O‘rganish jarayonida ta’mirlash ishlariga jalb qilingan ishchi-xodimlar uchun yaratilgan shart-sharoitlar, texnika xavfsizligi talablariga rioya etilishi, ishlab chiqarish maydonlarida tashkil etilgan xavfsizlik choralarining samaradorligi, jalb etilgan maxsus texnikalarning texnik holati hamda ishlarning belgilangan grafik asosida olib borilayotganligi ko‘zdan kechirildi.

Shuningdek, Boshqaruv raisi o‘rinbosari ta’mirlash jarayonlarida ishtirok etayotgan turdosh korxonalardan jalb etilgan ishchi-xodimlar bilan muloqot qilib, ularning mehnat sharoitlari, kayfiyati hamda olib borilayotgan ishlar yuzasidan fikr-mulohazalari bilan qiziqdi. Suhbat davomida ishlarni xavfsiz va sifatli tashkil etish masalalariga alohida e’tibor qaratilishi lozimligi taʼkidlandi.

Majmua rahbariyati tomonidan rejali joriy ta’mirlash ishlari tasdiqlangan grafik asosida olib borilayotgani, moddiy-texnika ta’minoti va mavjud ichki imkoniyatlardan foydalanish orqali amalga oshirilayotgan ishlar yuzasidan batafsil ma’lumot berildi.

Bundan tashqari, majmuaning kuz-qish mavsumiga tayyorgarlik holati, energiya samaradorligini oshirish hamda energiya resurslarini tejash bo‘yicha amalga oshirilayotgan chora-tadbirlar ham o‘rganildi.

O‘rganish ishlari yakunda majmua rahbariyati va mas’ul xodimlarga mavjud ishlarni sifatli hamda belgilangan muddatlarda yakunlash, texnika xavfsizligi talablariga qat’iy rioya qilish va ishlab chiqarish jarayonlari barqarorligini ta’minlash yuzasidan tegishli tavsiya va ko‘rsatmalar berildi.

Shuningdek, tashrif doirasida majmuaning asosiy ishlab chiqarish sexlaridagi gaz kompressorlari hamda bug‘ turbinalari boshqaruv tizimlarini modernizatsiya qilish masalalari yuzasidan “Mitsubishi Heavy Industries Compressor Corporation” (MSO) kompaniyasi vakillari bilan muzokaralar ham o‘tkazildi. Unda kelgusida hamkorlik doirasida amalga oshiriladigan modernizatsiya va taʼmirlash ishlari hamda buning uchun zarur bo‘ladigan ehtiyot qismlarni yetkazib berish muddatlari hamda servis xizmatlari masalalari muhokama qilindi.

"Shurtan gaz kimyo majmuasi" MCHJ Matbuot xizmati

|web-sayt|telegram|YouTube|

Ta’mirlash jarayonlari doirasida texnologik qurilmalar belgilangan tartibda bosqichma-bosqich to‘xtatilmoqda. Ayni paytda qabul qilinayotgan xom ashyo gazi to‘liq to‘xtatilib, asosiy uskuna va jihozlarda profilaktik hamda modernizatsiya ishlari boshlangan.

Ushbu profilaktik ta’mirlash ishlari doirasida amalga oshirilishi lozim bo‘lgan jami 1038 ta ish bo‘yicha kamchiliklar qaydnomalari hamda ta’mirlash uchun zarur hujjatlar tayyorlanib, ro‘yxatdan o‘tkazilgan va bosh mutaxassislar tomonidan tasdiqlangan.

Xususan:

• Etilen ishlab chiqarish sexida – 267 ta;
• Polietilen ishlab chiqarish sexida – 100 ta;
• Bug‘ gaz havo ta’minoti sexida – 123 ta;
• Nazorat o‘lchov asboblari va avtomatlashtirish sexida – 415 ta;
• Elektr ta’minoti sexida – 93 ta;
• Tayyor mahsulotlar va xomashyo sexida – 4 ta;
• Ichki suv ta’minoti sexida – 24 ta;
• Tashqi suv ta’minoti sexida – 5 ta;
• Oqova suvlarni tozalash sexida – 6 ta;
• Metrologiya xizmatida – 1 ta banddan iborat texnik ko‘rik, diagnostika hamda ta’mirlash ishlari rejalashtirilgan.

