Jumladan, yoshlarni tadbirkorlikga jalb qilish, ularning biznes g'oyalari, startap loyihalarini qo'llab - quvvatlash maqsadida 2018 - 2020 - yillar davomida 524 nafar yoshlarning ishlab chiqarish, xizmat ko'rsatish, qishloq xo'jaligi sohalari bo'yicha loyihalari uchun 12 mlrd. 865 mln. 200 ming so'm qiymatidagi imtiyozli kreditlar ajratilib, loyihalarni amalga oshirish jarayonida 2 ming 389 ta yangi ish o'rinlari yaratildi.

Bundan tashqari, viloyatda yoshlarning tadbirkorlik faoliyatini rivojlantirish ularga bo'sh binolarni ijaraga berish uchun 15 ta "Yoshlar mehnat guzari" kompleksi foydalanishga topshirildi.

Yoshlarni biznesga jalb qilishda qo'shimcha shart - sharoitlar yaratish maqsadida 5 ta "Yosh tadbirkorlar" COWORKING markazlari faoliyati yo'lga qo'yildi.

Shuningdek, "Yoshlar - kelajagimiz" Davlat dasturi ijrosi bo'yicha Jizzax viloyatida 1 571 marotaba o'quv - seminarlar, biznes - sayohatlar va turli targ'ibot tadbirlari tashkil etilib, tadbirlarda 49 541 nafar yoshlar ishtiroki ta'minlandi.

O'zbekiston Respublikasi Vazirlar mahkamasining 2019 yil 21 noyabrdagi № 936-son Qaroriga asosan Jizzax viloyatining Do'stlik, Sh.Rashidov va Zomin tumanlarida "Yosh tadbirkorlar" texnologik parklari qurilish ishlari jadal davom etmoqda.

Texnologik parklar ishga tushirilishi ortidan 1 100 nafar yoshlar bandligi ta'minlanishi rejalashtirilgan

"Yoshlar - kelajagimiz" jamg'armasi tomonidan qishloq xo'jaligi faoliyatini rivojlantirish, eksportbop mahsulotlar yetishtirish, qishloq xo'jaligi sohasiga qiziquvchi yoshlarni qamrab olish, "Yoshlar daftari"ga kiritilgan yoshlar bandligini ta'minlash maqsadida "Yoshlar agroklasteri" tashkil etilishi rejalashtirilgan.

O'zbekiston Respublikasi hududida koronavirus pandemiyasi kirib kelishi davomida kam ta'minlangan va doimiy ish bilan ta'minlanmagan oilalar daromad manbai te'ran ma'noda uzilishlar bo'ldi desak mubolag'a bo'lmaydi.

Shunday, og'ir vaziyatlarda Jizzax viloyatida o'z faoliyatini yo'lga qo'ygan yosh tadbirkorlar tashabbusi bilan "Saxovat va ko'mak" umumxalq harakati dasturi doirasida oilalarga ko'mak berildi.

O'zbeksiton Respublikasi Prezidentining 2020 yil 13 oktyabrdagi PQ-4862-son Qaroriga asosan tadbirkorlik faoliyatini boshlash istagida bo'lgan 70 nafar yoshlar kasb - hunar va biznes ko'nikmalarini shakllantirish bo'yicha o'qitildi hamda o'quv kursini muvaffaqiyatli tamomlagan yoshlarga AT "Mikrokreditbank" tomonidan imtiyozli kreditlar ajratish uchun sertifikatlar berildi.

Компания 2035 йилгача барча дизель ёқилғиси ва бензин билан ишлайдиган автомобиллар, юк машиналари ва йўлтанламас автомобиллардан воз кечишни режалаштирмоқда. Ушбу ташаббус 2040 йилгача углерод чиқиндиларини камайтиришга қаратилган.

«Биз тўсиқлар ва технология муаммолари борлигини биламиз, аммо бизда мавжуд ресурслар ва тажриба билан ушбу қийинчиликларни енгиб, келажакда ривожланиб борадиган муваффақиятли бизнес моделини яратишимиз мумкинлигига аминмиз», деди GM бош ижрочи директори Дейн Паркер.

2025 йилга келиб компания 30 та янги электромобиль ишлаб чиқаришни режалаштирмоқда. GM 2035 йилгача АҚШ ва бутун дунёда ўз автомобилларини энергия билан таъминлаш учун юз фоиз қайта тикланадиган энергиядан фойдаланишни мақсад қилиб қўйган.

Манба: developer

Rasmiy sahifalarimiz:

Telegram

Facebook

Online murojaat

Feedback

Жон Рокфеллер, Роберт Кийосаки, Дэйв Рэмси ва Жорж Клейсон молиявий фаровонлик сирларини ўртоқлашадилар.

1. Даромадлар ва ҳаражатларни назорат қилинг

Аввало, ҳозирда пулларингиз ҳолати қай даражада эканлигини тушуниш зарур. Рокфеллер доим кирим-чиқимни ёзиб боришни маслаҳат қилган. Унинг ўзи ҳар бир келган, сарфланган ва инвестицияга киритилган доллар ҳисобини юритган.

Биринчидан, ҳаражатларингизни ёзишни бошланг. Бунинг учун сўнгги уй ой давомидаги банк ҳисобрақамларингиз ҳамда картлара бўйича кўчирмаларни кўздан кечиринг.

Энди ўзингиз учун устуворликларни белгилашга уриниб кўринг. Аввалги қарорларингиз келажакни белгилаб бериши шарт эмас. Ҳозирда сиз учун энг муҳими нима эканлигини ўйлаб кўринг. Балки кўчмоқчидирсиз? Саёҳатга бормоқчимисиз? Кредитдан қутулишни истайсизми? Ўзингиз танланг.

