NIZOM

Umumiy ma’lumot

O‘zbekiston Respublikasi Tabiat resurslar vazirligi 5 iyun – Butunjahon atrof-muhitni muhofaza qilish kunini nishonlash doirasida o‘tkaziladigan “Plastik ifloslanishga qarshi kurash” videorolik tanlovini (keyingi o‘rinlarda Tanlov deb yuritiladi) e’lon qiladi. Tanlov hamkorlarni jalb qilingan holda o‘tkaziladi.

Tanlov maqsadi va vazifalari

Tanlov vazifalari

1.Plastik ifloslanish muammosiga e’tiborni kuchaytirish va e’tiborni jalb qilish, plastmassaning salbiy ta’siri haqida xabardorlikni oshirish;

2.Atrof-muhitga oid yechimlarni targ‘ib qilish, plastikni qayta ishlash va kamaytirish bo‘yicha yechimlarni ilgari surishga yo‘naltirilgan targ‘ibotni rivojlantirish;

3.Ijodkorlikni qo‘llab-quvvatlash, ijodiy shaxslar va atrof-muhit haqida badiiy filmlar, hujjatli filmlar, qisqa taqdimot filmlari va videolarni yaratuvchi jamoalarni rag‘batlantirish;

4.Jamoatchilikni safarbar qilish, jamoatchilikni plastik ifloslanishga qarshi kurashga jalb qilish, harakatga chaqirish, tabiiy hududlarni plastmassadan tozalash bo‘yicha tadbirlarda ishtirok etish yoki kundalik hayotda mas’uliyatli xati-harakatlarni rag‘batlantirish;

5.Innovatsiyalarni qo‘llab-quvvatlash, plastmassa ifloslanishini kamaytirish va plastik mahsulotlarga barqaror alternativalarni yaratish uchun innovatsion g‘oyalar va texnologiyalarni aniqlash va rag‘batlantirish.

Tanlov maqsadi

1.Plastik ifloslanishga qarshi kurashish mavzusiga qaratilgan eng yaxshi ekologik videolarni ishlab chiqish;

2.Eng yaxshi videoroliklar mualliflarini rag‘batlantirish;

3.Vazirlikning ommaviy axborot vositalari bilan hamkorligini faollashtirish.

Tanlov formati

1.     Tanlovda qatnashish O‘zbekiston Respublikasi barcha fuqarolari uchun ochiq;

2.     Tanlov professional mualliflar hamda filmlar va videokliplar yaratuvchi jamoalar o‘rtasida o‘tkaziladi;

3.     2023 yil 5 iyundan 2023 yil 31 iyulgacha yaratilgan videokliplar tanlovda ishtirok etishi mumkin.

4.     Tanlov natijalari 1 sentabr kuni e’lon qilinishi rejalashtirilgan.

     Asosiy ishtirokchilar toifalari

1.     O‘zbekiston Respublikasi maktablar, litseylar va texnikumlar, shuningdek, boshqa ta’lim muassasalari o‘quvchilari;

2.     O‘zbekiston Respublikasi oliy o‘quv yurtlari, universitetlar, institutlar talabalari;

3.     1-2-toifalarga kirmagan O‘zbekiston Respublikasi fuqarolari, shu jumladan, professional studiyalar.

    Qoidalar

1.     Ijodiy ish mazmuni

Tanlov ishtirokchisi tanlangan mavzu bo‘yicha videorolikni shakllantiradi. Videoda fotosuratlar va video tasvirlar bo‘lishi mumkin. Ijodiy ish mustaqil ravishda amalga oshirilishi kerak.

2.     Videoga qo‘yiladigan talablar

-       Video vertikal ravishda o‘rnatilishi kerak.

-       Tomonlar nisbati 9:16.

-       Nutq, musiqiy hamrohlik va boshqa tovushlar, agar taqdim etilgan bo'lsa, shovqinsiz yoki boshqa tovush nuqsonlarisiz aniq eshitilishi kerak.

-       Davomiylik: 90 - 180 soniya.

