Joriy yilning 28-iyul kuni Andijon viloyat hokimligi binosida yangi tahrirdagi “Ma’muriy tartib-taomillar to‘g‘risida”gi O‘zbekiston Respublikasining Qonuni mazmun-mohiyatini xalq deputatlar viloyat, shahar va tuman Kengashlari deputatlari hamda jamoatchilik e’tiboriga yetkazish maqsadida Oliy Majlsi Senati a’zosi M.Gʻaniyeva, viloyat prokuraturasi, sud, adliya boshqarmasi xodimlari ishtirokida uchrashuv o‘tkazildi.

Shuningdek, adliya boshqarmasi mas’ul xodimlari tomonidan yangi tahrirdagi “Ma’muriy tartib-taomillar to‘g‘risida”gi O‘zbekiston Respublikasining Qonuni mazmun-mohiyati tushuntirildi.

ANDIJON VILOYAT ADLIYA BOSHQARMASI

Shuningdek, uchrashuvda viloyat adliya boshqarmasi mas’ul xodimlari tomonidan 2022-yilda davlatimiz va xalqimiz hayotida Konstitutsiyaviy islohotlarni umumxalq referendumi orqali amalga oshirilishi bilan bog'liq katta siyosiy voqea bo'lib o'tishi, referendum jarayonlarida har bir fuqaroning shaxsan o'zi ishtirok etishi orqali o'z siyosiy irodasini namoyon qilishi hamda referendum o'tkazish tartiblari haqida tushuntirishlar berildi.

Shuningdek, tadbirda ishtirokchilarni qiziqtirgan masalalar va savollarga huquqiy javoblar berildi.

ANDIJON VILOYAT ADLIYA BOSHQARMASI

Joriy yilning 30-iyun kuni viloyat ichki ishlar boshqarmasi xodimlari ishtirokida “Konstitutsiyaga o‘zgartirish va qo‘shimchalar kiritish to‘g‘risida”gi Konstitutsiyaviy qonun loyihasiga bag‘ishlangan uchrashuv tashkil etildi.

Shuningdek, uchrashuvda viloyat adliya boshqarmasi mas’ul xodimlari tomonidan 2022-yilda davlatimiz va xalqimiz hayotida Konstitutsiyaviy islohotlarni umumxalq referendumi orqali amalga oshirilishi bilan bog'liq katta siyosiy voqea bo'lib o'tishi, referendum jarayonlarida har bir fuqaroning shaxsan o'zi ishtirok etishi orqali o'z siyosiy irodasini namoyon qilishi hamda referendum o'tkazish tartiblari haqida tushuntirishlar berildi.

ANDIJON VILOYAT ADLIYA BOSHQARMASI

Joriy yilning 25-iyun kuni Andijon viloyat ichki ishlar boshqarmasi xodimlari ishtirokida "Konstitutsiyaning yagona manbai va muallifi - xalqdir" shiori ostida davra suhbati tashkil etildi.

Shuningdek, tadbirda adliya boshqarmasi mas’ul xodimlari tomonidan Konstitutsiyaga kiritilayotgan o'zgartirish va qo'shimchalar, ularning mazmum-mohiyati bo'yicha tushuntirishlar berildi.

Shuningdek, tadbirda ishtirokchilarni qiziqtirgan masalalar va savollarga huquqiy javoblar berildi.

ANDIJON VILOYAT ADLIYA BOSHQARMASI

Andijon viloyati Paxtaobod tumanida Davlat xizmatlari markazining yangi binosi foydalanishga topshirildi. Shu munosabat bilan tashkil etilgan tantanali tadbirda Adliya vaziri o‘rinbosari Meliyev Xudoyor Xurramovich, Paxtaobod tuman hokimi Elyorbek Usmonov, viloyat adliya boshqarmasi boshlig‘i Bozarov Otabek Shavkatjonovich va keng jamoatchilik vakillari hamda OAV xodimlari ishtirok etdi.

