📝 Toshkent davlat yuridik universitetida yoshlarning ijtimoiy faolligini oshirish, ularni xalqaro grantlar, loyihalar hamda ta’lim sohasidagi imkoniyatlar haqida xabardor qilish maqsadida navbatdagi muhim uchrashuv bo‘lib o‘tdi.

⚡️ Tadbirda Respublika “Qizlar ovozi” klubi rahbari Marjonaxon Jurakulova ishtirok etib, talaba-qizlar bilan ochiq muloqot olib bordi. Suhbat davomida qizlar xalqaro grantlarda ishtirok etish tartibi, ijtimoiy loyihalardagi imkoniyatlar, ta’limning ahamiyati va shaxsiy rivojlanishga oid foydali maslahatlarni oldilar.

🎓 Mazkur uchrashuv davomida talaba qizlar yo‘nalishi koordinatori tomonidan yangi tashabbus – “Qizlar Boost” loyihasi taqdim etildi. Ushbu loyiha yosh qizlarning ijtimoiy hayotdagi faolligini kuchaytirish, ularning tashabbuskorligini qo‘llab-quvvatlashga qaratilganligi bilan ahamiyatlidir.

🏛 Shuningdek, tadbirda TDYU Xotin-qizlar kengashi raisi Umida Pulatovna ham ishtirok etib, talaba-qizlarni ilmiy izlanishlar, jamoatchilik ishlari va ta’lim jarayonidagi muvaffaqiyatlari bilan bir qatorda, o‘zining irodasi va tashabbusi bilan ham yetakchi bo‘lishga chaqirdi.

📝 Mazkur tadbir doirasida muddatli harbiy xizmatni o‘tab, O‘zbekiston Respublikasi Mudofaa vazirligining tavsiyanomasi asosida universitetga o‘qishga qabul qilingan talabalar bilan uchrashuv bo‘lib o‘tdi.

⚡️ So‘zga chiqqanlar yoshlarni harbiy xizmat davrida shakllangan intizom, mas’uliyat, qat’iyat va do‘stlik kabi fazilatlarni endilikda o‘qish va kasbiy faoliyatda ham davom ettirishga chaqirdilar. Bu kabi talabalarning safda bo‘lishi universitet hayotiga yangi ruh, yangicha tashabbus va yuksak maqsadlar olib kirishi ta’kidlandi.

✅ Toshkent davlat yuridik universiteti Yoshlar ittifoqi boshlang‘ich tashkiloti tomonidan e’lon qilingan koordinatorlar tanlovi doirasida suhbat jarayonlari bo‘lib o‘tdi.

📝 Suhbatlarni Yoshlar ittifoqi raisi U. Sobirov, shuningdek, koordinatorlar S. Jo‘rayeva, S. Baxriddinov va S. Najmiddinova olib bordilar.

📨 Jarayon davomida talabgorlarning anketalari shakllantirilib, ular Yoshlar ittifoqiga yuboriladi. Munosib deb topilgan nomzodlar keyinchalik tegishli yo‘nalishlar bo‘yicha koordinatorlik lavozimiga tayinlanadi.

📆 Ikki kun davomida o‘tkazilgan suhbatlarda 150 nafardan ortiq talabalar faol ishtirok etdi. Bu esa talabalarning tashabbuskorligi va universitet ijtimoiy hayotida faol bo‘lishga bo‘lgan katta qiziqishini ko‘rsatdi.

✅ Joriy yilning 9-sentyabr kuni Toshkent davlat yuridik universitetida “Yoshlar va ekologiya” mavzusida seminar-trening tashkil etildi.

📝 Tadbirni O‘zbekiston Ekologik partiyasi Markaziy Kengashi Yoshlar bilan ishlash bo‘limi boshlig‘i Ergash Moxinurxon Odilxon qizi olib bordi.

🌱 Trening jarayonida:

⏺talabalarga ekologik qonunchilikdagi so‘nggi o‘zgarishlar va deputatlarning ushbu sohadagi vakolatlari haqida ma’lumot berildi;
⏺jamoalar shakllantirilib, ularga ekologik kazuslar bo‘yicha muammoli vaziyatlar taqdim etildi, talabalar esa o‘z taklif va yechimlarini ilgari surdilar.

