Республика махсус комиссияси қарори билан амалдаги карантин талаблари 2020 йил 15 июнга қадар узайтирилди.

Шу билан бирга 2020 йил 1 июндан бошлаб қуйидаги фаолият турларига ҳам рухсат берилмоқда:

"қизил" ҳудудларда:

- риэлторлик фаолияти;

- реклама ва маркетинг фаолияти;

- "сариқ" ҳудудларда "қизил" ҳудудларга қўшимча равишда:

- автомототранспорт воситалари ҳайдовчиларини тайёрлаш ва қайта тайёрлаш билан шуғулланувчи ташкилотлар фаолияти (бунда, назарий машғулотлар масофадан туриб (онлайн) ўқитиш орқали амалга оширилиши, амалий машғулотлар эса санитария талабларига қатъий риоя қилган, шу жумладан, тиббий ниқоб, тиббий қўлқопдан фойдаланган ҳамда автотранспорт воситаларини дезинфекция қилган ҳолда ташкил қилиниши лозим);

- давлат ташкилотларида аутсорсинг асосида овқатланиш хизматларини кўрсатувчи тадбиркорлик субъектлари фаолияти;

- "яшил" ҳудудларда "сариқ" ҳудудларга қўшимча равишда:

- санаторийлар, пансионатлар, болалар оромгоҳлари, меҳмон уйлари, бошқа дам олиш масканлари ва жойлаштириш воситалари фаолияти (хостеллар бундан мустасно);

- спорт секциялари, тўгараклари, спорт заллари ва фитнес клублар фаолияти;

- оилавий тантана, тўй, маърака ва маросимларни ўтказиш.

Бунда оилавий тантана, тўй, маърака ва маросимларни фуқароларнинг уй-жойи ва ҳовлисининг ўзида 30 кишидан кўп бўлмаган (фақат яқин қариндошлар ва ушбу туман ҳудудида истиқомат қилувчи бошқа қариндошлар) ҳамда санитария ва гигиена талабларига қатъий риоя этган ҳолда ўтказишга рухсат берилади.

Ўз навбатида карантин даврида оилавий тантана, тўй, маърака ва маросимларни ўтказишнинг белгиланган талабларини бузган шахслар эпидемияларга қарши кураш қоидаларини бузганлик учун маъмурий жавобгарликка тортилади.

Обуна бўлинг👇
https://t.me/online_gazeta

Аввал маълум қилинганидек, бугун АОКА штабида Санитария-эпидемиология назорати давлат инспекцияси раҳбари Нурмат Отабеков иштирокида брифинг ўтказилди. Брифингда мутасадди коронавирус ўлиши учун қандай об-ҳаво шароити керак бўлишини маълум қилди.

— Касалликнинг камайиб бориши, асосан олиб борилаётган даволаш, профилактика ишларининг самараси холосми ёки об-ҳавонинг исиб кетганининг ҳам таъсири бўляптими?
— АҚШ Миллий хавфсизлик вазирининг илмий ишлар бўйича ўринбосари икки ярим ой давомида олиб борган тадқиқотларига кўра, юқори ҳарорат, намлик ва қуёш нури коронавируслар салбий таъсир қилар экан. Агар ташқаридаги ҳаво ҳарорати 23-24 градус, намлик эса 20% бўлса, нарсалар юзасидаги 50% вируслар ўлиши учун 18 соат вақт керак бўлар экан. Агар ўша ҳароратда намлик 80% гача кўтарилган бўлса, 50% вируслар ўлиши учун 6 соат вақт керак бўларкан. Агар ўша намликда ҳарорат 30 градус бўлса, коронавирус 1 соатда, мабодо у ерга қуёш нури тушиб турса — 1,5 минутда нобуд бўларкан. Даволашдаги 49,4 % самарадорликни зинҳор инкор қилиб бўлмайди. Бундай кўрсаткич ҳатто ривожланган давлатларда ҳам йўқ.

Обуна бўлинг👇
https://t.me/online_gazeta

Мурожаат учун:
@online_gazeta_bot

«Android» операцион тизимида ишловчи смартфонларнинг ўн миллионлаб эгалари тўғрисидаги маълумотлар хавф остида қолди. «Cybernews» портали жами 69 миллионта қурилмага ўрнатилган потенциал хавфли дастурлар рўйхатини тузиб чиқди. 22 апрель куни чоп этилган материалнинг янгиланган талқинига кўра рўйхатга 101 та дастур киритилган.

