Uning sheʼriyatga, badiiy ijodga bo‘lgan mehri o‘rta maktabda tahsil olgan bolalik va o‘smirlik yillaridayoq shakllandi. U maktabda aʼlo baholarga o‘qish bilan bir paytda, kitob o‘qishga ham juda qiziqardi. O‘zbek adabiyoti, shuningdek, rus hamda jahon adabiyotining eng sara asarlarini, roman, qissa va hikoyalari, sheʼr hamda dostonlarini katta qiziqish bilan mutolaa qilardi. Bu esa unda badiiy asarlarga nisbatan cheksiz mehr uyg‘otmasdan qolmadi. Shu davrdan boshlab, o‘zi ham sheʼr va hikoyalar mashq qilishga kirishdi.

Uning ijodiy qiziqishlari umumiy o‘rta taʼlim maktabini tugallab, Ukrainaning Zaporojye davlat pedagogika institutida tahsil olayotgan yillarida jiddiy tus oldi. U oliy taʼlim dargohining filologiya fakultetida o‘qish bilan bir qatorda, tinimsiz ravishda sheʼrlar bitdi. Bo‘lajak ijodkor oliy taʼlim dargohidagi Ikkinchi Jahon urushi qatnashchisi, shoir Vladimir Omelchenuo rahbarligidagi adabiyot to‘garagi mashg‘ulotlariga qatnashdi, tajribali ijodkorlar ko‘magida mahorati yildan-yilga sayqal topib bordi. Doimiy ijodiy izlanishlari samarasi bo‘lgan turli sheʼrlari qardosh mamlakat davriy nashrlarida, shuning barobarida Navoiy viloyati gazetasi hamda respublika “Yoshlik” jurnalida chop etila boshlandi.

1973-yilda institutni Rus tili va adabiyoti fani o‘qituvchisi mutaxassisligi bilan tugallagan yosh mutaxassis O‘zbekistonga qaytib, dastlab, tuman va viloyat maktablarida ishladi. Shuning bilan bir qatorda, jamoatchi muxbir sifatida viloyat “Znamya drujbы” gazetasi sahifalarida o‘z badiiy ijod namunalari, jurnalistik ishlari bilan faol ishtirok etdi. Shu bois uni mazkur gazeta tahririyatiga adabiy xodim sifatida ishga qabul qilishdi. 1993-2006-yillar mobaynida gazeta sahifalarida viloyat ijtimoiy-iqtisodiy hayotiga oid qator tahliliy materiallarini eʼlon qildi. Shuning bilan birga davriy matbuot nashrining o‘z o‘quvchilari uchun yanada qiziqarli bo‘lishi yo‘lida sidqidildan mehnat qildi, doimiy ravishda o‘qib-izlandi. Shu yillar mobaynida hamda shundan keyingi yillarda ijodiy izlanishlarini biror zum ham to‘xtatmadi.

2005-yildan hozirgi davrga qadar ko‘plab kitoblarini chop ettirdi. “Mы vse s toy dalyokoy voynы”, “Kon s rozovoy grivoy”, “Tank Iskandera”, “Konimex qizg‘aldoqlari”, “Vexi sudbы”, “Zulmatni yoritgan odamlar”, “Dorogi ne imeyuщiye konsa”, “Shkola – pyedestal buduщego”, “Konimex. Yillar va odamlar” kitoblari shular jumlasidandir.

Shoir va adib asarlarining o‘quvchilari orasida nafaqat yurtdoshlarimiz, balki qardosh Qozog‘iston Respublikasi adabiyot muxlislari ham bor. Ushbu mamlakat gazeta va jurnallarida uning qalamiga mansub qator hikoyalari bosilib chiqqanligi adib ijodiga O‘zbekistondan tashqarida ham qiziqish katta ekanligidan dalolatdir.

Muxtar Sag‘atboyev ayni kunlarda ham qizg‘in ijod og‘ushida. U hayotini ijodsiz tasavvur eta olmaydi.

