Tadbir avvalida boshqarma boshlig‘i A.Dadajonov so‘zga chiqib, barchani qutlug‘ ayyom bilan samimiy qutlab, so‘ngi yillarda adliya sohasida amalga oshirilayotgan islohotlar, tizimdagi yangiliklarga to‘xtalib o'tib,.

So‘ngra Adliya vazirligi jamoasi va hududiy adliya organlari bayram tuhfasi sifatida tayyorlagan maxsus videorolik namoyish etilib, Mustaqillik bayramiga bo'lgan muhhabbat yana bir bor eslandi.

Shuningdek, tadbirda Mamlakatimizning qutlug‘ ayyomi arafasida alohida fidoyilik ko‘rsatayotgan bir guruh yurtdoshlarimiz, O‘zbekiston Respublikasi Prezidentining
2021 yil 24 maydagi Farmoniga asosan taʼsis etilgan "O‘zbekiston Respublikasi mustaqilligining 30 yilligi" esdalik nishoni bilan mukofotlandi.

Shu bilan birga tadbir davomida adliya organlari bilan samarali hamkorlik qilib kelayotgan ommaviy axborot vositlari vakillari, hamkor tashkilotlar xodimlariga ham bayaram arafisda esdalik sovg'alar topshirildi.

Tadbir davomida sanʼatkorlar tomonidan taqdim qilingan bayram adliya tizimi xodimlariga yanda yaxshi kayfiyat bag'ishladi.

Mukofotlar bilan chin dildan tabriklaymiz. Eʼtiroflar doimiy bardavom bo‘lsin!

Бугун 21 август куни Давлатимиз мустақиллигининг 30 йиллик байрамини нишонлашга муносиб тайёргалик кўриш мақсадида, вилоят адлия бошқармаси ходимлари томонидан “Янги Ўзбекистонда эркин ва фаровон яшайлик!” шиори асосида умумхалқ ободонлаштириш хайрия ҳашари ўтказилди.

Ҳашар кунларида одамлар орасида ўзаро меҳр-оқибат ва ҳамжиҳатликни янада кучайтириш, беғараз ёрдам, меҳр-мурувват каби эзгу фазилатларни юксалтириш, маҳаллалар ҳамда аҳоли тураржойларини обод қилиш ва кўкаламзорлаштириш, ҳудудлар санитария ҳолатини яхшилаш ишлари умумхалқ ҳаракати даражасига кўтарилади.

Ҳозирги пайтда ҳашарни юқори савияда ўтказиш мақсадида барча давлат ҳамда жамоат ташкилотлари томонидан пухта ҳозирлик кўрилиб юқори даражада ўтказилмоқда.

Хусусан, Андижон вилоят адлия бошқармаси ва туман (шаҳар) адлия бўлими ходимлари умумхалқ хайрия ҳашарида фаол иштирок этишмоқдалар. Айни пайтда ходимлар томонидан ҳудудларини тозалаш, дарахтларни оҳаклаш, иш жойларни тартибга келтириш ва бошқа шу каби ишлари бажарилмоқда.

Андижон вилоят адлия бошқармаси

2020 yil iyun oyidan buyon Andijon viloyat adliya boshqarmasi boshlig‘i birinchi o‘rinbosari lavozimida ishlab kelayotgan Bozarov Otabek Shavkatjonovich joriy yil
16 avgust kuni Adliya vazirining burug‘i bilan Davlat xizmatlari agentligi Andijon viloyati boshqarmasi boshlig‘i lavozimiga tayinlandi.

Andijon viloyat adliya boshqarmasi

Andijonda viloyat adliya boshqarmasi va Andijon shahar adliya bo'limi hamkorligida 2021 yil 26 iyul kuni Milliy gvardiya Andijon viloyat hududiy boshqarmasida saylov qonunchiligi bo'yicha o'quv seminar tadbiri bo'lib o'tdi.

Tadbirda Andijon shahar adliya bo'limi boshlig'i O.Gafurov tomonidan Saylov instituti bo'yicha umumiy tushunchalar berildi.

Viloyat adliya boshqarmasi bo'lim boshlig'i U.Hakimov tomonidan esa Saylovga tayyorgarlik ko‘rish bo‘yicha Huquqni muhofaza qiluvchi organlarning vazifalari,   Saylovni o‘tkazish vaqtida huquqni muhofaza qiluvchi organlarining xavfsizlik va jamoat tartibini saqlash bo‘yicha vazifalari, Ichki ishlar va Milliy gvardiya xodimlarining saylovga tayyorgarlik ko‘rish va o‘tkazish jarayonidagi huquq, vazifa va burchlari mavzusida ma'ruza o'qib eshittirildi.

