Chet davlatlarning fuqarolaridan yoki ularning topshirig‘iga binoan boshqa shaxslardan pul mablag‘lari va mol-mulk olinishini kelishish uchun O‘zbekiston Respublikasi Vazirlar Mahkamasining 2019-yil 9-oktabrdagi 858-sonli qarori bilan tasdiqlangan Nodavlat notijorat tashkilotlarining chet davlatlardan, xalqaro va chet el tashkilotlaridan, chet davlatlarning fuqarolaridan yoki ularning topshirig‘iga binoan boshqa shaxslardan pul mablag‘lari va mol-mulk olishni ro‘yxatdan o‘tkazuvchi organ bilan kelishish tartibi to‘g‘risidagi nizomda belgilangan tartib va muddatga rioya qilgan holda taqdim etiladi.

pul mablag‘lari va mol-mulkni olish O‘zbekiston Respublikasining konstitutsiyaviy tuzumini zo‘rlik bilan o‘zgartirish, suvereniteti, yaxlitligi va xavfsizligiga putur yetkazish, fuqarolarning konstitutsiyaviy huquq va erkinliklarini kamsitish, urush, ijtimoiy, milliy, irqiy va diniy adovatni targ‘ib qilish, jinoiy faoliyatdan olingan daromadlarni legallashtirishga va terrorizmni moliyalashtirish, fuqarolarning sog‘lig‘i va ma’naviyatiga tajovuz qilishga qaratilgan bo‘lsa;

taqdim etilgan hujjatlarda yolg‘on ma’lumotlar ko‘rsatilgan bo‘lsa;

pul mablag‘lari va mol-mulk olinishi qonunchilik hujjatlari va nodavlat notijorat tashkilot ustavi (nizomi) talablariga zid bo‘lsa;

pul mablag‘lari va mol-mulk olinishini kelishish bo‘yicha murojaat mazkur Nizomda belgilangan tartib va muddatga rioya qilinmagan holda taqdim etilgan bo‘lsa;

adliya organi tomonidan nodavlat notijorat tashkilotdan pul mablag‘lari va mol-mulk olinishini kelishish yuzasidan so‘ralgan qo‘shimcha hujjatlar belgilangan muddatda taqdim qilinmasa chet ellik shaxslardan pul mablag‘lari va mol-mulk olinishini kelishish rad etiladi.

Surxondaryo viloyat adliya boshqarmasi
mas'ul xodimi H. Abduraxmonov

“O‘zbekiston Respublikasining Mehnat kodeksini tasdiqlash to‘g‘risida”gi O‘RQ-798-son Qonuni Prezident tomonidan imzolandi.

Unga ko‘ra sh beruvchilar va davlat manfaatlarining muvozanatini ta’minlash hamda ularni muvofiqlashtirish asosida yakka tartibdagi mehnatga oid munosabatlar va ular bilan bevosita bog‘liq bo‘lgan ijtimoiy munosabatlar tartibga solinadi.

Kodeksga ko‘ra, yakka tartibdagi mehnatga oid munosabatlar va ular bilan bevosita bog‘liq ijtimoiy munosabatlarni huquqiy tartibga solish asosiy prinsiplari etib quyidagilar belgilandi:

·                      mehnat huquqlari tengligi, mehnat va mashg‘ulotlar sohasida kamsitishni taqiqlash;

·                      mehnat erkinligi va majburiy mehnatni taqiqlash;

·                      mehnat sohasidagi ijtimoiy sheriklik;

·                      mehnat huquqlari ta’minlanishi va mehnat majburiyatlari bajarilishi kafolatlangani;

·                      xodim huquqiy holati yomonlashishiga yo‘l qo‘yilmasligi.

Shuningdek xodim bilan ish beruvchi o‘rtasidagi yakka tartibdagi mehnatga oid munosabatlarni haqiqatda tartibga soladigan fuqarolik-huquqiy xususiyatga ega shartnomalar tuzish taqiqlanadi.

