[ISV-LAT] Dělajemo privatny monitor iz starogo LCD monitora
Vy hčete nečto iztvoriti iz svojego starogo, nenovogo, LCD monitora, ktory leži bez děla — "špionsky" monitor — jest to, čto vam trěba. Za vsih ljudij tutoj monitor bude izgledati s bělym ekranom, ale za vas ne, ibo budete uživati specialne naočila.
Spis togo, čto je potrěbnym za rabotu:
- LCD monitor,
- Někake naočila,
- Raztvoritelj (někaka tekutina/tečnost za uniščenje něčta),
- Nož za/dlja papira,
- Odvrtka,
- Papirovy ručnik,
- Superklej, lěpilo.
Potrěbny je někaky monitor, ktory vam ne žalj.
Razstavite/razmontujte plastikovu ramku na vzadnoj straně.
Krok 2. Izrěžite polarizacijno pokrytje
Velika množina LCD monitorov ima na steklu dva pokrytja: polarizacijno, za filtrovanje světa, ktorogo ne povinen viděti človek, i matovo antiblěskovo pokrytje. Antiblěskovo pokrytje za nas je nepotrěbno. Polarizacijno pokrytje budemo užiti v naočilah.
Pokrytja trěba rězati po krajam ekrana. Ale ne vse monitory imajut prilěpjene pokrytja — někde jih je dost izjeti/vynjati.
Krok 3. Očistite ekran od kleja/lěpila.
Za to uživajemo močene v raztvoritelju utiraky.
Sberite monitor. Jego už možno testovati/izpytyvati s pomočju polarizacijnogo pokrytja!
Krok 5. Udalite/odstranite stare linzy/sočevice
Za stvorjenje naočil ja jesm užival jednorazove/jednokratne 3D-naočila iz kinoteatra, ale vy možete koristati druge.
Iztisknite stekla ili razstavite naočila, ako to jest možlivo.
Krok 6. Skanujemo, črtimo granicy, izrězajemo
Skanujemo naočila, da by užiti formy stekla za obrazec/probok na razměščenje. Pametajte, že za polarizacijno pokrytje sut važne jejne strane.
Za izrězanje linz/sočevic uživajte nož ili nožice.
Krok 7. Sbirajemo naočila i radujemo se!