Уларнинг ҳаммаси «Google Play Store» орқали тарқалган. Бунда ишлаб чиқарувчилар гуруҳи бегоналарнинг дастурларини ўғирлаб ёки кўчириб олишган ва уларни ўзаро мувофиқлаштиришган. Дастурларнинг хавфи шундаки, ишга туширишдан олдин улар фойдаланувчилардан смартфонда сақланаётган шахсий маълумотлар ва камерага киришга рухсат беришни талаб қилишади.

«Cybernews» тадқиқотчиларининг таъкидлашича, рўйхатдаги дастур фойдаланувчилари тўғрисидаги маълумотлар хавф остида. Негаки, ишлаб чиқарувчилар камера, микрофон, фотосуратлар, электрон почта, шунингдек, етказиб берилган манзиллар ва тўлов маълумотларидан ўз мақсадларида фойдаланиши мумкин.

Рўйхатга турли мавзудаги кўплаб дастурлар киритилган. Масалан, Minecraft ўйини учун модалар (Mod for Minecraft, Mods For Minecraft Animals 2019), метроном (Metronome And Tuner For Instrument), QR-код учун сканерлар (QR Code Scanner & Barcode Reader, Product Checker) ва ҳоказо.

Обуна бўлинг👇
Онлайн газета!

Мурожаат учун:
@online_gazeta_bot

Тошкент шаҳрида жойлашган ИНҲА университети талабалари «ақлли ниқоб»ни ихтиро қилдилар.

Бу ниқоб сезиш функцияси орқали автоматик тарзда инсон ҳароратни ўлчаш, йўталиш ва нафас қисилиши каби барча маълумотларни махсус илова орқали смартфонга юборади.

Муаллифлар университетнинг Компютер ва дастурий инжиниринг факултети, 4-курс талабалари Достон Мардиев ва Азиза Абдураҳмоновадир.

Талабаларнинг фикрига кўра, бундай ниқобни қайта ва қайта ишлатса бўлади. У инсоннинг тана ҳароратига, йўталиш, акс уриш ва нафас олишда бўлаётган қийинчиликни уч хил сенсорлар орқали аниқлаб бера олади.

Ниқоб мобил илова орқали телефон билан бирлаштирилган бўлиб унинг ёрдамида ниқобга ўрнатилган сенсорлар автоматик равишда қайд этилган кўрсаткичларни смартфонга юборадилар. Илова ушбу маълумотни COVID-19 аломатлари билан таққослайди. Агар тасодиф бўлса, дастур аниқлик киритади.

COVID-19нинг ўзига хос белгилари мавжуд бўлиб, у бошқа ўткир юқумли касалликлардан ажралиб туради: юқори иситма, қуруқ йўтал, нафас қисилиши каби. Сенсорлар туфайли ниқоб бу маълумотларни осонгина аниқлай олади. Масалан, агар одамда ҳарорат 38,5 бўлса, у тез-тез йўталса ва узоқ вақт нафас ололмаса дастур ниқоб эгаси COVID-19дан шубҳаланаётганлиги ҳақида сигнал беради. Келажакда биз бу ниқобни тиббий муассасалар билан келишилган ҳолда текширшни режалаштирмоқдамиз. Тегишли аломатлари бўлган одамларга тез ёрдам бериш осон бўлади», - деди ғоя муаллифи Азиза Абдураҳмонова.

Лойиҳа муаллифи Достон Мардиевнинг таъкидлашича, айни пайтда лойиҳа якунланиб, синовдан ўтказилмоқда.

Обуна бўлинг👇
https://t.me/online_gazeta

Мурожаат учун:
@online_gazeta_bot

Бугун, 2020 йил 18 март куни жиноят ишлари бўйича Тошкент шаҳар судида Г.Каримова ва у томонидан ташкил этилган жиноий уюшма аъзоларига нисбатан жиноят ишини кўриб чиқиш бўйича суд жараёни ниҳоясига етди ва суд ҳукми эълон қилинди, деб хабар бермоқдаЎзбекистон Республикаси Олий суди матбуот хизмати.

