@umidaakramovnatohirova

BuxDU, Ingliz adabiyotshunosligi va tarjimashunoslik kafedrasi

umidaakramovnatohirova — Sat, 24 Oct 2026 11:06:51 GMT

20-oktyabr kuni Ingliz adabiyotshunosligi va tarjimashunoslik kafedrasi dotsenti Sa’dullayev Feruz Baxtiyorovich tomonidan Tarjima nazariyasi yo‘nalishi talabalari ishtirokida “Sog‘lom kun tartibi” mavzusida davra suhbati o‘tkazildi.

Davra suhbatining asosiy maqsadi talabalarda sog‘lom turmush tarziga rioya qilish, kun tartibini to‘g‘ri tashkil etish, vaqtni samarali taqsimlash hamda salomatlikka mas’uliyatli munosabatni shakllantirishdan iborat bo‘ldi.

Tadbir davomida kun tartibining inson hayotidagi o‘rni va ahamiyati haqida batafsil ma’lumot berildi. Talabalarga kunni rejalashtirish, o‘qish, dam olish, uyqu va jismoniy mashg‘ulotlar uchun yetarli vaqt ajratish bo‘yicha tavsiyalar berildi. Shuningdek, ertalabki badantarbiya bilan shug‘ullanish, sog‘lom ovqatlanish, ko‘proq suv ichish va zararli odatlardan voz kechish masalalariga alohida e’tibor qaratildi.

Suhbat davomida yetarli va sifatli uyquning inson salomatligi hamda aqliy faoliyatiga ta’siri ham muhokama qilindi. Talabalarga kech vaqtgacha telefondan foydalanmaslik, uyqudan oldin ortiqcha ovqatlanmaslik va har kuni bir xil vaqtda uxlashga odatlanish tavsiya etildi. Kun tartibiga amal qilish o‘quv jarayonidagi samaradorlikni oshirishi, diqqatni jamlashga yordam berishi va charchoqning oldini olishi ta’kidlandi.

Tadbir interfaol tarzda tashkil etilib, talabalar mavzu yuzasidan o‘z fikr-mulohazalarini bildirdilar hamda o‘zlarini qiziqtirgan savollarga javob oldilar. Ishtirokchilar sog‘lom kun tartibiga rioya qilish bo‘yicha shaxsiy tajribalari bilan o‘rtoqlashdilar.

Davra suhbati yakunida har bir talaba o‘z kun tartibini qayta ko‘rib chiqishi, vaqtni to‘g‘ri taqsimlashi va sog‘lig‘ini asrashga e’tibor qaratishi lozimligi qayd etildi. Tadbir mazmunli va samarali o‘tdi.

BuxDU, Ingliz adabiyotshunosligi va tarjimashunoslik kafedrasi

umidaakramovnatohirova — Fri, 23 Oct 2026 04:49:17 GMT

BuxDU, Ingliz adabiyotshunosligi va tarjimashunoslik kafedrasi
2026- yil 20-oktabr sanasida "Adabiyotshunoslik : ingliz adabiyoti ” mutaxassisligi 2-kurs magistrant Umurqulova Mashhura Uyg'un qizi pedagogik rahbari Nazarova Gulbahor Pirmanovna boshchiligida 11-1TNA-26 guruh talabalari bilan "Og'zaki nutq va tinglash ko'nikmalari" fanidan "Listening to Classroom Instructions.Strategies for Keeping a Conversation Going" mavzusida ochiq dars o‘tkazdi. Dars davomida magistrant o‘qitishning turli interfaol usullaridan foydalandi. Shu asnoda, ushbu dars amaliy mashg'uloti ekanligi inobatga olingan holda magistr tomonidan yo'l-yo'riq ko'rsatib amalga oshirilgan 4 ta mashg'ulot, xususan, "Simon says", "The Instruction That Went Wrong ", The Mystery Task " hamda "Keeping a Conversation Going: Killer vs Keeper "ni o'z ichiga oldi. Ushbu mashqlarning bir qismi guruhlar bellashuvi tarzida olib borildi hamda talabalar o'rtasidagi raqobat ularni yanada chuqurroq izlanishga undadi. Dars davomida tanqidiy va tahliliy fikrlash, kommunikativ til ko'nikmalari shuningdek, og'zaki nutq va tinglash ko'nikmalariga oid bilimlarni rivojlantirishga asosiy e'tibor qaratildi.
Darsni "Ingliz Adabiyotshunosligi va tarjimashunoslik" kafedrasi o'qituvchilaridan dotsent pedagogika fanlari doktori (DSc) Nazarova Gulbahor Pirmanovna hamda Xaydarova Laylo Xamroyevna tahlil qildilar.

