Khayrullayeva Nodira Nematilloyevna

Buxoro davlat universiteti 2025–2026-o‘quv yili ish rejasiga muvofiq joriy yilning 1-iyun sanasidan boshlab Ingliz tilshunosligi kafedrasida 3-bosqich talabalari uchun 4 haftalik malakaviy amaliyot boshlandi.

nodiranematilloyevna — Wed, 10 Jun 2026 10:20:48 GMT

Buxoro davlat universitetining 2025–2026-o‘quv yili ish rejasiga muvofiq, joriy yilning 1-iyun sanasidan boshlab Xorijiy tillar fakultetining Filologiya va tillarni o‘qitish (ingliz tili) kunduzgi ta’lim yo‘nalishi 3-bosqich talabalari uchun 4 haftalik malakaviy amaliyot boshlandi.

Amaliyotning dastlabki ikki haftasi nazariy bosqich sifatida tashkil etilib, 11-5ING23 guruhi talabalari Ingliz tilshunosligi kafedrasi dotsenti S.H.Axmedova rahbarligida Ko‘hna Buxoroning tarixiy-me’moriy obidalari hamda Yetti Pir ziyoratgohlari haqida keng qamrovli nazariy bilimlarni egallamoqdalar.

Mashg‘ulotlar davomida talabalar belgilangan mavzular yuzasidan taqdimotlar tayyorlab, qiziqarli va foydali ma’lumotlar bilan bo‘lishmoqdalar. Darslarda talabalar yuqori faollik ko‘rsatib, mavzularni chuqur o‘zlashtirishga intilmoqdalar. Amaliyot jarayoni reja asosida samarali tashkil etilgan.

Amaliyotning keyingi bosqichida talabalarning Buxoroning tarixiy va madaniy meros obyektlariga amaliy tashriflarini amalga oshirish ko‘zda tutilgan.

Bundan tashqari, O‘zbekiston Respublikasi Prezidentining 2021-yil 19-maydagi PQ–5117-son qarori ijrosini ta’minlash hamda xorijiy tillarni o‘qitish sifatini yanada takomillashtirish maqsadida qator amaliy mashg‘ulotlar o‘tkazildi. Ushbu malakaviy amaliyot talabalarning nazariy bilimlarini amaliy tajriba bilan boyitishga xizmat qilmoqda.

Xorijiy tillarni o‘qitish tizimida amalga oshirilayotgan islohotlar esa zamonaviy talablarga javob beradigan, raqobatbardosh va malakali mutaxassislarni tayyorlashda muhim omil bo‘lib xizmat qilmoqda. Kelgusida talabalar amaliyot davomida egallagan bilim va ko‘nikmalarini o‘z kasbiy faoliyatlarida samarali qo‘llashlari kutilmoqda.

BuxDU Ingliz tilshunosligi kafedrasida joriy yil 1-iyundan boshlab 3-bosqich talabalari uchun 4 haftalik malakaviy amaliyot tashkil etildi.

nodiranematilloyevna — Sat, 06 Jun 2026 05:48:57 GMT

Buxoro davlat universiteti 2025–2026-o‘quv yili ish rejasiga muvofiq joriy yil 1-iyundan boshlab Xorijiy tillar fakulteti Filologiya va tillarni o‘qitish (ingliz tili) yo‘nalishi 3-bosqich talabalari uchun 4 haftalik malakaviy amaliyot tashkil etildi.
Amaliyotning dastlabki ikki haftasi nazariy (faol bo‘lmagan) bosqich sifatida olib borilib, 11-6ING-23 guruhlari talabalari Ingliz tilshunosligi kafedrasi katta o'qituvchisi N.N.Xayrullayeva rahbarligida Ko‘hna Buxoroning tarixiy yodgorliklari hamda “Yetti Pir” ziyoratgohlari bo‘yicha nazariy bilimlarni o‘zlashtirdilar.
Mashg‘ulotlar davomida talabalar mavzular asosida taqdimotlar tayyorlab, ularni tahliliy va qiziqarli ma’lumotlar bilan boyitgan holda taqdim etdilar. Talabalarning darslardagi faolligi yuqori bo‘lib, amaliyot jarayoni tizimli va samarali tashkil etilgani kuzatildi. Amaliyotning keyingi bosqichida Buxoroning tarixiy va madaniy obidalariga amaliy tashriflar amalga oshirilishi rejalashtirilgan. Shuningdek, O‘zbekiston Respublikasi Prezidentining 2021-yil 19-maydagi PQ–5117-sonli qarori ijrosini ta’minlash maqsadida xorijiy tillarni o‘qitish sifatini oshirish bo‘yicha olib borilayotgan islohotlar doirasida amaliy mashg‘ulotlar tashkil etildi. Malakaviy amaliyot jarayoni talabalarning nazariy bilimlarini amaliy ko‘nikmalar bilan uyg‘unlashtirishga xizmat qildi. Xorijiy tillarni o‘qitish tizimidagi islohotlar esa raqobatbardosh va yuqori malakali mutaxassislar tayyorlashda muhim ahamiyat kasb etadi. Talabalar kelgusida egallagan bilim va ko‘nikmalarini professional faoliyatda samarali qo‘llashlari kutiladi.

