Xorijiy tillar fakulteti 61010500 – Gid hamrohligi va tarjimonlik faoliyati ta’lim yo‘nalishi 11-3-GHTF-23 guruhi talabalari Ingliz adabiyotshunosligi va tarjimashunoslik kafedrasi o‘qituvchisi (PhD) A.R. Ziyodullayev rahbarligida malakaviy amaliyotni samarali davom ettirmoqdalar.

Amaliyotning navbatdagi bosqichida talabalar Buxoro viloyatidagi muqaddas qadamjolardan biri bo‘lgan Bahouddin Naqshband ziyoratgohiga tashrif buyurdilar. Tashrif davomida ular buyuk mutasavvif va Naqshbandiya tariqati asoschisi Bahouddin Naqshbandning hayoti, ilmiy-ma’naviy merosi hamda ziyoratgohning tarixiy ahamiyati haqida amaliy ma’lumotlarga ega bo‘ldilar.

Talabalar amaliyot jarayonida ziyoratgoh tarixi haqida sayyohlarga ma’lumot berish, tarixiy va diniy manbalarni izchil bayon qilish, xorijiy mehmonlar bilan samarali muloqot o‘rnatish hamda tarjimonlik ko‘nikmalarini rivojlantirish ustida ishladilar. Shuningdek, majmua hududidagi masjid, maqbara va boshqa tarixiy obidalar bilan yaqindan tanishib, ularning me’moriy xususiyatlari hamda ma’naviy ahamiyati yuzasidan fikr almashdilar.

Amaliy mashg‘ulot davomida talabalar gid-hamrohligi faoliyatining muhim jihatlari, xususan, ziyorat turizmi obyektlarida ekskursiya olib borish, sayyohlarga to‘g‘ri va ishonchli ma’lumot taqdim etish hamda milliy-madaniy qadriyatlarni targ‘ib qilish ko‘nikmalarini yanada mustahkamladilar.

Mazkur amaliy tashrif talabalarning kasbiy kompetensiyalarini rivojlantirish, tarixiy-ma’naviy meros obyektlari haqidagi bilimlarini boyitish hamda kelgusidagi faoliyatlari uchun zarur bo‘lgan amaliy tajribani oshirishga xizmat qildi.

​​Buxoro Shahridagi Eski shahar va Minorai Kalonga tashrif
Xorijiy tillar fakulteti 11-5TNA23 guruhi talabalari Ingliz adabiyotshunosligi va tarjimashunoslik kafedrasi o‘qituvchisi N.N Kaxorova rahbarligida malakaviy amaliyotni samarali davom ettirmoqdalar.
Mazkur amaliy tashrif talabalarning kasbiy kompetensiyalarini rivojlantirish, turizm va ekologik obyektlar haqidagi bilimlarini boyitish hamda kelgusidagi faoliyatlari uchun zarur bo‘lgan amaliy tajribani oshirishga xizmat qildi.
Amaliyot davrida quyidagi ishlar amalga oshirildi:
Eski shahar tarixi, me’moriy tuzilishi va muzey fondlari bilan tanishildi.
Eksponatlarni saqlash va ro‘yxatga olish jarayonlari kuzatildi.
Sayyohlarga xizmat ko‘rsatish va ekskursiyalarni tashkil etish tartibi o‘rganildi.
Tarixiy hujjatlar va ma’lumotlar bilan ishlash ko‘nikmalari shakllantirildi.
Muzey xodimlarining kundalik faoliyati hamda madaniy merosni asrash bo‘yicha olib borayotgan ishlari o‘rganildi.
Eski shahar hududidagi tarixiy inshootlar va ularning vazifalari haqida ma’lumotlar yig‘ildi.

Buxoro davlat universiteti Xorijiy tillar fakulteti Ingliz adabiyotshunosligi va tarjimashunoslik kafedrasida “Xodimlar o‘rtasida axborot xavfsizligi madaniyatini oshirish va kiberxavfsizlik tahdidlarini oldini olish” mavzusida targ‘ibot-tashviqot tadbiri o‘tkazildi.

Tadbirda fakultet dekani N.B. Ataboyev, kafedra mudiri D.I. Xodjayeva, RTT departamentining axborot xavfsizligi bo‘yicha mas’ul xodimi R.N. Salimov hamda professor-o‘qituvchilar ishtirok etdi.