— Ayni paytda bitta sheʼrlar to‘plamim bosmadan chiqayapti, – deydi ijodkor, — Yana biri ham deyarli bosmaga tayyor bo‘lib qoldi.

Suhbatlashar ekanmiz, Muxtar og‘a ijodkor qadrdonlarini ham esladi.

— Hayotda ajoyib ijodkor insonlar bilan uchrashganimdan xarsandman, — deydi u. — Bugun ayrimlari hayotni tark etishgan, ayrimlari esa yonimizda. Lekin ularning barchasi qalbimizga o‘rnashgan. Ayniqsa, O‘zbekiston Yozuvchilar uyushmasi aʼzoligiga tavsiyanoma bergan Hamdam Eshonqulov, shoira Olga Panova hamda jurnalist Odil Hotamovlarni unutmayman.

2011-yilda “Konimex qizg‘aldoqlari” kitobimning so‘zboshisiga Odil Hotamovning “Nafas” nomli sheʼridan quyidagi to‘rt satrini kiritgandim:

Senga berar yo‘llarni so‘ray,

Shundoq ham ko‘p tog‘ yo‘li, ko‘ngil yo‘li.

Senga tutar gullarni qaydan teray,

Yurak ursa titrarmi oshiq qo‘li.

–        Unga kitobni ko‘rsatgandim, xursand bo‘ldi, – deydi suhbatdoshim.– Meni unutmaganingiz uchun rahmat, – dedi.

Afsuski, bugun Odil aka oramizda yo‘q. Lekin, uning xotirasi doimo yodimizda va hech qachon unutmaymiz.

Muxtar Sag‘atboyevning oilasi ham Konimex tumanidagi eng namunali xonadonlardan sanaladi. Ular, maktabda sinfdosh bo‘lgan umr yo‘ldoshi, muallimalikdan mehnat hordig‘iga chiqqan Zuhra yanga bilan besh nafar farzandni tarbiyalab, voyaga yetkazishdi. Uch nafar qizlarining to‘ng‘ichi Oyshahar ayollar sartaroshi, keyingilari Anora va Gulnoralar esa qo‘li gul tikuvchilardir. O‘g‘illari Farhod Olmaota davlat universitetining yuridik fakultetini tugallab, mutaxassisligi bo‘yicha ishlayapti. Kenjalari Muslim esa, fermer sifatida faoliyat yuritmoqda. O‘n besh nafar nevaralari ham bobo-buvilari va ota-onalari singari komil insonlar bo‘lib ulg‘ayishmoqda.

Fursatdan foydalanib, taniqli shoir, adib va jurnalist, ajoyib insonga kelgusi hayoti va ijodiy faoliyatida yangi yutuqlar tilaymiz.

Olim XO‘JAYEV,

O‘zbekiston Jurnalistlar uyushmasi aʼzosi.

OAV vakillari va blogerlar ishtirokidagi ushbu anjumanda dastlab “Navoiy suv taʼminoti” AJ direktori Otabek Zaripovning viloyat aholisini markazlashgan ichimlik suvi bilan taʼminlanish darajasi, mavjud muammolarni bartaraf etish borasida 2025-yilda amalga oshirilgan ishlar va joriy 2026-yildagi rejalar to‘g‘risidagi maʼruzasi tinglandi.

— Navoiy viloyatidagi 330 ta mahallalardan 201 tasi to‘liq va 113 tasi qisman ichimlik suvi bilan taʼminlangan, — deydi “Navoiy suv taʼminoti” AJ rahbari Otabek Zaripov. — Markazlashgan ichimlik suvi mavjud bo‘lmagan mahallalarga tashkilotning hududiy bo‘limlariga qarashli suv tashish texnikalarida tasdiqlangan reja-grafiklarga muvofiq ichimlik suvi yetkazib berilmoqda. Davlat dasturlari asosida ilk bor ichimlik suvi bilan taʼminlangan 3028 nafar isteʼmolchilar bilan shartnomalar tuzilib, billing bazaga kiritildi. Aholiga o‘z vaqtida va sifatli xizmat ko‘rsatishni tashkil etish maqsadida tizimlarni profilaktik ehtiyot ko‘rikdan o‘tkazish, joriy va mukammal taʼmirlash rejalari inshoatlar, mahallalar, ko‘chalar kesimida tasdiqlab olingan.

