Izzat Ikrom

🌍 Xalqaro hamkorlik yana bir yangi bosqichda!

ingliz_tilshunosligi_kafedrasi — Thu, 09 Jul 2026 11:39:52 GMT

Buxoro davlat universitetida xalqaro hamkorlik aloqalarini kengaytirish yo’lidagi muhim uchrashuv bo’lib o’tdi.

Universitetga Malayziyaning Universiti Pendidikan Sultan Idris (UPSI) oliy ta’lim muassasasidan PhD darajasiga ega professor-o’qituvchi Dahlia Binti Janan jalb qilindi.

Bugun Xorijiy tillar fakulteti dekani Ataboyev Nozimjon Bobojonovich hamda Buxoro davlat universiteti Kadrlar bo’limi boshlig’i Umida Asadovna ishtirokida mehmon bilan tanishtiruv uchrashuvi tashkil etildi.

Mazkur hamkorlik professor-o’qituvchilar va talabalar uchun xalqaro tajriba almashish, ilmiy-tadqiqot faoliyatini rivojlantirish hamda ta’lim sifatini yanada oshirishga xizmat qiladi.

🤝 Buxoro davlat universitetiga tashrif buyurgan hurmatli mehmonimizga samarali faoliyat va ulkan muvaffaqiyatlar tilaymiz!

#BuxDU #BukharaStateUniversity #InternationalCooperation #UPSI #Malaysia #HigherEducation #AcademicExchange

Buxoro davlat universiteti Xorijiy tillar fakulteti Ingliz tilshunosligi kafedrasida mustaqil tadqiqotchilar va tayanch doktorantlarning 2026-yil II chorak yakunlari bo‘yicha monitoring o‘tkazildi

ingliz_tilshunosligi_kafedrasi — Mon, 22 Jun 2026 17:22:01 GMT

2026-yil 22-iyun kuni Buxoro davlat universiteti Xorijiy tillar fakulteti Ingliz tilshunosligi kafedrasida kafedraga biriktirilgan mustaqil tadqiqotchilar va tayanch doktorantlarning 2026-yil II chorak (aprel–iyun) davomida amalga oshirgan ilmiy-tadqiqot faoliyati yuzasidan monitoring yig‘ilishi o‘tkazildi. Monitoring yig‘ilishida kafedra mudiri, filologiya fanlari doktori, professor Rasulov Zubaydullo Izomovich, ilmiy tadqiqot va innovatsiyalar bo‘yicha mas’ul dotsent, PhD Shukurova Madina Askarovna, PhD, o‘qituvchi Xayrullayeva Nigora, PhD, o‘qituvchi Naimova Aziza, kafedra o‘qituvchilari Soliyeva Munavvar va Barnoyeva Madina hamda tayanch doktorant Jumayeva Ozoda ishtirok etdilar. Yig‘ilish davomida kafedraga biriktirilgan 25 nafar mustaqil tadqiqotchi va 21 nafar tayanch doktorantning II chorak davomida olib borgan ilmiy izlanishlari, dissertatsiya ishlari, ilmiy maqolalari, tezislari, ilmiy seminar va konferensiyalardagi ishtiroki yuzasidan hisobotlari tinglandi hamda amalga oshirilgan ishlar tahlil qilindi.
Ilmiy tadqiqot va innovatsiyalar bo‘yicha mas’ul dotsent, PhD Shukurova Madina Askarovna so‘zga chiqib, mustaqil tadqiqotchilar va tayanch doktorantlar tomonidan amalga oshirilayotgan ilmiy ishlar muntazam nazorat qilinayotgani, ilmiy izlanishlarni sifatli olib borish, dissertatsiya ishlarini o‘z vaqtida yakunlash, ilmiy maqolalar soni va sifatini oshirish, xalqaro ilmiy bazalarda indekslanuvchi jurnallarda maqolalar nashr ettirish bo‘yicha zarur tavsiya va ko‘rsatmalar berib borilayotganini ta’kidladi. Shuningdek, u barcha tadqiqotchilarni ilmiy faollikni yanada oshirishga chaqirdi. Jumladan, II bosqich mustaqil tadqiqotchi Fayzullayeva Nigina Sur’at qizi dissertatsiyasining “Zamonaviy Amerika va o‘zbek detektiv nasrida psixologik realizm” nomli ikkinchi bobini yakunlagani haqida ma’lumot berdi. III bosqich tayanch doktoranti Jumayeva Ozoda Ilhomjonovna dissertatsiya ishining barcha boblarini yakunlab, ilmiy rahbar tavsiyalari asosida avtoreferat tayyorlagani hamda kafedra muhokamasidan muvaffaqiyatli o‘tganini ta’kidladi. Shuningdek, II bosqich tayanch doktoranti Razoqova Kumushxon Sadriddinovna tomonidan ilmiy mavzu doirasida mahalliy va xorijiy manbalar o‘rganilgani, ilmiy maqolalar va tezislar chop etilgani hamda ilmiy seminar va konferensiyalarda faol ishtirok etilgani qayd etildi.
Mustaqil tadqiqotchi Nazarova Navbahor Ahrorovna dissertatsiya ishi yuzasidan amalga oshirilgan ilmiy izlanishlari, jumladan, ilmiy manbalar tahlili, bibliografik bazani shakllantirish, empirik materiallarni yig‘ish hamda ilmiy maqola va tezislar tayyorlash bo‘yicha bajarilgan ishlar haqida hisobot berdi.
Monitoring yakunida kafedra mudiri professor Zubaydullo Izomovich Rasulov tomonidan mustaqil tadqiqotchilar va tayanch doktorantlarning II chorak davomida amalga oshirgan ilmiy faoliyati ijobiy baholanib, kelgusi chorakda dissertatsiya ishlari sifatini yanada oshirish, ilmiy maqolalar nashri va xalqaro ilmiy hamkorlikni kuchaytirish bo‘yicha tegishli tavsiyalar berildi. Mazkur monitoring kafedrada olib borilayotgan ilmiy-tadqiqot ishlari samaradorligini oshirish, mustaqil tadqiqotchilar va tayanch doktorantlarning ilmiy salohiyatini rivojlantirish hamda ilmiy faoliyat sifatini yuksaltirishga xizmat qiladi.

