Ushbu jarayonda Davlat attestatsiya komissiyasi raisi A.Mahmudov, Xorijiy tillar fakulteti rahbariyati, Nemis va fransuz filologiyasi kafedrasi professor-o'qituvchilari hamda talabalar ishtirok etmoqda.

Nemis va fransuz filologiyasi kafedrasi.

Himoya ishlari Davlat attestatsiya komissiyasi raisi, a’zolari, kafedra professor-o‘qituvchilari hamda nufuzli ekspertlar ishtirok etgan ushbu himoyada magistrantlar zamonaviy tilshunoslik, fransuz va nemis tili leksikologiyasi, grammatikasi, tarjimashunoslik muammolari hamda lingvokulturologiyaga oid dolzarb mavzulardagi tadqiqotlarini taqdim etdilar.

Ilmiy kengash raisi A.Maxmudov yakuniy nutqida magistrantlarning ilmiy salohiyatini yuqori baholab, ularning kelgusi ilmiy faoliyatlariga, xususan, doktorantura (PhD) bosqichida tadqiqotlarini davom ettirishlariga muvaffaqiyat tiladi.

Barcha bitiruvchi magistrantlarimizni ushbu yuksak marra bilan tabriklaymiz va kelgusi pedagogik hamda ilmiy faoliyatlarida zafarlar yor bo‘lishini tilab qolamiz!

Nemis va fransuz filologiyasi kafedrasi.

Amaliyotning birinchi kunida talabalarga malakaviy amaliyot haqida tushuncha berildi. Malakaviy amaliyot – boʼlajak mutaxassislarni tayyorlashda oʼquv pedagogik jarayonining asosiy qismi hisoblanadi. Malakaviy amaliyot namunaviy va ishchi oʼquv rejasiga mos ravishda amalga oshiriladi. Malakaviy amaliyotning mazmumni amaliyot turiga qarab, kafedrada ishlab chiqilgan dasturiga mos boʼladi. Malakaviy amaliyot oʼquv mashgʼulotlaridan ajralgan holda tashkil etiladi. Malakaviy amaliyotni talabalar oliy taʼlim muassasasi bilan shartnoma tuzilgan tashkilotlarda oʼtashlari mumkin. Talabalarning malakaviy amaliyotni oʼtash joylari oliy taʼlim muassasasi rektori tomonidan chiqarilgan buyruq asosida tashkil etiladi.

Malakaviy amaliyotning maqsadi va vazifalari haqida boʼlajak mutaxassislarni kasbiy faoliyatga tayyorlash, olgan bilimlarini amaliyotda sinab koʼrish, pedagogik va kasbiy faoliyat maʼsuliyatini his etish va oʼz ustida ishlash koʼnikmasini shakllantirish, shuningdek, tajribali mutaxassislarning ish faoliyatini oʼrganishdan iborat ekanligi tushuntirildi. Malakaviy amaliyot vazifalari: Talabalarda tanlangan kasbiga qiziqishni takomilashtirish; Kasbiy faoliyat haqida bir butun tushunchani shakllantirish; Kasbiy koʼnikma va malakalarni shakllantirish; Kasbiy faoliyat boʼyicha tajribani yaratish. Talabalarning olgan nazariy bilimlarini chuqurlashtirish, mustahkamlash va ularni amalda qoʼllashga oʼrgatish. Mustaqil va ijodiy ishlashga, ilgʼor tajribalarni muntazam oʼrganishga, kasbiy faoliyatda ijodkor boʼlishga undash haqida talabalarga batafsil ma'lumotlar berib o'tildi.

Nemis va fransuz filologiyasi kafedrasi.

Ushbu jarayonning passiv amaliyot bosqichida talabalar amaliyot rahbari, Nemis va fransuz filologiyasi kafedrasi professori, f.f.d(DSc) M.H.Xamidova bilan uchrashib, belgilangan vazifalar bilan tanishtirildi.

Nemis va fransuz filologiyasi kafedrasi.

Parij ko'pincha dunyoning eng go'zal va maftunkor shaharlaridan biri deb tan olinadi. Fransiya poytaxti bo'lgan ushbu shahar o'zining tarixi, madaniyati, san'ati va arxitekturasi bilan millionlab sayyohlarni o'ziga jalb qiladi. Haqiqatan ham, Parij ko‘p yillardan buyon dunyodagi eng go‘zal va romantik shaharlardan biri deb tan olinadi. Uni bejizga "Nurlar shahri" (La Ville Lumière) deb atashmaydi.

