Xabaringiz bor, Respublikamizning barcha hududlarida “Yangi Oʻzbekiston yoshlari, birlashaylik!” shiori ostida yoshlar festivali tashkil etildi. Oliy ta’lim muassaslari orasida birinchilardan boʻlib Nizomiy nomidagi Toshkent davlat pedagogika universitetida talabalar, bitiruvchilar va mahalla yoshlari uchun “Yangi Oʻzbekiston yoshlari, birlashaylik!” festivalini tashkil etdi.

Festivalda universitet rektori, Yoshlar ittifoqi Markaziy kengashi raisi oʻrinbosari va OAV vakillari ishtirok etdi.

Ushbu festival ochiq osmon ostida universitetning markaziy maydonida mingdan ortiq yangilikka intiluvchan va faol yoshlar ishtirokida boshlandi.

Shuningdek, universitet atrofidagi Chilonzor tumanida joylashgan “Bogʻzor”, “Xalqlar doʻstligi”, “Choʻpon-ota” kabi oʻnlab mahallalardan ham uyushmagan mahalla yoshlar ishtirok etdi.

Festival doirasida universitet talabalari tomonidan tayyorlangan ijod na’munalarining namoyishi boʻlib oʻtdi. Hususan, talabalar tomonidan chizilgan rasmlar koʻrgazmasi, hunarmandchilik mahsulotlari koʻrgazmasi hamda “Musiqiy ta’lim” fakulteti talabalari ijrosida koʻngilocha qoʻshiqlar namoyish etildi. Unda Oʻzbekistonda xizmat koʻrsatgan artistlar, “Nihol” mukofoti sovrindorlari ham ishtirok etdi.

Tadbir davomida universitet tomonidan 27-iyun Ommaviy axborot vositalari xodimlari kuni munosabati bilan bir guruh soha vakillari taqdirlandi. Festival barchaga koʻtarinkilik va oʻzgacha shukux baxsh etdi.

Yangi O'zbekiston uchun yangi o'quv darsliklari ustida ish olib borgan Respublika ta'lim markazi, bu ishda xayrixoh va qo'llab-quvvatlovchi bo'lgan barcha hamkorlarga xususan Nizomiy nomidagi Toshkent davlat pedagogika universiteti rahbariyati va fidoyi o'qituvchilariga chuqur minnatdorchilik bildirdi.

RTM direktori Shuhrat Sattorov o'zining rasmiy facebook sahifasida yangi darsliklar ishlab chiqarilayotganligiga oid videorolikni va unga biriktirilgan o'z minnatdorchiligini e'lon qildi. Xususan:

"Hayotda eng xavfli tavakkalchilik -- yangilik va yaxshilik qilish uchun tavakkal qilmaslikdir. Respublika ta’lim markazida ilk marotaba darslik maketlarini tayyorlash fikri oʻzimizdan chiqqan boʻlsa ham, keyinroq bu ishning qanchalar mas’uliyatli ekanini anglab, jamoamizni bir muddat vahima bosgan. Chunki oldimizda bugungi oʻquvchi didi va ruhiyatiga, zamon shiddatiga mos zamonaviy darslik yaratish vazifasi turar edi.
"Xayrli yoʻldamiz, Alloh bizni qoʻllagay," degan ishonch boʻlgan. Bugun konveyyerdan chiqib kelayotgan, yangi oʻquv yili uchun bosilayotgan Matematika darsliklarini koʻrib, koʻzimda quvonch yoshi. "Biz buni uddaladik," deydi jamoamiz a’zolari bir-birlariga qarab.
Ishonch va qoʻllab-quvvatlash, xayrixohlik uchun Xalq ta’limi vazirligi rahbariyati - Sherzod Shermatov, Usman Sharifkhodjaev , Temur Komilov, Rustam Karimjonov , Nizomiy nomidagi pedagogika universiteti rahbariyati - Alisher Umarov va fidoyi olimlariga, soʻnggi 1-yildan beri tinim bilmay ishlagan ijodiy jamoaga, atrofimdagi kuchli jamoaga minnatdorchilik bildiraman. Ayniqsa, qimmatli xalqaro ekspertlar bilan qoʻllab-quvvatlagan UNICEF tashkiloti - Munir Mammadzade , Deepa Sankar, Yana Chicherina ning hissasi katta" - deydi Shuhrat Sattorov.

