Muzokaralarda neft-gaz sohasidagi sheriklikni yanada kengaytirish, qoʻshma loyihalarni jadallashtirish va yangi tashabbuslarni amalga oshirish masalalari muhokama qilindi.

Uchrashuvda Oʻzbekiston va Xitoy oʻrtasidagi keng qamrovli aloqalar surʼati ikki mamlakat yetakchilarining doimiy eʼtibori tufayli izchil rivojlanayotgani taʼkidlandi. Shu jarayonda “CNPC” “O‘zbekneftgaz”ning muhim hamkorlaridan biriga aylangani qayd etildi.

Tomonlar burgʻilash, geologiya-qidiruv, seysmik tadqiqotlar, konlarning gaz berish samaradorligini oshirish, raqamlashtirish, loyihalash va zamonaviy uskunalar yetkazib berish yoʻnalishlaridagi birgalikdagi natijalarini koʻrib chiqdilar. “CNPC”ga qarashli “Xibu”, “BGP”, “CCDC" va "CNLC" kompaniyalari ishtirokida amalga oshirilayotgan loyihalar sohadagi texnologik salohiyatni mustahkamlashga xizmat qilayotgani bildirildi.

Muloqotda “M-25” konidagi avariya oqibatlarini bartaraf etish ishlariga alohida eʼtibor qaratildi. Qayd etish joizi, loyiha doirasida qutqaruv quduqlarini burgʻilash rejalashtirilgan.

Shuningdek, ichki bozorni yoqilgʻi bilan barqaror taʼminlash maqsadida neft mahsulotlari yetkazib berish manbalarini diversifikatsiya qilish masalasi koʻrib chiqildi. Tomonlar uzoq muddatli yetkazib berish mexanizmlarini ishlab chiqish hamda tegishli kompaniyalar oʻrtasidagi hamkorlikni muvofiqlashtirishga tayyor ekanini bildirdilar.

Hamkorlik koʻlami kengayib borayotganini inobatga olgan holda, Toshkent shahrida “CNPC”ning doimiy vakolatxonasini tashkil etish, qoʻshma loyihalarni muvofiqlashtirish uchun zamonaviy maʼmuriy infratuzilma yaratish hamda ijtimoiy tashabbuslarni rivojlantirish yuzasidan takliflar bildirildi.

Kadrlar tayyorlash yoʻnalishida I.M.Gubkin nomidagi neft va gaz universitetining Toshkent shahridagi filialini qoʻllab-quvvatlash masalasi muhokama qilindi. Bu tashabbus tarmoq uchun yuqori malakali muhandis-texnik mutaxassislar tayyorlash va istiqbolli loyihalarning kadrlar salohiyatini mustahkamlashga qaratilgan.

Uchrashuv yakunida tomonlar oʻzaro manfaatli sheriklikni yanada chuqurlashtirish, yangi texnologik yechimlarni joriy etish va qoʻshma tashabbuslarni amaliy natijalarga yoʻnaltirishga tayyor ekanini tasdiqladilar.

"Oʻzbekneftgaz" AJ Axborot xizmati

Maʼrifiy loyiha davlat tilining nufuzini oshirish, ish yuritish madaniyatini yuksaltirish va xodimlarning yozma savodxonligini mustahkamlashga qaratildi.

Dastlabki bosqichda jamiyat tizimidagi 38 ta tashkilotning mingdan ortiq ishchi-xodimi ishtirok etib, ona tiliga hurmati va savodxonlik darajasini namoyon qildi.

Tanlovning final bosqichi “Barkamol ishchi-xodimlar forumi” doirasida tashkil etildi. Unda tizim boshqarma va tashkilotlarining saralash bosqichlarida gʻolib boʻlgan xodimlar oʻzaro bellashdi.

Final bosqichini xolis va professional baholash maqsadida Alisher Navoiy nomidagi Toshkent davlat oʻzbek tili va adabiyoti universiteti huzuridagi Davlat tilida ish yuritish asoslarini oʻqitish va malaka oshirish markazi mutaxassislari taklif etildi.