Shuningdek, korxona masʼullari tomonidan ichimlik va oqova suv xizmatlaridan yuzaga kelgan debitor qarzdorliklar va ularning undirilishi, o‘tkazilgan reyd tadbirlari natijasida aniqlangan noqonuniy holatlarning bartaraf etilishi, ichimlik suvi yetkazib berishdagi murojaatlarni o‘rganish natijalari xususida ham alohida qayd etib o‘tildi.

— Tadbir jarayonida “Navoiy suv taʼminoti” AJ tomonidan isteʼmolchilarga tezkor va sifatli xizmat ko‘rsatishda sohadagi qator o‘zgarish va qulayliklar, raqamlashtirish ishlari, to‘lovlarning onlayn amalga oshirilishi to‘g‘risida tegishli axborotga ega bo‘ldik, — deydi viloyat “Do‘stlik bayrog‘i” gazetasi muxbiri Zebo Qutliyeva. — Bu maʼlumotlarni ommaviy axborot vositalari orqali aholiga yetkazishimizda muhim ahamiyatga ega, albatta.

Matbuot anjumani yakunida ommaviy axborot vositalari vakillari o‘zlarini qiziqtirgan savollarga soha mutaxassislaridan atroflicha javob oldilar.

O‘zbekiston Jurnalistlar uyushmasi

Navoiy viloyati bo‘limi.

Унда Уюшма вилоят бўлими раиси Отабек Аслонов сўзга чиқиб, ўтган йил давомида журналистларни ҳар томонлама қўллаб-қувватлаш борасида олиб борилган ишлар, белгиланган вазифалар, режалар хусусида ҳисобот берди.

Шунингдек, бўлим қошидаги Кенгашларнинг йил давомида олиб борган ишлари атрофлича таҳлил этилди.

Йиғилиш давомида сўзга чиққан “Фахрий журналистлар Кенгаши” раиси Иброҳим Жумаев вилоятда ОАВ соҳасида узоқ йиллик тажрибага эга фахрий ва фаол журналистларни эъзозлаш, уларнинг ҳолидан хабар олиш, моддий ва маънавий қўллаб-қувватлашга қаратилган қатор тадбирларни амалга ошириш билан биргаликда, тизимдаги ёшларга ҳам эътибор қаратилаётгани хусусида тўхталиб ўтди.

Йиғилишда Уюшма вилоят бўлими фаолиятини янада жонлантиришда Кенгашларнинг кўмаги, қўллаб-қувватлаши зарурлиги таъкидланди.

Шундан сўнг сўзга чиққан “Журналист аёллар Кенгаши” раиси Дилфуза Гулямова, “Ёш журналистлар Кенгаши” раиси Санжар Қурбонов, “Экология масалалари Кенгаши” раиси Ўралой Турдиева ва бошқалар Уюшма вилоят бўлимини янада ривожлантиришга қаратилган ўзларининг янги таклиф ва ташаббусларини илгари сурдилар.

Ўтган йил давомида Уюшма вилоят бўлими билан самарали ҳамкорликни йўлга қўйгани, Уюшма тадбирларида ўз ғоя ва ташаббуслари билан фаол иштирок этгани ҳамда Уюшма вилоят бўлими лойиҳаларини яқиндан қўллаб-қувватлагани учун фаол Кенгаш раисилари Ўзбекистон Журналистлар уюшмаси Навоий вилояти бўлимининг "Ташаккурномаси" ва эсдалик совғалари билан тақдирланди.
Йиғилиш давомида Уюшма вилоят бўлимининг 2026 йил давомида амалга ошириши белгиланган вазифалари юзасидан ҳам келишиб олинди.

Ўзбекистон Журналистлар уюшмаси

Навоий вилояти бўлими.

Бугунги кунда юртимизда ўзини ўзи банд қилишга, оилавий тадбиркорликни ривожлантиришга алоҳида эътибор қаратилмоқда.

