Yurtimizda bo’lib o’tayotgan bu siyosiy yig’ilishda dunyoning 190ta mamlakatidan yig’ilgan 2800 dan ortiq mehmonlarning ishtirok etishi davlatlar o‘rtasidagi madaniy aloqalarni mustahkamlash, o‘zaro hurmat va hamkorlik tamoyillarini chuqurlashtirish uchun ham xizmat qiladi. Bu jarayon global tinchlik, barqaror rivojlanish va inson salohiyatining yuksalishida ham muhim rol o’ynaydi.

Sessiyada zamonaviy dunyoda ta’limning raqamlashtirilishi, sun’iy intellektning ta’lim tizimidagi o‘rni, ekologik savodxonlik, madaniy merosni asrash kabi dolzarb mavzular muhokama qilinmoqda. Ayniqsa, yoshlar uchun sifatli ta’lim, ijodiy fikrlashni qo‘llab-quvvatlash va ilmiy innovatsiyalarni rag‘batlantirish masalalari bugungi kunning eng muhim yo‘nalishlaridan biridir.

O‘zbekiston so‘nggi yillarda mamlakatimiz rahbari Shavkat Mirziyoyevning tashabbusi bilan UNESCO bilan faol hamkorlikni yo‘lga qo‘ygan davlatlardan biridir. Mamlakatimizda tarixiy merosni asrash, madaniy yodgorliklarni restavratsiya qilish, qizlar ta’limini qo‘llab-quvvatlash va ilm-fan rivojiga hissa qo‘shish bo‘yicha ko‘plab tashabbuslar amalga oshirilmoqda. Samarqandda sessiyaning o‘tkazilishi esa O‘zbekistonning xalqaro miqyosda ishonchli hamkor va tashabbuskor davlat sifatidagi mavqeini mustahkamladi.

Bugungi global muammolarni hal etishda yoshlarning roli beqiyos. Shu sababli sessiya doirasida yosh avlodni innovatsion tafakkur, kreativ yondashuv va raqamli kompetensiyalar bilan qurollantirish masalalariga alohida e’tibor qaratilmoqda. O‘zbekiston yoshlari uchun bu xalqaro tajribadan o‘rganish, yangi g‘oyalarni tatbiq etish va jahon miqyosidagi ilmiy hamkorlikni kengaytirish imkonini beradi.

UNESCOning 43-sessiyasi O‘zbekistonning xalqaro hamjamiyatdagi faol pozitsiyasini, yoshlar, ta’lim va madaniyatga bo‘lgan e’tiborini yana bir bor tasdiqladi. Bu nafaqat o‘tgan yutuqlarni e’tirof etish, balki kelajak uchun yangi yo‘nalishlar belgilab olish uchun ham muhim maydondir. Samarqandda o‘tayotgan ushbu tarixiy yig‘ilish insoniyat taraqqiyotiga xizmat qiluvchi muhim qadamlardan biridir.

Buxoro davlat universiteti,

Xorijiy tillar fakulteti

Ingliz adabiyotshunosligi va tarjimashunoslik

kafedrasi mudiri D.I.Xodjayeva

Bugun har bir O‘zbekiston fuqarosi bor-ki, o‘z yurt rahbaridan, mamlakatda amalga oshirilayotgan xalqchil islohotlardan minnatdor. Buning isbotini yurtimizda mana shunday xalqaro konferensiyalarni xush-xursandlik bilan, birlashib o‘tkazilayotganida yoki har bir tashrif buyurgan, buyurayotgan xalqaro mehmonlar tilida, fikridan bilish, eshitish mumkin.

Insoniyat tamadduniga nazar solsak, azaldan ham ipak yo‘li chorrahasida joylashgan, ilm, san’at, madaniyat, ma’rifat va ma’naviyat beshigi bo‘lgan zamin — Samarqand shahrida o‘tkazilayotgan konferensiya alohida ramziy ahamiyatga ega. Yurtimiz Rahbarining ikki renessansning asoschilari bo‘lgan zaminda, yana uchinchi renessansni poydevorini qurish kabi ulug‘vor maqsadlari, orzu-intilishlarining yorqin namunasini YuNESKO Bosh konferensiyasining 43-sessiyasi yurtimizda o‘tkazilayotganida ko‘rish mumkin. Va bu esa, O‘zbekistonning sivilizatsiyalar o‘rtasidagi ko‘prik, tinchlik va hamjihatlik g‘oyalarining markazi sifatidagi rolini yana bir bor namoyon etmoqda.

