vodiysi yondosh Sherobod vodiysi bilan qoʻshilib ketgan. S.ning suvi SurxonSherobod kapali va Janubiy Surxon suv ombori orqali sug‘orishga sarflanmoqda

https://t.me/yoshlarittifoqiSurxon

БИР ДОНА МИХ

2019-02-26T14:23:53.185Z

ПРУССИЯЛИК ОНАЛАР АЛЛАСИ

Қадимий Пруссия.

Она алла айтмоқда:

«Ватанга ёв бостириб кирди.

Икки қўшин бир-бирин қирди.

Ногаҳон ҳалок бўлди прусслар саркардаси,

Оқибатда пароканда бўлди Прусс лашкари,

Ёвга мағлуб бўлиб қочди жанггоҳдан.

Шаҳар забт этилди.

Таҳқирланди бола-ю қари…

Нега бундай бўлди?!

Сабабини топайлик:

Нега шаҳар душман қўлига ўтди?

Чунки қўшин енгилди…

Қўшин нега енгилди?

Чунки саркарда ҳалок бўлди…

Саркарда қандай ҳалок бўлди?

Отдан йиқилиб…

Отдан нега йиқилади?!

Чунки отнинг тақасини қоқаётганда

Тақачига бир дона мих етмай қолганди…

Бир дона мих деб бутун бир халқ қул бўлди…»

Битта нотўғри қўйилган ғишт, битта чириган ёғоч эртага бутун бир иморатнинг қулаб тушишига сабабчи бўлиши мумкин.

Ҳар куни ҳар биримиз ушбу михни қоқамиз. Фақат бир-биримизни алдаб, кўзбўямачилик қилиб ёки боқимандаликка берилиб, ушбу михни қоқиш эсдан чиқмаса бўлди. Бўлмаса, бизнинг фарзандларимизга Пруссиялик оналар алласи айтилади.

Ўзбекистон Республикаси Президенти Шавкат Мирзиёев таъкидлаганидек, “Биринчи – давлат раҳбари – Президентдан бошлаб барча бўғиндаги раҳбарларнинг якуний натижалар учун шахсий жавобгарлиги. Иккинчи – ҳамма соҳада аниқ тартиб ва қаттиқ интизомни таъминлашимиз даркор. Яна бир бор таъкидлайман, ишни биргаликда бажарамиз, натижа учун эса ҳар биримиз шахсан жавоб берамиз”.

Ҳар биримизга Оллоҳим инсоф берсин,

михни қоқаётганда... Хулоса сиздан.

@YoshlarittifoqiSurxon