Фарҳод Очилов туманнинг “Навкар” маҳалласида истиқомат қилади. У маҳаллада “серқирра тадбиркор” номи билан машҳур. Унинг хонадонига киришингиз билан кўзингиз қувнаб, кайфиятингиз кўтарилади. Йўлаклар узра экилган араб аноридан тортиб, турли узум ниҳоллари эътиборингизни тортади.

У ноанъанавий бизнесга қўл урган. Тўрт фаслда ҳам тиним билмайдиган тадбиркор цитрус мевалар кўчатларини етиштириб нафақат тумандошлари, балки республикамизнинг турли ҳудудларига етказиб бермоқда.

Даставвал 2 сотихдан иборат томорқасига Хитой, Ҳиндистон давлатларидан келтирилган цитрус меваларнинг кўчат, уруғларини экиб, парваришлади. Айни пайтда биргина бананнинг 4-5 хил нави, папая, киви, мандарин етиштирмоқда. Иссиқхонада эса сон-саноқсиз кўчатлар бўй чўзмоқда.

– Банан кўчатларини ерга қадагандан сўнг 14-15 ой ўтиб секин-аста мевалари етила бошлайди, – дейди Ф.Очилов. – Баҳор, ёз ойларида ҳаво ҳароратининг иссиқ эканлиги инобатга олиниб, ҳосил мўл ва баракали бўлади. Битта банан дарахти 23-24 килограммгача, донага ҳисобласа 300-350 тагача мева бериши мумкин. Харидорлар уйдан келиб олиб кетишади. 1-2 ой олдиндан буюртма берувчилар ҳам бор. Кўчатни ҳосил бериш муддатини ҳисобга олган ҳолда экиб, парваришланса йил давомида даромад олса бўлади.

Якунланаётган 2025 йил Фарҳод Очиловнинг ҳаётида унутилмас йиллардан бири бўлди, десак адашмаймиз. Қишлоқ хўжалиги ходимлари куни муносабати билан у давлатимиз раҳбарининг “Қишлоқ хўжалиги ходимлари куни муносабати билан соҳа ривожига муносиб ҳисса қўшган юртдошларимиздан бир гуруҳини мукофотлаш тўғрисида”ги фармонига кўра, “Шуҳрат” медали билан тақдирланди. Бу унинг меҳнатига берилган юксак баҳодир.

Абдували БЎРИЕВ.

Аҳолининг, хусусан ёшларнинг молиявий саводхонлигини ошириш уларнинг ҳаётда ўз ўрнини топишида, оила бюджетини тўғри юритишда ва иқтисодий кўникмаларини оширишда муҳим ўрин тутади.

Бу борада Марказий банк томонидан бир қатор лойиҳалар амалга оширилиб, кўплаб тарғибот тадбирлари, семинар-тренинглар тайшкил этилмоқда.

Ўзбекистон Республикаси Марказий банки ташаббуси ҳамда “Uzcard” компанияси ҳамкорлигида амалга оширилаётган “Молиявий саводхонлик амбассадорлари” лойиҳаси ҳам шулар жумласидандир.

Эътироф этиш керакки, мазкур лойиҳа доирасида вилоятимизда ҳам ёшларининг молиявий билимларини ошириш борасида тизимли ишлар амалга оширилди.

Хусусан, бу жараёнда Навоий давлат университети ўқитувчиси Суҳроб Чуллиев ҳам ўзининг муносиб ҳиссасини қўшди.

Суҳроб Чуллиев 2025 йил давомида Навоий давлат университетида ёшлар ўртасида молиявий билим ва кўникмаларни оширишга қаратилган ташаббусларни қўллаб-қувватлагани ҳамда молиявий саводхонликни тарғиб қилишга муносиб ҳисса қўшгани муносабати билан Марказий банк Навоий вилояти бош бошқармаси раҳбари томонидан сертификат билан тақдирланди.

Бундан ташқари, С.Чуллиев “Техномарт” савдо марказидан маиший жиҳозлар сотиб олиш учун 3 миллион сўмлик ваучер билан рағбатлантирилди.

