Аввал хабар берганимиздек, жорий йилнинг 11 март куни Қашқадарё вилояти Ғузор туманида жойлашган “Шўртан” ПФКнинг футбол мактаби ўйингоҳида вилоят ҳокими Зойир Тоирович томонларидан вилоятда футбол спорт турини янада ривожлантириш ва оммалаштириш бўйича берган кўрсатма ҳамда топшириқларига асосан вилоят жисмоний тарбия ва спорт бошқармаси, вилоят футбол ассоциацияси билан ҳамкорликда футбол академиялари ва футбол мактабларида шуғулланувчи 2002-2004 йилларда туғилган ўсмирлар ўртасида “Вилоят ҳокими кубоги” мусобақасига старт берилган эди.

Мазкур мусобақанинг финал ўйинлари жорий йилнинг 13 март куни Қарши шаҳрида жойлашган “Насаф” ПФКнинг сунъий қопламали футбол майдонларида ўтказилди.

Унга кўра финалда “Насаф” ПФКнинг футбол мактаби жамоаси ҳамда Қарши шаҳар олимпия ва миллий спорт турлари бўйича давлат ихтисослаштирилган мактаб-интернати

жамоалари ўзаро майдонда тўп теришди. Қизиқарли вазиятларга бой бўлган учрашувда “Насаф” ПФК ўринбосарлари 4:1 ҳисобида рақиб жамоадан устин келди ва 1-ўринни эгаллади. Шунингдек, фахрли 3-ўринни Қарши шаҳар болалар-ўсмирлар футбол мактаби жамоаси эгаллади.

Янги коронавирус (2019-nCoV) ҳақида қисқача маълумот

Янги коронавирус Хитойда 2019 йил декабрь ойида аниқланиб, шу пайтдан бошлаб дунё мамлакатлари бўйлаб тарқалмоқда. Коронавирус нафас олиш ҳужайраларини шикастлайди.

Инкубацион даври 2 кундан 14 кунгача давом этади.

Ҳозирги кунда вирус тарқалиши асосан одамдан одамга, кўпинча яқин алоқа оқибатида ўтиши эвазига таъминланмоқда.

Коронавирус аломатлари

Иситма, йўтал, холсизлик ва нафас қисиши.

Хавф гуруҳига кимлар киради?

Янги коронавирусни барча ёшдаги одамлар юқтириши мумкин. Ёши катта, сурункали касалликка йўлиққан, иммунитети заифлашган одамлар касалликни бошдан кечириши қийинроқ кечади.

Коронавирусга қарши вакцина борми?

Ҳозирги кунда инфекцияни олдини олиш учун вакцина, шунингдек, 2019-nCoV вирусга қарши махсус даволаш мавжуд эмас. Клиникалар томонидан тестдан ўтказилиб, ўзига хос даволаш усуллари бугун ўрганилмоқда. Соғлиқни сақлаш вазирлиги, Бутунжаҳон соғлиқни сақлаш ташкилоти ва дунё давлатларининг мутахассислари билан биргаликда вирусга қарши янги вакцина ва даволаш методларини яратиш устида фаол ишлашмоқда.

Юқтириб олиш хавфини қандай камайтиради?

- Қўлларни тез-тез ва яхшилаб совун билан оқар сувда ювиш, спиртли дезинфекцияловчи воситалардан фойдаланиш, овқат қилиш давомида ҳамда ундан олдин ва кейин, шунингдек, овқатланишдан олдин, хожатхонадан ёки ҳайвон билан алоқадан кейин қўлларни ювиш;

- Юзингизни қўлингиз билан кўп ушламанг;

- Имкон қадар театр, кинотеатр, аэропорт, вокзал, бозор ва катта дўконлар каби кўп одам йиғиладиган жойларга боришни камайтиринг. Бозорга борганда хайвонлар билан бевосита алоқа қилишдан чекининг;

- Йўталганда, бурун қоққанда ва аксирганда оғиз билан бурунга букилган тирсак, енг ёки салфеткани тутинг. Ундан кейин салфеткани дархол ахлатга ташланг ва қўлингизни ювишни унутманг;

- Шамоллаш ёки грипп аломатларига эга одамлар билан яқин алоқа қилишдан чекининг. Яқин алоқа деганда бемор билан икки метр доирасида, у билан бир хонада ёки узоқ вақт мобайнида касал юқтирган беморга қараш зонасида индивидуал ҳимоя воситаларисиз (халат, қўлқоп, ниқоб) бўлиш тушунилади. Шунингдек, яқин алоқа бемор бўлган хонага қатнаш, касал юқтирган одамдан ажралиб чиққан суюқлик, масалан, балғам билан алоқани ўз ичига олади;

• Касалликнинг илк аломатлари кузатилганда, уйда қолинг ва дарҳол шифокорга мурожаат қилинг;

Озиқ-овқат хавфсизлиги учун зарур чора-тадбирлар

- Хом гўшт ва пиширилган маҳсулотлар учун алоҳида пичоқ ва чопиш тахталарини ишлатинг;

- Пиширилган маҳсулотлар билан муомала қилишдан олдин хом маҳсулотларни, айниқса гўшт ва сут маҳсулотларини ушлагандан кейин қўлларни астойдил ювинг;

- Гўшт маҳсулотларини овқатга ишлатиш шарти шуки, улар яхшилаб қайнатилган (қовурилган) яъни пухта пиширилган бўлиши керак;

- Касал ҳайвон ёки касаллик оқибатида ўлган ҳайвон гўштини асло овқатга ишлатманг;

- Келиб чиқиши ҳайвонотга мансуб маҳсулотлар хом ёки чала қайнатилганларини истеъмол қилишдан чекининг. Кесишма зарарланишига йўл қўймаслик учун хом гўшт, сут билан эхтиёткор муомала қилиш лозим. Сутни яхшилаб қайнатинг.

Инфекциядан ҳимоя воситаси сифатида оғиз ва бурун учун мўлжалланган тиббий ниқобни тақиб юриш шартми?

Ҳа. Сизда респиратор инфекция аломатлари кузатилса – йўтал, нафас олишда қийналиш.

Ҳа. Респиратор инфекция аломатларига эга беморга қараётган бўлсангиз.

Ҳа. Соғлиқни сақлаш тизим ходими бўлиб, респиратор инфекция аломатларига эга беморларни бориб кўрсангиз.

Йўқ. Респиратор инфекция аломатларига эга бўлмаган қолган ҳамма.