@sunnatoveldorteletype.inhttps://teletype.in/@sunnatoveldor?utm_source=teletype&utm_medium=feed_rss&utm_campaign=sunnatoveldorThu, 25 Jun 2026 04:04:14 GMTThu, 25 Jun 2026 04:04:14 GMThttps://teletype.in/@sunnatoveldor/1xFJvh-RJpohttps://teletype.in/@sunnatoveldor/1xFJvh-RJpo?utm_source=teletype&utm_medium=feed_rss&utm_campaign=sunnatoveldorhttps://teletype.in/@sunnatoveldor/1xFJvh-RJpo?utm_source=teletype&utm_medium=feed_rss&utm_campaign=sunnatoveldor#commentssunnatoveldorXushxabar! Uy-joylarga huquqlarni e'tirof etish boshlandiThu, 17 Apr 2025 06:59:31 GMT]]>Davlat Rahbarining topshiriqlariga asosan “O‘zboshimchalik bilan egallab olingan yeruchastkalariga hamda ularda qurilgan binolar va inshootlarga bo‘lgan huquqlarni e'tirof etish to‘g‘risida”gi Qonun qabul qilingan edi.

Mazkur tarixiy ahamiyatga ega Qonun ijrosining ilk natijalari ko‘rina boshladi.

Xususan, joriy yilning 1-aprel kuni respublikada birinchi bo‘lib Jondor tumanidagi 5 nafar fuqarolarning yakka tartibdagi uy-joylariga va ular joylashgan yer uchastkalariga nisbatan huquqlarini e'tirof etish bo‘yicha xalq deputatlari Buxoro viloyat Kengashining qarori qabul qilindi.

Ushbu qaror Jondor tuman hokimi, Buxoro viloyati adliya boshqarmasi hamda Kadastr agentligi Buxoro viloyati boshqarmasi rahbaryati tomonidan o’z egalariga tantanali ravishda topshirildi.

Qonun bilan fuqarolar va tadbirkorlarning mulkka bo‘lgan huquqlari tan olinadi, bozorda qonuniy kapital aylanmasi paydo bo‘ladi, fuqarolar o‘rtasidagi mulkiy nizolar, shu jumladan meros bilan bog‘liq nizolarga yechim topiladi.

Shuningdek, aholining ijtimoiy muammolari (doimiy ro‘yxatga qo‘yish, moddiy yordam olish, maktab, bog‘chaga joylashtirish) hamda bino va inshootlarni kommunal tarmoqlarga ulash bo‘yicha masalalar hal bo‘ladi.

Qonun ijrosi doimiy nazoratga olingan bo‘lib, respublikaning barcha hududlarida reja-grafik asosida huquqlarni e’tirof etish bo‘yicha mahalliy Kengashlarning qarorlari qabul qilinadi.

Ushbu yo‘nalishda amalga oshirilayotgan ishlar to‘g‘risida batafsil axborotni https://etirof.kadastr.uz sayti orqali olishingiz mumkin.

]]>