BuxDU, Ingliz adabiyotshunosligi va tarjimashunoslik kafedrasi

umidaakramovnatohirova — Fri, 23 Oct 2026 04:48:28 GMT

2026-yil 22-oktabr kuni Buxoro davlat universiteti Xorijiy tillar fakulteti Ingliz adabiyotshunosligi va tarjimashunoslik kafedrasi o‘qituvchisi, pedagogika fanlari bo‘yicha falsafa doktori (PhD) Ashurova Dildora G‘afurovna tomonidan 3-TNI24- guruhida Chet tillarni o‘qitishning pedagogik asoslari fanidan “ Developing Students’ Vocabulary learning strategies” mavzusida ochiq dars o‘tkazildi.
Darsning asosiy maqsadi talabalarga leksik birliklarni o‘zlashtirish strategiyalarining nazariy asoslarini tushuntirish, so‘z boyligini kengaytirishda qo‘llaniladigan samarali usullarni o‘rgatish hamda zamonaviy elektron korpuslardan foydalanish orqali talabalarning mustaqil o‘rganish va kasbiy-metodik kompetensiyalarini rivojlantirishdan iborat bo‘ldi.
Mashg‘ulot davomida lug‘at o‘rganish strategiyalarining turlari, ularni tanlash va amaliyotda qo‘llash yo‘llariga alohida e’tibor qaratildi. Talabalar Corpus of Contemporary American English (COCA) onlayn korpusi bilan ishlab, so‘zlarning qo‘llanilish chastotasi, birikmalari (kollokatsiyalari) va real nutqiy kontekstdagi ma’nolarini tahlil qildilar. Rejalashtirilgan barcha topshiriqlar to‘liq bajarildi: talabalar individual, juftlik va guruhlardagi amaliy mashqlarda hamda mavzu yuzasidan o‘tkazilgan muhokamalarda faol ishtirok etdilar. Mashg‘ulot jarayonida nazariy bilimlarni amaliyot bilan uyg‘unlashtirish, talabalarning tahliliy fikrlashi va o‘z o‘quv faoliyatini mustaqil boshqarish ko‘nikmalarini shakllantirishga alohida ahamiyat berildi.
Dars zamonaviy pedagogik va axborot-kommunikatsiya texnologiyalari asosida tashkil etilib, talabalarning fanga bo‘lgan qiziqishini oshirish va bo‘lajak ingliz tili o‘qituvchilarining kasbiy tayyorgarligini mustahkamlashga xizmat qildi. Mashg‘ulot yakunida talabalar lug‘at o‘rganish strategiyalarini puxta o‘zlashtirganliklari kuzatildi, dars o‘z oldiga qo‘yilgan maqsadga to‘liq erishdi.
Ochiq dars o‘quv mashg‘ulotlarini samarali tashkil etish, korpus lingvistikasi imkoniyatlarini ta’lim jarayoniga tatbiq etish hamda bo‘lajak mutaxassislarning metodik kompetensiyalarini rivojlantirish nuqtayi nazaridan muhim ahamiyat kasb etdi.

