@zilolaxayrullayeva

“Sharq va G‘arb san’ati kontekstida Yaponiya san’ati tarixiga nazar”

zilolaxayrullayeva — Mon, 20 Apr 2026 04:07:14 GMT

2026-yil 15-aprel 12-San TAS (sirtqi ta’lim) 23-guruh talabalari bilan
3-juftlikda Tasviriy va amaliy san’at kafedrasi dotsenti M. B. Azimova tomonidan “Yaponiya san’ati tarixi” mavzusida ochiq dars o‘tkazildi. Mazkur dars O‘rta asrlar Sharqiy va G‘arbiy Yevropa san’ati tarixi fani doirasida tashkil etildi.

Ochiq dars davomida talabalar Yaponiya san’atining shakllanish bosqichlari, uning o‘ziga xos xususiyatlari hamda Sharq san’ati taraqqiyotidagi o‘rni haqida batafsil ma’lumot oldilar. Shuningdek, yapon tasviriy va amaliy san’atining asosiy yo‘nalishlari, an’anaviy uslublari hamda tarixiy rivojlanish jarayonlari misollar asosida tahlil qilindi.

Dars interaktiv tarzda tashkil etilib, talabalarning mavzuga bo‘lgan qiziqishini oshirish, mustaqil fikrlash ko‘nikmalarini rivojlantirishga alohida e’tibor qaratildi. Savol-javoblar, taqdimotlar va muhokamalar orqali mavzu yanada mustahkamlandi.

Ochiq dars yuqori saviyada o‘tkazilib, kafedra professor-o‘qituvchilari tomonidan ijobiy baholandi.

“HUNARMAND PORTRETI” MAVZUSIDA OCHIQ DARS BO‘LIB O‘TDI

zilolaxayrullayeva — Thu, 16 Apr 2026 12:30:30 GMT

Joriy yilning 10-aprel kuni Buxoro davlat universiteti Tasviriy va amaliy san’at kafedrasida rangtasvir fanidan “HUNARMAND PORTRETI” mavzusida ochiq dars bo‘lib o‘tdi. Mazkur ochiq dars kafedra dotsenti Shomurodov Oybek Norqulovich tomonidan 1-juftlik 13:00 da 12-1RT-24 guruh talabalari bilan olib borildi. Dars jarayonida talabalar portret ishlashning nazariy va amaliy jihatlari, kompozitsiya tuzish, inson qiyofasini tasvirlash hamda ranglar uyg‘unligini yaratish bo‘yicha bilim va ko‘nikmalarini mustahkamlashdi. Ochiq dars davomida zamonaviy pedagogik texnologiyalardan samarali foydalanildi hamda interfaol usullar asosida mashg‘ulot tashkil etildi. Ishtirok etgan professor-o‘qituvchilar tomonidan dars yuqori saviyada o‘tkazilgani alohida ta’kidlandi.

Tasviriy va amaliy san’at kafedrasida ochiq dars mashg‘uloti o‘tkazildi.

zilolaxayrullayeva — Thu, 16 Apr 2026 12:17:21 GMT

Joriy yilning 16 aprel kuni Tasviriy va amaliy san’at kafedrasi dotsenti Avliyakulova Nafisa Muzafarovna tomonidan 12-1RT guruhi talabalari ishtirokida chizmatasvir fanidan “Inson qomati harakat holatlarini tasvirlash” mavzusida ochiq dars mashg‘uloti tashkil etildi.

Mazkur dars o‘quv ustaxonasida zamonaviy pedagogik yondashuvlar asosida olib borildi. Dars davomida talabalarga inson qomatining turli harakat holatlarini to‘g‘ri tasvirlash, proporsiya va plastika qonuniyatlariga amal qilish, shuningdek, tasviriy ifodaviylikni kuchaytirish bo‘yicha nazariy va amaliy bilimlar berildi. Mashg‘ulot jarayonida talabalar faol ishtirok etib, berilgan topshiriqlarni ijodiy yondashuv asosida bajardilar. Ochiq dars davomida o‘qituvchi tomonidan qo‘llanilgan metodlar, tushuntirish uslubi va amaliy ko‘rsatmalar yuqori saviyada tashkil etilgani kuzatildi.

