O‘zbekiston Respublikasi Prezidentining 2020-yil 22-iyundagi “Inson huquqlari bo‘yicha O‘zbekiston Respublikasining Milliy strategiyasini tasdiqlash to‘g‘risida”gi Farmoniga muvofiq, 2026-yil uchun “Inson huquqlari himoyasi uchun” ko‘krak nishoni bilan taqdirlash uchun nomzodlarni tavsiya etish jarayoni boshlandi.

“Inson huquqlari himoyasi uchun” ko‘krak nishoni to‘g‘risidagi Nizomda fuqarolik jamiyati institutlari, davlat organlari va tashkilotlari ushbu ko‘krak nishoni bilan taqdirlash bo‘yicha nomzodlarni taqdim etishi mumkinligi belgilangan.

Shu munosabat bilan 2026 yil uchun “Inson huquqlari himoyasi uchun” ko‘krak nishoni bilan taqdirlashga tavsiya etilgan nomzodlarning hujjatlarini 2026-yil 1-oktyabrga qadar Inson huquqlari bo‘yicha O‘zbekiston Respublikasi Milliy markaziga (nhrc@exat.uz, info@nhrc.uz)  taqdim etish mumkin.

Inson huquqlari bo‘yicha O‘zbekiston Respublikasi

Milliy markazi Inson huquqlari sohasidagi xalqaro

shartnomalarni implementatsiya qilish bo‘limi

Ўзбекистон Республикаси Президентининг 2020 йил 22 июндаги “Инсон ҳуқуқлари бўйича Ўзбекистон Республикасининг Миллий стратегиясини тасдиқлаш тўғрисида”ги Фармонига мувофиқ, 2026 йил учун “Инсон ҳуқуқлари ҳимояси учун” кўкрак нишони билан тақдирлаш учун номзодларни тавсия этиш жараёни бошланди.

“Инсон ҳуқуқлари ҳимояси учун” кўкрак нишони тўғрисидаги Низомда фуқаролик жамияти институтлари, давлат органлари ва ташкилотлари ушбу кўкрак нишони билан тақдирлаш бўйича номзодларни тақдим этиши мумкинлиги белгиланган.

Шу муносабат билан 2026 йил учун “Инсон ҳуқуқлари ҳимояси учун” кўкрак нишони билан тақдирлашга тавсия этилган номзодларнинг ҳужжатларини 2026 йил 1 октябрга қадар Инсон ҳуқуқлари бўйича Ўзбекистон Республикаси Миллий марказига (nhrc@exat.uz, info@nhrc.uz)  тақдим этиш мумкин.

Инсон ҳуқуқлари бўйича Ўзбекистон Республикаси

Миллий маркази Инсон ҳуқуқлари соҳасидаги

халқаро шартномаларни имплементация қилиш бўлими

In accordance with the Decree of the President of the Republic of Uzbekistan dated June 22, 2020 “On Approval of the National Strategy of the Republic of Uzbekistan on Human Rights”, the process of nominating candidates for awarding the badge “For the Protection of Human Rights” for 2026 has begun.

According to the Regulation on the badge “For the protection of human rights”, civil society institutions, state bodies and organizations present their candidates for the award.

In this regard, the documents of candidates for the award in 2026 can be submitted to the National Center for Human Rights of the Republic of Uzbekistan (nhrc@exat.uz, info@nhrc.uz) until October 1, 2026.

Department for the Implementation of International Human Rights Treaties of the National Center of the Republic of Uzbekistan for Human Rights

В соответствии с Указом Президента Республики Узбекистан от
22 июня 2020 года «Об утверждении Национальной стратегии Республики Узбекистан по правам человека» начался процесс выдвижения кандидатов на награждение нагрудным знаком “За защиту прав человека” за 2026 год.

Согласно Положению о нагрудном знаке «За защиту прав человека» институты гражданского общества, государственные органы и организации представляют своих кандидатов на награждение.

В связи с этим, документы кандидатов на награждение 2026 году могут быть представлены в Национальный центр Республики Узбекистан по правам человека (nhrc@exat.uz, info@nhrc.uz) до 1 октября 2026 года.

Отдел по имплементации международных договоров в области прав человека Национального центра Республики Узбекистан по правам человека

Keyingi yillarda mamlakatimizda kitobxonlik madaniyatini yuksaltirish, aholini, ayniqsa, yoshlarni mutolaaga keng jalb etish davlat siyosatining ustuvor yo‘nalishlaridan biriga aylandi. Ayniqsa, davlatimiz rahbari tomonidan kitobxonlik muhitini kuchaytirish, ijodkorlar va noshirlarni qo‘llab-quvvatlash hamda jamiyatda mutolaa madaniyatini hayot tarziga aylantirish yuzasidan belgilab berilgan ustuvor vazifalar tizimli ravishda bajarilmoqda.

