2023-yil 3-sentabr kuni Urganch shahrida zakovat intellektual marafoni bo'lib o'tganidan xabaringiz bor. Yuqori atmosferada o'tkazilgan ushbu marafonda Qoraqalpog‘iston Respublikasidan 5 ta jamoa, Xorazm viloyatidan 5 ta jamoa - jami 10 ta jamoa o'rtasida qattiq kurashlar ostida o'tdi desak mubolag'a bo'lmaydi.

Har bir jamoa o'ziga xos ravishda o'zlari tuzib kelgan savollari bilan birin-ketin navbatchilik qilishdi.

Marafonda 10 ta jamoa 10 tadan mantiqiy savollar bilan qatnashib, umumiy 100 ta savol o'ynaldi. Ertalab boshlangan intellektual o'yinimiz kechgacha davom etdi.

Urganch davlat universiteti mezbonligida o'tkazilgan bu turnir qatnashchilariga barcha sharoitlar yaratib berildi. Shuningdek, "Zakovat intellektual klubi" NNT tomonidan bilimdonlarimiz uchun maxsus stollar tayyorlandi va Xorazmning suzma oshlaridan bahramand bo'lishdi.

Intellektual marafon haqida qisqacha aytadigan bo'lsak, hech qaysi jamoa bo'sh kelgisi kelmadi, oxirigacha qaysi jamoa g'olib bo'lishini topish qiyin edi, kimlargadir omad kulib boqdi, kimlardir esa mag'lub bo'ldi.

Yakunda esa kuchli uchlik jamoalari aniqlandi va jamoalar umumiy jamg'armasi 30 million so'm bo'lgan mukofot pullariga sazovor bo'lishdi. G'oliblarga 1-o'rin uchun 15 mln so'm, 2-o'rin uchun 10 mln so'm hamda 3-o'rin sohiblariga 5 mln so'm tarzida mukofot taqdim etildi.

O'yinni kuzatish uchun yosh bilimdonlarimiz ham tashrif buyurishdi

O'ylaymanki, bunday intellektual marafonlar o'tkazilishda yana davom etaveradi, jamoalarga omad tilagan holda keyingi o'yinlarda sovrindorlar qatoridan joy olish nasib qilsin! Barcha tashkilotchilarga katta rahmat!

Turnirni suratga olish, uni yoritish, ajoyib rolik yasashda Qoraqalpog'iston zakovat klubidan kelgan qiz (ismini so'rash esimdan chiqibdi :) ) ham faol ishtirok etdi. U tomonidan tayyorlangan videorolikni quyidagi link orqali https://t.me/zakovatnnt/13040 tomosha qilishingiz mumkin.

Quyida esa Zakovat intellektual marafonimizdan ajoyib va kuguli lavhalarni tomosha qilishingiz mumkin:

O'yin payti kimnidir qayeridir og'rib qolganda :)

Post muallifi, kamina havaskor jurnalist, havaskor fotograf, havaskor zakovatchi... Murodbek Otajonov bo'ldi, kulgili kadrlarda tushib qolgan bilimdonlar xafa bo'lmaydi degan umiddaman, keyingi turnirlarda uchrashguncha...

Joriy yil 28-may kuni "Kelajak liderlari" klubi koordinatori va a'zolari tomonidan viloyatning Hazorasp tumani chekka hududida joylashgan 29-son maktabida klub a'zosi tashabbusi bilan tashkil qilingan "Liderar maktabi" bilan yaqindan tanishildi.

Uchrashuv oldidan yosh liderlarga Xorazm viloyati "Kelajak liderlari" klubi a'zolari faoliyati, o'tgan davr mobaynida amalga oshirilgan loyihalar, erishgan yutuqlari qamrab olingan videorolik namoyish qilindi.

Uchrashuv davomida klubimiz a'zolari yosh liderlarga o'z tajribalari, bilimlari bilan o'rtoqlashishdi. Yoshlarga lider bo'lishning xususiyatlari, liderlikni afzallik taraflari, taym menejment, kitobxonlikni targ'ib qilish orqali ularning dunyoqarashini kengaytirishga xizmat qiluvchi tushunchalarini shakllantirish orqali ajoyib suhbat tarzida o'tkazildi.

Shuningdek, klubimiz a'zolari tomonidan tayyorlab kelingan viktorina savollari orqali ularning bilimlari sinovdan o'tkazildi, shuningdek, yangi ma'lumotlar egallashdi.

Maktab maqsadi faol o'quvchilarni haqiqiy lider qilib tarbiyalash, kelajakgiga befarq bo'lmagan, bilimli va aqlli yoshlar safini ko'paytirish bo'lib, bunday sharoitlarni yaratib bergan maktab direktori va klub a'zosi tashakkurnoma bilan taqdirlandi.

Shuningdek, maktab o'quvchilariga ularning tarbiyasiga ijobiy ta'sir qiladigan kitoblar, shaxmat va stol tennisi anjomlari sovg'a qilindi.

Tadbir davomida yoshlar o'zlarini taklif va rejalari bilan o'rtoqlashishdi.

Liderlar maktabiga omadlar tilaymiz!