Dars yakunida ishtirokchilar tomonidan mashg‘ulot yuzasidan fikr-mulohazalar bildirilib, ochiq dars ijobiy baholandi.

“Interyerda rang va yorug‘lik” mavzusida ochiq dars o`tkazildi.

zilolaxayrullayeva — Wed, 15 Apr 2026 05:42:21 GMT

2026-yil 13- aprel kuni Buxoro davlat universiteti Sport va san’at fakulteti Tasviriy va amaliy san'at kafedrasida v.b. dotsent Kadirova Nozima Arifovnaning ochiq darsi tashkil etildi. Mazkur ochiq dars 12-1Dizayn-24 guruh talabalari ishtirokida “Materialshunoslik” fanidan “Interyerda rang va yorug‘lik” mavzusida olib borildi. Dars 2-juftlikda (soat 14:20–15:50) 320-xonada o‘tkazildi.

Ochiq darsning asosiy maqsadi talabalarda interyer muhitida rang va yorug‘likning estetik hamda funksional ahamiyati to‘g‘risida tizimli bilimlarni shakllantirish, ularning o‘zaro uyg‘unligi va kompozitsion yechimlarini ilmiy-nazariy hamda amaliy jihatdan asoslab berishdan iborat bo‘ldi. Dars jarayonida rangshunoslik va yorug‘lik dizayni bo‘yicha nazariy tushunchalar interfaol metodlar orqali yoritildi hamda amaliy misollar asosida mustahkamlandi. Talabalar interyer makonida rang va yorug‘likning psixologik ta’siri, vizual qabul qilinishi hamda funksional rolini tahlil qilishga jalb etildi.

Shuningdek, mashg‘ulot davomida zamonaviy pedagogik texnologiyalar va innovatsion yondashuvlardan samarali foydalanildi. Bu esa talabalarning mustaqil fikrlash, tahlil qilish va ijodiy yondashuv ko‘nikmalarini rivojlantirishga xizmat qildi. Ochiq dars ilmiy-metodik jihatdan puxta tashkil etilgan bo‘lib, unda qo‘yilgan maqsad va vazifalarga to‘liq erishildi. Mazkur ochiq dars talabalarning nazariy bilimlarini amaliyot bilan uyg‘unlashtirish, kasbiy kompetensiyalarini rivojlantirish hamda interyer dizayni yo‘nalishida chuqur bilim hosil qilishda muhim ahamiyat kasb etdi. Dars yuqori ilmiy va metodik saviyada o‘tkazildi.

“Kompozitsiyada ijodiy jarayon mohiyati” mavzusida ochiq dars .

zilolaxayrullayeva — Wed, 15 Apr 2026 05:18:06 GMT

2026-yil 14- aprel kuni 1-smena 1-juftlik (8:30) da Buxoro davlat universiteti Sport va san’at fakulteti Tasviriy va amaliy san'at kafedrasi o'qituvchisi Sulaymonova Muxiba Boltayevna tomonidan 12-1AS(AT)-25 guruh talabalari bilan Rangshunoslik va kompozitsiya fanidan “Kompozitsiyada ijodiy jarayon mohiyati” mavzusida ochiq dars o'tkazildi. Darsda ilmiy terminlarga xos bo'lgan jihatlarga alohida e'tibor qaratildi. Dars mobaynida o’qituvchi tomonidan turli-xil metodlardan foydalangan holda taqdimotlar bilan o’tkazildi. Dars jarayonida o’qituvchi kompozitsiya yaratishda shakl, chiziq, rang, yorug‘lik va soya kabi tasviriy vositalar hamda rassomlarni haqida rassomning g‘oyasi, fikri va his-tuyg‘ularini tomoshabinga yetkazishda asosiy vositalardan biri hisoblanishini darsida aytib o’tildi. Mavzuga doir turli video materiallardan unumli foydalanilgan holda mavzu yoritib berildi.