Xorijiy tillar fakultetida 70230101 – Lingvistika (ingliz tili) mutaxassisligi bo‘yicha tahsil olayotgan 2-bosqich magistrantlarning yakuniy magistrlik dissertatsiyalari himoyasi bo‘lib o‘tdi

ingliz_tilshunosligi_kafedrasi — Sat, 13 Jun 2026 08:32:26 GMT

🎓 Magistrlik dissertatsiyalari himoyasi muvaffaqiyatli yakunlandi!

Buxoro davlat universiteti Xorijiy tillar fakultetida 70230101 – Lingvistika (ingliz tili) mutaxassisligi bo‘yicha tahsil olayotgan 2-bosqich magistrantlarning yakuniy magistrlik dissertatsiyalari himoyasi bo‘lib o‘tdi.

Mazkur himoya jarayoni magistrantlarning ikki yil davomida olib borgan ilmiy izlanishlari va tadqiqotlari natijalarining amaliy ifodasi bo‘lib, Davlat attestatsiya komissiyasi a’zolari, professor-o‘qituvchilar hamda soha mutaxassislari ishtirokida tashkil etildi.

Himoya davomida magistrantlar diskurs tahlili, zamonaviy tilshunoslik, ingliz tili leksikologiyasi va grammatikasi, tarjimashunoslik, lingvokulturologiya hamda xorijiy tillarni o‘qitish metodikasiga oid dolzarb mavzulardagi ilmiy ishlari natijalarini taqdim etdilar. Tadqiqotlarning ilmiy yangiligi, nazariy asoslanganligi va amaliy ahamiyati komissiya a’zolari tomonidan munosib e’tirof etildi.

Qizg‘in ilmiy munozaralar va savol-javoblar jarayonida magistrantlar o‘zlarining tahliliy fikrlash qobiliyati, ilmiy muammolarga zamonaviy yondashuvi hamda xorijiy tillar sohasidagi puxta bilim va ko‘nikmalarini namoyon etdilar.

Yakuniy natijalarga ko‘ra, magistrlik dissertatsiyalari muvaffaqiyatli himoya qilinib, bitiruvchilarga magistr akademik darajasini berish tavsiya etildi.