Tadbirda ishtirokchilar o'zlari qiziqtirgan savollarga batafsil tushuntirishlar oldilar.

Жисмоний ва юридик шахслар вакилларининг қабулларини давлат органлари
ва хўжалик бошқаруви органларининг мансабдор шахслари иштирокида ташкил этиш, раҳбар ходимларни халқ билан мулоқотга киришлари учун асос яратиш мақсадида жойларда сайёр ва оммавий қабуллар ташкил этилиб келмоқда.

Бугун 9 июль куни Қўрғонтепа тумани Сайилгоҳ дам олиш масканида Қўрғонтепа ва Хонобод шаҳар фуқаролари учун оммавий қабул ўтказилди.

Қабулда Вилоят адлия бошқармаси раҳбарияти томонидан ҳам фуқаролар мурожаати тингланиб, керакли ҳуқуқий тушунтиришлар, маслаҳатлар бериб борилмоқда.

Жорий йилнинг 8 июль куни Андижон вилоят адлия бошқармаси томонидан Ўзбекистон Республикаси Адлия вазирлигининг “Очиқ адлия” (“Open justice”) дастурига мувофиқ вилоят Савдо саноат палатаси вилоят ҳудудий бошқармаси биноси мажлислар залида матбуот анжумани ташкил этилди.

Мамлакатимиз бўйлаб давом этаётган пандемия шароитида карантин тартиб-қоидаларига амал қилган ҳолда ушбу анжуманда барча босма ва электрон ОАВ вакиллари, журналист, блогер, веб-сайт админлари, маҳаллий давлат ҳокимияти органлари ва вилоятдаги бошқарма, ташкилот ва муассасалар ахборот хизматлари раҳбарлари жалб этилди.

Ўтказилган тадбирни вилоят адлия бошқармаси бошлиғининг биринчи ўринбосари О.Бозаров олиб бориб дастлаб анжуман иштирокчиларига
вилоят адлия бошқармаси ва туман (шаҳар) адлия бўлимлари томонидан 2021 йилнинг I ярим йиллиги даврида амалга оширилган ишлар юзасидан ҳамда адлия соҳасида амалга оширилаётган ислоҳотлар ва жорий этилаётган янгиликлар ҳақида маълумотлар бериб ўтди.

Сўнг, вилоят адлия бошқармаси масъул ходими А.Хасанов томонидан Ўзбекистон Республикасининг Президентининг 2021 йил 8 июндаги “Ер муносабатларида тенглик ва шаффофликни таъминлаш, ерга бўлган ҳуқуқларни ишончли ҳимоя қилиш ва уларни бозор активига айлантириш чора-тадбирлари тўғрисида”ги ПФ-6243-сонли Фармони мазмун моҳияти ва аҳамияти тушунтириб ўтилди.

Анжуман анча қизғин тарзда давом этиб, савол жавобларга бой бўлди. ОАВ вакиллар, блогер ва журналистлар томонидан берилган саволларига Вилоят Прокуратураси, адлия бошқармаси ва Кадастр агентлиги вилоят бошқармаси масъул ҳодимлари томонидан жавоблар ва ҳуқуқий тушунтиришлар берилиб, батафсил маълумотлар берилди.

Андижон вилоят адлия адлия бошқармаси

Ҳуқуқий тарғибот ва маърифат бўлими

Оммавий қабуллар мурожаатларга ижобий ечим топиш механизми ҳисобланади. Шундай экан ҳозирги кунда жисмоний ва юридик шахслар қабулларини давлат органларининг мансабдор шахслари иштирокида ташкил этиш, раҳбар ходимларни халқ билан мулоқотга киришлари учун асос яратиш мақсадида жойларда сайёр қабуллар ташкил этилмоқда.

Шундай, оммавий қабулларидан бири Ўзбекистон Республикаси Президенти маслаҳатчисининг биринчи ўринбосари Бахтиёр Исламов раҳбарлигидаги Республика ишчи гуруҳи томонидан суд-ҳуқуқ масалалари бўйича Андижон вилоятида оммавий қабуллар ўтказилмоқда.

Бугун 7 июль куни Андижон тумани ҳокимлиги ҳовлисида Андижон, Олтинкўл, Избоскан ва Паҳтаобод туман фуқаролари учун оммавий қабул ўтказилди.

Қабулда Вилоят адлия бошқармаси раҳбарияти томонидан ҳам фуқаролар мурожаати тингланиб, керакли ҳуқуқий тушунтиришлар, маслаҳатлар бериб борилмоқда.