Ўз мухбиримиз.

Ўзбекистон Журналистлар уюшмаси Навоий вилояти бўлими ташаббуси билан бир гуруҳ Уюшма аъзолари Навоий шаҳридаги ўзбек тили ва адабиёти фанига ихтисослашган 19-умумий ўрта таълим мактабида бўлиб, истеъдодли ва иқтидорли ёшлар билан ижодий учрашув ўтказди.

Тадбирда Уюшма вилоят бўлими раиси Отабек Аслонов, Ўзбекистон Журналистлар уюшмаси аъзолари - журналист ва шоира Ўралой Турдиева, Уюшма вилоят бўлими мутахассиси Д.Сармонова ҳамда “Навоий кон-металлургия комбинати” АЖ муассислигидаги “Кончилар ҳаёти” газетаси мухбири Азамат Зарипов ва мактабнинг маънавият ва маърифат ишлари бўйича директор ўринбосари, она-тили ва адабиёт фани ўқтувчилари, ўқувчи - ёшлар иштирок этди.

Учрашув давомида О.Аслонов ёшларга журналистика соҳасининг ўзига хос жиҳатлари, мақсад ва вазифалари, касбга садоқат, бугунги кун медиа соҳасидаги жараёнлар ва уларга ёшларнинг муносабати ҳамда тил билиш ҳаётда ўз ўринларини топишларида, дунёқарашини шакллантиришида нақадар муҳим эканлиги ҳақидаги фикр-мулоҳазаларини билдирди ҳамда ижодкорнинг касбий фаолиятида ижод уйғунлиги ҳақида тушунтиришлар берди.

Шундан сўнг Навоий шаҳрида яшаб ижод қилаётган фахрий журналист Ўралой Турдиева журналистика ва блогерлик фаолиятининг фарқли жиҳатлари, назм ва насрда ижод қилишнинг ўзига хос услублари, бадиийлик, шеърни ифодали ўқиш санъати каби бадиий жараёнлар борасида ўқувчилар билан мулоқот олиб бориб, ўзининг керакли маслаҳатларини берди. Шунингдек, шеърларидан намуналар ўқиди.

Шундан сўнг, журналист Азамат Зарипов сўзга чиқиб, журналистика, публицистик адабиёт, унинг тарихий жараёнлари ҳақида тўхталиб, таниқли публицист ва таржимон Озод Шарафиддинов, Ўзбекистон халқ шоири Абдулла Орипов, Навоий вилояти адабий муҳити дарғаларидан бири бўлган Одил Ҳотамов каби таниқли журналист ва адабиёт намоёндалари, уларнинг асарлари, ҳаёти ва ижоди, ўзбек адабиёти тарихи ва матбуотимиз ривожида тутган ўрни ҳақида батафсил сўз юритди. Ёшларга кечаги кун тарихини билиш кераклигини, китобни китоб ҳолида ўқишнинг завқи ва фойдали жиҳатлари муҳимлигини уқтирди.

Шундан сўнг, мактабнинг шеъриятга, журналистика соҳасига ҳавасманд ёшлари Ирода Баҳронова, Фотима ва Зуҳра Бахтиёрова каби ҳаваскор ўқувчилари ўз ижодий машқларидан намуналар ўқиб бериш билан бирга ўқиган бадиий асарлари, улардан олган таассуротлари ҳақида ҳам сўзлаб беришди. Ёшлар ўзларини қизиқтирган адабий жараёнлар ва журналистика йўналишидаги интилувчанлик, изланувчанлик жиҳатлари борасида журналистларнинг тавсия ва маслаҳатларини тингладилар.

Тадбир сўнгида мактаб раҳбарияти журналистлар ташрифидан миннатдорлигини ва бундай ижодий мулоқотлар давом эттирилиши ёшлар маънавиятида муҳим аҳамиятга эга эканлигини таъкидлади.

Ўзбекистон Журналистлар уюшмаси

Навоий вилояти бўлими.