🤝 Ushbu seminar-trening yoshlarda ekologik muammolarni aniqlash, ularga amaliy yechim topish ko‘nikmalarini rivojlantirish bilan birga, ularni atrof-muhitni muhofaza qilish va yashil hududlarni kengaytirishda faol bo‘lishga undadi.

Joriy yilning 24–31-avgust kunlari Toshkent davlat yuridik universitetining bir guruh talabalari va faol yoshlari Toshkent viloyati, Bo‘stonliq tumanidagi Yoshlar oromgohida tashkil etilgan “Karyera maktabi” loyihasida ishtirok etib, uni muvaffaqiyatli yakunladilar.

Ushbu loyiha doirasida talabalar zamonaviy mehnat bozori talablariga mos ravishda o‘z kasbiy salohiyatini rivojlantirish, global miqyosda talab etiladigan ko‘nikmalarni egallash hamda karyera rejalashtirish bo‘yicha muhim tajribaga ega bo‘ldilar.

Ishtirokchilar:

• professional LinkedIn profilini yuritish,
• ishga qabul qilishdagi intervyu jarayonlarini muvaffaqiyatli o‘tish sir-asrorlari,
• O‘zbekiston va dunyoning TOP kompaniyalarida ishlash imkoniyatlari haqida chuqur bilim va ko‘nikmalarni egallashdi.

Loyihaning asosiy maqsadi yoshlarni o‘z kasbiy kelajagini to‘g‘ri yo‘naltirishga ko‘maklashish, ularga xalqaro standartlarga mos yondashuvlarni o‘rgatish va yurtimiz yoshlarining raqobatbardoshligini yanada oshirishdan iborat bo‘ldi.

“Karyera maktabi” talabalarda katta taassurot qoldirib, ularning shaxsiy va kasbiy rivojlanishida muhim bosqich sifatida yodda qolishi shubhasiz.

Toshkent davlat yuridik universitetida ilmiy va amaliy jihatdan muhim bo‘lgan mahorat darslari bo‘lib o‘tdi.

Mahorat darslari Majburiy migratsiyani xalqaro-huquqiy tartibga solish» va «O‘zbekiston Respublikasining xalqaro iqtisodiy tashkilotlar bilan hamkorligi» mavzulariga bag‘ishlandi.

Ushbu mahorat darslarida O'zbekistondagi BMTning Taraqqiyot Dasturining Atrof-muhit va iqlim Harakati Klasteri rahbari Paluniyazov Bakhadur ishtirok etib, o‘z bilim va tajribalari bilan o‘rtoqlashdilar.

Xalqaro huquq va inson huquqlari kafedrasi professori M.A.Raximova tomonidan tashkil etilgan mahorat darslari majburiyi migratsiyaning nazariy asoslari, uning turlari va amaldagi qo‘llanilishi, O‘zbekiston Respublikasining xalqaro iqtisodiy tashkilotlar bilan hamkorligi haqida fikr almashildi. Talabalar amaliyot bilan bog‘liq ko‘plab savollarga javob oldilar, hayotiy misollar asosida bilimlarini mustahkamlashdi.

📝 Toshkent davlat yuridik universitetida “Iqtisodiyot sohasidagi jinoyatlarga qarshi kurashning dolzarb masalalari” mavzusida xalqaro ilmiy-amaliy konferensiya o‘tkazildi

⚡️ Toshkent davlat yuridik universiteti Jinoyat huquqi, kriminologiya va korrupsiyaga qarshi kurashish kafedrasi tomonidan “PraeLegal” xalqaro advokatlik firmasi hamda Akademik Y.A.Buketov nomidagi Qarag‘anda universiteti bilan hamkorlikda tashkil etilayotgan anjumanda xalqaro ekspertlar, “PraeLegal” advokatlik firmasi mutaxassislari, O‘zbekiston Respublikasi IIV, O‘zbekiston Respublikasi Oliy sudi, Bosh prokuratura huzuridagi Iqtisodiy jinoyatlarga qarshi kurashish departamenti vakillari, Jamoat xavfsizligi universiteti, O‘zbekiston Respublikasi Huquqni muhofaza qilish akademiyasi, IIV Akademiyasi, TDYU professor-o‘qituvchilari, yosh olimlar va talabalar ishtirok etdi.

