1.      Мазкур низом “Энг яхши ижтимоий тармоқ” танлови (кейинги ўринларда – танлов)ни ташкил этиш ва ўтказиш тартибини белгилайди.

2.      Танловни юқори савияда ташкил этиш учун Ўзбекистон Республикаси Ёшлар ишлари агентлиги Ахборот ва медиа бўлими, Ёшлар ишлари агентлиги Тошкент шаҳар бошқармаси туман бўлимлари масъул этиб белгиланади.

3.      Танлов Ўзбекистон Республикаси Президентининг 2019-йил 27-июндаги “Оммавий ахборот воситалари мустақиллигини таъминлаш ҳамда Давлат органлари ва ташкилотлари ахборот хизматлари фаолиятини ривожлантириш бўйича қўшимча чора-тадбирлар тўғрисида”ги ПҚ-4366 сон Қарори ва 2022-йил 19-январдаги “Маҳаллаларда ёшлар билан ишлаш тизимини тубдан такомиллаштириш чора-тадбирлари тўғрисида”ги ПҚ-92-сон Қарори асосида ташкил этилмоқда.

II. Танловни ташкил этиш мақсад ва вазифалари

4.      Танловни ўтказишдан асосий мақсад – маҳаллалардаги ёшлар етакчиларининг амалга оширилган ишларини оммавий ахборот воситалари, ижтимоий тармоқларда кенг ёритиш, маҳалла ёшларини ёшлар етакчилари томонидан яратилган оммавий Telegram канал ва гуруҳлари, Instagram ва Facebook саҳифалари орқали яратилган кенг имкониятлардан мунтазам хабардор қилиб борилиш имкониятларини яратишдан иборат.

5.      Танловни ўтказишнинг асосий вазифалари қуйидагилар ҳисобланади:

• Ёшлар етакчиларининг медиасаводҳонлигини ошириш;
• Ёшлар етакчилари томонидан амалга оширилган ишларини оммавий ахборот воситаларида, жумладан, ижтимоий тармоқларда кенг ёритилишини ташкил этиш;
• Ёшларга яратилган имкониятларни маҳалла ёшларига ижтимоий тармоқлар орқали етказиб беришни ташкил этиш.

III. Танловни ташкил этиш тартиби

6.      Танлов уч босқичда ўтказилади:

1-босқич – туман босқичи

2-босқич – Тошкент шаҳар босқичи

7.      Танлов қуйидаги йўналишлар бўйича ташкил этилади:

a) Энг кўп фойдаланувчига эга ижтимоий тармоқ саҳифаси;

b) Энг кўп матнли, аудио ва видео постларни улашган (repost) ижтимоий тармоқ саҳифалари;

c) Энг фойдали контентларга эга бўлган ижтимоий тармоқ саҳифалари.

8. Танловда фақат Тошкент шаҳридаги маҳалла ёшлар етакчилари иштирок этишлари мумкин. Танловда иштирок этиш учун маҳалладаги ёшлар етакчилари маҳсус сайт-платформа орқали ўзларининг ижтимоий тармоқ саҳифалари билан рўйхатдан ўтишлари ва Телеграм канал ёки гуруҳни назорат қилиш учун маҳсус телеграм ботни ўз каналларига админстратор сифатида тайинлаши лозим.

9. Рўйхатдан ўтишда ёшлар етакчилари томонидан танловга киритиладиган ижтимоий тармоқлар Instagram учун 1 та, Facebook 1 та, Telegram 1 тадан ошмаган саҳифалар, канал ёки гуруҳ бўлиши лозим. Ёшлар етакчиси рўйхатдан ўтишда танловга киритилган ижтимоий тармоқ саҳифасида эгалик ҳуқуқи бўлиши ва ижтимоий тармоқ саҳифаси Ёшлар етакчилари лавозими жорий қилинган санадан кейин, яъни 2022-йилнинг 19-январь ёки ундан кейинги саналарда очилган бўлиши лозим.

10. Рўйхатдан ўтишда танловга киритилган ижтимоий тармоқлар фойдаланувчилар сони 30 нафардан ошган бўлиши лозим.

11. Танлов давомида Ёшлар ишлари агентлиги Тошкент шаҳар бошқармасининг расмий ижтимоий тармоқларидан улашилган контентларда саҳифа муаллифлиги кўринган ҳолда бўлиши лозим.

