O‘zbekiston Respublikasi Prezidentining 2024-yil 24-maydagi PF-80-son "Ma`muriy islohotlar doirasida adliya organlari va muassasalarining mas'uliyatini yanada oshirish hamda ixcham boshqaruv tizimini shakllantirish to‘g‘risida"gi Farmonida belgilangan vazifalar ijrosini ta'minlash mahallalarda aholining kundalik hayotida uchraydigan huquqiy muammolarini aniqlash, ularni tahlil qilish va bartaraf etish maqsadida, joriy yilning 3-iyul kuni "Manguzar" MFYda Termiz shahar adliya bo‘limi xodimlari, mahalla yettiligi va boshqa hamkor tashkilotlar bilan birgalikda "Adliya kuni" tadbiri va Sayyor qabul tashkil etildi.

Tadbirda mahalladagi 20 dan ortiq fuqarolar ishtirok etishib, 8 nafar fuqaroga sayyor tartibidagi davlat xizmati ko‘rsatildi. 2 nafar fuqaroning murojaati belgilangan tartibda ko‘rib chiqish uchun adliya bo‘limi bo‘limi tomonidan ro‘yxatga olindi. Shunigdek bir nechta fuqarolar tomonidan bildirilgan huquqiy muammolarga mutaxassislar tomonidan joyida huquqiy tushuntirishlar berildi.

Muallif:

Termiz shahar adliya bo‘lim yuridik xizmat ko‘rsatish markazi

Termiz shahar adliya bo‘limi yuridik xizmat ko‘rsatish markazi xodimlari tomonidan 2024-yil 20-iyun kuni shahardagi umumta'lim maktabi direktorlari va kadrlar bo‘yicha inspektorlari, davlat maktabgacha ta'lim tashkiloti direktorlari uchun O‘zbekiston Respublikasi Prezidentining 2024-yil 24-maydagi PF-80-son "Ma'muriy islohotlar doirasida adliya organlari va muassasalarining mas'uliyatini yanada oshirish hamda ixcham boshqaruv tizimini shaklllantirish to‘g‘risida"gi Farmonining mazmuni-mohiyatini tushuntirildi.

Shu bilan bir qatorda seminar davomida, E-huquqshunos tizimida ishlash bo‘yicha tavsiyalar berilib, mehnat qonunchiligida hujjatlarni rasmiylashtirish tartiblari bo‘yicha nazariy tushunchalar berildi.

Muallif:

Termiz shahar adliya bo‘limi
yuridik xizmat ko‘rsatish markazi boshlig‘i v.b. B.Sharipov

Termiz shahar adliya bo‘limi xodimlari hamda hamkor tashkilotlar tomonidan O‘zbekiston Respublikasi Prezidentning 2024-yil 19-apreldagi “Lotereyalar va tavakkalchilikka asoslangan o‘yinlarni tashkil etish va o‘tkazishni tartibga solishni takomillashtirish chora-tadbirlari to‘g‘risida”gi PF-68-son, 2024-yil 30-apreldagi “O‘zbekiston Respublikasi Prezidentining ayrim farmonlariga o‘zgartirishlar kiritish to‘g‘risida”gi PF-69-son, “Ipoteka kreditlarini ajratish mexanizmlarini takomillashtirish va aholining uy-joy sharoitlarini yaxshilashga oid qo‘shimcha chora-tadbirlar to‘g‘risida”gi PF-70-son Farmonlari, hamda 2024-yil 19-apreldagi “Iqtisodiyotda davlat ishtirokini qisqartirishning qo‘shimcha chora-tadbirlari to‘g‘risida”gi PQ-162-son, ”Davlat ishtirokidagi yirik korxonalarni transformatsiya qilish va xususiylashtirish jarayonlarini jadallashtirish chora-tadbirlari to‘g‘risida”gi PQ-163-son hamda O‘zbekiston Respublikasi Vazirlar Mahkamasining 2024-yil 29-apreldagi “Davlat maktabgacha ta’lim tashkilotlarida bolalar ta’minoti uchun ota-onalar to‘lovi miqdorlarini tasdiqlash to‘g‘risida”gi qarorlarining mazmun-mohiyatini tushuntirish maqsadida, hamda Yoshlar huquqlari davlat himoyasida mavzusida Termiz Davlat universiteti, 11506-sonli Harbiy qismda hamda boshqa bir qator davlat tashkilotlarida targ‘ibot-tadbirlari o‘tkazildi.

