Байни Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ва Агентии миллии ҳифзи иҷтимоии назди Президенти Ҷумҳурии Узбекистон Ёддошти тафоҳуми ҳамкорӣ дар соҳаи ҳифзи иҷтимоӣ ба имзо расид.

Тавре ба АМИТ «Ховар» аз Вазорати тандурустӣ ва ҳифзи иҷтимоии аҳолии Ҷумҳурии Тоҷикистон хабар доданд, Ёддошти тафоҳум зимни вохӯрии Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода ва директори Агентии миллии ҳифзи иҷтимоии назди Президенти Ҷумҳурии Узбекистон Мансурбек Оллоёров ба имзо расонида шуд.

Дар вохӯрӣ ҷонибҳо доир ба самтҳои мавриди таваҷҷуҳи тарафайн, махсусан ба роҳ мондани ҳамкорӣ байни мутахассисони ду давлат дар самти хизматрасонии иҷтимоӣ ва дигар бахшҳои афзалиятнок мубодилаи афкор намуданд.

Иброз гардид, ки ҳамкории Тоҷикистону Узбекистон дар соҳаи тандурустӣ ва ҳифзи иҷтимоии аҳолӣ дар заминаи сиёсати созандаи сарони ду мамлакат амалӣ мегардад.

Манбаъ: Сомонаи Агентии миллии иттилоотии Тоҷикистон «Ховар»

Нобелевскую премию 2026 года по химии получили француз Анри Б. Каган и японский химик Кенсо Соай за открытие нелинейных эффектов и автокатализа в асимметрическом органическом синтезе. Об этом сообщается на официальном сайте премии.

Многие молекулы, например аминокислоты, существуют в двух формах — зеркальных отражениях друг друга. Но в живых организмах встречается только одна из таких форм. Такое свойство называют гомохиральностью. Долгое время для химиков это свойство оставалось загадкой. «Анри Б. Каган и Кенсо Соаи удостоены Нобелевской премии по химии 2026 года за поиск решения этой загадки», — говорится в пресс-релизе комитета.

В 1986 году Анри Каган заложил теоретическую основу, открыв новый способ управлять химическими реакциями так, чтобы получать больший избыток одной из зеркальных форм молекулы, чем это было возможно ранее.

Кенсо Соаи развил эти идеи на практике. В 1995 году он опубликовал работу о реакции, которая потенциально могла быть гомохиральной, а в 2003 году успешно продемонстрировал реакцию, в которой образуется только одна из двух возможных зеркальных форм.

Открытия ученых имеют большое практическое значение, в частности, они помогают химикам разрабатывать реакции для создания фармацевтических препаратов.

С 1901 по 2025 год были вручены 117 Нобелевских премий по химии. Дважды обладателями Нобелевской премии по химии становились англичанин Фредерик Сенгер и американец Барри Шарплесс. Самому молодому лауреату Фредерику Жолио-Кюри на момент получения премии было 35 лет, самому возрастному Джону Гуденафу — 97 лет.

8 октября станет известен лауреат Нобелевской премии по литературе. 9 октября будет назван лауреат премии мира, а 12 октября — обладатель премии по экономике памяти Альфреда Нобеля, учрежденной Государственным банком Швеции в 1968 году.

Источник: Национальное информационное агентство Таджикистана «Ховар»

7 октябр сафари намояндагони шаҳри Душанбе ба шаҳрҳои Сямэн, Чэнду, Хайнан ва Чиндаои Ҷумҳурии Мардумии Чин оғоз гардид, ки то 17 октябр идома меёбад. Мақсад аз ин сафар таҳкими ҳамкории байналмилалӣ дар соҳаи сайёҳӣ, омӯзиши таҷрибаи пешқадами шаҳрҳои Ҷумҳурии Мардумии Чин, табодули таҷриба, муаррифии имконият ва иқтидори сайёҳии пойтахти Ҷумҳурии Тоҷикистон – шаҳри Душанбе мебошад. Дар ин хусус ба АМИТ «Ховар» аз Раёсати рушди сайёҳии Мақомоти иҷроияи ҳокимияти давлатии шаҳри Душанбе хабар доданд.