12. Ёшлар етакчиларининг ижтимоий тармоқдаги саҳифасига ёшларни аъзо бўлиш жараёнида сохта фойдаланувчилар, турли ботлардан иборат аудитория жалб қилиш таъқиқланади. Бундай ҳолат аниқланганда танловда иштирок этаётган ёшлар етакчисининг тўплаган баҳолари ноллаштирилади ва танловдан четлатилади.

13. Танловда иштирок этадиган ёшлар етакчилари фақат ўз маҳалласи ёки туманидаги ёшларга оид Давлат сиёсатини тарғиб қиладиган, маҳалладаги ёшларга оид янгиликлар, тадбир, танловлар ҳақида эълонлар бериб борувчи оммавий каналлари билан қатнаша олади. Танловда шахсий блогерлик каналлари билан қатнашиш мумкин эмас.

14. Танловда фақатгина оммавий ҳаволага эга бўлган ва хавфсизлик созламалари бўйича очиқ бўлган саҳифалар, каналлар ва гуруҳлар иштирок этиши мумкин. Ёпиқ бўлган ва фақатгина админстраторлар рухсати ва ёпиқ ҳаволаси билан аъзо бўлиш мумкин бўлган гуруҳ, канал, саҳифалар танловда иштирок эта олмайди.

15.  Энг кўп фойдаланувчига эга бўлган саҳифаларни баҳолаш тартиби:

15.1. 50 нафардан 100 нафаргача фойдаланувчига эга ижтимоий саҳифалар учун қуйидагича баҳоланади:

a) Telegram каналлари: 10 балл

b) Telegram гуруҳлари: 5 балл

c) Facebook саҳифаси: 10 балл

d) Instagram саҳифаси: 10 балл

15.2. 100 нафардан 500 нафаргача фойдаланувчига эга ижтимоий саҳифалар учун қуйидагича баҳоланади:

e) Telegram каналлари: 15 балл

f) Telegram гуруҳлари: 10 балл

g) Facebook саҳифаси: 15 балл

h) Instagram саҳифаси: 15 балл

15.3. 500 нафардан 1 000 нафаргача фойдаланувчига эга ижтимоий саҳифалар учун қуйидагича баҳоланади:

i) Telegram каналлари: 20 балл

j) Telegram гуруҳлари: 15 балл

k) Facebook саҳифаси: 20 балл

l) Instagram саҳифаси: 20 балл

15.4. 1 000 нафар ва ундан ортиқ фойдаланувчига эга ижтимоий саҳифалар учун қуйидагича баҳоланади:

m) Telegram каналлари: 25 балл

n) Telegram гуруҳлари: 20 балл

o) Facebook саҳифаси: 25 балл

p) Instagram саҳифаси: 25 балл

16. Энг кўп улашилган матнли, аудио-видео контентлар сўровномаларни баҳолаш тартиби:

q) Telegram каналлари учун ҳар бир улашилган контентга 10 балл

r) Telegram гуруҳлари учун ҳар бир улашилган контентга 5 балл

s) Facebook саҳифаси учун ҳар бир улашилган контентга 10 балл

t) Instagram саҳифаси учун ҳар бир улашилган контентга 10 балл

17.  Энг фойдали матнли, аудио-видео контентлар сўровномаларни баҳолаш тартиби:

u) Telegram каналлари учун ҳар бир фойдали контентга 5 балл

v) Telegram гуруҳлари учун ҳар бир улашилган контентга 2.5 балл

w) Facebook саҳифаси учун ҳар бир улашилган контентга 5 балл

x) Instagram саҳифаси учун ҳар бир улашилган контентга 0.7 балл

18. Танловнинг туман босқичида энг кўп балл тўплаган 3 нафар жами 12 та тумандан 36 нафар ёшлар етакчилари Тошкент шаҳар босқичига йўл олади.

19. Танловнинг Тошкент шаҳар босқичида энг кўп балл тўплаган 36 нафардан 3 нафари ғолибликни қўлга киритади.

IV. Танловга ҳакамлик қилиш тартиби

20  Танловни баҳолаш ва адолатли ўтиши юзасидан ҳакамлар ҳайъати таркибига белгиланган тартибда Ёшлар ишлари агентлиги Тошкент шаҳар бошқармаси ахборот ва медиа бўлими, Ёшлар ишлари агентлиги туман бўлимлари раҳбарлари киритилади. Натижаларни кўриб чиқиш бўйича фойдаланувчилар, улашилган постлар сони махсус яратилган аналитик бот орқали амалга оширилади, саҳифада ёритилган мақола ва аудио, видео материалларнинг сифати ҳакамлар ҳайъати томонидан баҳоланади.

