Buxoro viloyatida Veterinariya va chorvachilik sohasida amalga oshrilayotgan ishlarni takomillashtirish va ilim fan bilan uzviy bog'lash maqsadida O‘zbekiston Respublikasi veterinariya va chorvachilikni rivojlantirish qo‘mitasi hamda Samarqand veterinariya ilmiy tadqiqot instituti mutaxassislari ishtirokida amaliy seminar o'tkazildi

Tadbirda sohaga aloqador mahalliy mutaxassislar bilan bir qatorda, oliy ta’lim muassasalarining professor-o‘qituvchilari, tajribali fermerlar va viloyatdagi veterinariya xodimlari ishtirok etdi.

Seminar davomida chorvachilik tarmog‘ida zamonaviy yondashuvlar, hayvonlar salomatligini saqlashda profilaktika va diagnostika usullari, emlash jarayonlarini takomillashtirish hamda mahsuldorlikni oshirishga oid tavsiyalar berildi. Shuningdek, ilmiy-nazariy bilimlarni amaliyotga tatbiq etish yuzasidan fikr almashildi.

Tadbir yakunida mutaxassislar o‘rtasida uzviy hamkorlikni kuchaytirish, malaka oshirish va innovatsion texnologiyalarni keng joriy etishga doir taklif va tavsiyalar ilgari surildi.

O'zbekiston Respublikasi Ichki ishlar vazirligi JXD JTSX hamda Veterinariya va chorvachilikni rivojlantirish qo'mitasi va viloyat IIB JXX JTSB mas'ul rahbar xodimlari tomonidan, Buxoro viloyati hududlarida odamlar hamda hayvonlar so'ligi uchun xavf tug'diradiga kasalliklar tarqalishining oldini olish, epizootik va epidemik vaziyatni barqarorlashtirish borasida viloyat Veterinariya va chorvachilikni rivojlantirish boshqarmasining majlislar zalida (IIO Karantin tadbirlarini ta'minlash bo'linmasi, hududiy veterinariya bo'limi) xodimlari ishtirokida yig'ilish o'tkazildi.

Yig'ilishda asosiy e'tibor viloyat hududida faoliyat yuritayotgan dehqon bozorlar, mol bozorlar, qushxonalar, veterinariya-sanitariya talablariga zid ravishda uy sharoitida hayvonlar so'yilishi, ma'muriy amaliyot, oziq-ovqat xavfsizligi, epidemik va epizootik holatni barqarorlashtirish masalalariyuzasidan tegishli chora-tadbirlar belgilashlari bo'yicha mas'ullarga topshiriq va ko'rsatmalar berildi.