Ин сафар дар доираи рушди муносибатҳои дӯстона, ҳамкории бародаршаҳрӣ ва шарикии байнишаҳрии Душанбе бо шаҳрҳои Ҷумҳурии Мардумии Чин амалӣ гардида, ба таҳкими робитаҳои соҳавӣ, густариши ҳамкории иқтисодию сайёҳӣ ва фароҳам овардани заминаҳои нав барои татбиқи ташаббусҳои муштарак равона шудааст.

Ҳадафи асосии сафари корӣ муаррифии имконияту иқтидори сайёҳии шаҳри Душанбе ва Тоҷикистон дар бозори сайёҳии Чин, омӯзиши таҷрибаи пешқадами шаҳрҳои мазкур дар самти рушди сайёҳӣ, инчунин таҳкими ҳамкории мустақим бо мақомоти дахлдор, ширкатҳои сайёҳӣ ва дигар субъектҳои соҳа мебошад.

Иштироки намояндагони мақомоти давлатӣ ва бахши хусусӣ дар ҳайати ягона имконият фароҳам меорад, ки масъалаҳои марбут ба рушди ҳамкории сайёҳӣ ҳамзамон дар сатҳи байнишаҳрӣ ва соҳибкорӣ баррасӣ гардида, барои ба роҳ мондани ҳамкории мустақим заминаи зарурӣ фароҳам оварда шавад.

Дар доираи сафар баргузории мулоқоту вохӯриҳои расмӣ ва корӣ бо масъулини мақомоти маҳаллӣ, сохторҳои соҳавӣ, ширкатҳои сайёҳӣ, операторони туристӣ, намояндагони бахши хусусӣ ва дигар шарикони эҳтимолӣ пешбинӣ шудааст.

Ҳайат бо таҷрибаи шаҳрҳои Сямэн, Чэнду, Хайнан ва Чиндао дар самти рушди инфрасохтори сайёҳӣ, ташкили хизматрасониҳои муосир, ҷалби сармоя, тарғиби маҳсулоти сайёҳӣ, истифодаи технологияҳои рақамӣ ва ташкили чорабиниҳои байналмилалии сайёҳӣ шинос хоҳад шуд.

Ҳамзамон масъалаҳои ташкили ҳамкории мустақими B2B байни ширкатҳои сайёҳии Тоҷикистон ва Чин, таҳияи пешниҳодҳои муштарак, табодули гурӯҳҳои сайёҳӣ, ташкили хатсайрҳои муштарак ва ҷалби ширкатҳои чинӣ ба бозори сайёҳии Тоҷикистон мавриди баррасӣ қарор мегиранд.

Дар доираи барномаи сафар намоиши аксҳои шаҳри Душанбе баргузор гардида, мавзеъҳои таърихиву фарҳангӣ, инфрасохтори муосир, имконияти фароғатӣ, табиати Тоҷикистон ва маҳсулоти сайёҳии шаҳри Душанбе ба иштирокчиён муаррифӣ карда мешаванд.

Манбаъ: Сомонаи Агентии миллии иттилоотии Тоҷикистон «Ховар»

Ноҳияи Шоҳмансури шаҳри Душанбе нақшаи даъвати тирамоҳии ҷавононро ба сафи Қувваҳои Мусаллаҳи Ҷумҳурии Тоҷикистон 100 фоиз иҷро намуд. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии ноҳияи Шоҳмансур хабар медиҳад.

Ин нишондиҳанда далели татбиқи саривақтии чораҳои зарурӣ ва масъулияти баланди сохторҳои дахлдори ноҳия дар самти иҷрои вазифаи муқаддаси шаҳрвандӣ мебошад.