18-iyun kuni Jizzax viloyatining Zomin tumanida bo‘lib o‘tgan davlat arbobi va siyosatchi Qudratilla Rafiqovning “MILLAT SHAVKATI” kitobi taqdimoti avvalida shu haqda so‘z bordi.  Ma’naviy-ma’rifiy hayotimizda muhim voqealardan biri bo‘lgan ushbu tadbir yurtimizda kitobxonlik madaniyatini yuksaltirish, jamiyatda ilmiy-tahliliy fikrni qaror toptirish va yosh avlodning dunyoqarashini boyitishga qaratilgan sa’y-harakatlar izchil davom etayotgan bir paytda o‘tkazilgan mazkur tadbir keng jamoatchilik tomonidan katta qiziqish bilan qarshi olindi.

Taqdimot Zomin tumanidagi 60-sonli umumiy o‘rta ta’lim maktabida tashkil etildi. Mazkur ta’lim maskani mamlakatimiz Prezidenti Shavkat Mirziyoyev tahsil olgan dargoh sifatida ham alohida tarixiy ahamiyatga ega. Shu bois tadbir ishtirokchilari avvalo maktab muzeyi bilan tanishib, unda saqlanayotgan tarixiy hujjatlar, fotosuratlar va eksponatlar orqali Prezidentimiz hayoti va faoliyatining ilk bosqichlarini aks ettiruvchi materiallar bilan yaqindan tanishdi. Ayniqsa, muzey ekspozitsiyasining boyligi va zamonaviy yondashuv asosida shakllantirilgani mehmonlarda katta taassurot qoldirdi.

Taqdimotda Inson huquqlari bo‘yicha O‘zbekiston Respublikasi Milliy markazi direktori, akademik Akmal Saidov, “Nuroniy” jamg‘armasi respublika boshqaruvi raisi, O‘zbekiston Qahramoni Sodiqjon Turdiyev, O‘zbekiston Yozuvchilar uyushmasi raisi, O‘zbekiston xalq shoiri Sirojiddin Sayyid, O‘zbekiston Milliy universiteti rektori Inom Majidov, “Xalq so‘zi” – “Narodnoye slovo” gazetalari bosh muharriri, O‘zbekistonda xizmat ko‘rsatgan jurnalist O‘tkir Rahmatov hamda boshqa jamoat arboblari so‘zga chiqib, asarning mazmun-mohiyati, ilmiy-nazariy ahamiyati va keng kitobxonlar ommasi uchun dolzarbligi xususida o‘z fikr-mulohazalarini bildirdi.

Notiqlar kitobda mamlakatimizda amalga oshirilayotgan keng ko‘lamli yangilanishlar, davlat va jamiyat taraqqiyotining ustuvor yo‘nalishlari, milliy manfaatlarni ta’minlashga qaratilgan strategik yondashuvlar ilmiy-publitsistik uslubda chuqur tahlil qilinganini alohida ta’kidladilar. Shu bilan birga, asar nafaqat siyosatshunoslar va tadqiqotchilar, balki talabalar, yoshlar hamda keng kitobxonlar ommasi uchun ham muhim manba bo‘lishi qayd etildi.

Kitobda O‘zbekistonning yaqin va uzoq tarixi, mamlakatimiz taraqqiyotining yangi bosqichi, Markaziy Osiyoda shakllanayotgan yangi hamkorlik muhiti hamda mintaqada kechayotgan geosiyosiy jarayonlar keng tahlil qilingan. Yangi O‘zbekistonda amalga oshirilayotgan siyosiy, iqtisodiy va ijtimoiy islohotlar, qo‘shni davlatlar hamda jahonning yetakchi mamlakatlari bilan o‘zaro manfaatli munosabatlarning yangi bosqichga ko‘tarilishi, Markaziy Osiyoda integratsiya jarayonlarining mustahkamlanishi hayotiy misollar asosida yoritilgan.

Shuningdek, mamlakatimizda sanoat va ishlab chiqarishni kengaytirish, aholi bandligini ta’minlash, ta’lim va tibbiyot tizimlarida amalga oshirilayotgan islohotlar, inson qadrini ulug‘lash, mehnatkashlar huquq va manfaatlarini himoya qilishda kasaba uyushmalarining o‘rni kabi dolzarb masalalar yuzasidan atroflicha fikr yuritilgan. Muallif ushbu jarayonlarning mazmun-mohiyatini chuqur tahlil qilar ekan, mamlakat taraqqiyotining zamirida xalq manfaatlarini ta’minlashga qaratilgan izchil davlat siyosati mujassam ekanini aniq dalillar va kuzatishlar asosida ochib bergani diqqatga sazovor.