Shuningdek, kamchiliklar qaydnomalari asosida profilaktik ta’mirlash ishlari vaqtida bajariladigan ishlar ro‘yxati, tarmoq jadvali hamda ta’mirlash jarayonida zarur bo‘ladigan material-texnik resurslar, asbob-uskunalar va maxsus texnikalar ro‘yxati shakllantirilgan.

Bundan tashqari, joriy yilgi ta’mirlash ishlari jarayonida majmua texnologik qurilmalari to‘xtagan vaqtda quyidagi asosiy ta’mirlash ishlari bajarilishi rejalashtirilgan:

• "DA-1701" / "DA-1702" absorber va desorber kolonnalarining nasadka va tarelkalarini tushirish hamda tozalash;
• "BA-1101" va "BA-1102" piroliz pechlarida ichki ko‘rik va ta’mirlash ishlari, shuningdek, "BA-1103" pechi radiant trubalarini to‘liq yangisiga almashtirish;
• Polietilen sexida "EA-2105" (polimer) issiqlik almashinish qurilmasini ochish, tozalash, sinovdan o‘tkazish va qayta yopish;
• Etilen sexida gazlarni ajratish qurilmasidagi "FF-1801A" quritgichda (4Å) hamda "FF-1201B" quritgichda (3Å) molekulyar sitoni yangisiga almashtirish;
• "FA-2123" separatorini ochib, ichki qismini polimerdan tozalash;
• 165 dona bosim ostida ishlovchi idishlarni tashqi va ichki ko‘rikdan o‘tkazish, shundan 64 donasini suv bilan sinash;
• 68 dona issiqlik almashinish qurilmalarini ochish, tozalash va sinash;
• 81 dona bosimdan saqlovchi klapanlarni texnik nazoratdan o‘tkazish va sinash;
• 70 dona par turbinalari, kompressor hamda nasos agregatlarini ta’mirlash;
• 116 dona quvuruzatkichlarni ta’mirlash, taftish qilish va suv bilan sinovdan o‘tkazish.

Ta’mirlash ishlarini amalga oshirish uchun majmuaning 1100 nafardan ortiq ishchi-xodimlari kunduzgi va tungi smenalarda ish olib boradilar. Shu bilan birga, ta’mirlash ishlarini o‘z vaqtida va sifatli bajarish maqsadida “O‘zbekneftgaz” AJ tizim korxonalaridan ham mutaxassislar hamda maxsus texnikalar jalb etilgan.

"Shurtan gaz kimyo majmuasi" MCHJ Matbuot xizmati

|web-sayt|telegram|YouTube|

Xususan, etilen ishlab chiqarish sexida amalga oshiriladigan ta’mirlash ishlariga tayyorgarlik holati, ta’mirlash jarayonida zarur bo‘ladigan moddiy-texnika resurslari zahirasi hamda jarayonga jalb etilgan texnika vositalarining texnik holati o‘rganildi.

Shuningdek, ishchi-xodimlarni ish joyiga o‘z vaqtida va xavfsiz yetkazib kelish hamda olib ketish jarayonlari, ta’mirlash ishlari olib boriladigan davrda navbatchilik tartibida ishchi-xodimlar uchun yaratilgan sharoitlar, shuningdek, turdosh korxonalar va xorijiy kompaniyalardan jalb etiladigan mutaxassislar uchun tashkil etilgan qulayliklar nazoratdan o‘tkazildi.

Ta’mirlash jarayonida ishchi-xodimlarning mehnat faoliyati xavfsizligini ta’minlash masalasiga alohida e’tibor qaratildi. Mas’ullarga ko‘zdan kechirish davomida aniqlangan masalalar yuzasidan qo‘shimcha topshiriqlar berildi. Jumladan, mavjud resurslardan tejamkor va oqilona foydalanish, texnika xavfsizligi qoidalariga qat’iy rioya etilishini ta’minlash, ta’mirlash ishlarini belgilangan muddatlarda sifatli yakunlash hamda energiya resurslaridan samarali foydalanish bo‘yicha aniq ko‘rsatmalar berildi.

"Shurtan gaz kimyo majmuasi" MCHJ Matbuot xizmati

|web-sayt|telegram|YouTube|

Mazkur uchrashuvda “Shurtan gaz kimyo majmuasi” MCHJ bosh direktorining tijorat ishlari bo‘yicha o‘rinbosari Ochilov Asqar Muhammadiyevich ishtirok etib, yosh mutaxassislar bilan ochiq va samimiy muloqot olib bordi.