21.  Танловни баҳолаш ва адолатли ўтиши юзасидан ҳакамлар ҳайъати таркибини шакллантириш Ўзбекистон Республикаси Ёшлар ишлари агентлиги Тошкент шаҳар бошқармаси масъул ҳисобланади.

V. Танловни мувофиқлаштириш тартиби

22.  Танловни ҳар бир босқичини ташкил этиш юзасидан Ёшлар ишлари агентлиги Тошкент шаҳар бошқармаси Ахборот ва медиа бўлими ва туман бўлимлари раҳбарлари махсус ҳисобловчи-таҳлил қилувчи (аналитик) сайт-платформалардан фойдаланади.

VI.Танлов ғолиб ва совриндорларини аниқлаш ва тақдирлаш тартиби

23.  Танловнинг ғолиб ва совриндорлари қуйидаги тартибда аниқланади:

• энг кўп фойдаланувчига эга бўлган ижтимоий тармоқ саҳифалари, оммавий канал ва гуруҳлар;
• энг кўп контент улашилган ижтимоий тармоқ саҳифалари, оммавий канал ва гуруҳлар;
• энг сифатли контент жойлаштирилган ижтимоий тармоқ саҳифалари, оммавий канал ва гуруҳлар;

24.  Танловнинг Тошкент шаҳар босқичда учта тоифа бўйича 1-2-3-ўринни эгаллаган ёшлар етакчиларига қуйидаги совғалар тақдим этилади:

1-ўрин учун (тоифадан қатъий назар) – Iphone 13 pro max

2-ўрин учун (тоифадан қатъий назар) - Samsung Galaxy A 72

3-ўринлар учун (тоифадан қатъий назар) – Smart soat

25.  Танловда фаол иштирок этган барча ёшлар етакчилари ҳакамлар, раҳбарлик қилувчи ва хизмат кўрсатувчи ходимларга Ташкилий қўмита томонидан ва ҳомий ташкилотлар томонидан танлов номинациялари бўйича (ғалабага бўлган иродаси учун, танловни ўтказишдаги фаол иштироки учун, сифатли контентларни тарқатилишидаги муносиб ҳиссаси учун) алоҳида совғалар тақдим этилиши мумкин.

VII.Якуний қоидалар

26.  Танлов иштирокчилари томонидан Низом талаблари бузилган ҳолларда, танловда иштирок этаётган ушбу иштирокчининг натижаси бекор қилиниб, иштирокчи мусобақадан четлаштирилади.

27.  Танловнинг барча босқичлари оммавий ахборот воситалари фаолиятини тизимли йўлга қўйишга қаратилган қонун, фармон ва қарорлар асосида ҳаракатдаги амал қилаётган халқаро қоидалар асосида ташкил этилади.

28.  Танловни ўтказиш юзасидан Низомга ўзгартириш ва қўшимчалар киритилиши мумкин.

29.  Мусобақа оммавий ахборот воситаларида кенг ёритиб борилади.

1.1. Mazkur Nizom «VikiStipendiya» marafoni doirasidagi “Vikipediya oromgohi”ning (keyingi o‘rinlarda Oromgoh deb yuritiladi) o‘tkazish tartibini belgilaydi:

1.2. Ushbu Oromgohdan asosiy maqsad Vikipediya onlayn ensiklopediyasida o‘zbek tilidagi maqolalar sonini oshirish.

1.4. Oromgohni yuqori saviyada o‘tkazish uchun O‘zbekiston Yoshlar ishlari agentligi masʼul tashkilot etib belgilanadi.

1.5. O‘zbekiston Respublikasida istiqomat qilayotgan millati, dini, ijtimoiy kelib chiqishi va tilidan qatʼiy nazar barcha fuqarolar Oromgohda ishtirok etish huquqiga ega.

1.6. Tashkiliy qo‘mita Oromgoh nizomiga o‘zgartirish va qo‘shimchalar kiritish vakolatiga ega.

2. Oromgohning maqsad va vazifalari

2.1. Mazkur Oromgoh Vikipediya onlayn ensiklopediyasida o‘zbek tilidagi maqolalar sonini oshirish maqsadida tashkil etiladi.

2.2. Oromgohni tashkil etish orqali quyidagi vazifalar bajarilishi ko‘zda tutiladi:

– Vikipediya onlayn ensiklopediyasida o‘zbek tilidagi maqolalar sonini oshirish;

– Jamiyatimizdagi aktual mavzularni Vikipediyada muntazam yoritib borish;

– Vikipediyada sifatli maqola yaratuvchi volontyorlar sonini oshirish;

– Vikipediyada maqola yaratuvchi foydalanuvchilarning tajribasini oshirish.