Yakuniy natijalarga koʻra, 1-oʻringa I.M. Gubkin nomidagi Rossiya davlat neft va gaz universiteti Toshkent filiali kabinet mudiri Ozoda Saipova,2-oʻringa Shoʻrtan gaz kimyo majmuasi Koʻkalamzorlashtirish tarmogʻi xodimi Zilola Xalimova, 3-oʻringa — Gazli neft va gaz qazib chiqarish boshqarmasi referent-kotibi Shohida Ramazonova loyiq deb topildi.

Gʻoliblar “Oʻzbekneftgaz” AJning diplomlari va qimmatbaho sovgʻalari bilan taqdirlandi.

Bunday tadbirlar xodimlarning imlo va adabiy til meʼyorlariga rioya etish koʻnikmalarini mustahkamlab, davlat tilida ish yuritish madaniyatini yuksaltirishga xizmat qiladi. Eng muhimi, ular ona tiliga mehr va ehtiromni kundalik faoliyatda namoyon etishga undaydi.

"Oʻzbekneftgaz" AJ Axborot xizmati

Unda tomonlar oʻrtasidagi hamkorlikni rivojlantirish, amalga oshirilayotgan loyihalar samaradorligini oshirish va istiqbolli yoʻnalishlarda hamkorlikni kengaytirish masalalari muhokama qilindi.

Muloqotda burgʻilash uskunalarini yetkazib berish jarayoniga alohida eʼtibor qaratildi. Mazkur yoʻnalishda belgilangan vazifalarni oʻz vaqtida va sifatli bajarish, shuningdek, oʻzaro kelishuvlar ijrosini taʼminlash muhimligi taʼkidlandi.

Shuningdek, Buxoro neftni qayta ishlash zavodini modernizatsiya qilishda ilgʻor xorijiy texnologiyalar va zamonaviy texnologik yechimlardan foydalanish imkoniyatlari koʻrib chiqildi. Bu borada Xitoy tajribasini oʻrganish va uning samarali yechimlarini amaliyotga tatbiq etish istiqbollari muhokama qilindi.

Tomonlar, shuningdek, energetika va neft-gaz sohasidagi qator istiqbolli loyihalar yuzasidan fikr almashib, hamkorlikni oʻzaro manfaatli asosda yanada rivojlantirishga tayyor ekanliklarini bildirdilar.

Uchrashuv yakunida mavjud kelishuvlar ijrosini taʼminlash, loyihalarni samarali amalga oshirish va hamkorlikda amaliy natijalarga erishish muhimligi qayd etildi.

“Oʻzbekneftgaz” AJ Axborot xizmati

Qayd etish joizki, Jamiyat tomonidan 2021-yil noyabr oyida London fond birjasida 700 mln AQSH dollari, 2025-yilda esa 850 mln AQSH dollari miqdorida yevroobligatsiyalar chiqargan va joylashtirgan.

Uchrashuvlarning asosiy maqsadi investorlarga kompaniyadagi oʻzgarishlarni bevosita va aniq raqamlar asosida yetkazishdan iborat boʻldi. Delegatsiya soʻnggi korporativ yutuqlar, moliyaviy va ishlab chiqarish natijalari, transformatsiya jarayonlari, neft-gaz sohasidagi tendensiyalar hamda davlat tomonidan koʻrsatilayotgan qoʻllab-quvvatlash choralari haqida batafsil axborot berdi.

Istiqbolli loyihalar taqdimoti doirasida “GTL” zavodi toʻliq quvvatda faoliyat yuritayotgani, Ustyurtdagi loyihaga esa “British Petroleum” kompaniyasi qoʻshilgani alohida taʼkidlandi.

Muloqotlar davomida investorlarga hukumat tomonidan belgilangan asosiy vazifa — gaz qazib olishni barqarorlashtirish, shuningdek, ushbu yoʻnalishda joriy yilda qabul qilingan Prezident qarorlarida nazarda tutilgan chora-tadbirlar haqida batafsil tushuncha berildi. Xususan, geologiya-qidiruv ishlarini kengaytirish, texnologik hamkorlarni jalb etish va kompaniyani bevosita moliyaviy qoʻllab-quvvatlashga qaratilgan choralarning mazmun-mohiyati hamda tarmoq oldida turgan vazifalarni tizimli hal etishdagi ahamiyati tushuntirildi.