Tadbir davomida yoshlarning korxona faoliyatidagi faolligi, tashabbuskorligi hamda iqtisodiy va moliyaviy yo‘nalishdagi bilimlarini oshirish masalalariga alohida e’tibor qaratildi. Asqar Ochilov yosh mutaxassislarni moliyaviy savodxonlikni oshirish, xaridlar tizimi va shartnomaviy munosabatlar bo‘yicha bilimlarini mustahkamlash, shuningdek, tijorat faoliyatida samaradorlikni ta’minlashga xizmat qiluvchi ilg‘or yondashuvlarni o‘rganishga chorladi.

Uchrashuv davomida yoshlar tomonidan xaridlar tizimidagi yangiliklar, amaldagi qonunchilikdagi o‘zgarishlar, elektron savdolar, shartnomalar ijrosi hamda tijorat faoliyatiga oid boshqa masalalar yuzasidan savol va takliflar bildirildi. Tadbir ochiq va samimiy muloqot ruhida o‘tdi. Yoshlar o‘zlarini qiziqtirgan barcha savollarga bevosita javob olib, o‘z tashabbus va takliflarini ilgari surish imkoniyatiga ega bo‘ldilar.

Tadbir yakunida majmuada o‘tkazilgan kibersport musobaqasi g‘oliblarini taqdirlash marosimi ham bo‘lib o‘tdi. G‘oliblarga majmua ma’muriyati hamda Kasaba uyushmasi qo‘mitasi tomonidan diplom va esdalik sovg‘alari topshirildi.

Quyida g'olib jamoalar bilan tanishishingiz mumkin:

"Shurtan gaz kimyo majmuasi" MCHJ Matbuot xizmati

|web-sayt|telegram|YouTube|

Xususan, rejali ta’mirlash jarayonida PA-6101A bug‘ qozonining asosiy tarkibiy qismlaridan biri hisoblangan GBT-6101AX bug‘ turbinasida keng qamrovli texnik ishlarni bajarish rejalashtirilgan. Mazkur turbina majmua ishga tushirilgan davrdan buyon uzluksiz ekspluatatsiya qilinib kelayotgani inobatga olinib, uskunaning samaradorligi va ekspluatatsion ishonchliligini yanada oshirish, shuningdek, ehtimoliy favqulodda holatlarning oldini olish maqsadida joriy ta’mirlash ishlari davomida ishchi rotorni yangisiga almashtirish belgilangan.

Rejalashtirilgan ishlarni sifatli tashkil etish maqsadida yangi rotorni o‘rnatishdan avval texnik ko‘rik va nazorat-sozlash ishlari amalga oshirildi. Jumladan, Siemens Energy mutaxassislari ishtirokida rotorning texnik holati atroflicha tekshirilib, barcha zarur parametrlar yuqori muhandislik talablari asosida sozlandi. Texnologik jarayonlar esa amaldagi texnik reglamentlar va sanoat xavfsizligi talablariga qat’iy rioya etilgan holda bajarildi.

Mazkur tayyorgarlik ishlari rotorni keyingi montaj bosqichiga puxta tayyorlash, uskunani sifatli ekspluatatsiyaga topshirish hamda uning samaradorligi va ishonchliligini yuqori darajada ta’minlashda muhim ahamiyat kasb etadi.

Olib borilgan texnik tadbirlar natijasida yangi rotorni o‘rnatish uchun to‘liq texnik tayyorgarlik yaratildi. Bu esa rejali ta’mirlash ishlari majmuada zamonaviy muhandislik yondashuvlari va ilg‘or texnik standartlar asosida tashkil etilayotganidan dalolat beradi.

"Shurtan gaz kimyo majmuasi" MCHJ Matbuot xizmati

|web-sayt|telegram|YouTube|

Seminar davomida ishtirokchilarga farmonning mazmun-mohiyati, unda belgilangan ustuvor yo‘nalishlar hamda metrologiya tizimini tubdan takomillashtirishga qaratilgan islohotlar yuzasidan batafsil ma’lumotlar taqdim etildi. Xususan, amaldagi qiyoslash tizimidan zamonaviy kalibrlash tizimiga bosqichma-bosqich o‘tish jarayonlari, o‘lchash vositalarini verifikatsiya qilishning yangi tartiblari, shuningdek sifatni baholash mexanizmlarini xalqaro standartlar asosida takomillashtirish masalalari muhokama qilindi.

