Pensiya jamg'armasi matbuot xizmati

Пенсия тўловлари қайси муддатларда амалга оширилади?

pensiya — Fri, 02 Oct 2020 17:08:48 GMT

Жорий йилнинг 2 октябрь санасида Nasafnews (nnews.uz) сайти орқали пенсия пулларини ўз вақтида олишдаги муаммоларга дуч келаётгани бўйича бир гуруҳ пенсионерлар вилоят ҳокимлиги биноси ёнида йиғилганлиги тўғрисида мақола чоп этилди.
Ушбу ҳолат Пенсия жамғармаси масъуллари томонидан ўрганилди ҳамда Қарши шаҳрида истиқомат қилувчи 7 нафар фуқаро томонидан жорий йилнинг октябрь ойи пенсия пуллари банк пластик карталарига юкланмаганлиги бўйича мурожаат қилинганлиги аниқланди.
Бугунги кунда Қашқадарё вилоятида 334 минг нафардан ортиқ пенсия ва нафақа олувчиларга ҳар ойда ўртача 253 млрд сўм маблағ тўланмоқда.
Ўзбекистон Республикаси Вазирлар Маҳкамасининг 2010 йил
8 сентябрдаги 252-сон қарори билан тасдиқланган “Давлат пенсияларини тайинлаш ва тўлаш тартиби тўғрисида”ги Низомнинг 1584 – бандида пенсия тўловларига қайдномалар тижорат банклари филиаллари учун ҳар тўлов ойининг 3-санасига қадар шакллантириши ва 4-санасига қадар тақдим этилиши белгиланган.
Шунингдек, ушбу Низомга мувофиқ қайдномаларни шакллантириш ҳамда тақдим этишнинг сўнгги куни дам олиш ёки байрам (иш куни бўлмаган) кунларига тўғри келган ҳолларда кейинги иш куни муддатнинг сўнгги куни деб ҳисобланади.
Бунда, амалдаги қонунчиликка асосан Пенсия жамғармаси бўлимлари томонидан тўлов қайдномалари ҳар бир пенсия ва нафақа олувчи бўйича тўғри ҳамда тўлиқ тузилганлиги таҳлил қилинган ҳолда тузилади.
Ушбу муддатлар белгиланганлигига қарамасдан, пенсия ва нафақа тўловларини муддатидан аввал тўланишини таъминлаш мақсадида Пенсия жамғармаси томонидан ҳар ойнинг 1-2 банк иш кунларида маблағларни пенсионерларнинг банк пластик карталарига юклаш чоралари кўрилмоқда.
2020 йил 1 октябрь - “Устоз ва мураббийлар куни” байрами (дам олиш куни) бўлганлиги сабабли тўлов қайдномалари ҳамда ушбу тўловларни амалга ошириш учун маблағлар 2 октябрь соат 13:55 да тижорат банкларига молиялаштирилган. Шунингдек, тижорат банклари томонидан пенсия маблағлари кун якунига қадар пенсионерларнинг банк пластик карталарига юклаб берилган.

Пенсия жамғармаси Фарғона вилояти бошқармаси бошлиғи тайинланди

pensiya — Tue, 29 Sep 2020 15:37:06 GMT

Ўзбекистон Республикаси Молия вазирлигининг 2020 йил
17 сентябрдаги №ШТ-43 сон буйруғига асосан Асронқулов Элёрбек Мадаминович Пенсия жамғармаси Фарғона вилоят бошқармаси бошлиғи лавозимига тайинланди.
Элёрбек Асронқулов 1985 йилда Фарғона вилояти, Бағдод туманида туғилган, миллати ўзбек. Маълумоти олий, 2010 йилда Фарғона политехника институтини тамомлаган.
Э.Асронқулов ўз фаолиятини 2011 йил Пенсия жамғармаси Фарғона вилояти Бағдод тумани бўлими маблағлар эҳтиёжини аниқлаш, бухгалтерия ҳисоби ва ҳисоботлар сектори 1-тоифали инспектори лавозимида бошлаган.
2012-2020 йилларда Пенсия жамғармаси Фарғона вилоят Бағдод туман бўлими пенсия ва нафақаларни тўланиши устидан мониторинг гуруҳи бош инспектори, маблағларни бошқариш, пенсия ва нафақалар тўлови мониторинги бўлими бошлиғи Пенсия жамғармаси Фарғона вилоят бошқармаси бошлиғи ўринбосари, Ўзбекистон Республикаси Молия вазирлиги ҳузуридаги бюджетдан ташқари пенсия жамғармаси Ижро этувчи аппарати Ички аудит ва молиявий назорат бошқармаси бош мутахассиси лавозимларида ишлаган.

