Марҳамат тумани ҳокимлиги
Матбуот хизмати.

Мустақиллигимизнинг 31 йиллиги арафасида қуриб фойдаланишга топширилаётган объектлар сони кундан-кунга ортиб бормоқда. Булар нафақат давлат тасарруфидаги ташкилотлар, шунингдек, тадбиркорлик субъектлари томонидан ҳам кўплаб маиший ҳамда хизмат кўрсатиш шахобчаларидир.

Бундай бир-биридан чиройли ва маҳобатли бинолар мустақиллик шодиёналари арафасида ишга туширилаётгани аҳолига қувонч бағишлаш билан бир қаторда, шаҳар ва туманлар кўркига кўрк қўшмоқда.

Жумладан, Марҳамат туманида анча йиллардан буён тадбиркорлик билан шуғулланиб келаётган тадбиркор Дилшодбек Абдураимов томонидан «Наврўз» МФЙ, Мустақиллик кўчасида  қуриб битказилган «Visol» тантаналар саройи ҳам шулар сирасидандир.

Марҳамат тумани ҳокими Б.Юлдашев ташаббуси ҳамда тадбиркор Д.Абдураимов ҳомийлигида бугун ушбу тўйхонада Марҳамат туманидаги кам таъминланган, ижтимоий кўмакка муҳтож 10 та оила фарзандларининг хатна тўйлари ўтказиб берилди.

Тўй болаларнинг ҳар бирига бош-оёқ сарпо, велосипед каби турли совғалар туҳфа қилиниб, тўй дастурхони безатилди.

Байрамда иштирок этган туман маданият бўлими санъаткорларининг куй-қўшиқлари ҳамда мусиқа ва санъат мактабларининг ўқувчилари томонидан ижро этилган бир-биридан бетакрор рақслар эса иштирокчиларга кўтаринки кайфият улашди.

Марҳамат тумани ҳокимлиги
Матбуот хизмати.

Mustaqilligimizning 31 yilligi arafasida qurib foydalanishga topshirilayotgan ob'ektlar soni kundan-kunga ortib bormoqda. Bular nafaqat davlat tasarrufidagi tashkilotlar, shuningdek, tadbirkorlik sub'ektlari tomonidan ham ko‘plab maishiy hamda xizmat ko‘rsatish shaxobchalaridir.

Bunday bir-biridan chiroyli va mahobatli binolar mustaqillik shodiyonalari arafasida ishga tushirilayotgani aholiga quvonch bag‘ishlash bilan bir qatorda, shahar va tumanlar ko‘rkiga ko‘rk qo‘shmoqda.

Jumladan, Marhamat tumanida ancha yillardan buyon tadbirkorlik bilan shug‘ullanib kelayotgan tadbirkor Dilshodbek Abduraimov tomonidan «Navro‘z» MFY, Mustaqillik ko‘chasida  qurib bitkazilgan «Visol» tantanalar saroyi ham shular sirasidandir.

Marhamat tumani hokimi B.Yuldashev tashabbusi hamda tadbirkor D.Abduraimov homiyligida bugun ushbu to‘yxonada Marhamat tumanidagi kam taʼminlangan, ijtimoiy koʻmakka muhtoj 10 ta oila farzandlarining xatna toʻylari oʻtkazib berildi.

Toʻy bolalarning har biriga bosh-oyoq sarpo, velosiped kabi turli sovgʻalar tuhfa qilinib, toʻy dasturxoni bezatildi.

Bayramga tashrif buyurgan tuman madaniyat bo‘limi sanʼatkorlarning kuy-qoʻshiqlari hamda musiqa va san'at maktablarining o‘quvchilari tomonidan ijro etilgan bir-biridan betakror raqslar esa ishtirokchilarga koʻtarinki kayfiyat ulashdi.

Marhamat tumani hokimligi
Matbuot xizmati.

Vazirlar Mahkamasining 2003-yil 13-fevraldagi «Oʻzbekiston Respublikasida chakana savdo qoidalarini hamda Oʻzbekiston Respublikasida umumiy ovqatlanish mahsulotlarini (xizmatlarini) ishlab chiqarish va sotish qoidalarini tasdiqlash toʻgʻrisida»gi 75-son qarori talab qoidalari hamda belgilanmagan joylarda noqonuniy savdo faoliyatini oldini olish maqsadida tuman davlat soliq inspeksiyasi xodimlari belgilanmagan joylarda, jumladan, piyodalar yurish yoʻlakchalarida noqonuniy savdo faoliyati bilan shug'ullanayotgan tadbirkorlar bilan profilaktik suhbatlar olib borib, ularga ogohlantirishlar berildi.

Noqonuniy savdo bilan shug‘ullanayotganlar bir necha bor rasman ogohlantirishlarga qaramay, belgilanmagan joylarda, jumladan, piyodalar yo‘laklarida savdo faoliyati bilan shug‘ullanib, piyodalar harakatlanishi uchun noqulayliklar tug‘dirmoqda.
Bunday holatlar qayta takrorlansa, qonunda belgilangan tartibda chora ko‘rilishi haqida ogohlantiramiz!

