Kia Sonet ва ADM Global: Ўзбекистон автомобил кластерини маҳаллийлаштирилишига қарийб 260 миллион АҚШ доллари миқдорда сармоя
Ўзбекистон автомобил саноатини фаол ривожлантиришда давом этмоқда. Халқаро брендлар билан стратегик шериклик ва автомобил йиғиш ишлаб чиқарилишига кенг кўламли сармоялар соҳада маҳаллийлаштириш ва технологик ўсишни чуқурлаштириш учун мустаҳкам пойдевор яратмоқда. Ушбу жараённинг асосий ҳаракатлантирувчи кучлардан бири ADM Global компаниялар гуруҳи бўлиб, у юқори технологияли ишлаб чиқаришларни яратиш ва глобал ҳамкорларни жалб қилиш бўйича кенг қамровли стратегияни амалга оширмоқда. Бундай қадамлар натижасида мамлакат халқаро сармоядорларнинг эътиборини тобора кўпроқ жалб этиб, янги саноат кластерларини шакллантирмоқда ҳамда минтақавий автосаноат маркази мақомини ишонч билан мустаҳкамламоқда.
Kia Sonet: Ўзбекистонда саноат ишлаб чиқариши ADM Global компаниялар гуруҳига кирувчи ADM Jizzakh заводи асосий маҳаллийлаштириш майдонига айланиб, у ерда 2024 йил март ойида Kia Sonet моделини саноат миқёсида (CKD) ишлаб чиқариш бошланди.
Лойиҳага киритилган сармояларнинг умумий ҳажми – 258,9 миллион АҚШ доллари.
Шундан:
• 112,8 миллион АҚШ доллари – тўғридан-тўғри сармоялар;
• 146,1 миллион АҚШ доллари – жалб қилинган маблағлар.
CKD линияcининг лойиҳавий қуввати йилига 100 000 донагача автомобилни ташкил этади.
Қўшимча равишда натижа – завод базасида автомобиль компонентлари кластерини яратиш.
Корхонада Kia Sonet’дан ташқари, SKD технологияси бўйича Kia, Chery, Haval ва Hyundai Truck & Bus брендларининг автомобиллари йиғилади. 2021 йилда ишлаб чиқариш майдони ишга туширилганидан бери ADM Jizzakh’да 83 000 дан ортиқ автомобиллар ишлаб чиқарилган.
Лойиҳани молиялаштириш Ўзбекистоннинг етакчи банклари – "Aсакабанк" АЖ, "Ўзмиллийбанк" АЖ, "Ўзсаноатқурилишбанк" АТБ, "Ипак Йўли" АИТБ, "InFinBank" АЖ, шунингдек, бир қатор халқаро молия институтлари, жумладан:
Европа тикланиш ва тараққиёт банки (ЕТТБ); Европа инвестиция банки (ЕИБ); Халқаро тикланиш ва тараққиёт банки (ХТТБ); Нефть экспорт қилувчи мамлакатлар ташкилоти (OPEK); SAMURAI Co, Ltd; Cargill, Inc; International Development Association (IDA) ва бошқалар томонидан амалга оширилди.
Ушбу маблағлар нафақат ишлаб чиқариш қувватларини ривожлантиришга, балки якуний истеъмолчилар учун ҳамёнбоп автокредитлаш дастурларини яратишга ҳам йўналтирилган.
ADM Jizzakh ишлаб чиқариш циклини кенгайтириш ва чуқурлаштиришга сармоя киритишда давом этмоқда:
• Яқин кунларда пресслаш ва катафорез цехларида ишлаб чиқариш йўлга қўйилади.
• Пайвандлаш, бўяш ва йиғиш участкаcини ривожлантириш давом эттирилади.
• Компонентлар импортига қарамликни камайтириш ва маҳаллийлаштириш даражасини оширишга эътибор қаратилади.
Бундан ташқари, 2023 йил бошидан бери ADM Global компаниялар гуруҳи савдо молиялаштиришни жалб қилишда сезиларли ютуқларга эришди. Хитой ва Кореянинг етакчи савдо компанияларидан олинган маблағларнинг умумий ҳажми 134,5 миллион АҚШ долларини ташкил этди. Ушбу маблағлар савдо операцияларини ривожлантириш ва холдингнинг бозордаги мавқеини мустаҳкамлашга йўналтирилган.
Шунингдек, тез орада Япониянинг йирик корпорацияси билан қўшма корхона ташкил этилиши эълон қилиниши кутилмоқда, бу кенгайиш стратегиясининг навбатдаги қадами бўлиб, бизнес учун янги имкониятлар очади.
ADM Global юқори технологияли ишлаб чиқаришларни ташкил этиш ва халқаро ҳамкорларни жалб қилиш бўйича кенг қамровли стратегияни амалга оширмоқда. Бундай саъй-ҳаракатлар туфайли Ўзбекистон барқарор сармоя муҳитини шакллантириб, янги саноат кластерлари учун имкониятлар очиб, минтақавий автосаноат маркази мақомини ишонч билан мустаҳкамламоқда.