BuxDU Ingliz tilshunosligi kafedrasi katta o`qituvchisi Usmonova Zarina Habibovna tomonidan 10-1 INL-25 guruh magistratura talabalari bilan "Ilmiy faoliyatga yo`naltirilgan chet tili fanidan "Coming to conclusion" mavzusida ochiq dars tashkil qilindi.

nodiranematilloyevna — Sat, 16 May 2026 07:41:08 GMT

Ingliz tilshunosligi kafedrasi o'qituvchisi Usmonova Zarina Habibovna tomonidan 10-1 INL-25 guruh magistratura talabalari bilan 14-may kuni Ilmiy faoliyatga yo'naltirilgan chet tili fanidan "Coming to conclusion" mavzusida ochiq dars tashkil qilindi.
Mashg‘ulot "Scribbled pieces and finding state" metodi bilan boshlandi va talabalar "Comparing statement" mashg'uloti orqali ilmiy tadqiqot bilan shug'ullanishda xulosa qismini yozish nozik tomonlarini, muhokama qismi bilan taqqoslash va farqlarini aniqlashni muhokama qildilar. Bu usul talabalarning darsga bo‘lgan qiziqishini oshirishda yuqori natija ko‘rsatdi.
Matn ustida ishlash jarayonida "True/False" mantiqiy topshiriqlari va Wordwall onlayn o'yin platformasidagi tanqidiy savollar majmuasi qo‘llanildi. Bu talabalarning matndagi dalillarni tahlil qilish va xulosa chiqarish qobiliyatini sinovdan o‘tkazdi. Mashg'ulot davomida "Categorizing useful languages" mashg'uloti talabalarni ilmiy tadqiqot ma'lumotlarini xulosalashda, manbani umumlashtirishda foydalanadigan maxsus gap birliklarini qo'llash borasida chuqur ma'lumotga ega bo'ldilar. Bu mashg'ulot interfaol usul orqali amalga oshirilib, talabalarning yanada faolligini oshirdi.
Mashg‘ulotning yakuniy qismida talabalar o‘rtasida interfaol muhokama -"Finding Conclusion part" tashkil etildi.
Ochiq dars yakunida kuzatuvchilar tomonidan dars bosqichlarining mantiqiy izchilligi, interfaol o‘yinlarning akademik mazmun bilan uyg‘unligi e’tirof etildi.

BuxDU Ingliz tilshunosligi kafedrasi dotsenti, f.f.d., dotsent N.F.Qosimova rahbarligida 1-bosqich magistranti Safarova Maftuna tomonidan 11-1INGK-24 guruhida Leksikologiya fanidan “Lexical analysis” mavzusida ochiq dars o‘tkazildi.