Muhtaram Prezidentimizning bu xalqaro konferensiyada ishtiroklari va so‘zlagan nutqlari xalqaro jamoatchilikni e’tiborini uyg‘otdi. Tarixiy chiqishning yuksak ahamiyati shunda-ki, bugun dunyoda kechayotgan insoniyatning tinch hayotiga solinyotgan turli ko‘rinishdagi tahdidlar, mamlakatlar o‘rtasidagi geosiyosiy, mafkuraviy va qurollik urushlar avj olayotgan bir davrda O‘zbekiston dunyoga ezgulik, millatlararo totuvlik, bag‘rikenglik, birgalikda xalqlarni farovon hayotini ta’minlash sari birlashish kabi ulug‘vor taklif va tashabbuslarni ilgari surilishi ko‘plab mamlakat rahbarlari, xalqaro sohalarning yetuk ekspertlarini ham qizg‘in va ijobiy mulohazalar qilishga chorlamoqda.

Prezidentimiz o‘z nutqida istiqbolda YuNESKO bilan hamkorligimizni yangi bosqichga olib chiqish bo‘yicha qator taklif va tashabbuslarni ilgari surdi. Ular quyidagilardan iborat:

Ta’lim sohasida. YuNESKOning alohida ehtiyojli bolalar uchun Inklyuziv ta’limni rivojlantirish platformasini joriy etish; jahon professional ta’lim sammitini o‘tkazish; O‘zbekistonda YuNESKO ishtirokida “Sun’iy intellekt — maktab” namunaviy loyihasini amalga oshirish; sun’iy intellekt etikasi bo‘yicha xalqaro ekspertlar anjumanini o‘tkazish kabi amaliy takliflar ilgari surildi.

Madaniy meros sohasida: YuNESKOning “Jahon xotirasi” dasturini rivojlantirish; 19 noyabrni “Hujjatli meros xalqaro kuni”, deb e’lon qilish; YuNESKO tuzilmasiga kiradigan Raqamli meros bo‘yicha xalqaro institutni tashkil etish va Buxoroda 2027 yili hunarmandchilik bo‘yicha xalqaro kongress o‘tkazish kabi amaliy tashabbuslar bildirildi.

Xotin-qizlarning yetakchilik qobiliyati va kompetensiyasini ta’minlash sohasida: Bu borada ham, Xotin-qizlar yetakchiligi bo‘yicha YuNESKO akademiyasini tashkil etish; Samarqandda xotin-qizlarning Ta’lim, madaniyat va fan sohasidagi global forumini o‘tkazish kabi gender masalalariga ham katta taklif va tashabbuslar konferensiya kun tartibiga olib chiqildi.

Iqlim inqiroziga qarshi kurashish sohasida: “YuNESKOning Ekologik poytaxti” global tashabbusini amalga oshirish; YuNESKO Ijroiya Kengashining “Globallashuv va iqlim o‘zgarishlari sharoitida madaniy merosni asrab-avaylash bo‘yicha chora-tadbirlarni kuchaytirish to‘g‘risida”gi rezolyusiyasini ishlab chiqish; Globallashuv va iqlim o‘zgarishlari sharoitida madaniy merosni asrab-avaylash bo‘yicha Xiva shahrida xalqaro simpozium o‘tkazish borasida ham amaliy tashabbuslar ilgari surildi.

Virtual makonda noxolis axborotlar tarqalishining oldini olish sohasida: Bolalar madaniy kontenti xalqaro festivalini o‘tkazish; YuNESKOning Media savodxonlikni rivojlantirish bo‘yicha keng qamrovli strategiyasini ishlab chiqish masalasida ham tashabbuslar aytildi.

Diniy bag‘rikenglikni targ‘ib etish sohasida: Islom madaniyati va ma’rifatini dunyoga tarannum etish orqali radikalizm va islomofobiyaga qarshi samarali kurashish; Islom sivilizatsiyasi markazi, Imom Buxoriy, Imom Moturidiy, Imom Termiziy, Bahouddin Naqshband tadqiqot markazlari salohiyatidan birgalikda foydalanish kabi qator amaliy taklif va tashabbuslar ilgari surildi.