Bu shaharning o‘ziga xos jozibasi quyidagilarda namoyon bo‘ladi: Me’morchilik: Eyfel minorasi, Luvr muzeyi, Notr-Dam ibodatxonasi va Zafar darvozasi kabi tarixiy obidalar shaharga ulug‘vorlik bag‘ishlaydi. San’at va madaniyat: Dunyodagi eng yirik san’at maskanlari va ko‘cha rassomlari Parijni ijodkorlar markaziga aylantirgan. Sena daryosi bo‘yidagi sayrlar, shinamgina kafelar va kruchasiz (shovqinsiz) tor ko‘chalar o‘zgacha kayfiyat ulashadi. Parij jahon modasi poytaxti hamda mazali pishiriqlari (kruassan, makaron) bilan mashhur.

Talabalar Parij - dunyodagi eng go'zal shahar haqida o’z fikr mulohazalarini bildirishdi. Mashg’ulot savol- javob tarzda olib borildi. Bu to’garak mashg’uloti talabalarda katta taassurot qoldirdi.

Nemis va fransuz filologiyasi kafedrasi.

Mazkur to‘garak mashg‘ulotida “Tarjima jarayonida grammatik muammolar” mavzusi atroflicha muhokama qilindi. Mashg‘ulot davomida ishtirokchilarga tarjima jarayonida uchraydigan asosiy grammatik qiyinchiliklar haqida nazariy va amaliy tushunchalar berildi. Avvalo, tillar o‘rtasidagi grammatik tizimlarning farqlari ko‘rib chiqildi. Xususan, fransuz va o‘zbek tillaridagi gap tuzilishi, zamonlar tizimi, artikllar qo‘llanilishi hamda jins kategoriyasining mavjudligi tarjimada muhim muammo tug‘dirishi ta’kidlandi. Ishtirokchilar ushbu farqlar sababli tarjimada yuzaga keladigan xatolarni aniqlash va ularni bartaraf etish usullari bilan tanishdilar.

Amaliy qismda ishtirokchilarga fransuz tilidan o‘zbek tiliga va aksincha tarjima qilish uchun matnlar berildi. Ular tarjima jarayonida uchragan grammatik muammolarni aniqlab, guruh bilan birgalikda muhokama qildilar. Bu esa ularning tarjima ko‘nikmalarini yanada mustahkamlashga yordam berdi. Mashg‘ulot yakunida ishtirokchilar tarjima jarayonida grammatik aniqlikka e’tibor berish muhimligini anglab yetdilar va kelgusida bunday xatolarning oldini olish bo‘yicha tavsiyalar oldilar. Mazkur to‘garak mashg‘uloti ishtirokchilarning tarjima sohasidagi bilim va ko‘nikmalarini oshirishda muhim ahamiyat kasb etdi. Ayniqsa, grammatik muammolarni aniqlash va ularni to‘g‘ri hal etish bo‘yicha olingan bilimlar amaliy jihatdan foydali bo‘ldi.

Nemis va fransuz filologiyasi kafedrasi.

Dars amaliy mashg‘ulot bo‘lib, u noananaviy tarzda yangi pedagogik texnologiyalar asosida olib borildi. Ochiq darsda qo‘llanilgan “Juftlikda ishlash”, “Kichik guruhlarda ishlash”, “Tezkor savol-javob” metodlari hamda Framapad.org va Kahoot.it onlayn platformalardan samarali foydalanilganligi bois talabalar yil davomida olgan amaliy bilimlarini ushbu dars asosida yanada mustahkamlash imkoniyatiga ega bo‘ldilar. Mazkur amaliy mashg‘ulotning asosiy maqsadi talabalarga fransuz tilidagi sifatlar, sifatlarda rod va son hamda ularning gapdagi o‘rni, grammatik ahamiyati xususida chuqur bilim berishdan iborat bo‘lib, til bilishning to‘rtta kompetensiyasi to‘liq qamrab oldi.

Turli tezaytishlar, audio-matnlar va interaktiv prezentatsiyalarga asoslangan ochiq dars yuqori saviyada tashkil etildi va o‘z oldiga qo‘ygan maqsadiga erishdi. Darsda faol qatnashgan talabalar o‘qituvchi tomonidan esdalik sovg‘alari bilan taqdirlanganligi ulardagi motivatsiyani yanada oshirishga xizmat qildi.