Yosh avlod ta'lim tarbiyasida o'ta muhim bo'lgan bunday ahamiyatli ishga o'z xissasini qo'shgan barchaga, xususan Nizomiy nomidagi TDPU professor o'qituvchilariga, universitet rahbariyati ham o'z minnatdorchiligini bildiradi va ezgu maqsadlar yo'lida hamkorlikka hamisha tayyorligini bildiradi.

Barchamizga ma'lumki, Prezidentimiz raisligida 2020-yil 30-oktabr kuni mamlakatimizda ta'lim-tarbiya tizimini takomillashtirish ilm-fan sohasini rivojlantirishning ustuvor masalalari belgilab berilgandi.

Nizomiy nomidagi Toshkent davlat pedagogika universitetining Boshlang‘ich talim fakulteti hovlisida Toshkent viloyati xalq ta'lim boshqarmasi hamda Toshkent viloyati Maktabgacha ta’lim boshqarmasi bilan hamkorlikda "Yoshlar - bandligini ta’minlash va sifatli ta’lim" shiori ostida universitet bitiruvchilariga va Toshkent viloyati xalq ta'lim hamda maktabgacha talim bo'limi kadrlar bo‘yicha mutaxassislar va maktab direktorlari ishtirokida mehnat yarmarkasi bo‘lib o‘tdi.

Yarmarkda quyidagi 2 bosqichda amalga oshirildi:

1-bosqichda Toshkent viloyatida amaliyot o'tayotgan 418-nafar bitiruvchilar va bo'sh ish o'rinlari mavjud 22-tuman(shahar) xalq ta’limi bo'limi kadrlar bo‘yicha mutaxasislar va maktab direktorlari ishtirokida bitiruvchilar yarmarkasi tashkil etildi. O'zaro muloqot jarayonidan so'ng 150 nafar bitiruvchilar va maktab direktorlari o'rtasida mehnat shartnomalari tuzilib bitiruvchilar bandligi ta'minlandi

2-boshqichda bitiruvchi talabalar tomonidan Toshkent viloyati xalq ta'lim boshqarmasi tarkibidagi 22-tuman(shahar) xalq ta’limi bõlimi kadrlar bo‘yicha mutaxasislar va maktab direktorlariga ochiq darslar amalga oshirilib mutaxxasisligi bo'yicha master klasslar o‘tkazildi.

Yakunda Nizomoy nomidagi TDPU rahbariyati hamda Toshkent viloyati xalq ta'lim boshqarmasi hamkorlik ishlarini kelgusi o'quv yillarida ham davom ettirilishi kelishib olndi.

Bugun 25-may kuni mamlakatimizdagi barcha maktablarda oʻquv yili yakunlanib, “soʻnggi qoʻngʻiroq” tadbirlari tashkil etilib, bitiruvchilarga oq yoʻl tilanmoqda.

Bu yilgi oʻquv yili oʻzgacha shukuh va koʻtarinki ruh bilan yakunlanmoqda. Negaki, davlatimiz rahbari Shavkat Mirziyoyev ilk bor maktablarning bitiruvchilariga tabrik yoʻlladi.

Prezidentimizning bitiruvchi oʻgʻil-qizlarga murojaatini yetkazish maqsadida Toshkent davlat pedagogika universiteti rahbariyati va masʼullari poytaxtimizdagi Chilonzor va Yashnobod tumanlari va Toshkent viloyati Parkent tumanidagi 20 ga yaqin maktablarda tadbirlarda ishtirok etishdi.

Bu yil deyarli 438 ming oʻquvchilar maktabni tamomlaydilar. Ular ezgu orzu-intilishlarni roʻyobga chiqarishda mamlakatimizda faoliyat koʻrsatayotgan 137 ta oliy oʻquv yurti, 339 ta kasb-hunar maktabi, 193 ta kollej va 196 ta texnikumga hujjat topshirish imkoniyatiga egalar. Ular 5 tagacha OTMda tanlovlarda ishtirok etishi mumkin.

Aziz bitiruvchilar, mustaqil hayot sari tashlayotgan ilk qadamingiz qutlugʻ boʻlsin!