3. Oromgohni tashkil etish va o‘tkazish tartibi

3.1. Oromgohni tashkil etish va uni o‘tkazish vazifasi Yoshlar ishlari agentligi zimmasiga yuklatiladi. Yoshlar ishlari agentligi:

– Oromgohni o‘tkazish borasida qaror qabul qiladi;

– Oromgohning asosiy bosqichlari va tartib-qoidalari haqida ishtirokchilarni xabardor qiladi; – Barcha ishtirokchilar uchun teng sharoitlarni yaratadi;

– Oromgohni o‘tkazish borasida oshkoralikni taʼminlaydi;

– Muddatidan oldin Oromgohga saralash natijalari haqida maʼlumotlar tarqalishining oldini olish choralarini ko‘radi;

– Oromgoh ishtirokchilari o‘rtasida yuzaga keladigan nizolarni hal etadi;

– Mazkur Nizomga asoslangan holda Oromgohning o‘tkazilishini tashkil etadi.

3.2. Saralash:

– Oromgohda ishtirok etishni istovchilar eʼlon qilingan manzilga kirib anketa to‘ldirishlari kerak.

– Oromgohda ishtirok etishni istovchilar Vikipediyaning o‘zbek tilidagi bo‘limida ro‘yxatdan o‘tgan va saralash jarayonlari boshlangandan yakuniga qadar ikkita nufuzli manbaga ega 10 dona maqola yaratgan bo‘lishi shart.

– Maqolalar ensiklopedik ahamiyatga ega va Vikipediya qonun-qoidalariga mos tarzda yaratilishi kerak. Bu talablarga javob bermaydigan maqolalar o‘chiriladi.

– o‘chirilgan maqolalar hisoblanmaydi. Bu holatda maqolalar soni 10 ta deb hisoblanmaydi va ishtirokchi saralashdan chiqariladi.

– Anketada foydalanuvchi sahifasining havolasini kiritmagan va notebook yo‘q deb belgilagan ishtirokchilar saralashda qatnasha olmaydi.

3.3. Tashkil etilishi:

– Oromgoh Bo‘stonliq tumanida joylashgan yoshlar oromgohida 6 kun davomida tashkil etiladi.

– Saralashdan o‘tgan ishtirokchilarning barcha xarajatlari tashkilot tomonidan qoplab beriladi (Viloyatdan keladigan ishtirokchilarning Toshkent shahriga kelish va qaytish xarajatlari bundan mustasno).

4. Oromgohning moliyalashtirish manbalari

4.1. Oromgohni o‘tkazish bilan bog‘liq sarf-xarajatlar quyidagi manbalar hisobidan:

– Davlat byudjeti mablag‘lari;

– Qonun hujjatlarida taqiqlanmagan boshqa manbalar hisobidan moliyalashtiriladi.

«Yosh kitobxon» tanlovi 2017-2021-yillar orasida 3 milliondan ortiq yoshlarni qamrab olgan. Birgina 2021-yilgi mavsumida qariyb 555 ming nafar yoshlar roʻyxatdan oʻtib, tanlovda ishtirok etishgan. Koʻproq ma’lumotlar yuqoridagi albomda keltirilgan.

Bugun, 16-maydan boshlab «Yosh kitobxon» tanlovining 2022-yilgi mavsumiga @yoshkitobxon_bot Telegram boti orqali roʻyxatdan oʻtish boshlandi. Arizalar qabuli 1-sentabrga qadar mazkur bot orqali davom etadi.

Eslatib oʻtaman, tanlovda respublika bosqichiga chiqqan har bir ishtirokchi pul mukofotlari bilan, 1-oʻrin sohibi esa Prezident sovgʻasi — “Spark” avtomobili bilan taqdirlanadi. Shuningdek, joriy yildan tanlovning viloyat bosqichida yuqori natijaga erishgan yoshlarni ham taqdirlashni rejalashtiryapmiz.

«Yosh kitobxon»da ishtirok etish uchun qaysi kitoblarni oʻqish kerak? #yoshkitobxon

«Yosh kitobxon» tanlovi 3 ta yosh toifasida — 10-14 yosh, 15-19 yosh va 20-30 yosh toifasida oʻtkaziladi. Yuqoridagi rasmlarda tanlovning yangi mavsumida ishtirok etish istagida boʻlgan yoshlar oʻqishi lozim boʻlgan kitoblar roʻyxati e’lon qilinmoqda.