Пенсия жамғармаси матбуот хизмати

Назначен начальник Управления внебюджетного Пенсионного фонда Ферганской области

pensiya — Tue, 29 Sep 2020 15:35:46 GMT

Приказом Министра финансов Республики Узбекистан от 17 сентября 2020 года №ШТ-43 Асронкулов Элёрбек Мадаминович назначен на должность начальника Управления внебюджетного Пенсионного фонда Ферганской области.
Эльёрбек Асронкулов родился 1985 году в Багдадском районе Ферганской области, узбек. Образование высшее, в 2010 году окончил Ферганский политехнический институт.
Трудовую деятельность Э.Асронкулов начал в 2011 году с должности инспектора 1-категории сектора бухгалтерского учета и отчетности, определения потребности в денежных средствах Отдела внебюджетного Пенсионного фонда Багдадского района Ферганской области.
В 2012-2020 годах – работал на должности главного инспектора Группы мониторинга за выплатой пенсий и пособий отдела Пенсионного фонда Багдадского районного Ферганской области, начальника Отдела управления средствами и мониторинга за выплатой пенсий и пособий, заместителя начальника Управления Пенсионного фонда Ферганской области, главного специалиста Управления внутреннего аудита и финансового контроля исполнительного аппарата внебюджетного Пенсионного фонда при Министерстве финансов Республики Узбекистан.

Пресс служба Пенсионного фонда

Ҳозирда ногиронлик пенсиясини оламан, миқдори 1 млн 680 минг сўм. Ишлаган давримда катта маош олганман. Пенсия тайинлашда маошнинг миқдори инобатга олинадими?

pensiya — Wed, 23 Sep 2020 07:55:22 GMT

Ногиронлик пенсияси учун пенсияни ҳисоблаб чиқариш учун олинадиган ўртача ойлик иш ҳақининг 55 фоизи, лекин расмий белгиланган ёшга доир энг кам пенсиянинг камида 100 фоизи миқдорида белгиланади.

Ногиронлик пенсиясини тайинлашда талаб этиладиганидан ортиқча иш стажининг ҳар бир тўлиқ йили учун таянч миқдори пенсияни ҳисоблаб чиқариш учун олинадиган ўртача ойлик иш ҳақининг 1 фоизи миқдорида оширилади.

Пенсияни ҳисоблаб чиқариш учун, ишдаги мавжуд танаффуслардан қатъи назар, охирги ўн йиллик меҳнат фаолияти давомидаги исталган кетма-кет беш йилдаги (пенсия сўраб мурожаат этган кишининг танлови бўйича) иш ҳақи ва пенсияни ҳисоб-китоб қилиш учун пенсияни ҳисоблаш базавий миқдорининг ўн бараваридан ортиқ бўлмаган миқдордаги ўртача ойлик иш ҳақи олиниши белгиланган.

2019 йил 1 январга қадар амалда бўлган тартибга асосан пенсия ҳисоблашда аниқланадиган ўртача ойлик иш ҳақини аниқлашнинг енг юқори миқдори пенсия ҳисоблаш базавий миқдорининг (аввалги энг кам ойлик иш ҳаққи) саккиз баробаридан ошмаган миқдор инобатга олинган.

Агар пенсия ҳисоблашда фуқаронинг охирги ўн йиллик меҳнат фаолияти давомидаги исталган кетма-кет беш йилдаги (пенсия сўраб мурожаат этган кишининг танлови бўйича) аниқланган ўртача ойлик иш ҳақи миқдори пенсияни ҳисоблашнинг базавий миқдорининг 10 баробаридан юқори аниқланган бўлса юқорида қайд қилинган тартибга асосан пенсия ҳисоблашда пенсияни ҳисоблашнинг базавий миқдорининг 10 баробаридан юқори миқдор пенсия ҳисоблашда инобатга олинмайди.