Nizomiy nomidagi Toshkent davlat pedagogika universitetida voleybol sport turi bo'yicha "Rektor kubogi"ga start berildi.

Musobaqaning ochilish marosimida universitet rektori Alisher Umarov ishtirok etdi.

Rektor kubogi doirasida barcha fakultetlarning dekan va professor-o'qituvchilari o'rtasida 20-fevraldan 1-martga qadar voleybol sport turi bo'yicha musobaqa tashkil etiladi.

Bugun Tarix hamda Pedagogika va psixologiya fakulteti jamoalari o'zaro bellashdi. Murosasiz kechgan sport bahsida Pedagogika va psixologiya fakulteti g'olib bo'ldi va keyingi bosqichga yo'llanmani qo'lga kiritdi.

Joriy yilning 12-yanvar kuni Nizomiy nomidagi Toshkent davlat pedagogika universitetida “14 yanvar – Vatan himoyachilari kuni”ga bag‘ishlab, Harbiy ta’lim fakulteti 4-bosqich talabalarining Vatanga qasamyod keltirish marosimi bo‘lib o‘tdi.

Unda universitet rektori Alisher Umarov, O‘zbekiston Respublikasi Qurolli Kuchlari akademiyasi, O‘zbekiston Respublikasi Milliy gvardiyasi harbiy xizmatchilari, universitet professor-o‘qituvchilari, talabalaring ota-onalari ishtirok etdi.

2020-2021 o‘quv yilida Harbiy ta’lim fakultetida 70 nafar bitiruvchi bo‘lib, ularning Vatanga qasamyod keltirganligi bilan universitet rektori Alisher Umarov, shuningdek, universitet professor-o‘qituvchilari, talabalaring ota-onalari tabriklab so‘zga chiqdi.

Tadbir davomida O‘zbekiston Respublikasi Qurolli Kuchlari akademiyasi fahriy qorovuli va qo‘l jangi bo‘linmalarining jangovor chiqishlari, universitet Maktabgacha ta’lim fakultetining Musiqiy ta’lim yo‘nalishi talabalarining xor ansambli chiqishlari barchaga vatanparvarlik va bayramona kayfiyat tuhfa etdi. Shu bilan bir qatorda, universitet 81140-harbiy qism shaxsiy tarkibi tomonidan tashkillashtirilgan qurol-aslaha vaa harbiy texnikalar ko‘rgazmasi o‘tkazildi.

Ma’lumot o‘rnida, 1991-yilning 31-marti Boshlang‘ich harbiy tayyorgarlik va jismoniy tarbiya o‘qituvchisi mutaxassisligi bo‘yicha o‘quv jarayoni yo‘lga qo‘yilgan. O‘zbekiston Respublikasi Oliy va o‘rta maxsus ta’lim vazirligi hamda Mudofaa vazirligining 2008-yil 5-avgustda harbiy kafedra negizida Jismoniy madaniyat va chaqiriqqacha harbiy ta’lim fakul’teti tashkil etilib, Chaqiriqqacha harbiy ta’lim, Jismoniy madaniyat va bolalar sporti yo‘nalishlari bo‘yicha bakalavrlar tayyorlangan.

Hozirgi vaqtda Harbiy kafedrada 19 ta fan o‘qitilib kelinmoqda hamda harbiy tayyorgarlik fanlari bo‘yicha Mudofaa vazirligining harbiy ta’lim boshqarmasi tomonidan kerakli adabiyotlar bilan ta’minlanmoqda.

Talabalar bilan o‘quv-tarbiya ishlarini tashkil etish va olib borish uchun o‘quv-metodik baza va moddiy ta’minot harbiy kafedra boshlig‘ining buyurtmasiga ko‘ra O‘zbekiston Respublikasi Mudofaa vazirligi tomonidan ta’minlanmoqda.

O’zbekiston Prezidenti Shavkat Mirziyoyevning joriy yil 29-dekabr kuni parlamentga qilgan murojaatida 2021 yil - “Yoshlarni qo’llab-quvvatlash va aholi salomatligini mustahkamlash yili” deb e’lon qilindi.
Bu esa aholining salomatligi eng birlamchi vazifa ekanligini, shu bilan birga mamlakatimizda yoshlarni chuqur bilim, yuksak ma’naviyat va madaniyat egasi etib tarbiyalash va ularni qo’llab-quvvatlash – eng ustuvor yo’nalishlaridan biri ekanligini anglatadi.