Investorlar kompaniyaning moliyaviy natijalaridagi ijobiy dinamikani yuqori baholadi. Xususan, 2026-yilning birinchi yarmi yakunlariga koʻra tushumning 10 foizga oʻsib, 3 mlrd AQSH dollariga yetgani, EBITDA koʻrsatkichining 1,5 mlrd dollargacha koʻtarilgani hamda sof qarzning EBITDAga nisbati 3,1x barobardan 2,2x ga pasaygani moliyaviy barqarorlikni mustahkamlash va qarz yukini bosqichma-bosqich kamaytirish borasidagi samarali saʼy-harakatlar sifatida eʼtirof etildi.

Shuningdek, zaxiralar oʻsishi yillik qazib olish hajmidan yuqori boʻlgan 5 ta yangi konning ochilishi, kompaniyaning oʻz burgʻulash korxonasi tashkil etilgani va burgʻulash koʻlamining oshirilgani ishlab chiqarish salohiyatini mustahkamlovchi muhim natijalar sifatida qayd etildi.

Londondagi uchrashuvlar kompaniya uchun xalqaro investorlar bilan ochiq muloqotni davom ettirish, amalga oshirilayotgan islohotlar natijalarini koʻrsatish va kelgusi rejalarga nisbatan ishonchni mustahkamlash imkonini berdi.

"Oʻzbekneftgaz" AJ Axborot xizmati

Muloqotlar kompaniyaning asosiy moliyaviy hamkorlari bilan navbatdagi fikr va maqsadlarni muvofiqlashtirib olish imkoniyatini berdi. "O‘zbekneftgaz"ni ushbu banklarning har biri bilan kreditlash va xalqaro kapital bozorlari sohasidagi ko‘p yillik, vaqt sinovidan o‘tgan hamkorlik bog‘lab turadi.

Muzokaralar chog‘ida kompaniyaning so‘nggi korporativ yutuqlari, moliyaviy va ishlab chiqarish natijalari muhokama qilindi. 2026-yil birinchi yarim yilligi oxiridagi so‘nggi o‘n ikki oy yakunlariga ko‘ra tushum 10 foizga o‘sib, 3 mlrd dollarga yetdi, EBITDA ko‘rsatkichi esa 1,5 mlrd dollarni tashkil etdi.

Kompaniyaning qarz yuki sezilarli darajada kamaydi: sof qarz, EBITDA ko‘rsatkichi 3,1x dan 2,2x gacha pasaydi.

Qarz portfelini optimallashtirish bo‘yicha ishlar alohida muhokama qilindi. Kompaniya 385 mln dollarlik kreditlarni qayta moliyalashtirish va muddatidan oldin to‘lashni amalga oshirdi hamda yana 1,1 mlrd dollarni qayta moliyalashtirishni rejalashtirmoqda. Foiz stavkalarining pasayishi, foiz to‘lovlarining qisqarishi va qarz qiymatining arzonlashuvi hisobiga umumiy samara 83 mln dollarga baholanmoqda.

Shuningdek, banklarga O‘zbekiston Respublikasi Prezidentining qarorlari doirasida gaz qazib olishni barqarorlashtirish bo‘yicha ko‘rilayotgan choralar haqida ham ma’lumot berildi. Yil boshidan buyon 5 ta yangi kon ochildi, zaxiralar o‘sishi yillik qazib olish hajmidan oshadi, kompaniyaning o‘z burg‘ilash korxonasi tashkil etildi. Yil oxirigacha 120 ta quduqni burg‘ilash yakunlanishi kutilmoqda — bu o‘tgan yilga nisbatan ikki baravar ko‘p.

