Лео Бабаута — энг машҳур блогерлардан бири. Зен Ҳабитс — минимализм ва маҳсулдорлик ҳақидаги блог асосчиси. Блог ТОП 25 га киради ва 200 000 дан ортиқ обуначига эга. Бир неча электрон китоб-бестселлерлар муаллифи.

Бабаутадан супер тавсиялар.

Қуйида Лео Бабаутанинг қандай қилиб ҳар куни ижод қилишга имконият топиш ва ёзиш жараёнидан мамнун бўлиш мумкинлиги ҳақидаги мулоҳазалари келтирилган.

"Ҳаётимни тубдан ўзгартирган воситалардан бири бу — ҳар куни ёзиш одати".

Кўп йиллар давомида ёзувчи бўлганман. Доимо идрокимнинг хилват ўринларида ёзиш истаги мавжуд бўларди, бироқ ёзиш учун вақт ва имкон топа олмасдим. Кейин эса блогимни юритишни бошладим ва 2007 йилнинг январидан ҳозирги кунгача жуда кўп мақолалар ёздим. Ҳозир мен ҳар куни ижод қиламан.

Бу одат ҳаётимни ўзгартириб юборди.

Мен ҳар куни ёзишни фақатгина ёзувчиларгагина тавсия қилмайман. Ҳар куни ёзиш одатининг бошқалар учун ҳам зарурати қўйидагича:

1. Сиз ҳаётни таҳлил, ўзгаришларни қайд этиб борасиз. Бу жуда зарур. Том маънодаги таҳлил ҳаётимизни ўзгартиради.

2. Фикрларингизни тозалайсиз. Фикрлар ва туйғулар — бу онгимизнинг қора туйнукларидаги ниҳоятда туманли, ноаниқ воқелик. Бироқ ёзаётган пайтингизда сиз уларни аниқ шаклга, мантиқий тартибга келтирасиз.

3. Яхши ёзиш маҳорати — рақамли дунёдаги энг фойдали малакадир. 4. Aудитория (аудитория бир одамдан ташкил топган бўлса ҳам) учун ёзиш қобилиятини ўзлаштираётган бўлсангиз, перспектив ўйлаш сизга ёрдам беради. Мана шу ерда ҳақиқий мўжиза юз беради — сиз ўқувчиларингиз фикрларингизни қандай қабул қилиши ҳақида ўйлаб, ҳамкасбларингиз, харидорларингиз ва дўстларингизни яхшироқ тушуна бошлайсиз. Хуллас, дунёни янада теранроқ тушунишни машқ этасиз.

5. Пухта ёзишни ўргансангиз, бошқалар нуқтаи назарингизни қабул қилишга ишонсангиз, бу сиздаги мулоқот малакасини оширишга ёрдам беради.

6. Бу сизга доимо янги ғояларни ўйлашга ва янги ғоя топишдек муаммони бартараф этишга хизмат қилади. Ғоя — ҳамма жойда мавжуд! Сиз билан мулоқот қилаётган инсонлар, ҳаётий синов ва саргузаштлар, интернет, журнал, филм, мусиқа, янги компаниялар. Aгар доимий равишда ёзсангиз бу каби ғояларга очиқ кўз билан қарайсиз.

7. Доимий равишда ёзсангиз, аста-секин сиз улашаётган ахборотга қизиқувчи аудитория топасиз, уларга ёрдам бера оласиз. Бу бизнеснинг турли кўринишларини ривожлантиради, карера яратиш, мулоқотни хушловчи ва қизиқишлари ўхшаш инсонларни топишга кўмаклашади.

Бу фақат бошланиши. Бошқа барча сиз олишингиз мумкин бўлган манфаатларни сўз билан ифодалаб беролмайман. Буни фақат ўзингиз синаб кўришингиз мумкин.

— —

Мана бошлаб ҳам олдик. Энди аста-аста биргаликда "Эдмунд Хилларидек бўлишга интиламиз!" Маълумот учун Эдмунд — Эверестни биринчи бўлиб забт этган одам. Айтмоқчи бўлганим шуки, машаққатли бўлсада, кўзлаган мақсадимиз томон қадам ташлашда давом этамиз.

Ўша телба Маркни шу ердан топасиз: @thecrazymark