Tarixiy nutqda berilgan taklif va tashabbuslarning barchasi Yangi O‘zbekistonda amalga oshirilayotgan islohotlar va yurtimizning uzoq yillarga belgilangan davlat dasturlari, strategik maqsadlarida ko‘zda tutilgan. Endi ushbu xalqchil davlat dasturlarimiz, strategik maqsadlar xalqaro institutlar bilan hamohang tarzda amalga oshirilishi yurtimizni qanchalik demakratik, xalqparvar ekanligi, davlatimiz Rahbarining uchinchi renessansni poydevorini qurish g‘oyasiga dunyo xalqlarini ergashishga kirishayotganidan dalolat beradi.

Xulosa o‘rnida, Mamlakatimiz Prezidenti Markaziy Osiyo mamlakatlari rahbarlari bilan birgalikda barcha maqsad va intilishlarni, xalqlarni birlashtirdi. Birlashgan millatlar tashkiloti tashkil topganining 80 yillik yubileyi arafasida YuNESKOning 43-sessisi Samaqard shahrida o‘tkazilishi nafaqat o‘zbekistonliklarni balki Markaziy Osiyo xalqlarining yutug‘i hisoblanadi. Shu ma’noda, biz yurtimizda amalga oshirilayotgan islohotlarni har tomonlama qo‘llab-quvvatlab, xalqimizning farovonligi, yurtimiz tinligi yo‘lida har jabhada o‘zimizning munosib hissamizni qo‘shmog‘imiz zarur. Zero, Yangi O‘zbekiston istiqboli porloq, kelajagi buyuk davlatdir.

Azizbek Amonov,

BuxDU dotsenti

19-dekabr kuni soat 16:00 2-smena 3-juftlikda da Buxoro davlat universiteti San’atshunoslik va pedagogika fakulteti Musiqa ijrochiligi va madaniyat kafedrasi o’qituvchisi Hasanov Halim Ravshanovichning 12–2 cholg’u 21 guruhi bilan birgalikda Turdosh cholg’ularni o’rganish fanidan “Dugoh maqomidan Samoi dugoh asarini o’rganish” mavzusidagi ochiq darsi bo’lib o’tdi. Ochiq dars davomida yangi asar tahlil qilindi. Talabalar ochiq darsda faol ishtirok etdilar.

Buxoro davlat universiteti Tarix va yuridik fakulteti 3- bosqich Tarix ta’lim yo‘nalishi talabalari “O‘zbekiston tarixini o‘rganish” bo‘yicha malakaviy amaliyot jarayonlarini amalga oshirdilar. Amaliyot rahbari t.f.f.d. (PhD), dotsent Sh.S.Shodiyeva tomonidan Buxoro shahri va tumanlarda joylashgan tarixiy-me’moriy obyektlarda olib borilgan amaliyot jarayonida talabalarning O‘zbekiston tarixi bo‘yicha olgan bilimlari nazariy va amaliy jihatdan yana bir bor mustahkamlandi.

Buxoro davlat universiteti San’atshunoslik va pedagogika fakultetining Tasviriy san’at va muhandislik grafikasi ta’lim yo‘nalishi bitiruvchi kurs talabalari mutaxassislik fanlaridan yakuniy davlat attestatsiyasi BuxDUning G’ijduvon tumanidagi binosida bo‘lib o‘tmoqda.

Талабаларни “уйғотган” қарор

Маълумки, 7-8 йил илгари ҳам республикамизда олий муссасалари саноқли бўлгани, бори ҳам давлат олий таълим муассасаларидан иборат экани, хусусий олий таълим муасасалари йўқлиги эвазига абитуриентларнинг талаба бўлиши қийин, бир таълим йўналишидаги ўринга энг ками ўнтадан ўттизтагача номзод тўғри келар эди. Бу умумий маънода ўқишга кириш қийинлигини англатарди. Натижада аксарият ёшларимиз бошқа давлатлардаги таълим сифати кафолатланмаган ўқиш жойларига ҳужжат топширар, қанча-қанча маблағлар ўша давлатларга кетиб қолар эди.

Ёшларимизни юртимиздаги имкониятлардан фойдаланган ҳолда таълим олиши учун яратилган шароитлар туфайли олий таълим соҳаси ислоҳ қилинди. Бугун юртимизда 200 дан ортиқ давлат ва нодавлат олий таълим муассасалари фаолият олиб бормоқда. Ҳозирда уларда дунёдаги йирик олий таълим муассасалари каби ўқишга кириш ихтиёрий ва жуда осон. Бироқ, шунга мос равишда таълимнинг сифатига эътибор ҳам ортиб бормоқда. Вазирлар Маҳкамасининг 2025-йил 10-мартдаги қарори ҳам айни мақсадда, яъни олийгоҳларда таълим сифатини ошириш ва жамиятда ижтимоий фаол ёшлар қатламини пайдо қилишга қаратилгани билан аҳамиятли бўлди. Энди давлат гранти ва стипендиялар ҳар ўқув йилида айланма шаклда, муносиб талабанинг ўзлаштиришига қараб белгиланадиган тартибда тақсимланади. Хўш, бунинг тартиби қандай?