Ўзбекистон Республикаси Вазирлар Маҳкамасининг 2020 йил 14 апрелдаги 218-сон қарорига асосан Ўзбекистон Республикаси Адлия вазирлигига, қарорларни фақат «E-qaror» электрон тизими орқали қабул қилиш, рўйхатдан ўтказиш, уларга такрорланмайдиган махсус рақам бериш ва автоматик тарзда эълон қилиш жараёнининг доимий мониторингини олиб бориш вазифаси юклатилган.

Мазкур вазифани бажарилишини таъминлаш мақсадида Пахтаобод тумани адлия бўлими томонидан олиб борилган мониторинг тадбирлари давомида Пахтаобод тумани ҳокимининг 2 та қарори амалдаги қонунчиликка зид равишда қабул қилинганлиги аниқланди.

Ҳаммага маълум, Ўзбекистон Республикаси Президентининг 2021 йил 8 июндаги «Ер муносабатларида тенглик ва шаффофликни таъминлаш, ерга бўлган ҳуқуқларни ишончли ҳимоя қилиш ва уларни бозор активига айлантириш чора-тадбирлари тўғрисида»ги ПФ-6243-сон Фармони билан

2021 йил 1 августдан бошлаб маҳаллий давлат ҳокимияти органларининг ер муносабатларига оид ваколатлари хусусан, ер участкаларини тўғридан-тўғри ажратиш, фойдаланишга бериш ёки ерларни бошқача йўл билан тасарруф қилиш, ер участкаларига бўлган ҳуқуқларни белгилаш, эътироф этиш, ўзгартириш, бекор қилиш, жамоа боғдорчилиги, узумчилиги ва полизчилиги ҳамда ёрдамчи қишлоқ хўжалигини юритиш учун ер бериш, хусусийлаштириладиган ер участкаларига нисбатан инвестиция мажбуриятлари ёки хусусий мулкни эркин тасарруф этишни чеклайдиган бошқа мажбуриятларни белгилаш улар юзасидан қарор, фармойиш ёки бошқа турдаги ҳужжат қабул қилиш ҳуқуқи бекор қилинган.

Шунингдек, Фармоннинг 8-бандида Фармон расман эълон қилинган кундан бошлаб Ўзбекистон Республикаси Ер кодексига тегишли ўзгартиш ва қўшимчалар киритилгунига қадар Қорақалпоғистон Республикаси Вазирлар Кенгаши, вилоятлар, Тошкент шаҳар, туманлар ва шаҳарлар маҳаллий вакиллик ва ижро ҳокимияти органлари томонидан мазкур Фармонда назарда тутилганидан бошқача тартибда ер участкаларини ажратиш қатъиян тўхтатилсин деб белгиланган бўлсада Пахтаобод туман ҳокимининг 2021 йил «10» июнь кунги 5-1-25-Q/21-сонли қарори билан Пахтаобод тумани Ҳаётбахш МФЙ ҳудудидаги туман захирасидаги қишлоқ хўжалигида фойдаланмайдиган ер майдонларидан 3 (уч) гектарини “POYTUGʼ NASL PARRANDA” МЧЖга «Паррандачилик фабрикаси» бино ва иншоотлари қурилиши учун ажратиб берилган.

Бундан ташқари, туман ҳокимининг 2021 йил «11» июнь кунги 8-1-25-Q/21-сонли қарори билан “STROY PLITA BETON” МЧЖга «Андижон» массиви қишлоқ хўжалиги харитасининг 267 қ-контуридаги туман захира фондида бўлган 5,0 гектар қишлоқ хўжалигида фойдаланмайдиган ер майдонларига қум-шағал тошлар аралашмасини қазиб олиш учун ер майдони ажратиб берилган.

Юқоридагиларга кўра Пахтаобод тумани адлия бўлими томонидан 2021 йил 18 июнь куни туман ҳокимлигига «Қонун ҳужжатларнинг бузилиши, уларнинг сабаблари ва бунга олиб келувчи шарт-шароитларни бартараф этиш тўғрисида»ги тақдимномаси киритилиб юқорида кўрсатиб ўтилган ҳоким қарорлари бекор қилинди.

Пахтаобод тумани адлия бўлими

Андижон вилоят адлия бошқармаси томонидан Булоқбоши тумани, Ширмонбулоқ МФЙ, Шўрбулоқ кўчаси, 52-уйда яшовчи фуқаро З.Ннинг меҳнат шартномасини бекор қилиш ҳақидаги буйруқни ғайриқонуний деб топилиши натижасида етказилган маънавий зарарни ундиришда амалий ёрдам сўраб, йўллаган мурожаати ўрганиб чиқилди.