Tadbir davomida mutaxassislar tomonidan sohada joriy etilayotgan yangiliklarning amaliy ahamiyati, ishlab chiqarish jarayonlarida aniqlik va ishonchlilikni ta’minlashdagi o‘rni alohida ta’kidlandi. Shu bilan birga, seminar interaktiv ruhda tashkil etilib, unda majmua Qiyoslash laboratoriyasi xodimlari yangi joriy etilayotgan loyihalar hamda kundalik faoliyatda yuzaga kelayotgan murakkab masalalar yuzasidan o‘zlarini qiziqtirgan savollar bilan faol ishtirok etdilar. Mutaxassislar tomonidan ushbu savollarga batafsil, asoslantirilgan hamda amaliy tavsiyalar bilan boyitilgan javoblar berildi.

Mazkur seminar nafaqat nazariy bilimlarni mustahkamlash, balki ilg‘or tajribalarni almashish uchun ham muhim platforma vazifasini o‘tadi. Bunday tadbirlar metrologiya tizimini yanada rivojlantirish, ishlab chiqarish jarayonlarida sifat va aniqlik ko‘rsatkichlarini oshirishga xizmat qiladi.

"Shurtan gaz kimyo majmuasi" MCHJ Matbuot xizmati

|web-sayt|telegram|YouTube|

Majmuada erkaklar va ayollar o‘rtasida tashkil etilgan voleybol musobaqalari ham ana shunday muhim tashabbuslarning yorqin namunasidir.

Mazkur musobaqalarda erkaklar o‘rtasida 14 ta, ayollar o‘rtasida esa 8 ta jamoa o‘zaro bellashdi. Turnirlar uzoq muddatli formatda o‘tkazilib, xodimlarning jismoniy faolligini ta’minlash, sog‘lom turmush tarzini qaror toptirish hamda korxonada ijobiy ish muhitini mustahkamlashga xizmat qildi.

Shuningdek, musobaqalar ishlab chiqarish jarayoniga salbiy ta’sir ko‘rsatmagan holda, xodimlarning tushlik tanaffuslari va ish vaqtidan tashqari bo‘sh vaqtlarida tashkil etildi. Bu esa ish jarayonining uzluksizligini ta’minlash bilan birga, xodimlar uchun qulay va samarali sport muhitini yaratdi.

Ayollar o‘rtasidagi bahslar murosasizligi va yuqori darajadagi faollik bilan ajralib turdi. Yakuniy natijalarga ko‘ra ushbu jamoalar yuqori o‘rinlarni egalladi:
🥇 1-o‘rin — Maishiy xo‘jalik xizmatining “MXX” jamoasi
🥈 2-o‘rin — Uy-joydan foydalanish xizmatining “UJFX” jamoasi
🥉 3-o‘rin — Umumiy ovqatlanish sexining “UOS” jamoasi

Erkaklar o‘rtasidagi bellashuvlar esa keskin va yuqori raqobat muhitida kechdi. Turnir yakunlariga ko‘ra quyidagi jamoalar g‘olib va sovrindor bo‘ldi:
🥇 1-o‘rin — Tayyor mahsulotlar va xom ashyo sexining “TM va XAS” jamoasi
🥈 2-o‘rin — Mexanik ta’mirlash sexining “Mexanik” jamoasi
🥉 3-o‘rin — Ichki suv ta’minoti sexining “Energetik” jamoasi

Musobaqalar davomida ishtirokchilar nafaqat sport mahoratini, balki jamoaviylik, o‘zaro hurmat va intiluvchanlik kabi muhim fazilatlarni ham namoyon etdilar.

9-may — “Xotira va qadrlash kuni” munosabati bilan musobaqa yakuniga bag‘ishlangan tadbir tashkil etildi. Tadbirda “Shurtan GKM” MCHJ Bosh direktori, Oliy Majlis Senati a’zosi Sh. Aslanov so‘zga chiqib, jamoalardagi ahillik, yuqori kayfiyat va shijoatni alohida e’tirof etdi. Shuningdek, u g‘olib jamoalarni tabriklab, bunday sport musobaqalari xodimlar salomatligini mustahkamlash hamda jamoaviy ruhni yuksaltirishda muhim ahamiyat kasb etishini ta’kidladi.

Shundan so'ng, g‘olib va sovrindor jamoalar majmua ma’muriyati hamda Kasaba uyushma qo‘mitasi tomonidan diplom va esdalik sovg‘alari bilan taqdirlandi. G‘olib jamoalarga esa musobaqa kuboklari tantanali ravishda topshirildi.