Сарбаландона ва пеш аз муҳлат ба анҷом расонидани маъракаи даъвати тирамоҳӣ аз ҳисси баланди ватандӯстӣ, худшиносии миллӣ ва омодагии ҷавонони ноҳияи Шоҳмансур барои ҳифзи марзу буми Ватан шаҳодат медиҳад. Ин комёбии муҳим дар заминаи дастгирии сиёсати созандаи давлат ва ҷалби фаъоли ҷавонон ба хизмати ҳарбӣ ба даст омадааст.

Ёдовар мешавем, ки тибқи Фармони Президенти Ҷумҳурии Тоҷикистон дар даъвати тирамоҳии имсола шаҳрвандони солҳои таваллуди 1999-2008 Ҷумҳурии Тоҷикистон ба хизмати ҳарбӣ ҷалб мегарданд. Даъвати ҳарбии ҳатмии муҳлатнок дар 1 сол ду маротиба: аз 1 апрел то 31 май ва аз 1 октябр то 30 ноябр анҷом дода мешавад.

Манбаъ: Сомонаи Агентии миллии иттилоотии Тоҷикистон «Ховар»

8 октябр Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон барои иштирок дар ҷаласаи Шурои сарони давлатҳои Иттиҳоди Давлатҳои Мустақил ва Вохӯрии 8-уми машваратии сарони давлатҳои Осиёи Марказӣ ва Озарбойҷон ба Туркманистон сафар карданд.

Дар фурудгоҳи байналмилалии Душанбе Президенти Ҷумҳурии Тоҷикистон муҳтарам Эмомалӣ Раҳмонро Раиси Маҷлиси миллии Маҷлиси Олии Ҷумҳурии Тоҷикистон, Раиси Маҷлиси намояндагони Маҷлиси Олии Ҷумҳурии Тоҷикистон, Сарвазири Ҷумҳурии Тоҷикистон, муовини якуми Роҳбари Дастгоҳи иҷроияи Президенти Ҷумҳурии Тоҷикистон ва дигар шахсони расмӣ гусел намуданд.

Дар ин сафар Президенти Ҷумҳурии Тоҷикистон муҳтарам Эмомалӣ Раҳмонро муовини якуми Сарвазири Ҷумҳурии Тоҷикистон, вазири корҳои хориҷӣ, ёрдамчии Президенти Ҷумҳурии Тоҷикистон оид ба масъалаҳои робитаҳои хориҷӣ, директори Агентии захираҳои моддии давлатӣ ва дигар шахсони расмӣ ҳамроҳӣ мекунанд.

Манбаъ: Сомонаи Агентии миллии иттилоотии Тоҷикистон «Ховар»

С 5 октября 2026 года в полном объёме вступили в силу положения Меморандума о взаимопонимании между Правительством Республики Таджикистан и Правительством Исламской Республики Иран об аннулировании виз для владельцев общегражданских заграничных паспортов. Об этом сообщает Министерство иностранных дел Республики Таджикистан.

В соответствии с положениями Меморандума о взаимопонимании граждане Республики Таджикистан и Исламской Республики Иран — владельцы действующих общегражданских заграничных паспортов — могут въезжать, пересекать или временно находиться на территории государства другой стороны без визы сроком до 30 дней в течение 90-дневного периода.

Данный режим действует через международные пограничные переходы, включая наземные переходы, международные аэропорты и воздушные маршруты из третьих стран, с соблюдением требований национального законодательства обоих государств.

Источник: Национальное информационное агентство Таджикистана «Ховар»

Вазорати энергетика ва захираҳои оби Ҷумҳурии Тоҷикистон ба маълумоти соҳибкорон ва субъектҳои хоҷагидор мерасонад, ки тибқи қарори Ҳукумати Ҷумҳурии Тоҷикистон аз 28 августи соли 2026 «Дар бораи Тартиби додани иҷозатномаҳо, ҳуҷҷатҳои иҷозатдиҳӣ, санадҳои тасдиқ ва мувофиқа, қабули огоҳиномаҳо», фурӯши неруи барқ тавассути истгоҳҳои пуркунии воситаҳои нақлиёти барқӣ ҳамчун намуди фаъолияти махсус муқаррар карда шудааст.