Talablarga to‘g‘ri kelmagan videolafxalar tanlovdan chetlashtiriladi.

   Muhim talablar

Video tili: o'zbek, qoraqalpoq, rus, ingliz.

Video 8-10 soniyali kirish bilan boshlanishi kerak, unda ishtirokchi mavzu nomini, to‘liq ismini, ta‘lim muassasasining nomini, agar mavjud bo‘lsa, rahbarning to‘liq ismini ko‘rsatishi kerak. Videoda belgilangan tillardan birida nutq va matn hamrohligi bo‘lishi kerak. Videodagi ovozli nutq videoning umumiy davomiyligining kamida 80 foizini tashkil qilishi kerak. Videoda slaydlar, fotosuratlar va boshqa tasvirlar 6 soniyadan ortiq ko‘rinmasligi kerak. Xuddi shu video material videoda 25 soniyadan ortiq ko‘rinmasligi kerak.

    Tanlov mavzulari

Komissiya “Plastik ifloslanishga qarshi kurash” Atrof-muhit kuni mavzusiga bag‘ishlanganligini hisobga olib, tanlov uchun quyidagi mavzular toifalarini tanladi:

·        "Shaharlar hududida plastik ifloslanishi": shahar muhitida plastik ifloslanish muammosi va plastmassadan foydalanishni kamaytirish va uni to‘g‘ri yo‘q qilish bo‘yicha ko‘rilgan tashabbuslarni namoyishi;

·        "Plastik chiqindilarning inson salomatligiga salbiy ta’siri": Plastik ifloslanish va uning inson salomatligiga ta’siri o‘rtasidagi bog‘liqlikni ta’kidlang va xavflarni minimallashtirish va ekologik toza alternativlarni rag‘batlantirish yo‘llarini ko‘rib chiqish;

·        "Plastik paketlarni ishlatishni kamaytirish va qadoqlash muqobillari": Ushbu turkumda polietilen paketlar muammosi, ularning atrof-muhitga ta'siri va taklif qilingan muqobil qadoqlash materiallariga e’tibor qaratiladi. Ushbu turkumdagi videolar polietilen paketlar xavfi haqida xabardorlikni oshiradi va qog‘oz qoplar, qayta ishlatiladigan mato sumkalar va boshqa innovatsion qadoqlash echimlari kabi ekologik toza variantlardan foydalanishga e'tiborni qaratadi.

·        "Qishloq joylarda plastik ifloslanish": Qishloq joylarda plastik ifloslanish muammosini tushunish, uning tuproq, o‘simliklar va hayvonlarga ta’siri va bu muammoni hal qilishda qishloq xo‘jaligining roliga e’tiborini ko‘rsatish.

·        “Yoshlar va plastik ifloslanishga qarshi kurash”: Yosh yetakchilarning ilhomlantiruvchi hikoyalari va yutuqlariga e’tibor qaratgan holda, plastik ifloslanishga qarshi kurashda yoshlar tashabbuslari va faolligini qo‘llab-quvvatlash.

7.     Ariza va video takliflarini topshirish

Tanlovda ishtirok etish uchun ilovada belgilangan ma’lumotlarni to‘ldirib, videoni telegramm kanali https://t.me/ekologiyaTanlovBotyuborishi lozim:

·        31 - iyulgacha qabul qilinadi;

·        Komissiya a’zolari hay’ati taqdim etilgan video ishlarini Tanlov mezonlari (2-ilova) va shaxsiy fikrlariga asoslanib baholaydi.

   Tanlov yakunlari

"Tanlov natijalari 2023-yil sentabr oyining birinchi yarimida e’lon qilinadi. Eng yaxshi videoroliklar rasmiy ijtimoiy tarmoqlarda chop etiladi. Tanlovda qatnashgan ishtirokchilar 18 sentabr-dagi chiqindilarga qarshi kurash kuniga bag’ishlangan tadbirlarda mukofotlanishi rejalarshtirilgan.
Barcha kelib tushgan videolavhalardan, Vazirlik foydalanishiga, tanlov ishtirokchisi tanlovda qatnashishdan oldin roziligini beradi."