Talabalar ijodi namoyon bo‘lgan ochiq dars

zilolaxayrullayeva — Wed, 15 Apr 2026 04:50:00 GMT

Talabalar ijodi namoyon bo‘lgan ochiq dars

2026-yil 10-aprel kuni, 2-smena 1-juftlik (soat 13:00 da), ochiq dars Sport va san’at fakulteti Tasviriy va amaliy san’at kafedrasi o‘qituvchisi Rafiyeva Nargiza Abdurazzakovna tomonidan olib borildi. Dars 12-1AS(AT)-24 guruh talabalari ishtirokida “Ashyolarda ishlash” fanidan “Xolstda murakkab kompozitsiya bajarish” mavzusida o‘tkazildi.

Dars jarayonida talabalar murakkab kompozitsiya yaratish bosqichlari, tasviriy ifoda vositalari hamda amaliy ko‘nikmalarni mustahkamlashga qaratilgan mashg‘ulotlarda faol ishtirok etdilar. Ochiq dars yuqori saviyada tashkil etilib, belgilangan maqsadlarga erishildi.

Avliyoqulova Nafisa tomonidan tashkil etilgan “Eng mohir pazanda” to‘garagi

zilolaxayrullayeva — Mon, 30 Mar 2026 07:25:52 GMT

Joriy yilning 27- fevral kunida Tasviriy va amaliy san'at kafedrasi dotsenti N.M.Avliyakulova hamda M.B.Sulaymonovalar tomonidanTTJda istiqomat qiladigan talaba qizlar bilan o‘zbek milliy taomlaridan biri bo‘lgan mazali va foydali moshxo‘rda tayyorlash sir-asrorlari bilan yaqindan tanishadilar. Mashg‘ulot davomida taom uchun kerakli masalliqlarni to‘g‘ri tanlash, ularni tayyorlash va pishirish jarayonidagi muhim bosqichlar amaliy tarzda ko‘rsatib beriladi. To‘garak qatnashchilari nafaqat pazandachilik mahoratini oshiradilar, balki milliy taomlarimizga bo‘lgan qiziqish va hurmatlarini ham yanada mustahkamlaydilar.

AJDODLAR ME’ROSI YOSH AVLOD NIGOHIDA.

zilolaxayrullayeva — Mon, 30 Mar 2026 06:49:34 GMT

2026-yilining 10-mart sanasida Buxoro davlat universiteti Tasviriy va amaliy san’at kafedrasi dotsenti Bakayev Shodijon Shokirovich tomonidan 12-1RT-24 (rangtasvir) yo’nalishi 2-kurs talabalariga “Amaliy san’at turlari” fanidan sayyor dars tashkil qilib o’tkazildi.

Sayyor dars Buxoro amirligi davrida qurilgan yozgi “Moxixossa” yozgi saroyida bolib o’tdi. Dars davomida talabalar amaliy san’at turlari bo’yicha olgan nazariy bilimlarini mustahkamlab, vizual ko’rib tahlil qilish imkoniyati yaratildi. Yozgi saroyda amaliy san’atni ganch o’ymakorligi, naqqoshlik, yog’och o’ymakorligi, kashtachilik, zardo’zlik, mis kаndаkorlik, kulolchilik vа boshqа sаn’аt turlaridа bаjаrilgаn ijod nаmunаlаri bilаn tаnishdilаr.Talaba yoshlar san’at asarlari insonlarga ma’naviy ozuqa olishning asosiy omillaridan biri ekanligiga ishonch hosil qilib qaytdilar.