Moliyalashtirishni jalb qilish maqsadida banklarga 4 ta istiqbolli loyiha taqdim etildi: Buxoro neftni qayta ishlash zavodini Yevro-5 standartidagi yuqori oktanli benzin ishlab chiqarishga o‘tkazgan holda modernizatsiya qilish hamda GTL zavodi mahsulotlarini chuqur qayta ishlash bo‘yicha uchta loyiha. Ularning dastlabki qiymati qariyb 580 mln dollarni tashkil etadi, uning 85 foizigacha qismini kredit mablag‘lari hisobidan jalb qilish rejalashtirilgan.

Bank vakillari kompaniyada amalga oshirilayotgan islohotlar, transformatsiya jarayoni va boshqa chora-tadbirlarni yuqori baholab, ular xalqaro moliya hamjamiyatining "O‘zbekneftgaz"ga bo‘lgan ishonchini oshirayotganini ta’kidladi. Tomonlar hamkorlikni, jumladan, taqdim etilgan loyihalarni moliyalashtirish bo‘yicha birgalikdagi ishlarni davom ettirishga kelishib oldi.

"O‘zbekneftgaz" AJ Axborot xizmati

Jumladan, Ustyurt mintaqasidagi konlarga xos boʻlgan murakkab geologik tuzilish, tektonik buzilishlar, kollektorlarning notekis tarqalishi, linzasimon kollektorlarning mavjudligi hamda gaz va suv qatlamlarning bir-biriga yaqin joylashganligi burgʻilash va quduqlarni ishlatish jarayonlarida qator texnik muammolarni keltirib chiqarmoqda. Bu jarayonda geologik-texnik tadbirlar, yaʼni yangi konstruksiyadagi chuqur quduqlarni burgʻilashda zamonaviy yondashuv hamda ilgʻor texnologiyalar joriy etishni davrning oʻzi taqazo etmoqda.

Ushbu muammolarni hal etish maqsadida “Oʻzbekneftgaz AJ” AQSHning “Shlyumberje” va Xitoyning CNPC tarkibidagi “SIBU” kompaniyalari bilan hamkorlikda qiya yoʻnaltirilgan va gorizontal quduqlarni burgʻilash takliflarini oʻrganmoqda. Hozirda quduqlarni burgʻilash uchun moʻljallangan maydonlar, maqsadli qatlamlar, quduqlarning trayektoriyalari hamda yangi turdagi konstruksiyalar koʻrib chiqilmoqda.

Qayd etish joizki, zamonaviy burgʻilash amaliyotida asosiy maqsad nafaqat mahsuldor qatlamga yetib borish, balki uning eng istiqbolli qismini maksimal darajada ochish va qatlam bilan samarali gidrodinamik aloqani taʼminlashdan iborat. Bu jarayonda eng asosiy eʼtibor qiya yoʻnaltirilgan va gorizontal quduqlarni burgʻilashda geonavigatsiya, rotorli boshqaruv (RSS), trayektoriyani nazorat qilish tizimi (MWD) va burgʻilashda karotaj (LWD) kabi ilgʻor texnologiyalarni oʻz ichiga oladi.

Eʼtiborli jihati, geonavigatsiya texnologiyasi burgʻilash jarayonida geologik maʼlumotlar asosida quduq trayektoriyasini real vaqt rejimida nazorat qilish va boshqarish, shuningdek, mahsuldor qatlam chegaralaridan chiqib ketish xavfini kamaytirishga xizmat qiladi. Ushbu texnologiyalarni qoʻllash natijasida murakkab geologik tuzilishga ega mahsuldor qatlamlarni samarali ochish va uglevodorod zaxiralarini oʻzlashtirish imkoniyatlari yanada kengayadi.

Dastlabki hisob-kitoblarga koʻra, yangi texnologiyalar asosida burgʻilanadigan quduqlarda sutkalik gaz qazib olish hajmini vertikal quduqlarga nisbatan 50-60 foizgacha oshirish mumkin.

Ayni damda “Shlyumberje” kompaniyasi tomonidan quduqlarning joylashuvi, trayektoriyasi va konstruksiyalarini oʻz ichiga olgan umumiy texnik takliflar ishlab chiqilmoqda. Bular asosida kompaniya bilan hamkorlikda 3 ta quduqni qiya yoʻnaltirilgan, gorizontal va mavjud quduqdan yon oʻzan ochish orqali burgʻilash maqsad qilingan.