nodiranematilloyevna — Sat, 16 May 2026 07:33:03 GMT

Kuni kecha Buxoro davlat universiteti Ingliz tilshunosligi kafedrasi dotsenti, f.f.d., dotsent N.F. Qosimova rahbarligida 1-bosqich magistranti Safarova Maftuna tomonidan 11-1INGK-24 guruhida Leksikologiya fanidan “Lexical analysis” mavzusida ochiq dars o‘tkazildi.
Dars davomida talabalar analiz turlari, uning leksikologiya bilan o‘zaro bog‘liqligi hamda componential va transformational analysis turlarini farqlashning nazariy va amaliy jihatlari haqida muhim bilimlarga ega bo‘ldilar.
Darsning kirish qismida talabalar faolligini oshirish maqsadida “Question brackets” metodi orqali warm-up mashg‘uloti tashkil etildi. Ushbu faoliyat davomida talabalar turli leksikologiyadagi asosiy tushunchalar va ularning ma‘nosini farqlash kabi qiziqarli topshiriqlarni bajardilar.
Asosiy qismda esa “Cracked eggs” interfaol metodi qo‘llanilib, talabalar kichik guruhlarga bo‘linib, berilgan yorilgan tuxumlarni ma'nosi va analiziga qarab yig'ib chiqdilar. Bu jarayonda ular so‘zning turli ma’nolarini aniqlash, leksikologiyada analizlarni farqlash hamda kollokatsiyalarni to‘g‘ri qo‘llash ko‘nikmalarini rivojlantirdilar.
Dars yakunida talabalar bilimini mustahkamlash maqsadida “Genially.com” platformasi orqali qiziqarli test o‘tkazildi. Ushbu bosqich talabalar o‘rtasida raqobat muhitini yaratib, mavzuni yanada mustahkamlashga xizmat qildi.Darsning mustahkamlash qismida o'quvchilar dars boshida tarqatilgan braslet savollariga javob berishdi va KWL metodi orqali o‘rganganlarini mustahkamlashdi
Umuman olganda, ochiq dars zamonaviy pedagogik texnologiyalar asosida tashkil etilib, o‘z oldiga qo‘yilgan maqsadlarga to‘liq erishildi.

BuxDU Xorijiy tillar fakulteti Ingliz tilshunosligi kafedrasining “Pragmalingvistika, funksional tarjimashunoslik va til o‘rgatish jarayonlari integratsiyasi” ilmiy maktabi doirasida ilmiy seminar o`z faoliyatini davom ettirmoqda

nodiranematilloyevna — Fri, 15 May 2026 04:03:30 GMT

Seminarda kafedra dotsenti, f.f.f.d. (PhD) S.H.Axmedova dolzarb masalalardan biri hisoblangan "O'zbekiston Respublikasida ta'limga oid farmon va qarorlar" mavzusi doirasida nutq so'zladi. Ilmiy seminarda kafedra professor-o'qituvchilari, tayanch doktorant va mustaqil tadqiqotchilar faol ishtirok etib, o'zlariga kerakli maʼlumotlarga ega bo'ldilar. Seminar davomida VM 304 son qarori, PF 5847, PQ 5047, PQ 3775, PQ 2909 va boshqa qaror, farmon va nizomlar to'g'risida atroflicha ma'lumot berildi. Mazkur mavzu yuzasidan tadqiqotchilar o'zlarini qiziqtirgan savollarga javob oldilar.

BuxDu Ingliz tilshunosligi kafedrasining “Pragmalingvistika, funksional tarjimashunoslik va til o‘rgatish jarayonlari integratsiyasi” ilmiy maktabi doirasida navbatdagi ilmiy seminari bo`lib o`tdi.

nodiranematilloyevna — Tue, 12 May 2026 04:36:38 GMT

Buxoro davlat universiteti Xorijiy tillar fakulteti Ingliz tilshunosligi kafedrasining “Pragmalingvistika, funksional tarjimashunoslik va til o‘rgatish jarayonlari integratsiyasi” ilmiy maktabi doirasida ilmiy seminar o'z faoliyatini davom ettirmoqda. Seminarda kafedra tayanch doktoranti Jumayeva Ozoda Ilhomjonovna "Ingliz va o'zbek lingvomadaniyatida emotsionallik konseptlarining voqealanishi (baxt” va “xursandchilik konseptlari misolida)"
mavzusida axborot berib o'tdi. Ilmiy seminarda kafedra professor-o'qituvchilari, tayanch doktorant va mustaqil tadqiqotchilar faol ishtirok etib, o'zlariga kerakli maʼlumotlarga ega bo'ldilar. Himoyaga oid dolzarb mavzu yuzasidan tadqiqotchilar o'zlarini qiziqtirgan savollar bo'yicha javoblar oldilar. Qizg'in bahs-munozaralar asosida o'tgan seminar-treyning barchada iliq taassurot qoldirdi.