Muallif:

Termiz shahar adliya bo‘limi Yuridik xizmat ko‘rsatish markazi.

Joriy yilning 23-may kuni Termiz shahar adliya bo‘limi Yuridik xizmat ko‘rsatish markazi xodimlari V.Nazarov hamda B.Sharipovlar tomonidan 9-sonli umum ta'lim maktabida adliya bo‘limiga biriktirilgan "A.Avloniy" MFY yoshlari o‘rtasida yoshlarning vaqtini mazmunli o‘tkazish, ularda vatanparvarlik, ma'naviy, axloqiy va madaniy qadriyatlarning ustuvorligini oshirish maqsadida "Yosh kitobxon" tanloviga start berilgan edi, belgilangan muddatda eng ko‘p badiiy kitoblar o‘qigan yoshlar orasidan faxrli 3 ta o‘rin sohiblari tanlab olindi va g‘oliblar Faxriy yorliqlari bilan taqdirlandi.

Muallif:

Termiz shahar adliya bo‘limi YXKM

Joriy yilning 15-may kuni Termiz shahar adliya bo‘limi boshlig‘i A.Jabborov va YXKM xodimlari tomonidan 11-sonli umum ta'lim maktabida adliya bo‘limlariga biriktirilgan "Farhod" va "A.Avloniy" MFY yoshlari bilan uchrashuv tashkil etildi.
Uchrashuv davomida yoshlarning muammolari, ularni qiziqtiradigan sohalar bo‘yicha fikrlari eshitildi va ularni vaqtlarini mazmunli, to‘g‘ri tashkil etish, kelgusida huquqiy ko‘mak berish bo‘yicha tavsiyalar berildi.

Muallif:

Termiz shahar adliya bo‘limi YXKM.

Davlatimiz rahbari tomonidan imzolangan qonun (O’RQ-899-son, 19.01.2024 y.) bilan bir qator kodekslarga o‘zgartirish va qo‘shimchalar kiritildi.

Jumladan, Maʼmuriy javobgarlik to‘g‘risidagi kodeksga kiritilgan qo‘shimchaga ko‘ra, quyidagilarga nisbatan javobgarlik belgilandi:

Mobil qurilmaning xalqaro o‘ziga xos identifikatsiya kodini qonuniy ishlab chiqaruvchining ruxsatisiz o‘zgartirish, xuddi shuningdek, ushbu maqsadda maxsus dasturlarni ishlab chiqish, tarqatish yoki ulardan foydalanish BHMning 15 baravaridan 20 baravarigacha miqdorda jarima solishga sabab bo‘ladi.

Bunda huquqbuzarlik sodir etish quroli musodara qilinadi.

Abonent qurilmasining identifikatsiyalash modulini qonuniy ishlab chiqaruvchining yoki uning qonuniy egasining ruxsatisiz o‘zgartirish yoki uning nusxasini yaratish huquqbuzarlik sodir etish qurolini musodara qilib, BHMning 20 baravarigacha miqdorda jarima solishga sabab bo‘ladi.

Kripto-aktivlarni qonunga xilof ravishda olish, o‘tkazish yoki ayirboshlash, litsenziya olmasdan kripto-aktivlar aylanmasi sohasidagi xizmatlar provayderlari faoliyatini amalga oshirish 15 sutkagacha maʼmuriy qamoqqa olishga yoki maʼmuriy qamoq qo‘llanilishi mumkin bo‘lmagan shaxslarga BHMning 20 baravaridan 30 baravarigacha miqdorda jarima solishga sabab bo‘ladi.