2. Аввал ўзингизга тўланг

Клейсон биринчилардан бўлиб олинган даромаднинг 10 фоизини четга қўйишни таклиф қилган. Бу усулдан ҳар қандай маблағда фойдаланиш мумкин. Клейсоннинг айтишича, олинган даромаднинг 90 фоизи ва 100 фоизига яшаш орасида ҳеч қандай фарқ сезилмайди. Лекин, шу йўл билан аста-секин мақсадларингизга эришиш учун зарур маблағ тўпланади.

Бу усулни ҳеч бўлмаганда уч ой давомида қўллашга уриниб кўринг ва натижасини кўринг. Пулнинг 10 фоизини четга қўйишни унутмаслик учун алоҳида ҳисобрақамига автомат равишда маблағ ўтказилишини ташкил қилинг.

3. Камтаринроқ яшанг

Реклама ва оммабоп маданият бахтни сотиб олиш мумкинлигига бизни қайта-қайта ишонтириб келади. Аслида, қалбимиз тубида янги машина ёки охирги русумдаги iPhone барибир ҳаётдан тўлақонли завқ олишга ёрдам бермаслигини тушунамиз.

Рэмси харидларга нисбатан ёндашувни ўзгартиришни ва камтарроқ яшашни маслаҳат қилади. Сизга чиндан ҳам янги телефон ёки янги пойабзал керакми? Унутманг, пулни сарфлаш осон, топиш эса қийин.

4. Фаол ва нофаол буюмлар фарқини тушунинг

Бу маслаҳат кўпроғига эришишни истаганлар учун тўғри келади. Масалан, сиз эртароқ нафақага чиқишни ёки вақтингизни ҳайрия ишларига бағишлашни орзу қиласиз. Эҳтимол, фарзандларингиз таълими учун тўлашни хоҳларсиз ёки шунчаки қўшимча даромад манбаларини излаётгандирсиз. Кийосаки бунинг учун фаол ва нофаол буюмларни фарқлай олиш зарурлигини таъкидлайди. Унинг таърифи бўйича фаол нарсалар чўнтагингизга пул “солади”, нофаоллари эса – уларни “чиқаради”.

Бундай тоифалаш бўйича фаоллар қаторига даромад келтирувчи кўчмас мулк, қимматли қоғозлар, муаллифлик мукофотлари, инвестициялар, яъни фойда келтирувчи ҳамма нарсани қўшиш мумкин. Бу орада уй, машина, турли гаджетлар, кредитлар нофаол нарсалардир.

Кийосаки ўз ишингизда меҳнат қилишда давом этган ҳолда, унга кўр-кўрона ишониб қолмасдан, келажакни ўз қўлингизга олишни маслаҳат қилади. Давлат ёки бошқа кимдир яшашингизни таъминлаб беришига ишонмаслик керак. Сиз ўзингизга ғамхўрлик қилишингиз зарур.

Манба: LifeHaq.uz

Rasmiy sahifalarimiz:

Telegram | Facebook | Feedback|

Nodavlat ta’lim xizmatlari ko’rsatish sohasidagi faoliyatni litsenziyalash tartibi to’g’risidagi nizomga ko’ra, Nodavlat ta’lim xizmatlari ko’rsatish sohasidagi faoliyat turiga litsenziyalarni Ta’lim sifatini nazorat qilish davlat inspektsiyasi beradi.

Chet tillarni o’rganish bo’yicha o’quv kurslarini litsenziyalash Qoraqalpog’iston Respublikasi Vazirlar Kengashi, viloyatlar va Toshkent shahar hokimliklari tomonidan amalga oshiriladi.

Ta’limning har bir turi uchun alohida litsenziya 5 yil muddatga beriladi. Bunda quyidagi talab va shartlar qo’yiladi:

• ta’lim sohasidagi qonun va qonunosti hujjatlariga majburiy rioya qilish;
• ta’lim-tarbiya jarayonini davlat ta’lim standartlariga (davlat talablariga), o’quv rejalariga va ta’lim dasturlariga muvofiq tashkil etish;
• litsenziya da’vogarida litsenziyalanayotgan faoliyatni bajarish uchun mo’ljallangan, unga mulkiy yoki boshqa ashyoviy huquq bilan tegishli bo’lgan, belgilangan talablarga muvofiq binolarning (xonalarning) mavjud bo’lishi;
• auditoriyalarni, o’quv xonalarini zamonaviy axborot-kommunikatsiya asbob-uskunalari, o’qitishning texnik vositalari va anjomlar bilan jihozlash;
• ta’lim dasturlarining belgilangan darajasini amalga oshirish uchun o’quv binolarini zarur darsliklar, o’quv-metodik adabiyotlar va boshqa kutubxona-axborot resurslari hamda vositalari bilan ta’minlash;
• ta’lim dasturlarini umumiy, o’rta maxsus, kasb-hunar va oliy ta’lim davlat ta’lim standartlariga muvofiq, shuningdek, maktabgacha ta’lim, maktabdan tashqari ta’lim, kadrlar malakasini oshirish va ularni qayta tayyorlashga qo’yiladigan davlat talablariga muvofiq amalga oshirish;
• ta’limning majburiy ravishda dunyoviy xarakterda bo’lishi, ta’lim jarayonida urushni, zo’ravonlikni targ’ib qilishdan foydalanishga, fuqarolarning konstitutsiyaviy huquqlari va erkinligi kamsitilishiga, mamlakatdagi xavfsizlik va ijtimoiy-siyosiy barqarorlikka, jamiyatning huquqiy va ma’naviy asoslari, fuqarolar osoyishtaligiga, millatlararo va dinlararo totuvlikka raxna solinishiga, O’zbekiston Respublikasi to’g’risida noto’g’ri axborotlar tarqatilishiga hamda uning tarixiy, madaniy va ma’naviy qadriyatlari buzib ko’rsatilishiga yo’l qo’ymaslik;
• iqtidorli bolalar va iste’dodli yoshlarni aniqlash va qo’llab-quvvatlash orqali ta’lim-tarbiyaning yuqori sifatini ta’minlaydigan qulay shart-sharoitlar yaratish;
• ilg’or xalqaro tajribalarni inobatga olib, o’qitishning innovatsion shakllari hamda zamonaviy texnologiyalaridan foydalanish asosida ta’lim sohasidagi samaradorlik va natijadorlikni oshirish;
• ijtimoiy himoyaga muhtoj oilalarning qobiliyatli va iqtidorli farzandlarini tanlov asosida muassasadagi jami tarbiyalanuvchilar, o’quvchilar umumiy sonining 10%idan kam bo’lmagan miqdorda bepul o’qishga qabul qilish;

