Ўзбекистон кубоги мусобақаси ғолиблари аниқланди
Ўзбекистон Республикаси ҳудудларида жисмоний тарбия ва оммавий спортни янада ривожлантириш, аҳолининг барча қатламлари, айниқса ёшларни жисмоний тарбия ва спорт билан мунтазам шуғулланишга жалб этиш, мамлакатимизда бу борада яратилган шароитлардан самарали фойдаланиш натижадорлигини ошириш, барча худудларида, айниқса вилоятимизни чекка-чекка туман ва қишлоқ жойларда спортнинг техник ва амалий турларини янада ривожлантириш белгилаб олинган.
Жисмоний тарбия ва спорт билан мунтазам шуғулланишга жалб этиш мақсадида жорий йилнинг 14-17-ноябр кунлари “Ватанпарвар” ташкилоти Улуғнор тумани ўқув спорт техника клуби Кордодромида “Корд авиамодел” спорт турининг 3 та йўналиши бўйича Ўзбекистон Кубоги мусобақалари ташкил этилгани ҳақида аввал хабар қилган эдик.
Улуғнор туманида илк бор ўтказилган “Корд авиамодел” спорти мусобақасида Республикамизнинг 12 та вилоятларидан ташриф буюриган 12 та жамоаларнинг 72 нафар ёш спортчилари Ўзбекистон биринчилиги учун куч синашди.
Муросасиз кечган бахсларда тўпланган балларга асосан Самарқанд вилояти 3900 балл тўплаб биринчи ўринни қўлга киритиб, Ўзбекистон Кубогини қўлга киритди, Тошкент шаҳри 3600 балл тўплаб иккинчи ҳамда Тошкент вилояти жамоаси 2700 бал тўплаб учунчи ўринни қўлга киритишга мувоффақ бўлдилар.
Андижон вилоят ҳокимлиги Матбуот хизмати
www.andijan.uz
------------