Bundan tashqari, Agar ish beruvchi ishga joylashtirish to‘g‘risidagi taklif bilan jismoniy shaxsga taklifnoma yuborgan bo‘lsa, ish beruvchi taklifnomaning amal qilish muddati davomida, agar taklifnomada muddat shartlashilmagan bo‘lsa, taklifnoma yuborilgan kundan e’tiboran 1 oy ichida ushbu shaxsni ishga qabul qilishni rad etishga haqli emas.

Taklifnoma deganda ish beruvchining ushbu jismoniy shaxs bilan mehnat shartnomasini tuzish uchun to‘g‘ridan-to‘g‘ri, aniq ifodalangan rozilik bildirishi tushuniladi.

Taklifnoma ish beruvchining tegishli vakolatli mansabdor shaxsi tomonidan yozma yoki elektron shaklda yuborilishi mumkin.

Ushbu qonun rasmiy e’lon qilingan kundan e’tiboran 6 oy o‘tgach kuchga kiradi. Qonun kuchga kirishi bilan «O‘zbekiston Respublikasining Mehnat kodeksini tasdiqlash to‘g‘risida»gi qonun o‘z kuchini yo‘qotadi.

Surxondaryo viloyat adliya boshqarmasi

nodavlat notijorat tashkilotlar bo‘limi

yetakchi maslaxatchisi H.Abduraxmonov

2022 yil 22 sentabr “Mahalla” hayriya jamoat fondi viloyat bo‘lim boshqaruvi, Xalq deputatlari Surxondaryo viloyat huzuridagi jamoat fondi, viloyat adliya boshqarmasi hamda O‘zNNTMA Surxondaryo viloyat hududiy bo‘linmasi rahbar va mas’ullari ishtirokida fondning tuman, shahar mutaxassislarining grant tanlovlarida ishtirok etishda faolligini oshirish yuzasidan tadbir bo‘lib o‘tdi.

Tadbirdan ko‘zlangan asosiy maqsad - viloyatdagi NNTlarni moliyaviy barqaror rivojlanishi uchun grant tanlovlarida ishtirokini kuchaytirish, tanlovga taqdim etiladigan loyihalarning sifatini yaxshilash, hamda tanlovga tanlanadigan muammolarni ijtimoiy ahamiyatlilik darajasini to‘g‘ri tanlash bo‘yicha tushunchalar berish, shuningdek, joylardagi ijtimoiy ahamiyatga molik masalalarda davlatga ko‘makchi sifatidagi rolini yanada oshirishdan iborat.

Tadbirda ma’ruzachilar tomonidan “Mahalla” hayriya jamoat fondi tuman bo‘limlari rahbar va mas’ullariga grant tanlovlariga loyihalarni taqdim etishga qo‘yiladigan asosiy talablar, tanlovga talabgor (ishtirokchi) loyiha talabnomasida (loyiha arizasida) qo‘yiladigan shartlar bo‘yicha batafsil tushunchalar berdi. Jumladan,

·        tanlovlarda avval g‘olib bo‘lmagan fuqarolik jamiyati institutlari taqdim etilayotgan loyihada so‘ralayotgan umumiy summaning (grant summasining) 10 foizidan kam bo‘lmagan miqdordagi o‘z ulushi summasini;

·        bir marotaba g‘olib deb topilgan va ikkinchi marotaba tanlovda ishtirok etayotganfuqarolik jamiyati institutlari loyihani amalga oshirish bo‘yicha Jamoat fondidan so‘ralayotgan umumiy summaning (grant summasining) 20 foizidan kam bo‘lmagan miqdorda o‘z ulushi summasini;

·        ikki marotaba g‘olib bo‘lgan va uchinchi marotaba tanlovda ishtirok etayotgan fuqarolik jamiyati institutlari loyihani amalga oshirish bo‘yicha Jamoat fondidan so‘ralayotgan umumiy summaning (grant summasining)

·        30 foizidan kam bo‘lmagan miqdorda o‘z ulushi summasini ko‘rsatishi shart;

·        uch va undan ko‘p marotabatanlovlarda g‘olib bo‘lgan fuqarolik jamiyati institutlari loyihani amalga oshirish bo‘yicha Jamoat fondlaridan so‘ralayotgan umumiy summaning (grant summasining) 50 foizidan kam bo‘lmagan miqdorda o‘z ulushi summasini ko‘rsatishi shart.