bitiruvchilarga belgilangan tartibda ta’lim to’g’risida hujjat berish.

Litsenziya olish uchun Davlat xizmatlari markaziga yoki YAIDXP orqali quyidagi hujjatlar taqdim etiladi:

1. litsenziya berish to’g’risidagi ariza, unda tashkiliy-huquqiy shakli (1.01.2018 yildan boshlab istalganini tanlash mumkin), joylashgan joyi (pochta manzili), ta’lim faoliyatini amalga oshirish joyining manzili, bank muassasasining nomi va bankdagi hisob raqami, faoliyatning litsenziyalanayotgan turi, ta’lim faoliyati yo’nalishlari ro’yxati, shuningdek litsenziya da’vogarining litsenziya talablari va shartlariga rioya qilishi to’g’risidagi roziligi hamda elektron manzili ko’rsatiladi (agar elektron manzili ko’rsatilgan bo’lsa, barcha xabarlar unga keladi);
2. pedagog kadrlar haqida ma’lumot;
3. o’quv rejasi va dasturlarining elektron nusxalari;
4. ariza ko’rib chiqilganligi uchun litsenziya da’vogari tomonidan yig’im (EKIHning 2 baravari) to’langanligini tasdiqlovchi hujjat nusxasi.

Ta’lim sifatini nazorat qilish davlat inspektsiyasi arizani qabul qilgandan so’ng 10 kun ichida (inspektsiyaga ariza Davlat xizmatlari markazi yoki YAIDXP orqali o’sha kunning o’zidayoq yuboriladi) hujjatlarni hamda litsenziya da’vogarining litsenziya talablari va shartlariga muvofiqligini o’rganadi, shuningdek javob beradi.

Litsenziya berish rad etilgan bo’lsa, ariza takroran ko’rib chiqilgani uchun yig’im undirilmaydi. Litsenziya berishni rad etish to’g’risida avvalgi bildirishnomada ko’rsatilmagan yangi asoslar bo’yicha litsenziya berishni rad etishga yo’l qo’yilmaydi.

Litsenziya berganlik uchun EKIHning 10 baravari miqdorida davlat boji undiriladi. U to’langandan keyin ruxsat beruvchi hujjat 1 kun ichida beriladi.

Manba: civil.uz - Yuridik maslahati portali va O'zbekiston Respublikasi Vazirlar Mahkamasining 2018 yil 27 martdagi "Nodavlat taʼlim xizmatlari koʼrsatish sohasidagi faoliyatni litsenziyalash tartibini takomillashtirish toʼgʼrisida"gi 241-son Qarori

Rasmiy sahifalarimiz:

Telegram | Facebook | Feedback |

Бутун дунёда компьютер ускуналарини сотиш бизнеснинг замонавий ва рақобатбардош соҳаларидан бири ҳисобланади. Бу бозорнинг гуркираб ривожланиши бир нечта омилларга боғлиқ. Масалан, аҳоли фаровонлигининг ошиши, компьютер технологиялари янги моделларининг пайдо бўлиши, инновациялар, илмий-техникавий тараққиёт ва бошқалар. Статистика маълумотларига кўра, чакана савдонинг 40 фоизи ахборот технологияларига тўғри келади. Ўзбекистон бозорида ҳам энг машҳур компьютер ускуналарини етказиб берувчилар — Samsung, Asus, Lenovo, Acer ва HP ҳисобланади. Кўплаб мамлакатларда компьютерларнинг асосий импортчиси Хитойдир.

2017 йилда компьютер ускуналари бозоридаги савдонинг пасайишига мобиль қурилмалар (телефонлар, планшетлар, трансформация бўлган ноутбуклар)нинг пайдо бўлиши таъсир кўрсатди. Ҳозирги кунда эса бу соҳанинг ишлаб чиқарадиган товарларига бўлган эҳтиёж ҳар қачонгидан юқорироқ.

Юқоридаги статистика шуни кўрсатадики, янги бошланаётган тадбиркор компьютер ускуналари бозорида ўз жойини ишончли эгаллаши ва келажакда ривожланишига эришиш мумкин.

Лойиҳанинг қисқача мазмуни

Дастлабки харажатлар: 30 000 доллар (каттароқ дўкон учун).

Кўрсатиладиган хизматлар: компьютер техникасининг чакана савдоси.

Ойлик соф даромад: 4000 доллар.

Тўлов муддати: 1-2 йил.