   Tanlov hay’ati

·        Tanlov hay’ati tarkibi Tabiat resursi vazirligi tomonidan shakllantiriladi;

·        Tanlov hay’ati a’zolari taqdim etilgan video ishlarini baxolagandan so‘ng, agarda biron bir video sifat va mazmun talablari k‘oniktirmasa, tanlov g‘oliblari e’lon qilinmasligi mumkin;

·        Tanlov hay’atining fikri shikoyat qilinishi mumkin emas.

Tanlovning sovrinlari va mukofotlari

Ishtirokchilarning tashabbuskorligini saqlab qolish maqsadida tanlovning barcha ishtirokchilari tanlovda ishtirok etganligi uchun sertifikatlar bilan taqdirlanadilar. Tanlovda g‘alabaga erishgan birinchi o‘rin uchun (1 g‘o‘liblik o‘rin) 25 million so‘m, ikkinchi o‘rin uchun (3-ta g‘o‘liblik o‘rin) 10 million so‘mdan jami (30 million), (5-ta g‘o‘liblik o‘rin) 5 million so‘mdan jami (25 million so‘m), g’alaba mukofoti belgilangan.

Tanlovni moliyalashtirish

O‘zbekiston Respublikasi Tabiat resurslar vazirligi, shuningdek, donor-hamkorlar mablag‘lari hisobidan amalga oshiriladi. Tanlovda barcha ishtirokchilar uchun ishtirok etish bepul.

#tanlov
#ekologiya
#qushlarniasraylik

❗️Tabiat resurslari vazirligi 1-aprel — "Xalqaro qushlar kuni" munosabati bilan ''Qushlarni asraylik'' Respublika tanlovini e'lon qiladi.

📜 Tanlov shartlari juda ham oddiy. Shinam va chiroyli qush uyasini yasang hamda g'olib bo'ling.
Tanlovda ishtirok etish uchun 👉 @uzecoilm_bot orqali ro'yxatdan o'ting va o'z iqtidoringizni namoyon eting!

🎁 Tanlov gʻoliblari diplom va esdalik sovg'alari bilan taqdirlanadi.

📣 Tanlov 30 yoshgacha bo'lgan yoshlar o'rtasida bo'lib o'tadi.

👉 Tanlov shartlari haqida batafsil ma'lumotlarni quyidagi havola orqali olishingiz mumkin: https://teletype.in/@uzecoilm/qushlarkuni

⏳ Ro'yxatdan o'tish 30-mart kuni yakunlanadi📆

Tanlov 1-aprel kuni Respublikamiz barcha hududlarining istirohat bog’lari va jamoat parklarida o'tkaziladi.

📍 Tanlovning Toshkent shahri bosqichi Botanika bog'ida bo'lib o'tadi.

❓Qo'shimcha ma'lumotlar uchun:
📞 +998996339942 va https://t.me/uzecoilm

1-aprel Xalqaro qushlar kuni munosabati bilan

“Qushlarni asraylik” tanlovini o‘tkazish tartibi to‘g‘risida

NIZOM

I. Umumiy qoidalar

1. Tabiat va qushlar olamiga qiziquvchi, qushlar uchun kreativ qush uyalari yasashga qaratilgan “Qushlarni asraylik” tanlovini (keyingi o‘rinlarda - tanlov) O‘zbekiston aholisining 30 yoshgacha qatlamini qamrab oladi. Tanlov qush uyalarini yasashda ishtirokchilarning innovatsion va kreativ g‘oyalari asosida ishlashi orqali yoshlarning qushlarga bo‘lgan munosabatini yaxshilash, hamda ularni keng ommaga taqdim etish, yoshlarni har tomonlama qo‘llab-quvvatlash maqsadida o‘tkaziladi.

Ushbu tanlov to‘g‘risidagi Nizom uni o‘tkazish shartlari, g‘oliblarni aniqlash va ularni taqdirlash tartibini belgilaydi.