Ўтказилган ёпиқ суд мажлисида судланувчилар, гувоҳлар, жабрланувчилар кўрсатмалари тингланди, далиллар текширилди ва судланувчилар ҳимоячиларининг важлари муҳокама қилинди.

Суд жиноят иши материалларини ҳар томонлама ва тўлиқ ўрганиб, судланувчи Г.Каримовани жиноий уюшма ташкил этиш, товламачилик, ўзлаштириш ва растрата йўли билан талон-торож қилиш, жиноий фаолиятдан олинган даромадларни легаллаштириш ва бошқа жиноятларни содир этганликда айбли деб топди.

Суд ҳукми билан Г.Каримовага 13 йил 4 ой муддатга озодликдан маҳрум қилиш жазоси тайинланди. Жиноят қонунчилиги нормаларига мувофиқ ҳамда бир неча жиноят ва ҳукмлар мажмуи бўйича жазо тайинланганлигини инобатга олган ҳолда жазо муддатини 2015 йил 21 августдан бошлаб ҳисоблаш белгиланди.

Қолган судланувчиларга ҳам содир этилган жиноятларнинг оғирлилик ва ижтимоий хавфлилик даражаси ҳамда уларнинг жиноятлардаги иштирокидан келиб чиқиб, тегишли жазолар тайинланди.

Хусусан, суд ҳукмига кўра, Н. Содиковга 20 йил, О. Свиридовга 17 йил 3 ой, А. Эргашевга 18 йил 1 ой, Ш. Сабировга 17 йил 1 ой озодликдан маҳрум қилиш жазоси, Г. Авакьянга 3 йил синов муддати билан 5 йил 3 ой 21 кун шартли равишда озодликдан маҳрум қилиш жазоси тайинланди.

Ж.Абдурахманов ва Б.Тешабаев эса жавобгарликка тортиш муддатининг ўтиб кетганлиги муносабати билан жиноят учун жавобгарликдан озод қилиндилар.

Эслатиб ўтамиз, Гулнора Каримовага оид навбатдаги «дело» судга юборилиб, у яна бир уюшган жиноий гуруҳга эга бўлганлиги аниқланганди.

Обуна бўлинг👇
Онлайн газета! канали

Мурожаат учун:
@online_gazeta_bot

Бугунги кунда жамоатчилик томонидан “UzAuto Motors” АЖ томонидан ишлаб чиқариладиган енгил автомобиллар нархларининг оширилиши муносабати кўплаб эътирозлар билдирилмоқда.

Ушбу ҳолат юзасидан Монополияга қарши курашиш қўмитаси қуйидагиларни маълум қилади.

Биринчидан, “UzAuto Motors” АЖ енгил автомобилларни ишлаб чиқариш бўйича устун мавқега эга бўлиб, корхонага йиллар давомида имтиёзлар ва преференциялар берилиши қарамасдан, давлат томонидан яратилган имкониятлардан корхонанинг
етарли даражада самарали фойдаланмаган.

Корхона томонидан маҳсулот таннархини камайтириш юзасидан кўрилаётган чоралар самараси паст, хусусан рақобатбардошликни ошириш юзасидан кўрилган чора-тадбирлар натижасида маҳсулот таннархи фақатгина 2 фоизгапасайтирилишига эришилган.

Бундан ташқари, сўнгги уч йил давомида корхона томонидан 167 таянги ускуна ва технологиялар ишга туширилган, бу корхонада мавжуд технологияларнинг атиги
2,1 фоизини ташкил қилган, 2017-2018 йилларда янги иш ўринлари яратилмаган.

Иккинчидан, корхона томонидан ишлаб чиқарилган енгил автомобилларнинг ички бозордаги нархлари ташқи бозордаги нархларидан сезиларли даражада қиммат.

Масалан, экспортга йўналтириладиган RAVON R2 (SPARK), RAVON R3 (Nexia), RAVON R4 (Cobalt) Россия бозорларида чегирмалар билан сотилмоқда, бу эса ички нархлар билан 20-50 фоизгачатафовут қилмоқда. Солиштириш учун, “АвтоВАЗ” АЖ (Россия) маҳсулотларининг ички бозордаги нархлари Ўзбекистон Республикаси ҳудудидаги нархларидан 30-40 фоизга арзон.