Ўз дўконини очишдан олдин тадбиркорга 160 квадрат метрлик хона керак бўлади. Ушбу майдон асосий залдан ташқари сақлаш жойини ҳам ўз ичига олади.

Дўконнинг жойлашуви учун шаҳар марказида жойлашган улкан савдо марказида айни муддаодир. Хонани узоқ муддатли ижарага олиш тавсия қилинади.

Ташкилот савдо майдончаси ва катта омборхона учун жойларни ўз ичига олиши керак. Корхонада сотиладиган барча турдаги маҳсулотларни веб-сайтда намойиш этинг.

Бўлим онлайн ва офлайн режимда ишлайди. Бу шуни англатадики, сотилган маҳсулотларнинг камроқ қисми дўкон пештахтасида намойиш этилади. Қолган ассортиментни компаниянинг веб-сайтида намойиш қилиш ва сотиб олиш мумкин бўлади. Асосий ҳаракат реклама ва таргетинга боғлиқ бўлади.

Ушбу дўкон ўз мижозларига қуйидаги хизмат турларини таклиф этади:

• Истеъмолчиларга телефон орқали, веб-сайт ва тўғридан-тўғри савдо майдончасида маслаҳат-консультация бериш.
• Компьютер ускуналари, эҳтиёт қисмлари ва жиҳозларини сотиш.

Дўкон тайёр компьютер ускуналари ва энг машҳур қисмларни сотиш билан шуғулланади. Тадқиқотлар шуни кўрсатдики, компьютер техникаси дўконлари даромадларининг катта қисми компьютер аксессуарлари, картриджлар, флеш карталар, наушниклар каби товарларга тўғри келар экан.

Дастлаб сотиладиган маҳсулотлар нархи бозордаги нархлардан 5-7 фоиз пастроқ таклиф қилиниши тавсия этилади.

Режа

Компьютер ускуналари дўконини очиш бўйича операцион режа қуйидаги босқичларни ўз ичига олади:

1. Хона ижараси. Жой эгаси билан узоқ муддатли шартнома тузиш.

2. Бизнеснинг ҳуқуқий томонларини ҳал қилиш босқичи (сертификатлаш ва лицензиялаш шарт эмас).

3. Таъмирлаш ва безаш ишларини амалга ошириш.

4. Ташкилотни давлат реестрига киритиш, уни солиқ органларида ва бошқа маъмурий органларда рўйхатдан ўтказиш (СЭС, ёнғин хизмати).

5. Веб-сайт яратиш.

6. Мебель ва зарур жиҳозларни сотиб олиш.

7. Ходимларни танлаш.

8. Товарларни сотиб олиш.

9. Маркетинг стратегиясини ишлаб чиқиш.

10. Дўконнинг очилиши.

Бинони танлаш

160 квадрат метр майдонга эга компьютер дўкони шаҳар ўртасидаги савдо марказида бўлади. Жойни танлаш шаҳар аҳолиси зичлиги билан боғлиқ.

160 квадрат майдонда товарларни намойиш қилиш учун майдон, омборхона, ходимлар хонаси ва ювиниш хонаси жойлашган бўлиши керак. Кўргазма зали ижарага олинган бинонинг 50 фоизини ташкил қилади.

Керакли товарлар

Дўконнинг ассортименти қуйидаги компьютер ускуналаридан иборат бўлади:

• Мониторлар ва тизим бирликлари;
• Комплект товарлар (видео карталар, процессорлар);
• Клавиатуралар ва сичқончалар;
• Принтерлар, сканерлар, ксерокслар;
• Ноутбук ва нетбуклар;
• Хотира карталари;
• Эшитиш воситалари;
• Компьютер учун кабеллар ва бошқалар.

Мижозларга таклиф этилаётган маҳсулотларнинг барча турларини савдо майдончасига жойлаштириш қийин. Шунинг учун дўкон ойналарида фақат янги маҳсулотлар ва энг кўп сотиладиган товарлар туриши керак. Тўпламнинг қолган қисми компаниянинг расмий веб-сайтига жойлаштирилиши зарур.

Виртуал мижозлар учун шаҳар атрофида ва шаҳар ташқарисида етказиб бериш хизматини ташкил этиш зарар қилмайди.

​

Даромад ва хулоса

Тахминий даромадни ҳисоблашда сиз ўртача ҳисоб-китобни олишингиз керак. Бундан ташқари бизнес жойлашган маълум бир шаҳарнинг аҳолисини, савдо шохобчасининг жойлашган жойи, ушбу ҳудудда яшовчиларнинг харид қуввати, рақобатдош фирмаларнинг жойлашишини ҳисобга олиш керак.

Корхонада қарзни қоплашнинг ўртача муддати 1 йилни ташкил этади, аммо амалда бу муддат 3 йилдан 4 йилгача бўлиши ҳам мумкин.

Шунга қарамай, бизнеснинг рентабеллиги юқори. Катта миқдордаги капиталга қарамай, лойиҳа барча бошланғич харажатларни қоплайдиган яхшигина фойда келтиради.

Ҳисоб-китоблар ушбу бизнес-режа мустақил бирлик сифатида ёки тадбиркорнинг мавжуд режасига қўшимча сифатида амалга ошириш учун мўлжалланган. Ушбу лойиҳа шуни кўрсатадики, савдо бозорида компьютер савдоси энг қиммат ва ўз ўрнида энг қийинларидан биридир. Фақатгина ўз молиявий лойиҳасига эга бўлган ва унга ишонган тадбиркоргина ушбу бизнес турини амалга ошириши мумкин, чунки ҳар йили бозорда рақобатдош компаниялар кўпайиб бормоқда.