Davlat Soliq inspeksiyasi Marhamat tumani bo‘limi.

Marhamat tumani tibbiyot birlashmasi tizimidagi 35-Oilaviy Poliklinikasida Shomat, Paxtakor, Qushchi hamda Shoʻrqishloq mahalla fuqarolar yigʻinlarida yashovchi fuqarolar chuqurlashtirilgan tibbiy koʻrikdan oʻtkazildi.

Tibbiy koʻrik jarayonida terapevt, oftalmolog, kardiolog, nevropatolog, stomatolog, jarroh kabi tor doiradagi mutaxassislar ishtirok etdilar.

250 dan ortiq aholi tibbiy koʻrikdan oʻtkazilib, koʻrik mobaynida 7 nafar bemorga tuman tibbiyot birlashmasi tizimidagi statsionarlarda davolanish uchun yoʻllanmalar berildi.

Oʻtkazilgan tibbiy koʻriklarda laborator hamda funksional tekshiruvlarga alohida eʼtibor qaratildi.

Xususan, Ultratovush tekshiruvi, EKG tekshiruvi va laborator tekshiruvlari amalga oshirildi.

Reja asosida amalga oshirilayotgan bunday tadbirlar aholining tibbiyot xodimlari faoliyatidan, shuninngdek, xalqqa koʻrsatilayotgan tibbiy xizmatdan roziligini taʼminlashga qaratilmoqda.

Shuningdek, 3 nafar nogironligi bor bemorlarning uylariga borildi. Ular ham chuqurlashtirilgan tibbiy koʻrikdan oʻtkazildi va zarur dori-darmon vositalari bilan taʼminlandilar.

Bundan tashqari Paxtakor MFY hududida joylashgan 18-umumiy o‘rta ta'lim maktabida Marhamat TTB ASTTQQ va JFO bo‘linmasi mudiri A.Saidakbarov tomonidan sog'lom turmush tarzini targ‘ib etish bo‘yicha davra suhbati o‘tkazildi.

Bunday tibbiy-ko‘riklar tumanimizdagi barcha MFYlarda muntazam ravishda amalga oshiriladi.

Marhamat tumani hokimligi Matbuot xizmati.

Andijon viloyati prokurori S.Eshquvvatov, Oʻzbekiston Respublikasi Prezidentining Andijon viloyatidagi Xalq qabulxonasi mudiri M.Xoʻjamberdiyev, tuman hokimi B.Yuldashev, tuman prokurori O.Qayumov, tuman IIB boshlig‘i J.Qosimov hamda viloyat prokuraturasi, Departament va MIB boshqarmalari xodimlari ishtirokida Marhamat tumani 2-sektor hududidagi ogʻir hudud sifatida qayd etilgan «Uvaysiy» mahallasida «Yashil makon» umummilliy harakati doirasida tadbir oʻtkazildi.

Tadbir davomida ushbu hududning Beshmirza koʻchasiga 800 tup manzarali daraxtlar va 2500 tup mevali daraxtlar ekildi va mahalladagi xonadonlarga tarqatildi.

Shuningdek, mutasaddi rahbarlar ushbu mahalla o‘ramida xonadonlarda bo‘lib o‘tayotgan, xalqimizning urf-odatlaridan biri hamda bahor faslining sevimli taomlaridan sumalak pishirish jarayonida ham ishtirok etdilar.

Shu bilan birga, viloyat prokurori S.Eshquvvatov ushbu hududda yashovchi bir nafar nogiron farzandini tarbiyalab kelayotgan Tashlanova Maloxatxonning yashash xonadonida boʻlib, ularning yashash sharoitlari va muammolari bilan tanishdi. Viloyat prokurori tomonidan ushbu oilaga oziq-ovqat mahsulotlari berildi.

Shuningdek, M.Tashlanovaning nogiron farzandini davolanishi uchun sharoit yaratildi va xonadonning elektr energiyasi bilan bogʻliq muammolari hal etilishi taʼminlandi.

Marhamat tumani hokimligi Matbuot xizmati.

Marhamat tumanidagi Alitepa MFY hududida joylashgan Erkin Vohidov nomidagi shaxmat maktabida sportning voleybol va shaxmat turlari bo‘yicha joriy yilning 3-mart kuni yoshlar o‘rtasida BOʻSM birinchiligi musobaqalari o‘tkazildi.

Musobaqada Marhamat tuman Bolalar-o‘smirlar sport maktabi shug‘ullanuvchilari hamda umumta'lim maktabi o‘quvchilari ishtirok etdilar.

Musobaqada sportning voleybol turi bo‘yicha 6 ta jamoadan tashkil topgan oʻgʻil bolalar jamoalari o‘zaro bellashdilar.