✨ Ushbu yutuq bilan barcha magistrantlarni samimiy tabriklaymiz! Ularning kelgusi ilmiy izlanishlari, kasbiy faoliyati va yangi marralarni zabt etish yo‘lidagi sa’y-harakatlariga ulkan muvaffaqiyatlar tilaymiz.

Xorijiy tillar fakulteti Filologiya va tillarni o‘qitish (ingliz tili) ta’lim yo‘nalishi 3-bosqich talabalari malakaviy amaliyoti jarayoni

ingliz_tilshunosligi_kafedrasi — Fri, 12 Jun 2026 06:01:51 GMT

Buxoro davlat universitetining 2025–2026-o‘quv yili 1-iyun sanasidan boshlab Xorijiy tillar fakulteti Filologiya vatillarni o‘qitish (ingliz tili) ta’lim yo‘nalishi 3-bosqich talabalariuchun malakaviy amaliyot jarayoni boshlandi. To‘rt haftadavom etadigan mazkur amaliyot talabalarning nazariybilimlarini amaliy faoliyat bilan uyg‘unlashtirish hamda kasbiykompetensiyalarini rivojlantirishga qaratilgan. Amaliyotningdastlabki ikki haftasi nazariy mashg‘ulotlar shaklida tashkiletilmoqda. Jumladan, 11–11 ING-23 guruhlari talabalari Ingliztilshunosligi kafedrasi o‘qituvchisi N.A. Nazarova rahbarligidaBuxoro shahrining tarixiy-me’moriy obidalari hamda “Yetti Pir” ziyoratgohlari tarixi, madaniy merosi va ahamiyati haqidabatafsil ma’lumotlarga ega bo‘ldilar. Mashg‘ulotlar davomidatalabalar mazkur mavzular yuzasidan taqdimotlar tayyorlab, ularni tarixiy manbalar, qiziqarli faktlar hamda tahliliymulohazalar bilan boyitgan holda namoyish etdilar. Talabalarning yuqori faolligi, mustaqil izlanishlari va mavzugamas’uliyat bilan yondashuvi amaliyotning samaradorliginiyanada oshirmoqda. Malakaviy amaliyotning keyingibosqichlarida talabalar uchun Buxoro shahridagi tarixiy vamadaniy yodgorliklarga ekskursiyalar, amaliy kuzatuvlar hamdao‘quv-tadqiqot faoliyatiga yo‘naltirilgan tadbirlarni tashkil etishrejalashtirilgan. Mazkur amaliyottalabalarga nazariy bilimlarini amaliy tajriba bilanmustahkamlash, kasbiy mahoratini oshirish hamda kelgusidagipedagogik faoliyatiga puxta tayyorgarlik ko‘rish imkoniniyaratadi. Shuningdek, ta’lim tizimida amalga oshirilayotganizchil islohotlar zamonaviy bilim va ko‘nikmalarga ega, raqobatbardosh hamda yuqori malakali mutaxassislarnitayyorlashda muhim ahamiyat kasb etmoqda.

BuxDU Ingliz tilshunosligi kafedrasi o‘qituvchisi Soliyeva Munavvar Ahmadovna tomonidan ochiq dars tashkil qilindi

ingliz_tilshunosligi_kafedrasi — Fri, 12 Jun 2026 05:45:33 GMT

BuxDU Ingliz tilshunosligi kafedrasi o‘qituvchisi Soliyeva Munavvar Ahmadovna tomonidan 10 iyun 11-11 ING-23 guruh talabalari bilan malakaviy amaliyot fanidan “Khoja Mahmud Anjir Fag‘naviy” mavzusida ochiq dars tashkil qilindi.