Shuningdek, murojaatnomadagi ta’lim yo’nalishida belgilangan vazifalar alohida ahamiyat kasb etadi.
Shunga muvofiq, bugun Nizomiy nomidagi Toshkent davlat pedagogika universitetetida Prezidentning Oliy Majlisga murojaatnomasidagi belgilangan ustuvor vazifalarga bag’ishlangan tadbir bo’lib o’tdi.

Unda universitet rektori Alisher Umarov, Oliy Majlis Qonunchilik palatasi spiker o’rinbosari Ulug’bek Inoyatov va universitet professor-o’qituvchilari ishtirok etdi.

Tadbirda ta’lim tizimizda, xususan oliy ta’lim muassasalarida olib borilayotgan islohatlarning amaliy natijadorligini oshirish, yangi tashabbuslarni ilgari surish va shu orqali ko’zlangan maqsadga erishish muhimligi ta’kidlandi.

Universitet miqyosida olib borilayotgan turli amaliy ishlar, xususan, universitet tasarrufidagi akademik litsey va otaliqqa olgan maktablar bilan hamkorlikni kuchaytirish, sahaga tegishli zamonaviy fanlarni amaliyotga tadbiq etish, xorijiy davlatlarning oliy ta’lim muassasalari bilan doimiy hamkorlikni yo’lga qo’yishni rivojlantirish va isloh etish bo’yicha amalga oshirish zarur bo’lgan dasturiy va maqsadli vazifalar belgilab olindi.

Jismoniy tarbiya va sport vazirligi, Oʻzbekiston Milliy olimpiya qoʻmitasi, Esports Uzbekistan, Full Level Esports hamda UZREPORT va FUTBOL TV telekanallari bilan hamkorlikda tashkil etilayotgan «Yangi yilga sport bilan!” shiori ostidagi yangi mega loyiha – ommaviy sport festivalida Nizomiy nomidagi Toshkent davlat pedagogika universiteti talabalari ishtirok etdilar.

Universitetimizning Boshlang’ich ta’lim fakulteti Jismoniy madaniyat kafedrasi dotsenti B.Nigmanov boshchiligidagi universitet futbol jamoasi faxrli 1-o’rinni va Jismoniy madaniyat kafedrasi o’qituvchisi J.Eshpulatov boshchiligida yengil atletika jamoa a’zolaridan M.Yaxshiboyev 60 metr, 100 metr va 600 metr masofalarda faxrli 1-o’rinni va S.Sultonbekov 600 metr masofaga yugurish bo'yicha 3-o’rinlarni qo’lga kiritdilar.

Yangi yilga yaxshi kayfiyat ulashgan universitetimiz talabalari va sport jamoasiga o'z minnatdorchiligimizni bildiramiz va ajoyib g'alaba bilan g'oliblarni chin yurakdan tabriklaymiz!

Teatr ko'zgu emas, balki shisha degandi bir faylasuf. Odamlar teatrga aktyorlarning ko'z yoshlarini ko'rish uchun emas, balki o'z ko'z yoshlarini his qilish uchun borishadi. Ham tana va ham qalbga og'ir ma'suliyat yuklovchi bu san'at turi bilan shug'ullanish har kimning ham qo'lidan kelmasligi ayni haqiqat.

Toshkent davlat pedagogika universitetining bir qator iqtidorli talabalari bugun ushbu san'at shinavandalarini o'z chiqishlari bilan lol qoldirishdi.

OTMlarning talaba-yoshlari o'rtasida o'tkaziluvchi “Talabalar teatr studiyalari” festivalining navbatdagi mintaqaviy saralash bosqichi bugun, (yarim final) O`zbekiston davlat san’at va madaniyat institutida bo'lib o'tdi. TDPUning "Ziyo" jamoasi ushbu bosqichda a'lo darajada ishtirok etishdi.

