Hurmatli Tuproqqal'a tumani aholisi!

Mamlakatimizda migratsiya sohasini zamonaviy talablar asosida takomillashtirish, davlat xizmatlarini soddalashtirish hamda fuqarolar uchun yanada qulay sharoitlar yaratish maqsadida izchil islohotlar amalga oshirilmoqda.

Jumladan, 2025-yil 10-iyulda qabul qilingan “O‘zbekiston Respublikasi fuqarolarini, chet el fuqarolarini hamda fuqaroligi bo‘lmagan shaxslarni yashash joyi va turgan joyi bo‘yicha ro‘yxatdan o‘tkazish to‘g‘risida”gi 1074-son Qonun bilan ushbu yo‘nalishda yagona huquqiy tizim joriy etildi.

Shu o‘rinda ayrim fuqarolar orasida uchrayotgan “propiska tizimi bekor qilindi” degan tushuncha haqiqatga to‘g‘ri kelmasligini alohida ta’kidlamoqchiman. Amaldagi qonunchilikka muvofiq, har bir fuqaro doimiy yoki vaqtincha yashash joyini o‘zgartirganda, yangi manzilga kelgan kundan boshlab 10 ish kuni ichida belgilangan tartibda ro‘yxatdan o‘tishi shart.

Ro‘yxatdan o‘tish uchun hududiy Migratsiya va personallashtirish bo‘linmalariga, Davlat xizmatlari markazlariga murojaat qilish yoki Yagona interaktiv davlat xizmatlari portali orqali onlayn xizmatdan foydalanish mumkin.

Hurmatli fuqarolar!

Ro‘yxatdan o‘tish talablariga rioya etmaslik ma’muriy javobgarlikka sabab bo‘ladi. O‘zbekiston Respublikasi Ma’muriy javobgarlik to‘g‘risidagi kodeksining 223-moddasiga muvofiq, ro‘yxatdan o‘tmasdan yashagan fuqarolarga bazaviy hisoblash miqdorining 3 baravari, ushbu huquqbuzarlik bir yil davomida takror sodir etilganda esa 5 baravari miqdorida jarima qo‘llaniladi.

Shuningdek, fuqaroning ro‘yxatdan o‘tmasdan yashashiga yo‘l qo‘ygan mas’ul shaxslarga bazaviy hisoblash miqdorining 5 baravari, mazkur huquqbuzarlik bir yil davomida takror sodir etilganda esa 10 baravari miqdorida jarima belgilangan.

Yangi qonunning yana bir muhim jihati — talabalar uchun yaratilgan qulayliklardir. Endilikda talabalar turar joyiga joylashish bo‘yicha shartnoma rasmiylashtirilishi bilan bir vaqtda Yagona interaktiv davlat xizmatlari portali orqali kompozit davlat xizmati asosida vaqtincha ro‘yxatdan o‘tkazish avtomatik tarzda amalga oshiriladi. Bu esa ortiqcha hujjatbozlikni, navbat kutishni hamda davlat bojini alohida to‘lash zaruratini bartaraf etdi.
O‘z vaqtida ro‘yxatdan o‘tish nafaqat qonun talabi, balki hududlarni kompleks rivojlantirish, ijtimoiy xizmatlarni sifatli tashkil etish hamda davlat boshqaruvi samaradorligini oshirishga xizmat qiluvchi muhim omildir.

Aziz Tuproqqal'aliklar!

Sizlarni doimiy yoki vaqtincha yashash joyingiz bo‘yicha qonun talablariga muvofiq o‘z vaqtida ro‘yxatdan o‘tishga, belgilangan tartiblarga qat’iy rioya etishga chaqiraman.

Qonunga hurmat — jamiyatda tartib-intizom va barqarorlik garovidir!
Migratsiya xizmati — xalq xizmatida!
Biz sizning xizmatingizdamiz!

26-iyun — Xalqaro giyohvandlikka qarshi kurash kuni munosabati bilan Tuproqqal'a tumani hokimi Akmal Jimalyazovning tuman aholisiga murojaati

Hurmatli tuproqqal'aliklar, aziz yoshlar!

Bugungi kunda giyohvandlik nafaqat inson salomatligiga, balki oilalar farovonligi, jamiyat barqarorligi va yoshlar kelajagiga jiddiy tahdid solayotgan illatlardan biridir. Ayniqsa, yoshlarni turli zararli odatlardan asrash, ularning bo‘sh vaqtini mazmunli tashkil etish, sog‘lom turmush tarzini targ‘ib qilish barchamizning ustuvor vazifamizdir.