Аниқланишича, фуқаро З.Н Булоқбоши туман ахборот кутубхона марказига 2019 йил 11 ноябрдаги 7-сон буйруғи билан марказнинг ахборот-коммуникация технологиялари ва рақамлаштириш бўлимига хизмат раҳбари лавозимига ишга қабул қилинган ҳамда шу сана билан 13-сон меҳнат шартномаси тузилган.

Марказ директорининг 2020 йил 21 декабрдаги 24-к-сон буйруғига асосан фуқаро З.Н билан тузилган меҳнат шартномаси Меҳнат кодексининг 100-моддаси, 2-қисми, 3 ва 4-бандларига асосан бекор қилинган.

Ушбу буйруқни қабул қилишда меҳнат қонунчилиги талаблари бузилганлиги сабабли уни ғайриқонуний деб топиш бўйича судга даъво ариза киритилди.

Андижон вилоят суди фуқаролик ишлари бўйича апелляция инстанцияси судлов ҳайъатининг 2021 йил 15 апрелдаги ажрими билан жавобгар Булоқбоши туман ахборот кутубхона марказининг 2020 йил 21 декабрдаги 24-к-сон буйруғи ғайриқонуний деб топилган, даъвогар З.Н Булоқбоши туман ахборот кутубхона маркази ахборот коммуникация технологиялари ва рақамлаштириш хизмати раҳбари вазифасига ишга тикланган ҳамда ажрим билан даъвогар З.Н фойдасига жавобгар Булоқбоши туман ахборот кутубхона маркази ҳисобидан мажбурий прогул кунлари учун 5 204 751 сўм миқдорида (ушланмалардан сўнг) иш ҳақи ундириш белгиланган бўлиб, ушбу ажрим ҳозирги кунда кучида ва юқори инстанция томонидан белгиланган тартибда бекор қилинмаган.

Фуқаро З.Н мурожаатида 2020 йил 21 декабрда ғайриқонуний ишдан бўшатилганлигини, ҳуқуқлари поймол қилинаётганлигини, 2020 йил
21 декабрдаги буйруқ ғайриқонуний деб топилганлиги сабабли унга етказилган маънавий зарарни қоплаб беришни сўраган.

Меҳнат кодексининг 112-моддасига кўра, ишга тикланганда иш берувчига ходимга етказилган зарарни қоплаш мажбурияти юклатилади.

Зарарни қоплаш мажбурий прогул вақти учун ҳақ тўлаш шартлигидан
(275-модда), меҳнат шартномаси бекор қилинганлиги ёки ходим бошқа ишга ўтказилганлиги устидан шикоят қилиш билан боғлиқ қўшимча харажатлар (мутахассислардан маслаҳат олиш, иш юритиш учун кетган харажатлар ва бошқалар) учун компенсация тўлашдан, маънавий зарар учун компенсация тўлашдан иборатдир. Маънавий зарар учун тўланадиган компенсациянинг миқдори иш берувчининг хатти-ҳаракатига берилган баҳони ҳисобга олиб, суд томонидан белгиланади, лекин бу миқдор ходимнинг ойлик иш ҳақидан кам бўлиши мумкин эмас.

Бундан ташқари, Фуқаролик кодекснинг 1022-моддасида маънавий зарарни қоплаш миқдори жабрланувчига етказилган жисмоний ва маънавий азобларнинг хусусиятига, шунингдек айб товон тўлашга асос бўлган ҳолларда зарар етказувчининг айби даражасига қараб суд томонидан аниқланиши, зарарни қоплаш миқдорини аниқлашда оқилоналик ва адолатлилик талаблари эътиборга олиниши лозимлиги, жисмоний ва маънавий азобларнинг хусусияти маънавий зарар етказилган ҳақиқий ҳолатлар ва жабрланувчининг шахсий хусусиятлари ҳисобга олинган ҳолда суд томонидан баҳоланиши, шунингдек маънавий зарар тўланиши лозим бўлган мулкий зарардан қатъи назар қопланиши белгиланган.

Юқоридагиларга кўра, фуқаролик ишлари бўйича Хўжаобод туманлараро судига фуқаро З.Н манфаатида маънавий зарарни ундириш бўйича даъво ариза киритилган эди.

Суднинг 2021 йил 10 июндаги ҳал қилув қарори билан фуқаронинг бир ойлик ўртача иш ҳақи миқдорида (1 млн. 600 мингдан ортиқ) унга етказилган маънавий зарар ундирилиши белгиланди.

Андижон вилоят адлия бошқармаси

Инсон ҳуқуқларини ҳимоя қилиш бўлими