Йўлнинг бошида умидсизликка тушманг ва биринчи қийинчиликларга дуч келганда таслим бўлманг. Ахир фақат юрган одам йўлни босиб ўтиши мумкин, омад!

Манбаа: Бизнес ривож

Rasmiy sahifalarimiz:

Telegram | Facebook | Feedback | Biznesga qadam

Вилоят статистика бошқармаси маълумотларига кўра 2021 йил 1 январь ҳолатига вилоятимиз ҳудудларининг доимий аҳолиси сони қуйидагича:

• Жиззах шаҳри - 180,7 минг киши
• Арнасой тумани - 46,6 минг киши
• Бахмал тумани - 159,3 минг киши
• Ғаллаорол тумани - 175,0 минг киши
• Шароф Рашидов тумани -226,1 минг киши
• Дўстлик тумани - 66,5 минг киши
• Зомин тумани - 166,9 минг киши
• Зарбдор тумани - 88,2 минг киши
• Мирзачўл тумани - 52,7 минг киши
• Зафаробод тумани - 50,5 минг киши
• Пахтакор тумани- 75,7 минг киши
• Фориш тумани - 93,8 минг киши
• Янгиобод тумани - 28,6 минг киши

Жиззах вилояти статистика бошқармаси

“Демография ва меҳнат статистикаси бўлими

“Кредит олиш учун ушбу кредит билан боғлиқ бир қанча ҳаражатлар қилишга мажбур бўлдим.” – бу Сизга таниш сўзлар бўлса керак. Маълумки, банкдан олинаётган ҳар қандай кредит бўйича унинг турига қараб, уни олиш, фойдаланиш ва тўлаш билан боғлиқ бўлган ҳаражатлар юзага келади.
Ушбу ҳаражатлар қарздор томонидан банк ёки бошқа шахслар (масалан, гаров мулкини баҳоловчи ташкилот, суғурта компаниялари ва бошқалар) фойдасига тўланадиган пуллар бўлиши мумкин.

Бундай ҳаражатлар, кредитнинг асосий қарзи ва фоизлари билан биргаликда кредитнинг тўлиқ қийматини ташкил этади. Бунда, ҳаражатлар бир вақтнинг ўзида тўланмайди ва ўларнинг тўлови ва миқдори кредит тури ва кредит таъминотига қараб юзага келади.

Шундай қилиб, кредитнинг тўлиқ қиймати деганда, истеъмол кредити ёки қарз олиш билан боғлиқ барча тўловларни ҳисобга олган ҳолда кредит қайтарилганидан кейинги реал фоиз ставкаси тушинилади.

Масалан кредитнинг йиллик фоиз ставкаси 20% бўлса, кредитнинг тўлиқ қиймати йиллик 23% дан тўғри келиши мумкин. Aйнан бу кўрсаткич банклар таклиф этаётган кредит маҳсулотини солиштиришга ва энг мақбулини танлашга имкон яратади.

Кредитнинг тўлиқ қийматига кредит тури ва гаров таъминоти турига қараб қуйидаги ҳаражатлар киради:

1. Aсосий қарз ва фоизлар бўйича тўловлар. Ушбу тўловлар мажбурийдир;

2. Банк фойдасига амалга ошириладиган тўловлар — кредитни расмийлаштириш ва ундан фойдаланиш давомидаги комиссион тўловлар. Бунда, Сиз кредитни ўз вақтида тўламаганингиз учун ҳисобланган жарима, пеня ва неустойкалар кредитнинг тўлиқ қийматига киритилмайди;

3. Гаров таъминоти сифатида кредит қайтмаслик хатаридан суғурталаш бўйича амалга оширилган тўловлар (полис), агар кредит гаров мулки сифатида ушбу таъминот турини тақдим этаётган бўлсангиз;

4. Гаров мулкини (автотранспорт, ускуна, кўчмас мулк) суғурта қилишда суғурта ташкилотига тўланадиган тўловлар, агар кредит гаров мулки сифатида ушбу таъминот турини тақдим этаётган бўлсангиз;

5. Гаров таъминоти сифатида кафиллик (кафолат) олиш учун кафил (кафолат берувчи)га тўланадиган тўловлар, агар кафил Сиздан бундай тўловни амалга оширишни талаб этса;

6. Гаров мулкини баҳолаш учун баҳоловчи ташкилотга тўланадиган тўловлар, агар кредит таъминотига бундай гаров мулкини (кўчмас мулк, автотранспорт, ускуна, қимматбаҳо тош кабилар) тақдим этаётган бўлсангиз;

7. Кредит олиш учун ҳужжатларни тайёрлаш, уларни банкка топшириш хизматларини кўрсатувчи ташкилотлар (воситачилар)га тўланадиган тўловлар. Бундай ҳаражатлар ҳақиқатда тўланган вақтда ҳисоби юритилади.

Юқоридагилардан хулоса қиладиган бўлсак, кредитнинг тўлиқ қиймати кредит ҳужжатларини тайёрлашдан бошлаб, то уни охирги тўловларини амалга оширгунга қадар кредит бўйича барча тўловларни ҳисобга олган ҳолда ҳисобланиши керак.

Кредит тарихи

Кредит тарихи умр давомида бир марта бўлса ҳам банклар, микрокредит ташкилотлари, ломбардлар, лизинг компаниялари ва маиший техника, мебель ва шу каби дўконларнинг кредит хизматларидан фойдаланган ҳар қандай инсонда мавжуд.