BuxDU, Ingliz adabiyotshunosligi va tarjimashunoslik kafedrasi

umidaakramovnatohirova — Thu, 22 Oct 2026 06:25:57 GMT

2026-yil 22-oktabr kuni Ingliz adabiyotshunosligi va tarjimashunoslik kafedrasi dotsenti, filologiya fanlari doktori (DSc) O.X. Ganiyeva tomonidan talabalar o‘rtasida “Manfaatlar to‘qnashuvi va sovg‘a-salom qabul qilish cheklovlari” mavzusida profilaktik davra suhbati o‘tkazildi.
Tadbir talabalarning huquqiy xabardorligini oshirish, korrupsiyaga nisbatan murosasiz munosabatni shakllantirish hamda manfaatlar to‘qnashuvining oldini olishga qaratildi. Suhbat davomida sovg‘a-salom qabul qilish bilan bog‘liq cheklovlar, halollik, xolislik va mas’uliyat tamoyillari muhokama qilindi.

BuxDU, Ingliz adabiyotshunosligi va tarjimashunoslik kafedrasi

umidaakramovnatohirova — Wed, 21 Oct 2026 00:29:32 GMT

2026-yil 20-oktabr kuni Buxoro davlat universiteti Xorijiy tillar fakulteti Ingliz adabiyotshunosligi va tarjimashunoslik kafedrasi o‘qituvchisi Xusenova Mehriniso tomonidan 2TNI24-guruhida Tarjimashunoslik fanidan “Consecutive translation and its features. Consecutive translation techniques, increasing oral speech speed, applying memory exercises, working with simple field-specific texts" mavzusida ochiq dars o‘tkazildi.
Darsning asosiy maqsadi talabalarga ketma-ket tarjimaning nazariy va amaliy xususiyatlarini tushuntirish, tarjima jarayonida qo‘llaniladigan samarali usullarni o‘rgatish, og‘zaki nutq tezligi va ravonligini rivojlantirish hamda xotirani mustahkamlashga qaratilgan mashqlar orqali talabalarning tarjimonlik kompetensiyalarini takomillashtirishdan iborat bo‘ldi.
Mashg‘ulot davomida ketma-ket tarjima texnikalari, xotira mashqlari, og‘zaki nutqni rivojlantirish usullari va sohaga oid sodda matnlar bilan ishlashga alohida e’tibor qaratildi. Talabalar amaliy topshiriqlar, individual va juftlikdagi mashqlar hamda tarjima faoliyatiga yo‘naltirilgan muhokamalarda faol ishtirok etdilar. Mashg‘ulot jarayonida nazariy bilimlarni amaliyot bilan uyg‘unlashtirish, talabalarning mustaqil fikrlashi, tinglab tushunish va mazmunni boshqa tilda aniq ifodalash ko‘nikmalarini rivojlantirishga alohida ahamiyat berildi.
Dars zamonaviy pedagogik yondashuvlar asosida tashkil etilib, talabalarning fanga bo‘lgan qiziqishini oshirish va kasbiy tayyorgarligini mustahkamlashga xizmat qildi. Mashg‘ulot yakunida mavzu yuzasidan o‘zlashtirilgan bilim va ko‘nikmalar mustahkamlandi.
Ochiq dars o‘quv mashg‘ulotlarini samarali tashkil etish, tarjima nazariyasi va amaliyotini o‘zaro bog‘lash hamda bo‘lajak tarjimonlarning kasbiy kompetensiyalarini rivojlantirish nuqtayi nazaridan muhim ahamiyat kasb etdi.

BuxDU, Ingliz adabiyotshunosligi va tarjimashunoslik kafedrasi

umidaakramovnatohirova — Tue, 20 Oct 2026 08:23:10 GMT

2026-yil 15 oktabr kuni Buxoro davlat universiteti Xorijiy tillar fakulteti Ingliz adabiyotshunosligi va tarjimashunoslik kafedrasi dotsenti F.B. Sadullayev tomonidan profilaktik tadbirlar doirasida talabalar ishtirokida davra suhbati o‘tkazildi.

Davra suhbati davomida soxta havolalar orqali amalga oshiriladigan firibgarlik holatlari, onlayn to‘lovlar jarayonida shaxsiy ma’lumotlarni himoya qilish, bank kartalari ma’lumotlari va maxfiy kodlarni begona shaxslarga bermaslik hamda internetdan xavfsiz foydalanish qoidalari haqida tushuntirishlar berildi.