Shuningdek, Xitoyning top uchlikka kiruvchi CNPC korporatsiyasi tarkibidagi “SIBU” kompaniyasi tomonidan ham bu yoʻnalishda tegishli takliflar tayyorlanmoqda.

Bu choralar kelgusida burgʻilash jarayonlariga zamonaviy yondashuvlarni joriy etish orqali gaz zaxiralarini samarali oʻzlashtirish va yangi texnologiyalarni sohaga keng jalb etishga xizmat qiladi.

“Oʻzbekneftgaz” AJ Axborot xizmati

Asosiy maqsad neftni qayta ishlash sohasida qoʻllanilayotgan zamonaviy texnologiyalar, ilgʻor muhandislik yechimlari va ishlab chiqarish jarayonlarini samarali tashkil etish tajribasini oʻrganishdan iborat boʻldi.

Delegatsiya aʼzolari zavodning texnologik jarayonlari, uskunalardan foydalanish amaliyoti, ishlab chiqarish quvvatlarini boshqarish hamda mahsulot sifatini taʼminlashga qaratilgan yondashuvlar bilan yaqindan tanishdi. Shuningdek, resurslardan oqilona foydalanish, energiya samaradorligini oshirish va texnologik jarayonlarni barqaror yuritish masalalariga alohida eʼtibor qaratildi.

Ikki davlat mutaxassislari neftni qayta ishlash korxonalarini modernizatsiya qilish, ishlab chiqarish samaradorligini oshirish va ilgʻor texnologik yechimlarni amaliyotga tatbiq etish masalalari yuzasidan fikr almashdi. Muloqotlarda korxonalar faoliyatini zamonaviy talablar asosida takomillashtirishga xizmat qiluvchi tajribalar muhokama qilindi.

Oʻrganilgan tajriba Buxoro neftni qayta ishlash zavodining texnologik imkoniyatlarini rivojlantirish, ishlab chiqarish jarayonlarini yanada takomillashtirish va yuqori sifatli neft mahsulotlari ishlab chiqarishga qaratilgan istiqbolli tashabbuslarni shakllantirishda muhim ahamiyat kasb etadi.

“Oʻzbekneftgaz” AJ Axborot xizmati

Maʼlumki, bir oy avval mazkur konda burgʻilanayotgan quduqlarda amalga oshirilayotgan ishlar, yangi uglevodorod zaxiralarini aniqlashga qaratilgan loyihalar hamda burgʻilash jarayonlarining borishi Boshqaruv raisi tomonidan bevosita nazoratga olingan edi. Oʻshanda masʼullarga ishlar surʼatini oshirish, texnologik intizomga qatʼiy rioya qilish va har bir quduq boʻyicha belgilangan vazifalarni oʻz vaqtida bajarish boʻyicha tegishli topshiriqlar berilgandi.

Navbatdagi oʻrganish davomida mazkur topshiriqlar ijrosi, burgʻilash ishlarining bugungi holati hamda quduqlarni foydalanishga tayyorlash jarayonlari koʻrib chiqildi.

Ishchi guruh “Oʻzbekneftgaz” tizimi korxonalari tomonidan burgʻilanayotgan quduqlar bilan bir qatorda Xitoyning “CNPC Xibu Drilling Engineering Company Ltd” kompaniyasi tomonidan olib borilayotgan ishlar bilan ham tanishdi. Bunda burgʻilash texnologiyalari, ishlarni tashkil qilish tizimi, vaqtdan samarali foydalanish va chuqur quduqlarda ishlash boʻyicha ilgʻor yondashuvlar muhokama qilindi.