Қарор низоми таълим грантларини иккинчи ва ундан кейинги курсларда юқори академик ўзлаштириш кўрсаткичларига эришган ва Ўзбекистан Республикаси фуқароси бўлган ижтимоий фаол талабалар ўртасида олий таълим ташкилотлари томонидан табақалаштирилган тарзда қайта тақсимлаш ҳамда қўшимча грант тақдим этиштартибини белгилайди. Эътиборингизни унинг моҳиятини ёритувчи, жараёнларни ҳаракатга келтирувчи иқтибослар, механизмларга қаратмоқчимиз.

Таълим грантининг базавий сони — олий таълим ташкилотининг тегишли бакалавриат таълим йўналишига (магистратура мутахассислигига) кириш имтиҳонлари натижасига кўра давлат гранти асосида 1-курсга талабаликка тавсия этилган абитуриентлар сонига тенг грант ўрни;

Таълим грантига талабгор — олий таълим ташкилотининг таълим гранти ажратилган бакалавриат таълим йўналиши (магистратура мутахассислиги) бўйича иккинчи ва ундан кейинги курсларда таҳсил олаётган, таълим грантини қайта тақсимлашда иштирок этиш истагини билдирган талаба;

Тўлиқ таълим гранти — бир ўқув йили учун берилиб, ўқитиш харажати Давлат бюджетидан тўлиқ қоплаб бериладиган ва умумий тартибдаги стипендия билан таъминланадиган таълим гранти;

Тўлиқ бўлмаган таълим гранти — бир ўқув йили учун берилиб, тўлов-контракт суммасининг 50 фоизи давлат бюджетидан қоплаб бериладиган ва умумий тартибдаги стипендия билан таъминланмайдиган таълим гранти;

GPA (Grade Point Average) — таълим олувчининг дастур бўйича ўзлаштирган балларининг ўртача қиймати;

Қўшимча давлат гранти — олий таълим ташкилотларининг бакалавриат таълим йўналишларида муайян ўқув йили якуни бўйича GPA кўрсаткичи 4 ва ундан юқори бўлган, Ижтимоий ҳимоя миллий агентлиги ҳамда Олий таълим, фан ва инновациялар вазирлиги томонидан белгиланадиган тоифадаги талабаларнинг навбатдаги ўқув йили учун ўқитиш харажати давлат бюджетидан тўлиқ қоплаб бериладиган ва умумий тартибдаги стипендия билан таъминланадиган грант;

Олий таълим ташкилоти гранти — молиявий мустақиллик берилган олий таълим ташкилотлари томонидан уларда бакалавриат таълим йўналишлари бўйича таҳсил олувчи белгиланган тоифадаги талабаларнинг GPA кўрсаткичи 3,3 дан 4 гача бўлганда, уларнинг навбатдаги ўқув йили учун белгиланган тўлов-контракт суммасининг 20 фоиздан 80 фоизгача бўлган қисмини ушбу олий таълим ташкилотининг бюджетдан ташқари маблағлари ҳисобидан қопланадиган грант.

Талабаларнинг ўзлаштириш кўрсаткичлари Ўзбекистон Республикаси Олий таълим, фан ва инновациялар вазирлигининг HEMIS — Олий таълим жараёнларини бошқариш ахборот тизими орқали шакллантирилади. Бунда талабаларнинг GPA кўрсаткичи юздан бир улушда ҳисобланади.

Академик ўзлаштириш кўрсаткичини аниқлаш бўйича комиссия томонидан таълим грантига талабгорларнинг ўзлаштириш кўрсаткичлари ҳисоблаб чиқилиб, мутаносиб тарзда 80 баллик мезонда баҳоланади ҳамда ушбу комиссия баёни билан расмийлаштирилади. Бунда талабаларнинг академик ўзлаштириш кўрсаткичи талабаларнинг GPA кўрсаткичини “16” сонига кўпайтириш орқали аниқланади. Нега айнан “16” сони? Бу талабанинг академик ўзлаштириш кўрсаткичини аниқлашдаэнг юқори ўзлаштириши мумкин бўлган GPA — таълим олувчининг дастур бўйича 5 балл ҳисобланади. Қарор низомига кўра 80 баллни 5 сонига бўлинса 16 сони келиб чиқади.