Марказий банк Навоий вилояти бош бошқармасида Ўзбекистон Республикаси мустақиллигининг 33 йиллиги муносабати билан “Бир бўлсак – ягона халқмиз, бирлашсак – Ватанмиз!” шиори остида маънавий-маърифий тадбир ўтказилди.

Тадбирда мустақиллигимиз берган имкониятлар, мамлакатимизда халқимиз турмуш фаровонлигини таъминлаш йўлида амалга оширилаётган ислоҳотлар, беқиёс ўзгаришлар хусусида атрофлича сўз юритилди.

Шунингдек, тадбир доирасида Истиқлолимизнинг муборак 33 йиллиги муносабати билан Ўзбекистон Республикаси Марказий банки томонидан тизимда фаолият кўрсатаётган бир гуруҳ фидойи ходимлар муносиб тақдирлангани алоҳида таъкидланди.

Эътирофли томони, улар орасида фидокорона меҳнатлари билан банк тизимини ривожлантиришга муносиб ҳисса қўшиб келаётган Марказий банк Навоий вилояти бош бошқармасининг Бухгалтерия ҳисоби, ҳисоботи ва молиявий-иқтисодий фаолият бошқармаси бошлиғи-бош бухгалтер Хуршид Рахимовнинг Ўзбекистон Республикаси Марказий банкининг “Фахрий ёрлиғи” билан тақдирлангани байрамга муносиб туҳфа бўлди.

Тадбирда Марказий банк Навоий вилояти бош бошқармаси бошлиғи Хуршид Пардаев томонидан Хуршид Рахимовга Ўзбекистон Республикаси Марказий банкининг “Фахрий ёрлиғи” тантанали равишда топширилди.

Ўз касбининг фидойиси ва жонкуяри бўлган Хуршид Рахимовни юксак эътироф билан Марказий банк Навоий вилояти бош бошқармаси ҳамда барча тижорат банклари жамоаси номидан муборакбод этамиз.

Марказий банк Навоий вилояти

бош бошқармаси Ахборот хизмати.

Юртимизда туризм соҳасида кўплаб имкониятлар яратилмоқда, хусусан, вилоятимизда маҳаллий ва хорижий сайёҳлар дам олиши учун янги дам олиш масканлари, меҳмонхоналар, шунингдек, аҳолига унутилмас саёҳатлар ташкил этиб берувчи янги сайёҳлик компаниялари фаолияти йўлга қўйилмоқда.

Мустақиллигимизнинг 33 йиллиги байрами арафасида вилоятимизда янги “Vaqt Travel” сайёҳлик компанияси ўз фаолиятини бошлади.

Маълумот ўрнида айтиш лозимки, вилоятимизда жорий йилнинг ўтган даври мобайнида 12 та туркомпания ҳамда 2 турагентлик фаолияти йўлга қўйилиб, бугунги кунда уларнинг сони 70 тага етказилди. Бу эса вилоятимиз сайёҳлик имкониятларини янада яхшилашга хизмат қилади.

* * *

Жорий йилнинг январь-июнь ойларида вилоятимизда кўчмас мулк билан боғлиқ хизматлар ҳажми 130,3 миллиард сўмни ёки улуши кўрсатилган бозор хизматлари умумий ҳажмининг 2,0 фоизини ташкил этди. 2023 йилнинг январь-июнь ойларига нисбатан ўсиш суръати 29,7 фоизга ошди.

* * *

Вилоят агросаноат мажмуи таркибидаги 13 та ташкилотларда фаолият юритаётган 80 нафар хотин-қизларга Мустақиллигимизнинг 33 йиллиги байрами муносабати билан вилоят ҳокимлигининг эсдалик совғалари тақдим этилди.

Шунингдек, хотин-қизларнинг 17 нафарига соҳага қўшган ҳиссаси, камтарона ва фидокорона меҳнати учун ташаккурномалар топширилди.

* * *

Навбаҳор туманидаги “Вомитан” маҳалласида жойлашган оилавий шифокорлик пункти мукаммал таъмирланиб, фойдаланишга топширилмоқда.