Aziz yoshlar!

Sizlar Yangi O‘zbekistonning bunyodkorlari, Vatanimiz kelajagining ishonchli tayanchisiz. Hayotingizni ilm-fan, sport, kasb-hunar va ezgu maqsadlarga bag‘ishlang. Giyohvandlik kabi illatlar insonning orzu-intilishlari, sog‘ligi va kelajagini izdan chiqarishini unutmang. Har biringiz o‘z oldingizga yuksak maqsadlar qo‘yib, ularga erishish yo‘lida qat’iyat bilan harakat qiling.

Hurmatli ota-onalar, mahalla faollari, ta’lim muassasalari vakillari!

Farzandlarimizni zararli ta’sirlardan himoya qilish, ularda sog‘lom hayotiy qarashlarni shakllantirish va huquqiy madaniyatni yuksaltirish borasida hamjihatlikda ishlashimiz zarur. Zero, yoshlar tarbiyasi va ularning kelajagi uchun mas’uliyat barchamizning zimmamizda.

Tuproqqal'a tumanida giyohvandlikka qarshi kurashish, profilaktik tadbirlarni kuchaytirish, aholi, ayniqsa yoshlar o‘rtasida tushuntirish va targ‘ibot ishlarini kengaytirish bundan buyon ham izchil davom ettiriladi.

Barchangizni sog‘lom turmush tarziga amal qilishga, giyohvandlik va boshqa zararli illatlarga nisbatan murosasiz bo‘lishga chorlayman.

Kelajagimiz, farzandlarimiz va yurtimiz ravnaqi yo‘lida birgalikda harakat qilaylik!

Assalomu alaykum aziz hamyurtlar!

Tuman IIB tomonidan jinoyatchilik hamda huquqbuzarliklarning oldini olish borasida o’tgan 2026 yilning 4 oy 30 kunida muayyan ishlar amalga oshirildi.

Har 100 ming aholi soniga jami jinoyatlar tumanda o’rtacha 136,6 tadan to’g’ri kelgan.

Joriy yil 4 oy 30 kuni davomida tumanda 84  ta jinoyatlar qayd etilib, shundan 9 tasi (10,7 foizi) oldi olinishi lozim bo’lgan, 32  tasi (38,1 foizi) aniqlangan va  43 tasi (51,2 foizi) AKT yordamida sodir etilgan jinoyatlarni tashkil etadi.

Tumanda umumiy (AKT jinoyatlardan tashqari) 35 ta jinoyatlarning 9 tasini (10,7 foiz) oldi olinishi mumkin bo’lgan 4 ta o’lim bilan bog’liq yo’l–transport xodisasi, 1 ta o’lim bilan bog’liq bo’lmagan yo’l–transport xodisasi, 2 tasi firibgarlik hamda 2 tasi Voyaga yetmagan yoki mehnatga layoqatsiz shaxslarni moddiy ta’minlashdan bo’yin tovlash jinoyatlari tashkil qilgan.

Muqaddam sudlanganlar, mastlar va voyaga yetmaganlar tomonidan jinoyat sodir etilmagan.

Tumandagi 18 ta mahallalarning 17 tasi “yashil” toifaga kiritilgan.

Qidiruvdagi 9 nafar shaxslarga nisbatan qidiruv ishlari olib borilib, ikki nafari ushlangan hamda yetti nafar qidiruvdagi shaxslar ushlanmasdan qolgan.

Talonchilik, o’zgalar mulkini nobud qilish va avtotransportni olib qochish, odamlardan foydalanish uchun ularni yollash, bezorilik jinoyatlari sodir etilishining oldi olingan.

Kiber jinoyatchilik sohasida 25 ta o’g’irlik, 18 tafiribgarlik holati sodir etilgani barchamizni chuqur o’ylantirishi lozim.

Achinarlisi shundaki, ushbu jinoyatlarning aksariyati fuqarolarning ehtiyotsizligi, beparvoligi va axborot xavfsizligi qoidalariga yetarli darajada rioya etmasligi oqibatida yuz bergan.