Oʻrganish jarayonida “UNG Burgʻilash” mutaxassislarining xorijiy hamkorlar bilan birgalikda chuqur quduqlarni burgʻilash, sementlash hamda murakkab geologik sharoitlarda ishlash boʻyicha xalqaro tajribani oʻzlashtirayotganiga alohida eʼtibor qaratildi. Mutaxassislar bilan muloqot davomida bilim va tajriba almashinuvini yanada kengaytirish, zamonaviy texnologiyalarni amaliyotga keng joriy etish masalalari muhokama qilindi.

Abdugʻani Sanginov har bir quduqning oʻz vaqtida va sifatli ishga tushirilishi nafaqat loyihalar samaradorligi, balki yangi zaxiralarni tezroq iqtisodiyotga jalb qilish nuqtayi nazaridan ham muhim ahamiyatga ega ekanini taʼkidladi.

Neft-gaz qidiruv ishlarida natijaga eltuvchi yoʻl, avvalo, infratuzilmadan boshlanadi. Shu nuqtayi nazardan, ishchi guruh “Qiziljar” konida quduqlarga eltuvchi 6,2 kilometrlik avtomobil yoʻli qurilishini ham koʻzdan kechirdi. Bugungi kunda yoʻlning asosiy qismi qurib tugatilgan boʻlib, soʻnggi 1,8 kilometrda ishlar davom etmoqda. Mazkur yoʻl orqali ogʻir burgʻilash texnikasi va zarur uskunalarni ish maydonlariga tezkor yetkazish, quduqlar oʻrtasida uzluksiz harakatni taʼminlash imkoniyati yaratiladi. Boshqaruv raisi qurilish sifati keyingi yillarda ham oʻzini oqlashi lozimligini taʼkidlab, yoʻlning yogʻingarchiliklar va murakkab iqlim sharoitlariga chidamli boʻlishi yuzasidan masʼullarga aniq vazifalar belgilab berdi.

Taʼkidlanganidek, Qiziljar konida olib borilayotgan ishlar yangi uglevodorod zaxiralarini aniqlash, resurs bazasini kengaytirish va mamlakat energetika xavfsizligini mustahkamlashga xizmat qiladi. Shu bois har bir jarayon doimiy nazoratda saqlanib, belgilangan rejalarning toʻliq va sifatli bajarilishi taʼminlanadi.

"Oʻzbekneftgaz" AJ Axborot xizmati

Maʼlumki, joriy yil boshida Jamiyat tizimida geologiya-qidiruv va burgʻilash ishlarini kengaytirish, yangi quduqlarni oʻz vaqtida ishga tushirish hamda uglevodorod qazib chiqarish hajmini barqarorlashtirishga qaratilgan keng koʻlamli islohotlar boshlangan edi. Ishchi guruhning Ustyurt hududidagi navbatdagi oʻrganishlari ham ushbu islohotlarning joylardagi amaliy ijrosini, barpo etilayotgan infratuzilmaning ishlab chiqarish ehtiyojlariga muvofiqligini va har bir obyektning samaradorlikka qoʻshadigan hissasini baholashga qaratilgan.

Tashrif doirasida ishchi guruh dastlab Jamiyat uchun barpo etilayotgan yangi moddiy-texnik resurslar ombori hamda “UNG Burgʻilash” MCHJ Ustyurt filiali bazasida amalga oshirilayotgan ishlar bilan tanishdi.

Qoʻngʻirot tumanida qad rostlayotgan ushbu ikki obyekt kelgusida Jamiyatning Ustyurt hududidagi ishlab chiqarish faoliyati uchun muhim tayanch nuqtaga aylanadi. Xususan, markazlashtirilgan ombor kengayib borayotgan burgʻilash maydonlarini zarur texnika, uskuna va quvurlar bilan uzluksiz taʼminlash, logistika jarayonlarini tizimlashtirish hamda taʼminotdagi ehtimoliy uzilishlarning oldini olish imkonini beradi.

Ombor qurilish jarayonini koʻzdan kechirgan Boshqaruv raisi ishlarni jadallashtirish va xarajatlarni maqbullashtirish yuzasidan aniq vazifalar belgilab berdi. Jumladan, qurilish materiallarini mahalliy tadbirkorlardan xarid qilish orqali sarf-xarajatlarni kamaytirish, shu bilan birga, hududdagi tadbirkorlik subyektlarini qoʻllab-quvvatlash boʻyicha koʻrsatmalar berildi.

