Учрашув давомида инвестиция йўналиши бўйича қабул қилинган қонун ҳужжатлари мазмун-моҳияти етказилди ҳамда МЧЖ раҳбарига товар белгиси ва хизмат кўрсатиш белгисини рўйхатдан ўтказиш учун талабнома тузиш, топшириш ва кўриб чиқиш юзасидан тушунтиришлар берилди. Келгусида ҳар қандай ҳуқуқий ёрдам ва маслаҳатлар кўрсатилиши юзасидан адлия бўлимига мурожаат қилишлари мумкинлиги маълум қилинди.

Жалақудуқ туман адлия бўлими.

Ушбу Қарорга мувофиқ, 2021 йил 1 сентябрдан бошлаб давлат ҳокимияти ва бошқаруви органлари, давлат унитар корхоналари ва муассасалари, давлат улуши 50 фоиздан юқори ташкилотларда ишга қабул қилишни очиқ танлов асосида амалга ошириш ҳамда танлов доирасида ўтказиладиган синов тадбирларини Интернет тармоғи орқали реал вақт режимида кузатишни назарда тутувчи тартиб жорий этилиши;

2021 йил 1 октябрдан бошлаб барча давлат органлари ва ташкилотлари, шу жумладан Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларида мавжуд штат бирликлари доирасида коррупцияга қарши ички назорат тузилмалари фаолиятини йўлга қўйиш белгиланган. бундан асосий мақсад, коррупция ҳолатларини барвақт аниқлаш ва олдини олиш, уларнинг сабаб ва шарт-шароитларини бартараф этиш, манфаатлар тўқнашувига йўл қўймаслик ҳамда коррупцияга нисбатан муросасиз муносабатни шакллантириш чораларини кўриш ҳисобланади.

Коррупцияга қарши ички назорат тузилмалари раҳбарлари давлат органлари ва ташкилотлари томонидан Коррупцияга қарши курашиш агентлиги билан биргаликда ўтказиладиган очиқ танлов асосида ишга қабул қилинади, уларни лавозимидан озод этиш масаласи Агентлик билан келишилади.

Шунингдек, ушбу Президент Қарори билан Коррупцияга қарши курашиш агентлиги томонидан 2021 йил 1 декабрдан ҳар йил якуни бўйича коррупцияга қарши курашиш ишларининг самарадорлигини баҳоловчи рейтинг эълон қилиб борилади.

2021 йил 1 декабргача даромад ва мол-мулк декларациялари бўйича маълумотлар базаси шакллантирилади.

2021 йил 1 октябргача давлат маблағлари ҳисобига қурилиш-пудрат шартномаси учун ўтказиладиган танловлар «Шаффоф қурилиш» тизими маълумот алмашинувини таъминлаган ҳолда давлат харидлари бўйича махсус ахборот порталида электрон тарзда амалга оширилади.

2022 йил 1 январгача автомобиль йўллари соҳасига тегишли маълумотларни ўз ичига оладиган «SHAFFOF YO‛L» онлайн ахборот платформаси ишга туширилади.

2022 йил 1 январдан бошлаб «ҳалоллик вакцинаси» тамойили асосида давлат хизматчилари мунтазам коррупцияга қарши курашиш бўйича ўқитилади.

Жалақудуқ туман адлия бўлими.

Коррупцияга қарши курашиш ва коррупциявий ҳолатларнинг барвақт олдини олиш тизими самарадорлигини ошириш, ушбу жараёнга жамоатчиликни кенг жалб этиш ва коррупцияга нисбатан муросасиз муносабатда бўлиш муҳитини шакллантириш мақсадида, Ўзбекистон Республикаси Президентининг 2021 йил
6 июлда "Коррупцияга қарши муросасиз муносабатда бўлиш муҳитини яратиш, давлат ва жамият бошқарувида коррупциявий омилларни кескин камайтириш ва бунда жамоатчилик иштирокини кенгайтириш чора-тадбирлари тўғрисида"ги Президент Фармони қабул қилинган. унга кўра, Мамлакат ривожланишининг бугунги босқичида коррупция Ўзбекистон давлати ва жамияти тараққиёти учун энг жиддий хавф-хатарлардан бири эканлиги қайд этилган.