Shu munosabat bilan, barcha fuqarolardan quyidagilarga amal qilishlarini so’raymiz:

Uy-joy va mol-mulk xavfsizligini ta’minlash, eshik-darchalarni mustahkamlash, begona shaxslarga ishonch bildirmaslik;

Qimmatbaho buyumlar va pul mablag’larini nazoratsiz qoldirmaslik;

Internet va mobil ilovalar orqali kelayotgan shubhali xabarlar, qo’ng’iroqlar va havolalarga aldanmaslik;

Bank kartalari, elektron hamyonlar va shaxsiy ma’lumotlarni hyech kimga oshkor etmaslik;

Shubhali holatlar yuzasidan zudlik bilan huquqni muhofaza qiluvchi organlarga xabar berish. Jinoyatchilikka qarshi kurash faqat huquqni muhofaza qiluvchi organlarning emas, balki jamiyatdagi har bir fuqaroning ham mas’uliyatidir. Har birimiz qonunga itoatkor, ogoh va faol bo’lsak, ko’plab jinoyatlarning oldini olishimiz mumkin.

Tuman Ichki ishlar bo’limi tomonidan jinoyatlarni barvaqt aniqlash, oldini olish va aybdor shaxslarga nisbatan qonuniy choralar ko’rishishlari izchil davom ettiriladi.

Barchangizni beparvolikka yo’l qo’ymaslikka, jinoyatchilikka qarshi kurashda hamkorlikka chaqiramiz.

Qonun ustuvorligi — tinch va xavfsiz hayot garovidir!

Tuman IIB boshlig’i podpolkovnik Matyakubov Mirali Ulug’bekovich

Assalomu alaykum aziz hamyurtlar!

Davlatimiz rahbari Shavkat Miromonovich Mirziyoyev rahbarligida mamlakatimizda inson qadrini ulug’lash, uning huquq va manfaatlarini ta’minlash borasida ulkan ishlar amalga oshirilmoqda.

Shuni ishonch bilan aytish mumkinki, davlatchiligimiz tarixi hyech qachon bugungidek keng ko’lamli va shiddatli islohotlarga guvoh bo’lmagan.

Dunyo miqyosida «Yangi O’zbekiston» degan ibora paydo bo’lib, Vatanimizning xalqaro maydondagi nufuzi va obro’ – e’tibori tobora ortib bormoqda.

Qolaversa, inson, uning hayoti, huquq va erkinliklarini himoya qilish, qonuniy manfaatlarini ta’minlash, inson qadrini ulug’lash islohotlar markaziga olib chiqildi.

Aziz eldoshlar!

Tuman prokuraturasi tomonidan jinoyatchilik hamda huquqbuzarliklarning oldini olish borasida o’tgan 2026 yilning 5 oyda muayyan ishlar amalga oshirildi.

Har 100 ming aholi soniga jami jinoyatlar tumanda o’rtacha 136,6 tadan to’g’ri kelgan.

Joriy yil 5 oy davomida tumanda 84 ta jinoyatlar (41) qayd etilib, shundan 9tasi (10,7 foizi) oldi olinishi lozim bo’lgan, 32 tasi (38,1 foizi) aniqlangan va 43 tasi (51,2 foizi) AKT yordamida sodir etilgan jinoyatlarni tashkil etadi.

Tumanda umumiy (AKT jinoyatlardan tashqari) 41 ta jinoyatlarning 9 tasini (21,9 foiz) oldi olinishi mumkin bo’lgan 1 ta o’lim bilan bog’liq yo’l – transport xodisasi, 4 ta o’lim bilan bog’liq bo’lmagan yo’l – transport xodisasi, bittasi firibgarlik, ikkitasi aliment hamda bittasi o’rtacha og’ir shikast yetkazish jinoyatlari tashkil etib, ularning soni avvalgi yilga nisbatan2 taga yoki 18,2 foizga kamaygan.

Oldi olinishi lozim bo’lgan jinoyat turlaridan o’lim bilan bo’lmagan bo’lgan YTX oldingi yilning mos davriga nisbatan (1/1) teng, o’lim bilan bog’liq bo’lgan YTX 1 taga yoki 20 foizga kamaygan bo’lsa, firibgarlik jinoyati 100 foizga (1/2) oshgan.

Qayd qilingan jinoyatlarning bittasi guruh (1/1), bittasiayollar (0/1)hamda bittasi yoshlar (1/2)tomonidan sodir qilingan.