Mashg‘ulot kirish qismida “What Makes a Great Spiritual Leader?” mavzusidagi brainstorming savollari orqali boshlandi. Talabalar ma’naviy yetakchiga xos fazilatlar haqida fikr yuritib, o‘z qarashlari va mulohazalarini o‘rtoqlashdilar. Ushbu faoliyat talabalarning mavjud bilimlarini faollashtirish, mavzuga bo‘lgan qiziqishini oshirish hamda ularni dars jarayoniga faol jalb etishga xizmat qildi. Darsning asosiy qismida “Advanced Vocabulary Challenge” faoliyati orqali talabalar mavzuga oid yangi so‘z va iboralarni o‘rganib, ularning ma’nolarini tahlil qildilar hamda amaliy jihatdan qo‘llash ko‘nikmalarini rivojlantirdilar. “Information Gap” metodi yordamida talabalar juftlikda ishlash, savol-javob qilish va o‘zaro ma’lumot almashish orqali kommunikativ kompetensiyalarini mustahkamladilar. Shuningdek, “Reading Race” mashg‘uloti davomida talabalar guruhlarda matn bilan ishlab, Xoja Mahmud Anjir Fag‘naviyning hayoti, ta’limoti va ma’naviy merosiga oid ma’lumotlarni tahlil qildilar hamda o‘z xulosalarini taqdim etdilar. “Truth Trail” va “Fact, Legend and Belief” metodlari orqali talabalar berilgan ma’lumotlarning haqqoniyligini aniqlash, fakt, afsona va e’tiqodlarni farqlash hamda tanqidiy fikrlash ko‘nikmalarini rivojlantirdilar.

Kuzatuvchilar tomonidan darsning mantiqiy izchilligi, interfaol metodlarning samarali qo‘llanilgani, zamonaviy pedagogik texnologiyalardan unumli foydalanilgani hamda talabalarning yuqori faolligi alohida e’tirof etildi.

Xorijiy tillar fakulteti Filologiya va tillarni o‘qitish (ingliz tili) kunduzgi ta’lim yoʻnalishida Yakuniy davlat attestatsiyasi bo’lib o’tdi

ingliz_tilshunosligi_kafedrasi — Thu, 11 Jun 2026 01:31:33 GMT

Xorijiy tillar fakulteti Filologiya va tillarni o‘qitish (ingliz tili) kunduzgi ta’lim yo‘nalishida "O'rganilayotgan til nazariy aspektlari (ingliz tili) fanidan Yakuniy davlat attestatsiyasi bo'lib o'tdi. Ushbu ta'lim yo'nalishini 2025-2026 o‘quv yilida 188 nafar talaba bitiryapti. Mutaxassislik fanidan tashkil etilgan YaDA imtihoniga BuxDU rektorining 2026-yil 9- iyundagi 844-T buyrug'iga ko'ra to'liq 188 nafar talabaga ishtirok etishga ruxsat berilgan. Kecha bo'lib o'tgan mazkur imtihonda 186 nafar talaba ishtirok etdi. Imtihon komissiya a'zolari: DAK raisi, f.f.f.d., professor R.A.Achilova, professor Z.I.Rasulov, f.f.d., prof. N.F.Qosimova, f.f.f.d., v.b.professor Z.O.Djalilova, f.f.f.d., dotsent M.H. Davlatova, p.f.f.d., dotsent Sh.B.Yusupova, f.f.f.d. D.A.Radjabova va F.E.Yuldasheva to'liq tarkibda oflayn va onlayn ishtirok etishdi.

Imtihonni O‘quv-uslubiy departament boshlig‘i S.S.Davlatov ochib berdi. Xorijiy tillar fakulteti dekani N.B.Ataboyev ham talabalarga imtihonni muvaffaqiyatli topshirishni, yuqori natijalar bilan bakalavr diplomlarni olishni bildirdi. Shundan so'ng imtihon biletlari konverti talabalar tomonidan ochilib nazoratchilar tomonidan tarqatildi. Talabalar 4 yil davomida universitetda egallagan bilimlarini savollarga yozma javob berish orqali ko'tsatdilar. Imtihon o'z vaqtida tartib bilan boshlanib yaxshi o'tdi.

Xorijiy tillar fakulteti Filologiya va tillarni o‘qitish (ingliz tili) ta’lim yo‘nalishi 3-bosqich talabalari uchun malakaviy amaliyot jarayoni

ingliz_tilshunosligi_kafedrasi — Wed, 10 Jun 2026 08:31:59 GMT

Buxoro davlat universitetining 2025–2026-o‘quv yiliga mo‘ljallangan ish rejasiga asosan, joriy yilning 1-iyunidan e’tiboran Xorijiy tillar fakulteti Filologiya va tillarni o‘qitish (ingliz tili) ta’lim yo‘nalishi 3-bosqich talabalari uchun malakaviy amaliyot boshlandi. To‘rt hafta davom etadigan ushbu amaliyot talabalarning kasbiy tayyorgarligini mustahkamlashga qaratilgan.