BuxDU, Ingliz adabiyotshunosligi va tarjimashunoslik kafedrasi

umidaakramovnatohirova — Mon, 19 Oct 2026 07:02:49 GMT

BuxDU, Ingliz adabiyotshunosligi va tarjimashunoslik kafedrasi

2026-yil 17-oktabr kuni “Adabiyotshunoslik: ingliz adabiyoti” mutaxassisligi 2-kurs magistranti Sayitova Gulchiroy pedagogik rahbari F.B. Sadullayev boshchiligida 11-18-ING-24 guruh talabalari bilan “Female Writers of British Literature” mavzusida ochiq dars o‘tkazdi.

Dars davomida magistrant o‘qitishning turli interfaol usullaridan foydalandi. “Female Writers of British Literature” mavzusini yoritib berish uchun devoriy ko‘rgazmalar, PowerPoint dasturida tayyorlangan taqdimot, videolavhalar hamda bir qator interfaol mashqlardan foydalandi.

Bundan tashqari, dars davomida magistrant tomonidan tashkil etilgan to‘rtta mashg‘ulot, xususan, “Meet the Authors: Match the Writers with Their Works”, “Literary Insights: Video Comprehension Challenge”, “Guess the Novel: Match the Quotes with the Books” va “Literary Challenge: Bamboozle Quiz Game” orqali talabalarning bilimlari amaliy jihatdan sinovdan o‘tkazildi.

Shuningdek, dars davomida mashhur britaniyalik ayol yozuvchilarning hayoti va ijodiga, shuningdek, ularning adabiy merosiga oid videolavhalar namoyish etildi. Dars talabalarning tanqidiy va tahliliy fikrlash qobiliyatlarini rivojlantirish, adabiy asarlarni tahlil qilish hamda ingliz adabiyotiga oid bilimlarini mustahkamlashga qaratildi.

Darsni “Ingliz adabiyotshunosligi va tarjimashunoslik” kafedrasi dotsenti F.B. Sadullayev tahlil qildi.

BuxDU, Ingliz adabiyotshunosligi va tarjimashunoslik kafedrasi

umidaakramovnatohirova — Mon, 19 Oct 2026 07:01:50 GMT

2026-yil 16-Oktabr kuni Buxoro davlat universiteti Ingliz adabiyotshunosligi va tarjimashunoslik kafedrasida “Adabiyotshunoslik: ingliz adabiyoti” mutaxassisligi 2-bosqich magistranti Baxromova Gulasal tomonidan “Science Fiction in English Literature” mavzusida ochiq dars yuqori saviyada tashkil etildi. Dars ilmiy rahbar, kafedra dotsenti Ganiyeva Orzigul Xayriddinovna rahbarligida o‘tkazildi hamda 11-6 ING-24 guruh talabalari ishtirokida amalga oshirildi.

Mazkur mashg‘ulot davomida magistrant tomonidan zamonaviy pedagogik yondashuvlar va innovatsion metodlardan samarali foydalanildi. Xususan, interfaol mashqlar, vizual ko‘rgazmalar, PowerPoint taqdimotlari hamda video lavhalar orqali mavzu keng va tushunarli tarzda yoritib berildi. “Match the Writer with the Information”, “Questions according to the video”, “Writer Detective” hamda “Bamboozle online game” kabi faoliyatlar yordamida talabalar bilimlari mustahkamlandi va amaliy jihatdan sinovdan o‘tkazildi.

Talabalar mashg‘ulot davomida science fiction jarining asosiy xususiyatlari, yetakchi namoyandalari va ularning asarlariga oid bilimlarini chuqurlashtirdilar. Shuningdek, tahliliy fikrlash, muloqot va jamoada ishlash ko‘nikmalari rivojlantirildi.

Dars interaktiv ruhda tashkil etilib, talabalar faol ishtirok etishga undaldi. Ular o‘z fikr va mulohazalarini erkin bayon etish imkoniga ega bo‘ldilar. Turli o‘yinlar, muhokamalar va ijodiy topshiriqlarning qo‘llanilishi mashg‘ulotning qiziqarli va samarali kechishini ta’minladi.

