[ISV-LAT] Kak odkryti *.bik fajl iz igry "Prince of Persia Warrior Within"?

Čto imajemo: V igrě Prince of Persia Warrior Within videofajly sut take, že jih nemožno zrěti nikakym programom. Rěšenja:

Prvy variant.

Prvy instrument: někaky HEX redaktor/editor. Ja jesm užil, izkoristal, Bless Hex Editor.

Vtory: někaky videoplejer/videoproigryvatelj, ktory može igrati *.bik fajly ili RAD Video Tools, ako trěba bude konvertovati video v drugy format.

Odkryvajemo *.bik fajl s pomočju HEX redaktora i izčrknujemo/vymazyvajemo prve 30 bajtov do slova "BIK". Shranite, zapišite, tutoj fajl kako novy. Kako rezultat imajemo fajl, ktory možno zrěti.

Tekst, ktory treba izčrknuti, uděljeny je temnym sěrym/sivym kolorom/barvoju/bojeju/cvětom.

Vtory variant.

Napisati skript/instrukciju na někakom programističnom jezyku. Ja jesm vzel Bash (to ne jest jezyk za programovanje) i napisal taky prosty kod:

#!/bin/bash

if [ $# -ne 2 ]; then
    echo "Uzado: $0 eniga_dosiero eliga_dosiero"
    exit 1
fi

eniga_dosiero="$1"
eliga_dosiero="$2"

if [ ! -f "$eniga_dosiero" ]; then
    echo "Eraro: eniga dosiero $eniga_dosiero ne ekzistas"
    exit 1
fi

dd if="$eniga_dosiero" of="$eliga_dosiero" bs=1 skip=30

echo "Dosiero $eniga_dosiero sukcese konservita en $eliga_dosiero"

On [skript] prijmaje nazvu fajla, iz ktorogo je potrěbno izčrknuti prve 30 bajtov, i nazvu novogo fajla. Tym ljudam, ktori uživajut Vindovs, ja ne znam, čto možno užiti, ako hčut brzo konvertovati. Možno podobno dějanje učiniti s pomočju C/C++ ili někakogo programnogo jezyka.

Iztočniky i druge rěšenja:

-[1]: https://forum.ixbt.com/topic.cgi?id=25:20484

-[2]: https://prince-persia.at.ua/news/kak_izvlech_video_iz_warrior_within/2010-01-14-37