Muqaddam sudlanganlar, mastlar, ishsizlar va voyaga yetmaganlar tomonidan jinoyat sodir etilmagan.

Tumandagi 18 tamahallalarning 16 tasi“yashil”, 2 tasi “sariq” toifaga kiritilgan.

“Sariq” toifadagi “Sharlauq” (1 ta oldi olinadigan uncha og’ir bo’lmagan jinoyat) va “Saidlar” (1 ta oldi olinadigan uncha og’ir bo’lmagan jinoyat) mahallalarida sodir etilgan.

Qidiruvdagi 16 nafar shaxslarga nisbatan qidiruv ishlari olib borilib, to’qqiz nafari ushlangan va qolgan yetti nafar shaxslarga nisbatan qidiruv ishlari davom etmoqda.

Talonchilik, kotillik, nomusga tegish, o’zgalar mulkini nobud qilish va avtotransportni olib qochish, odamlardan foydalanish uchun ularni yollash, bezorilik jinoyatlari sodir etilishining oldi olingan.

2026 yil 5 oyida tuman IIB faoliyatida 18 ta jinoyatlar hisobdan yashirilganligi aniqlanib, belgilangan tartibda hisobga qo’yildi va IIB mas’ul xodimlarining harakatlari yuzasidan xizmat tekshiruvlari o’tkazilgan.

Nazorat tadbirlari davomida aniqlangan 40 ta qonun buzilish holatlari 9 ta taqdimnomalar orqali bartaraf qilindi.

O’tkazilgan prokuror nazorati tadbirlari davomida 10 nafar shaxsning buzilgan huquqlari tiklandi.

Tuman prokuraturasi va IIBda dastlabki tergovning sifati va samaradorligini oshirishga qaratilgan qator chora-tadbirlar ko’rilgan.

Tuman prokuraturasi va IIB tergovida jami 49 ta jinoyat ishining tergovi tamomlanib, 50 nafar shaxslarga nisbatan 42 ta jinoyat ishlari sudlarga yuborildi.

Jinoyat oqibatida yetkazilgan moddiy zararlarning undirilishi, shu jumladan, zararlarni qoplash maqsadida xatlangan mol-mulk yoki boshqa moddiy-qimmatliklarni haqiqiy bahosini aniqlashning barcha choralari ko’rib kelindi.

Shu davrda tuman prokuraturasi va IIBda tergov qilingan jinoyat ishlari bo’yicha asossiz ravishda jinoiy javobgarlikka tortilgan, ushlangan hamda sud tomonidan oqlangan shaxslar bo’lmagan.

2026 yil 5 oyida fuqarolarning o’z joniga qasd yoki suiqasd qilish holati o’tgan yilning shu davriga nisbatan 2 (2/3) tani tashkil qilib, 33 foizga kamaygan.

Bu borada har bir holat yuzasidan mahalla fuqarolar yig’inlariva boshqa tegishli tashkilotlarga taqdimnomalar kiritilib, tuman hokimligi bilan hamkorlikda chora - tadbirlar rejasi ishlab chiqilgan.

Dolzarb ahamiyat kasb etuvchi qonun hujjatlari, xususan O’zbekiston Respublikasi Prezidenti Farmon va Qarorlari, yangi qabul qilingan hamda o’zgartirish va qo’shimchalar kiritilgan qonunlarning mazmun mohiyatini aholi o’rtasida keng tushuntirish ishlarini tashkil etishga qaratilgan tadbirlar rejalari tuzilib, bir qator targ’ibot tadbirlar amalga oshirilgan.

Qadrli hamyurtlar !

Albatta tumandagi barqarorlikni hamda ijtimoiy – iqtisodiy islohotlardagi bardavomligini ta’minlashda tuman prokuraturasining xodimlari xalqiga, Prezidentiga sadoqat va fidoiylik bilan xizmat qiladi.

Mamlakamitimiz va xalqimiz rivoji uchun barchamiz bir birimizga yelkadosh bo’lib, hamjihatlikda harakat qilsak, har bir oila va mahallaning, tumanning rivoji, tinchligi va osoyishtaligini saqlashda albatta ko’zlangan maqsadlarga erishamiz.