Oxirgi yillarda biz inson salomatligi naqadar qadrli ekanligini va tibbiyot sohasini muhimligini tushunib yetdik.

Davlatimiz rahbari tomonidan tibbiyotning har bir yo‘nalishi alohida muhokama qilib, tegishli qarorlar qabul qilinmoqda.

“Ochiq muloqotdan” keyin 10 ta farmon va qarorlar qabul qilindi.

Joriy yil 1 yanvardan boshlab Bolalar gematologiya va onkologiya markazi faoliyatini boshladi.

Bir yil oldingi holatni eslaydigan bo‘lsak:

- poliklinika va stasionar xizmat kattalarga ham bolalarga ham bir joyda ko‘rsatilgan.

- 15 kv.metrli xonada 3-4 ta bemor yotgan.

- dori ta’minoti 20-30 foizdan oshmagan.

Bugun, Bolalar uchun alohida markaz tashkil etilib, o‘rinlar soni 85 tadan 160 taga yetkazildi.

Markazning yangi binosida bemor bola va uning ota-onasiga alohida shart-sharoitlar yaratib berildi.

Markazga 14 turdagi asbob-uskunalar yetkazib berildi va yil yakunigacha 67 turdagi jihozlar bilan ta’minlanadi.

Gematologiya xizmati uchun faqatgina dori-darmon uchun ajratilgan mablag‘ qariyb 60 baravar oshib, 170 milliard so‘mga yetdi.

40 o‘rinli “Mehrli maktab” tashkil qilindi va 1-11 sinf o‘quvchilariga 12 ta fan va qo‘shimcha to‘garaklarda ta’lim berilmoqda.

Bugungi kungacha markazda davolanayotgan bolalardan 92 nafariga ta’lim berildi.

Shuningdek 78 nafar 2-7 yoshgacha bolalarga “Ilk qadam” bog‘chasida tarbiyalandi.

Shu bilan birga, bolalarimizda onko gematologik kasalliklarni va boshqa nasldan naslga o‘tadigan xolatlarni oldini olishda va ularni erta aniqlashda xali ancha ishlar qilishimiz kerak. Bola sog‘lom tug‘ilishi va rivojlanishi uchun avvalom bor ona sog‘lom bo‘lishi kerak.

Shuning uchun xam “Onalik va bolalikni muhofazasi” tibbiyotni eng ustivor yo‘nalishlaridan biri hisoblanadi.

Bu yo‘nalishda poytaxtda joylashgan polikliniklarda bolalar bo‘limlari alohida tashkil etildi.

Har bir tuman-shaharlarda “Ayollar maslahatxonasi”, tug‘ruq komplekslari va perinatal markazlarda har yili 250 mingdan ziyodhomiladorlarga tibbiy xizmat ko‘rsatiladi va ularning yagona elektron bazasi yaratildi.

Natijada, oxirgi besh yil davomida onalar go‘daklar o‘limi ko‘rsatkichlari sezilarli kamaydi.

Amalga oshirilgan ishlar bilan bir qatorda hali oldimizda o‘z yechimini kutayotgan masalalar ham bor. Jori yilda tibbiyot muassasalarining moddiy texnika bazasini mustahkamlash uchun quyidagi ishlar amalga oshirildi:

Investisiya dasturi asosida Toshkent shahri hududida joylashgan 19 ta tibbiyot muassasalari ob’yektlariga
350,2 mlrd.so‘m ajratilgan.

Shundan Respublika tasarrufidagi Sog‘liqni saqlash -9 ta ob’yektiga -215,2 mlrd.so‘m, Toshkent shahar Sog‘liqni saqlash bosh boshqarmasi muassasalariga - 10 ta ob’yektga -135,0 mlrd.so‘m.

Tibbiyot muassasalrining moddiy texnika bazasini mustahkamlash uchun quyidagi ishlar amalga oshirildi:

Toshkent shahrida qon donorligini targ‘ib qilish, “Qon preparatlari” IICHK faoliyatini rivojlantirish va zarur texnika bilan ta’minlash maqsadida, 1 ta mobil brigada (“Isuzu”avtobusi negizida) faoliyati yo‘lga quyildi;

Tez tibbiy yordam tizimidagi barcha “Damas” rusumli va boshqa eskirgan mashinalarni zamonaviy avtomobillarga almashtirish uchun 50 ta yangi maxsus avtomashina va reanimobillar xarid qilish belgilandi;