Коррупция ҳолатларининг ҳар қандай кўринишларига нисбатан муросасиз муносабатда бўлиш ва унга қарши аёвсиз курашиш барча даражадаги давлат органлари раҳбар ва ходимларининг энг устувор вазифаси этиб белгиланди.

Кенг жамоатчиликнинг фикри ва таклифларини инобатга олиб, давлат бошқарувини коррупциядан ҳоли соҳага айлантириш мақсадида:

а) Агентлик томонидан «Коррупцияга оид жиноятларни содир этишда айбдор деб топилган шахсларнинг очиқ электрон реестри» юритилиши таъминлансин;

б) Реестрга киритилган шахсларга қуйидагилар тақиқлансин:

давлат хизматига кириш ва давлат мукофотлари билан тақдирланиши;

сайланадиган ва алоҳида тартибда тайинланадиган лавозимларга номзодларининг кўрсатилиши;

давлат органлари ҳузуридаги жамоатчилик кенгашлари ҳамда идоралараро коллегиал органларнинг аъзоси бўлиш;

улар томонидан таъсис этилган ва (ёки) улар иштирокчиси ҳисобланган тадбиркорлик субъектлари давлат харидларида ва давлат-хусусий шериклик тўғрисидаги битимда иштирокчи (ижрочи) сифатида қатнашиш, шунингдек, давлат активларини хусусийлаштириш билан боғлиқ тендер ва танлов савдоларида иштирок этиш;

давлат улуши 50 фоиздан юқори бўлган ташкилотлар ҳамда давлат таълим муассасаларида раҳбарлик лавозимларида фаолият юритиш.

Жалақудуқ туман адлия бўлими.

Жалақудуқ туман адлия бўлими томонидан Ўзбекистон Республикаси Адлия вазирининг 2021 йил 2 июлдаги “Ўзбекистон Президентининг 2021 йил
29 июндаги “Давлат органлари ва ташкилотларига юридик хизмат кўрсатиш фаолиятини янада такомиллаштириш чора-тадбирлари тўғрисидаги”
ПҚ–5168-сон қарори ижросини таъминлаш тўғрисида”ги 199-ум-сон буйруғи ижроси юзасидан тасдиқланган режа графикнинг 6-бандига асосан туман Санитария-эпидемиологик осойишталик ва жамоат саломатлиги хизмати бўлими ходимлари иштрокида манзилли тарғибот тадбирлари амалга оширилди.

Ўтказилган тарғибот жараёнида иштирокчиларга 2021 йил 1 октябрдан ПҚ-5168-сон Қарорга мувофиқ ҳудудий адлия бошқармалари ҳузурида юридик хизмат кўрсатиш марказлари республиканинг барча туман (шаҳар)ларида ташкил этилиши кўзда тутилганлигини, давлат бюджетидан молиялаштириладиган айрим давлат ташкилотларининг туман (шаҳар) бўлинмаларида 2021 йил 1 октябрдан жами 1182 та юридик хизматлар штат бирликлари қисқартирилиши, бўшатилаётган штат бирликлари ҳисобидан Марказлар фаолиятини ташкил этиш учун 1056 та штат бирликлари ажратилиши, 2021 йил 1 октябрдан давлат ташкилотларига юридик хизмат кўрсатиш билан боғлиқ барча маълумот ва жараёнларни тўлиқ электрон равишда йиғиш, қайта ишлаш, таҳлил қилиш ва амалга ошириш имконини берувчи “E-huquqshunos” электрон тизими босқичма-босқич жорий этилиши, марказлар томонидан давлат ташкилотларига юридик хизматлар ушбу электрон тизим орқали амалга оширилиши, марказлар Қорақалпоғистон Республикаси Адлия вазирлиги, вилоятлар ва Тошкент шаҳар адлия бошқармалари ҳузурида юридик шахс мақомига эга бўлмаган таркибий бўлинма тарзида ташкил этилади ва уларга бўйсуниши, марказлар ходимларига суд процессида юридик хизмат кўрсатиладиган ташкилотларнинг вакили сифатида қатнашиш ҳуқуқи берилиши, Марказлар томонидан юридик хизмат кўрсатилиши белгиланган ташкилотларнинг Марказлар билан келишилмаган ҳолда юридик тусдаги ҳужжатлар қабул қилишига йўл қўйилмслиги, Марказлар бошқа юридик шахсларга пуллик асосда юридик хизматлар кўрсатиши мумкинлиги тўғрисида тушунчалар берилди.

