“Charm to‘p” futbol musobaqasi g‘oliblari aniqlandi
Turizm va sport vazirligi tashabbusi bilan Namangan viloyati Davlatobod tumanida yurtimiz umumtaʼlim maktablarining o‘quvchilari hamda mahalla yoshlari o‘rtasida anʼanaviy tarzda o‘tkazib kelinayotgan “Charm to‘p” futbol musobaqasining 14-16 yoshli bolalar ishtirokidagi Respublika bosqichi yakun topdi.
“Yosh kuch” va “Navbahor-Umid” o‘yingohida “Ommaviylikdan oliy mahorat sari” tamoyili asosida o‘tkazilgan ushbu turnirda Qoraqalpog‘iston Respublikasi, barcha viloyatlar, shuningdek, Toshkent shahridan jami 14 ta havaskor jamoalar to‘rt guruhga bo‘lingan holda g‘oliblik uchun bahs olib bordilar.
Ushbu “Charm to‘p” anʼanaviy futbol musobaqasida g‘olib jamoalar medal, diplom va qimmatbaho esdalik sovg‘alari bilan taqdirlandi.
Musobaqa finalida viloyatimiz vakillari Jizzah shahar jamoasi ustidan 3:1 hisobida ustun kelib, uchinchi o‘ringa sazovor bo‘ldi.
Andijon viloyati Turizm va sport bosh boshqarmasi axborot xizmati