Дар ин хусус АМИТ «Ховар» бо истинод ба Вазорати энергетика ва захираҳои оби Ҷумҳурии Тоҷикистон иттилоъ медиҳад Вазорат ба таваҷҷуҳи ҳамаи соҳибкорон ва субъектҳои хоҷагидоре, ки ба фурӯши неруи барқ тавассути истгоҳҳои пуркунии воситаҳои нақлиёти барқӣ машғуланд ё дар оянда чунин фаъолият ба роҳ монданиянд, мерасонад, ки барои анҷом додани фаъолият гирифтани иҷозатномаи махсус аз Вазорати энергетика ва захираҳои оби Ҷумҳурии Тоҷикистон ҳатмӣ мебошад.

Соҳибкорон ва субъектҳои хоҷагидори дахлдорро зарур аст, ки барои ба расмият даровардани фаъолият ва гирифтани иҷозатномаи махсус тибқи тартиби муқарраргардида ба сомонаи ijozat.mewr.tj ворид гардида, худро ба қайд гиранд ва номгӯйи ҳуҷҷатҳои заруриро дохил намоянд.

Ҳамзамон метавонанд ба Вазорати энергетика ва захираҳои оби Ҷумҳурии Тоҷикистон муроҷиат намоянд.

Манбаъ: Сомонаи Агентии миллии иттилоотии Тоҷикистон «Ховар»

Дар ноҳияҳои Исмоили Сомонӣ ва Синои шаҳри Душанбе қубурҳои гармидиҳӣ ба таври санҷишӣ ба кор оғоз намуданд. Дар ин хусус ба АМИТ «Ховар» аз Муассисаи «Шабакаҳои гармидиҳии шаҳри Душанбе» хабар доданд.

Шоҳқубурҳои марказҳои барқу гармидиҳии шаҳри Душанбе бо об пур ва барои таъмин намудани 4 ноҳияи шаҳри Душанбе пурра омода буда, марҳила ба марҳила ба кор шуруъ менамоянд.

Имсол дар умум 3 ҳазору 300 бино ва иншоот бо гармӣ таъмин мешаванд. Бо ин мақсад аз сокинон хоҳиш карда мешавад, ки қубурҳо ва таҷҳизоти гармидиҳии хона ва коргоҳу идораҳои худро санҷанд ва барои қабули оби гарм омода кунанд.

Ҳамасола дар фасли зимистон истифодаи барқ дар шаҳри Душанбе зиёда аз ду баробар афзоиш ёфта, пойтахт ба истеъмолкунандаи азими неру табдил меёбад. Дар ин замина ҳангоми истифодаи гармии дар марказҳои барқу гармидиҳӣ истеҳсолшуда дар пойтахт неруи барқ сарфа мегардад, ки ин барои таъминоти барқ дар саросари ҷумҳурӣ манфиатбахш аст.

Бояд гуфт, ки дар замони муосир рушди муътадили ҳама соҳаҳои иқтисодиёт дар навбати аввал аз истифодаи сарватҳои табиӣ, аз ҷумла захираҳои гидроэнергетикӣ вобастагии калон дорад. Ҳукумати Ҷумҳурии Тоҷикистон бо мақсади ҳалли масъалаҳои вобаста ба рушди ин соҳаи стратегӣ, яъне энергетика, хусусан солҳои охир ба бунёд намудани иқтидори нав вусъат мебахшад. Ин гуна иқтидори истеҳсолӣ бунёди марказҳои барқу гармдиҳӣ дар мамлакат ба шумор меравад. Ин иқдом метавонад барои расидан ба истиқлолияти энергетикӣ, сарфаи неруи барқ, таъминоти пурра бо барқ ва рушди босуботи соҳаҳои иқтисодиёт заминаи мусоид гузорад.