Taʼkidlash joizki, joriy yil sentyabr oyi boshida Boshqaruv raisi “UNG Burgʻilash” MCHJ Ustyurt filiali bazasi qurilishiga oid dastlabki smeta hujjatlari bilan tanishib, loyihani ishlab chiqarish ehtiyojlari va iqtisodiy samaradorlik nuqtayi nazaridan qayta koʻrib chiqish boʻyicha qator takliflar bildirgan edi. Xususan, ishlab chiqarish jarayoniga bevosita xizmat qiladigan binolarni saqlab qolish, kam foydalaniladigan va ortiqcha xarajat talab etadigan inshootlarni loyihadan chiqarish vazifasi qoʻyilgandi.

Mazkur topshiriqlar asosida smeta qayta ishlanib, qurilishga yoʻnaltiriladigan mablagʻlar va binolar soni maqbullashtirildi. Navbatdagi oʻrganishlar davomida yangilangan loyiha-smeta hujjatlari ishchi guruhga taqdim etildi va maʼqullandi.

Keyingi bosqichda tasdiqlangan yakuniy loyiha asosida tender savdolari eʼlon qilinib, qurilish ishlariga kirishiladi.

Shuningdek, masʼullarga yogʻingarchilik mavsumi boshlanguniga qadar zarur qurilish materiallarini zaxiralash, ishlarni belgilangan muddatda va sifatli yakunlash boʻyicha topshiriqlar berildi.

Ushbu obyektlar foydalanishga topshirilgach, Qoʻngʻirot va Moʻynoq tumanlarida bir necha yuzlab yangi ish oʻrinlari yaratilib, mahalliy aholi bandligini taʼminlashga munosib hissa qoʻshilishi kutilmoqda.

Ayni paytda ishchi guruhning Ustyurt hududidagi oʻrganishlari konlar va ishlab chiqarish obyektlarida davom etmoqda.

“Oʻzbekneftgaz” AJ Axborot xizmati

Oddiy qilib aytganda, bu sertifikatlar “Oʻzbekneftgaz” tomonidan isteʼmol qilingan elektr energiyasining Oʻzbekiston hududida ishlab chiqarilgan qayta tiklanuvchi manbalardan olinganini rasman tasdiqlaydi. Xarid qilingan 800 mingta sertifikat 800 million kVt·soat qayta tiklanuvchi energiya ishlab chiqarilishiga teng.

Mazkur sertifikatlar qayta tiklanuvchi elektr energiyasiga taalluqli boʻlib, “Oʻzbekneftgaz” AJning “yashil” energiyadan foydalanish boʻyicha xalqaro eʼtirof etilgan mexanizmlarni joriy etish bilan bir qatorda, mamlakatimizda qayta tiklanuvchi energiya manbalarini rivojlantirish va ulardan foydalanishni ragʻbatlantirishga qoʻshadigan hissasini ham ifodalaydi.

Buning yana bir muhim jihati bor. sertifikatlarni hisobga olish natijasida 580,8 ming tonna CO₂ ekvivalentiga teng hajmda issiqxona gazlari tashlanmalari qisqartirildi.
“I-REC”(E) sertifikatlarining ahamiyati faqat ekologik koʻrsatkich bilan cheklanmaydi. Ular kompaniya isteʼmol qilayotgan elektr energiyasining kelib chiqishini hujjatlashtirish imkonini beradi. Bu esa xalqaro investorlar, xorijiy hamkorlar va reyting agentliklariga kompaniyaning "ESG" koʻrsatkichlari boʻyicha tekshirilgan va ishonchli maʼlumot taqdim etishda muhim vosita hisoblanadi.

Shu tariqa, ushbu sertifikat — kompaniyaning energiya isteʼmoli, ekologik masʼuliyati va xalqaro "ESG" talablariga moslashuvi amaliyotga koʻchganining anglatadi.

"O‘zbekneftgaz" AJ Axborot xizmati