Айни пайтда мазкур шифокорлик пунктида қурилиш, реконструкция ишлари олиб борилаяпти. Таъмирлаш ишларига 1 миллиард 140 миллион сўм маблағ ажратилган.

Ушбу шифокорлик пункти кундалик 50 қатновга мўлжалланган бўлиб, жами 2722 нафар аҳолини ўз ичига қамраб олган “Армижон”, “Вомитан” маҳаллалари фуқаролари учун бирламчи тиббий хизмат кўрсатади. Шифокорлик пункти барча зарур тиббий жиҳозлар билан таъминланади. ЭКГ, замонавий лаборатория, эмлаш, кундузги стационар, муолажа хоналари аҳоли саломатлигини тиклашга хизмат қилади.

Қурилиш жараёнларига туман фаоллари ва маҳалла вакиллари томонидан жамоатчилик назорати ўрнатилган.

* * *

Мамлакатимиз мустақиллигининг 33 йиллиги муносабати билан Хатирчи туманидаги “Наврўз” маҳалласида истиқомат қилувчи хотин-қизларнинг Самарқанд шаҳрига саёҳати ташкил этилди.

Саёҳат давомида қадимий Самарқанд шаҳрининг диққатга сазовор жойлари, тарихий обидалари зиёрат қилинди.

* * *

2024 йилнинг январь-июль ойларида Навоий вилояти бўйича уюшмаган савдо товар айланмаси ҳажми 412,9 миллиард сўмни ташкил этиб, 2023 йилнинг январь-июль ойларига нисбатан ўсиш суръати 117,8 фоизни кўрсатмоқда.

Навоий шаҳридаги “Фарҳод” маданият саройида “НКМК” АЖ ташаббуси билан Ўзбекистон Журналистлар уюшмаси Навоий вилояти бўлими ҳамкорлигида “Навоий кон-металлургия комбинатида маҳаллийлаштириш дастури ижроси: ютуқ ва режалар” мавзусида оммавий ахборот воситалари ва журналистлар учун матбуот анжумани ўтказилди.

Унда соҳа масъуллари, тизимдаги ахборот хизмати ходимлари, ОАВ вакиллари, журналист ва блогерлар иштирок этди.

Дастлаб, тадбирда масъуллар томонидан “НКМК” АЖ томонидан маҳаллийлаштиришнинг асосий йўналишларидан бири – саноат маҳсулотларини ишлаб чиқариш, илмий изланиш натижалари ва замонавий инновацион технологияларни жорий қилиш орқали маҳаллий хомашё ҳамда саноат кооперацияси негизида тайёр маҳсулотлар, бутловчи буюмлар ва материаллар ишлаб чиқаришни маҳаллийлаштириш ва саноат тармоқларида кооперация алоқаларини жадаллаштириш борасида комбинатда бугунги кунда олиб борилаётган ишлар хусусида батафсил маълумотлар бериб ўтилди.

— Таъкидлаш керакки, 2000 йилдан буён ишлаб чиқариш фаолиятини маҳаллийлаштириш дастури доирасида амалга ошириб келаётган комбинатнинг эҳтиёжларини қондириш учун сўнгги уч йилда корхонанинг қувватларида 1,6 триллион сўмлик маҳаллийлаштирилган маҳсулотлар ишлаб чиқарилди ва тармоқлараро кооперация доирасида 14,2 триллион сўмлик саноат маҳсулотлари харид қилинди, — дейди “НКМК” АЖ Маҳаллийлаштириш дастурларини шакллантириш ва мониторинг қилиш бўлими бошлиғи ўринбосари Фехруз Мардонов. — 2024 йилда ҳам “Маҳаллийлаштириш дастури” асосида комбинатда 183 та лойиҳа доирасида 905 миллиард сўмлик маҳсулот ишлаб чиқариш режалаштирилган.