Amaliyotning dastlabki ikki haftasi nazariy mashg‘ulotlar shaklida tashkil etilmoqda. Unda 11–3ING23 hamda 11-4ING23 guruhlari talabalari Ingliz tilshunosligi kafedrasi dotsenti X.X.Umurova rahbarligida Buxoroning tarixiy-me’moriy yodgorliklari hamda “Yetti Pir” majmualari haqida keng qamrovli ma’lumotlarga ega bo‘ldilar.

Mashg‘ulotlar davomida talabalar mavzular yuzasidan taqdimotlar tayyorlab, ularni qiziqarli faktlar, tarixiy ma’lumotlar va tahliliy yondashuvlar bilan boyitgan holda namoyish etdilar. Ularning yuqori faolligi va mavzularga mas’uliyat bilan yondashgani amaliyotning samarali o‘tishiga xizmat qilmoqda.

Malakaviy amaliyotning keyingi bosqichida talabalar uchun Buxoro shahridagi tarixiy va madaniy obidalarga sayohatlar hamda amaliy kuzatuvlar tashkil etilishi rejalashtirilgan.
Mazkur amaliyot talabalar uchun nazariy bilimlarni amaliy tajriba bilan boyitish, kasbiy mahoratini rivojlantirish hamda kelajakdagi faoliyatiga puxta tayyorgarlik ko‘rish imkoniyatini yaratadi. Ta’lim tizimida olib borilayotgan islohotlar esa zamon talablariga javob beradigan, malakali va raqobatbardosh mutaxassislarni tayyorlashda muhim o‘rin tutmoqda.

BuxDU Ingliz tilishunosligi kafedrasida 2025–2026-o‘quv yili ish rejasiga muvofiq joriy yil 1-iyundan boshlab 3-bosqich talabalari uchun 4 haftalik malakaviy amaliyot tashkil etildi.

ingliz_tilshunosligi_kafedrasi — Wed, 10 Jun 2026 05:44:54 GMT

Amaliyotning dastlabki ikki haftasi nazariy (faol bo‘lmagan) bosqich sifatida olib borilib, 11-12ING-23 guruhlari talabalari Ingliz tilshunosligi kafedrasi o'qituvchisi K.B. Namozova rahbarligida Ko‘hna Buxoroning tarixiy yodgorliklari hamda “Yetti Pir” ziyoratgohlari bo‘yicha nazariy bilimlarni o‘zlashtirdilar.
Mashg‘ulotlar davomida talabalar mavzular asosida taqdimotlar tayyorlab, ularni tahliliy va qiziqarli ma’lumotlar bilan boyitgan holda taqdim etdilar. Talabalarning darslardagi faolligi yuqori bo‘lib, amaliyot jarayoni tizimli va samarali tashkil etilgani kuzatildi.
Amaliyotning keyingi bosqichida Buxoroning tarixiy va madaniy obidalariga amaliy tashriflar amalga oshirilishi rejalashtirilgan. Shuningdek, O‘zbekiston Respublikasi Prezidentining 2021-yil 19-maydagi PQ–5117-sonli qarori ijrosini ta’minlash maqsadida xorijiy tillarni o‘qitish sifatini oshirish bo‘yicha olib borilayotgan islohotlar doirasida amaliy mashg‘ulotlar tashkil etildi. Malakaviy amaliyot jarayoni talabalarning nazariy bilimlarini amaliy ko‘nikmalar bilan uyg‘unlashtirishga xizmat qildi. Xorijiy tillarni o‘qitish tizimidagi islohotlar esa raqobatbardosh va yuqori malakali mutaxassislar tayyorlashda muhim ahamiyat kasb etadi.Talabalar kelgusida egallagan bilim va ko‘nikmalarini professional faoliyatda samarali qo‘llashlari kutiladi.