Akademik A.Saidov e’tirof etganidek, ayni muhtasham asar O‘zbekiston Respublikasi davlat mustaqilligining 35-yilligiga mo‘jaz va munosib sovg‘a bo‘ldi. Zero, bugungi kunda Yangi O‘zbekistonda milliy davlatchilik taraqqiyotini faqat iqtisodiy yoki siyosiy ko‘rsatkichlar bilan emas, balki millat tafakkuri va dunyoqarashi, ijtimoiy ongi va ma’naviy yuksalishi darajalari bilan ham baholash tendensiyasi tobora muhim ahamiyat kasb etmoqda.

Shu nuqtayi nazardan qaraganda, ushbuasar so‘nggi ikki yilda chop etilgan 12 publitsistik maqolaning shunchaki bir to‘plami emas, balki Yangi O‘zbekistonda kechayotgan keng qamrovli, shiddatli va tizimli islohotlarning ijtimoiy-siyosiy, huquqiy-falsafiy va ma’naviy-madaniy mazmunini anglashga xizmat qiluvchi yaxlit hamda salmoqli tahliliy mazmundagi siyosiy-publitsistik asardir.

Tadbir yakunida “MILLAT SHAVKATI” kitobining nashr etilishi mamlakatimiz ma’naviy-ma’rifiy hayotidagi muhim voqealardan biri sifatida baholandi. Asarning mazmunan boyligi, tahliliy yondashuvi va hayotiy xulosalari Yangi O‘zbekistonda kechayotgan islohotlarning mazmun-mohiyatini anglash, milliy taraqqiyotning ustuvor yo‘nalishlarini keng jamoatchilikka yetkazish hamda kitobxonlik madaniyatini yanada yuksaltirishga munosib hissa qo‘shishi ta’kidlandi.

Inson huquqlari bo‘yicha

O‘zbekiston Respublikasi

Milliy markazining

matbuot xizmati

Кейинги йилларда мамлакатимизда китобхонлик маданиятини юксалтириш, аҳолини, айниқса, ёшларни мутолаага кенг жалб этиш давлат сиёсатининг устувор йўналишларидан бирига айланди. Айниқса, давлатимиз раҳбари томонидан китобхонлик муҳитини кучайтириш, ижодкорлар ва ноширларни қўллаб-қувватлаш ҳамда жамиятда мутолаа маданиятини ҳаёт тарзига айлантириш юзасидан белгилаб берилган устувор вазифалар тизимли равишда бажарилмоқда.

18 июнь куни Жиззах вилоятининг Зомин туманида бўлиб ўтган давлат арбоби ва сиёсатчи Қудратилла Рафиқовнинг “МИЛЛАТ ШАВКАТИ” китоби тақдимоти аввалида шу ҳақда сўз борди.  Маънавий-маърифий ҳаётимизда муҳим воқеалардан бири бўлган ушбу тадбир юртимизда китобхонлик маданиятини юксалтириш, жамиятда илмий-таҳлилий фикрни қарор топтириш ва ёш авлоднинг дунёқарашини бойитишга қаратилган саъй-ҳаракатлар изчил давом этаётган бир пайтда ўтказилган мазкур тадбир кенг жамоатчилик томонидан катта қизиқиш билан қарши олинди.

Тақдимот Зомин туманидаги 60-сонли умумий ўрта таълим мактабида ташкил этилди. Мазкур таълим маскани мамлакатимиз Президенти Шавкат Мирзиёев таҳсил олган даргоҳ сифатида ҳам алоҳида тарихий аҳамиятга эга. Шу боис тадбир иштирокчилари аввало мактаб музейи билан танишиб, унда сақланаётган тарихий ҳужжатлар, фотосуратлар ва экспонатлар орқали Президентимиз ҳаёти ва фаолиятининг илк босқичларини акс эттирувчи материаллар билан яқиндан танишди. Айниқса, музей экспозициясининг бойлиги ва замонавий ёндашув асосида шакллантирилгани меҳмонларда катта таассурот қолдирди.