2. Tanlovni o‘tkazishga Tabiat resurslari vazirligining Biologik xilma-xillik siyosatini yuritish boshqarmasi, vazirlik huzuridagi Atrof muhit va tabiatni muhofaza qilish texnologiyalari ilmiy-tadqiqot instituti va O‘zbekiston qushlarni himoya qilish jamiyati mas’ul hisoblanadi.

3. Tanlov qatnashchilar o‘rtasida kreativ va innovatsion loyiha yo‘nalishlarida ilmiy-texnik ijodkorlik va ixtirochilikni rag‘batlantirish, innovatsion faollikni oshirish hamda yangi texnologiyalar, turli ranglardan foydalangan ishini qo‘llab-quvvatlashga qaratilgan.

4. Tanlovda ishtirokchilarning loyihalarini baholash va g‘oliblarni aniqlash uchun tegishli soha mutaxassislaridan iborat, besh kishidan kam bo‘lmagan tarkibdagi tanlov komissiyasi (keyingi o‘rinlarda - komissiya) tuziladi.

5. Tanlovning yakuniy bosqichini tashkil etish va o‘tkazish bilan bog‘liq xarajatlar Tabiat resurslari vazirligining davlat budjetidan tashqari mablag‘lari hisobidan amalga oshiriladi.

II. Tanlovni o‘tkazish tartibi, muddatlari va shartlari

6. Tanlovda ishtirok etuvchi yoshlarni aniqlash maqsadida vazirlik va uning tizim tashkilotlari veb saytlari, ijtimoiy tarmoqlardagi sahifalarida e’lon berilib, 7 kun davomida ishtirokchilar ro‘yxatga olinadi.

7.Tanlov ishtirokchilarining ishlanmalarini baholash uchun komissiya aʼzolari orasidan uning raisi saylanadi.

8. Tanlovda qatnashayotgan bir yoki ko‘pi bilan uch nafargacha yoshlardan iborat jamoalar ishlanmalari komissiya tomonidan ko‘rib chiqiladi.

9. Komissiya kotibi taqdimoti o‘tkazilgan va komissiya aʼzolari tomonidan baholangan loyihalar to‘g‘risidagi maʼlumotlarni komissiyaga umumlashtirish uchun taqdim etadi.

10. Komissiya aʼzolari ishtirokchilar tomonidan o‘tkazilgan loyiha taqdimoti bilan tanishib, ob’yektiv baholash uchun lozim bo‘ladigan axborot va maʼlumotlarni oladi.

11. Tanlovda ishtirok etayotgan har bir loyihani ko‘rib chiqish bo‘yicha komissiya tomonidan ilovaga muvofiq bayon yuritiladi va komissiya aʼzolari tomonidan qo‘yilgan ballar qo‘shib umumlashtiriladi.

12. Tanlovda ishtirok etadigan loyihalar quyidagi talablarga javob berishi lozim:

- Ishlanmani amalda qo‘llay olish hamda uning ishlashini ko‘rsatib bera oladigan, u haqida tushuncha va tasavvurga ega bo‘lish uchun yetarli bo‘lgan prototipi yoki ishchi (jumladan maket) nusxasining namoyish etilishi;

- Tanlovda ishtirok etadigan ishlanmalar kreativ va innovatsion g‘oyalar asosida, qo‘l mehnati bilan ishlanganligi;

13. Tanlovda ishtirok etayotgan loyihalar bo‘yicha masʼul komissiya ishiga zarur hollarda fan, texnika va boshqa sohalardagi (ko‘rib chiqilayotgan ishlanmalar bo‘yicha xolis) mutaxassislar maslahatchi sifatida jalb qilinishi mumkin.

14.Tanlov ishtirokchilarining ishlanmalarini baholash, natijalari bo‘yicha g‘olib va sovrindorlarni aniqlash tomissiya tomonidan tanlov yakunida amalga oshiriladi.

15.Tanlov natijalari, ishtirokchilar, g‘oliblar va ularning ishlanmalari to‘g‘risidagi maʼlumotlar komissiyasining bayonida ko‘rsatiladi hamda aʼzolari tomonidan imzolanadi.