Bunday sport tadbirlari majmuada sog‘lom va faol hayot tarzini qaror toptirish, xodimlar o‘rtasida jamoaviylikni mustahkamlash hamda korporativ madaniyatni yuksaltirishda muhim o‘rin tutmoqda.

Taqdirlash marosimidan lavhalar:

"Shurtan gaz kimyo majmuasi" MCHJ Matbuot xizmati

|web-sayt|telegram|YouTube|

Unda O‘zbekiston Respublikasi Oliy Majlisi Qonunchilik palatasi deputatlari — Xudoyorova Gulshana Berdinazarovna hamda Xayitov Xushvaqt Saparbayevich, shuningdek "O'zbekneftgaz" AJ Ma'naviyat-ma'rifat, davlat tili va xotin-qizlar masalalari bo'limi mas’ul xodimlari ishtirok etib, oilaviy qadriyatlar, jamiyatda ayolning o‘rni va oila mustahkamligi mavzularida ma’ruzalar bilan ishtirok etdilar.

Xususan, G.Xudoyorova bugungi kunda xotin-qizlarning jamiyatdagi o‘rni va nufuzi izchil ortib borayotganini ta’kidladi. Shuningdek, u xotin-qizlarni har tomonlama qo‘llab-quvvatlash, ularning ijtimoiy-siyosiy faolligini oshirish, bandligini ta’minlash hamda oilalarda sog‘lom muhitni shakllantirish borasida amalga oshirilayotgan islohotlar haqida atroflicha ma’lumot berdi.

X. Xayitov esa yurtimizda inson manfaatlarini ta’minlash, aholi turmush darajasini oshirish hamda ijtimoiy himoya tizimini takomillashtirish borasida olib borilayotgan keng ko‘lamli ishlar haqida to‘xtaldi. U o‘z nutqida oila mustahkamligi jamiyat barqarorligining muhim omili ekanini alohida qayd etdi.

Davra suhbati davomida oila institutini mustahkamlash, yoshlar o‘rtasida oilaviy qadriyatlarga hurmat ruhini kuchaytirish, xotin-qizlarning jamiyatdagi faolligini yanada oshirish masalalari yuzasidan fikr almashildi. Ishtirokchilar tomonidan mavzuga oid taklif va mulohazalar bildirildi.

Mazkur davra suhbati ishtirokchilarga oilaviy qadriyatlar mazmun-mohiyatini chuqurroq anglash, bu borada amalga oshirilayotgan islohotlar va yaratilayotgan shart-sharoitlar bilan yaqindan tanishish imkonini berib, ular uchun foydali va mazmunli muloqot maydoniga aylandi.

Tadbirdan fotolavhalar:

"Shurtan gaz kimyo majmuasi" MCHJ Matbuot xizmati

|web-sayt|telegram|YouTube|

Jumladan, O‘zbekiston Respublikasi Prezidentining 2023-yil 31-maydagi “Ekologiya va atrof-muhitni muhofaza qilish sohasini o‘zgartirish hamda vakolatli davlat organi faoliyatini tashkil etish chora-tadbirlari to‘g‘risida”gi 81-sonli Farmoni hamda O‘zbekiston Respublikasi Vazirlar Mahkamasining 2024-yil 25-noyabrdagi 783-sonli qarori ijrosi yuzasidan 2025-yilda majmuaning etilen ishlab chiqarish sexidagi piroliz pechidan atmosfera havosiga tashlanmalarni uzluksiz nazorat qilish uchun avtomatik monitoring stansiyasi o‘rnatildi.

Natijada tashlanmalarni doimiy nazorat qilish imkoniyati yaratildi. Ushbu stansiya Ekologiya va iqlim o‘zgarishi milliy qo‘mitasi tasarrufidagi Yagona geoma’lumotlar bazasiga onlayn tarzda integratsiya qilindi.

Bundan tashqari, oltingugurt olish qurilmasidagi katalizator almashtirilib, atmosfera havosiga tashlanayotgan zararli gazlar miqdori belgilangan me’yorga nisbatan 29,88 foizga kamaytirildi.

Majmuada suv resurslarini tejash bo‘yicha ham muhim ishlar amalga oshirildi. Xususan, past bosimli bug‘ va bug‘ kondensatini qayta ishlash orqali 25 088 m³, shuningdek, 64 685 m³ tozalangan maishiy oqova suvdan sug‘orish maqsadida foydalanish yo‘lga qo‘yildi.