- Respublika ixtisoslashtirilgan onkologiya va radiologiya ilmiy-amaliy tibbiyot markazi Toshkent shahar filiali (Shahar onkologiya dispanseri) Xalqaro atom tashkiloti bilan UZB/6/008 loyixasi bo‘yicha Terabalt SSD80 va Multisourse Bebig HDR nur beruvchi apparatlarini texnik holatini ish faoliyatida ushlab turish uchun 2,6 mlrd.so‘m ajratildi;

- Shahar 7-son klinik shifoxonasi uchun 3,47 mlrd.so‘mlik
9 turdagi zamonaviy asbob-uskunalar bilan jihozlandi va klinik shifoxonasida davolanayotgan bemorlarga qulay shart-sharoit yaratish maqsadida 1 dona lift o‘rnatilishi uchun 501,5 mln.so‘m ajratildi;

- Toshkent shahridagi 7 ta tug‘ruk komplekslarini moddiy-texnik bazasini rivojlantirish maqsadida mahalliy byudjet hisobidan 8,2 mlrd.so‘mlik 95 dona tibbiy-asbob uskunalar bilan jihozlashni yakuniga yetkaziladi.

Toshkent shahar hokimi J.Artikxodjayev.

Shu maqsadda, mamlakatimizda, jumladan, poytaxtimizning barcha mahallalarida saylangan yoshlar yetakchilari tomonidan turli xil ma’daniy-ma’rifiy tadbir va tanlovlar, sport musobaqalari, ko‘ngilochar tadbirlar o‘tkazilib kelinmoqda. Bundan tashqari yoshlarning bandligini ta’minlash ularni ilm olishiga kasb-hunar o‘rganishiga o‘z tadbirkorligini boshlashiga ko‘maklashish maqsdadia "Yoshlar daftari" jamg‘armasi orqali qo‘llab-quvvatlanmoqda.

Jumladan, Shayxontohur tumanidagi mahalladagi yoshlar yetakchilari tomonidan uyma-uy yurgan holda “Yoshlar balansi” hamda “Yoshlar daftari” shakllantirilib, 16-30 yoshdagi 57 ming nafar yoshlar ro‘yxatga olindi. Shu kunga qadar, yoshlar yetakchilari tomonidan yordamga muhtoj 220 nafar yoshlarga amaliy yordam ko‘rsatildi.

Shuningdek, Shayxontohur yoshlarining muammo va takliflarini hal etish maqsadida Toshkent shahar prokurori tashabbusi bilan joriy yilning 6 iyun kuni ishchi guruhlar shakllantirildi. Hozirgi kunda ishchi guruh tomonidan 25 ta mahalla o‘rganilib, 564 nafar yoshlar bilan muloqot qilindi hamda 54 nafar yoshlar muammolari hal etildi.

23-iyun kuni ham poytaxtimizdagi "Navro‘z" istirohat bog‘ida yuqorida aytilgan amaliy chora – tadbirlar natijasi va namunasi sifatida “Prokuror va yoshlar uchrashuvi” o‘tkazildi. Uchrashuvda Toshkent shahar prokurori Ulug‘bek Qosimov, Toshkent shahar hokimi o‘rinbosari Durdona Raximova, Yoshlar ishlari agentligi Toshkent shahar boshqarmasi boshlig‘i Abdulaziz Nazirov, Shayxontohur tuman sektor rahbarlari, Shayxontohur tumanidagi yoshlar yetakchilari hamda 2 000 ga yaqin yoshlar ishtirok etdi.

Uchrashuvga tashrif buyurgan yoshlar uchun “Vatanparvar” DUK avtomashinalar ko‘rgazmasi, simfonik orkestr chiqishlari, gitara cholg‘usi ustalaridan mahorat darslari, rassomlarning ijodiy ishlari ko‘rgazmasi, sportning kurash hamda taekvondo turlari bo‘yicha namoyishlar, kitobxon yoshlar uchun kitoblar yarmarkasi, kibersport o‘yinlari, shaxmat va shashka bo‘yicha musobaqalar namoyish qilindi.

Shundan so‘ng, bitiruvchi hamda iqtidorli yoshlar bilan savol javoblar o‘tkazildi. Qizg‘in o‘tgan savol – javoblarda Toshkent shahar prokurori hamda Shayxontohur tumani sektor rahbarlari yoshlarning savollariga javob berar ekan, o‘zlarining maslahatlari va takliflarini ham berib o‘tishdi.