Ушбу таъриф ва механизмларни амалий жараёндаги шархи, тушунтириши қандай бўлади?

Биринчи босқичда талабанинг академик ўзлаштириш кўрсаткичи 80 балл — таълим олувчининг дастур бўйича ўзлаштирган балларининг ўртача қиймати – “16” сонига кўпайтирилади.

Иккинчи босқичга кўра, қарор низомининг 2-иловасида талабанинг ижтимоий фаоллиги учун 20 балл ажратилган. Хўш, 20 балл қаердан пайдо бўлди, деган савол туғилади. Нега ижтимоий фаоллик учун 20 балл? Юқорида келтирилганидек, умумий 100 балдан 80 баллгача талабанинг академик ўзлаштириши кўрсаткичи баҳоланади. Қолган 20 балл – 100 баллни таълим олувчининг дастур бўйича энг юқори кўрсаткичи – 5 баллга бўлиш орқали вужудга келади.

Масалан, талабанинг академик ўзлаштириши кўрсаткичи, яъни GPA 5 балл бўлса, натижа – 5х16=80. Агар GPA 4,20 бўлса, натижаси – 4,20х16=67,2 келиб чиқади. Талабанинг ижтимоий фаоллик кўрсаткичи – энг юқори балл 20 бўлса, бунинг натижаси – 20:5=4. Ёки талабгор ижтимоий фаолликда ўзлаштирган балл 18 бўлса, 18:5=3,6 бўлади.

Ижтимоий фаоллик ўзи нима? У қандай баҳоланади?

Бу савол бугун кўплаб олий таълим муассасаларида талабаларни фаол тарзда қизиқтирмоқда.

Маълум бўлганидек, ижтимоий фаоллик учун Вазирлар Маҳкамаси қарори низомининг 2-иловаси орқали 20 балл мезони 100 балл кўринишда, 11 та банд кесимида белгилаб берилган. Бундакитобхонлик маданияти – 20 балл, “5 муҳим ташаббус” доирасидаги тўгаракларда фаол иштироки – 20 балл, талабанинг академик ўзлаштириши – 10 балл, талабанинг университетининг ички тартиб қоидалари ва Одоб-ахлоқ кодексига риоя этиши – 5 балл тизимида баҳоланади. Шунингдек,халқаро, республика, вилоят миқёсидаги кўрик-танлов, фан олимпиадалари ва спорт мусобақаларида эришган натижалари - 10 балл, талабанинг дарсларга тўлиқ ва кечикмасдан келиши – 5 балл, талабаларнинг “Маърифат дарслари”да фаол иштироки – 10 балл, волонтёрлик ва жамоат ишларидаги фаоллиги – 5 балл, театр ва музей, хиёбон, тарихий қадамжоларга ташрифлар – 5 балл, талабаларнинг спорт билан шуғулланишга ва соғлом турмуш тарзига амал қилиши – 5 балл ҳамда маънавий-маърифий соҳага оид бошқа йўналишлардаги фаоллиги учун 5 балл берилиши белгиланган.

Низомга кўра, “олий таълим ташкилоти гранти” — молиявий мустақиллик берилган олийгоҳлар томонидан уларда бакалавриат таълим йўналишлари бўйича таҳсил олувчи белгиланган тоифадаги талабаларнинг GPA кўрсаткичи 3,3 дан 4 гача бўлган тақдирда, уларнинг навбатдаги ўқув йили учун белгиланган тўлов-контракт суммасининг 20 фоиздан 80 фоизгача бўлган қисмини қоплаш учун ушбу ташкилотнинг бюджетдан ташқари маблағлари ҳисобидан шакллантириладиган грант ажратилади.

Барча олий таълим муассасалари талабанинг ижтимоий фаоллик кўрсаткичини жамоавий келишилган ҳолда амалиётга қўллайди. Бунда талабанинг манзилли ва ўз ҳаракатларини тўғри йўналтириши учун муассасалар раҳбариятлари томонидан пухта ўйланган дастур ишлаб чиқилиши мақсадга мувофиқ.