Бундан ташқари, ички бозордаги енгил автомобиллар нархи жаҳон бозоридаги рақобатчи корхоналар нархларидан қимматлиги кузатилмоқда.

Мисол учун, Tracker Premier моделининг нархи 20 минг долларниташкил этса, ташқи бозорларда шу синфдаги Hyundai Creta моделининг нархи 15 минг долларни, Nissan Terrano моделининг нархи 15,5 минг долларни ташкил этмоқда.

Учинчидан, монопол мавқеини суиистеъмол қилган ҳолда корхона томонидан истеъмолчи ҳуқуқларини камситиш ҳолатларига йўл қўйилиб келинган.

Жумладан, автомобилларнинг базавий комплектациясида кўзда тутилган айрим бутловчи қисмларсиз сотилиши, маҳсулотни шартномада кўзда тутилган муддатларда етказиб берилмаслиги, маҳсулот учун олдиндан тўлов қабул қилинган ҳолда нарх ошиши муносабати билан қўшимча тўловлар тўланиши ва ҳоказо.

Монополияга қарши курашиш қўмитаси томонидан 2019 йилда базавий комплектацияда кўзда тутилган, лекин амалда истеъмолчилар томонидан харид қилинган 6,5 минг дона автомобилга қўйилмай сотилган 2,7 млрд сўмликтуманга қарши ёриткичлар истеъмолчиларга етказиб берилиши ёки қайта ҳисоб-китоб қилиниши таъминланди.

Тўртинчидан, республикада ишлаб чиқарилмайдиган ва юқори нарх сегментидаги автомобилларнинг олиб кирилишида хўжалик юритувчи субъектларга тенг бўлмаган рақобат шартлари вужудга келган.

2019 йилда амалда бўлган барча хўжалик юритувчи субъектларга автомобилларни импорт қилишда тенг шартлар таъминлаш имкониятини берган имтиёзли тартиб
2020 йил 1 январидан бекор қилинган, бироқ “UzАuto Motors” АЖ томонидан Single Unit Package (тайёр ҳолда) шаклида олиб кирилаётган ёки амалда импорт қилинаётган, республикамизда ишлаб чиқарилмайдиган енгил автомобилларга акциз солиғи ва божхона ставкаларига бўлган имтиёз сақланиб қолинган.

Бешинчидан, республика ҳудудига олиб кириладиган автотранспорт воситаларини сертификатлаштириш ва климатик синовлар тартибининг мураккаблиги.

Хорижий корхоналар дилерлари томонидан импорт автомобилларга Ўзбекистон ҳудудида стандартлаштириш ва климатик синов талаблари меъёридан ортиқ қўйилганлиги, хусусан:

расмий дилер бир йилда битта моделдаги автомобилни бир дона миқдорида олиб кириши мумкинлиги, бир донадан ортиқ олиб кириладиган бўлса, модель махсус синовлардан, яъни сертификатлаштириш ва климатик синовдан ўтказилиши лозимлиги, бунда ҳар бир модель 2 донадан тест синови учун берилиши ва 15 минг км масофани республика ҳудудида босиб ўтиши лозимлиги, шунингдек, ҳар бир тест синови учун ўртача 30 млн сўм тўланиши, стандартлаштириш ходимларини ишлаб чиқарувчининг заводига дилер ҳисобидан юборилиши кераклиги;

эҳтиёт қисмларни сертификатлашда, жумладан автотранспорт воситаси шиналарини “Ўзстандарт” агентлиги синов лабораторияларига мувофиқлик сертификатини олиш учун берилганда айрим кўрсаткичлар бўйича лаборатория синовлари ўтказиш имкониятининг йўқлиги билдирилмоқда.