MUZAFFAR SAPAYEV
Tuproqqal’a tumani prokurori
2026 yil 01 iyun

Ijtimoiy tarmoqlarda Tuproqqal’a tumanida istiqomat qiluvchi fuqaro A. Bakirovaning yashash sharoitlari yuzasidan tarqalgan videomurojaat tuman hokimligi hamda mutasaddi tashkilotlar tomonidan hujjatlar va faktlar asosida o‘rganib chiqildi.

Oila a’zolarining tarkibi va daromadlari

Fuqaro A. Bakirova (1978-yilda tug‘ilgan) Tuproqqal’a tumani “Saxovat” mahallasida ro‘yxatda turadi, hozirda qizi, kuyovi va nabiralari bilan bir xonadonda istiqomat qiladi.

Ma’lumot uchun: Fuqaro va uning qizlari nomida qonuniy tartibda rasmiylashtirilgan alohida turar joylar mavjud.

Ko‘rsatilgan ijtimoiy va moddiy yordamlar

2023-yildan hozirgi kunga qadar oila a’zolari tomonidan yo‘llangan 16 ta murojaatning 15 tasi ijobiy hal etilgan. Davlat idoralari va homiylar tomonidan ushbu oilaga jami 155 million 112 ming so‘m miqdorida ko‘mak ko‘rsatilgan:

Turar joy ta’miri va jihozlash: Uy-joyini ta’mirlash uchun 24 mln so‘mlik qurilish materiallari, eshik-deraza romlari va g‘isht yetkazib berilgan. Shuningdek, elektroskuter ta’mirlanib, akkumulyatorlar bilan ta’minlangan.

Tadbirkorlik va bandlik: Bandlikni ta’minlash maqsadida 8,5 mln so‘mlik tikuv mashinalari (subsidiya) olib berilgan. Oilaga tadbirkorlik faoliyati uchun jami 92,6 mln so‘m imtiyozli kreditlar ajratilgan. Mutasaddi idoralar tomonidan taklif etilgan bo'sh ish o‘rinlari fuqarolar tomonidan rad qilingan.

Tibbiy va ijtimoiy ko‘mak: Bepul davolanish, dori-darmon va xususiy klinikalarda kompyuter tomografiyasi ko‘riklari tashkil etilgan. Davriy ravishda oziq-ovqat mahsulotlari, kiyim-kechak vaucherlari, bolalar nafaqasi va kompensatsiyalar to‘lab berilgan. Oilaviy nikoh to‘yi homiylik hisobidan o‘tkazilgan.

2026-yilda A. Bakirovaning uy-joy ta’miri bo‘yicha navbatdagi murojaati “Inson” ijtimoiy xizmatlar markazining maxsus elektron platformasi tomonidan rad etilgan.

Tuproqqal’a tuman hokimligi davlat tomonidan ko‘rsatiladigan ijtimoiy yordamlar qonunchilik mezonlari asosida, faqat real ehtiyojmand va mehnat qilish istagida bo‘lgan fuqarolarga maqsadli yo‘naltirilishini ma’lum qiladi.

Тупроккала тумани ижтимоий огир ахволда колган хотин кизларни ижтимоий огир вазиятда колган хотин кизларни куллаб кувватлаш максадида утказиладиган лойиха

Батырова Шахноза Атабаевна

Жиноят ишлари бўйича Тупроққалъа туман судининг тергов суъяси Ш.Сейтирзаев ва Фуқаролик ишлари бўйича Боғот туманлараро судининг суъяси С.Каримов Тупроққалъа туман ҳокимлиги биносида “Узоқ муддатдан буён ижроси таъминланмасдан қолдиқда турган ижро ҳужжатларини рўйхатини шакллантириш ва МИБ ҳудудий бўлимлари билан ўзаро ҳамкорликда ушбу ижро ҳужжатларини қисқа муддатларда тамомлаш чораларини кўриш юзасидан туман прокуратураси, туман ИИБ ва туман МИБ ва бошқа ташкилотлар билан ҳамкорликда йиғилиш ўтказди.

Muborak Ramazon oyida tuman hokimi “Sayapir” mahallasida yashovchi kam ta’minlangan oilalar va xastalar holidan xabar oldi.

Suhbatlar davomida fuqarolarning yashash sharoiti bilan yaqindan tanishilib, ijtimoiy himoyaga muhtoj oilalarga amaliy yordam ko‘rsatildi.

Bunday ezgu tashabbuslar jamiyatda mehr-oqibat va hamjihatlik muhitini yanada mustahkamlaydi.