Tasviriy va amaliy san'at kafedrasida navbatdagi ma'rifat soati.

zilolaxayrullayeva — Tue, 14 Oct 2025 07:59:59 GMT

Bugun Buxoro davlat universiteti San'atshunoslik va pedagogika fakulteti Tasviriy va amaliy san'at kafedrasi professor-o'qituvchilar bilan "Til - millat va ma'naviyat asosi " mavzusida ma'rifat soati o'tkazildi. Ma'rifat soatida fakultet dekani p.f.f.d.(PhD) professor S.S.Azimov kirish so'zi bilan ochib berdi: 1989-yil 21-oktyabr Aynan shu kunda oʻzbek tilining haqiqiy jozibasini anglashni boshlashga imkoniyat berildi. Oʻzbekiston Respublikasi Konstitutsiyasida oʻzbek tili maqomi huquqiy jihatdan mustahkamlandi. Oʻzbek tili haqidagi qonun qabul qilinganidan soʻng barcha davlat hujjatlari oʻzbek tilida yuritila boshlandi. 1993-yil 2-sentyabrda “Lotin tiliga asoslangan oʻzbek alifbosini tuzish toʻgʻrisida”gi qonun qabul qilingandan soʻng, mamlakatimiz har tomonlama rivojlandi va jahon kommunikatsiya tizimidan munosib oʻrin egallashiga yoʻl ochdi. Shu oʻrinda statistik maʼlumotlarga eʼtibor qaratsak: dunyoda 5600 dan ortiq tillar mavjud bo'lib, bundan 200 tasigina davlat tili sifatida qabul qilingan. Ular orasida oʻzbek tili borligi uning naqadar sof, mukammal va jozibadorligining yorqin dalilidir.

Kafedra mudiri dotsent S.S.Abdullayev tomonidan Prezidentimiz SH.M.Mirziyoyevning “Ona tilimiz –milliy ma’naviyatimizning bitmas-tuganmas bulog’idir" deb takidlagan ma`ruzalarini tashviqot qilib, tarixan, ota-bobolarimiz ona tilini asrab-avaylashgan va rivojlantirishga ulkan hissa qo’shgan. Buyuk mutafakkirlar – A.Navoiy, Z.M.Bobur va boshqalar o’zbek tilining boyligi va imkoniyatlarini ilmiy va amaliy jihatdan namoyon etgan. O’zbek tili turkiy tillar oilasiga mansub bo’lib, bizning bebaho boyligimiz haqida ma`ruza o`qidi.

Shu sababli, ona tilimizni hurmat qilish, uni asrab-avaylash, boyitish va avlodlarga yetkazish har birimizning muqaddas burchimizdir. Til millatning tarixiy, madaniy va ma’naviy merosini aks ettiruvchi eng ulug’ boylikdir.

“Amaliy bezak san’ati” to‘garagining navbatdagi mashg‘uloti bo‘lib o‘tdi.

zilolaxayrullayeva — Mon, 13 Oct 2025 11:32:08 GMT

Buxoro davlat universiteti San’atshunoslik va peagogika fakulteti Tasviriy va amaliy san’at kafedrasi dotsenti Sh.Sh. Bakayev tomonidan tashkil etilgan “Amaliy bezak san’ati” to‘garagi 2025-yil 8-oktyabr kuni Talabalar turar joyi 1-bino 1-qavatida navbatdagi mashg‘ulot bo‘lib o‘tdi.

Talaba-yoshlarning bo‘sh vaqtini mazmunli o‘tkazish hamda mutaxassislik doirasida nazariy va amaliy bilimlarni chuqur egallashga va mustahkamlash uchun zamin yaratish. Talaba-yoshlarning iqtidorlarini kengaytirishga g‘oya va ixtirolarini ommalashtirishga, amaliy san’at asarlarini yaratishga har tomonlama ko‘maklashishdi.

Тo‘garak jarayonining belgilangan fan doirasida mustaqil fikrlaydigan, qarorlar qabul qilishga qodir, har tomonlama rivojlangan, mutaxassis kadrni shakllantirishga yo‘naltirildi.

Barcha Buxoro davlat universitet xoxlovchi talabalarini to‘garakka taklif etib qolamiz….