Кредит тарихи – бу Сизнинг қаердан, қайси кредит ташкилотидан, қанча миқдорда қарз олганингиз ва кейинчалик уни қандай тўлаганингиз тўғрисида батафсил маълумот, яъни бу Сизнинг қарз олувчи сифатида молиявий интизомингиз аксидир.

Ўзбекистон Республикасининг “Кредит маълумотлари алмашинуви тўғрисида”ги Қонунига асосан кредит тарихи қарздорнинг сўнгги беш йил ичидаги мажбуриятлари тўғрисидаги маълумотларни ўз ичига олиб, қуйидагиларни акс эттиради:

• қарздор тўғрисида;
• жорий ва ёпилган кредитлар, товар кредитлари қиймати, расмийлаштирилган санаси, муддати ва қолдиғи тўғрисида;
• муддати ўтган қарздорликлар тўғрисида;
• жорий ва ёпилган кредитга қўйилган гаров мулки ва мулк эгаси тўғрисида;
• суд жараёнидаги кредитлар тўғрисида;
• кредит тарихи шаклланган сана ва уни тайёрлаган ташкилот тўғрисида.

Шу билан бир қаторда, кредит тарихи тўғридан-тўғри қарздор тўғрисидаги маълумотлардан ташқари лизинг олувчи, кафил, кафолатчи, гаровга қўювчи ҳамда кредит битими бўйича суғурталовчи сифатида қатнашувчи жисмоний ва юридик шахслар тўғрисидаги маълумотларни ҳам ўзида жамлайди. Кредит маълумотларни йиғиш билан Кредит бюроси шуғулланиб, улар Марказий банк томонидан берилган лицензияга асосан фаолият юритади.

Кредит бюроси нафақат жисмоний ва юридик шахс бўлган қарздорларнинг маълумотлар базасини шакллантириш мақсадида балки, ушбу маълумотлар билан алмашиш учун банклар, микрокредит ташкилотлари, ломбардлар, лизинг компаниялари ва айрим дўкон (ритейлер)лар билан ҳамкорлик олиб боради. Кредит бюроси, қарздорларнинг молиявий ҳолатини, шунингдек, қарзни қайтара олиш қобилиятини баҳолайди, шунингдек, қарздорларни баҳолаш рейтинги тизимини (скоринг) шакллантиради.

Шундай қилиб, қандай яхши кредит тарихини шакллантириш мумкин?

• Мобил телефон ва бошқа қурилмаларга кредитни қайтариш жадвалига мувофиқ белгиланган тўлов саналарини эслатмага жойлаштиринг;
• Кредит бўйича амалга оширилган навбатдаги тўловдан сўнг, ҳар сафар банк ходимидан, мобил иловаси ёки веб-сайтдаги шахсий кабинетингиз орқали текшириб боринг.

Сиз Кредит бюросидан ҳеч қандай сабабларни кўрсатмасдан, йилига фақат бир марта текинга ва исталганча пуллик асосда ўз кредит тарихингиз тўғрисидаги маълумотни олиш ҳуқуқига эгасиз.

Гаров
Гаров – мижозга кредит ажратишда таъминотнинг бир туридир. У мулк, закалат, ҳуқуқлар ва товар кўринишида бўлиши мумкин.

Кредит таъминотига тақдим этилган мулк, закалат, ҳуқуқлар ва товар кредит асосий қарзи ва фоизларининг тўлиқ қайтарилишига гаров ҳисобланади. Шу муносабат билан, гаров баҳоси кредит суммасидан ўртача 20-30 фоизга кўпроқ бўлиши керак. Кредит тўловлари муддатида қайтарилмаган тақдирда, кредит тўловларини ундириш гаровга қўйилган таъминотга қаратилади.

Кредит таъминоти учун бир нечта гаров турларидан фойдаланиш мумкин. Улар:

Мулк:
кўчар мулк (автомобил, ускуна, техника) ва кўчмас мулк (турар ва нотурар жой).

Закалат:
қимматбаҳо металлар (заргарлик буюмлари, олтин ва кумуш тангалар).

Ҳуқуқлар:
қимматли қоғозлар (депозит сертификатлари, акциялар);
ерга ёки мулкка эгалик ва фойдаланиш ҳуқуқлари.

Гаровга қўйиладиган мол-мулк албатта баҳоланиши, суғурта қилиниши ва гаров шартномаси билан тасдиқланиши керак. Бундай шартлар мажбурий бўлиб кредитнинг тўлиқ қийматига таъсир қилади.

Кредит муддати давомида гаров эгаси мулкка (закалат тарздаги гаровдан ташқари) эгалик қилиш ва улардан фойдаланиши мумкин. Фақатгина, кредит ташкилоти гаров мулкидан бошқа шахсларнинг фойдаланишига чеклов қўйиши мумкин. Бу шартлар гаров шартномасида аниқ кўрсатилиши керак.

Қарздорнинг кредитдан фойдаланиш даврида, кредит ташкилоти розилиги билан гаровни алмаштириш имконияти мавжуд. Бунда кредит ташкилоти томонидан қарздорнинг кредит тарихи, таклиф этилаётган мулкнинг ҳолати ва кредит қолдиғига мутаносиблигини инобатга олади.

Гаров мулки баҳоси кредит суммасидан анча баланд бўлса, уни навбатдаги кредитга ҳам гаровга қўйиш ҳуқуқи қонун билан белгиланган (Ўзбекистон Республикаси “Гаров тўғрисида”ги Қонуни, 15-модда). Бунда, гаров мулки даставвал биринчи кредит бўйича юзага келган мажбуриятларни қоплаши назарда тутилади.