Касбим-ўқитувчи. Соғлигим ёмонлашгани боис II гуруҳ ногиронлигини олдим. Иш фаолиятимни давом эттирсам бўладими? Ногиронларга қандай имтиёзлар бор?

pensiya — Tue, 22 Sep 2020 13:36:26 GMT

Пенсия таъминотига оид норматив-ҳуқуқий ҳужжатларга асосан агар фуқарога ногиронлик пенсияси тайинланиб ушбу ногиронлик пенсия тайинланганидан сўнг меҳнат фаолиятини давом эттирса унинг ногиронлик пенсияси тайинланганидан кейинги ортирган иш стажи ва ойлик иш ҳақ миқдорлари ёшга доир ёки боқувчисини йўқотганлик пенсиясини ҳисоблашда иш стажи ва ойлик иш ҳақи ҳисобида инобатга олиниши белгиланган.

Бундар ташқари, ногиронликнинг I-гуруҳ ногиронлиги бўлган шахсларга пенсияни ҳисоблашнинг базавий миқдорининг 75 фоизи миқдорида, кўз бўйича биринчи гуруҳ ногиронлиги бўлган шахсларга пенсияни ҳисоблашнинг базавий миқдорининг 100 фоизи миқдорида, II-гуруҳ ёлғиз ногиронлиги бўлган шахсларга эса пенсияни ҳисоблашнинг базавий миқдорининг 50 фоизи миқдорида ҳисоблаб чиқарилган пенсияларига устама ҳақлар белгиланади.

Шунингдек, ушбу тоифадаги фуқаролар солиқ, транспорт ва соғлиқни салаш тизимларида бир қатор имтиёзлар белгиланган.

2019 йилда тумандаги сув истеъмолчилиги бўйича 15 та уюшма бирлаштирилиб, 45 йил стаж билан ишсиз қолдим. Мен 58 ёшда муддатидан олдин пенсияга чиқишим мумкинми?

pensiya — Tue, 22 Sep 2020 13:30:32 GMT

Ёшга доир пенсия олиш ҳуқуқига эркаклар 60 ёшга тўлганда ва иш стажлари камида 25 йил бўлган тақдирда эга бўладилар.

Бироқ, технологиядаги, ишлаб чиқариш ва меҳнатни ташкил этишдаги ўзгаришлар, ходимлар сони (штати) ёки иш хусусиятининг ўзгаришига олиб келган ишлар ҳажмининг қисқарганлиги ёхуд корхонанинг тугатилганлиги муносабати билан ишдан озод этилган ва ишсиз деб эътироф этилган эркаклар умумий белгиланган пенсия ёшини 2 йил қисқартиган ҳолда яъни 58 ёшга тўлганларида ва иш стажи камида 25 йил бўлган тақдирда муддатидан олидн ёшга доир пенсияга чиқиш ҳуқуқига эга бўладилар.

Ушбу ёшга доир пенсия тайинлаш учун (!) мурожаат қилган шахснинг аризасига пенсия тайинлаш учун зарур ҳужжатлар билан биргаликда Ўзбекистон Республикаси Бандлик ва меҳнат муносабатлари вазирлиги туман (шаҳар) Аҳоли бандлигига кўмаклашиш марказининг шахсни ишсиз деб эътироф этиш тўғрисидаги тақдимномаси илова қилиниши керак.

Унга асосан, Бандликка кўмаклашиш маркази ишсиз деб эътироф этилганва муддатидан олдин ёшга доир пенсияга чиқиш ҳуқуқига эга бўлган фуқароларга тақдимнома тайёрлайди ва 5 кун муддат ичида тегишли Ўзбекистон Республикаси Молия вазирлиги ҳузуридаги бюджетдан ташқари Пенсия жамғармасининг туман (шаҳар) бўлимига топширади.

Бандликка кўмаклашиш маркази томонидан берилган тақдимнома бюджетдан ташқари Пенсия жамғармасининг туман бўлими томонидан муддатидан олдин ёшга доир пенсия тайинлашга асос бўлиб ҳисобланади.

Отамнинг пенсияси кам. Иш стажи 27 йил. Ҳайдовчи, тракторчи, муроб вазифаларида ишлаган. Ҳозир 350 000 сўм пенсия оляпти. Нега пенсияси кам ҳисобланганига аниқлик киритсангиз.

pensiya — Tue, 22 Sep 2020 13:18:51 GMT

Пенсия миқдори фуқаронинг иш стажи давомийлиги ва ойлик иш ҳақи миқдорига боғлиқ бўлиб, дастлаб пенсиянинг таянч миқдори аниқланади.