Юқоридагилардан келиб чиқиб ҳамда аҳоли ва тадбиркорлик субъектларининг манфаатларини ҳимоя қилиш, бизнес юритишда тенг шароитлар яратиш ва соғлом рақобат муҳитини шакллантириш мақсадида Қўмита томонидан Инвестициялар ва ташқи савдо вазирлигига енгил автомобилларга амалдаги импорт божи ва акциз солиғини ставкаларининг пасайтирилиши ва импорт асосида олиб келинган енгил автомобиллар учун сертификатлаштириш ва климатик синовлар жараёнларининг ўтказилиши тартибини соддалаштириш масаласини Ташқи савдони тариф ва нотариф тартибга солиш бўйича Республика Кенгашининг йиғилишида кўриб чиқиш бўйича мурожаат қилинди.

Олтинчидан, Ўзбекистон Республикаси Президентининг 2017 йил 14 ноябрдаги 3386-сонли қарори билан 2018 йилнинг 1 январидан бошлаб товарларга чегараланган нархлар белгилаш амалиёти бекор қилинган (Вазирлар Маҳкамаси томонидан рўйхати белгиланадиган ижтимоий аҳамиятдаги маҳсулотлар ва уларнинг стратегик турлари бундан мустасно).

Шунга кўра “UzAuto Motors” АЖ томонидан 2018 йилнинг 1 январидан бошлаб ишлаб чиқарилаётган автомобиллар учун нархларни мустақил белгилайди. Бунда, Вазирлар Маҳкамасининг 2018 йил 30 мартдаги 249-сонли қарорига мувофиқ корхона ҳар чоракда монополияга қарши органга қўлланилаётган нархлар тўғрисидаги маълумотларни тақдим этиб борадилар, ушбу орган ўз навбатида монопол турдаги товарлар нархларининг ўзгаришини таҳлил қилиб боради.

Амалдаги қонунчиликка мувофиқ устун мавқега эга хўжалик юритувчи субъектлар томонидан нархларни олдиндан келишилиши кўзда тутилмаган.

Монополияга қарши курашиш қўмитаси “UzAuto Motors” АЖ томонидан янги нархларнинг киритилиши билан боғлиқ дастлабки ҳисоб-китоб маълумотларни ўрганиб чиқди. Маълумотларда нарх ошиши маҳсулот таннархининг ўсиши билан боғлиқлиги ҳамда корхона томонидан 2017 йилнинг август ойидан нархларни оширмасдан келганлиги билан изоҳланган.

Ушбу ҳисоб-китоб маълумотлар қай даражада иқтисодий асосланганлиги ва адолатли шаклланганлигианиқлаш учун корхонанинг тадбиркорлик фаолиятини ўрнатилган тартибда текшириш ўтказиш тақазо этади.

Ҳозирда ваколатли органлар томонидан тадбиркорлик субъектларида текшириш ўтказишнинг янги тартиби ишлаб чиқилаётган бўлиб, ушбу янги тартиб жорий қилиниши билан юқоридаги ҳолатлар қўшимча равишда чуқур ўрганилиши маълум қилинади.

Шу билан бирга, ишчи гуруҳ тузган ҳолда монопол мавқега эга бўлган “UzAuto Motors” АЖ томонидан ишлаб чиқарилаётган енгил автомобиллар нархининг шаклланишини таҳлил қилиш, уни пасайтириш бўйича қўшимча заҳираларни аниқлаш ҳамда маҳсулотлар нархларнинг асосли қўлланилиши юзасидан текшириш ўтказишга рухсат олиш ишлари амалга оширилмоқда.

Монополияга қарши курашиш қўмитаси
Матбуот хизмати

Ўзбекистон Республикаси Президенти Ш.Мирзиёевнинг мамлакатдаги амалдаги биометрик паспорт тизимини модернизация қилиш тўғрисида илгари қабул қилинган қарорларини амалга ошириш доирасида, Ўзбекистон Республикаси Вазирлар Маҳкамасининг 2020 йил 6 мартдаги 129-сонли «Ўзбекистон Республикасида шахсни тасдиқловчи ҳужжатларни қайта ишлаш ва бериш тизимини жорий этиш чора-тадбирлари тўғрисида»ги қарори қабул қилинди. Бу ҳақда ИИВ ахборот хизмати хабар бермоқда.