Natijada ishlab chiqarish jarayonida oqova suvlar miqdori belgilangan me’yorga nisbatan 42,6 foizga kamaytirildi.

2025-yilda hosil bo‘lgan sanoat chiqindilarining 92 foizi, ya’ni 1 887 tonnasi qayta ishlashga yo‘naltirildi hamda O‘zbekiston tovar-xom ashyo birjasi orqali sotildi. Mazkur ko‘rsatkich 2024-yilga nisbatan 5,2 foizga oshdi.

Majmua atrofida barpo etilgan daraxtzorlar maydoni 496 gektarni tashkil etadi. O‘tgan yilda “Yashil makon” umumilliy loyihasi doirasida 37 877 tup manzarali va mevali daraxt ko‘chatlari ekildi.

Shuningdek, majmua atrofidagi “yashil belbog‘” hududida tomchilatib sug‘orish tizimi joriy qilingan maydon 255 gektarga yetkazildi. Ushbu ishlarning asosiy maqsadi — suv resurslaridan oqilona foydalanishdir.

2026-yilda ham ekologik tadbirlar izchil davom ettirilmoqda.

Jumladan, sanoat oqova suvlarini chuqur qayta tozalash orqali sug‘orish maqsadida foydalanishni yo‘lga qo‘yish, suv resurslarini tejash hamda atmosfera havosi ifloslanishining oldini olish maqsadida turg‘un manbalarga avtomatik gaz analizatorlarini o‘rnatish ishlari davom ettiriladi.

Bundan tashqari, sanoat chiqindilaridan qayta foydalanish bo‘yicha ilg‘or usullarni ishlab chiqish ham rejalashtirilgan.

"Shurtan gaz kimyo majmuasi" MCHJ Matbuot xizmati

|web-sayt|telegram|YouTube|

Shu munosabat bilan, bugun “Shurtan gaz kimyo majmuasi” MCHJda “Sog‘lom psixologik-ijtimoiy ish muhitini ta’minlaylik” mavzusida mehnat muhofazasi va sanoat xavfsizligi yo‘nalishidagi navbatdagi tadbir tashkil etildi. Tadbirda majmua ma’muriyati, Kasaba uyushma qo‘mitasi vakillari hamda barcha sex, xizmat va bo‘limlardan ishchi-xodimlar faol ishtirok etdi.

Tadbirning ochilish qismida so‘zga chiqqan majmua Bosh direktori o‘rinbosari Sh.Eshmurodov ishtirokchilarni Butunjahon mehnatni muhofaza qilish kuni bilan tabriklab, korxonada mehnat muhofazasi va xavfsizlik masalalari doimo ustuvor yo‘nalishlardan biri ekanini ta’kidladi.

Shundan so‘ng Sanoat xavfsizligi, sog‘liqni saqlash, mehnat va atrof-muhit muhofazasi boshqarmasi boshlig‘i U.Xaydarov so‘zga chiqib, ushbu sananing mazmun-mohiyati va joriy yilgi mavzuning dolzarbligiga alohida to‘xtalib o‘tdi.

“Bugungi kunda tashkilotning muvaffaqiyati faqat texnologiyalar yoki iqtisodiy resurslarga emas, balki eng avvalo inson omiliga, ya’ni xodimlarning ruhiy holati va psixologik muhitga bevosita bog‘liqdir.” - deydi U.Xaydarov o'z nutqida.

Tadbir davomida Sog‘liqni saqlash va mehnat muhofazasi xizmati faoliyatiga bag‘ishlangan maxsus videolavhalar namoyish etildi. Xususan, majmua matbuot xizmati va boshqarma xodimlari hamkorligida tayyorlangan, texnika xavfsizligi qoidalariga rioya qilmaslik oqibatlarini yorituvchi ta’sirli videoroliklar ishtirokchilarda ish xavfsizligiga nisbatan yanada ongli yondashish va mas’uliyat hissini kuchaytirishga turtki bo‘ldi.

Tadbir yakunida mehnat muhofazasi va xavfsiz ish muhitini ta’minlashga hissa qo‘shib kelayotgan bir guruh ishchi-xodimlar majmua ma’muriyati hamda Kasaba uyushma qo‘mitasi tomonidan maxsus esdalik sovg‘alari bilan taqdirlandilar.

Tadbirdan lavhalar:

"Shurtan gaz kimyo majmuasi" MCHJ Matbuot xizmati

|web-sayt|telegram|YouTube|