Bundan tashqari loyiha budjetining loyiha mazmuniga muvofiqligi va uni asoslantirilganligi bo‘yicha qo‘yiladigan mezonlari xususida ham to‘xtalib o‘tildi. Xususan, loyiha smeta xarajatlari maqsadli va asosli tuzilganligi, ortiqcha xarajatlarga yo‘l quyilmasligi, oylik ish haqi miqdori jami so‘ralgan mablag‘ning 20 foizidan oshmasligi, jami so‘ralgan mablag‘ning 15 foizgacha moddiy-texnik bazani mustahkamlashga yo‘naltirish, sotib olinadigan tovar moddiy boyliklar va moddiy texnik bazaning qiymati (bahosi) asoslantirilishi, raqobat varog‘i ishlab chiqilishi, loyiha budjetida so‘ralgan mablag‘ning kamida 60 foizidan ortig‘i ijtimoiy va umum ahamiyatga molik maqsadlarga yo‘naltirilishi, boshqa xarajatlar miqdori 5 foizgacha bo‘lishi, pul ko‘chirish yo‘li bilan sotib olish mo‘ljallangan tovar moddiy boyliklarni, moddiy texnik bazaning haqiqiy narxlari bilan mos kelishi, sotib olinishi mo‘ljallangan tovar moddiy boyliklarni, moddiy texnik bazani maqsadga muvofiqligi, xarajatlar ustuvorligida ijtimoiy foydali maqsadning ustunligi, ma’muriy xarajatlarning kamligi yuzasidan fikrlar bildirib o‘tildi.

Shuningdek, tadbir davomida grant tanlovlari ishtirokining huquqiy asoslari, grant talablari buzilishi yoki noto‘g‘ri foydalanilishi, talablar va shartlarning o‘z vaqtida bajarilmasligi bo‘yicha javobgarliklar yuzasidan ham batafsil ma’lumotlar berildi. Bundan tashqari grant ariza shaklini to‘g‘ri to‘ldirilishi, muammoni ijtimoiy ahamiyatliligi, maqsadning to‘g‘ri shakllantirilishi yuzasidan ishtirokchilarga birlamchi tushunchalar berilib, agar grant yozish istagi bo‘lgan ishtirokchilar bilan loyiha ariza shaklini to‘ldirish yuzasidan alohida shaklda seminar tashkil etishga yoki alohida yakka tartibda tushunchalar berib borish yuzasidan kelishuvlarga erishildi.

Nodavlat notijorat tashkilotlar

bo‘limi yetakchi maslaxatchisi H.Abduraxmonov

Ushbu nizomning 13-bandiga ko‘ra, NNTni davlat ro‘yxatidan o‘tkazish to‘g‘risidagi arizaga davlat tilidagi ustav yoxud yuridik shaxs hisoblanadigan alohida bo‘linma to‘g‘risidagi nizom, ikki nusxada Ustav (nizom) tartib raqami qo‘yilgan,
ip o‘tkazib tikilgan va ta’sischi(lar) vakil qilgan shaxs imzosi bilan tasdiqlangan, NNTni tashkil etish to‘g‘risidagi ta’sis s’ezdi (konferensiyasi)ning yoki umumiy yig‘ilishning bayonnoma yoxud ta’sischining qarori (respublika va viloyatlararo NNT uchun tegishli alohida bo‘linmalar tashkil etish to‘g‘risidagi ma’lumotlar, NNTning pochta manzili sifatida foydalanish uchun mo‘ljallanayotgan ko‘chmas mulkka yoki undan foydalanishga bo‘lgan huquqni tasdiqlovchi hujjat, NNTni tuzish tashabbuskorlari yoxud ta’sischilari to‘g‘risidagi ma’lumotlar, ularda jismoniy shaxslar uchun — familiyasi, ismi, otasining ismi, tug‘ilgan sanasi, yashash joyi hamda yuridik shaxslar uchun — nomi, pochta manzili, soliq to‘lovchining identifikatsiya raqami (STIR) va davlat ro‘yxatidan o‘tkazilgan sanasi ko‘rsatiladi, tashabbuskor fuqarolar ro‘yxati ilova qilinadi.