Bino qurilishida, zamonaviy va milliy shaharsozlik normalariga muvofiqlik va fuqarolar uchun eng qulay sharoitlarni yaratishga alohida e’tibor berildi.
Davlat xizmatlari markazining eski binosida bir kunda 300 nafar fuqaroga davlat xizmatlari ko‘rsatilgan bo‘lsa, yangi maskanda bir kunda 1000 nafar fuqaroga davlat xizmatlari ko‘rsatish imkoniyati yaratildi.

Yangi maskanda elektron navbat tizimi joriy etilgan va Xalq banki kassasi joylashtirildi. Markaz bir vaqtning o‘zida 11 ta qabul oynasida murojaatchilarga xizmat ko‘rsata oladi. Zamon andazalariga mos ravishda jihozlangan binoda 6 ta monitorda 200 dan ortiq davlat xizmati turlari yuzasidan ma’lumotlar fuqarolarga taqdim etilgan.

Yangi binoning kirish qismida xizmatlar haqida to‘liq ma’lumot beruvchi INFOLAND o‘rnatilgan bo‘lib, unda davlat xizmatlari markazi tomonidan ko‘rsatiladigan xizmat nomlari va ularning QR-kodlari joylashtirilgan. Mobil telefonda QR-kodni skaner qilish hamda ilova orqali ushbu xizmat haqida to‘liq ma’lumot olish imkoniyati mavjud.
Yangi maskanda fuqarolar davlat xizmatlardan mustaqil foydalanishlari shuningdek, turli imkoniyatlardan xabardor bo‘lishlari uchun axborot stendlari va posterlar qo‘yilgan.
Jismoniy imkoniyati cheklangan, turli sabablarga ko‘ra nogiron bo‘lib qolgan murojaatchilarga barcha sharoitlarni yaratish maqsadida nogironlik aravachasi orqali binoga kirish imkonini beruvchi pandus hamda shaxsiy ehtiyojlar uchun alohida xona mavjud.

ANDIJON VILOYAT ADLIYA BOSHQARMASI

Joriy yilning 25-iyun kuni Andijon shahrida joylashgan harbiy qismda harbiy xizmatchilar ishtirokida “Konstitutsiyaga o‘zgartirish va qo‘shimchalar kiritish to‘g‘risida”gi Konstitutsiyaviy qonun loyihasiga bag‘ishlangan davra suhbati tashkil etildi.

Shuningdek, davra suhbatida viloyat adliya boshqarmasi hamda Andijon harbiy prokuraturasi mas’ul xodimlari tomonidan Konstitutsiyaviy islohotlarni umumxalq referendumi orqali o‘tkazish tartiblari hamda O'zbekiston fuqarosining chet davlatlarning harbiy xizmatiga yollanganlik uchun jinoiy javobgarlik mavjudligi tushuntirildi.

Shuningdek, tadbir yakunida ishtirokchilari o‘zlari qiziqtirgan savollariga mas’ullar tomonidan atroflicha javoblar oldilar.

ANDIJON VILOYAT ADLIYA BOSHQARMASI

Joriy yilning 9-iyul kuni adliya boshqarmasi tomonidan Andijon viloyat Mudofaa ishlari boshqarmasi xodimlari ishtirokida “Huquqbuzarliklar profilaktikasi kuni” munosabati bilan “Jinoyatlarning oldini olish choralari” hamda "Chet davlatlarning harbiy xizmatiga yollanganlik uchun jinoiy javobgarlik mavjud" mavzularida uchrashuv tashkil etildi.

Tadbir davomida O'zbekiston fuqarosining chet davlatlarning harbiy xizmatiga, xavfsizlik, politsiya, harbiy adliya organlari yoki shunga o'xshash boshqa organlariga xizmatga yollanishi 5 yilgacha ozodlikdan mahrum qilish bilan jazolanishi mumkinligi tushuntirib o'tildi.

Shuningdek, uchrashuvda xodimlarga jinoyatchilik va huquqbuzarliklarning huquqiy oqibatlari tushuntirildi. Tadbir ishtirokchilari o'zlarini qiziqtirgan savollariga mas'ullardan atroflicha javoblar oldi.