Ҳужжатда қайд этилишича, 2021 йил 1 январдан бошлаб барча янги туғилган чақалоқларга, Ўзбекистон Республикаси фуқароларига, фуқаролиги бўлмаган шахсларга ва Ўзбекистон Республикаси ҳудудида доимий яшайдиган чет эл фуқароларига биометрик паспорт ўрнига 10 йил муддатга ҳужжат эгасининг шахсини ва фуқаролигини тасдиқловчи ҳужжат сифатида идентификация ID-картаси берилади.

ID-карталар фақат Ўзбекистон Республикаси ҳудудида амал қилади. Чет элга чиқиш учун Ўзбекистон Республикаси фуқаросининг чет элга чиқиш учун биометрик («загранпаспорт») паспорти берилади.

ID-карталарни бериш тизимли равишда 2021 йил 1 январдан 2030 йил 1 январгача мамлакат аҳолиси учун қўшимча юкламасиз амалга оширилади. Шу билан бирга, 2011 йилдаги Ўзбекистон Республикаси фуқаросининг илгари берилган биометрик паспортларини, фуқаролиги бўлмаган шахслар ва чет эл фуқароларининг яшаш учун рухсатномаларини алмаштириш уларнинг эгаларининг илтимосига биноан муддати тугагандан ёки муддатидан олдин амалга оширилади. 2030 йил 1 январдан бошлаб 2011 йилдаги Ўзбекистон Республикаси фуқаросининг биометрик паспортлари ҳақиқий эмас деб ҳисобланади.

ID-карталарни бериш тизимига ўтиш ривожланган хорижий давлатлар тажрибасини ҳисобга олган ҳолда амалга оширилмоқда ва фуқароларни рақамли идентификация қилиш тизимини жорий этишни жадаллаштиради, фуқароларнинг дастлабки маълумотларини Ўзбекистон Республикаси вазирлик ва идораларининг ахборот тизимларига интеграциялаш жараёнини автоматлаштиради, аҳолига давлат хизматларини кўрсатиш жараёнини осонлаштиради ва оптималлаштиради.

Каналга обуна бўлинг:
https://t.me/online_gazeta

Мурожаат учун:
@online_gazeta_bot

«Навоий кон-металлургия комбинати» давлат корхонасини ислоҳ қилиш чора-тадбирлари тўғрисида» Президент қарори (ПҚ–4629-сон, 06.03.2020 й.) қабул қилинди. Бу ҳақда «Ҳуқуқий ахборот» каналида хабар берилди.

Қарорга мувофиқ, «Навоий КМК» давлат корхонаси номланиши табиий уран ва нодир металларни қазиб олиш ва қайта ишлаш корхонаси – «Навоийуран» давлат корхонасига ўзгартирилди. Шунингдек, «Навоий КМК» ДК мол-мулкининг қисми негизида:

— қимматбаҳо металларни қазиб олувчи ва ишлаб чиқарувчи, АЖ кўринишидаги «Навоий КМК» АЖ ишлаб чиқариш корхонаси;
— «НКМК жамғармаси» давлат муассасаси таъсис этилади.

Давлат активларини бошқариш агентлиги «НКМК жамғармаси» ДМ ва «Навоийуран» ДКнинг таъсисчиси ҳисобланади.

Молия вазирлиги «НКМК» АЖ устав капиталидаги давлат улушининг акциядори (таъсисчиси) функциясини бажаради.

«Навоий КМК» ДК ходимларининг «НКМК» АЖ ва «НКМК жамғармаси» ДМга ўтказилиши Меҳнат кодексининг 98-моддасига мувофиқ амалга оширилади.

Бунда, ўтказилган ишчи ходимларга меҳнатга ҳақ тўлашнинг амалдаги шартлари, шу жумладан белгиланган тариф разрядлари ва ставкалари, мукофотлар, қўшимча ҳақлар ва устамалар, моддий ёрдам ҳамда қонун билан белгиланган район коэффициентлари сақлаб қолинади.

Шунингдек, 5 йил давомида «НКМК жамғармаси» ДМ ихтиёрига берилаётган «Навоий КМК» ДК ишчи ходимлари сонини қисқартириш ва ижтимоий инфратузилма объектларининг фаолият турини ўзгартиришга йўл қўйилмайди.