Uchrashuv davomida, yoshlarimizni moddiy hamda ma’naviy taraflama qo‘llab-quvvatlash, bandligini ta’minlash maqsadida 21 nafar Shayxontohur tumani yoshlariga “Yoshlar daftari” jamg‘armasi orqali ajratilgan mehnat qurollari va asbob-uskunalari, jumladan 12 nafar yoshlarga axborot texnologiyalari va dasturlash ishlarini amalga oshirishi uchun zamonaviy noutbuklar, 9 nafar yoshlarga esa tikuvchilik faoliyatini amalga oshirish uchun tikuv mashinalari Toshkent shahar prokurori Ulug‘bek Qosimov tomonidan o‘z egalariga topshirildi.

Shundan so‘ng, yoshlarni bo‘sh vaqtlarini mazmunli o‘tkazish hamda bandligini ta’minlashda namuna bulayotgan yoshlar yetakchilarining bir zamonaviy mobil telefonlar bilan taqdirlandi. Besh tashabbus olimpiadasi doirasida tashkil etilgan voleybol, kibersport, zukko kitobxon musobaqa va tanlovlarining tuman bosqichida g‘oliblikni qo‘lga kiritgan yoshlarimizga ham qimmatbaho sovg‘alar topshirildi.

Uchrashuv yakunida esa yoshlarimiz uchun taniqli san’atkorlar ishtirokida yakuniy gala konsert namoyish etildi.

Xo'sh, qaror bo'yicha 2022-2023-o'quv yilidan qanday o'zgarishlar mavjud? Qabul kvotalari qanday bo'ladi. Shu haqda to'xtalamiz.

Qarorga ko'ra:

• 2022/2023-o'quv yilidan boshlab davlat oliy ta’lim muassasalarida ularning imkoniyatlaridan kelib chiqqan holda bakalavriat ta’lim yo‘nalishlari bo‘yicha masofaviy ta’lim shakli joriy etiladi.
• davlat oliy ta’lim muassasalari magistraturasiga qabul abituriyentning bakalavriat diplom bali o‘rtacha ko‘rsatkichi hamda xorijiy tilni bilish darajasi bo‘yicha tegishli milliy yoki xalqaro sertifikat bali asosida, ballar ketma-ketligiga qat’iy rioya qilgan holda amalga oshiriladi hamda qo‘shimcha imtihon o‘tkazilmaydi;
• davlat oliy ta’lim muassasalari magistraturasiga qabul bir yilda ikki marta – avgust va yanvar oylarida tashkil etiladi. Bunda:

1. avgust oyidagi qabul – navbatdagi o‘quv yili uchun tasdiqlangan davlat granti va to‘lov-kontrakt asosidagi hamda moliyaviy mustaqillik berilgan oliy ta’lim muassasalarining kuzatuv kengashlari tomonidan tasdiqlangan to‘lov-kontrakt asosidagi qabul parametrlariga muvofiq;
2. yanvar oyidagi qabul – dastlabki qabul natijalariga ko‘ra to‘lmagan o‘rinlar hamda Davlat komissiyasi tomonidan tasdiqlangan qo‘shimcha to‘lov-kontrakt asosidagi qabul parametrlariga muvofiq amalga oshiriladi;

• 20022/2023 o‘quv yili uchun davlat OTMlariga o‘qishga qabul qilishning davlat buyurtmasi parametrlari quyidagicha tasdiqlandi:

Bakalavrlar tayyorlash bo‘yicha:

• kunduzgi ta’lim shakliga – 77 477 nafar;
• sirtqi ta’lim shakliga – 26 095 nafar;
• kechki ta’lim shakliga – 3 725 nafar;
• masofaviy ta’lim shakliga – 3 410 nafar;
• b) magistrlar tayyorlash bo‘yicha – 10 688 nafar.

Moliyaviy mustaqillik berilgan davlat OTMlarining kuzatuv kengashlariga hamda qabul parametrlarini Vasiylik kengashi qarori bilan tasdiqlash vakolati berilgan oliy ta’lim tashkilotlariga tegishli qabul parametrlarini 2022 yil 20 iyunga qadar tasdiqlash tavsiya etilgan.

• Prezidentning tegishli qaroriga asosan, davlat oliy ta’lim muassasalariga qabul jarayonida abituriyentlarni onlayn ro‘yxatdan o‘tkazish Yagona interaktiv davlat xizmatlari portali va Davlat test markazining rasmiy veb-sayti orqali har yili 20 iyundan 20 iyulga qadar (20 iyul kuni ham), chet tili fanidan kasbiy (ijodiy) imtihon o‘tkaziladigan bakalavriat ta’lim yo‘nalishlari bo‘yicha esa 10 iyulga qadar (10 iyul kuni ham) amalga oshiriladi.