—     Учқудуқ туманидан келдим, анжуманда вилоятимиздаги йирик ишлаб чиқариш корхоналаридан бири бўлган комбинат фаолиятига оид жуда фойдали таассуротларга эга бўлдим, — дейди “Учқудуқ” - 24” телеграмм канали муҳаррири, “НКМК” АЖ Шимолий кон бошқармаси Ахборот хизмати ходими Лайло Маҳмудова. — Жумладан, ишлаб чиқариш эҳтиёжларини қондиришга учун маҳаллийлаштириш дастурининг афзаллиги ва натижалари, тармоқлараро кооперация алоқалари тизимини жадаллаштириш, ишлаб чиқариш ҳажмини оширишга боғлиқ лойиҳалар қиймати каби комбинат тизимидаги фаолиятимга оид қизиқарли маълумотларни олдим.

Тадбирда ОАВ вакиллари ва журналистларнинг саволларига масъуллар томонидан атрофлича жавоблар берилди.

Ўзбекистон Журналистлар уюшмаси

Навоий вилояти бўлими.

Навоий шаҳридаги “Фарҳод” маданият саройида “НКМК” АЖ ташаббуси билан Ўзбекистон Журналистлар уюшмаси Навоий вилояти бўлими ҳамкорлигида “Навоий кон-металлургия комбинатида маҳаллийлаштириш дастури ижроси: ютуқ ва режалар” мавзусида оммавий ахборот воситалари ва журналистлар учун матбуот анжумани ўтказилди.

Унда соҳа масъуллари, тизимдаги ахборот хизмати ходимлари, ОАВ вакиллари, журналист ва блогерлар иштирок этди.

Дастлаб, тадбирда масъуллар томонидан “НКМК” АЖ томонидан маҳаллийлаштиришнинг асосий йўналишларидан бири – саноат маҳсулотларини ишлаб чиқариш, илмий изланиш натижалари ва замонавий инновацион технологияларни жорий қилиш орқали маҳаллий хомашё ҳамда саноат кооперацияси негизида тайёр маҳсулотлар, бутловчи буюмлар ва материаллар ишлаб чиқаришни маҳаллийлаштириш ва саноат тармоқларида кооперация алоқаларини жадаллаштириш борасида комбинатда бугунги кунда олиб борилаётган ишлар хусусида батафсил маълумотлар бериб ўтилди.

— Таъкидлаш керакки, 2000 йилдан буён ишлаб чиқариш фаолиятини маҳаллийлаштириш дастури доирасида амалга ошириб келаётган комбинатнинг эҳтиёжларини қондириш учун сўнгги уч йилда корхонанинг қувватларида 1,6 триллион сўмлик маҳаллийлаштирилган маҳсулотлар ишлаб чиқарилди ва тармоқлараро кооперация доирасида 14,2 триллион сўмлик саноат маҳсулотлари харид қилинди, — дейди “НКМК” АЖ Маҳаллийлаштириш дастурларини шакллантириш ва мониторинг қилиш бўлими бошлиғи ўринбосари Фехруз Мардонов. — 2024 йилда ҳам “Маҳаллийлаштириш дастури” асосида комбинатда 183 та лойиҳа доирасида 905 миллиард сўмлик маҳсулот ишлаб чиқариш режалаштирилган.

—     Учқудуқ туманидан келдим, анжуманда вилоятимиздаги йирик ишлаб чиқариш корхоналаридан бири бўлган комбинат фаолиятига оид жуда фойдали таассуротларга эга бўлдим, — дейди “Учқудуқ” - 24” телеграмм канали муҳаррири, “НКМК” АЖ Шимолий кон бошқармаси Ахборот хизмати ходими Лайло Маҳмудова. — Жумладан, ишлаб чиқариш эҳтиёжларини қондиришга учун маҳаллийлаштириш дастурининг афзаллиги ва натижалари, тармоқлараро кооперация алоқалари тизимини жадаллаштириш, ишлаб чиқариш ҳажмини оширишга боғлиқ лойиҳалар қиймати каби комбинат тизимидаги фаолиятимга оид қизиқарли маълумотларни олдим.

Тадбирда ОАВ вакиллари ва журналистларнинг саволларига масъуллар томонидан атрофлича жавоблар берилди.

Ўзбекистон Журналистлар уюшмаси

Навоий вилояти бўлими.