COVID-19 пандемияси сабаб  Республика шошилинч тиббий ёрдам илмий маркази Сирдарё вилоят филиали қошида фаолият кўрсатаётган “Саll маркази" диспетчерлари ва врачлари вилоят ҳудудидан келиб тушаётган хар бир чақириқ ва мурожаатлар сони кескин ошди.

Ўтган 2019 йилнинг биринчи ярим йиллигида ушбу марказ ходимлари аҳолидан 180777 маротаба чақириқ ва мурожаатлар қабул қилиб, уларга тез тиббий ёрдам кўрсатган бўлса, жорий йилнинг биринчи ярим йиллигида 195903 маротаба чақириқ ва мурожаатларни қабул қилиб амалий ёрдамларини беришди.

Қолаверса, ушбу хизмат ходимлари томонидан жорий йилнинг май, июнь, июль ойларида ўткир респиратор касалликка гумон қилинган 3750 нафар беморга, гипертермия синдроми билан касалланган 5440 нафар беморга гипертермия синдром билан касалланган беморларга, коронавирус инфекциясига гумон қилинган 2642 нафар беморларга ёрдам кўрсатилиб, улар белгиланган манзилларга тез тиббий ёрдам машиналари орқали етказилди.

Бундан ташқари, коронавирус инфекцияси боис Гулистон шаҳар тез тиббий ёрдам бўлимида ташкил этилган “Covid-19" call-марказини 1067 рақами орқали аҳолидан ва беморлардан коронавирус инфекциясига оид тушаётган саволларига жавоб бериш иши ҳам  йўлга қўйилди.

Сирдарё вилоят соғлиқни сақлаш бошқармаси ахборот хизмати

(СОVID-19) коронавирус инфекциясининг дунё бўйлаб шиддат билан тарқалаётганлиги, қисқа муддатларда ер юзининг 139 та мамлакатида 147 мингдан ортиқ кишиларда қайд этилганлиги сабабли, Жаҳон соғлиқни сақлаш ташкилотининг томонидан дунё бўйича “пандемия” деб эълон қилинган.
Лекин бугунги кунда Сирдарё вилояти аҳолиси орасида коронавирус инфекцияси қайд этилмади.
Ўзбекистон Республикаси Президентининг 2020 йил 29 январдаги “Ўзбекистон Республикасида коронавируснинг янги тури кириб келиши ва тарқалишининг олдини олиш юзасидан чора-тадбирлар дастурини тайёрлаш бўйича республика махсус комиссиясини ташкил этиш тўғрисида”ги Ф-5537-сонли Фармойиши ҳамда Соғлиқни сақлаш вазирлигининг 2020 йил 18 февралдаги 33-сонли буйруғини, вилоят ҳокимининг 2020 йил 31 январдаги  38-сонли қарори ҳамда Ўзбекистон Республикаси Соғлиқни сақлаш вазирилиги ҳузуридаги санитария-эпидемиологик осойишталик Агентлиги директорини 2020 йил 17 мартдаги 5-сонли қарори ижросини таъминлаш мақсадида тегишли эпидемиологик чора-тадбирлар олиб борилмоқда. Вилоят ҳудудига (СОVID-19) коронавирус инфекциясини кириб келиши ва тарқалишини олдини олиш мақсадида вилоят Фавқулодда вазиятлар бошқармасида тегишли муассасалар мутахассисларидан иборат эпидемияга қарши штаби ташкил этилди ҳамда коронавирус инфекциясини тарқалишини олдини олиш борасида барча зарур чоралар кўрилмоқда.
Бугунги кунда вилоятга хорижий давлатлар ва Тошкент шаҳардан келган жами 1018 нафари фуқаролар тиббий кузатувга олинган бўлиб, қолган фуқароларни тиббий кузатувга олиниши давом эттирилмоқда, 107 нафар соғломлаштиришга эришилди.
Шу кунгача тиббий кузатувдаги жами 46 нафар касалликка гумон қилинган фуқаролардан Республика ва вилоят санитария-эпидемиологик осойишталик маркази қошидаги вирусология лабораторияларига намуналар олинди ва ушбу юборилган намуналарда коронавирус касаллиги аниқланмади ҳамда уларни соғлом деб топилиб, тиббий назоратдан чиқарилди.  