Тақдимотда Инсон ҳуқуқлари бўйича Ўзбекистон Республикаси Миллий маркази директори, академик Акмал Саидов, “Нуроний” жамғармаси республика бошқаруви раиси, Ўзбекистон Қаҳрамони Содиқжон Турдиев, Ўзбекистон Ёзувчилар уюшмаси раиси, Ўзбекистон халқ шоири Сирожиддин Саййид, Ўзбекистон Миллий университети ректори Ином Мажидов, “Халқ сўзи” – “Народное слово” газеталари бош муҳаррири, Ўзбекистонда хизмат кўрсатган журналист Ўткир Раҳматов ҳамда бошқа жамоат арбоблари сўзга чиқиб, асарнинг мазмун-моҳияти, илмий-назарий аҳамияти ва кенг китобхонлар оммаси учун долзарблиги хусусида ўз фикр-мулоҳазаларини билдирди.

Нотиқлар китобда мамлакатимизда амалга оширилаётган кенг кўламли янгиланишлар, давлат ва жамият тараққиётининг устувор йўналишлари, миллий манфаатларни таъминлашга қаратилган стратегик ёндашувлар илмий-публицистик услубда чуқур таҳлил қилинганини алоҳида таъкидладилар. Шу билан бирга, асар нафақат сиёсатшунослар ва тадқиқотчилар, балки талабалар, ёшлар ҳамда кенг китобхонлар оммаси учун ҳам муҳим манба бўлиши қайд этилди.

Китобда Ўзбекистоннинг яқин ва узоқ тарихи, мамлакатимиз тараққиётининг янги босқичи, Марказий Осиёда шаклланаётган янги ҳамкорлик муҳити ҳамда минтақада кечаётган геосиёсий жараёнлар кенг таҳлил қилинган. Янги Ўзбекистонда амалга оширилаётган сиёсий, иқтисодий ва ижтимоий ислоҳотлар, қўшни давлатлар ҳамда жаҳоннинг етакчи мамлакатлари билан ўзаро манфаатли муносабатларнинг янги босқичга кўтарилиши, Марказий Осиёда интеграция жараёнларининг мустаҳкамланиши ҳаётий мисоллар асосида ёритилган.

Шунингдек, мамлакатимизда саноат ва ишлаб чиқаришни кенгайтириш, аҳоли бандлигини таъминлаш, таълим ва тиббиёт тизимларида амалга оширилаётган ислоҳотлар, инсон қадрини улуғлаш, меҳнаткашлар ҳуқуқ ва манфаатларини ҳимоя қилишда касаба уюшмаларининг ўрни каби долзарб масалалар юзасидан атрофлича фикр юритилган. Муаллиф ушбу жараёнларнинг мазмун-моҳиятини чуқур таҳлил қилар экан, мамлакат тараққиётининг замирида халқ манфаатларини таъминлашга қаратилган изчил давлат сиёсати мужассам эканини аниқ далиллар ва кузатишлар асосида очиб бергани диққатга сазовор.

Академик А.Саидов эътироф этганидек, айни муҳташам асар Ўзбекистон Республикаси давлат мустақиллигининг 35 йиллигига мўъжаз ва муносиб совға бўлди. Зеро, бугунги кунда Янги Ўзбекистонда миллий давлатчилик тараққиётини фақат иқтисодий ёки сиёсий кўрсаткичлар билан эмас, балки миллат тафаккури ва дунёқараши, ижтимоий онги ва маънавий юксалиши даражалари билан ҳам баҳолаш тенденцияси тобора муҳим аҳамият касб этмоқда.

Шу нуқтаи назардан қараганда, ушбуасар сўнгги икки йилда чоп этилган 12 публицистик мақоланинг шунчаки бир тўплами эмас, балки Янги Ўзбекистонда кечаётган кенг қамровли, шиддатли ва тизимли ислоҳотларнинг ижтимоий-сиёсий, ҳуқуқий-фалсафий ва маънавий-маданий мазмунини англашга хизмат қилувчи яхлит ҳамда салмоқли таҳлилий мазмундаги сиёсий-публицистик асардир.

Тадбир якунида “МИЛЛАТ ШАВКАТИ” китобининг нашр этилиши мамлакатимиз маънавий-маърифий ҳаётидаги муҳим воқеалардан бири сифатида баҳоланди. Асарнинг мазмунан бойлиги, таҳлилий ёндашуви ва ҳаётий хулосалари Янги Ўзбекистонда кечаётган ислоҳотларнинг мазмун-моҳиятини англаш, миллий тараққиётнинг устувор йўналишларини кенг жамоатчиликка етказиш ҳамда китобхонлик маданиятини янада юксалтиришга муносиб ҳисса қўшиши таъкидланди.

Инсон ҳуқуқлари бўйича

Ўзбекистон Республикаси

Миллий марказининг

матбуот хизмати