⚖️ Iqtisodiyot sohasidagi jinoyatlarga qarshi kurashishga oid jinoyat qonunichiligini takomillashtirish, xususan, kiberjinoyatlarga qarshi kurashish masalalariga bag‘ishlangan konferensiya davomida raqamlashtirish davrida iqtisodiy jinoyatlarga qarshi kurashish bilan bog‘liq dolzarb muammolar, ularning huquqiy standartlari va zamonaviy chaqiriqlar, shuningdek jinoyat qonunichiligini takomillashtirish, samarali strategiyalar ishlab chiqish va tajriba almashish masalalari muhokama qilindi.

📊 Anjumanda xalqaro va milliy ekspertlar tomonidan amaldagi qonunchilikni isloh qilish murakkab va uzluksiz jarayon ekani alohida ta’kidlanib, ushbu sohadagi qonunchilikni yanada takomillashtirish amaldagi qonunlar va huquqni qo‘llash amaliyoti tahlili, shuningdek, xalqaro tajriba natijalari asosida amalga oshirilishi kerakligi qayd etildi.

💬 Xalqaro ilmiy-amaliy konferensiya doirasida ekspertlar kiberjinoyatlarga qarshi kurashish sohasida yagona ish amaliyotini joriy etishni nazarda tutuvchi alohida qonun loyihasini ishlab chiqishda e’tibor qaratilishi kerak bo‘lgan jihatlar yuzasidan fikr almashdi.

📝 “Tashkent Law Spring” IV xalqaro yuridik forumi doirasida Toshkent davlat yuridik universiteti va Buyuk Britaniyaning Brunel universiteti o‘rtasida o‘zaro anglashuv memorandum imzolandi.

📚 Hujjatga ko‘ra, Brunel universiteti bilan qo‘shma ta’lim dasturi, professor-oʻqituvchilar va talabalar akademik almashinuvini yoʻlga qoʻyish, hamkorlikda turli ilmiy va boshqa tadbirlarni tashkil etish bo‘yicha kelishuvga erishildi.

❗️Ma’lumot uchun: Brunel universiteti “QS World Universites Ranking” xalqaro reytingida 342-oʻrinni egallagan.

📆 Joriy yilning iyun oyida Toshkent davlat yuridik universiteti Xalqaro huquq va inson huquqlari kafedrasi tashabbusi bilan “Xalqaro ommaviy huquq” fani doirasida magistratura va sirtqi ta’lim fakultetining 3-kurs talabalari uchun ingliz tilida o‘tkazilgan navbatdagi mahorat darsida xalqaro darajadagi mutaxassislar ishtirok etdi.

📚 Darsni kafedraning dotsenti Maxamatov Maxmud Maxamataminovich olib bordi. Mazkur mashg‘ulot mavzusi “Xalqaro iqtisodiy huquq” bo‘lib, talabalar uchun nazariy va amaliy bilimlarni uyg‘unlashtirishga qaratilgan interaktiv shaklda o‘tdi.

🤝 Mazkur darslarga Portugaliyaning nufuzli Koimbra universitetining xalqaro iqtisodiy huquq sohasidagi taniqli mutaxassislari — professor Daniela Nascimento va professor Maria Raquel maxsus taklif etildi.

📝 Shuningdek, kafedra o‘qituvchisi Alijonov Ayubjon Qobiljon o‘g‘li tomonidan ham xorijlik mutaxassislar bilan birgalikda mahorat darslari olib borildi. Mashg’ulot “Jahon savdo tashkiloti doirasida rivojlanayotgan davlatlarga beriladigan imtiyozlar” mavzusida olib borilib, unda talabalar uchun qiziqarli hamda foydali ma’lumotlar va tahlillarga boy xorijiy amaliyotdagi misollar bilan hamohang tarzda o‘tkazildi.