Бугунги кунда 911 нафар тиббий назоратга олинган фуқаролардан 55 нафари юқумли касалликлар шифохонасида ва 625 нафари эса уй шароитида ҳамда Гулистон давлат университети талабалар ётоқхонасида Россия давлатидан келган 231 нафар талабалар тиббий кузатувга олинган. Уларнинг бугунги кундаги аҳволи қониқарли.
Вилоят Соғлиқни сақлаш бошқармасининг буйруғи билан вилоят коронавирус инфекциясига гумон қилинганларга тиббий ёрдам кўрсатиш учун 3 та маслаҳат гуруҳлари ташкил этилган.Маслаҳат гуруҳларига малакали врач эпидемиологи, тез тиббий ёрдам шифокори, врач инфекционист, врач реаниматолог, врач вирусолог, врач дезинфекционистлар бириктирилган.
Хусусан, вилоятнинг Қозоғистон давлати билан чегарадош бўлган Сирдарё туманидаги “Сирдарё” ва “Малек”, “Оқолтин” ҳамда Тожикистон билан чегарадош Ховос туманидаги “Ховособод” божхона постларида санитария назорат пунктлари ташкил этилган бўлиб, ушбу пунктларга малакали тиббиёт ходимлари бириктирилган. 
Вилоят, туман ва шаҳар санитария-эпидемиологик осойишталик марказларида ушбу касалликни олдини олиш юзасидан 2393 кг гипохлорид кальций, 160 кг АБК хлор актив дез воситаси, 152 та махсус кийим-бош, 35 дона зарарсизлантириш воситалари, 5000 дона ниқоблар заҳираси яратилди, вилоят божхона постларидаги санитария назорат пунктларига вилоятга кириб келаётган фуқароларни ҳароратини ўлчаш учун замонавий 5 дона пирометрлар харид қилинди ҳамда Сирдарё туманидаги “Сирдарё” санитария назорат постига тепловизор ўрнатилди.
Вилоятдаги деҳқон бозорларида, автошоҳбекатларида, 265 та умумтаълим мактабларида ва 158 та мактабгача таълим муассасаларида, Гулистон давлат Университетида, ташкилотлар ва муассасаларда коронавирус инфекциясига қарши дезинфекция ишлари олиб борилди ва дезинфекция тадбирлари давом эттирилмоқда.  
Вилоят ҳокимининг 2020 йил 10 февралдаги 3-сонли буйруғи жорий йилнинг 25 февраль куни Сирдарё туманидаги “Сирдарё” божхона постида “Янги турдаги коронавирус инфекциясини Республика ҳудудига кириб келиши ва тарқалишини олдин олишда ФВДТ раҳбар органлари, куч-воситаларининг ҳамкорликдаги ҳаракатлари” мавзусида кўргазмали ўқув машғулоти ўтказилди.
 Вилоят, шаҳар ва туманлар СЭОМ ходимлари томонидан деҳқон бозорларида, автошоҳбекатларида, 1073 та автотранспорт воситалари, 326 та умумтаълим мактабларида ва 214 та мактабгача таълим муассасаларида, Гулистон давлат Университетида, 441 та ташкилотлар ва муассасаларда коронавирус инфекциясига қарши дезинфекция ишлари олиб борилди ва дезинфекция тадбирлари давом эттирилмоқда
Вилоят, шаҳар ва туманлар СЭОМ ходимлари томонидан 26 та телевиденияда, радиода 50 та чиқиш қилинди, газетада 14 та мақолалар чоп этилди ҳамда маҳаллаларда 27900 та учрашувлар, 7868 та давра суҳбатлари олиб борилди, 33208 та эслатма материаллари тарқатилди ҳамда таълим муассасаларида 19032 та диктантлар ўтказилди ҳамда коронавирус инфекциясини олдини олиш юзасидан кенг кўламда санитария-тарғибот ишлари олиб борилмоқда.
Сирдарё вилоят санитария-эпидемиологик осойишталик маркази
Сирдарё вилоят соғлиқни сақлаш бошқармаси ахборот хизмати