Эътибор қаратинг
Кредит таъминоти сифатида турар жойингизни гаровга қўйишдан олдин уни йўқотиб қўйиш хатарини тўғри баҳоланг ва оила аъзоларингиз учун келтириб чиқаришингиз мумкин бўлган ноқулайликлар ҳақида ўйланг.

Aсосий гаров мулкингиз кредит маблағини 125%ини қопламаяптими, унда, Сиз кредит суммасини камайтиринг ёки қўшимча таъминот турлари – бошқа юридик шахс кафиллиги, суғурта полиси кабилардан фойдаланинг.

Дўстингиз ёки танишингиз кредити гарови бўйича ўз мулкингизни тақдим этишдан аввал, шуни билишингиз керакки, агар кредитни қоплаш имконияти бўлмаса, кредитни ундириш Сизнинг ҳисобингиздан амалга оширилиши эҳтимоли юқори.

Манбаа: Бизнес ривож

Rasmiy sahifalarimiz:

Telegram: https://t.me/dustlik_ykfoundation

Facebook: https://fb.com/dustlik_ykfoundation

Feedback: https://t.me/dustlikykfoundation_bot

Biznesga qadam: https://t.me/biznesga_qadambot

Тажриба шуни кўрсатадики, узоқдаги жамоанинг кўп ойлар давомида самарали, ғайратли ва садоқатли бўлиб қолиши учун нафақат рақобатбардош иш ҳақи билан таъминлаш, балки сизнинг одамларингиз учун моддий бўлмаган рағбатлантириш воситаларини тўғри танлаш жуда муҳимдир. Ижтимоий изоляция ва узоқлашиш шароитида, айниқса, ходимлар иш берувчининг уларга ғамхўрлик қилишини, уларнинг хизматларини тан олишини ва мақтов ва қўшимча мукофотлардан маҳрум бўлмасликларини ҳис қилишлари жуда муҳимдир.

Қулайлик биринчи ўринда туради

Масофадаги ходимлар, компания офисдан ташқарида қулай меҳнат шароитларини ташкил қилиш учун коворкинг жойларини ёки иш учун махсус биноларни ижарага олишни маъқул кўришади. Бу, айниқса, фазандлари ёш ёки кичкина квартираси бўлган ҳамкасблар учун тўғри келади.

Яна бир вариант - уйда ишлайдиган ҳамкасблар учун яхши стуллар ва жиҳозлар сотиб олиш.

Карантин ва ўзини изоляция қилиш шароитида аэробатика - бу мактабдан ёки болалар боғчасисиз қолган турли ёшдаги болаларнинг кўнгил очиши учун махсус дастурлар ҳисобланади. Ходимларнинг жойлашуви ва минтақада қабул қилинган чеклов чораларига қараб, бу онлайн ва офлайн дастурлар, масалан, махсус ривожланиш марказлари ёки вақтинчалик корпоратив болалар боғчалари бўлиши мумкин.

Aлбатта, жамоа қулай онлайн ишлаш учун барча технологик шароитларни яратиши керак:

• умумий ҳужжатлар ҳақида ўйлаш,
• тўғри мессенжерларни ва керакли рақамли воситаларни танлаш,
• ўзингизнинг эҳтиёжларингиз учун энг яхши ҳамкорлик платформасини топиш, бунда ходимлар нафақат махсус яратилган лойиҳа офисларида ёки коворкинг жойларда, балки виртуал кафеда кофе ичиш учун учрашишлари, кун янгиликларини муҳокама қилишлари ва муҳим воқеаларни нишонлашлари мумкин.

Бунга, шунингдек, компания ҳомийлигида турли хил севимли машғулотлари клублари, нодавлат тадбирлар, шунингдек, ҳар хил турдаги фаровонлик дастурлари киради. Инқирозга қарамай, иш берувчилар тобора кўпроқ ёки қисман психологлар, мураббийлар, шахсий ўсиш бўйича мураббийлар, молиявий маслаҳатчилар, юристлар ва бошқа мутахассисларнинг оилаларига ва шахсий муаммоларини ҳал қилишда ёрдам берадиган касбларга ёрдам бериш учун ишларини қоплайдилар.

Кўпинча менежер ёки компания унинг иш тартибини енгиллаштириш ва иложи борича самарали бўлишига имкон бериш учун кўп иш қилаётганини кўриб, ходимни махсус рағбатлантириш зарурати йўқолади.

Яшанг ва ўрганинг

Ўқитиш ва малакасини ошириш ҳар доим долзарб бўлиб, у узоқдан форматда жуда яхши ишлайди. Шунингдек, сиз ўз мутахассисларингизга "платформа" ва ҳамкасблари билан билим алмашиш имкониятини бериб, ўқитувчи сифатида ривожланишларини рағбатлантиришингиз мумкин. Бу ажойиб ижтимоий туртки: ҳатто кўк ҳалқали ишчилар (масалан, механиклар ёки ишчилар) ҳам улкан юк машинасини қандай таъмирлаш ёки мураккаб қисмини яратиш ҳақида видео суратга олишлари мумкин. Ҳамжиҳатлик, яхши кайфият ва жамоавий бирдамлик жараённинг барча иштирокчиларининг ғайратини ошириши кафолатланади.

Одамлар ўйнайдиган ўйинлар

Ўйин ҳар қандай ёшдаги одамлар учун энг ёқимли ва табиий тажрибалардан биридир. Масофадан ишлашнинг гўзаллиги шундаки, у жамоавий ишлашга гэймификация элементларини қўшишни осонлаштиради. Масалан, масофавий форматда бошқарилиши осон бўлган мусобақаларни ўтказишингиз мумкин, булар: кўриб чиқилган аризалар сони, битимлар миқдори, чипталарни ёпиш тезлиги ва бошқалар.