Andijon viloyat adliya boshqarmasi

Joriy yilning 24-may kuni viloyat adliya boshqarmasi o'rinbosari K.Mashrapov tomonidan Qo'rg'ontepa tumanining "Navbahor" mahalla fuqarolar yig'inida fuqarolar uchun sayyor qabul tashkil etildi.

Sayyor qabullarni o‘tkazishdan ko‘zlangan asosiy maqsad fuqarolarning hal etilmay kelayotgan muammolarni qonun doirasida bartaraf etish hamda fuqarolarning huquq va erkinliklarini ta'minlashdir.

Sayyor qabulda 15 ga yaqin fuqarolarning murojaatlari tinglanib, 11 nafar fuqaro tomonidan berilgan murojaatlarga qabul joyining o‘zida huquqiy tushuntirish berildi, 4 nafar fuqarolarning murojaatlari O‘zbekiston Respublikasining “Jismoniy va yuridik shaxslarning murojaatlari to‘g‘risida”gi Qonuni talablari asosida ko‘rib chiqish uchun ish yurituviga olindi.

Qolaversa, mamlakatimizda inson manfaatlari oliy qadriyat darajasiga koʻtarildi. Bugun barcha davlat idoralari faoliyatida aholining murojaatlari bilan ishlash boʻyicha sifat jihatidan mutlaqo yangi tizim yaratildi. Joylarda oʻtayotgan sayyor qabullar xalqning dardini eshitish, ularning muammolarini hal etishda, shak-shubhasiz, kutilgan natijalarni bermoqda.

Andijon viloyat adliya boshqarmasi

Oʻzbekiston Respublikasi Vazirlar Mahkamasining 2022-yil 16-maydagi 259-son qarori bilan tasdiqlangan 2022-2023-yillarda jamiyatda huquqiy madaniyatni yuksaltirish bo‘yicha chora-tadbirlar dasturining ijrosini ta’minlash hamda kelgusida bu borada ichki ishlar organlari bilan hamkorlikda amalga oshiriladigan chora-tadbirlarni belgilash maqsadida Andijon viloyat adliya boshqarmasida hamda tuman (shahar) adliya bo'limlarida tashkil etilgan studiyalarda joriy yilning 21-may kuni adliya boshqarmasi, viloyat ichki ishlar boshqarmasi va tuman (shahar) adliya bo‘limlari, ichki ishlar bo‘limlari xodimlari ishtirokida Adliya vazirligi bilan videokonferensaloqa shaklida yig‘ilish o‘tkazildi.
Shuningdek, yig‘ilishda mahallalarda sodir etilayotgan jinoyatlarni oldini olishga qaratilgan huquqiy targ‘ibot tadbirlari bo‘yicha kompleks chora-tadbirlar ishlab chiqish, tuman (shahar) darajasida har oyda bir marta, viloyat darajasida har chorakda bir marta hududda jinoyatchilikni oldini olish yuzasida olib borilayotgan ishlarni hamkorlikda muhokama qilish va takliflar ishlab chiqishlikka kelishib olindi.

ANDIJON VILOYAT ADLIYA BOSHQARMASI

Joriy yilning 18-20-may kunlari Andijon davlat universitetida Xalq deputatlari viloyat, tuman va shahar kengashlari deputatlari hamda kotibiyat xodimlarining faoliyat samaradorligini yanada oshirish maqsadida o‘quv seminar tashkil etildi.

Mazkur seminarlarda Andijon viloyat adliya boshqarmasi Kadastr agentligi Andijon viloyat boshqarmasi bilan hamkorlikda viloyatning 12 ta tumanidan qatnashgan Xalq deputatlari mahalliy Kengashlarining deputatlari va kotibiyat xodimlariga yer munosabatlariga doir qonunchilik hujjatlarining mazmuni yetkazildi.

Shuningdek, yer munosabatlarini tartibga solish sohasi bilan bog‘liq vakolatlariga kiritilgan o‘zgartirishlar yuzasidan tushunchalar berildi.

Bundan tashqari, seminar qatnashchilarining soha bo'yicha o‘zlarini qiziqtirgan savollariga mas'ullar tomonidan atroflicha javoblar berildi.

Andijon viloyat adliya boshqarmasi