BuxDU Ingliz tilshunosligi kafedrasi Filologiya va tillarni o`qitish (ingliz tili) ta`lim yo`nalishi 3-bosqich talabalarida malakaviy amaliyot jarayonining borishi

ingliz_tilshunosligi_kafedrasi — Wed, 10 Jun 2026 05:40:37 GMT

Buxoro davlat universiteti 2025-2026-o'quv yili rejasiga ko'ra joriy hafta 1-iyundan boshlab Xorijiy tillar fakulteti Filologiya va tillarni o'qitish (ingliz tili) kunduzgi yo’nalish 3-bosqich talabalari uchun 4 haftalik malakaviy amaliyot boshlandi. Mazkur amaliyotning birinchi 2 haftasi nazariy nofaol amaliyot davri bo'lib, 11-1 ing-23 va 11-2 ing-23 guruh talabalari Ingliz tilshunosligi kafedrasi dotsenti M.A.Shukurova rahbarligida Ko’hna Buxoroning qadimiy yodgorliklari, Yetti Pir ziyoratgohlari haqida nazariy bilimlarni o'zlashtirib kelmoqdalar.

Darslar jarayonida talabalar belgilangan mavzular doirasida taqdimotlar tayyorlab, qiziqarli ma'lumotlar bilan tanishtirilmoqda. Darslarda talabalar juda faol ishtirok etishmoqda. Amaliyot jarayoni yaxshi tashkil etilgan. Amaliyotning keyingi bosqichida Buxoroning tarixiy va madaniy obidalariga amaliy tashriflar amalga oshirilishi rejalashtirilgan. Shuningdek, O‘zbekiston Respublikasi Prezidentining 2021-yil 19-maydagi PQ–5117-sonli qarori ijrosini ta’minlash maqsadida xorijiy tillarni o‘qitish sifatini oshirish bo‘yicha olib borilayotgan islohotlar doirasida amaliy mashg‘ulotlar tashkil etildi. Malakaviy amaliyot jarayoni talabalarning nazariy bilimlarini amaliy ko‘nikmalar bilan uyg‘unlashtirishga xizmat qildi. Xorijiy tillarni o‘qitish tizimidagi islohotlar esa raqobatbardosh va yuqori malakali mutaxassislar tayyorlashda muhim ahamiyat kasb etadi. Talabalar kelgusida egallagan bilim va ko‘nikmalarini professional faoliyatda samarali qo‘llashlari kutiladi.

Ingliz tilshunosligi kafedrasi III bosqich talabalari malakaviy amaliyot jarayonida

ingliz_tilshunosligi_kafedrasi — Wed, 10 Jun 2026 05:29:36 GMT

Buxoro davlat universiteti 2025–2026-o‘quv yili ish rejasiga muvofiq joriy yil 1-iyundan boshlab Xorijiy tillar fakulteti Filologiya va tillarni o‘qitish (ingliz tili) yo‘nalishi 3-bosqich talabalari uchun 4 haftalik malakaviy amaliyot tashkil etildi.
Amaliyotning dastlabki ikki haftasi nazariy (faol bo‘lmagan) bosqich sifatida olib borilib, 11-14ING-23 guruhlari talabalari Ingliz tilshunosligi kafedrasi katta o'qituvchisi I.I.Akramov rahbarligida Ko‘hna Buxoroning tarixiy yodgorliklari hamda “Yetti Pir” ziyoratgohlari bo‘yicha nazariy bilimlarni o‘zlashtirdilar.
Mashg‘ulotlar davomida talabalar mavzular asosida taqdimotlar tayyorlab, ularni tahliliy va qiziqarli ma’lumotlar bilan boyitgan holda taqdim etdilar. Talabalarning darslardagi faolligi yuqori bo‘lib, amaliyot jarayoni tizimli va samarali tashkil etilgani kuzatildi. Amaliyotning keyingi bosqichida Buxoroning tarixiy va madaniy obidalariga amaliy tashriflar amalga oshirilishi rejalashtirilgan. Shuningdek, O‘zbekiston Respublikasi Prezidentining 2021-yil 19-maydagi PQ–5117-sonli qarori ijrosini ta’minlash maqsadida xorijiy tillarni o‘qitish sifatini oshirish bo‘yicha olib borilayotgan islohotlar doirasida amaliy mashg‘ulotlar tashkil etildi. Malakaviy amaliyot jarayoni talabalarning nazariy bilimlarini amaliy ko‘nikmalar bilan uyg‘unlashtirishga xizmat qildi. Xorijiy tillarni o‘qitish tizimidagi islohotlar esa raqobatbardosh va yuqori malakali mutaxassislar tayyorlashda muhim ahamiyat kasb etadi. Talabalar kelgusida egallagan bilim va ko‘nikmalarini professional faoliyatda samarali qo‘llashlari kutiladi.