Tadbir davomida kiberxavfsizlik madaniyatini yuksaltirish, kiberfiribgarlik va fishing xabarlaridan himoyalanish, shaxsiy ma’lumotlar xavfsizligini ta’minlash hamda internet va ijtimoiy tarmoqlardan xavfsiz foydalanish masalalari muhokama qilindi. Ishtirokchilarga kibertahdidlardan himoyalanish bo‘yicha amaliy tavsiyalar berildi, videoroliklar namoyish etildi hamda mavzu yuzasidan savollarga mutaxassislar tomonidan batafsil javoblar berildi.

Tadbir yakunida universitet jamoasi o‘rtasida kiberxavfsizlik madaniyatini yanada rivojlantirish, profilaktik seminar-treninglarni muntazam tashkil etish va axborot xavfsizligini ta’minlash bo‘yicha tegishli vazifalar belgilab olindi.

ROMITAN TUMANIDAGI VARNET BOG‘IGA TASHRIF
Xorijiy tillar fakulteti 61010500 – Gid hamrohligi va tarjimonlik faoliyati ta’lim yo‘nalishi 11-3-GHTF-23 guruhi talabalari Ingliz adabiyotshunosligi va tarjimashunoslik kafedrasi o‘qituvchisi (PhD) A.R. Ziyodullayev rahbarligida malakaviy amaliyotni samarali davom ettirmoqdalar.
Amaliyotning navbatdagi bosqichida talabalar 2026-yil 12-iyun kuni Buxoro viloyati Romitan tumanida joylashgan Varnet bog‘iga tashrif buyurdilar. Tashrif davomida ular bog‘ning tabiiy manzaralari, rekreatsion imkoniyatlari, hududning ekologik xususiyatlari hamda turizm sohasidagi ahamiyati haqida amaliy ma’lumotlarga ega bo‘ldilar.
Talabalar amaliyot jarayonida sayyohlarga Varnet bog‘i haqida ma’lumot berish, hududning tabiiy va madaniy ahamiyatini ravon bayon qilish, xorijiy mehmonlar bilan samarali muloqot o‘rnatish hamda tarjimonlik ko‘nikmalarini rivojlantirish ustida ishladilar. Shuningdek, bog‘ning turistik salohiyati, dam olish maskani sifatidagi o‘rni va ekologik muhitni asrash masalalari yuzasidan fikr almashib, nazariy bilimlarini amaliyot bilan uyg‘unlashtirdilar.
Amaliy mashg‘ulot davomida talabalar gid-hamrohligi faoliyatining muhim jihatlari, xususan, sayyohlar bilan ishlash madaniyati, turistik obyektlar haqida ishonchli ma’lumot taqdim etish hamda ekskursiya olib borish ko‘nikmalarini yanada mustahkamladilar.
Mazkur amaliy tashrif talabalarning kasbiy kompetensiyalarini rivojlantirish, turizm va ekologik obyektlar haqidagi bilimlarini boyitish hamda kelgusidagi faoliyatlari uchun zarur bo‘lgan amaliy tajribani oshirishga xizmat qildi.

Himoya davomida magistrantlar o‘z dissertatsiya mavzulari bo‘yicha olib borgan ilmiy izlanishlari, erishilgan natijalar, tadqiqotning ilmiy yangiligi va amaliy ahamiyatini keng yoritib berdilar. Taqdimotlar jarayonida tadqiqotlarning nazariy va metodologik asoslari, o‘rganilgan muammolar hamda ularning yechimlari atroflicha tahlil qilindi. Magistrantlar tomonidan tayyorlangan ilmiy ishlar zamonaviy adabiyotshunoslikning dolzarb masalalariga bag‘ishlangani bilan e’tiborga sazovor bo‘ldi.

Himoya hay’ati a’zolari va mutaxassislar tomonidan dissertatsiyalar yuzasidan turli savollar, taklif va tavsiyalar bildirildi. Magistrantlar esa berilgan savollarga ilmiy asoslangan, mantiqiy va batafsil javoblar berib, o‘z tadqiqotlarini muvaffaqiyatli himoya qildilar. Jarayon davomida qizg‘in ilmiy munozaralar olib borildi, tadqiqot natijalarining nazariy hamda amaliy jihatlari keng muhokama qilindi.

Tadbir yuqori ilmiy saviyada, ochiqlik va xolislik tamoyillari asosida tashkil etildi. Himoya yakunida magistrantlarning ilmiy izlanishlari munosib baholanib, ularning kelgusidagi ilmiy va pedagogik faoliyatlariga ulkan muvaffaqiyatlar tilandi. Mazkur himoya yosh tadqiqotchilarning ilm-fan rivojiga bo‘lgan intilishi, izlanishlari va salohiyatini namoyon etuvchi muhim ilmiy tadbirlardan biri sifatida e’tirof etildi.