​

Мусобақалар корпоратив услубда ўтказилиши мумкин, шунда рақобат руҳи ўз ишини бажаради. Aлбатта, ажойиб совринлар керак. Улар ғолибнинг уйига "етиб келган" тематик торт, корпоратив порталда ёки ижтимоий тармоқларда "кун қаҳрамони" ҳақидаги мақола ёки пост, қўшимча дам олиш куни бўлиши мумкин.

Хулоса

Моддий бўлмаган мотивация учун қўшимча воситаларни яратиш билан бир қаторда демотивацион омилларни йўқ қилиш бўйича стратегик ишларни бажариш муҳимдир.

Узоқда ишлашнинг энг кенг тарқалган омилларидан баъзилари:

• ҳаддан ташқари бюрократия: агар сиз уйда ишлашда доимий равишда ҳужжатларни чоп этишингиз, имзо қўйишингиз ва сканерлашингиз керак бўлса, бу ҳақиқий бош оғриғига айланиши мумкин;
• масъулият соҳалари етарлича аниқ эмаслиги, баъзида ҳамкасблар билан айрим фикрларни шахсан гаплашишнинг иложи йўқлиги сабабли масофа баъзан хира бўлиб қолади;
• менежер томонидан ҳаддан ташқари назорат, агар бу режанинг натижалари ва бажарилиши билан эмас, балки расмий иккиламчи белгилар билан боғлиқ бўлса - масалан, йиғилишда катталаштиришда видео-иштирок этиш. Aйрим компаниялар ҳаттоки ходимлар учун экранни ёзиб оладиган ёки очилган ёрлиқларни кузатиб борадиган ёки уларни камера ёниқ ҳолда кунига 8 соат ишлашга мажбурлайдиган махсус ускуналарни ўрнатадилар.

Буни қилманг. Бунинг ўрнига, сизнинг жамоангиз илҳом ва тўлиқ фидойилик билан ишлашга тўсқинлик қиладиган нарсани диққат билан ўрганиб чиқинг ва ушбу омилларни максимал даражада йўқ қилинг.

Манбаа: Biznes Rivoj kanali

Rasmiy sahifalarimiz:

Telegram: https://t.me/dustlik_ykfoundation

Facebook: https://fb.com/dustlik_ykfoundation

Feedback: https://t.me/dustlikykfoundation_bot

Biznesga qadam: https://t.me/biznesga_qadambot

Дўстлик туманида "STROY MEGA SSO" МЧЖга Дўстлик туман хокимлиги кўмагида "Yoshlar - kelajagimiz" жамғармаси Дўстлик туман филиали ҳулосаси орқали сифатли, қурилишбоп цемент ишлаб чиқаришни йўлга қўйиши учун зарур бўлган ер майдонини ажратиб беришда амалий ёрдам кўрсатилди.

Корхона фаолияти йўлга қўйилиши билан кунига 100 тоннадан ортиқ цемент ишлаб чиқарилиб, 10дан ортиқ фуқароларнинг бандлиги таъминланади.

Шунингдек, учрашувда келгуси йилда тадбиркорлар томонидан амалга ошириладиган янги лойиҳалар ҳам муҳокама этилди.

Манба: Дўстлик туман ҳокимлиги Ахборот хизмати

Расмий саҳифаларимиз:

Telegram | Facebook | YKMurojaat | Feedback

Avval xabar berilganidek, Jizzax viloyatida o'tkan 1 hafta ichida koronavirus infeksiyasi yuqitirb olingan bemorlar soni 40 nafarga oshib, 2020 yil 7 iyul holatiga 43 nafarni tashkil etayotgan edi.

7 iyul soat 00:10 holatiga ko'ra Jizzax viloyatida koronavirusga chalingan bemorlarning 22 nafari kasallikdan so'gaygani kuzatilgan.

Jami, Jizzax viloyatida koronavirus infeksiyasi bo'yicha statistika quyidagicha:

• Kasallanish holati: 43 ta
• Tuzalganlar soni: 25 ta
• O'lim holati: 2 ta
• Davolanayotgan bemorlar soni: 16 ta
• Foyiz ko'rsatgichida: 58 %

Jizzax viloyatida koronavirus infeksiyasining tarqalishi bilan bog'liq epidemiologik kelib chiqqan holda "qizil", "sariq" va "yashil" hududlarga ajratilgan tuman (shahar)lar:

"Qizil" hududlar:

• Sharof Rashidov tumani
• Do'stlik tumani
• G'allaorol tumani

"Yashil" hudud'

• Arnasoy tumani
• Baxmal tumani
• Zomin tumani
• Zafarobod tumani
• Zarbdor tumani
• Mirzacho'l tumani
• Paxtakor tumani
• Forish tumani
• Yangiobod tumani
• Jizzax shahri

O'zbekiston Respublikasi hududida koronavirus infeksiyasi bo'yicha bugungi va umumiy statistika quyidagicha:2020 yil 7 iyul soat 00:10 holatiga:

• Kasallik yuqitirib olganlar: 342 ta

Shundan,

• Aholi orasida: 116 ta
• Karantin markazida: 204 ta
• Kasallikdan vafot etganlar: 3 ta
• Kasallikni so'gayganlar: 106 ta

Respublika bo'yicha statistika:

• Kasallik aniqlanganlar: 10 362 ta
• So'gayganlar: 6 690 ta
• Vafot etganlar: 37 ta
• Davolanayotganlar: 3 635 ta