Bundan avvalgi chorak final bahslarida ham "Eng yaxshi spektakl" yo'nalishi bo'yicha birinchilikni qo'lga kiritgan universitetimizning "Ziyo" jamoasi, ushbu bosqich bahslarida ham 1-o'rinni qo'lga kiritib, final bosqichiga yo'llanmani qo'lga kiritishdi.

Qadrli "Ziyo" jamoasi a'zolari sizni butun universitet nomidan tabriklaymiz va minnatdorchilik bildiramiz. Final bosqichida ham oliy o'rinni qo'lga kiritishingizga tilakdoshmiz.

Odam bolasi qalbiga titroq sola olish, o'z san'ati bilan jamiyatni yaxshilikka chorlay olish - bu haqiqiy mo'jiza. Sizning ijroingizda yana ko'plab mo'jizalarni ko'ramiz deb umid qilib qolamiz. Siz bizning faxrimizsiz!

Qachonlardir yurtimizning eng chekka hududlaridagi yoshlar o‘z qishlog‘iga, o‘z uylariga o‘zlari tahsil olayotgan universitet rektori kelishini tasavvur qila olisharmidi? Yoki ushbu holat biror yosh hayotida bo‘lganmi? Ushbu savollarga javob topish qiyin. Hozir Yangi O‘zbekistonda yangicha dunyoqarash, yangicha fikrlaydigan yoshlar va ularga imkoniyat yaratuvchi rahbarlar bor. Yurtimiz imkoniyatlar mamlakati. Ushbu imkoniyatlar sari olg‘a qadam tashlash yoshlarning asosiy vazifasi. Yangilikka intilish kerak, yangilikni yaratish kerak.

Xabaringiz bor, yurtimiz bo‘ylab “Yangi O‘zbekiston – yangicha dunyoqarash” ma’naviy-ma’rifiy tadbirlari bo‘lib o‘tmoqda. Shunday tadbirdar Surxondaryo viloyatida ham tashkil etilib, bunda Respublika ishchi guruhi vakillaridan turli aholi qatlamlari bilan uchrashishmoqda.

Shunday uchrashuvlardan biri Nizomiy nomidagi Toshkent davlat pedagogika universiteti rektori Alisher Umarov tomonidan Surxondaryo viloyati Uzun tumanining eng chekka, chegaradosh Bobotog‘ qishlog‘ida hududlarida bo‘lib o‘tdi. Ushbu uchrashuvlar davomida universitet rektori Toshkent davlat pedagogika universitetining talabalari va ularning ota-onalari bilan uchrashdi.

Xususan, Pedagogika va psixologiya fakulteti sirtqi ta’lim yo‘nalishi talabasi Xusniddin Ibragimov hamda shu fakultetning 4-bosqich talabasi Bobomurod Musurmonov va uning ota-onasi Zulfiya va Eshboy Musurmonovlar bilan uchrashib, onlayn o‘quv jarayonlari, talabaga yaratilgan sharoitlar va darslarni o‘zlashtirish xolatlari bilan tanishdi.

“Yillar davomida ushbu chegaradosh joylarga poytaxtdan oliy ta’lim muassasasi rektorining birinchi marta tashrif buyurayotganligidan juda hursandmiz, bu biz va farzandimiz uchun juda katta sovg‘a bo‘ldi. Albatta, farzandim Bobomurod o‘zi o‘qiyotgan universitet rektorining ishonchini oqlaydi, bu unga katta mas’uliyat yuklaydi va kelajakda davlatimiz uchun munosib pedagog kadr bo‘lib yetishishiga biz ham ota-ona sifatida barcha sharoitlarni yaratib beramiz”, - dedi Eshboy Musurmonov.

Sirtqi ta’lim yo‘nalishida o‘qiyotgan talaba Xusniddin Ibragimov hozirgi kunda Uzun tumanidagi 35-sonli umumta’lim maktabda o‘qituvchilik qilmoqda. U universitet rektorining tashrifidan mamnunligini hamda professor-o‘qituvchilardan olayotgan bilimlarini maktabda qo‘llayotgani va o‘z ustida yanada ko‘proq ishlab, magistratura bosqichida ham tahsil olib, ilmiy tadqiqot ishi bilan shug‘ullanishni rejalashtirayotgani haqida aytib o‘tdi.