Жалақудуқ туман адлия бўлими.

Жалақудуқ туман адлия бўлими томонидан Ўзбекистон Республикаси адлия вазири томонидан 2020 йил 26 ноябрда тасдиқланган “Аҳолининг турли қатламлари кундалик ҳаётдаги кенг тарқалган муаммоларини, шу жумладан суд таҳлилари орқали манзилли тарғибот қилиш дастури” ижро учун қабул қилинган. “Аҳолининг турли қатламлари кундалик ҳаётдаги кенг тарқалган муаммоларни, шу жумладан суд таҳлилари орқали манзили тарғибот қилиш дастури”нинг III бобининг 1-бандида, Мактабгача таълим муассасалари тарбияланувчилари ва умумтаълим мактабларининг бошланғич синф ўқувчилари учун одоб-ахлоқ қоидалари ва ҳуқуқнинг илк тушунчалари, кундалик ҳаётда қўллашга мўлжалланган бошланғич ҳуқуқий билимларни ҳамда Конституцияни ўргатишга доир илк тушунчаларни бериб бориш бўйича турли хил ўйинлар шаклидаги учрашувлар ўтказиб боришни ташкил этиш белгиланган. Ушбу топшириқ ижросини таъминлаш юзасидан туман адлия бўлими томонидан Жалақудуқ туман Мактабгача таълим бўлими тасарруфидаги 2-сонли ДМТТ муассасасининг тайёрлов гуруҳлари тарбияланувчилари ўртасида тарғибот тадбирлари амалга оширилди.

Ўтказилган тарғибот тадбири давомида мактабгача таълим муассасасида тарбия олувчиларига белгиланган минимал талаблар яъни Ўзбекистон Республикасининг давлат байроги, герб ва конституцияси, йўл харакат хавфсизлиги, табиатни асраш ва ёнгин хавфсизлиги бўйича махсус таёрланган расм ва плакатлар ёрдамида машғулотлар ўтказилиб, ўтказилган машғулот мавзулари бўйича саволлар берилиб мактабгача таълим муассасасида тарбия олувчи болаларнинг хукукий билимлари оширилмокда.

Жалақудуқ туман адлия бўлими.

Ўзбекистон Республикаси Президенти томонидан 2021 йил 16 июнь куни қабул қилинган “Давлат органлари ва ташкилотларининг фаолияти очиқлигини таъминлаш, шунингдек, жамоатчилик назоратини самарали амалга оширишга доир қўшимча чора-тадбирлар тўғрисида”ги ПФ-6247-сон Фармонига мувофиқ, барча давлат органлари ва ташкилотлари томонидан Очиқ маълумотлар сифатида жойлаштирилиши керак бўлган ижтимоий аҳамиятга молик 33 та маълумотлар рўйхати тасдиқланди.

Давлат органлари ва ташкилотлари ўз фаолиятига оид ҳисоботни ҳар йили:

1 мартгача веб-сайтларига жойлаштириб, 10 мартгача уни жамоатчилик иштирокида муҳокама этиш ҳақида хабар беради;

1 апрелгача ҳисоботни кенг жамоатчилик иштирокида муҳокама этиш учун матбуот анжуманларини ўтказади.