Манбаъ: Сомонаи Агентии миллии иттилоотии Тоҷикистон «Ховар»

Дар Ҷумҳурии Италия зимни вохӯрии Раиси Кумитаи бехатарии озуқавории назди Ҳукумати Ҷумҳурии Тоҷикистон Муҳаммадсаид Файзуллозода бо роҳбарияти Институти байтории Италия масъалаи идомаи ҳамкории техникӣ баррасӣ карда шуд. Дар ин хусус АМИТ «Ховар» бо истинод ба Кумитаи бехатарии озуқаворӣ хабар медиҳад.

Дар вохӯрӣ масъалаҳои табодули таҷриба ва омӯзиши мутахассисони Ҷумҳурии Тоҷикистон дар лабораторияҳои институт мавриди муҳокима қарор дода шуданд. Таъкид гардид, ки ташкили чунин омӯзишҳо барои таҳкими иқтидори ташхисии лабораторияҳои Тоҷикистон ва татбиқи талаботи байналмилалӣ аҳаммияти муҳим дорад.

Роҳбарияти институт низ барои ҳамкории мақомоти дахлдори Ҷумҳурии Тоҷикистон ва ҷалби мутахассисони тоҷик ба чорабиниҳои омӯзишӣ изҳори сипос намуда, барои идомаи ҳамкорӣ изҳори омодагӣ намуданд.

Мусоҳибон инчунин масъалаи Аккредитатсияи байналмилалии лабораторияҳои Ҷумҳурии Тоҷикистон, аз ҷумла мутобиқ намудани низоми идоракунии сифат, ҳуҷҷатгузорӣ, баланд бардоштани салоҳияти кормандон ва гузаронидани санҷишҳои лабораториро баррасӣ намуданд.

Дар фарҷом ҷонибҳо барои таҳкими ҳамкории илмӣ-техникӣ, идомаи омӯзиши мутахассисон, табодули таҷриба ва дастгирии раванди аккредитатсияи байналмилалии лабораторияҳои Тоҷикистон изҳори омодагӣ намуданд.

Манбаъ: Сомонаи Агентии миллии иттилоотии Тоҷикистон «Ховар»

Президенти Федератсияи ҷудои Тоҷикистон Исмоил Маҳмадзоир барои ҷудокороне, ки Ҷумҳурии Тоҷикистонро дар Бозиҳои Осиёӣ дар шаҳрҳои Айчӣ ва Нагояи Ҷопон муаррифӣ намуда, соҳиби медалҳо мегарданд, ҷоизаҳои махсуси пулӣ таъсис додааст. Дар ин хусус ба шореҳи варзиши АМИТ «Ховар» аз Федератсияи ҷудои Тоҷикистон хабар доданд.

Паҳлавонони тоҷик барои ба даст овардани мақомҳои ифтихорӣ дар ин мусобиқаи бонуфузи қитъавӣ бо маблағҳои пулӣ қадрдонӣ карда мешаванд.

Бояд гуфт, ки агар паҳлавонони тоҷик дар Бозиҳои Осиёӣ дар шаҳрҳои Айчӣ ва Нагояи Ҷопон мақоми аввал, яъне медали тиллоро соҳиб гарданд, бо 150 ҳазор сомонӣ, барои ҷойи дуюм ва медали нуқра бо 100 ҳазор сомонӣ ва барои ҷойи сеюм ва медали биринҷӣ бо 80 ҳазор сомонӣ аз ҷониби Президенти Федератсияи ҷудои Тоҷикистон мукофотонида мешаванд.

Манбаъ: Сомонаи Агентии миллии иттилоотии Тоҷикистон «Ховар»