Muallif: Termiz shahar adliya bo‘limi YXKM bosh yuriskonsulti B.Sharipov

Termiz shahar adliya bo‘limi Yuridik xizmat ko‘rsatish markazi xodimlari tomonidan, Oʻzbekiston Respublikasi Vazirlar Mahkamasi tomonidan 2024-yil 16-aprel kuni qabul qilingan “Yoqilgʻi-energetika sohasida bozor mexanizmlarini joriy etishning qoʻshimcha chora-tadbirlari toʻgʻrisida”gi 204-son Qarori mazmun-mohiyatini aholiga tushuntirish bo‘yicha joylarda targ'ibot tadbirlari muntazam amalga oshirilmoqda.

Davlat organlari va tashkilotlari xodimlari, mahallalarda hamda tadbirkorlar subyektlari bilan uchrashuvlar tashkil etilmoqda. Shu bilan birga, uyma-uy yurgan holda fuqarolarga 2024-2025-yillarda yoqilgʻi-energetika resurslari narxlarini bosqichma-bosqich oʻzgartirish belgilanganligi, shuningdek, 2024-yilning 1-may sanasidan elektr energiyasi va tabiiy gaz bir oylik isteʼmolining bazaviy meʼyorlari tasdiqlanganligi tushuntirilmoqda.

Muallif: Termiz shahar adliya bo‘limi Yuridik xizmat ko‘rsatish markazi.

Transport vositalarini boshqarish huquqi quyidagi hollarda bekor qilinadi:

-          haydovchining sog`lig`i transport vositasini xafvsiz boshqarishga monelik qiladigan

tarzda yomonlashganligi tibbiy xulosa bilan tasdiqlanganda;

-          haydovchi sodir etgan huquqbuzarlik uchun transport vositasida boshqarish huquqidan

mahrum etilganda;

-          javobgarlik chorasi sifatida transport vositalarini boshqarish huquqidan mahrum etishga

sabab bo`ladigan huquqbuzalikning turlari qonunda belgilanadi.

Transport vositalarini boshqarish huquqidan mahrum etish sud tomonidan belgilanadi.

Muallif:

Termiz shahar adliya bo‘limi

yuridik xizmat ko‘rsatish markazi

bosh yuriskonsulti: B.Sharipov

Joriy yilning 15-yanvar kuni Termiz shahar adliya bo`limida Termiz davlat universiteti o`qituvchisi A.Avliyoqulov va yuridik fakulteti talabalari ishtirokida adliya bo`limlarining faoliyati bilan yoshlarning xabardorligini oshirish hamda bu borada ularga ma’lumotlar taqdim etishga qaratilgan “Ochiq eshiklar kuni” tadbiri tashkil etildi.

Mazkur tadbir davomida yoshlarga adliya bo`limining tarkibidagi Inson huquqlarini himoya qilish va huquqni qo`llash amaliyotini o`rganish, Yuridik xizmat ko`rsatish markazi, FHDY va Davlat xizmatlari markazlarining faoliyatlari bilan yaqindan tanishtirildi. Yoshlarning tarkibiy bo`linmalarning faoliyati bo`yicha berilgan savollariga xodimlar tomonidan atroflicha javoblar berildi.

Tayyorladi

Termiz shahar adliya bo`limi YXKM

bosh yuriskonsulti: B.Sharipov

Joriy yilning 24-oktabr kuni Termiz shahar adliya bo`limi FHDY bo`limi mudirasi M.Sidiqova ishtirokida fuqarolar uchun FHDYO sohasidagi muhim o'zgarishlar, amalga oshirilayotgan ishlar xususida "ochiq muloqot" tashkil etildi.
Bundan tashqari, tadbir davomida "O`zbekiston-2030" strategiyasining vazifalari va maqsadi unda belgilab berilgan yo`nalishlar bo`yicha ham to`xtalib o`tildi.

Muloqot davomida mutaxassis tomonidan fuqarolarning soha bo`yicha savollariga atroflicha javoblar berildi.

Tayyorladi: Termiz shahar adliya bo`limi FHDY bo`limi