2021 йил 1 июлдан қуйидагилар тўғрисидаги маълумотлар Очиқ маълумотлар порталига ва давлат органлари ва ташкилотлари веб-сайтларига жойлаштирилиб, ҳар чоракда янгилаб борилади:

·        амалга оширилган давлат харидлари;

·        мансабдор шахсларнинг хизмат сафарлари ва хориждан ташриф буюрган меҳмонларни кутиб олиш харажатлари;

·        Президент, Вазирлар Маҳкамаси ҳужжатлари билан солиқ ва божхона имтиёзлари ҳамда преференциялар;

·        ўзларининг йиллик харажатлар сметаси ва унинг ижроси.

Қуйидаги имтиҳонларни ўтказиш жараёнини Интернетда жонли эфирга узатиш тартиби жорий этилади:

·        ОТМнинг бакалавриат ва магистратура имтиҳонлари;

·        ўқишни кўчириш билан боғлиқ имтиҳонлар;

·        нострификация тест синовлари.

2021/2022 ўқув йили қабулигача имтиҳонларни Интернетдажонли эфирга узатишни таъминлайдиган, барча фойдаланувчилар учун очиқ бўлган “imtihon.uz” веб-платформаси ишга туширилади.

2021 йил 1 сентябргача Очиқ маълумотлар портали давлат харидлари бўйича махсус ахборот портали билан интеграция қилинади

2021 йил 1 августгача Экология ва атроф-муҳитни муҳофаза қилиш давлат қўмитаси расмий веб-сайтида ва Порталда Ов қилиш ва овчилик хўжаликлари тўғрисидаги ахборот базасиишга туширилади.

Коррупцияга қарши курашиш агентлиги зиммасига қўшимча вазифалар юклатилди. Агентлик, жумладан:

·        давлат органлари ва ташкилотларининг маълумотларни Интернетга жойлаштириш мажбуриятлари ҳисобини юритади;

·        мурожаатлардан келиб чиқувчи давлат органлари ва ташкилотларининг очиқлиги ва шаффофлигига оид долзарб масалаларни “Mening fikrim” веб-портали орқали умумхалқ муҳокамасига чиқаради.

“Давлат сирларини сақлаш тўғрисида”ги Қонун лойиҳаси ишлаб чиқилади.

2021 йил 1 декабрдан:

·        йил якунлари бўйича давлат органлари ва ташкилотларининг Очиқлик индекси аниқланади;

·        қуйидаги тадбирлар телеканаллар, шунингдек, Интернет орқали жонли эфирга узатилади:

Қонунчилик палата ва Сенат мажлислари, Қорақалпоғистон Республикаси Жўқорғи Кенгеси, халқ депутатлари вилоят, туман, шаҳар Кенгаши сессиялари;

тарафларнинг розилиги билан айрим ҳуқуқбузарликларга ва оилавий низоларга оид фуқаролик суд ишлари.

Агентлик Ахборот ва оммавий коммуникациялар агентлиги ҳамда Адлия вазирлиги билан биргаликда белгиланган тартибда давлат органлари ва ташкилотлари фаолиятининг Очиқлик индексини аниқлаш бўйича чораларни кўради, натижаларни ўз расмий веб-сайтлари ва оммавий ахборот воситалари орқали оммага етказилишини таъминлайди.

Жалақудуқ туман адлия бўлими.

Кейинги йилларда қишлоқ хўжалигини ислоҳ қилиш ва бозор механизмларини жорий этиш бўйича қатор ишлар амалга оширилди. Давлат харид нархлари қарийб 3 баробарга кўпайтирилгани натижасида манфаатдорлик ошди. Пахтачилик ва ғаллачилик ҳашар эмас, чинакам даромад манбаига айланди.