Қарор билан «Навоий КМК» ДК ишчи ходимларининг меҳнат фаолияти ва ижтимоий ҳимояси масалаларини комплекс ҳал қилиш бўйича комиссия ташкил этилди ва унинг асосий вазифалари белгиланди.

Кеча Миришкор тумани ҳокимининг маҳалла раисларини сўккани ва ургани ҳақидаги аудио тарқалди. Қашқадарё вилояти ҳокимлиги бу овоз ҳақиқатдан Миришкор тумани ҳокими Б.Раджабовнинг овози эканлигини тасдиқлади.

«Бу борада ички тартибда чора кўриш билан чекланиш ҳам мумкин эди. Аммо, қонуний равишда чора кўрилиши, "Нега оддий халқ хато қилса, жазо ёки жарима, ҳоким хато қилса, кечирим-ми?" каби табақалаштирувчи гап-сўзлар келиб чиқмаслиги тарафдоримиз», - дейилади вилоят ҳокимлиги баёнотида.

Шунингдек, Бош прокуратура ушбу ҳолат бўйича текширувларни бошлагани маълум қилинди.

Нима ҳам дердик, Ўзбекистонда жами 200 дан ортиқ ҳоким бўлса, уларнинг барчаси сўкмайдиган ёки кимнидир урмайдиган бўлиши учун камида 200 йил керак. Тарки одат амри маҳол. Аммо ҳақорат қилгани ёки қўл кўтаргани учун ҳокимлар ҳам аёвсиз жазо олиши керак.

Бир нарса мени доим ҳайрон қолдиради. Қизиқ-да, масалан ҳоким фуқароларни сўкса, қонун бўйича маъмурий жазо берилади (максимум 40 минимал жарима). Агар тескариси, яъни оддий фуқаро ҳокимни сўкса, унда бу тўғридан-тўғри жиноят бўлади ва ҳатто 1 йилгача қамалиши ҳам мумкин. Қонунларимиз нега бунақа адолатсиз?

Ҳалиям мен ҳокимлар ҳақорат қилган ҳолатларда шунчаки кўз юмилиб, ҳатто ўша жаримани ҳам беришмаётгани ҳақида гапирмаяпман. Шунчаки қонунларимиздаги оддий адолатсиз фарқни айтяпман холос.

Ҳоким ким? Халқни пулидан ойлик олиб, аслида халққа хизмат қилиши керак бўлган хизматчими ёки фақат Президентга хизмат қилишга бел боғлаб, халқни писанд қилмайдиган ва ўз ҳудудида мутлоқ ваколатга эга бўволиб (қонунан эмас, оғзаки), ўзи хон, кўланкаси майдон бўлган шаҳаншоҳми?

Нега давлатнинг бирдан-бир манбаи бўлган халқ ҳокимтўралардан қуйи ўринда туриши керак? Нега?

Ёки ҳоким ҳақорат қилгани учун ҳам жиноий жавобгарлик белгилансин (ахир у катта амалдор, унинг ҳаракати давлат имижига путур етказади), ёки аксинча оддий фуқаролар ҳокимни ҳақорат қилгани учун дарҳол жиноятчи сифатида қаралмасин.

Ҳокимлар ўзини ким деб ўйлайди? Уларсиз Ўзбекистон йўқми? Ёки уларсиз жамият ривожланмайдими? Уларсиз ер айланишидан тўхтаб қоладими?

Сизлар оддий хизматчисизлар. ХАЛҚ ХИЗ-МАТ-ЧИ-СИ! Тамом. Барчангиз шунақасиз, вилоят ҳокими ҳам, шаҳар ва туман ҳокимлари ҳам.

Сизлар бор бўлганингиз учун халқ бор эмас, аксинча халқ борлиги учун Сизлар борсиз. Прадо ёки Тахое деган машиналарни халқ миндириб қўйган Сизга. Халқнинг пешона тери билан топган пулларидан тўлаган солиқлари туфайли керилиб ҳокимлик қилиб юрибсиз.