19 марта 2020 от @Yangiyer

Ўзбекистон Республикаси Президенти Шавкат Мирзиёев раислигида 19 март куни коронавирус пандемиясининг аҳоли турмуш даражаси ва иқтисодиёт тармоқларига салбий таъсирини юмшатиш масалаларига бағишланган видеоселектор йиғилиши бўлиб ўтди дея хабар беради кун.уз нашри.

Бугунгишароитда саноат корхоналари, тадбиркорлар ва экспортёрлар биздан аниқ ва самарали чоралар кутмоқда. Шу боис иқтисодиётда ҳисоб-китоб қилинаётган йўқотишлар ўрнини қоплаш учун захира яратиш ва макроиқтисодий барқарорликни таъминлаш ҳукуматнинг асосий вазифаси бўлиши зарур, – деди Шавкат Мирзиёев.

• Бугунги шароитда саноат корхоналари, тадбиркорлар ва экспортёрлар биздан аниқ ва самарали чоралар кутмоқда. Шу боис иқтисодиётда ҳисоб-китоб қилинаётган йўқотишлар ўрнини қоплаш учун захира яратиш ва макроиқтисодий барқарорликни таъминлаш ҳукуматнинг асосий вазифаси бўлиши зарур, – деди Шавкат Мирзиёев.
  Бу борадаги ишларни самарали ташкил этиш мақсадида Президентимиз коронавирус пандемияси ва глобал инқирозли ҳодисаларнинг иқтисодиёт тармоқларига салбий таъсирини юмшатиш бўйича биринчи навбатдаги чора-тадбирлар тўғрисида фармон қабул қилди. Ҳужжатга асосан, Инқирозга қарши жамғарма тузилиб, унда 10 триллион сўм шакллантирилади.
  Йиғилишда фармонда белгиланган долзарб вазифаларни амалга ошириш, пандемиянинг иқтисодиётга салбий таъсирини юмшатиш масалалари муҳокама қилинди.
  Коронавирус тарқалашининг олдини олиш, шифохоналарни дори, ҳимоя ва диагностика воситалари билан таъминлаш, карантин харажатларини ўз вақтида молиялаштириш зарурлиги таъкидланди.
  Касалланганларни ўз вақтида аниқлаш ва профилактикага эътиборни кучайтириш, бунинг учун барча ҳудудий юқумли касалликлар шифохоналарини экспресс-тестлар билан таъминлаш муҳимлиги қайд этилди.
  Ҳозирги кунда 16 мингдан ортиқ фуқаролар карантинга олинган. Ички ишлар вазирлиги ва Миллий гвардияга карантин назоратини таъминлаш юклатилди.
  Коронавирус таъсири энг юқори бўлган иқтисодиёт тармоқларига солиқ таътиллари ва кредит қарзлари бўйича имтиёзлар бериш, бюджет ссудалари ажратиш юзасидан вазифалар белгиланди.
  Масалан, меҳмонхона бизнесида 90 миллиард сўмлик, транспорт-логистика соҳасида 650 миллиард сўмлик, умумий овқатланиш муассасаларида 180 миллиард сўмлик, ташқи савдо корхоналарида 3,6 триллион сўмлик кредитларни қайтариш имконияти пасаймоқда. Туристик фирма ва меҳмонхоналар ҳар бир сайёҳ учун кунига 2-3 доллардан туризм йиғими тўлаб келмоқда.
  Шу боис ушбу корхоналарнинг кредит муддатларини узайтириш, туристик йиғимлар ундиришни вақтинча тўхтатиш бўйича кўрсатма берилди.
  Давлатимиз раҳбари қайд этганидек, пандемия сабабли фаолиятини тўхтатган тадбиркорларга банклар орқали фоизсиз бюджет ссудалари ажратилади. Ҳокимларга иқтисодий қийинчиликка дуч келган корхоналардан маҳаллий солиқларни ундиришни 6 ойгача кечиктириш ваколати берилади.
  – Ҳозирги ҳолатда баъзи корхоналарнинг солиқ тушадиган базаси камайиши табиий. Лекин бу камомад нима ҳисобидан қопланиши бўйича мутасаддиларда кундалик таҳлил ва сўров бўлиши шарт, – деди Президент.

Йиғилишда аҳолини ижтимоий ҳимоялаш масаласига ҳам алоҳида эътибор қаратилди. Карантинга ёпилган муассасалар ходимлари, карантиндаги фуқаролар ва уларга қаровчиларнинг ҳуқуқларини таъминлаш, ижтимоий нафақа олувчилар сонини камида 10 фоизга ёки 60 мингтага ошириш бўйича вазифалар қўйилди.
Карантиндаги фарзандларига қараётган ота-оналарни ишдан бўшатишга мутлақо йўл қўйилмайди. Уларга вақтинча меҳнатга лаёқатсизлик нафақаси юз фоиз тўлаб берилади.
Мактабгача таълим муассасалари ва умумтаълим мактаблари фаолияти тўхтаб турган даврда тарбияланувчилар ва бошланғич синф ўқувчиларининг ота-оналарига ёки уларнинг ўрнини босувчи шахсларга йиллик меҳнат таътилидан фойдаланишнинг йиллик режасидан қатъи назар йиллик меҳнат таътили тақдим этилади.
Иқтисодий фаоллик пасайган пайтда аҳоли бандлиги масаласи алоҳида эътибор талаб этади. Шу боис Инқирозга қарши жамғармадан Жамоат ишлари жамғармасига қўшимча 200 миллиард сўм ажратилади. Ушбу маблағлар одамларни иш билан таъминлаш, бунинг учун маҳаллаларда қўшимча инфратузилма объектлари қуришга йўналтирилади. Шунингдек, Тадбиркорлик фаолиятини қўллаб-қувватлаш давлат жамғармасига 500 миллиард сўм қўшимча маблағ берилиб, иш ўринлари яратадиган бизнес субъектларга кўмаклашилади. 
Ушбу чора-тадбирларни сифатли бажариш мақсадида Бош вазир раҳбарлигида Инқирозга қарши республика комиссияси тузилиши белгиланди. Ушбу комиссия 22 мартдан бошлаб икки ой давомида ҳар бир туман ва шаҳарда коронавирусга қарши курашиш, саноат, хизмат кўрсатиш, савдо, транспорт, логистика ва бошқа корхоналарни барқарор ишлатиш масалаларини ҳал қилиб боради.
Вазирлар Маҳкамаси ҳузуридаги Давлат захираларини бошқариш қўмитасига бозорлардаги нарх-навонинг ўзгаришини кузатиб бориб, мавжуд захирадан қўшимча маҳсулотларини савдога чиқариш бўйича топшириқ берилди.

Йиғилишда муҳокама қилинган масалалар юзасидан мутасаддилар ахборот берди