⚡️ Professor Daniela Nascimento 2020-yil 20-fevraldan 2022-yil 13-aprelgacha Koimbra universiteti Iqtisodiyot fakultetida aspiranturadan keyingi ta’lim va malaka oshirish bo‘yicha direktor o‘rinbosari lavozimida faoliyat yuritgan. Hozirda u fakultetning Ilmiy kengashi a’zosi, shuningdek, Portugaliya Milliy Mudofaa vazirligi qoshidagi Oliy harbiy ta’lim kengashining maslahatchisi hisoblanadi.

❗️Ma’lumot o‘rnida: Koimbra universiteti 1290-yilda tashkil topgan bo‘lib, YUNESKOning Butunjahon merosi ro‘yxatiga kiritilgan. U dunyoning eng qadimiy oliy ta’lim muassasalaridan biri bo‘lib, 2024-yilgi eng yaxshi universitetlar QS reytingida 351-o‘rinni egallagan.

🎓 Mazkur mahorat darsi talabalar uchun xalqaro iqtisodiy huquq bo‘yicha dolzarb tendensiyalar, savdo nizolari, xalqaro shartnomalar va investitsiya huquqi borasida chuqur bilimlar olishga xizmat qildi. Dars yakunida talabalar xorijiy mutaxassislarga savollar berib, ochiq muloqotda bo‘lishdi.

📆 Joriy yilning 17-may kuni Toshkent davlat yuridik universiteti Talabalar turar joyi hududida o‘zgacha formatdagi intellektual tadbir – “Xadicha Sulaymonova sirli merosi: Adolat izlab” nomli quest-viktorina bo‘lib o‘tdi.

🎓 Visola To‘lqinova tashabbusi bilan tashkil etilgan ushbu tadbir buyuk akademik olima Xadicha Sulaymonovaning boy ilmiy merosi, adolat yo‘lidagi fidokorona faoliyati va tarixiy xotirasini e’zozlash maqsadida o‘tkazildi.

📊 Tadbir step-by-step – ya’ni bosqichma-bosqich formatda tashkil etilgan bo‘lib, ishtirokchilar bir nechta murakkab va qiziqarli intellektual sinovlardan o‘tishdi. Viktorinaning asosiy yo‘nalishlari quyidagilardan iborat bo‘ldi:

🖼 Puzzle rasmlarni jamlash – bunda Xadicha Sulaymonovaning hayoti va faoliyati bilan bog‘liq vizual tasvirlarni to‘g‘ri tartibda birlashtirish;

❓ Sirli savollarga javob berish – tarixiy, ilmiy va huquqiy bilimlarni sinovdan o‘tkazuvchi maxsus tayyorlangan savollar orqali;

🔍 Yashiringan topishmoqlarni izlab topish – universitet hududida maxsus yashirilgan manzillar bo‘yicha topishmoqlarga asoslangan yo‘nalishlar bo‘yicha harakat qilish.

📝 Tadbir yakunida quyidagi jamoalar faxrli o‘rinlarni egallashdi:

🥇 1-o‘rin – "Sudyalar" jamoasi;
🥈 2-o‘rin – "Obscure Lex" jamoasi;
🥉 3-o‘rin – "The Best" jamoasi egallashdi.

📚 Quest-viktorina davomida talabalar nafaqat bilim va tafakkurlarini sinovdan o‘tkazishdi, balki jamoaviy ishlash, mantiqiy fikrlash, tarixiy merosni anglash va adolat tushunchasining mohiyatini chuqur his etish imkoniyatiga ega bo‘lishdi.

🤝 Bu kabi tadbirlar nafaqat akademik muhitni boyitadi, balki yoshlarda vatanparvarlik, ilm-fanga bo‘lgan hurmat, buyuk siymolarimiz merosiga sadoqat ruhini ham tarbiyalaydi. Xadicha Sulaymonovaning ilmiy faoliyati yosh avlod uchun ibrat manbai bo‘lib qolaveradi.