Пенсиянинг таянч миқдори пенсия тайинлаш учун мурожаат қилган шахснинг танлови асосида унинг охирги ўн йиллик меҳнат фаолиятидаги кетма-кет беш йиллик ойлик иш ҳақларидан аниқланади. Агар пенсия тайинлаш учун мурожаат қилган шахснинг охирги ўн йиллик меҳнат фаолиятига оид ойлик иш ҳаққи тўғрисидаги маълумотлари йўқ бўлса, бундай ҳолатларда пенсия ҳисоблашда ойлик иш ҳақи йўқ бўлган даврлар учун ўша пайтдаги пенсия ҳисоблашнинг базавий миқдори (энг кам ойлик иш ҳақи) ҳисобланиб пенсиянинг таянч миқдори аниқланади. Агар пенсия тайинлаш учун мурожжат қилган шахс талаб қилинганидан ортиқча иш стажига эга бўлса ушбу шахснинг ҳар бир ортиқча ишлаган йиллари учун пенсиянинг таянч миқдори аниқланган ўртача ойлик иш ҳақининг бир фоизи миқдорида оширилиб борилади ва миқдорлар жамланиб битта умумий пенсия аниқланади. Агар ўртача ойлик иш ҳақи миқдори паст миқдорларда аниқланган бўлса пенсия миқдори хам ушбу ўртача ойлик иш ҳақи миқдори мутаносиб равишда белгиланади.

Шунингдек, Пенсия жамғармаси бўлими иш стажини тасдиқлаш учун тақдим этилган ҳужжатларнинг мазмунини ва зарур тарзда расмийлаштирилганлигини баҳолайди зарур ҳолларда эса меҳнат фаолиятининг айрим даврларини иш стажи ҳисобида инобатга олишга ёки олмаслик тўғрисида тегишли қарор қабул қилиш ваколатига эгадир.

6 йилдан бери боқувчисини йўқотганлик нафақасини оламан. Турмуш ўртоғим 52 ёшида вафот этган. Умумий иш стажи 34 йил эди. Аммо боқувчисини йўқотганлик нафақасини тайинлашда тўлиқ иш стажи олинмаган. Шу тўғрими?

pensiya — Tue, 22 Sep 2020 13:12:51 GMT

Пенсия тайинлаш масаласи шахс белгиланган тартибда Пенсия жамғармасининг туман (шаҳар) бўлимига мурожаат қилган тақдирда кўриб чиқилади. Комиссия томонидан пенсия тайинлаш учун мурожаат қилган шахснинг ҳужжатлари ўрганиб чиқиб иш стажи тўғрисидаги тақдим этилган ҳужжатларнинг асосланганлиги ва ишончлилигини аниқлаш мақсадида Пенсия жамғармаси бўлими иш стажини тасдиқлаш учун тақдим этилган ҳужжатларнинг мазмунини ва зарур тарзда расмийлаштирилганлигини баҳолайди, зарур ҳолларда эса меҳнат фаолиятининг айрим даврларини пенсия ҳисоблашда иш стажи даврига ҳисобга олиш ёки ҳисобдан чиқариб ташлаш тўғрисида қарор чиқариши мумкин.

Фаолият тури, мулкчилик ва хўжалик юритиш шаклларидан қатъи назар, ходим давлат томонидан ижтимоий суғурталанган ҳолда бажарган ҳар қандай иш, агар фуқаро 2019 йил 1 январга қадар бўлган давр учун Ўзбекистон Республикаси Молия вазирлиги ҳузуридаги бюджетдан ташқари Пенсия жамғармасига суғурта бадаллари тўлаган 2019 йил 1 январдан кейинги давр учун меҳнатга ҳақ тўлаш тарзидаги даромадлар ҳисобланган бўлса ушбу даврлар пенсия ҳисоблашда иш стажи ҳисобида инобатга олинади.

! Иш стажи тўғрисида ҳужжатлар мавжуд бўлмаган тақдирда меҳнат фаолияти даврлари суднинг қарори билан белгиланади.

Пенсия жамғармасининг ҳудудий бўлинмалари фуқароларга иш стажини тасдиқлаш учун қонунчиликда назарда тутилган асос мавжуд бўлган тақдирда судларга даъволар тайёрлашда кўмаклашишади.