BuxDU, Ingliz adabiyotshunosligi va tarjimashunoslik kafedrasi

umidaakramovnatohirova — Fri, 16 Oct 2026 09:32:14 GMT

BUXORO DAVLAT UNIVERSITETI XORIJIY TILLAR FAKULTETI INGLIZ ADABIYOTSHUNOSLIGI VA TARJIMASHUNOSLIK kafedrasida "Professional Development Day" munosabati bilan navbatdagi trening mashg'uloti o'tkazildi.

2026 yil 15 oktabr kuni Buxoro davlat universiteti Xorijiy tillar fakulteti Ingliz adabiyotshunosligi va tarjimashunoslik kafedrasi professor- o'qituvchilari uchun "Professional Development Day" doirasida pedagoglarning kasbiy mahoratini oshirishga qaratilgan navbatdagi o‘quv mashg‘uloti tashkil etildi.

Mashg‘ulotni AQShdan tashrif buyurgan xorijiy til o‘qituvchisi WILLIE LEGREE olib bordi. Trening “Strong women, stronger communities” — “Kuchli ayollar, kuchliroq jamiyat” mavzusiga bag‘ishlandi.

Mashg‘ulot davomida ishtirokchilar ayollarning individual xususiyatlarini hisobga olish, ularni dars jarayoniga faol jalb etish, qo‘llab-quvvatlovchi ta’lim muhitini yaratish hamda interaktiv metodlardan samarali foydalanish bo‘yicha amaliy tavsiyalar berildi.

➖ Ishtirokchilar zamonaviy pedagogik yondashuvlar, o‘quvchilar faolligini oshirish usullari hamda xalqaro tajribalar asosidagi samarali metodlar bilan yaqindan tanishdilar.

BuxDU, Ingliz adabiyotshunosligi va tarjimashunoslik kafedrasi

umidaakramovnatohirova — Thu, 15 Oct 2026 11:02:50 GMT

Buxoro davlat universiteti Xorijiy tillar fakulteti
Ingliz adabiyotshunosligi va tarjimashunoslik kafedrasida sayyor dars tashkil etildi
2026-yil 10- oktabr kuni Buxoro davlat universiteti Xorijiy tillar fakulteti Ingliz adabiyotshunosligi va tarjimashunoslik kafedrasi professori O.G.Xayriddinovna tomonidan 10- INA-25 guruhi talabalari uchun “Emotional Impact of Literature” mavzusida sayyor seminar darsi tashkil etildi. Mazkur mashg‘ulot kinoteatrda tashkil etilib, seminar doirasida talabalar “Anarxid” filmini tomosha qildilar.
Seminar davomida talabalarga badiiy asarlarning inson hissiyotlari, dunyoqarashi va ruhiy holatiga ta’siri, obrazlar orqali turli emotsiyalarning ifodalanishi hamda adabiyot va kino o‘rtasidagi o‘zaro bog‘liqlik haqida ma’lumotlar berildi. Film namoyishi davomida talabalar qahramonlarning kechinmalari, konfliktlar, dramatik vaziyatlar va asarda aks etgan asosiy g‘oyalarni kuzatib bordilar.
Mashg‘ulotning muhokama qismida talabalar filmning hissiy ta’siri yuzasidan o‘z fikrlarini bildirdilar, qahramonlarning xatti-harakatlarini tahlil qildilar hamda film tomoshabinda qanday his-tuyg‘ular uyg‘otishi mumkinligini muhokama qildilar. Shuningdek, adabiy asarlarning inson ruhiyatiga ta’siri, empatiya va badiiy obrazlarni tushunish masalalariga alohida e’tibor qaratildi.
Mazkur sayyor seminar darsi talabalarning “Emotional Impact of Literature” mavzusidagi nazariy bilimlarini amaliy kuzatish va tahlil bilan mustahkamlash, badiiy asar va ekran asarlarini hissiy-estetik jihatdan idrok etish, mustaqil fikrlash hamda tahliliy yondashuv ko‘nikmalarini rivojlantirishda muhim ahamiyat kasb etdi.