Айдын Раҳимбаев “Дўстлик” ордени билан мукофотланди

BI Group халқаро холдингининг бош ижрочи директори Айдын Раҳимбаев мамлакатда амалга оширилган инвестицион ва ижтимоий лойиҳалардаги катта ҳиссаси учун “Дўстлик” ордени билан тақдирланди.

27 август куни Президенти Шавкат Мирзиёевнинг Фармони билан BI Group халқаро холдингининг бош ижрочи директори (CEO) Айдын Раҳимбаев юксак давлат мукофотларидан бири — “Дўстлик” ордени билан тақдирланди.

Давлат мукофоти Ўзбекистон ҳудудида инвестицион, инфратузилма ва ижтимоий лойиҳаларни амалга оширишга қўшган катта ҳиссаси учун топширилди. Тақдирлаш маросими Ўзбекистон Республикаси Вазирлар Маҳкамаси биносида бўлиб ўтди. Мукофотни Президент номидан Бош вазир ўринбосари Ходжаев Жамшид Абдухакимович топширди.

Сўнгги беш йил ичида холдинг Ўзбекистон қурилиш соҳасининг етакчи компанияларидан бири ва ишончли халқаро ҳамкор сифатида ўз мавқеини мустаҳкамлади. У турар-жой мажмуаларидан тортиб, инфратузилма ва ижтимоий йўналишдаги мураккаб лойиҳаларгача амалга оширишга қодирлигини кўрсатди.

BI Group — қурилиш ва инвестиция соҳасида 30 йиллик тажрибага эга халқаро девелоперлик холдинги. Холдинг АҚШ, БАА ва Ўзбекистонни ҳам ўз ичига олган саккизта давлатда фаолият юритади. Фойдаланишга топширилган кўчмас мулкнинг умумий майдони 8,5 млн м²ни ташкил этади ва 500 мингдан ортиқ киши компания қурган объектларда истиқомат қилади. BI Group AIX ва KASE биржалари листингига киритилган ҳамда халқаро ENR Top-250 Global Contractors рейтингига киради. Холдинг турар-жой ва тижорат объектларини қуриш, шунингдек, инфратузилма ва муҳандислик лойиҳаларини амалга оширишга ихтисослашган.