Қишлоқ хўжалиги қўшимча имкониятларга бой соҳа. Шу боис кейинги йилларда аграр соҳани тубдан ислоҳ қилиш ва уни бозор талабларига мослаштириш ишларига катта эътибор қаратилмоқда. Албатта, бундан кўзланган асосий мақсад қишлоқ аҳлининг турмуш шароитини янада яхшилаш, манфаатдорлигини таъминлашдир. Қисқача айтганда, қишлоқ хўжалигида шу пайтгача амал қилиб келган эскича иш услубидан бутунлай воз кечиш, шунчаки хом ашё етиштириш манбаига айланиб қолган соҳани тубдан ислоҳ этиш. Чунки янгича ишлаш услубига ўтиш пайти, аллақачон, етиб келди.

Бугун Ўзбекистонда мавжуд ер майдонларидан, сувдан самарали фойдаланиш масаласи Президентимиз томонидан соҳа ходимлари, олимлари олдига қўйилаётган энг долзарб вазифа этиб белгиланди. Сабаби ер чекланган. Ана шу чекланган ердан фақатгина меҳнат унумдорлигини, ҳосилдорликни ошириш орқали кўпроқ даромад олиш лозим. Агар ривожланган мамлакатлар билан солиштирадиган бўлсак, ердан, сув ресурсларидан фойдаланиш даражаси бўйича қатор тизимли муаммолар борлиги кўринади. Шунинг учун стратегияда қишлоқ хўжалигида меҳнат унумдорлигини юксалтириш, мавжуд ресурслардан самарали фойдаланиш, инновацион технологияларни кенг қўллашга алоҳида урғу берилган.

Яна бир муҳим йўналиш, бу — мавжуд ер ресурсларидан бир неча марта ҳосил олиш бўйича амалий чора-тадбирлардир. Бу, биринчи навбатда, ғалла эккан фермерларимиз даласида такрорий экинлардан қўшимча маҳсулот олиш. Бу орқали ҳам ички, ҳам ташқи бозорга маҳсулот чиқариш имконияти кенгаяди.

Очиғини айтиш керак, бугун ер майдонларининг аниқ ҳисоб-китоби юритилмаган. Агар суриштирсангиз, кадастрдаги рақам билан статистикадаги рақам бир-бирига тўғри келмайди. Кимдир йиллар давомида йўл, дарё ёки ариқнинг масофа майдонини қисқартириш эвазига экин майдонини кенгайтирган бўлса, бошқаси ер ўлчаш жараёнида кўзбўямачилик қилган. Сабаби ўтган йиллар давомида ягона автоматлашган дастур яратилмаган.

Бундан ташқари, жойларда битта ер майдонининг бир нечта хўжалик субъектларига бириктириб берилиши ёки туман ҳокими хоҳлаган пайтда олиб қўйиши билан боғлиқ ҳоллар кўзга ташланарди. Бу каби муаммолар ердан фойдаланувчиларнинг унга эгалик ҳуқуқи кафолатланмаганлигини, бу борада коррупция авж олганини кўрсатади. Мана шундай ҳолатда ер эгаси қандай қилиб ҳосилдорликни ошириш, ер унумдорлигини кўтариш ҳақида бош қотириши мумкин. Шунинг учун 2019 йилдан бошлаб республикамизнинг барча ҳудудида ерларни ҳисобга олиш ишлари бошланиб, бу борада ягона электрон базани шакллантириш ишлари олиб борилмоқда.

Бундан ташқари, ер ажратишнинг шаффоф тизими ишлаб чиқилиб, ерга бўлган ҳуқуқлар кафолатланади.

Умуман олганда, янги стратегия қишлоқ хўжалигига бозор механизмларини жорий қилиб, илмий асосланган ишлаб чиқаришни йўлга қўйиш орқали озиқ-овқат хавфсизлигини таъминлаш, экспортни кўпайтириш, аҳоли жон бошига тўғри келадиган маҳсулотлар ҳажмини бир неча баробарга оширишга хизмат қилади.

Жалақудуқ туман адлия бўлими.