16. Natijalar Komissiya tomonidan bayon bilan tasdiqlanib, Tashkilotchining masʼul vakiliga taqdim etilganidan so‘ng, yakuniy hisoblanadi va komissiya qarori bo‘yicha Tashkilotchi izoh bermaydi.

17.Tanlov g‘oliblarini taqdirlash marosimi Tashkilotchilar tomonidan tanlov yakunida amalga oshiriladi.

18. Tashkilotchi tanlov ishtirokchilarini tanlovning talab va shartlari to‘g‘risida xabardor qiladi, tanlov yakunlari bo‘yicha g‘oliblarga xabar beradi va ularni taqdirlashni tashkil etadi.

19. Komissiya aʼzolari, Tashkilotchi va homiylik qiluvchi tashkilotlarning xodimlari tanlovda ishtirok etish huquqiga ega emas.

20. Muddatidan kech yuborilgan ishlanmalar tanlovga qabul qilinmaydi.

III. Ishlanmalarni baholash

21. Tanlovda ishtirok etish uchun ajratib olingan ishlar quyidagi mezonlar asosida, har bir mezon uchun alohida 10 ballik tizim bo‘yicha baholanadi:

- ishlanmaning innovatsion yangiligi (kreativligi va turli xil ranglardan foydalanganligi);

- ishlanma materialdan yasalganligi (yog‘och, karton, plastik va boshqalar);

- qanday qush turlariga mo‘ljallanganligi (qaldirg‘och, laylak va boshqalar);

- qush uyasida suv va ozuqa bilan ta’minlashning hisobga olinganligi;

- ishtirokchi tomonidan loyiha taqdimotining mukammalligi.

22. Tanlov ishtirokchilari komissiya aʼzolariga loyihaning ilmiy va amaliy hamda ijtimoiy ahamiyatini tushuntirib bera olishini namoyish etishi lozim.

23. G‘oliblarni aniqlashda baholash jarayoni davomida har bir ishtirokchiga komissiya a’zolari tomonidan qo‘yilgan ballar umumlashtiriladi va komissiya a’zolari soniga bo‘linadi. Eng yuqori ball to‘plagan har bir o’rin bo’yicha tegishli ishtirokchilar g‘olib deb topiladi, shuningdek homiylar tomonidan qo‘shimcha rag‘batlantiruvchi o‘rinlar berilishi mumkin.

24. Ishtirokchilar to‘plagan ballar bir xil bo‘lib qolgan taqdirda, komissiya a’zolari tomonidan ovoz berish bilan g‘olib aniqlanadi.

IV. Tanlov g‘oliblarini mukofotlash

25. Tanlovda “ENG YAXSHI INNOVATSION QUSH UYASI” yo‘nalishi boʻyicha 1, 2, 3-oʻrinlarni egallagan gʻoliblar diplom va esdalik sovg‘alari bilan taqdirlanadi.

26. Mukofot har bir loyiha uchun uning mualliflari sonidan qatʼi nazar, belgilangan qiymatda beriladi. Agar ikki va undan ortiq muallif ishtirokida yaratilgan ishlanmalar g‘oliblikni qo‘lga kiritsa, faqat jamoaga beriladi.

27. Tanlov g‘oliblarini taqdirlash bilan bog‘liq sarf-xarajatlar vazirlikning budjetdan tashqari mablag‘lari hisobidan amalga oshiriladi.

28. Homiylar taqdim etgan qimmatbaho esdalik sovg‘alari tashkilotchi yoki homiylar bilan kelishilgan tartibda g‘oliblarga, faol ishtirokchilarga (rag‘batlantiruvchi sovg‘a sifatida) topshiriladi.

29.  Tanlov to‘g‘risidagi maʼlumotlar va uning natijalari vazirlik va uning tizimidagi tashkilotlar rasmiy web-saytlari va boshqa ommaviy axborot vositalarida eʼlon qilinadi.