Joriy yildan boshlab davlat OTMlari magistraturasiga qabulda mutaxassislik fanidan imtihon bo‘lmaydi.

Faqat abituriyentning bakalavriat diplom bali o‘rtacha ko‘rsatkichi hamda xorijiy tilni bilish darajasi bo‘yicha tegishli milliy yoki xalqaro sertifikat bali asosida, ballar ketma-ketligiga qat’iy rioya qilgan holda amalga oshiriladi.

Boshqa qo‘shimcha imtihon o‘tkazilmaydi.

Erkaklar o‘rtasida (100 m):

🥇1-o‘rin Yangihayot tumani, "Yangi Choshtepa" MFY
🥈2-o‘rin Yakkasaroy tumani, "Shoxjaxon" MFY
🥉3-o‘rin Uchtepa tumani, "Xamdo‘st" MFY

Qizlar o‘rtasida (60 m):
🥇1- o‘rin Yunusobod tumani, "Beg‘ubor" MFY
🥈2-o‘rin Mirzo Ulug‘bek tumani, "Axmad Yugnakiy" MFY
🥉3-o‘rin Yakkasaroy tumani, "Shoxjaxon" MFY

22-26 yosh toifasi bo‘yicha

Erkaklar o‘rtasida (100 m):
🥇1-o‘rin Mirzo Ulug‘bek tumani, "Nur" MFY
🥈2-o‘rin Bektemir tumani, "Yangi Hayot" MFY
🥉3-o‘rin Yangihayot tumani, "Fayzli" MFY

Qizlar o‘rtasida (100 m):
🥇1-o‘rin Mirzo Ulug‘bek tumani, "Axmad Yugnakiy" MFY
🥈2-o‘rin Yangihayot tumani, "Fayzli" MFY
🥉3-o‘rin Shayxontohur tumani, "Bo‘ston" MFY

Erkaklar o‘rtasida (1000 m):
🥇1-o‘rin Mirzo Ulug‘bek tumani, "Nur" MFY
🥈2-o‘rin Chilonzor tumani, "Bekto‘pi" MFY
🥉3-o‘rin Yunusobod tumani, "Sobirobod" MFY

Qizlar o‘rtasida (1000 m):
🥇1-o‘rin Mirzo Ulug‘bek tumani, "Axmad Yugnakiy" MFY
🥈2-o‘rin Yangihayot tumani, "Fayzli" MFY
🥉3-o‘rin Chilonzor tumani, "Xirmon tepa" MFY

27-30 yosh toifasi bo‘yicha

Erkaklar o‘rtasida (100 m):

🥇1-o‘rin Mirobod tumani, "Sariko‘l" MFY
🥈2-o‘rin Olmazor tumani, "Tepago‘zar" MFY
🥉3-o‘rin Olmazor tumani, "Qo‘shtut" MFY

Qizlar o‘rtasida (100 m):

🥇1- o‘rin Yunusobod tumani, "Sevinch" MFY
🥈2-o‘rin Sergeli tumani, "Madadkor" MFY
🥉3-o‘rin Shayxontohur tumani, "Oqilon" MFY

Erkaklar o‘rtasida (1000 m):

🥇1-o‘rin Mirzo Ulug‘bek tumani, "Axmad Donish" MFY
🥈2-o‘rin Yunusobod tumani, "Mexnatobod" MFY
🥉3-o‘rin Yashnobod tumani, "Dilbog‘" MFY

Qizlar o‘rtasida (1000 m):

🥇1-o‘rin Mirobod tumani, "Sariko‘l" MFY
🥈2-o‘rin Sergeli tumani, "Madadkor" MFY
🥉3-o‘rin Olmazor tumani, "Qo‘shtut" MFY

27-30 yosh toifasi bo‘yicha uzunlikka sakrash

Erkaklar o‘rtasida:

🥇1-o‘rin Olmazor tumani, "Tepago‘zar" MFY
🥈2-o‘rin Mirobod tumani, "Sariko‘l" MFY
🥉3-o‘rin Yunusobod tumani, "Mexnatobod" MFY

Qizlar o‘rtasida:

🥇1-o‘rin Sergeli tumani, "Madadkor" MFY
🥈2-o‘rin Yunusobod tumani, "Sevinch" MFY
🥉3-o‘rin Shayxontohur tumani, "Oqilon" MFY
qo‘lga kiritishdi!

🔥G'oliblarni muborakbod etamiz!