NNTni davlat ro‘yxatidan o‘tkazish uchun taqdim etilgan hujjatlar ular taqdim etilgan kundan boshlab bir oy muddatda ko‘rib chiqiladi.

Ko‘rib chiqish natijalari bo‘yicha ro‘yxatdan o‘tkazuvchi organ tomonidan davlat ro‘yxatidan o‘tkazish to‘g‘risida yoki davlat ro‘yxatidan o‘tkazishni rad etish to‘g‘risidagi qarorlardan biri qabul qilinadi, u tegishli ro‘yxatdan o‘tkazuvchi organ rahbarining buyrug‘i shaklida rasmiylashtiriladi.

NNTni davlat ro‘yxatidan o‘tkazishni rad etish to‘g‘risidagi qaror ariza beruvchilarga qaror qabul qilingandan keyin uch kun mobaynida yozma shaklda xabar qilinadi. Ariza beruvchiga davlat bojini qaytarish masalasi bo‘yicha murojaat qilish yoxud uch oy, siyosiy partiyalar uchun esa — bir oy muddatda rad etish sabablari bartaraf etilgandan keyin, davlat boji to‘lamasdan NNTni davlat ro‘yxatidan o‘tkazish to‘g‘risidagi ariza bilan takroran murojaat qilish mumkin.

Nodavlat notijorat tashkilotlar bo‘limi

yetakchi maslaxatchisi

H.Abduraxmonov

Tadbir davomida diniy tashkilotlar sohasida normativ-huquqiy hujjatlar mazmun mohiyati, vijdon erkinligini ta’minlash sohasidagi munosabatlarni, shuningdek diniy tashkilotlar faoliyatini tartibga solinishi yuzasidan tushuntirishlar berildi.

Nodavlat notijorat tashkilotlar bo‘limi

yetakchi maslaxatchisi

H.Abduraxmonov

Surxondaryo viloyat adliya boshqarmasining “Adliya organlari va muassasa xodmlarini o‘qtish va ularning bilimi, malakasi, ko‘nikmalarini oshirish yuzasidan 2022-yil uchun ma’naviyat va ma’rifat soati” o‘tkazish yuzasidan reja grafigi tasdiqlangan.

Unga ko‘ra barcha tarkibiy bo‘linmalar yangi qabul qilinayotgan normativ huquqiy hujjatlar va sohaga oid qonunchilik hujjatlarining mazmun-mohiyati va ahamiyatini tushuntirish, boshqarma xodimlari malakasini oshirib borish belgilangan.

Boshqarmaning nodavlat notijorat tashkilotlari bo‘limi tomonidan joriy yilning 18-avgust kuni O‘zbekiston Respublikasi Prezidentining 3.03.2021-yildagi PQ-5012-sonli “Nodavlat notijorat tashkilotlarini davlat tomonidan qo‘llab-quvvatlash, ularning faoliyati erkinligi, huquqlari va qonuniy manfaatlari himoya qilinishini ta’minlashga oid qo‘shimcha chora-tadbirlar to‘g‘risida”gi Qarori hamda O‘zbekiston Respublikasining «Vijdon erkinligi va diniy tashkilotlar to‘g‘risidagi qonunining mazmun-mohiyati va ahamiyati xodimlar e'tiboriga yetkazildi.

Nodavlat notijorat tashkilotlar bo‘limi

yetakchi maslaxatchisi

H.Abduraxmonov