BuxDU Ingliz tilshunosligi kafedrasining “Pragmalingvistika, funksional tarjimashunoslik va til o‘rgatish jarayonlari integratsiyasi” ilmiy maktabi doirasida ilmiy seminar o`z faoliyatini davom ettirmoqda.

nodiranematilloyevna — Tue, 12 May 2026 04:27:32 GMT

Buxoro davlat universiteti Xorijiy tillar fakulteti Ingliz tilshunosligi kafedrasining “Pragmalingvistika, funksional tarjimashunoslik va til o‘rgatish jarayonlari integratsiyasi” ilmiy maktabi doirasida ilmiy seminar o'z faoliyatini davom ettirmoqda. Seminarda kafedra dotsenti f.f.f.d. (PhD) Shukurova M.A. "O'zbekiston Respubliskasi Oliy Attestatsiya komissiyasining doktorlik dissertatsiyalari asosiy ilmiy natijalarni chop etish tavsiya etilgan ilmiy nashrlar, ushbu nashrlarning avtoreferatda berilish tartibi" mavzusida axborot berib o'tdi. Ilmiy seminarda kafedra professor-o'qituvchilari, tayanch doktorant va mustaqil tadqiqotchilar faol ishtirok etib, o'zlariga kerakli maʼlumotlarga ega bo'ldilar. Himoyaga oid dolzarb mavzu yuzasidan tadqiqotchilar o'zlarini qiziqtirgan savollar bo'yicha javoblar oldilar. Qizg'in bahs-munozaralar asosida o'tgan seminar-treyning barchada iliq taassurot qoldirdi.

BuxDU Ingliz tilshunosligi kafedrasi jamoasi fakultet faxriylarini bayram bilan tabrikladi

nodiranematilloyevna — Sat, 09 May 2026 06:57:25 GMT

9-may - Xotira va qadrlash kuni munosabati bilan Ingliz tilshunosligi kafedrasi jamoasi fakultetda uzoq yillar mehnat qilgan bir guruh ustozlar xonadoniga tashrif buyurishdi. Ziyovuddin Toshev, Salomat Hasanova, Bibirajab Bobomurodova, Ravshan Toshev, Najmiddin Bakayev, Anvar Haydarov kabi fakultet faxriylari bilan ustoz shogirdlar birgalikdagi faoliyatlari davomida kechirgan iliq xotiralarni, bu yorugʻ olamni tark etgan ustozlarni yodga olishdi.
Ustozlar shogirdlarga oʻz pedagogik va hayotiy tajribalari bilan oʻrtoqlashishdi. Faxriylar kafedra va fakultet jamoasini duo qilib, kelgusi ishlarida omadlar tiladilar. Bayram kayfiyati davom etmoqda.

BuxDU Ingliz tilshunosligi kafedrasi dotsenti Z.B.Djalilova rahbarligida 11-6 ING-24 guruh talabalari bilan "West Germanic languages. Periods of English. Impact of French” mavzusida seminar mashg`uloti sayyor dars sifatida tashkil etildi.

nodiranematilloyevna — Mon, 30 Mar 2026 16:15:35 GMT

Buxoro davlat universiteti Ingliz tilshunosligi kafedrasi dotsenti Z.B.Djalilova rahbarligida Filologiya va tillarni o'qitish ta'lim yo'nalishi (ingliz tili) II-bosqich 11-6 ING-24 guruh talabalari bilan Roman-German filologiyasiga kirish fanidan " West Germanic languages. Periods of English. Impact of French” mavzusida seminar mashg'uloti sayyor dars sifatida tashkil etildi. Ushbu sayyor dars jarayonida talabalar ingliz tilining tarixiy ildizi, German tillari bo'g'imidagi tillardan paydo bo'lishi, ingliz tilining tarixiy davrlari, har bir davrning boshlanishini belgilovchi tarixiy hamda lingvistik voqealar hamda tilda ro'y bergan o'zgarishlar haqida o'rgandilar va ma'lumot almashdilar. Tashkil etilgan mazkur sayyor dars qizg'in bahs va muzokaraga boy ravishda o'tdi.

BuxDU Xorijiy tillar fakulteti Ingliz tilshunosligi kafedrasi o`qituvchisi Ubaydullayeva Muattar O`rinbekovna rahbarligidagi "The Excellence" to`garagining navbatdagi mashg`uloti e`loni.

nodiranematilloyevna — Mon, 30 Mar 2026 16:09:10 GMT

Announcement
Dear students, I am happy to our next English club called
" The excellence "

Date: 31.03.2026
Time: 14:30
Venue: Foreign Languages Faculty, 1st floor, Room 117
INstructor: Ubaydullayeva M.O' Topic: Student’s life in universities
We look forward to seeing you there!