Юқоридагилардан келиб чиқиб Сизнинг боқувчисини йўқотганлик пенсиясини тайинлаш учун тақдим қилган ҳужжатларингизга мувофиқ вафот этган турмуш ўртоғингизнинг айрим меҳнат фаолияти даврлари юқорида айтиб ўтилган меъёрлар асосида пенсия ҳисоблашда иш стажи ҳисобида инобатга олинмаган бўлиши мумкин.

Бундай ҳолатда Сиз вафот этган турмуш ўртоғингизни иш стажини тасдиқлаш учун судга мурожаат қилишингиз мумкин.

Шунингдек, амалий ёрдам кўрсатилиши юзасидан яшаш манзилингиз бўйича Песния жамғармасининг бўлими бош юристконсультига мурожаат қилишингиз мумкин.

Ўзбекистон Республикаси Молия вазири ўринбосари Турсунов Ёрқин Эргашевич оламдан ўтди

pensiya — Wed, 29 Jul 2020 15:00:25 GMT

Бугун, Ўзбекистон Республикаси Молия вазири ўринбосари, собиқ Пенсия жамғармаси ижро этувчи директори -Турсунов Ёрқин Эргашевич оламдан ўтди.

Ёрқин Турсунов 20 йилдан ортиқ вақт мобайнида, шунингдек, 2018-2019 йиллар давомида жамғарма ижро этувчи директори давомида ҳам ўзининг меҳнатсевар, маъсулиятли ва ҳар бир ишга пухталик билан ёндашиши билан тизим тараққиётига муносиб улуш қўшди.

Пенсия жамармасидадаги қисқа муддатли фаолияти даврида, тизимдаги камчиликларни анилаш ҳамда бартараф қилишга ўрганишга ҳаракат қилди, ҳар доим инсонлар билан очиқ мулокотга киришар эди. Шунингдек, мамлакатимиздаги ҳар бир пенсия ва нафақа олувчи, ижтимоий кам таъминланган оилаларнинг шароитларини ўрганган ҳолда уларнинг шароитини яхшилашга, пенсия таъминотининг самарадорлигини оширишга бор кучини сарфлади.

Ёрқин Турсунов "Ватанга ҳалоллик ва садоқат билан хизмат қилиш" шиори билан яшаган ўз ишининг устаси ва мамлакат ватанпарвари, шижоатли, фидоий инсон ҳамда олийжаноб ҳамкасб бўлиб хотирланади ва доимо қалбларимизда ажойиб инсон бўлиб қолади.
Ушбу оғир йўқотиш муносабати билан, Ё.Турсуновнинг оила аъзоларига Ўзбекистон Республикаси Пенсия жамғармаси жамоаси чуқур ҳамдардлик ва таъзия билдириб, сабр тилайди.

Пенсия жамғармаси матбуот хизмати

Ушел из жизни заместитель министра финансов Республики Узбекистан-Турсунов Ёркин Эргашевич

pensiya — Wed, 29 Jul 2020 14:58:36 GMT

Сегодня, ушел из жизни заместитель министра финансов Республики Узбекистан ранее возглавлявший Пенсионный фонд Республики Узбекистан-Турсунов Ёркин Эргашевич.

Более 20 лет Ёркин Эргашевич работал в системе Министерстве финансов, их которых с 2018-2019 года на посту исполнительного директора Фонда, где всегда отличался своим трудолюбием, высокой ответственностью и способностью понимать каждого.

За короткий промежуток времени будучи исполнительным директором Пенсионного фонда Ёркин Эргашевич старался изучать и устранять все имеющиеся недостатки системы, всегда был открыт для общения с людьми, а также вкладывал все усилия для достижения максимальной эффективности пенсионного обеспечения.

Он навсегда останется в наших сердцах как настоящий лидер, благородный коллега, примерный семьянин, верный друг и человек с большим сердцем. Его помнят как мастера своего дела и патриота страны, мужественного и бескорыстного, жившего под девизом «Честно и верно служить Родине».

Коллектив внебюджетного Пенсионного фонда Республики Узбекистан выражает свои глубочайшие соболезнования семье Ёркина Эргашевича и желает терпения в связи с трагической утратой настоящего человека с большой буквы.

Пресс служба Пенсионного фонда