Азизбек АМОНОВ,

БухДУ доценти

Bugun Turizm va mehmonxona xo'jaligi kafedrasi professor-o‘qituvchilari Buxoro shahridagi 22-umumta’lim maktabida bo‘lib, 2025–2026 o‘quv yili uchun Turizm va Mehmondo‘stlik yo‘nalishiga qabul bo‘yicha targ‘ibot ishlarini olib bordilar.

Tadbir davomida:
Yo‘nalishning o‘ziga xos jihatlari;
Kasbiy imkoniyatlar va amaliyot dasturlari;
Turizm sohasi bo‘yicha ta’lim olgan bitiruvchilarning faoliyati;
Qabul jarayoni haqida batafsil ma’lumotlar berildi.

Maqsadimiz – iqtidorli yoshlarni zamonaviy, xalqaro talablar darajasidagi turizm sohasi kasblariga yo‘naltirish! Kelajagingizni mehmondo‘stlik va turizm bilan bog‘lang – imkoniyatlaringizni kengaytiring!

San'atshunoslik va pedagogika fakulteti Musiqa ijrochiligi va madaniyat kafedrasi professor-o’qituvchilari ishtirokida Haftaning eng muhim va dolzarb mavzulari yuzasidan navbatdagi "Siyosiy  ma’rifat soati" tashkil etildi.

Yurtimizda va xorijda ro`y bergan yangiliklar bilan kafedra professor-o`qituvchilar tanishtirildi.
Prezidentimiz Shavkat Mirziyoyev va Ozarbayjon Respublikasi Prezidenti Ilhom Aliyevning telefonda muloqotlari haqida ma’lumot berildi.
Davlat rahbarlari ikki va koʻp tomonlama kun tartibidagi dolzarb masalalarni muhokama qildilar.Savdo-iqtisodiy, investitsiyaviy va gumanitar sohalardagi kooperatsiya loyihalari va dasturlarini amalga oshirishni jadallashtirishga alohida eʼtibor qaratildi.Boʻlajak oliy darajadagi uchrashuvlar rejasi koʻrib chiqildi.Mintaqaviy hamkorlik, shu jumladan Turkiy davlatlar tashkiloti va Iqtisodiy hamkorlik tashkiloti doirasidagi masalalar yuzasidan ham fikr almashildi.
Bundan tashqari Xivada o`tkazilgan IV Baxshichilik xalqaro san’ati festivali haqida axborot berildi.

BuxDU Tabiiy fanlar va agrobiotexnologiya fakulteti 1 bosqich 2–1EKOKT-24 gurihida 2025 yil 2 may sanasida “O‘zbekistonning eng yangi tarixi” fanidan “Mustaqillik yillarida O‘zbekistonnig ma’naviy va madaniy tarqqiyoti” mavzusi doirasida “Arxeologiya va Buxoro tarixi” kafedrasi katta o‘qituvchisi O.I.Rajabov tomonidan ochiq sayyor dars mashg’uloti o‘tkazildi. Mavzu doirasida Ko‘hna va qadimiy Buxoroning Ark qal’asi va unga tutash bo‘lgan tarixiy me’moriy obidalarning vujudga kelish tarixi, mustaqillik yillarida amalga oshirilgan islohotlarning ma’naviy-madaniy yuksalishdagi o‘rni haqida talabalarga atroflicha ma‘lumotlar berildi.

2025-yil 29-aprel kuni “Tarixshunoslik, manbashunoslik va tarixiy tadqiqot usullari” mutaxassisligi 2-kurs magistranti Ramazonova Nilufar 5–2TAR-23 guruh talabalari bilan O’zbekistonning eng yangi tarixi fanidan “Oʻzbekiston 1925–1941-yillarda.Oʻzbekistondagi ijtimoiy-siyosiy o`zgarishlar
” mavzusida ochiq dars o‘tkazdi. Seminar mashgʻulotida talabalar 4 guruhga bo’lingan holda darsda faol ishtirok etishdi, turli interfaol usullaridan foydalanildi. Bundan tashqari, dars tanqidiy va tahliliy fikrlash, mahoratlarini rivojlantirishga qaratilgan edi. Dars jarayonida talabalar turli topshiriqlarni bajarib, mahoratlarini yanada oshirishdi. Dars Arxeologiya va Buxoro tarixi kafedrasi dotsenti, t.f.f.d, (Dsc), Klichev O.A. hamda magistratura talabalari tomonidan tahlil qilinib, yutuq va kamchiliklari aytib oʻtildi.