Sportning shaxmat turi bo‘yicha 48 nafar sportchi yoshlar bahs olib bordilar. Musobaqalarda jami 100 nafardan ziyod sportchi yoshlar ishtirok etdilar.

Musobaqa yakuniy natijalariga ko‘ra, g‘olib bo‘lgan jamoalar va sportchi yoshlar tuman Turizm va sport bo‘limi hamda tuman Bolalar-o‘smirlar sport maktabi tomonidan 1-2-3-darajali diplomlar bilan munosib taqdirlandilar.

Marhamat tumani hokimligi Matbuot xizmati.

«Yashil makon» umummilliy loyihasi doirasida Marhamat tumanidagi yangi barpo etilgan «Buyuk maskan» dam olish markazida mevali hamda manzarali daraxt koʻchatlarini ekish aksiyasi oʻtkazildi.

Aksiyani Andijon viloyat hokimining oʻrinbosari M.Nishanov kirish soʻzi bilan ochib berdi.

Shundan soʻng, tuman hokimi B.Yuldashev aksiya ishtirokchilarini bahorning ilk kuni bilan qutlab, ishtirokchilarga xush kayfiyat ulashdi. Aksiya davomida yoshi ulugʻ, koʻpni koʻrgan momolarimiz tomonidan qadimiy urf-odatlarimizdan birini aks ettiruvchi chalpaklar tayyorlandi.

Aksiyada tuman hokimligi, Mahalla va oilani qoʻllab-quvvatlash boʻlimi, mahalla fuqarolar yigʻini hamda tumandagi barcha tashkilotlarning rahbar xodimlari ishtirok etdilar.

Aksiya davomida tumandagi aholi yashash xonadonlariga, boʻsh turgan yerlar hamda adirlik hududlariga povloniya, archa, tut, terak, uzum, olma, anor kabi mevali va manzarali daraxt koʻchatlarini ekish ishlari amalga oshirildi.

Tumanimizning barcha hududlarida ko‘chat ekish ishlari davom etmoqda.

Marhamat tumani hokimligi Matbuot xizmati.

Marhamat tumanidagi Alitepa MFY hududida joylashgan Erkin Vohidov nomidagi shaxmat maktabida sportning voleybol va shaxmat turlari bo‘yicha joriy yilning 2-mart kuni yoshlar o‘rtasida tuman birinchiligi musobaqalari o‘tkazildi.

Musobaqada Marhamat tuman Bolalar-o‘smirlar sport maktabi shug‘ullanuvchilari hamda umumta'lim maktabi o‘quvchilari ham ishtirok etdilar.

Musobaqada sportning voleybol turi bo‘yicha 8 ta jamoadan tashkil topgan qizlar jamoalari o‘zaro bellashdilar.

Sportning shaxmat turi bo‘yicha 65 nafar sportchi yoshlar bahs olib bordilar.

Shuningdek, sportning suzish turi bo‘yicha musobaqa Alitepa MFY hududidagi xususiy yopiq suzish havzasida bo‘lib o‘tdi.

Musobaqa tuman BO‘SM shug‘ullanuvchilari o‘rtasida o‘tkazildi. Musobaqalarda jami 220 nafardan ziyod sportchi yoshlar ishtirok etdilar.

Musobaqaning yakuniy natijalariga ko‘ra, g‘olib bo‘lgan jamoalar va sportchi yoshlar tuman Turizm va sport bo‘limi hamda tuman Bolalar-o‘smirlar sport maktabi tomonidan 1-2-3-darajali diplomlar bilan munosib taqdirlandilar.

Marhamat tumani hokimligi Matbuot xizmati.

Yoshlarni boʻsh vaqtlarini mazmunli tashkil etish va ular oʻrtasida harbiy sport musobaqalarini oʻtkazish orqali oʻsib kelayotgan yosh avlodni sogʻligini mustahkamlash, ularni harbiy vatanparvarlik ruhida tarbiyalash, mafkuraviy immunitetini yanada mustahkamlash, huquqbuzarlik va salbiy illatlarga qarshi kurashish ruhiyatida tarbiyalash maqsadida Yoshlar ishlari agentligi Marhamat tuman boʻlimi, Andijon davlat tibbiyot instituti, Marhamat tuman Xalq taʼlimi boʻlimi, tuman Mudofaa boʻlimi hamkorligida tumandagi 2-son kasb-hunar maktabida harbiy sport musobaqasi oʻtkazildi.

Musobaqaning yakuniy natijalariga ko‘ra, 1-oʻrinni tumandagi 2-son kasb-hunar maktabi jamoasi, 2-oʻrinni 32-umumtaʼlim maktabi jamoasi, 3-oʻrinni esa 22-IDUM jamoasi qoʻlga kiritdilar.

Gʻoliblarga tashkilotchilar tomonidan qimmatbaho esdalik sovgʻalar topshirildi.

Marhamat tumani hokimligi Matbuot xizmati.