Гапиртирса, кўпчилик ҳокимлар бир хил пластинкани айлантиришади: иш кўп, ухлашга ҳам вақт йўқ, 1 дақиқа тиним билмай меҳнат қиляпмиз, соғлиғимизни йўқотяпмиз ва ҳ.к. Лекин бу бирортангизга халқни, фуқароларни ҳақорат қилиш, уларга қўл кўтариш ҳуқуқини бермайди. Агар шунақа ҳуқуқим бор деб ўйласангиз, бекорларни бештасини айтибсиз.

Албатта ҳамма ҳокимлар ҳам сўконғич эмас, ҳамма ҳокимлар ҳам қўл кўтармайди. Умуман ҳеч кимни ҳақорат қилмасдан ёки урмасдан ўз ҳудудини гуллатаётган ҳокимлар ҳам йўқ эмас. Уларга минг раҳмат, барака топишсин, илоҳим. Аммо улар анчайин кам.

Мияни эмас, тил ва қўлни ишлатсам, зўр ҳоким бўларканман, деб ўйлайдиганлари анча кўпроқ, минг афсуски. Юқорида айтганимдай, барча ҳокимлар ақлли бўлиши учун 200 йил керагов...

Хушнудбек Худойбердиев, блогер, хуқуқшунос

Каналга обуна бўлинг:
https://t.me/online_gazeta

Мурожаат учун:
@online_gazeta_bot

Гап шундаки, енгил автомошинам билан қонуний киракашлик қилиш мақсадида енгил автомошинага йўлловчи ташиш уюшмасига бордим. Уюшмага аъзо бўлишим учун қандай ҳужжатлар қилишим кераклигини ўргандим.
1. Автомошинамни уюшмага ижарага берганимни нотариус орқали тасдиқлаб беришим керак экан. Нотариус тасдиқлаб бергани учун 430.000 минг сўм харажати ўз киссамдан тўлар эканман.
2. Автомошинамни сариқ ранга бўяшим керак экан. Усто ҳаққи ҳаммаси ўзидан 1.000.000 сўм экан.
3. МРОдан уюшмани давлат рақамини ва тех паспортини олишим керак экан. МРОдан уюшмани давлат рақамини ва тех паспорти учун 700.000 сўм ўзим харажат қилиб олишим керак.
4. Транспорт вазирлиги аризамни кўриб чиқиши учун 223.000 сўм тўлаб олишим керак.
5. Республика бўйича енгил автомошинада йўлловчи ташиш учун бир йиллик лицензияга 669.000 сўм тўлаб, олишим керак.
6. Автомобиль Мажбурий суғуртаси 44.000 минг сўмга ўзим олишим керак.
7. Йўлловчиларни ташиш суғуртасини 661.000 сўм ўзим олишим керак.
8. Шашка, наклейка, яшил чирок, таксометр 4.500.000-5.000.000 млн сўм атрофига бўлади. Шуларни ҳам ўзим олишим керак экан.
Шу туловларни ошириб бўлганимдан сўнг, уюшмани аъзосига айланаман. Ундан кейин уюшмага ҳар ойда 1.000.000 сўмдан бериб борарканман. Уюшмадан ҳеч қандай ёрдам йўқ, фақат меҳнат дафтарчангизга иш стажи ёзиларкан. Кунига уюшмага 33.000 сўмдан ўзимни автомошинамни ўзим ижарага ҳайдаганим учун бериб бораман. Мана амалдорлар нимани ўйлаб топишган. Офарин !
Ҳозирда иш танқислиги учун кўп одамлар ўзини таксичиликка урган. Шу вазиятни билиб турган амалдорларимиз ишни чигаллаштириб, нимага эришмоқчи ? Киракашлик билан шуғулланувчи шахсларга олдингидек ЯТТни қўлласа бўлади-ку. Оддий арифметика-ку. Бу учунам беш йил институтга ўқиш шарт эмас.
Нима керак одамларни қийнаб, ўзи одамлар қийналиб яшаб келмоқда. Қозоғистонда соддалаштириб тайлаган, Қозоғистонда таксичилик билан шуғулланиш ЯТТ рухсатномаси мини маркетларга сотилиб ётибди, сотволиб қонуний ишлаб юравергин, марҳамат. Бизда эса дабдала.

Facebook: Шерзод Қосимов

📲 Каналга обуна бўлинг👇https://t.me/online_gazeta

https://t.me/online_gazeta

https://t.me/online_gazeta