Ochiq dars tahlilida Nemis va fransuz filologiyasi kafedrasi professor-o'qituvchilari ishtirok etib, o'z fikr-mulohazalarini bildirdilar.

Nemis va fransuz filologiyasi kafedrasi.

Buxoro "Kitob olami"da bo'lib o'tgan mazkur seminar mashg'ulotida talabalar nazariy bilimlarni chuqurroq anglash, o'rganilgan mavzular doirasida mukammal ma'lumotlarga ega bo'lishda kitob mutolaasining ahamiyati haqida fikr almashdilar.

Kitob – bu bilim manbai, tafakkurni kengaytiruvchi va insonni ma’naviy boyituvchi eng qadimiy o‘qituvchidir. Talabalar uchun kitob nafaqat darslik yoki o‘quv qo‘llanma, balki fikrlashni o‘rgatuvchi, dunyoqarashni shakllantiruvchi eng muhim vositadir. Kitob o‘qigan talaba mustaqil fikrlaydi, yangi g‘oyalarni tahlil qila oladi va o‘z fikrini ravon ifodalashni o‘rganadi.

Nemis va fransuz filologiyasi kafedrasi.

O‘zbekiston Respublikasi Prezidenti Shavkat Mirziyoev tomonidan ilgari surilgan yoshlarga e’tiborni kuchaytirish, ularni madaniyat, san’at, jismoniy tarbiya va sportga kent jalb etish, yoshlar o‘rtasida kitobxonlikni targ‘ib qilish hamda xotin-qizlar bandligini oshirish masalalariga bag‘ishlangan tashabbuslar doirasida Nemis va fransuz filologiyasi kafedrasi, Filologiya va tillarni o‘qitish (fransuz tili) ta’lim yo‘nalishi 11-1fra-24 guruh talabalari bilan (“Lécture littéraire” Fransuz tili) fan to‘garagi mashg’ulotida kitobxonlik mushoirasi o‘tkazishdi. Bu to’garak mashg’uloti talabalarga katta ta’surot qoldirdi. Bunda shaharda yashaydigan bir qiz qishloqdagi xolasinikiga mehmon bo’lib keladi. Bu yerda u xolasini o’g’li bilan o’rmonlarga sayr qilib turli sarguzashtlarga duch kelishadi. Ushbu kitobda ikki yosh qarindosh o’quvchilarni sayohat va sarguzashtlari haqida qiziqarli hikoyalar bilan tanishish mumkin. Bu hikoya yoshlarni bir-biriga hurmat va mehr-oqibatli bo’lib tarbiyalash uchun muhim rol o’ynaydi.

Nemis va fransuz filologiyasi kafedrasi.

Ushbu to‘garak mashg‘uloti “ Les symboles de la France” mavzusiga bag‘ishlandi. Mashg‘ulotni dotsent Kuldashova Navbaxor Bobokulovna ochib berdi. Mashg‘ulot belgilangan reja asosida olib borildi. Dars boshida rahbar tomonidan mavzuning dolzarbligi va ahamiyati tushuntirib berildi. Talabalarga Fransiyaning asosiy milliy ramzlari haqida umumiy tushuncha berildi. Mashg‘ulot davomida Fransiya bayrog‘i, gerbi, madhiyasi (“La Marseillaise”), Eyfel minorasi, Marianne obrazi, gall xo‘rozi kabi ramzlar haqida batafsil ma’lumot berildi.

Talabalarga mavzu bo‘yicha slaydlar, rasmlar va videomateriallar orqali tushuntirish ishlari olib borildi. Bu esa mashg‘ulotning yanada qiziqarli va samarali o‘tishiga xizmat qildi.Talabalar mavzu yuzasidan o‘z fikr-mulohazalarini fransuz tilida bayon etdilar, savol-javoblar o‘tkazildi hamda kichik guruhlarda ishlash tashkil qilindi. Mashg‘ulot interfaol usullarda olib borildi. Talabalar mavzu bo‘yicha o‘z taqdimotlarini namoyish etdilar hamda Fransiya madaniyati va ramzlari haqida qo‘shimcha ma’lumotlar berdilar.

Nemis va fransuz filologiyasi kafedrasi.